▪️(نوحه و زبانحال حضرت علی (ع)در فراق حضرت زهرا(س) 🎼سبک: ای درد بی درمانلارا درمان ابوالفضل... 🌴🌴🌴🌴🌴 ای مرتضی نین غم گونی غمخواری زهرا آتما گوزوندن حیدر کراری زهرا دیندیر علینی غیرتلی یاریم کوسمه علیدن غملی نگاریم سنسیز منه زندان اولار بو صحن خانه نیسگیللرون یاد اییلرم گللم فغانه هجرونده گیزلین آغلارام من یانه یانه گویدون یامان گونده منه بی یاری زهرا دیندیر علینی غیرتلی یاریم کوسمه علیدن غملی نگاریم _ اولدون بو آز عمرونده چوخ باشی بلالی سالدی فلک آخر سنی مندن آرالی گیتدون مزاره قول یارا سینه یارالی یاننام گورنده من درو دیواری زهرا دیندیر علینی غیرتلی یاریم کوسمه علیدن غملی نگاریم _ سنسیز داخی بو گلشنین یوخدور صفاسی بلبلرین عرشه چیخوب صوت و نواسی اولدی حسینیله حسن غم مبتلاسی اولموش بالالار آیریلیق بیماری زهرا دیندیر علینی غیرتلی یاریم کوسمه علیدن غملی نگاریم ___ کلثومیله زینب دییَر هر آن ننم وای سویلًله دائم دردی بی درمان ننم وای قدری کیمی قبری قالان پنهان ننم وای بو آیریلیق درده سالیب قیزلاری زهرا دیندیر علینی غیرتلی یاریم کوسمه علیدن غملی نگاریم ____ هجران اوخین ،نیسگیللرون قلبه تاخیردی غسل ایلینده جسمیوه اَسماء باخیردی سوتوکدو گیجن سینووین قانی آخیردی بیلدیم سینونده وار یارا آثاری زهرا دیندیر علینی غیرتلی یاریم کوسمه علیدن غملی نگاریم ____ آلدیم خبر من فضّه دن بو ماجرانی فاش ایلدی فضّه منه سِرِّ نهانی ئوپدی جفائیله اویانمیش آستانی ویردی نشان قانه باتان مسماری زهرا دیندیر علینی غیرتلی یاریم کوسمه علیدن غملی نگاریم ////____//// ✍بقلم کربلایی شکوری هشترودی تاریخ : ۱۳۹۶/۱۱/۲۱ 🌴🌴🌴🌴🌴🌴🌴🌴 ✨ اَللّهُمَّ عَجِّل لِوَلیِّکَ الفَرَج✨💫

والله انصاف دگول اوستون آچام من بو سوزون بیر قولی قوهّ لی نامرد اولا فکر ایله ئوزون یاری جان بیر خانمون ایلدی قاره گونوزون کوچه ده چکدی عمر صاق طرفه ساری ئوزون خانیمون دامنینی دوتدی حسن یومدی گوزون سیلی سرعتله انوبدی سارالان رخساره ضربه بس مهلکیدی دگدی باشی دیواره 😭😭😭😭😭😭

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی ای آسمان عشق و وفا ماهی باتمسان آسوده یات قرار علی یاخجی یاتمسان دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلون ایوینی اِیلدون خراب باخ گور مزارین اوسته غم بی شماریمی الله بولور که قبره قویاندا نه چکمیشم آچدیم مزارین ایچره گوزوم آبشارینی آغلار گوزوم چاتاشدی ایکی آشنا اله ای پیمبرلره سرور تاندیم الریوی یتیشیب چوخ منه بو الریوین احسانی او امانت که منه ویرمیشیدین آل تحویل من امینم نه ایدیم ایتدی خیانت ثانی وار یادیمدا آنامی دفن ایلین ساعتلر شهرین اهلی نجه دولدوردی بو قبرستانی ‌‌(جنازه فاطمه بنت اسد آماده دفنیدی رسول الله وارد اولدی بیر سوزلر سفارش الدی قبره اوزاندی او قبریده صورا خارج اولدی عباسین چکدی فاطمه بنت اسدین جنازه سینه بویوردی بوجور دفن ایلین امیرالمومنینین او ساعتلر یادینا دوشوبدی ) وار یادیمدا آنامی دفن ایلین ساعتلر شهرین اهلی نجه دولدوردی بو قبرستانی کفن اوستن آنامین جسمین عبا پوش ایلدون خلقه معلوم اولا تا حرمتینین میزانی قیزوین غسلونی من کوینگین اوستن ویردیم بودا بیر داغ جگر اولدی منه کتمانی ال یتیردین منه یاخجی هیچ الیم گلمیردی تپراقین اوسته قویام سیلی دین سیمانی منیم حقیمدی ئولوم فاطمه دوشدی قاباقا 👇👇

▪️▪️▪️▪️▪️ بارالها، هئچ گلی قربانیِ خار ایلمه بااصالت شخصی گوزلردن سالیب، خوار ایلمه هامیا واجبدی همدم، یا که بیر یکرنگ یار هیچ کسی ای مهربان عالمده بی یار ایلمه کافر اولسون یا مسلمان فرقی یوخ، هئچ. بنده نی لطف ائله یارب، بو وانفساده بیمار ایلمه یا که دوشدی بستره بیر بنده جبراً، چاره یوخ لااقل نامردی بیماره پرستار ایلمه.... #بداهه_ناعم اللهم. اشف مرضانا

🍁بسم الله الرحمن الرحیم 🍁 🏴شهادت حضرت زهرا (س)زبانحال حضرت زینب (س)🏴 🎼حسین جان گل علمدارون 🎼هوای جبهه حق قـاپـوسی اوتلانـان حیـران ننـه ام لایـلای ننه ام لایـلای ایدن مسمـار قلبیـن قـان ننـه ام لایـلای ننه ام لایلای ننه ام لایـلای ننه ام لایـلای ننه ام لایلای ننه ام لایـلای سنـین درد غمین چـوخدی سنـیـله آغلیـار زینب سنـه مسمار چون اوخـدی یـاراوی باغلیـار زینب بیـزی تـرک ایـلیوب گئتـمه یـانـار یـاس ساخلیـار زینب گـوزوی آچ اویان بیـرآن ننـه ام لایلای ننه لایـلای ننه ام لایلای ننه ام لایـلای ننه ام لایلای ننه ام لایلای سنـه بـو سیـنیـده مـادر یـاراشمِیور کفـن نیلوم دیوب سیلی یـوزون نیلی یـارالیـدور بدن نـیلوم اَسور جسمین اولوب پرپر اورک دولی محن نیلوم منـیم روح و روانـیم جان ننـه ام لایـلای ننه ام لایـلای ننه ام لایلای ننه ام لایـلای ننه ام لایلای ننه ام لایلای فنـا دنیـانی تـرک ایـدین غمین بیـزه ق‍ـالان اولدی بوآزسینیـده سولـدون وای جوانلیـقـون یـالان اولدی در و دیـوار آراسینـدا یانوب عمرون تـالان اولدی اولـوم احـوالیـوه قـربـان ننـه ام لایـلای ننه ام لایلای ننه ام لایلای ننه ام لایـلای ننه ام لایلای ننه ام لایلای ✍علی اصغر عباسعلی نژاد کیوج سراب التـماس دعا... ✨اَللّهُمَّ عَجِّل لِوَلیِّکَ الفَرَج✨ 👇

‍ ‍ ‍ شهادت حضرت زهرا سلام الله علیها ای قلبیمین آرامش و صبر و قراری آغلار گچر سن سیز علینون روزگاری سینونده یاره گیتدون مزاره بو درده ایلوم ایندی نه چاره سنسیز منه دنیا بویوک زندان اولوبدی قلب شکسته فرقتونده قان اولوبدی همواره پیشم ناله و افغان اولوبدی سینونده یاره گیتدون مزاره بو درده ایلوم ایندی نه چاره طوفان ظلم اسدی شکست اولدی سفینه قورتار میان ضربه دگیب ار کان دینه محسن شهید اولدی سنوب پهلو وسینه سینونده یاره گیتدون مزاره بو درده ایلوم ایندی نه چاره سن سیز حسینیله حسن گل تک سارالدی کلثوم وزینب الری قوینوندا قالدی سن سیز منیم قلبیمی طوفان غم آلدی سینونده یاره گیتدون مزاره بو درده ایلوم ایندی نه چاره دنیای روشن گوزلریمده تار اولوبدی قاتل سنه سیننده کی مسمار اولوبدی یوخ یوخ سنه قاتل در و دیوار اوولوبدی سینونده یاره گیتدون مزاره بو درده ایلوم ایندی نه چاره ای عزت عالم  ندن  سن خوار اولوبسان گه مبتلای ثانی خونخوار اولوبسان گاهی گرفتار در ودیوار اولوبسان سینونده یاره گیتدون مزاره بو درده ایلوم ایندی نه چاره قلبیمده زهرا جان بویوک داغلار قالوبدی کلثوم لن ذینب گوزی آغلار قالوبدی گوررم جفائیلن قاپون باغلی قالوبدی سینونده یاره گیتدون مزاره بو درده ایلوم ایندی نه چاره قنفذ سنه وردی نقدری تازیانه فریاد ایدیب گلدین جفائیلن فغانه تاثیر ایدوب قلبیم دونوب بیر پارچا قانه سینونده یاره گیتدون مزاره بو درده ایلوم ایندی نه چاره محنت لباسین پیکریندن سویمادون سن بیر بالش آسایشه باش قویمادون سن سینونده یاره گیتدون مزاره بو درده ایلوم ایندی نه چاره                          ✨اَللّهُمَّ عَجِّل لِوَلیِّکَ الفَرَج✨💫 👇

آرزوی زیارت کربلا 🌷با مداحی حاج جواد حسن 🌷 ای خدا قلبیمزی راحت ایله خان احسانه بیزی دعوت ایله آقامون عرشیدن اعلا حرمین گورنه گورمینه قسمت ایله🌺 هر کس اولدی دهریده بیر مه لقانون عاشقی منده اولدوم بیر حسین بیر کربلانون عاشقی چوخ حسرتم که قبریوه برگ جواز آلام زوار اولام مزاریوه من امتیاز آلام آب فراتون آخدیقجا موجنه باخام اول ایدوب گلایه صورا دستماز آلام چوخ حسرتم که سیر ایلیم عز و جاهوی من آختارام تاپام او چوخور قتلگاهوی نه قتلگاه سموم خزان اسن یریدی حسینون اللرینی ساربان کسن یریدی نه قتلگاه اورکلر کباب اولان یریدی حسین محاسینی قانلا خضاب اولان یریدی🌷🌷 ۱۴۰۳/۸/۱

حسین نوکری یم حسین نوکری یم نیلورم   ثروت   و   سرمایه    حسین   نوکریم اگمرم    باش  ایکی  دنیایه   حسین    نوکریم قویمارام    مکریله    سوز   نردبانین     آسمانا هر کیمون    همتی   وار  حاجتی  یوخ    نردبانا التفات     ایلمرم      سلطانا      خاقانه      خانا بیر  شهون   نوکریم  که   آدی سیغماز    جهانا یتمیشم   منصب   عظمایه    حسین     نوکریم آقامون   عشقی  منیم  روحیمی  بی باك  ایلیب یوزومی   بیر سوزومی  بیر آدیمی  پاك   ایلیب طبعیمی   تیغ   خطر  ساز   و  شررناك   ایلیب چوخ  شقی لر   اورگین شعرلریم  چاك  ایلیب چوخ سوزوم اوخ ویریب اعدایه حسین نوکریم کربلا    عاشقیم   خون   و    شهادت    سسیم بی مدد     پادشهین       ملتمس        بیکسیم نه   مسیحم    نه ده کی   جنته   خاطر    اَسیم باخمارام کوثره من، چون که حسین تشنه سیم تشنه دور  روحیم  او   مولایه   حسین  نوکریم هر یوزه  آی   پاراسی  هر  گوزه  شهلا  دیمرم لاشه خور   قوشلارا  مرغان   شکر خا   دیمرم پایمال    اولسام    اگر   آلچاقا   اعلا    دیمرم معصیتدور   بو   دیمک   یا   ئولرم   یا  دیمرم ویرمرم     ناحقه    پیرایه    حسین      نوکریم نیلورم     مرتبه    و    منصب   و   نام  و  لقبی فضل   اگر   اولسا  ، ایدر  عالمه   چوپانی  نبی شرف   و    شأن    ویرر   انسانا   علم  و  ادبی ور  نه   بیردور   بشر   اعجم   و   کلب   عربی عربی  عشق   و  عجم   پایه   حسین   نوکریم فخر   ایدر   بلبل   شیدا  که   گُله   نغمه  گرم لیک   گلدنده    گوزل   وار  من   اونا   مفتخرم سن   دولان   باغلاری بستانلاری ای اهل کرم منده    مولا    آدینی   هی   یازارام  هی  اوپرم ایدرم   فخر   او   مسیحایه   حسین    نوکریم او   شه   تشنه دی    شأنیم   شرفیم   منزلتیم او   شهون کپریگینه   باغلیدی  جان   و جهتیم اودی عشقیم  اودی مشقیم اودی ذات و صفتیم بیر توکین  ویرسم  ایکی  عالمه  یوخ  معرفتیم عارفم    حسن    دلارایه     حسین      نوکریم او  بیر  انساندی که  آی   واله  اولار   صورتینه آسمان    خم   ایلیب   قدین    اونون   حرمتنه چیخسا  عیسی گُویه ده   چاتماز  اونون  دولتنه بیر  گون   ایکاش    قویام   صورتیمی   تربتنه دیم   ای  شمس   جنان   سایه حسین نوکریم او  بیر  انساندی که   یرده  گُویی مهمان  ایلیر بیر   نظر   سالسا    گلستانی    گُلستان    ایلیر داشی  گوهر  ،  اودی کوثر ، جسدی جان ایلیر چاره سیز  دردون  اگر  اولسا   او  درمان  ایلیر آگه    اول   سویله    اطبایه   حسین    نوکریم رتبه سین  بیلمز   اونین   بیلمسه کیم  سرّ مگو آدینی    سویلَمگه    عاشقه    واجبدی     وضو مولری   اصلده   عشق  آیه  سیدی  اسمده  مو وصف    ائدر   لبلرینی  فاطمه   ، حلقومنی   هو دیرم    منده   او     زیبایه   حسین      نوکریم نه    فقط   بنده    غلامم   او   شه   تشنه   لبه جبرئیلون    جانی    نوکردی    او   معنا    نسبه بیرده   باخ    ماه    بنی هاشم   او   شیر  عربه گور   نئجه   اَلده    امان   نامه   گلن     بی ادبه دیور    ای   رذلِ   فرو  مایه  ، حسین    نوکریم ** عسگر شاهی اردبیلی برچسب‌ها: عسگر شاهی اردبیلی