استمــداد حضرت ابوالفــضل (ع) امدایمه گل ای شه خـوبان آتام اوغلی عباسون اولوب دینینه قربان آتام اوغلی ای سینه سی مخزن اولان اسرارخدایه الله سنی خلــق ایلدی سرور شهـدایه کیم جان وئره کویونده یترعرش خدایه جنتـده تاپار عــزت شـایان آتام اوغلی ای پادشــه جن وملــک عـالمه مولا وی مالک اولان ملـُک دله زاده زهـرا بوعلته امداده چـاغوردی سنی ســقا جانانیـنه جان ایلیـه قـربان آتام اوغلی کسدی یوــلومی فــرقه اشــرار زمانه جوریله کمــاندار اوخونی قویدی کمانه سومشگـینه ویردی گتوروبدورمنی جانه گوزیاشیمی دشمن ائلیوب قان آتام اوغلی سقایم ئوزوم سیدی عطشان ئولورم گل گــوزلور یولوی دیده گـریان ئولورم گل رخساریمی یکسربوریوب قان ئولورم گل تعجـیل ائله ای سرورخوبان آتام اوغلی ای شمس هـُدا منـبع ایمان و معـانی گلسـن دییـرم دلده اولان سـّر نهـانی زینب باجیمـاکشف ائلــمه بوجـریانی قولسوزیخلوب قارداشی عطشان آتام اوغلی عباسون اون یدی شقی دورسین آلدی پرسیزقالان عنقاکیمی آتدان یره سالدی اشـرارین الیـنده یارالی پیکـری قالدی رحم ائتمدی قارداشوا عدوان آتام اوغلی دیداروه بوحالیــده مـولا هــوسیم وار فخـریم بودی بیرسن کیمی فریادرسیم وار بیریولدا ده قارداش منه تاکی نفسیـم وار محـتاج نـوالم ائلــه احسان آتام اوغلی عشقونده آخان گوزیاشیم ایمدی سله بنزر گلشـن کیمی جیسمیمده یارالارگله بنـزر باش باشه چاتان سینده اوخ سنبله بنـزر اولمازبئله بیرعـالی گلستـان آتام اوغلی یوخ طاقتیم ازبس که دگوبدی منه یاره گل گورنجه قارداش النوراشگیم عـذاره ایستورسنی گوگلوم گوره بولحظه دوباره امیدیمی گل ایلمـه حـرمان آتام اوغلی آتدان یخــلاندا یوزوم اوستونده تـُرابه قالدی ایاقیم چخـمادی بنداولدی رکابه یرده سورونوبدی بدنیـم دوشدی عذابه معنـاده آنان اولدی نواخوان آتام اوغلی پیغمـبررحمت قـیزی انسیه ی حـورا طــاقت گتوره بولمدی بومحنت گـویا امرایلــدی آتدان یخــلاندا منه زهـرا قارداش چاغورام من سنی الان آتام اوغلی چوخلاریازوب عبـاسه(جـوانی)بوردیفی حاشـااولا بونوحه اواشعـارون حریفـی لطف ائتدی حسینون سنه سـقای شریفی بوشعـری که اولدی بئله عنوان آتام اوغل

🌾🌿🌾 #توئیت یـادت بـاشه... ⇩ از هر دستے بدۍ از همون دست پس ميگيرۍ... ﻣﮕـﺮ میﺷﻮﺩ,,, قلبے ﺭﺍ #بشڪنے!! ﻭ قلبت شڪسته ﻧﺸـﻮد؟؟ ☄‍ مگر میﺷﻮﺩ,,, چشمے ﺭﺍ #ﮔﺮﯾﺎﻥ_ڪنی!! ﻭ ﭼﺸﻤﺖ ﮔﺮﯾـﺎﻥ ﻧﺸﻮﺩ ؟؟ مگرمیﺷﻮﺩ,,, ﺫهنے ﺭﺍ #ﭘﺮﯾﺸﺎﻥ_ڪنی!! ﻭ ﺫهنت ﭘﺮﯾﺸـﺎﻥ ﻧﺸﻮﺩ ؟؟ ☄‍ ﻣﮕﺮ میﺷﻮﺩ,,, ﺍﺣﺴﺎسی ﺭﺍ #ﺑﺴﻮﺯﺍنی!! ﻭ ﺍﺣﺴﺎست ﺳﻮخته ﻧﺸﻮﺩ؟؟ """""ﻣﮕــﺮ ﻣﯽ ﺷـــﻮﺩ """"" بیشتر مواظب باش این دنیا بی‌قانون نیست👌 ☄‍ «وخداوند درحسابرسی، #سریع است» 🌾🌿🌾

خطاب به فرات بیاد کربلا و علقمه از بس که واردی دیلده حسینین محبتی گوز اسلانار هاچان دیله گلسه سو صحبتی هر کس که کر بلاده باخار نهر علقمه دیلده سو صحبتین ائدر اهسته زمزمه اهسته عرض ائدر دونسن قانه ای فرات اخدین ندندی کوه و بیابانه ای فرات تا نایل اولدی حضرت زینب زیارته باخدی فراته یاندی دیل آچدی شکایته ای اود کیمی یانان دلیمی یاندیران فرات آخما بو قدری صبر ائله بیر آز دایان فرات باخ گوزلریمده اشکه که زمزم کیمی جوشور باخ دردیمه که صبریمی ائیلییر تالان فرات حشره کیمی اورکلری یاندیر کباب ائله چون تشنه قانه باتدی شه انس و جان فرات آخ حسرتیله چوللره گلمه فغانه چوخ آسوده اول که گلشنیم اولدی خزان فرات قرخ گوندی سونمیوب عطشیم قلبیم اودلانیر صبریم قوتاردی یوخ داخی دیلده توان فرات آخدوقجا داغلی قلبیمیزی داغلییر سویون باخدوقجا تیر غم منی ائیلییر نشان فرات منع ائتدیلر سنین سویونو آل حیدره کام آلدی چاتدی مقصدینه کوفیان فرات آلعبا نی مشکله سالدون بلا گونی یاندی عطش شرارینه پیر و جوان فرات سولدی سارالدی گوللریمه سو تاپولمادی اوز قانین ایچدی سو یئرینه باغبان فرات علت ندور حسینمه سن قسمت اولمادین تا حشره جک اورکلریمیز اولدی قان فرات اوخ مشکه دگدی بیلمدین عباسه نئیله دی شرمنده اولدی حشره تک اول قهرمان فرات بیر بیر کمکلریم قانینا باتدی ظلمله لب تشنه وئردیلر هاموسی امتحان فرات باخدوقجا کربلایه نئجه یانماسین رباب اصغر غمینده ائیلوری نی تک فغان فرات دنیاده هر ندن بالا داغی یامان اولار اوغلی ئولن غمین ائده بیلمز نهان فرات لب تشنه صودامر بالانی لشگر اوخلادی حتی او طفله اولمادی سنده امان فرات انصافلی اوچی اوخلاماز آهو بالاسینی ایکاش نه اوخ اولیدی نه الده کمان فرات احسان ائدله رسمیدی سو ایسته سه بیری اما منیم بالام اوخا اولدی نشان فرات وقتی نشانه ائتدی ستم تیری اصغری قان آغلادی او محنته هفت آسمان فرات قلبیمده چوخ دی درد و غمیم نیسگلیم منیم عارف اولان بیلر، غمیم اولماز عیان فرات لب تشنه کسدیلر باشینی نورعینمین باشیم آغاردی قدیمی اولوبدور کمان فرات گلدیم عزیز ئولنلریمین اربعینینه غم شرحینی گوزوم یاشی ائلییر بیان فرات گوز کاسه سینده قارداشیما سو گتیرمیشم وار دیلده درد و ممحنت و رنج گران فرات کربلا مصیبتی یاتددان چیخان دگیل سندن واریم گلایه منیم هر زمان فرات هر بیر گورن دییر: دونه سن قانه ای فرات صحرالره نه علته اولدون روان فرات سندن رباب ایچمسه سو مندن ایچمرم لب تشنه آغلارام نقدر واردی جان فرات فریاد و الامان غم هجرانیدن امان یاندیم امان،امان، امان ، اَلامان فرات https://eitaa.com/kobradsg

زبانحال زینب(س) در قتلگاه قارداش یاسوندا نظم جهان بَرهَم آغلیار سُکّان عَرشه نَصب اولونان پرچم  آغلیار غم چَترینی آچوبدی فلک بو مکانیده درد آغلیار بو حالووَه قارداش غم آغلیار اولمازسنون کیمی اوروج اَلده ئولن اَخا آدون گلنده ، مَحرم  و نامَحرم  آغلیار آخر  وداعووِین  هَله ده داغی سینه دَه داغلار بو نسگیلونده سنه هردَم آغلیار کرب و بلایه گلسه اگر قاره بیر  دومان گوز یاشیمه باخاندا  اودا نَم نَم  آغلیار دور  باخ  رَشیده زینبوون  روزگارینه ایندی اولوبدی گور نجه قَدّی خَم آغلیار کرب وبلاده قالماقا یوخ قسمتیم حسین داغ داش اولار بو یولدا منه هَمدم آغلیار قوی تاپشوروم جَنازووِی صُبحون نَسیمینه عطرون یایلسا گُلشن اَرا  شبنم  آغلیار قاره یل اَسدی توز بورودی گُل جنازووی باغلانمیان  یارالارووا  مَرهم   آغلیار لیلایلن  رباب  یانان  خیمه گاهیده اوغلی ئولنلرون سنیچون باهم آغلیار (نادر)یازاندا خون دلیله بو نوحه نی گوردی که اَلده خامه دوتوب ماتم آغلیار https://eitaa.com/kobradsg

قالدی خندان گل لریم سنده امانت کربلا من خداحافظ حسینی ساخلا راحت کربلا من گلن گوندن بورا آماج درد ایتدون منی هر مصیبت هر غمه دوتدون پسند ایتدون منی قارداشمدان آیری سالدون دردمند ایتدون منی ایتدون ئوز تپراقوی کنز سعادت کربلا ای مقدس یر ویرن ای دائما اسلامه پاس تربت پاکون جنان و کعبه اولماز قیاس سنده کی قان دجله سیندن قوزانار بیر انعکاس پخش ائدر آفاقه انوار هدایت کربلا کربلا سنده دئمه یتمیش ایکی قربان یاتوب کلمه توحیده دی بیر عده پشتیبان یاتوب جلوه گاه عشقده جانانه وئرمیش جان یاتوب اولمیبسان بی جهت محراب حاجت کربلا منکه ناچارم گئدم اکبر سنون لیلا منیم ساخلا دامادی عروسی منده واویلا منیم سنده اولدوزلار قرانلوقدان دولی دنیا منیم منده عابد سنده ده شاه شهادت کربلا چخدی اهل کینه سنده ظلمده اندازه دن سالدیلار غربتده اوراق حقی شیرازه دن آتلارا جولان وئروب منکوب ائدوبلر تازه دن سنده شاهد سن ئوزون ایله قضاوت کربلا کسدیلر سنده فرات اوستونده سقانین یولون سالدیلار ظلمیله نخلستاندا قولدان صاق صولون یاخشی شافع ایلدون زهرا ایچون بر جوت قولون یوم وانفساده اسباب شفاعت کربلا ایندی شامه عازمم قول باغلی اعدایه اسیر منله وار هشتاده دین عورت اوشاق خرد و کبیر سرپرستی بیر منم بیرده یانان تبدار امیر وار نه اندازه ولی اهل عداوت کربلا خادمون " شاکر " نه مدتور دوشوب سندن اوزاق آزقالور چخسون یادیندان سنده کی صحن ورواق ایستدیم اللهیدن منده یتردیم اشتیاق قسمت اولسون بیرده دوران زیارت کربلا

مناجات با امام زمان عج زمزمه #سبک دوباره مرغ روحم عالم گلوب فغانه گل داده یابن الزهرا لرزه دوشوب جهانه گل داده یابن الزهرا آغلار گوزون فداسی ای پادشاه هستی گلمز دلیم بیانه گل داده یابن الزهرا دنیانی غم دوتوبدی برپا اولوب قیامت حجاج بویاندی قانه گل داده یابن الزهرا قاره گئیوبدی یکسر پیرو جوان ایران دوشدی بوسوز زبانه گل داده یابن الزهرا بادمخالف اسدی دشت منایه مولا سس چخدی آسمانه گل داده یابن الزهرا آغ پیرهن بویاندی لاله قانا بدنده صدمه یتشدی جانه گل داده یابن الزهرا اعلان ماتم اولدی یرگوی قرا گئیندی دل باشلادی ترانه گل داده یابن الزهرا قانه دونن اورک لر یاپراق مثالی اسدی سس گیتدی کهکشانه گل داده یابن الزهرا نی تک هامی سیزلدارمولای من یوبانما گل لر گیدوب خزانه گل داده یابن الزهرا گوزلر قالوبدی یولدا بیرعده دن خبر یوخ ای رهبریگانه گل داده یابن الزهرا لاله کیمی قانیلان گوز کاسه سی دولوبدی جاری اولار هر آنه گل داده یابن الزهرا ویرم قسم اوشخصه گودال قتلگهده سس سالدی کهکشانه گل داده یابن الزهرا خاموش اولوبدی مولا چوخ ایولرین چراغی ناله گیدور کرانه گل داده یابن الزهرا آقای من نقدری قلبونده بس دوزوم وار برهمدی  آشیا نه گل داده یابن الزهرا ال سینه ده دولانما پژمرده گل مثالی ای صاحب زمانه گل داده یابن الزهرا (شاکر)

عرض ارادت به امام حسین ع 🌷با مداحی حاج جواد حسن 🌷 ۱۴۰۳/۸/۸ اولموشام عشقیده دیوانه حسین وای دییرم ایلرم نوحه مستانه حسین وای دییرم قبله گاهیمدی منیم طاق دو ابروی حسین حبل عشقیمدی منیم سلسله موی حسین ویرسه لر جنتی یکسر منه بی روی حسین باخمارام روضه رضوانه حسین وای دییرم🌺🌺🌺🌺🌺🌺🌺 یا حسین گل آدیوی ورد زبان ایلمیشم اشگیمی شوقیله عشقونده روان ایلمیشم کربلا حسرتی قلبیمده قالوبدور آقا جان قبریون هجرینه بو قلبیمی قان ایلمیشم 🌺🌺🌺🌺🌺🌺🌺🌺🌺 روحیمی غم منجنیقی ای خلیل حق سیخار صبر سر حدین فراقونده گوزوم یاشی یخار کربلا آدی گلنده هوش باشیمدن چیخار هرکس اولدی دهریده بیر مه لقانون عاشقی منده اولدوم بیر حسین بیر حسینون عاشقی 🌺🌺🌺🌺🌺🌺🌺🌺 بیرده گورسیدیم اگر بالای سرده دورموشام کاسه چشمی سرشگ چشمیله دولدورموشام اکبره پائین پاده بزم ماتم قورموشام 🌺🌺🌺🌺🌺🌺🌺🌺

زبانحال حضرت زینب (س) به مادرش -اوخشاما زمانه دن      دویان     نه نه منی   یتیم    قویان     نه نه سنه      دویونجا     آغلارام یارالی    باغری  قان   نه نه * زمانه نی      خراب        اولا جوانه       گوللری      صولا بو    زینبون   نه    وقتی دور ساچین    آلا      اَله      یولا **** دور گور نه  حاله  قالمیشام غمونده    من   سارالمیشام اوشاقلقیمدا     آی      نه نه قرا      باشیما     سالمیشام * غمونده    سینه     داغلارام باشیمه     قاره      باغلارام او   قانلی   کوینگون    نه نه آلوب       الیمه        آغلارام **** عزا    لباسین      سویمارام چوخ  آغلاسامدا  دویمارام محسن  شهید   اولان   یره ایاق     ئولونجه    قویمارام * زمانه نین    صفاسی    یوخ وفاسی  یوخ  جفاسی  چوخ سینه ن    یاراسی     قلبیمه اولوبدی   بیر   جفالی   اوخ قاپیسی   ای   یانان    نه نه قابیر قاسی   سینان    نه نه سنی  حسن  حسین   جانی گوز  آشگیلان  اویان   نه نه ** قامتی   ای    کمان      نه نه زمانه دن     دویان      نه نه صولوب  سارالمشام سنون غمونده  من    اینان    نه نه * مونسی  ای    مُحَن     نه نه غریبه   جان    وئرن    نه نه بو   دنیادا    سنون    کیمین یوخدی  غریب  ئولن  نه نه * ایشیم  اولوب  فغان   نه نه وفالی       مهربان       نه نه زینبون    ئولسه    حقّی  وار قبرون  اولوب   نهان   نه نه **** سن    ای    آنا    وفالیسان پیمبرین             مارالیسان هیچ دئمه دین ئولونجه سن که    سینه دن    یارالیسان * سندن         آنا        آرالییام گور    نه     باشی    بلالییام درد      و     غمِ     فراقیدن دیلدن        آنا       یارالییام

🌼🌸🍃 💐🌺 🍃 ولادت حضرت زینب سلام الله علیها به قلم :حاج اصغر فرشچی (عدلی تبریزی) سبک: از نگاه یاران به یاران ندا می رسد گول آچوب ولایت "باغیندا " گول حیدری زِینِ اَب آدیندا" حسینون گوزل خواهری مقدمی مبارک" مبارک" مبار ک" اولا شوره گلدی بلبل "گول اوسته" اولوب بیقرار عطریله دولوبدی" گولوستان" اولوبدی خمار کلک قدرت حق " ائدوبدی " بویوک شاهکار گول آچوب ولایت "باغیندا " گول حیدری فاطمه علیمه" اولوبدی "اونون مادری مقدمی مبارک" مبارک "مبار ک" اولا دُخت مُصطفایه / ایدوبدور ٫خداسی عَطا بیر صَدف ویروبدور٫ ایچنده ٫ دُر پُربَها عاشقان دیسونلر بو گونده " اونا مَرحبا گول آچوب ولایت "باغیندا " گول حیدری حانیه فریده" اولوبدی " اونون مادری مقدمی مبارک" مبارک "مبار ک" اولا مَعدن شُجاعت "صَلابت" شهامتدی بو مَسلک و مَرامی" رَهِ حق" ولایتدی بو معنی شکیب و" بلاغت "هدایتدی بو گول آچوب ولایت "باغیندا " گول حیدری طاهره عزیزه" اولوبدی اونون مادری مقدمی مبارک" مبارک" مبار ک" اولا شیعه لر ایدوللر" آدینی "بو گون زمزمه آدینه توسل "کیم ایتسه "سُوَر فاطمه لطف ایدر خداوند "بو یرده "تمام حاضره گول آچوب ولایت "باغیندا " گول حیدری والهه وحیده " اولوبدی " بونون مادری مقدمی مبارک" مبارک" مبار ک" اولا درگهینده "شاهان" وزیران "اولالار گدا حاجت ایستینلر" صفادن " تاپالار دوا اذن خالقیله "مریضه "ویرر بو شفا گول آچوب ولایت "باغیندا " گول حیدری صادقه زکیّه " اولوبدی " بونون مادری مقدمی مبارک" مبارک" مبار ک" اولا گوللنوب گولوستان"دوباره" اولوب لاله زار ساقیا اوجامی " پیاپی" ویر اولدی بهار عاشق حسیندی٫ حسینه "٫ وفا دار اولار گول آچوب ولایت "باغیندا " گول حیدری ساجده شهیده" اولوبدی " اونون مادری مقدمی مبارک" مبارک" مبار ک" اولا کربلاده بیرگون "حمایت "ایدرقارداشا اُول بلا چولونده " قضادن "چکرچوخ بلا فکرو ذکری امّا "همیشه "اولار َربّنا گول آچوب ولایت باغیندا گول حیدری فاصله سعیده "اولوبدی "بونون‌ مادری مقدمی مبارک" مبارک" مبار ک" اولا گرچه خادمِ رو "سیه سن" شه ِعالمه مهدی گلسه (عدلی) "بو اوضاع " تاپارخاتمه حشر اولاندا قوخما" شفیعه "اولار فاطمه گول آچوب ولایت "باغیندا " گول حیدری ناعمه رشیده" اولوبدی " بونون مادری زینِ اَب آدیندا" حسینون گوزل خواهری https://eitaa.com/kobradsg

‍ تقدیم به خدمتگزاران اهلبیت فداییان حضرت زینب س وتمام زائران کربلا ----------------------------- مدعی یاوه دئمه دهریده بیداد ائلمه بسدی ای خانه خراب دغدغه ایجاد ائلمه بو قرا کوینگه ، یوم آغزیوی ایراد ائلمه بیز حسین نوکریوک بزم عزایه گئده روک سن گئین قیرمزی، بیزقاره میزه فخرائده روک ----------------------------- بو قرا کوینگی بیل شاءن و شرافتدی بیزه عشقیلن ئولمگیمیز عین شهادتدی بیزه آقام  عباسین  آدی  موجد  غیرتدی  بیزه شیعیه  تور توخوسون غیضیله دیلدن اسروک قانیمیز جوشه گله نسلوزی یئردن کسروک ------------------------------ داعشی بند دیلون پاره لییر هیبتیمیز مرکز  نشر  ولایتدی  عزا  هیئتیمیز یاابالفضل چاغیراق جوشه گلر غیرتیمیز عاقبت فتنه روش قلبیزی ، حق غمله سیخار ائویزی فاطمه نین قولسوز علمداری ییخار ----------------------------- ای اولان فرقه تکفیری و رسوای  جهان گمرهه پست و کج اندیشه و کج فهم زمان شمره  لبیک  دییب  دامن  ابلیسی  دوتان حقه خاطر کسیلن باش گله ائتمز یارادان قدمون ایرانا قویسون ایکی بولییک آرادان ------------------------------- هره میز مملکت عشقه سفیروک تانییون حامی واقعه ی  روز  غدیروک  تانییون شیریدی رهبریمیز پنجه ی شیروک تانییون موسیه قلبه دمشقین حرمین طور ائده روک زینبین قبرینه کیم چپ باخا گر کور ائده روک. مداح استادطالبی

زبانحال حضرت زینب (س) در شب شهادت حضرت زهرا (س) سبکها :: ئوزوم گوردوم قاپوم یاندی... بزن بر سینه ... اولان ای آیت کوثر خداحافظ خدا حافظ ولایت بحرینه گوهر خدا حافظ خدا حافظ سولان گلزار غم لرده محبّت نخلینه هسته هارا عازم سن ای مادر قارانلوق شبده دلخسته دایان بیرآز سحر اولسون یولا دوش گوزلریم اوسته گیت ای محبوبۀ داور خدا حافظ خدا حافظ گوزوم یاشین بو فرقتده نجه اوخشاتمیوم ابره سنی گزلین غریب لر تک آتام ایستور قویا قبره دیوللر آغلاما زینب اوزون مایل ایله صبره دوزر زینب نجه  مادر خدا حافظ خدا حافظ بیر اللی سن قنوت دوتدون نچه وقت لر نماز اوسته بالان محسن شهید اولدی ایدوبدور روحووی خسته یارالی جسمون حمل اولسون گرک آهسته آهسته آغاردان زُلفُنی یکسر خداحافظ  خداحافظ ویروب سیلی سنه  ثانی ابوبکر حقوی داندی ولایت امری اوستونده جفایه درگهون یاندی سنون سینن یارالاندی بابام قوللاری باغلاندی کساء ایچره اولان محور خداحافظ  خداحافظ فشار در سنی سالدی ننه بیر آیری اندامه زبس دوزدون سن آلامه دونوبدور گوندوزون شامه جوانلیقیدا سولوب گل تک یتیشدی عمرون اتمامه سمای عصمته اختر خداحافظ  خداحافظ آتان رحلت ایدن گوندن مریض اولدون جفا چکدون وفا رسمینده آگاهم آنا هر نه بلا چکدون که سنسن صفحۀ دلده منه نقش وفا چکدون چتین وقت حیدره یاور خداحافظ  خداحافظ دایان بیرلحظه ناظر اول آخان گوز یاشیمه مادر گلر سندن صورا بوللم نلر بو باشیمه مادر شریک نهضت اولّام من حسین قارداشیمه مادر منم دین مُلکونه لنگر خداحافظ  خداحافظ سنون ایتگین اولان قبرون سالار چون (عدلنی) درده بولن اولماز اونون دردین چکر درد اوستونه پرده دوتار بزم عزا آغلار توکر اشگین رُخ زرده اولار درگاهیوه نوکر خداحافظ  خداحافظ 🌿🌿🌿🌿🌿🌿🌿🏴