زبانحال حضرت علی (ع)  در فراق حضرت زهرا (س)از آقای هادی ای مسافر  گوزوم  سنه  قربان اولا ایوندن دوشوبسن گجه یاری یولا مهــلاً  مهــلا بی کس زهرا بیرگوزآچ ویر صدا مَلین زینبه          صورتین اشگینـه بلین  زینبه تخت تابوتون دالسیجان قاچان        گوزیاشین صورته الین  زینبه مهــلاً  مهــلا        بی کس زهرا ناز پرورحسین نجه گور آغلیور     گوز یاشین سارالمش یوزینه باغلیور داغ چکوب قلبینه آنا سیزلیق غمی   داغلانان قلبیمی ناله سی داغلیور مهــلاً  مهــلا        بی کس زهرا بو ی  هجرانـوی  بالالار  آلـدیلار      دورت گلون دورت بالون ننه سیز قالدیلار قهر ایدنلر کیمی گیدوسن نیمه شب       باشـلارا  قیزلارون  قـروی  سـالدیلار مهــلاً  مهــلا        بی کس زهرا یوروبدورجسموی بلورم یاره لر      سینه یارون اولوب من کیمی دیده تر نصف شب ئوز مداروی ترک ایدورسن         دورت ستارون قالور باتوسان ای قمر مهــلاً  مهــلا        بی کس زهرا هیچ آنا سن کیمی بالاسین آتمیوب    بحر غمده اوزوب ساحله چاتمیوب سن علی عمرینون تز باتان ماهی سن     آیدا سن تک بئله غصه لی باتمیوب مهــلاً  مهــلا        بی کس زهرا عرش امیدیدن دوزدی که آخموسان      خاتم هجروی بارماقا تاخموسان خسته جیرانلارون ملشور فاطمه     بیر دونوب قان دولان گوزیلن باخموسان مهــلاً  مهــلا        بی کس زهرا ایویمون زینتی گـوزلی  فاطمه           عشقیمون غصه لی غزلی فاطمه غم هجرون منه داخی تلخ ایلدی        اوّل  و  آخـری  ازلـی  فاطمه مهــلاً  مهــلا        بی کس زهرا سن منیم قلبیمون قیریلان تاریسن             سن منیم عمریمون باغینون باریسن ندن قویدون منی  بی کمک فاطمه         حیدرین   همدمی   یارالی  یاریسن مهــلاً  مهــلا        بی کس زهرا سن چراغ دلین جوهری یاغی سن       اورگ   امیـدینون   گلشن  باغی سن ولی ایندی گرک دئیم آی فاطمه          قلبیمون باشینون توختاماز داغی سن مهــلاً  مهــلا        بی کس زهرا سن سنق نی لره غصه لی ناله سن             سن گوزومدن دوشن غملی بیر ژاله سن سن اوجالتدون منی، سن قوجالتدون       عمریمون  فصلینه  تز  سولان  لاله سن مهــلاً  مهــلا        بی کس زهرا یارالی آهو تک مَلَرم فاطمه                    گوز یاشین یولوا اَلَرم فاطمه تخت تابوتیده سفر اوستنده سن              من دالونجا مَلر گلرم فاطمه مهــلاً  مهــلا        بی کس زهرا

🌹🌹🌹🌹 🌹🌹🌹 🌹🌹 🌹 #زبانحال_امیرالمومنین_علی_ع غمدن سِپهر دیده تر پر ستاره دی دامان ذوق و شوقوم اودور ماهپاره دی گُلزار عشق مرتَضوی فکریمه دوشوب چنگ توسلوم خانما راه چاره دی آیینه خیالیده تصویر یار وار سوز نهان دل اودی کیم پر شراره دی بالین دخت احمدی پر نور ایدوب علی فکریم بودور که مرتضویدن اشاره دی حُزن تمامیلن دیدی زهرایه آچ گوزون هر چند سوز بو یرده منه استعاره دی تنها نه من بو غمده سَنه سینه داغلورام گریان بو غمدن عرشه ایکی گوشواره دی رحم ائت گِیلَن بو جمع پریشانه فاطمه تِز تِز دئمه ممات غمه راه چاره دی عجل وفاتی عارضیوه اشک تر یازوب اشکون بیان مُحتضره احتضاره دی ئولسن خدا نکرده دونَرگَم دونَر منیم نئیلیم اَجل آتیلا نگاریم سواره دی سنسیز جهان عاریه نی نئینیَر علی بی اعتنا علی بولوسن روزگاره دی اللهدان ایستیرم تاپیلا دردیوه دوا بو باره ده امیدیم او پروردگاره دی بیر حاله قالمیسان که بو دور زمانه ده تاپسان شفا تولد و عمر دوباره دی سالدی عجب تظلمه مسمار در سَنی مِیلون حیاتیدن ده چوخ ایندی مزاره دی ویردی سَنه او کس که تهاجم گونی یارا دیل یاره سی ویروب منه دیل پاره پاره دی مسمار یاره سی سَنی، دیل یاره سی منی... دیلدن سالوبدی فرق اِیلمز یاره یاره دی شعر #عتیق فاطمه دن آبدار اولور شکر #عتیق جوهره آبداره دی التماس دعاااا 🌹🌿 🌹🌹❤️ 🌹🌹🌹❤️ 🌹🌹🌹❤️

روضه حضرت زهرا(س) نولار خرام ایده سن بیرده سرو قامتیوه نثار ایدم گل سوری و یاس و مینانی گل آفتابیله بارانیله شکفته لنر اودور گوزوم توکوری سیل اشک بارانی نیه آچلمیری گل کیمی سولان رخسار زبس گوروب جفای دور دورانی (بورا یتیشنده دیدی زهرا نیه دورموسان دولاناسان من سنین دولانان یریوه گل سپم یری وار دیه عمواوغلی من دورام دولانام سن دوزنمه سن آخی ) دیوار میکند کمکم راه میروم اریتدی جسمینی تشریح محض ایلدی غم پوزولدی نقشه سی قالدی نماسی زهرانون همان او صدمه اولوب باعث وفات بتول چکوبدی بستر مرگه او روح ایمانی او نازنین بدنی غصه لر اله اریدیب شبیه ایدیبدی هلاله او ماه رخشانی گلیبدی بیر گون علی گوردی رو به قبله یاتوب کسوب علاقه بدندن قوای جسمانی بو نیتیله او خاموشی بیر دانشدرسین گلوب تکلمه بو سوزلر اولدی عنوانی دیدی ایاقه دور ای قائد الصلواه قیزی گوزون فداسی گوز آچ گور بو دیده گریانی ایاقه دور ای حامل الزکات قیزی رعایت ایله علی غریب و تنهانی اوچومجی دفعه بویوردی عمواوغلوام زهرا گوزون فداسی گوز آچ گور بو دیده گریانی بو سوزده گوزلرین آچدی بتول نازیله طبسمیله ایدیب شاد او غملی مولانی (زهرا گوزون آچماق همین گوردی علی آغلور ، علینون آغلاماسین گورماخ همین خانم بیر گولدی دیدی عمواوغلی من بو حالا دوشموشم سن آغلامیاسان ها) بو سوزده گوزلرین آچدی بتول نازیله طبسمیله ایدیب شاد او غملی مولانی دیدی عمواوغلی بئله آغلاما سنه قربان گوزومده گوندوزومی ایتمه لیل ظلمانی منی بهشتیدن ایتدین بو عالنه معطوف زیارتیندن اولار بو نقیصه جبرانی (عمواوغلی من بابامنان بهشتدیدیم الله دوزنمدی سنین گوز یاشیوی گوره منیم روحوم گینه کالبدوما منتقل اولدی گلدیم گورم عمواوغلی دردون نمنه دی آخی اله دینده عمواوغلی دردین نمنه دی دیدی زهرا) مدینه اهلی کیمین سنده دویموسان منن دیدی عمواوغلی من سنه دنیاجه احترام ایدرم دیسن قعود بویورسان قیام ایدرم اشیدمیشم سنه کوچه ده سلام ورمیلر ئوزوم ایاقیوه دورام سنه سلام ایدرم عمواوغلی قویما سولا بالالاریم فرض اله غنچه گولدولر چونکه بالا بویوتماقون زحمتینی آنا بولر آغلاسا تلخ کام اولار گولسه بالا آنا گولر سنه مطیع اوامر قابض الارواح اطاعت امریوه ایلر او پیک ربانی حیات و مرگی کناریمده روبرو گورورم گل ای کرامتی عاجز قویان مسیحانی حیات چشمه سی جاریدی هر دمینده ولی قضایه بیله یازوب کل من علیهانی اجازه ویرسن اگر چوخ یورولموشام منده گدیب بهشتیده اولام رسول مهمانی (بیردن دیدی زهرا) گیت منیم ایویمده چوخ اینجیدین یوزده کی سیلی یرین ویرمه نشان جدیوه گَل اتاقی بیر خلوت ایلیاق تنگه گَلدی سینم عم اوغلی جان آغلیاق حسینیله زینبه بیر دویونجا باهم عم اوغلی جان دوقّوز ایلدی بو ایوده لطفیوین سایه سینده من دالدالانموشام جان دیوب سنه جان ایشیتمیشم سن یانان مصیبتده یانموشام هر گئجه حسینیم سو ایستیوب فضّه دن قاباق من اویانموشام یوز گوزین اوپوب استراحتین ایتمیشم فراهم عم اوغلی جان این شبا حال و هوای خونمون خیلی عجیبه التماست میکنم بیشتر بمون علی غریبه من که از فضه شنیدم بهتری الحمدلله در زدم دیدم خودت پشت دری الحمدلله حلالم کن این همه دردو طاقت آوردی به خاطر علی زمین خوردی میبینمت به هم میریزم اگه زهرا عجل وفاتی رو نمیخوندی اگه دو هفته دیگه میموندی نوزده سالت میشد عزیزم من تنها من مظلوم ازت میخواهم نرو خانم من تنها من مظلوم ازت میخواهم بمون خانم #فاطمیه

اللهم عجل لولیک الفرج عمریست همیشه ساکن صحرایی مظلوم و غریب از گناه مایی آقای صبور ما کدامین جمعه راحت بشوی از این همه تنهایی ✍علی مهدوی نسب(عبدالمحسن)

❃﷽❃ #زمزمه_ترکی_با_امام_زمان_عج 🎼سبک:ای قلم سؤزلریمده اثریوخ.... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ای قلم باخ بو اشک و فغــانه عرضیمی یُوللا صاحب زمانه یاز، دِنن شیعــه لَر منتـظردی دؤندی عاشقلرین قلبی قانه(۲) چاره قیل دردیمه یابن زهرا سســلیور فاطمه یابن زهرا هجرون آغلارقویوب شیعیانی آیریلیــق دردی یاندیردی جانی گؤزلریم آختـــاریر جمعـه لرده تا گــۏرَم یار صــاحب زمـــانی هارداسان الامــان یابن زهرا حامیِ اِنس وجان یابن زهرا درد هجـــرانیـــوه مــن دچــارم دردیوه دؤزمَــگه یوخدی چــارَم دای گئدیب طاقت وصبریم الدن گؤزلـــریم یـــولدادور بی قـرارم العجل العجل یابن زهرا العجل العجل یابن طاها ای قلم یازئورَک عرض حالین آشــکار اِئت فراقیـــن ملالین قالمیـــشام حســرت کربلاده قسمت اِئت کربلانین وصالین اربعین کربلا منتظردی زائر نیـــنوا منتـظردی کربــلادن صُــورا، سـال گذاری سمــت یثرب ، بقیع نین دیاری مــادرین تربتــبن آشــــکار ائت بی نشان قالماسین گؤل مزاری یوسـف فاطمـــه هارداسان گَل گلدی بوجمعه ده هارداسان گَل ✍رقیه سعیدی(کیمیا)

ایاقیوی ئوپورم کربلایه تزگله سن ئولونجه ساغر مهرون جالاتمارام ننه جان/قسم او جانه وفا داشین آتمارام ننه جان/دیل ئورگدنده منه سن که نوحه ئورگتدون/ اورکده عشق حسینی آزاتمارام ننه جان/یانور چراغ کیمی مهرون سرای قلبیمده/جگر یاننجا بو شمعی قاراتمارام ننه جان/اوغول بلوغه چاتاندا بیلر ننه نه چکوب/اوشاقلیق عالمینی گوزدت آتمارام ننه جان/هایانداسان چکه سن باشیمه نوازش الون/که من اولحظه نی بیر عمره ساتمارام ننه جان/یوخون گلنده ده من یاتمینجا یاتمازدون/اوفکریله گجه آسوده یاتمارام ننه جان/قالوبدی ایندی ده لای لای سسون قولاقیمده/اورک صفا تاپار اندوهه باتمارام ننه جان/آدون گلنده دولار گوزلریم محبتدن/بوجامی ئوزگه یانندا بوشاتمارام ننه جان/آنا ایاقینون آلتندادی دیه لّه بهشت/گوزل حدیثیدی یاددان چخاتمارام ننه جان/حسین یوزین اودی قویدی آنا قدملرینه/دیدی دانشماسان آماله چاتمارام ننه جان/ایاقیوی ئوپورم کربلایه تز گله سن/سنی او قورخولی چولده یوباتمارام ننه جان/باشیمی خولی آپارسا دالیجا کوفیه گل/نوامی عرشه سن اولسان اوجاتمارام ننه جان/جوان چاقوندا قوجاتدی غم زمانه سنی/یات ایندی آهیله دردون چوخاتمارام ننه جان/داخی شکنجه ی مسماریدن خلاص اولدون/بو نازیله که یاتوبسان اویاتمارام ننه جان/روا دگول ننه وای ناله مه اویانمیاسان/گوز آچسان اشکیمی خونابه قاتمارام ننه جان... اثری ماندگاراز

🏴زبانحال حضرت زینب(س) در فراق حضرت فاطمه(س) سسلندی حَزین زینب نالان ننم ئولدی اوخشاردی کی،مَظلومه یِ دوران ننم ئولدی غمگین گئجه گوندوزلری گریان ننم ئولدی غملَن بوکولن قدی پریشان ننم ئولدی گویا یوخوموش دردینه درمان ننم ئولدی آغلور گوزی یاشلی بالالار، غَملی زماندی بولمور هَله کلثوم،سینوی لَخته ی قاندی بوندان بئله عترت باغینا فصل خزاندی حیدر ائوی شیوندی بو گون داد و فغان دی غملَر ائله میش قلبینی سوزان ننم ئولدی وئردی سنی ثانی اَلی سینمیش شَرر اولدی قارداشیم حسن هیچ دئمه میشدی نلر اولدی؟ دین گوهری اول کوچه ده سیندی هدر اولدی ای شهر نبی سنده کسوف ِ دِگر اولدی ای باغ نبیده گل ریحان ننم ئولدی ظلم اولدی علی حقّینه چوخ آغلادی زهرا پنهاندا او مِسمار یاراسین باغلادی زهرا چوخ آغلادی دونیانی بوتون داغلادی زهرا ئوز سرینی مولایه گوره ساخلادی زهرا حقینده گلن آیه ی ،قرآن ننم ئولدی همواره حمایت ائله دی حق علیدَن اینجیتمه دی، هم اینجیمه دی نور جَلیدَن اَل ئوزومه دی،بیر لحظه صراطِ ازلیدن گیزلَتدی ننم یاره سینی دیدِ علیدن ای حقّ ِ علینی اِئدن اعلان ننم ئولدی بیلسَیدیم آنا پشتِ درهَ من دایانِیدیم ای کاش عوضیندن ننه قانه بویانِیدم بین درودیواریده من اودتدا یانِیدیم سینمازدی قابیرقان، باشیوا مَن دولانِیدم قالدیم آناسیز،غمکش دوران ننم ئولدی ✍شاعرلاادر #فاطمیه_۱۴۰۲ #شهادت_حضرت_زهرا_سلام_الله_علیها

ای اهل مدینه اورگی قان ننم ئولدی دفن اولدی گیجه یاریسی پنهان ننم ئولدی راحت ننمی قویمادوز اخر اوز ایوینده چوللرده گیدوب ایلدی افغان ننم ئولدی اون سگیز ائیل عمر ایلدی بو دار فناده غم چکدی یوزی گلمدی بر آن ننم ئولدی قویدوز اوز ائوینده ننمی خوش گونه حسرت ایتدوز گونوزون چون شب ظلمان ننم ئولدی یتمش نچه گونده آغاروب زلفی قوجالدی اولدی اورگی لاله صفت قان ننم ئولدی درگاهمیزی حمله ایدوب اودلادوز آخر یاندی قاپمیز اولدوک حراسان ننم ئولدی دلدی ننمین سینه سینی اوخ کیمی مسمار قانیله اولوب کوینگی الوان ننم ئولدی ویردوز ننمین سندی قولی،اوز قاپوسیندا هرگون ایلدی ناله و افغان ننم ئولدی ئولمزدی ننم اللری شل قنفذون اولسون هی قمچی ویروب سالدی ایاقدان ننم ئولدی دنیا بویی نسگلری قالدی اورگیمده چیخماز غم و محنتلری یاتدان ننم ئولدی کسدی یولونی کوچه ده شرم ایتمدی ثانی بیر ظلم ایلیوب اشگی اولوب قان ننم ئولدی ناخوش ننمی سیلی ویروب یخدی یول اوسته گوشواره سی سندی اوزماندان ننم ئولدی گلدی ایوه گوردوم گوزی قانیله دولوب قانلو گوزه جانیم اولا قربان ننم ئولدی چوخ دوزدی بودنیاده غم وغصه ودرده دردین دئمدی،قالدی اورکده ننم ئولدی گوردوم یخلوب یوز گوزی تپراقه باتوبدی مندن یوزونی ایلدی پنهان ننم ئولدی مظلوم اتامی خانه نشین ایلدی دشمن اولدی آتاما اوز ایوی زندان ننم ئولدی بیکس اتاما باخدی ننم دردی چوخالدی گلدی اورگی درده پریشان ننم ئولدی باخدی سارالان گللرینه قلبی آلشدی اود مثلی اولوب سینه سی سوزان ننم ئولدی فاش ایلمدوخ دردیمیزی بیر کسه یاندوخ اولدوخ هاممیز دیده سی گریان ننم ئولدی آخر سیزه نه ایتموشیدی دخت پیمبر ایتدوز نه سبب قلبی شانشان ننم ئولدی ناخوش ننمی سیز نه گناه اوسته دوگوردوز؟ ایتدوز نیه اوز قاننه غلطان ننم ئولدی سندی قولی قویدوز درودیوار آراسندا ایتدوز یارالی جسمینی القان ننم ئولدی زینب دلیجه یاز بو سوزی عدل جو سنده اوز جانین ایدوب دیننه قربان ننم ئولدی https://eitaa.com/kobradsg

🏴🏴🏴🏴🏴🏴🏴🏴🏴🏴🏴 فاطمیه   سینه   داغلار   شیعه لر گوز یاشین رخساره باغلار شیعه لر تسلیت   صاحب   زمانه   سویلیوب حضرت   زهرایه    اغلار    شیعه لر

🏴 #نوحه‌_ایام_فاطمیه باشلاندی خانم فاطمه نون بزم عزاسی نصب اولدی گئنه کوچه و بازاره قراسی مین دورت یوز ایل اولدی، قاپونین یانماقی اللّه امّا تزه‌دی فاطمه‌نون سینه یاراسی ای تاپمیان عالَمده دوا دردینه تِز گَل هرچاره‌سیزه فاطمه‌نون واردی دواسی یثربده علی مجلس یاس ایلَدی برپا دوردی قاپی آغزیندا ایکی کورپه بالاسی تا آخشاماجاق باخدی یانان درگهه مولا شاید گَلن اولدی دئدی اللّه رضاسی گون باتدی غروب اولدی گَلن اولمادی امّا سسلندی حَسن ای گوزیمون نور وضیاسی یاسه گَلن اولماز قاپونی باغلیون اوغلوم پوزقوندی آنوز فاطمه‌نون مجلس یاسی یثربده بابوز حیدری دای یوخلیان اولماز عرشه اوجالور قیزلاریمین آه و نواسی ایکاش الان شیعه‌لریم بیردا اولِیدی قویمیدیلا تا خوار اولا زهرانین عزاسی ای مجلس ترحیمه گَلنلر ائووز آباد جَنّتدی سیزون گوزیاشوزون اجر و بهاسی اولسون سیزه بُرجیم٬ نگران اولمیون امّا باغلاندی علینون سیزیلن عهد و وفاسی جُبران ائدرم قبروزون اوّل گجه سینده اولّام او قرانلوق گجه‌نین نور و ضیاسی مأمور عذابه دیَرم شیعه‌مَه دَیمه صبر ایله ملاقاتینه گَلدی ئوز آقاسی عرض ایلسه گَر کیمدی ئولَن من دیَرم که بو اوغلوم حسین نوکریدی چوخدی وفاسی هم اوغلوما هم فاطمیه قاره گیَردی برپا ائلیَردی بیز ایچون مجلس یاسی اگلَش دیزون اوستونده نچه لحظه آماندی بوجمله‌ده بیر نکتهٔ باریک نهاندی هر بیر آنانون یاسینه اوغلی گَلر حتما شاید قاپی آغزیندا آقام مهدی دایاندی یاد ایله علینون او زمانین٬ او مکانین هم قولّارینی باغلادیلار هم قاپی یاندی عفو ایله الهی منی دای سوز بئله گَلدی اود شعله چکوب توستوسی عرشه اوجالاندی پهلوسی سینوب چون در و دیوار آراسیندا مسمار باتوب سینه‌سینه قانه بویاندی نه حیدری سسلندی نه جنّتدن آناسین سسلندی یتیش فضّه که زهرا یارالاندی زینب نه دیدی؟ سسلدی ایوای ننم ئولدی بش سنّیده اللّه ننه‌سیزلیک نه یاماندی کلثوم باخور منظریه حالی پریشان غمدن دوتولوب دیل دوداقی اشکی رواندی بیر منظره وار یازماقا قادر دگُلم من ای یاسه گَلن حقّین ادا ایله آماندی کلثومیله زینب ایکیسی قول بویون اولدی زینب دئدی باجی ننه‌میز قانه بویاندی #رحیم_فیضی_اردبیلی  زکات علم نشرآن است