نوحه شهادت حضرت زهرا (س) #ترکی سبک نوحه ؛ دریای علقمده طوفاندی قارداش ... بقیعه سینه ده غم گئتدیم الله نصف شب زهرانی دفن ائتدیم الله دیلده نوا گوزلرده یاش قلبیمده یاره قویدوم یارالی پیکرین گیزلین مزاره دلخسته یاریم گئتدی الهی دار و نداریم گئتدی الهی باد غمدن سولدی گلزار طاها چوخ غمه دوزدی آز عمرینده زهرا حقی اوسته دوگولدی دوشدی درده دردینون اولمادی درمانی اما نیلی یوزون قویدوم ترابه اشکیم آخدی زهرا منیم گوزیاشیمه معناده باخدی دلخسته یاریم گئتدی الهی دار و نداریم گئتدی الهی گئتدی الدن امید و تکیه گاهیم آغلادیم عرشه چخدی سوز آهیم آیریلیق دردینه یوخ چاره الله سوندی ظلم آتشیلن شمع راهیم صد حیف اولا زهرا گئدوب تک قالدی حیدر حیدر نجه زهرا غمینده طاقت ایلر دلخسته یاریم گئتدی الیمدن دار و نداریم گئتدی الیمدن عالمین زهراسیز یوخدور صفاسی قبری تک دلده وار گیزلین یاراسی بو درده آغلورام مندن علاوه قالدی آغلار ائوینده دورت بالاسی باشه حسن زهرا غمینده قاره باغلار زینب دییر نوحه حسینیم سینه داغلار دلخسته یاریم گئتدی الهی دار و نداریم گئتدی الیمدن حاصل عمر حیدر ماتم اولدی دلبریم غصه دن قدی خم اولدی بین دیوار و در پهلوسی سئندی محنتی چوخ ولی عمری آز اولدی گل سینه سینده دوقوز ئیل دورت گل بئجردی دست فلک طاها گولون ظلمیله دردی دلخسته یاریم گئتدی الیمدن دار و نداریم گئتدی الیمدن ✍شعری از ابوالفضل عباسی معروفان اهری

...: چاره سیز خسته لرین ، دردینه درمان آنادی دفتر عشق و وفا ، مشقینه پایان آنادی سینه سی دشت بلا ، آتش بحراندا یانیر سارالان یاز گولی تک ، تشنه ی باران آنادی هر بلا درده دؤزر ، شرط محبتده اوزی گر مصیبت داغ اولا ، صبریده طوفان آنادی عشق پروانه سی تک ، شمع ائولاده گئنه یاندیران بال و پرین ، عاشق گریان آنادی آی دئسون اوخشاری وار ، اولدوزا چوخ بنزری وار گونی خجلتده قویان ، دُرّ درخشان آنادی اوکی هر صبحه کیمی ، یاتمادی غمنن گئجه لر سنه لای لای اوخویان ، بلبل نالان آنادی    

فرهاد گوهری: ئولدی آللّه فاطمه قالدیم نیه دنیاده من کاش ئولیدیم قالمییدیم سوّمِ زهراده من گُل یاشار عشق عالمینده بلبلِ شیدائیلن عمریمون گیتدی صفاسی حضرتِ زهرائیلن نیلیوم بوندان بئله هئچ بیلمورم دنیائیلن اولموشام زهرا غمیندن ئولمگه آماده من یاریمون آیریلماقی مندن قیامتدور دئسم یادِ یادی بی کران و بی نهایتدور دئسم گویِشیم مظلومه زهردان خِجالتدور دئسم زنده یم ظاهرده امّا ئولموشم معناده من حقلیم ایتسم گِلایه آی فلک آی روزگار هر ایکوزدن راضی اولسا حضرتِ پروردگار سیز نیه قویدوز بو نوعی مرتضانی اشکبار قالمیشام آواره گویا غصّه لی بیداده من

(  زبانحال حضرت زینب در فراق مادر)     ( در اهنگ گجه لر سنسیز یاتا بلمورم) منیم آنام جوان ئولوب اورگیمون یاراسی وار نه غصه دن یوزوم گولر نه دردمون دواسی وار             چ         گجه لر آنا یاتا بلمورم         غموی نلوم آتا بلمورم          گلورم بقیده هی آغلورام          آنا قبروی تاپا بولمورم غم دفترین وراقلارام آنا سنی سراقلارام گون اخشاملار باتان زمان دیزلریمی قوجاقلارام            یانارام غمه دیوب آغلارام            گوزومون یاشین سله باغلارام            دیرم یارالی ئولوب آنام            بو محنده سینمی داغلارام گلیلیم زمانه دن سالیبدی باشیمه قارا جوان ئولوب منیم انام ویریبدی قلبیمه یارا          هامی ایل بولور من آناسیزام           اورگی یانان یارالی قیزام            نجه یانمیوم بو مصیبته            انام ئولدی غصلی اولدوزام تای توشلارون مدینه ده گلین کیمی گزور  آنا سن ولی قبره کیتمسن آه چکورم یانا یانا            گجه لر گلر منه غم گلر          گوزوم هی یاشیی یوزومه الر           باخارام یاتان یریوه سنون           ننه سسلرم اورگیم اسر کلک قضا سیندی کاش طالحوی یازان زمان ویردی فلکله ال آله عمروی ایلدی خزان               نجه یانمیوم بو مصیبته              نجه من دوزوم بیله محنته               گجه لر حسین سنی اوخشیور              حسنون یانور غم فرشته قیز اوشاقی بورسمیدی   ئولسه انا یتیم اولار بخت ایوینه گیدن زمان صاق وصولا باخار سولار                   دیر ای آنا سنه من فدا           قیزیوی گل آیت دالیجا دعا           آنا اولماسا ملر آهو تک           توکر اشگینی یوزه بر ملا

«زبانحال زینب کبری(س) بر تابوت بانوی دوعالم»   سبک : عباسیم علمداریم ... ای شمع حرمخانه ... یاران چه غریبانه ... آی گویده کی اولدوزلار ... ای یاره لی طرلانیم ای مرحمتین کانی                گئتمه آناجان گئتمه سن بیل بابامین جانی                گئتمه آناجان گئتمه قالسا آناسیز بیر قیز هاردان تاپا دمسازین فکر ایله آناسیز قیز سویلر کیمه ئوز رازین آخیر آنا تک چکمز هئچ کس بالانین نازین نیسگیللی دی تاوانی گئتمه آناجان گئتمه صرصر یئلی بیر هجمه گلزاریمیزه سالدی گلزاریده گوللردن شور و طربی آلدی باخ گور کی نه احواله دورت خوردا بالان قالدی یاندیردی گلستانی گئتمه آناجان گئتمه ای ترک ائلین دارِ دنیانی جوان زهرا وی آتش محنت ده درگاهی یانان زهرا درده بابامی سالدی سیننده کی قان زهرا آغلاتدی احبّانی گئتمه آناجان گئتمه الله بگنن یولدا بذل ایله دین هر زادون دیوار و در و مسمار ثبت ایله دی اسنادون تا بین در و دیوار سسلندین علی آدون تیترتدی بو دنیانی گئتمه آناجان گئتمه ای مهر درخشنده گردونۀ نُه طاقه اوچ یوز نفر اود سالدی درگاهیوه یانماقه میخِ در امان وئرموب سالدی سنی توپراقه دین اوسته گئدن جانی گئتمه آناجان گئتمه گویلرده آی اولدوزلار تنویرینه بانی سن تفهیم ائله دون دهره معنای وفانی سن صدق و شرف و حُجباً بیر حیدر ثانی سن سن سن شرف عنوانی گئتمه آناجان گئتمه ــــــــــــــــــ #سبک_آتدان_یره_چون_دوشدی واگیر برای این سبک از #عدلی_تبریزی غصه دن گوزلریم اشکیله دولار اولماسا باغبان گلشنی سولار

حضرت زهرا (س) حسن آخوندی کیمدی بو زهرای مرضیه پیمبر دختری احمدین دُردانه سی اون بیرامامون مادری مفخر نسوان عالم مرتضانون همسری بحر تقوا و شرف کنز صداقت گوهری عرش و فرشون زینتی مهر و وفا نون زیوری باعث ایجاد عا لم برج حقین اختری بو سوزه عشق ایلیر کیم اولسا دوز سوز عاشقی حشریده زهرائیلن محشور اولار اوز عاشقی بوسوزی تکراری اعلان ایلیوب ختم نبی پارۀ جا ندور منه زهرای مرضیه بلی شانینه کوثر ایدوب نازل خداوند جلی نور انواریندن اولموش تیره دنیا منجلی بیر ایله بانو هاچان بیرده جهان ایچره گلی شانینه همسرتاپولمازدی گر اولمیدی علی عصمت نسوان عالمدورخانیم یوخدور تایی عالم ایچره حیف اولا رنج ومحن اولدی پایی دختر محبوبۀختم رسالتدور خانیم جوهر عزّ و شرف بحر فضیلتدورخانیم مظهر جود و سخا تندیس عصمتدورخانیم عصمت حقدور آدی نورانی آیتدور خانیم ما سوانین شانی دور تاج شرافتدور خانیم احمد مختاریدن خلقه اما نتدور خانیم ختم مُرسل پا ره جا نین نه زیبا سسلیوب اللریندن گه اوپوب اُم ا بیها سسلیوب ترک ایدوب دنیانی گوزدن آتدی ختم الُمرسلین عالمی ائتدی فرا قیندن عزادار و غمین رحلت ایتدی مصطفی اولدی علی خانه نشین ظلمیلن باغلاندی دستان امیرالمومنین عهد وپیمان سیندیروبدور ثا نی شوم ولعین تیشه وردی ریشۀاسلامه اول تندیس کین زادۀپیغمبره قصد جسارت ایتدیلر امته قالموش امانتده خیا نت ایتدیلر خا نه زهرایه بیر عدّه او دم اهل جنون قلبیلرده کینه لر طغیان ایدوب بی چند و چون ثانی ناپاکین اوندا گوزلرین دوتموشدی خون نامسلمان شخص لر اولدی اودم خوار و زبون پشت درده فاطمه دورموشدی صورت نیلگون شرم ایدور بومطلبی یازسون قلم ایتسون فزون خانۀ وحی اولدی جولانگاه ثا نی جهول قا لدی ما بین در و دیواریده دُخت رسول آغلا دیلدن ای گوزوم زهرای اطهر جان ویرور شافع یوم جزا خاتون محشر جان ویرور طاهره منصوره زهرای مطهر جان ویرور عرشه پیرایه آدی جان پیمبر جان ویرور باغبان گلشن و گلزار حیدر جان ویرور دورت گولوندن دویمیان دلخسته مادرجان ویرور ظلمیلن سیندریدیلار پیغمبرون آیینه سین میخ در خنجر کیمی یاردی بتولین سینه سین نوک مسمار اوخ مثالی سینه سین ایتمیش یارا طاقتی الدن گیدوب دوشموش در و دیوار آرا محنت و آلامینه یوخدور جهان ایچره دوا چیخمیوردیلدن سسی نیمه نفس ایلور نوا گه دیور ا لله و اکبر گه دیور یا مصطفا فضّیه سویلورعم اوغلوم هاردادورگئتمیش هارا گُلشن ایچره اولدی پرپر ظلمیلن طاها گلی بیرایله بحران زما ندا هاردا قا لمیشدی علی نور عین مصطفی بحر فضیلت جان ویرور کنز عصمت گو هردریای عفّت جان ویرور همّتون آیینه سی تندیس رافت جان ویرور نور چشم انبیا مام امامت جان ویرور همسر مظلومۀمظلوم امت جان ویرور میخ دردن سینه سی تاپموش جراحت جان ویرور دست گُلچین زما نه دَردی پیغمبر گُلون غملره توش ایتدی گلشنده اولان دورد بولبولون دار فانیدن اوزوب ال همسر حیدر گیدور نیلی ئوز پهلو یارالی یاور رهبر گیدور مظهر مهر و عُطوفت عصمته مظهر گیدور زینبون آرام جانی جان پیغمبر گیدور نور چشم و تکیه گاه ساقی کوثر گیدور ذکرمولاسین خانیم دیلده ایدوب از بر گیدور یاندوروبدور سینه سین ظُلمیله درد جانگداز کیم وار ایتسون تا اونا مظلومه زهرا کشف راز فضّه گل امداده سسلندی او بانوی شرف وئرماقا اود محبط وحیه چکیب کُفر اهلی صف ضربت پا سندیروب یانموش قاپونی وا اَسف سینۀزهرا اولوبدور نوک مسماره هدف دوشدی محسن بیر یانا مادر یخیلدی بیرطرف وئر خبر بلسونلر ئولدی همسر شاه نجف دورماقا یوخدور توانیم بال و پر بشکسته ایم طاقتیم الدن گئدوبدور یاره لی جان اوسته ایم قانلی سینم نیلی ئوز پیغمبره من دخترم سقط اولان دُردانمه سینه یارالی مادرم فضّه من اَوّل شهید راه مولا حیدرم صف شکن حیدرامامیمدور اونا من همسرم دوزدی مولانون یولی بیرآیری یولدان گیتمرم گر شهیده اولسام عشق یاریدن ال چکمرم تا نفس وار منده من حفظ ولایت ایلرم حکم قرآ ندور ولایتدن حمایت ایلرم فضّه گلدی باخدی زهرایه دوشوبدی نالیه ایستدی مولانی امداده بئله گلدی دیله هارداسان مشگل گشا زهرادوشوبدور مشگله گُولمین زهرا آقا مُشگل اولا بیرده گُله نوک خاریلن یتوب صدمه گلستاندا گُله اولمادی بیرکس جهان ایچره اونون قدرین بوله گل اونا امداد ایله قلبی دولی قاندور آقا سینه سی اولموش هدف مسماره بی جاندورآقا قالسا بو یرده خانیم ایندی بلا گویدن گلر آه مظلومیتی عرش خدا نی تیتردر سینه سی مسماریدن مجروح قان گوزدن َالر گول ستا ندا گول سولا وار باغبانیچون ضرر گورسه بو احوالینی بیلمم خا نیم زینب نیدر خصم دین بیلموردی زهرا دُخت طاهادی مگر یازما آخوندی ترحم ایت منیم گوز یاشیما فاطمه اولدی شهیده کول اَلندی باشیما

حضرت زهرا (س) سيد محسن رجايی متخلص به مجنون خزان گلدي گُلوم سولدي بهاريم گئتدي من قالديم كناريمدن داخي زيب كناريم گئتدي من قالديم رخ زهرا سپهر عمرومه تابنده ماه اولدي محاقه دوشدي ماهيم گوندوزوم شام سياه اولدي منيله همسفر ياريم رفيق نيمه راه اولدي كوچوبدور كاروانيم همقطاريم گئتدي من قالديم تجلّاي رخ زهرايه آخر تنگيدي دنيا محالي امريدور اولسون قفس جولانگه عنقا حضيض خاكدن پرچكدي مرغ شاخه ي طوبا اونيله شوكت و عزّ و وقاريم گئتدي من قالديم نه تك اوج وفاده سئير ايدن شهبازيدي زهرا منيم تك شاهبازه شهپر پروازيدي زهرا حقيقت ملكني تسخير ايدن آوازيدي زهرا اولان باشيمده تاج افتخاريم گئتدي من قالديم هزار آواي گلزار وفا گلشندن آيريلدي نگينيم خاتميندن جور اهريمندن آيريلدي اميديم عزّتيم روح و روانيم مندن آيريلدي انيس و مونس ليل و نهاريم گئتدي من قالديم وجوديم اخذ نور ايلردي هر دم روي ماهندن شدائده اورك آرام اولاردي بير نگاهندن او كه آيريلمادي بير دم محبت شاهراهندن ايله بير آشناي غمگساريم گئتدي من قالديم دل خاك سيه ده گوهر شهواري گيزلتديم نهاني دفن ايدوب گنجينه ي اسراري گيزلتديم رخ گلده جفاي خاريدن آثاري گيزلتديم مزاره برگ ياس زخمداريم گئتدي من قالديم او كه مهد ولاده پرورش تاپميشدي نازيله جهانه فخر ايدوردي هر زمان شاه حجازيله قوتاردي شمع تك اوز عمريني سوز و گدازيله اميد خاطر زار و نزاريم گئتدي من قالديم سزادي باشيم اوسته سالسا بال بوم غم سايه دريغا اود دوتوب ياندي كول اولدي سودوسرمايه دوشوب انگشتريمدن لاجرم دُرّ گرانمايه اليم چخدي بوشا دار و نداريم گئتدي من قالديم گتورموشدي گُلوم بلبل كيمي بو قلبيمي شوره او گوندن كه جفا زخمي اُتوردي سينه ي جوره مبدّل اولدي گوزده روز روشن ليل ديجوره چراغيم سوندي شمع شام تاريم گئتدي من قالديم کانال جامع شعر مذهبی ترکی و فارسی مريض عشق اولان گرچه تمنّاي شفا ايتمز بلي درد اهلي هر بي درده دردين مبتلا ايتمز دم عيسا ده اولسا درد هجرانه دوا ايتمز طبيب رنج و درد بي شماريم گئتدي من قالديم دوتوب درديله الفت اولموشام مأيوس درماندان گيدوب جان جهانيم بو جهاندا دويموشام جاندان تمتّع اخذ ايده حاشا گوزوم سئير گلستاندان داخي گُل نيلورم بير گلعذاريم گئتدي من قالديم جهاندا وصل اگر نور اولسا فرقت شام ظلمت دور اودور كه مرگدنده تلخ تر ايّام فرقتدور بلي هر عاشقه ياريندن آيريلماق قيامتدور قيامت قوپدي هجران گلدي ياريم گئتدي من قالديم دوشوب بو ماجرادن ياديمه زهرا قيزي زينب سزادي ياندورا خشك و تري بو آتيشين مطلب باجي قارداشني سالدي يولا عرض ايلدي يارب قيريلدي تار قلبيم اختياريم گئتدي من قالديم هواي وصل ياريله حسينيم بي قرار اولدي ركابندان اوزوم دوتدوم منه بير افتخار اولدي شريك محنتيم ميدان رزمه رهسپار اولدي قتاله عزم ايديبدور شهسواريم گئتدي من قالديم تخيّل عالمنده فكر ايدنده درد هجراني درون سينه ده احساس ايدرديم زخم پيكاني وجوديمده بوگون لمس ايلديم بو نار سوزاني حسينيله داخي خوش روزگاريم گئتدي من قالديم او كه بير نفحه ي پاكي ايدوب زنده مسيحاني شراره سينه سيندن ياندروبدور قلب سيناني آلارديم عطر مويندن شميم زلف زهراني آنام زهرايه تنها يادگاريم گئتدي من قالديم حسينون عشقي چون هر قلبده بير كنزدورمكنون بو كنزون حاجبي نيلور جهاندا ثروت قارون بيله كنزي اليمدن آلدي ناگه گردش گردون خزينمدن بو دُرّ شاهواريم گئتدي من قالديم مريدم من شبيري دور مراديم شعره مطلق مراديله مريدين شعري عالمده تاپار رونق يازوبدور بير تخلص شعريمه رونق ويروب الحق بو لطفيله اوركدن انكساريم گئتدي من قالديم گَلَر بير گون يتر عمرون باشا((مجنون)) بو دنياده وئرر ياخشي نتيجه يازديقون اشعار عقباده سالار بو يازديقون سوزلر سني بو نحويله ياده كه مجنون تك اديب نامداريم گئتدي من قالديم