بنام خدا #یازهرا "" "" "" "" "" "" معنی جودو کرامت دی آدون یازهرا عالم خلقته زینت دی آدون یازهرا بویوروب خالق افلاک وسماوات و زمین خلقت عالمه علت دی آدون یازهرا یارادیب حیِّ تبارک سنی دریای عفاف صدف گوهر عصمت دی آدون یازهرا نقش اولوب نام نجیبون نجبا دفترینه مه تابان نجابت دی آدون یازهرا سنسن اون بیر امامین مادری یا سیدتی ریشهٔ نخل امامت دی آدون یازهرا سینه سوز ائتدی سنی دشمن بی رحم و دنی حامی دین و دیانت دی آدون یازهرا حیف اولا عمرون آز اولدی سنون ای کان وفا لنگر کشتی الفت دی آدون یازهرا حرمون یوخدی بو حسرت بویوک حسرت دی بیزه بیزلره رمز سعادت دی آدون یا زهرا مشکلاتین قاباغیندا دوراروخ داغ کیمی بیز حلِِّ هر مشکل و حاجت دی آدون یا زهرا جنته یوخدی یولی کیم سنه بئل باغلاماسا اولین شرط شفاعت دی آدون یازهرا فاخرم من قاپوون شاعری نه سائلیم سائله اُخروی ثروت دی آدون یا زهرا گوز تیکوب فاطمی لر عالم عقباده سنه بیزلره چتر حمایت دی آدون یا زهرا التماس دعا "" "" "" "" " شاعر؛مسلم فرتوت گلهین #فاخر

میلادیه حضرت زهرا (س) حاج اصغر فرشچی . گتدی دنيايه خديجه فاطمی گل اطهری گل گلشن عشقه صفالی باطنی گل مظهری گل قابليّت سيرايله اولموشدی لعيا قابله وضع حمل ايتسون بتولی مادری گل یاوری گل . مريم وكلثوم وسارا آسيه هاجر تمام اول ایوه مهمان گلوبلر مریمی گل هاجری گل چلچراغ روح بخش آفرينش جلوه سالدی آيرولوب گل گلدن اولدم جمع اولوب هرمحوری گل . شوكتی گل صولتی گل عصمتی گل عفتی گل جامه سی گل چادری گل تارو پودومعجری گل چهره سی گل زلفلرگل خُلق وخووطينتی گل جسم وتن گل جان ودل گل فطرت حق باوری گل . قول وفعلی هم صفاتی بنزوری ختم رسوله بينشی گل دانشی گل مصحفی گل دفتری گل . راضیه مرضیّه زهرا طاهره صدّیقه طوبا طیّبه انسیه حورا نام پاک اطهری گل دامن در پروری وار ذاتی احمد سرمدی دور لوء لوء مرجانی گلدی خوشه های گوهری گل . هم حسن گل هم حسین گل زینب و کلثوم سکینه حاجبی گل خادمی گل فضّه سی گل قنبری گل همنشین گل اولانلار رنگ و بوی گل تاپال لار ( عدلی) سنده همنشین اول لشکری گل سنگری گل .

یا مهدی(عج) شاعر؟؟؟ گل ای امید دل منتظران باخروخ یولا نگران نگران آل اله حسین علمین آقاجان گوزوموزه قوی قدمون آقاجان یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) گوزلریم آقا یولارووا باخور سنسیز ئورگیم دارخور دارخور انتظارون الیندن دینجلمدون گِچدی بو جمعه گلمدون گلمدون قویما هجرونده یانیم جانیوه قربان جانیم گل قدمونن ئوپوم گل باشووا دولانیم ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) گل ای یگانه یادگار علی گل ای وارث ذوالفقار علی گل ای مرات حق لم یزلی گل ای جهاندا گوزللر گوزلی یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) ای کرامتی ئورکدن حاتمه بو فراقه گل ویر آقا خاتمه گون کیمی بولوت آتدا قالما نهان بیز هئچ منتظردی یارالی آنان یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) ئورگیمده وار بیر عمده نیتیم ایت دعا اولا کربلا قسمتیم کام دله گر یتمسم ئولرم کربلایه گر گیتمسم ئولرم یر قدمونَّن ئوپر گوی علمونَّن ئوپر یِل کی اسر تلیوون پیچ و خَمینَّن ئوپر ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) هاچان گلیسن آقا قان آلاسان دشمنلرین جانینه اوت سالاسان شیعه لر گزلور گلسن گلسن هارداسان غریب آقا یابن الحسن گل یتیش امدادیمه ایله نظر حالیمه بیزلری ایله دعا سن بیل آنان فاطمه ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 چوللری پریشان دولانما آقا عالمی سراسر توتوبدی جفا یاندرور ئورک لری درد و ملال شیعه لرین قانی اولوبدی حلال گل دوش ئوزون قاباقا شیعه دورا ایاقا سنله پیاده گداخ کرب و بلایه آقا ای درد عشقون درمانی وی ملک عشقون سلطانی عشقونده مولا نالانم من گریانم عشق آتشینده سوزانم من نالانم ( عزیز زهرا یامهدی ) ( 4 ) شعر علیرضاعلوی زنجانی سبک 👇

بیا یابن الحسن دورت بگردم 😭😭😭😭😭

یلدا ایکاش اورک دردینه غمخوار گلئیدی درد اهلینه بیر محرم اسرار گلئیدی دهشتلی گئجه یوردی بیزی صبح آچیلینجا هجران قوتاریب مژده دیدار گلئیدی ائل لر یغیشیب بیر یئره مجلس قورولاندا عالملری گوز یولدا قویان یار گلئیدی زهرا( س )باغینین گوللری بیر یولدا آچیدی آزاده لره سرور و سالار گلیدی بیر عمریدی هجران ائلییب دیللری داغلی درمان گتیریب مجلسه دلدار گلئیدی آز قالدی منیم دفتر عمریم باشا چاتسین یارب نه اولار عشقیمه معیار گلئیدی یار عطری عجب عالمی مدهوش ائلییوبدی مخموریدی جان باده گلنار گلئیدی #محمد_هوشمند

میلادیه حضرت زهرا (س) محمد علی مصیبی تبریزی . . گلدی بوگون پیک صبا بطحایه مژده وئرور هاتف حق طاهایه . نخل ولایت بوگجه بارلاندی کوکب امّید سحر پارلاندی . صاحب کوثر گلدی جان پیمبر گلدی مرحبا زهرا . اون بیرامامین آناسی زهرادی طلعتی مه ، انسیۀ حورادی . شمع کسا قویدی قدم دنیایه جلوه سی آفاقه وئروب پیرایه . عزّته شهپر گلدی جان پیمبر گلدی مرحبا زهرا . قویدی قدم تا بو جهانه زهرا آچدی لب لعلینی دخت طاها . ذکرخدانی دیله ائتدی جاری وجده گتوردی آتاسین گفتاری . جلوۀ داور گلدی جان پیمبر گلدی مرحبا زهرا . حُسنی گوزل لطفی اونون دریادی هرنه قدَر وصف ائلَسم باجادی . آینۀ قدرت حق دی زهرا جلوه گه صبح فلق دی زهرا . یاور حیدر گلدی جان پیمبر گلدی مرحبا زهرا .

بنام خدا #خلقت_حضرت_زهرا_س •┈┈•••┈┈• عالم امکانی ؛خــدا خلق ائدیب فاطمه نی؛لیک جــدا خلــق‌ ائدیب تشبــیه ائدیب‌ صورتین‌ انسانلارا سیرتیــن حقأ به‌ رضا؛ خلـق‌ ائدیب قالدیلار حیرتده بوتون عرشیان اولـدی محُیَّــر بوتــون افلاکیــان نوریله دولموشــدی اوگون نه فلک وورموشیــدی گویـلره خالق بَزَک آلمـوشیــدی دورهٔ زهــرانی حـور دوتموشیدی عرش معلانی نور عالـمـه تا گلدی او روح و روان باغ نبی اولدی او دم گُلْسِتان نـوریــنی خالــق ائــلدی آشــکار آیــری بیر اعجــاز ائلـدی کـردگار غــرق ســرور اولدی زمین و زمـان حور‌ و ملک؛ اولدی بوتون نغمه خوان بیـت نبــی؛نوریـله دولــدی اودم فاطــمه‌ تا قــویدی جهــانه قدم یــازدی خــداوند جهــان آفــریـن فاطمه‌ دی‌ ؛زیــنت عــرش بریــن شــأنیـنه نــازل ائـلدی کوثری آلدی اونـون نوری بوتون گویلری ائیلدی چوخ پرسش اودم ماسوا کیمدی بو بانوی مقدس؛ خدا کیمدی بـو بانو بئله؛اجلالی وار شأنیــنـه خالــق ائــدوری افـــتخار کیمــدی توتوب نه فلکی شهـرتی کیمدی جهان اولموش اونون دولتی الغــرض اول لحظــهٔ پـُـرالتـهاب وئـــردی خداوند؛ بو نوعی‌ جواب دُرِّ شرافت دی بو کودک بیلون عالمـه زیـنت دی بلا شک بیلون معنی کوثردی شفاعت گولی باب سخا لطف و عنایت گولی فاطمه دی؛ ام الابیهادی؛ بو جان نبی؛ مــادر طاهادی بو کان نجـابــت دی شـرف دریاسی عالـــم امکانیده یــوخ همتـاسی عشقینــه خلـق‌ ائیلمیشم عالمی ارض و سماواتی؛بنــــی آدمــــی عــالــم امکانه دلالــت دی بـو دخت نبی ؛ام‌ الامـامـت دی بـو بحر محن ده اولاسوز غوطه ور یا اولا سوز زندگی ده؛ دیده تر ایستیسوز؛اولمویا سوز روسیاه چکمیه سوز هرایکی دنیاده آه بو خانمی ائیلمیون ؛دل غمین بوشلامویون فاطمه نین دامنین فاخرم و؛ مست مِیْ کوثرم فاطمه‌ نین نوکرینه نوکرم اولمویا کیم بوقاپودا زیر و بَر عمر گرانمایه سین ائیلوب هدر وای اوکسین حالینه هتاک اولا ظاهری پاک باطنی ناپاک اولا ناخلف انساندی دغادی اوکس مایه ی ننگ بو سرادی او کس خوش اوکسین‌؛ حالینه سعی ائتدی او گلدی اَلی بوش ولی پُر گئتدی او "" "" "" "" "" "" "" " مسلم فرتوت گلهین #فاخر •┈┈••✾🍃🌼🍃✾••┈┈•

✍ #فرهادی‌مراغه‌ای 💢مقام مادر آناوین قدرینی بیل نعمت عظمادی آنا دنیادا نازینی چک، عزّت عقبادی آنا قیل احادیثه نظر گور ندی اسرار بهشت بویوروب ختم رُسل سرور و سالار بهشت آنانین گُل ایاقی آتدادی گلزار بهشت جنّت آختارسان اگر جنّت العلادی آنا آنا بیر گلدی ائدر عمریده بیر دفعه بهار دولانون باشینه بلبل کیمی هر لیل و نهار راضی اولماز ایاقیندا بالانین گورسنه خار منبع مهر و وفا مظهر تقوادی آنا حاجی‌لار بوسه وورار کعبه‌نین اَسود داشینا منده لبّیک دئیوب غرق اولارام گوز یاشینا یدّی دفعه آنامین گونده دولاننام باشینا که قداستده منه کعبه‌دن اولادی آنا ایاقین ئوپ الین ئوپ ایله محبّت آناوا خدمتون معرفتون اولموش عبادت آناوا قوجالوب دوت الینی ایله حمایت آناوا دردووه بیل ایکی دنیاده مداوادی آنا دوقّوز آی ساخلادی بطنینده سنی زحمتیلن قویمادی صدمه یئتیشسین بالایا آفتیلن وضع حمل ایلدی آخرده نه کیفیّتیلن معدن صدق و صفا، صبریده دریادی آنا وئردی دلدن سنه جان شیره‌سینی رغبتیلن دیندیریبدی سنی هر لحظه شیرین صحبتیلن ائتدی آغوشینی گهواره سنه رأفتیلن نازووی چکمگه هر لحظه مهیّادی آنا گئجه‌لر گوزلری شیرین یوخویا حسرت اولوب سنی راحت ایلینجه ئوزی ناراحت اولوب شور گوز یاشی مذاقینده شیرین شربت اولوب آفرینشده سنه راز معمّادی آنا سنه لای‌لای دئیوب آهسته یاتوب دینمیه‌سن قویمیوبدی قوجاقیندان یئره دیسگینمیه‌سن کیچیک اللهدی سنه ، جهل آتینا مینمیه‌سن عاطفه صورتینه جلوه‌لی معنادی آنا بالا هر لحظه گلوب منزله سسلنسه آنا سرعتیله دئیه‌جاق فوری جوابینده جانا دانیشاندا او آجیخلانما یوزون دوتما یانا دالدالان کولگه‌سینه نخله‌ی طوبادی آنا یولا وئر یولدادی یورقون یورولوبدی یولا سال قوجالوب، قلبی سنیخدی یازیقین گویلینی آل بیرده دنیا ننه دوغماز سنه ئوز فکریوه قال سئور اولادی، جانوندان سنه اولادی آنا واردی بئش منظره انساندان ائدر رفع ملال کعبه، قرآندی، گلستان و گل و ، ماء زلال آتادان یا آنادان ایلیه‌سن سیر جمال باخ سارالمیش یوزینه سیر تماشادی آنادی سن مبادا آناوین دردسریندن دویاسان سالمندانه قویوب اوزگه‌لره تاپشوراسان ئوز عیالوندن اوتور قلبین اونون سیندیراسان مَحک سنگ تولّا و تبرّادی آنا بیز حسین عاشقی‌یوخ شیعه‌ی اثنی عَشروخ دینیمیز دین محمّددی بونا مُفتخروخ اهل‌بیتین آدینا عشقیله قربان کسروخ آتامیز شیرخدادور، بیزه زهرادی آنا تا آنان ساغدی اونون قدرینی بیل(فرهادی) گئتسه دنیادن ایشون ناله و واویلادی آنا بیر درّ گرانمایه‌دی چوخ والادی منزلتده دئیرم عرشیدن اعلادی آنا

ظلم به سر میرسد ای یار از او خبر میرسد ای یار او می آید تکیه به دیوار حرم میزند او می آید قدم به چشمان ترم میزند او می آید او می آید متی ترانا و نراک و لا موعود سواک ذکر لبم به زیر خاک یابن الحسن روحی فداک یابن الحسن روحی فداک **** او پناه عالمین است منتقم خون حسین است او می آید درد همه خلق دوا میشود او می آید قبله ی ما کرب و بلا میشود او می آید او می آید این الحسن این الحسین و این ابناء الحسین مع امامٍ منصور ایشالله بین الحرمین یابن الحسن روحی فداک **** بانی روضه ی محرم سینه زنه ذبیح اعظم او می آید روضه ی ارباب به پا میشود او می آید عرش خدا بیت عزا میشود او می آید او می آید متی ترانا و نراک و لا موعود سواک ذکر لبم به زیر خاک یابن الحسن روحی فداک یابن الحسن روحی فداک 👇