مرحوم #انور ( حاج قدیر جلیل زادگان) احوالات علی اصغر علیه السلام با مقدمه - میدان درسِ عشقی اگر عاشقسن ایله ازبر اوخی عشق منشورینه باخ مطلبی جان پرور اوخی ایسته سون قلبیوه تابش ایلیه جلوه ی نور ایده سن روحووی تشجیعو، دولت مغزیوه شور ایله تاریخچهء زمره ی عشّاقه مرور سرسری گیچمه ، اولوب رمزینه مستحضر اوخی عشق بیر قوّه دی انسانه شهامت گتورر بیر همایون پَر همادور که سعادت گتورر صفتِ سلم و رضا صدق و صداقت گتورر عشقی پس زورق انسانیّته لنگر اوخی گاهی عاشق گوروسن عشق ایلیوب ناره گیدر گاه طوفانه دوشر گه دم منشاره گیدر گه کسللر باشینی طشته گهی داره گیدر عشقه هر عاشقی بیر نوعی نمایشگر اوخی چوخدی لبیّک دییوب حقّه اولان بنده ی عشق عاشقِ صادق و خونگرم و برازنده ی عشق اولدی تکمیل حسین آدینه پرونده ی عشق سلک ِعشّاقه مبارک آدینی رهبر اوخی ایستَسوخ عشقیله عشقِ نُجبادن دانیشاق وصف ِجانبازی مردان خدادن دانیشاق بیر حسین بیرده گرک کرب و بلادن دانیشاق من دیوم شرحینی سن سینوه یاز بهتر اوخی کربلا عاشق و آزاده لرون مسکنیدور خاتم ُالعشقِ حسین ابن علی مدفنیدور پیرهنسیز بدنون پوشش و پیراهنی دور نرم توپراقینی دلدادلره بستر اوخی عشق گنجینه سیدور شهرت شاهانه سی وار سینه ده یتمیش ایکی گوهر ِدُردانه سی وار نیمه ساله صودامر عاشقِ مستانه سی وار آدی اصغردی ولی رتبه سینی اکبر اوخی شاهِ دین عشقین ئوزون ایستدیم منّتده قویا بیر نمایش ویره عالملری حیرتده قویا عالی بیر فلسفه نسلِ بشریّتده قویا کیم همان فلسفه نی درک ایده دانشور اوخی صود امر عاشقی صودسوز آنادان آلدی او شاه آخینان گوزلره سولموش یوزونه قیلدی نگاه باشلادی عشق یولون قالدی آنا چشم به راه بالا گئتسه آنانین همدمین اشک ِتر اوخی یتیروب مرکز ِمیدانه او دلسیز بالانی دئدی قربانلاریمین تک بودی یارب قالانی بیر کیچیک تحفه دی بو من ویره نی سن آلانی مین اوغولدان منه بیر لطفیوی بالاتر اوخی قالخیزوب اصغری ویردی سپه ِشامه نشان درین اظهار ایلدی اولدی قوشون اشک فشان حق سوزون قویمادیلار ختم ایلسون حق دانیشان آتدی بیر مردِ قوی پنجه قوی پیکر اوخی حقّی واریدی ربابون گیجه گوندوز ملیه اوتورا گون قاباغیندا یوزه اشکین اَلیه اولمادی کیمسه ده وجدان دیه بیر حرملیه قوی کمانون یره رد ایلمه ای کافر اوخی خم قیلوب دیزلریوی چکمه بو قدرتده کمان آتوسان ساده اوخ آت ، یوخدی حریفونده توان نیلیور طفل زبان بسته و بی نطق و بیان تیز پَر ، پَرلری بُرّا ، قلیجا بنذر اوخی اوخ کماندان قوتاریب قیلدی مسیرینده شتاب قورخولی یللر اَسوب ، گون یوزینه سالدی نقاب آچدی اصغر گوزونی خیمه ده دیسگیندی رباب بالا خندان ، آنانی زار و سیه معجر اوخی هاتف ِغیبی کاّنه دئدی ای بختی قرا بیچدی بیر قیرمزی دوشلوک بالاوا دستِ قضا گوزلرون یومدی گوزوندن سنی آتدی او بالا صودون اولمادی سنون ، امدی علی اصغر اوخی نه صولا دوندی او پیکان هدفیندن نه صاقا بولوسوز نیلدی هیچ دَیجاخ او دلسیز اوشاقا؟ بوغازین پارچالادی اوزدی قولاقدان قولاقا باورون اولماسا مقتللری سرتاسر اوخی رشته ی جان قریلوب پاره لنوب شاهرگی نبضی ساکت ضرباندان دایانوبدور اوره گی قیرمزی رنگ اولوب آغ دوشلوگی زیبا بلگی بزه دی صورتین القان ایلدی زیور اوخی بالاسی الده آتا باخدی اَول دور و بره صورا بیر باخدی اوخا یاره نی آلدی نظره دوشدی بو فکره گُله زحمت ایدن خاری دره یارا زحمتده قالار چکمسه گوردی گر اوخی نه گوزون یومدی حسین ، ویردی نه ابروسینه خم نه الی اَسدی نه دیز تیتردی عشق اولدی حَکم یوز دوتوب درگهِ حقّه دئدی اول میرِ اُمَم سنون عشقونله الهی چکورم اوچ پر اوخی من بو گون صبح آچیلاندان چکورم اوخ یارادان مرحم و نسخه دواسی ابدا" یوخ یارادان سنی یاد ایلموشم چکموشم اوخ چوخ یارادان بو اوخا لیک قیاس ایلماق اولماز هر اوخی (انورا) تزکیهء نفس ایله ، ویر قلبیوه نور هر یارانمیش ایده جاخ کوی هلاکتدن عبور کسوتِ کبردن عور اول ، ایلمه کبر و غرور معرفت اخذ ائت حسینه ئوزووی نوکر اوخی. https://eitaa.com/kobradsg

﷽ #گزارش_صوتی جلسه هفتگی  مصادف با ۱۸ جمادی الثانیه ۱۴۴۶ ۱۴۰۳/۰۹/۳۰ با مداحی کربلایی رضا زارعی واحد فرهنگی هیئت عزاداران حضرت موسی ابن جعفر علیه السلام تبریز #زارعی #مداحی

🩸حالات حضرت علی اصغر(ع)🩸 عاشق صادق اولار مفتخر اللهه گوره غَلّیدن غَشّیدن ایلر حذر اللهه گوره پرچم نصرت و عزّتدی بیزه قاره علم مجلس تَعزیه ده جمله مَلکلردی خَدم اولاجاق مَدّ نظرده بورا کیم قویسا قدم بوآخان گوزیاشوزون قطره سین ایلولّه رقم بزم ماتملری زهرا گَزر اللهه گوره صادق آل محمّد بویوروب بیر نفره جَدّیمون ذاکری محشرگونی دوشمزخطره گئت رجوع ایله بو سوزده گنه اهل خبره صورا اخلاصیلن آل فاطمه اوغلون نظره بَسدی گر ائتسه بیزه بیر نظر اللهه گوره ایلدون سن که حسین آدینه اَزبر سوزووی عشقه سرمایه قویورسان گِجووی گوندوزووی وقف شاه شهدا ایلوسن آغلار گوزووی حیفسن پاک دولان لَکّه لی ائتمه ئوزووی عاشق اَهریمن نَفسین اَزر اللهه گوره درب دربار حسین باب شفاعتدی بیزه او قَرا پرچمی منشورِ سعادتدی بیزه اولسا گر حاجتیمیز دامن حاجتدی بیزه آلتی آیلیق بالاسی باخسا کفایتدی بیزه سائلین دردینی درمان ائدر اللهه گوره سالاروق یاده گِنه فاطمه نون گُللرینی صحن گلشنده سولان سوسن وسُنبللرینی گُللری دوره لین نغمه لی بلبللرینی غنچه نون آچماقینی باشداکی نسگیللرینی باغبان اولدی اونا نوحه گر اللهه گوره رسم اَعرابی یادینان چیخادوب قوم نفاق میزبانلارسوایچوب تشنه قالوب خورداقوناق چرخ دون ایلدی سیراب اونی بیلمَم نَه سیاق آتانون اَللری اوسته بالا چالدی اَل ایاق آتا باخدی بالیا دیده تَر اللهه گوره اوچیلار اَملیک اووا رسمیدی ورمازلا یارا اولمادی حرملیه بیر دیَن ای شوم و دغا نازکیدی هدفون آتدوقون اوچ پَر اوخووا صوداَمرحلقی هارا زَهریلی اوچ پَراوخ هارا اولدی زهرا بالاسی خونجگَر اللهه گوره دئدی یارب گوروسن خورداجادلداده گلوب کوی عشقی دولانوب مَحضرووه ساده گلوب گرچه دیلسیزدی بالام عشقیده فریاده گلوب وَصلووه مایل اولوب زَهریلی فولاده گلوب آنا پستانین آتان اوخ اَمر اللهه گوره نَه روادور بَلشه قانه ربابون بالاسی حشره جک سینَمه آلّام ائله بیل جان پاراسی اَلی قوینوندا گزر چوللری یورقون آناسی اکبریمدن چتین اولدی منه اصغر یاراسی گویه اوجوندا حسین قان سَپر اللهه گوره باغبان غنچه سینون سَپدی گلابین هَدفه صورابیرباخدی قوجاقینده اوسینمیش صدفه خورداوَقتینده دئدی چاتموسان عالی شرفه حیف اولا دیندیرنون یوخ باخورام هرطرفه عجب ائتدون آنووی بَختور اللهه گوره آلتی آیلیق گوزلیم غنچا گُل نازیمیدون گرچه شهبازیم اباالفضلیدی سن بازیمیدون بِله غُربتده منیم سوزیمیدون ، سازیمیدون لشکریم ایچره بالا خورداجا سربازیمیدون هانی اولسون کمکیم بیر نفر اللهه گوره پَر آچوبسان گئدوسن شاخهء طوبایه بالا یوزگوزی قانلی چیخوبسان بومصلایه بالا گوزدن آتدون نَنووی قیمت معنایه بالا عیبی یوخ گئت گئدوسن سینهءزهرایه بالا گئت علی نازووی زهرا چکر اللهه گوره اوخ آتان اوچی یتوب مقصدینه دای بالا یات اوخی ائتدی نَنووین زحمتینی ضای بالا یات قورتاروب هَلهَله اوغلوم کسیلوب های بالا یات گوزلیم چوخ یورولوبسان علی لایلای بالا یات گویده قوشلار سنه لایلای دیَر اللهه گوره (نادرا) دوزیولی سرمشق ائله افکارووه سن اعتقادیله دولان مِحور اشعارووه سن قویماسون هَرزعلفی یول تاپاگلزارووه سن یتوررسن اَلووی حشریده دلدارووه سن گجه لر یاز اونا سوز تا سحر اللهه گوره https://eitaa.com/kobradsg

⚘ غزل مرثیه ای بر غنچه ⚘ سوزگرما میفسُردش درگلستان غنچه را باغبان تشنه آندم دیده عطشان غنچه را یک نظر برآفتاب انداخت او باناله گفت میکند پژمرده این خورشیدتابان غنچه را گفت با اَهریمنان آبی نخواهم بَهر خود باغبان خسته ای آورده مهمان غنچه را نَهرآب ازآنتان یک جرعه برمهمان دهید اُف بوَد بر روزگاران کرده تالان غنچه را از کمان اَبلهی تیری سه شعبه پَر کشید تاببوسد روی دست باغبان آن غنچه را ناوک آن تیرگویی بردل گردون نشست آسمان هم زار زد تادیده خندان غنچه را غنچهء پژمرده را بوسید و گفتا باغبان روی سینه میبرم تاکوی جانان غنچه را خندهءآن غنچه(نادر) داده یک صحراپیام تاکنی یادش همیشه وقت باران غنچه را 😭😭😭😭😭😭😭😭😭😭

روضه حضرت ابوالفضل(ع) دئمدیم نهری گئدیب خیملره دوندرسن یا بیر مشکی سووا بیر گوز ایکی قول ویرسن اوخ آتان گر چوخودی قارداش مشکی آتیدون یره سن اولماسیدی سو اورک بیر بله چرپنمازیدی نه قولار کسیلردی نه بلیم سنمازیدی بلیم سیندی قارداش ای قارداش

‍ روضه حضرت ابوالفضل(ع) ╔ ✾ ✾ ✾ ════════╗ @okhshama  کانال ..نوحه باسبک ╚════════ ✾ ✾ ✾ ╝ 👇👇👇👇 قوی دییم چاتدی ابوالفضل ایشی آیا هاریا آلدلار کوفه نین اشراری او شیری آریا نیزه اوخ ضربه لری یاره نی تیکدی یاریا (اوقدر یارا دیدی قولار قلم اولدی ) هر یارا اوسته الین قویدی قانی بند آلمادی الری گیتدی بدندن حضرته جان قالمادی مرکب اوستونده کشیده قدینی میزان قالمادی یادینه قولسوز غیورین دوشدی گویا فاطمه اوخ دینده آننا بیر یول دیدی یا فاطمه وزن اوخ ایدی باشون گه صاقه دوندی گه صولا بولمورم آهن عمود سالدی اوباشی نه حالا بیر قره معجر خانم سسلندی بیردن جان بالا جان بالا اسلان بالا نالان بالا عطشان بالا پارچالانموش باشیوه زهرا ننون قربان بالا قالمادی مشکینده سو آلامه یانما عیبی یوخ باشیوی قالخیز سوسوزلاردان اوتانما عیبی یوخ شرمیوه شش ماهه عطشان لبیم قربان بالا اشکیوه باشی بلالی زینبیم قربان بالا (خانم زهرا دیدی اوغول یارالارون اذیت الوربالا؟ ننون سنه قربان بالا ، بالا یوزی اوسته سورونمه ابوالفضل گور جوابینده نه دیدی، دیدی ننه) هیچ من دیمورم اوخ نیه دیدی گوزوم اوسته آیا نیه میداندا سوروندوم یوزوم اوسته هیچ من دیمورم دلده ربابین سوزی قالدی یولاردا ننم ام بنینین گوزی قالدی تنها بودی قلبیمده کی نیسگیلی گلایه بو ایسی هواده غم اولا خیمه سرایه هیچ من دیمیرم باد ملایم یتیشیدی نولاردی سو مشکیم اورا سالم یتیشیدی دیدی ننه بیر عمده غمیم وار هامی غمدن منه باشدی بیر یول منه عمرونده رقیه آغز آشدی افسوس اولا جان گلشنی یاندی تالان اولدی سو قولینی وردیم اونا اما یالان اولدی بو دشتیده بیر جرعه سرین سو داشا چخدی شرمندلیگیلن منیم عمروم باشا چخدی شرمندلیگین باشدی منه دردی یارادان میدانه گلن وقتیده من خیمه سرادن ایکاش یول اوسته منی گورمیدی رقیه ایکاش سو مشکین منه ویرمیدی رقیه گرمای هوا کاسه صبرین جالامشدی خردا دوداقون سوز عطش پارچالامشدی شیرین دیلی آغزندا سوسوزدان گوروموشدی عطشان بالانین دل دوداقون قان بوروموشدی آغزنان اونون سوسن و ریحان توکولوردی منن دانشان وقته یره قان توکولوردی ایکاش یانان سینه می مین دفعه بولیدیم بیر یولدا او لبلردن اوپوب اوندان ئولیدیم

#روضه_شهادت_حضرت_ابوالفضل(ع) قلبیم  غمیله دولسا  ابوالفضله اغلارام گلر چمنده سولسا     ابوالفضله اغلارام یاد  ایلرم   اوساعتینی  دوشدی قولاری عمروم مین ایلده اولسا ابوالفضله اغلارام (آی بویون دردین گوتوروب ابوالفضل قاپسینا گلنلر والله بوعلی اوغلودی هیچ سائلی مأیوس المز کیم دخیل اولسا بو درگاهه یوخ استثناسی گل محرم ده سوروش بیر اوشاقدان بوسوزی تا سنه فاش اولا بوسریلرین معناسی خبر آل سینه وراندا کیمی سسلیرسن اوغول آلتی سینینده اوشاقون ندی گور احساسی سن دیسون قولارا قربان اودییر یاابوالفضل کیم دیوبدی اونا گور قولسوزودی مولاسی اوچ نفر منبره چخوب اولی ابا عبدالله ئوزودی دیدی علی اکبر چراغلاری خاموش اله بالا گیدنلر گیدیلر صادقلر قالدلار علی چراغلاری خاموش اله بالا گویلوم سحرین فیضینه پر شوق هوسدی گیدسه هامی گیدسین صودامر اوغلوم منه بسدی (دیدی علی اکبر چراغلاری خاموش اله اولار کی مندن اوتانولار قرنلیقدا گیدسینلر حتی علی اولارین یولارینون خرجینده آیرمشام) چراغلار سوندی عاشیقلر قالدیلار بی وفالر گیدیلر (اما ایکیمجی منبرده ده حبیب بن مظاهر حسینون اوقوجا نومری چخدی منبره دیدی بولار شهزاده دیلر، بولار آل محمد بالالاریدلار صاباحلاری گرک بیز گیدک میدان جنگه مبادا قویاخ بولار اول گیده لر جنگه) (اما اوچومونجی منبرده آقام ابوالفضل چخدی منبره جانان بنی هاشمه دانشدی دیدی بولار بیزیم قوناقمزدلار صاباح گرک بیز گیدک میدانه گوردولر علی اکبر آغلیا آغلیا دوردی ایاقا عمو والله صاباح ئوزوم گیده جاقام میدانه علی سن نیه گیدیرسن؟مگر عمون ابوالفضل ئولوب سن گیده سن؟ نوجوان داغی چتیندی قلبیلری داغلار علی سن شهید اولسان آتان آغلار علی (ایستیرم بیر یتیم نوازلیق ایلیه سن اله کی دیدی آتان آغلار گوردولر قاسم دوردی ایاقه عمو بئله باشیوا دولانام عمو منیم ددم یوخدی قوی من گیدیم میدانه بئله باسدی باغرینا) اما عاشوراگونی ابوالفضل یخلوب حسین ابوالفضلین باشین آلوب دیز اوسته اوقان دولان گوزلرین آچدی دیدی حسین دای منی بوردا قوی گیت خیمه لره حسین دای منن سنه قارداش اولماز عباس:منیم امیدیم منیم قارداشیم سن اگر شهید اولسانپرچمیم یاتار یاپشدی اوبوش مرکبین لوجامیندن گلیر خیمه لره اما نجه گلیر؟ بیر الی مرکبده بیر الین قویوب بئلینه یتیشدی خیمه لر قاباقنا گوردی رقیه سوونه سوونه گلدی بابا عموم ابوالفضلدن بیزه نخبر؟ قیزیم عموون طرفیندن باشون ساغ اولسون بالا عموی شهید ایلدیلر دیدی بابا والله اینانمرام عموم قوی بیر پهلوانیدی قیزیم ایستیرسن نه دیه سن بالا؟ بابا بئله فکر ایدیرم عموم سو ایشدی بیزلری یادان چخادی

میلاد حضرت امام محمد باقر علیه السلام #سبک : ای صفای قلب زارم ... آچدی گوز تاپدی ولادت پنجمین شمس ولایت قدمین قویدی جهانه خلقته اولدی سعادت دیلینده ذکر حق آچوب گوزعالمه جهانی شاد ائدوب وئروب پایان غمه بو مولوده اولا سلام و مرحبا ( ۲ ) اباجعفر مدد اباجعفر مدد ابا جعفر مدد ( ۲ ) نور عین مصطفادی مظهر شیر خدادی پاره قلب بتول و جان شاه کربلادی آدین باقر قویوب امام ساجدین بو مولوده دئیوب درود و آفرین بو مولوده اولا سلام و مرحبا ( ۲ ) اباجعفر مدد اباجعفر مدد اباجعفر مدد ( ۲ ) نور ذات کبریادی ماسوایه مقتدادی کشف ائدر کل علومی باقر آل عبادی ائدوب روشن یئری جمال انوری اولوبدور یر گویون یقیناً لنگری بو مولوده اولا سلام و مرحبا ( ۲ ) اباجعفر مدد اباجعفر مدد اباجعفر مدد ( ۲ ) پنجمین نور هدایت آستانی بحر رحمت آچا کیم اَل بو امامه ائیلییَر لطف و کرامت آچار مشکلری اوزی آسان ائدر کیمون دردی اولا یقین درمان ائدر بو مولوده اولا سلام و مرحبا ( ۲ ) اباجععر مدد اباجعفر مدد اباجعفر مدد ( ۲ ) سرور کل جهاندی پیشوای شیعیان دی چهره ء پاکینده نورِ حضرت سبحان عیاندی مثالون گورمیوب یقیناً نُه فَلَک غلام اولسون گرک قاپوسیندا مَلَک بو مولوده اولا سلام و مرحبا ( ۲ ) اباجعفر مدد اباجعفر مدد ابا جعفر مدد ( ۲ ) ای امام کون و امکان گوزلرون آیدین آقاجان جدیوه خاطر بو جَمعَه کربلانی ائیله احسان اوزون ائیله دعا اولاخ حاجت روا آقا #شیدالرون سنه جانی فدا بو مولوده اولا سلام و مرحبا ( ۲ ) اباجعفر مدد اباجعفرمدد اباجعفر مدد ( ۲ ) #محمدرضاصادقی‌شیدا

مدح حضرت امیرالمومنین (ع) . سبک_محرم_رازیم_الله . حاج نادر بابایی . ای شه مردان علی دردلره درمان علی شیعه لرین پناهی جان سنه قربان علی . یا علیجان قیل بیزه بایراملیق عطا بیر نظرله دردیمیزی ایله دوا یا علی‌جان – یا علی‌جان . . . . شاه نجف هاردادی امید ائویم اوردادی سن سیز آقا جنتون بیزلره اولماز دادی . یا علیجان مهر و وفا سنونکیدور من گدایم دست سخا سنونکیدور یا علی جان – یا علی جان . . . . آقالارون آقاسی گوزلریمون ضیاسی سینه مه گلسون آقا نوکروون قاداسی . یا علیجان دیلیمدی ازبر آدووا قبر ائوینده منتظرم امدادووا یا علی جان – یا علی جان . .

مرحوم ذلیل تبریزی . . یا حسین سنون حالیوه او گون قتلیوه دوران لشکر آغلادی بولمورم نه غم یوز وئروب سنه سس چکوب هامی صفلر آغلادی یرلر آغلادی گویلر آغلادی شمر الینده کی خنجر آغلادی . . گتدون اصغرون فرقۀ عدو ایستدون ولى وئرمدیله سو دولدی قانیله ساغر و سبو باخدی ساقی کوثر آغلادی . . گوردی حرمله ہو حکایتون وار سودان سنون چوخ شکایتون باخدى غیظیله پوزدی حالتون حالیوی گورن کافر آغلادی . . آلدى تیریله بیر کمان اله سالدى عالمه شور و ولوله ائتدى حقیله اوخ مقابله اهل آسمان یکسر آغلادی . . گورمیوب داخی دیدۀ جهان بیله میهمان بیله میزبان وئردی حرمله سو یولون نشان اوخ دگوب على اصغر آغلادی . . گوردون اصغرون ئوزگه حالیله ایستدون گیده چوخ جلالیله دوتدون اوجووی دولدی قانیله چشم های خون پرور آغلادی . . گلدی وا حسین مهر و ماه دن سالدیلار سنی ذوالجناحدن جوش ایدنده قان قتلگاهدن وای اوغول دیوب حیدر آغلادی . . دوتدی صحنه کربلانی توز چخدی گویلره آه سینه سوز ائتدیلر ذبیحاً قفا سوسوز آتدی فاطمه معجر آغلادی . . دوشدی عالمه شور و غلغله یرلر ایلدی جمله زلزله آلدی خنجرین شمر دون اله شمر الیندہ کی خنجر آغلادی . . عترت رسول اولدی دیده خون چوخ جفا او گون ائتدی قوم دون ووردولار باشون نیزیه سنون باخدی زینب مضطر آغلادی . . بو مصیبتی یازمارام عیان قورخورام یانا هفت آسمان قتلگاهینه گلدی ساربان عرش حضرت داور آغلادی . . نعشی اوستونه گلدی مادری دولدی اشگیله دیدۀ تری گوردی ال گیدوب یوخدی اللری ساربان کَسَن اللر آغلادی . . کیمسه دوتمادی اول غریبه یاس سویدولار اونی قالمادی لباس ئولدی شاه دین گیتدی هر اساس نعشینی سویان کافر آغلادی . . ای « ذلیل » آل ساخلا بیر دایان ایلمه داخی سوزلرون بیان آغلادی بو گون جمله قدسیان لوح و هم قلم دفتر آغلادی" https://eitaa.com/kobradsg

❣﷽❣ 🌸 #استودیویی_امام_زمان_عج 🌸 #آقای_علی_فانی ⚜️غفلت از یار گرفتار شدن هم دارد ⚜️از شما دور شدن زار شدن هم دارد ⚜️هر که از چشم بیفتاد محلش ندهند ⚜️عبد آلوده شدن خار شدن هم دارد ⚜️عیب از ماست که هر صبح نمی بینیمش ⚜️چشم بیمار شده تار شدن هم دارد ⚜️آنقدر حرف در این سینه ی ما جمع شده ⚜️این همه عقده تلنبار شدن هم دارد ⚜️از کریمان فقرا جود و کرم می خواهند ⚜️لطف بسیار تلنبار شدن هم دارد ⚜️نکند منتظر مُردن مایی آقا ⚜️این بدی مانع دیدار شدن هم دارد ⚜️دلم جز هوایت هوایی ندارد ⚜️لبم غیر نامت نوایی ندارد ⚜️وضو واذان و نماز و قنوتم ⚜️بدون ولایت صفایی ندارد ⚜️دلی که نشد خانه ی یاس نرگس ⚜️خراب است و ویران بهایی ندارد ⚜️بیا تا جوانم بده رخ نشانم ⚜️که این زندگانی وفایی ندارد (آقای علی اکبر لطیفیان ) 🌹هدیه به حضرت معصومه سلام الله علیها (صلوات)🌹 👇