عرض ادب خدمت حضرت امیر المومنین علی  علیه السلام شَرف کون و مکان   پادشه اهل جهان یا علی سن سن آقا    سسلرم آدون اوجادان فاتح خیبر سن سن  جان پیمبر سن سن فاطمه چون کوثردی  ساقی کوثر سن سن جان آقا_سنه قربان آقا_عالمه سلطان آقا ------------ مه تابانسان آقا   حجّت یزدانسان آقا فخر اولاد بشر    ناطق قرآن سان آقا جلوه ی رخساروندا_نور خدا تاباندی بُغض علی آتشدی_حُبّ علی رضواندی جان آقا_سنه قربان آقا_عالمه سلطان آقا ------------- ای شه ملک نجف    ای اولان ایمانه هدف دامنون بوشلاسا کیم     عمرینی ایلوبدی تَلَف من کی دیدیم بو لفظی_اهل اشاره بولدی عشق علی عالمده_چاره ی هر مشکلدی جان آقا_سنه قربان آقا_عالمه سلطان آقا --------------- زَهَق الباطل اولار     هاردا کی حق حاصل اولار سنی هر کیم چاغیرا    دیلده غمی زایل اولار مایه ی اَمنیتدی_نام شریفون آقا سسلیرم عشقیله_منده مدد یامولا جان آقا_سنه قربان آقا_عالمه سلطان آقا ---------------- حَسَنینین آتاسی   مکّه منانین بالاسی (بیکَسم )قوغما منی   واردی گدانین هاراسی سائل درگاهم من_قلبه جلا ویر مولا دعوت ایله پابوسه_کرب و بلا ویر مولا جان آقا_سنه قربان آقا_عالمه سلطان آقا https://eitaa.com/kobradsg

یاس خوشبوی گلستان رسالت زهرا کوثر  جاری  قرآن و  ولایت زهرا هیکل  حُجب و  حیا ام ابیهای نبی مهررخشان حق و  مام امامت زهرا ناز پرورده ی دامان  رسول  مدنی مهرگردون خدم و روح سیادت زهرا خانه ی عشق و محبتده کی محبوبه ی حق عُهده دار شرف و جان شرافت زهرا مام نیکو سیّر زینب فرخنده سیّر منتهای ادب و رکن  نجابت زهرا خادم بارگه ذیحشمی حور و ملک کان احسان و کرامات و سخاوت زهرا https://eitaa.com/kobradsg

سرود ازدواج حضرت علی(ع)و حضرت زهرا سلام الله علیها گل آچدی دشت و صحرا گلین گلوری زهرا گوزلرون آیدین اولسون یا خاتم الانبیا گلشن گل آچدی تبارک الله پیوندوز ائتسون مبارک الله بدنظردن دور اولسون دشمن گوزی کور اولسون بو جشن باصفا ده شادلیق اولسون شور اولسون گلشن گل آچدی تبارک الله پیوندوز ائتسون مبارک الله پیغمبرین عاشقی ائوینون یاراشیقی گون کیمی جلوه لندی گوزلرینون ایشیقی گلشن گل آچدی تبارک الله پیوندوز ائتسون مبارک الله حق نوری جلوه لندی یئر یوزونه الندی عطر بهشتی آلدی گللر شکفته لندی گلشن گل آچدی تبارک الله پیوندوز ائتسون مبارک الله شعر از جعفر فتح اللهی با اجرای کربلایی علی غیبی https://eitaa.com/kobradsg

‍ حسینه آغلامیان گوز،جزاده نیلیه جک ذخیره ایتمسه بزم عزاده نیلیه جک او کس که شیعه علی بیلور ئوزینی موید اولماسا بو ادعاده نیلیه جک آپارماسا قره دسمال النده قبر ایوینه کمند مهلکه و ابتلاده نیلیه جک منور ایتمسه تاریک قبری نور حسین اول گجه ایله ظلمت سراده نیلیه جک نکیر و منکر ایدنده سئوال من ربک بدون عشق حسین ،ابتداده نیلیه جک علینی گورسه دیلنده فمن یمت یرنی چاغورا بیلمسه مولانی داده نیلیه جک نکیر و منکرون ئورگتمسه جوابین علی اولار سئوالین ایدنده اعده نیلیه جک حسینچی ،قبرایوی یاده دوشنده قدروی بیل بو عشق اولماسا هر بینواده نیلیه جک قیامتون گونی گوزیاشی کیمیا کیمدور گلنده آغلامیانلار معاده نیلیه جک او کیمیا که اونون مشتری سی فاطمه دور او کیمیانی بیری ویرسه باده نیلیه جک حسینه آغلیا اما دالیجا غیبت ایده وجودی غرق اولا شرک و ریاده نیلیه جک ویا خدای نکرده نمازه کاهل اولا جگر قانی توکه گوزدن عزاده نیلیه جک زیارتنده اگر بیلسه قد اقمت ندی بیلر نماز ایدنده اراده نیلیه جک

گدای شهر غمم شهریاری آختاریرام قدم قدم دولانوب کوی یاری آختاریرام تبار حضرت خورشیده قوشموشام ئوزومی حبیب و حر کیمین اعتباری آختاریرام یاپیشمیشام ایکی اَللی مَلک ئوپن اَتگی حسین حسین دئیوب اوج وقاری آختاریرام مسیح عشقیمه وقف ایتمیشم جوانلیقیمی بلایه مشتریم چوبِ داری آختاریرام قطار مرثیه نون منده بیر مسافریم قلم الیمده ره افتخاری آختاریرام ردیف و قافیه قیدینده قالمارام هرگز یازاندا نوحه ، نگاه نگاری آختاریرام فرشته شهپری اوسته بهشته گئتسم اگر گورن منی بیلر آیری دیاری آختاریرام سوروشسالار هارانی آختارور گوزون دئیرم من آلتی گوشه اولان بیر مزاری اختاریرام گوزوم فدا او مزاره نفس باتوب اوردا ایکی اوغول بیر آتا ، بی کفن یاتوب اوردا او یرده دفن اولوب اسرار ناب عاشورا او یرده معنی تاپوب انقلاب عاشورا او یرده عشق بساطین قوروب ، یاریم گونده ساتوب ستاره لرین آفتاب عاشورا او یرده نیزه لر آلتیندا بیر چوخور یرده ورق ورق داغیلوبدور کتاب عاشورا همان کتابه باخوب یولدی ساچلارین زینب دئدی بو ساچلار اولار رختخواب عاشورا مگر من ئولموشم عریان یاتوبسان آی قارداش وجودوی بوریوب التهاب عاشورا سنی رقیه اوتانما بورون بو ساچلاریما اجازه وار منیم اولسون ثواب عاشورا اولوبدی میکدۀ عشق قانلی قتلگهون آخور کسوک بوغازیندان شراب عاشورا گرک یاخام بو مقدّس شرابی معجریمه کی تا ابد تاپا قیمت حجاب عاشورا من اول گلم کی نجابت یاغار گلابیمدن الیم کسیلسه ده ال چکمرم حجابیمدن خوشا سعادتیمه سروریم حسین سن سن سرای عشقیده همسنگریم حسین سن سن غزل یاغار نفسیمدن دلینده پاک آدیوی شکسته بیر قلمم جوهریم حسین سن سن سویولموشام ولی صراف گنج توحیدم واریم الهیدی ، سیم و زریم حسین سن سن دلیلی وار اتگیمدن ئوپر سلیمانلار چون عاشقم سنه ، تاج سریم حسین سن سن دیل آچمامیش بو سوزی دیلده ازبر ائلمیشم منیم قیامته جک ، دلبریم حسین سن سن محالیدور داغیدا کشتی وجودیمی غم چون اللی ایلدی منیم لنگریم حسین سن سن قدم آچوب اوچارام جبرئیل اوچان یرده وقاریلن دئیرم شهپریم حسین سن سن خلیل اولوب یانارام عشق اودوندا تا گوره سن پریم کی سهلیدی ، خاکستریم حسین سن سن قسم وقارووه شأن و وقاریم اسکیلمز رشیده قدیمی غم بوکمیوب بوکه بیلمز شراب عشقی ایچوب جانه گلمیشم یارالی بو قانلی مقتله مستانه گلمیشم یارالی قوناقوام منه خوش گلدون ائتمون ئوللم امیدیلن بو بیابانه گلمیشم یارالی ایاقه دور ائویمی یخما ، در به در باجوام چوخاتما دردیمی درمانه گلمیشم یارالی ائشیتجگین قوجا یعقوبیمین الهی سسین گوزومده گوز یاشی کنعانه گلمیشم یارالی ایاق یالین ، الی قوینوندا ، انمیشم تلی خدا بیلور نجه میدانه گلمیشم یارالی سورونموشم سنی آتلار ایاقلیان یرده بو قتلگاهه غریبانه گلمیشم یارالی دولانمیشام باش آچیق هی جنازوین باشینا طواف شمع شبستانه گلمیشم یارالی بوغازوین یاراسین گه اوپوب گه ئیله میشم ننمون عطرین آلوب جانه گلمیشم یارالی سنی بو حالیده گورمیدی زینبون ای کاش ایاقلانان گوله بنذور جنازون آی قارداش سالوب وجودوی صیاد غم کمنده حسین سسون باتوب سینوه نیزه لر اننده حسین گونون باتان چاقی شیرازه دن چیخوب بدنون همان بدنکی اسور ایندی یل اسنده حسین جهاندا هئچ بیر ئولن سن کیمین غریب ئولمز حسن کیمی کاش اولیدون وطنده سنده حسین چیخیدی گوزلریم ای کاش کور اولیدیم من جدا باشیندا کسیک باشیوی گورنده حسین یانوندا من واریدیم قانلی قتلگاهونده بوغازوین دامارین شمر دون کسنده حسین یالین الیله یالین خنجری یاپیشدیم من سنون کیمین یارالاندیم بو چولده منده حسین دئدیم گرک بو منایه منیمده قانیم آخا گوره بو قانی ننم مقتله گلنده حسین بیله کی شیرهٔ جانی نه شیرزن بجروب منیده یاده سالا اوخشاما دئنده حسین

امام صادق علیه السلام: 🔹منْ زَوَّجَ أَعْزَباً، كَانَ مِمَّنْ يَنْظُرُ اللَّهُ إِلَيْهِ يَوْمَ الْقِيَامَةِ. 🔸کسی که امکان ازدواج شخص مجردی را فراهم کند، از کسانی است که خداوند در قیامت به آنان نظر لطف خواهد کرد. 📚 وسائل الشیعة (باب النکاح) جلد ۲۰ صفحه ۴۵ #روز_ازدواج ⬅️ با نشر این حدیث در ثواب آن شریک هستید.

مدح، امیرالمومنین علی (ع) عالم  خلقتده  ای ماه   درخشان ، یاعلی درگهونده  سائلم  من ایله احسان، یاعلی ای    امامُ المتّقین   ای    مقتدای    مسلمین حاکم   عدل و عدالت    حقّه  میزان، یاعلی کعبیه اولدون نگین، پای وئردی الله خلقته رهنمای   راه  حق   ای  نور   ایمان  ، یاعلی عطریوی بیت خدا آلجاق سینوب دیوارعشق کعبه نین ایچره اولوب نورین نمایان ، یاعلی فاطمه   بنت  اسد   او  مادر   والا   مقام حمد ائدوب معبودینه باچشم گریان، یاعلی اوچ گئجیلن اوچ گونوز مهمان اولوبسان خالقه قنداقون آلموش قوجاقه اهل رضوان، یاعلی حفظ ائدوب دیوار کعبه ئوز شکافین ساخلیوب شان وجاهون اهل عالم بیلسین هرآن، یاعلی زینت   عرش   معلّا  حجت  روی   زمین هرایکی عالمده سَنسَن شاه شاهان، یاعلی عالمه سن گلمسیدون اهل ایمان   لنگیدی دین اسلامه وئروبسن رونق و جان، یاعلی اولماسیدون چخموشیدی دین و ایمان رُکنیدن ذولفقارون  وردی کفره مُهر  بُطلان یاعلی مرحبیلن عَمری سالدون  تپراقا  سن  تا  ابد هیبتوندن  اولدی  دشمن پای  لرزان ، یاعلی شرح ائدنمم   درب  خیبردن  اونی الله  بولر چون ملکلر قالموشیدی مات و حیران، یاعلی جانشین  حضرت   ختم  رسل  اهل   یقین صاحب   علم   لدنّی   روح    قرآن ، یاعلی حیف اولا اهل سقیفه شان و قدرین بیلمیوب دردیوی چاهه دئیوبسن قلبی سوزان ، یاعلی حقیوی غصب ائلیوب یوم غدیری داندیلار ائتموشیدی دیولر  بس دینی ویران، یاعلی ییرمی بش ایل دینه خاطرسن یئیوبسن خون دل خالقیلن  باغلیوبسان  عهد  و  پیمان ، یاعلی وصفیوه  مینلر  کتابدا  گر یازام چخماز باشا عرشیده وصفون ائدوب حک حیّ سبحان، یاعلی حک ائدوب آدون(#سیامک)قلبی اوسته فخریلن قیل نظر مَدحون یازاندا یازسین آسان، یاعلی https://eitaa.com/kobradsg

روضه قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه نه چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم دوداقوندان یارالی داغیلوب قلبون اوپوم قوی ایاقوندان یارالی بیر یاران وار یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم دوره سی نیزه اوخودی بو چوخور یرده گئچن گون بو قدر داش یوخودی باخورام هر داشا القاندی یارالی یارالی مقتلین قانیله الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه مرحم گیدورم وئر ابوالفضله خبر شمریله باهم گیدورم دئینن دور قافله یولاندی یارالی یارالی هم رهیم دشمن ناداندی یارالی یارالی •┈┈••✾❀🕊✿🕊❀✾••┈┈• https://eitaa.com/kobradsg

ازدواج حضرت زهرا (س) و حضرت امیرالمؤمنین (ع) کربلایی ایوب روزبه بخشایش مبارک اولسون عاشقان وصال زهرا و علی داماد اولوبدی بو گجه مولا علی مولا علی(2) . جشن دوتوبدی فرشتگان اولوب پیمبرده شادمان دیولَّه چون حورای جنان یا علی یا فاطمه(4) . زهرایه خاطر مرتضی گلدی پیمبر ایوینه زهرایه طوی بزمینی قورا طاها ئورگی سوینه . جشن دوتوبدی فرشتگان اولوب پیمبرده شادمان دیولَّه چون حورای جنان یاعلی یافاطمه(4) . . باشلاندی طوی فاطمیه غریبه مدینیه تبریک وتهنیت اولا هم زهرایه هم علیه . جشن دوتوبدی فرشتگان اولوب پیمبرده شادمان دیولَّه چون حورای جنان یاعلی یافاطمه(4) . یردن بونوعی سس گلور مولاعلی مولاعلی گویدن ملائک لردیور قورتولدی زهرانین غمی . جشن دوتوبدی فرشتگان اولوب پیمبرده شادمان دیولله چون حورای جنان یاعلی یافاطمه(4) https://eitaa.com/kobradsg