زبانحال علیا مکرمه در قتلگاه سنون گل پیکرون چون شانه ، شان شاندور آنام اوغلی منیم زلفیم کیمی حالون پریشاندور آنام اوغلی سنون جسمون دولوب باشدان باشا تیر و سنانیله منیم باغریم دولوب چون غنچه پرده پرده قانیله سن ئولدون قالدی زینب ناله و داد و فغانیله منیم سندن غم و غُصّه م فراواندور آنام اوغلی سنه بیر کشمکش یوز وئردی بیر بند زر اوستونده من ائتدیم شمریله مین کشمکش بیر معجر اوستونده آچوب جسمیمده قمچی سرخ گل نیلوفر اوستونده الیم زلفیم یوزوم قانیله الواندور آنام اوغلی دگوب هر تیغ جسمونده چکوب بیر قرمزی جدول مُذهّبدور قزیل قانیله گویا مُصحف مُنزَل سلامتدور نه باش ، نه سینه، نه اعضا ، نه قارداش ال قزیل گُول دسته سی گویا که خنداندور آنام اوغلی حروف ابجدی اوسته یازیلمیش نه گوزل تنوین دوشوبدور یر به یر ، زیر و زبر نیزه ائدوب تضمین قویوب اوچ شعبه اوخ تشدید ، خنجرلر چکوب مدّین حروفات اوسته نقطه نوک پیکاندور آنام اوغلی اوزون قرآن ناطق سن آدون قرآنه پیرایه وروبلار بسکه کاری یاره لر بو جسم زیبایه یوز اون دورت سوره قرآنی ، یازوبلار آیه به آیه قلم اوخدور مرکّب قرمزی قاندور آنام اوغلی ویروب چون هیکل توحید باشون نیزیه اعدا اولوب شیرازه سیز قرآن کیمی اوراق بو اعضا ولی هر بیر ورقدن مین ورق توحید اولور پیدا بو صد پاره بدن بی جلد قرآندور آنام اوغلی بیری گر ایستسه مرئی نشانه ذات یکتادن سراغ آلسون گرک بو پاره پاره قانلی اعضادن دوشر اهل اولمیان چوخ فکره بو مشکل معمّادن و لیکن زینبه حلّی چوخ آساندور آنام اوغلی محال ایشدور منیم بیرده بو عالمده یوزوم گولسون دیلیم دوتمور هانی بیر اهل دل درد دلی بولسون هانی جسمونده ابعاد ثلاثه زینبون ئولسون یارالی پیکرون خاکیله یکساندور آنام اوغلی گلنده رزمگاهه ایستدون بیر کهنه پیراهن اونی تا سویماسون قارداش سویاندا رختیوی دشمن اولا کول باشیمه نه نوعیله تاب ایلیوم بس من وجودون گون کیمی قان ایچره عریاندور آنام اوغلی گیچن ای نیزیه باشی قالان نعشی قوری یرده ((حسینی )) نوکرون شاها دوشوب بیر چاره سیز درده ائدنمور چاره دکترلر چکولّر مطلبه پرده سنون لطفون فقط بو درده درماندور آنام اوغلی اگر چه چوخ گناهیم وار تاپولماز جرمیمه پایه سیزه وار نسبتیم امّا منه اسموندی پیرایه سنی زهرا آنان قیلما منی محتاج اطبّایه بولورسن جرمیدن اوغلون پشیماندور آنام اوغلی بو دکترلرده بو دردین علاجین بولمسون سنده؟ امامت علمینه باخ گور اولور بو شیوه زیبنده تالاندیم تنگه گلدیم درده یوخ طاقت داخی منده نئچه آیدور انیسیم داد و افغاندور آنام اوغلی ** مرحوم سیدرضا حسینی (سعدی زمان https://eitaa.com/kobradsg

گلچین نوحه ها و مرثیه های ترکی اهل بیت (ع)  -  شاهکار شعرا کوچ از قتلگاه کوچ از قتلگاه گوز  آچ   شامه  سفر  ایلور   بلالی  زینبون  قارداش ستمله   آیریلور   سندن    وفالی   زینبون    قارداش صولوب ظلمیله گلزارون طراوت  سَلب  اولوب گلدن اسوب   باد    خزان   گویا   نشانه  یوخدی  سنبلدن آلوب  درسین  باجون  زینب   چمنده  غملی   بُلبلدن دیور  هجران سوزون  آغلور  نوالی  زینبون  قارداش اویان  ای   همدم    زینب  یاخوندور  موسم   فرقت چتین دور حشره تک دوشسون اَله بیرده بیله فرصت دینه دردون - دیوم منده  اورکده  قالماسین حسرت داخی  درد   دله   اولماز   مجالی   زینبون    قارداش آچوب   پر   طایر   روحیم    بو   چولده   اشتیاقوندن قونوب هجرانه  توشه  اخذ  ایده  وصلین  بوداقیندن قالوبدور    بُلبلون   گُل  سوز   یانور   نار    فراقوندان باخاندا    گُلشنه    آرتور   ملالی    زینبون    قارداش تاپوب   سَنسیز   خِلَل    بالله  سماده  ثابت  و  سیّار دوشوب  توپراقلار   اوسته گوئیا  عرش  حق   دادار کواکب   تک   گَزور حیران   بو چولده  عترت  اطهار تاپوب  آخر  سِنان   اوسته   هلالی  زینبون  قارداش یارالی   باشوی   ویرموش  عدو   جبراً سنان  اوسته بدن  یرده   آخور  قانی  دگوب  اوخ  دسته  به دسته یانور دلدن   او   احواله   باخان   دمده   بو   دلخسته اولور اوز زلفی تک  پوزقون خیالی  زینبون  قارداش دوشوبدور  عترتین امری  بو چولده  مشکله  سنسیز اویان گور بیر نجه دشمن سالوب فرصت اَله سنسیز ویروب  اود خیمه لر یاندی داغیلدوق بیز چوله  سنسیز اولوب   یغما    جفائیله    جلالی    زینبون    قارداش بو مطلبدور سنون  قارداش نشانگر عزّ  و  جاهوندان جنان   عطری   بو گلشنده   گلور هر گل  گیاهوندان زیارت    ایلیوب    حتماً     آنان    بو     قتلگاهوندان گوریدی   کاش   زهرانی    بَلالی   زینبون   قارداش ائدیدی عرض بو چولده  قیزون دوشدی غم و درده نئجه  تاب   ایلسون گورسون   بو  احوالی   برادر ده قالوبدور    قارداشیم    باشی   آنا     ظلمیله    اللّرده پوزاردی  حالینی  پوزقون  بو  حالی زینبون  قارداش بو اوخلی پیکرون گوردوم  عُذاره  باغلادیم  قانیاش چَکِیدیم  پیکروندن  اوخلاری  امکان   اولیدی کاش ولی افسوس اولا یوخ فرصتیم شمر ایلوری پَرخاش دونوب    قانه   اودور اشک   زُلالی  زینبون  قارداش سَزادی نعشون اوسته حشره تک گَر  اِیلَسَم  شیون اولوب  گنجینۀ حکمت  خدنگ  کین  ایچون   مدفن سلیمان – خاتمون  غارت  ائدوبدور هانسی اهریمن اولوب   باعث   ایده   ناله   وفالی   زینبون   قارداش گوروم   اولسون   ایکی   دنیا   سیه  رو  آل  سُفیانی آتاما    ائتدیلر    بیر   ظلم   ترک   ائتدی   بو  دنیانی حسن   قارداشیمون طشته  توکولدی  لعل تک قانی حسینون  پیکرین  گوردی  یارالی  زینبون   قارداش اذیّت        آل    طاهایه      ستمگرلرده       عادتدور آنام   زخمی گیدوب   قبره   او   عادتدن    اشارتدور قولومدا    قمچی نون    ردّی   جفالردن     علامتدور دوگولدی   ظلمیله   زهرا   مثالی   زینبون     قارداش سنه  ای    زادۀ    حیدر  مجالیم   یوخ   دوتام  ماتم عزادارون    سرشکیله    قویار    بو   دردیمه   مرهم بو  عنوانی  یازار  آغلار (( بولوری ))  ذکر ایدر هر دم ستمله   آیریلور   سندن   وفالی    زینبون    قارداش ** محمّد علی بلوری https://eitaa.com/kobradsg

وداع حضرت امام حسین (علیه السلام) روز محشرون عکسین ، هر زمان قلم چکدی بیر حسین بیر عاشورا ، بیر بولوک حرم چکدی کربلا چولون لشکر دولدوروب قیامتدور خیمه لر قباقینده هولناک حکایتدور آیریلور حسین زینب آخرین ساعتدور شه گیدر حرم قویماز چوخ بیوک مصیبتدور بو کشاکش آفاقه پرده الم چکدی نشر اولور بو محشردن اوتری خلق ایچون محشر نور عین زهرایه تنگیدی جهان یکسر ساخلیوب اونی یولدان دامنین دوتان اللر قویمیور سوار اولسون ذوالجناحه اول سرور متصل رکاب اوسته قوزانوب قدم چکدی گوده خازن جنت حضرتین یولون گوزلر الده دوتموش حوریلر قسم قسم شربتلر رزمگهده ذوالجوشن اوغلی سویلیور خنجر قتلگاهده زهرا فرش ایدور یره معجر اهل عالم لاهوت ضجه دمبدم چکدی مشفقانه دیللرلن رام ایدوب اوشاقلاری ایستدی سوار اولسون گیتسون عرصیه ساری دوتدی مرکبون کلثوم اول شهون جلوداری فضه ده رکاب آلدی میندوروب او بی یاری زینب اولدی پرچم دار زلفدن علم چکدی ایتمسیدی میناده گر حسین اوگون امداد اولمازیدی اسماعیل حکم ذبحدن آزاد گلمزیدی دنیایه او ذبیحیدن اولاد خاتم النبی دن ده نه تولد ومیلاد بو مقامه اوز جدین خون محترم چکدی گورسنوب هلال غم برج چرخ اخضردن یحیوی یازوب نوحه خلعت آلدی حیدردن قلب اوینده بیر چشمه روشن اولدی کوثردن دامدی نوک مژگاندان قطره قطره گوزلردن تپراق اوستونه نقش روزه ی ارم چکدی شاعر : مرحوم یحیوی https://eitaa.com/kobradsg

‍ آنام اوغلی زینبه رحم اله سوله هاردا دالدالانیم حسین بئله گتمه صبر اله بیر دیان باشوا گلیم دولانیم حسین سن آپار سکینمی خیمیه غم اوتوندا قویما یانام باجی منه مانع اولما گوزتلیور یولومی بلالی آنام باجی بوسیزیلیان بالار غمی وروب اوت یارالادی سینمی توکولنده خیمه لره قوشون ورا قویما شمری سکینه می باسارام سکینه می سینمه دوزرم بو دشتیده هر غمه آلارام قوجاقیمه قویمارام دگه تازیانه سکینه مه باشوا نقدری بلا گله او بلالره اله حوصله آلیشوب یانناندا چادرلاریم داغیلار سوسوز بالالار چوله اوزمان کی ظلم و جفا اوتی وریلار سرادق هاشمه یغارام یاناندا بو خیمه لر سوسوز اهلبیتوی باشمه یتیشوبدی وقت شهادتیم باشا گلدی آخر ساعتیم یانا قویما ناخوشی اوتلارا داغلیناندا چوللره عترتیم یانار اوت دوشنده چادرلارا من بخت قاره حسین حسین آلارام بو سینمه ناخوشی چکرم کناره حسین حسین بو بلالی چولده آدامسیزام کیمه دردیمی دیوم آغلیوم دی گوروم گلورسن اگر حسین یولوی گوزتلیوم آغلیوم اله کی یر ایله دی زلزله قوشون اهلی ایلدی هلهله باش آچوب آنام بالاوای دیر گلر اوندا قورخولی مقتله قویالار اگر عوضونده من بویانام قزل قانا یا حسین چکه سن بو السیز ایاقسیزی آنام اوغلی بیر یانا یا حسین او زمان کی گوردون عربلری باجی تلون اوستینه چیخدیلار یره ذولجناحیدن اوندا بیل یارالی حسینوی یخدیلار دوشر انقلابه بو کربلا قره یل اسر توتولار هوا اشیدرسن اوندا گلر صدا قتل الحسین بکربلا قالا یرده قویمیاجاخ بو قان غضبیله صاحب قان گلر یارالاردا جوشه گلر بو قان قان آلان امام زمان گلر مرحوم_استاد_منعم https://eitaa.com/kobradsg

. #مناجات با #امام_زمان(عج) #کربلایی_سید_رضا_نریمانی 📋 این جمعه هم رفت ازت خبر نیومد #زمرمه / #زمزمه_مهدوی کربلایی سیدرضا نریمانی ـــــــــــــــــــــــــــــــــــ این جمعه هم رفت ازت خبر نیومد، غصه به سر نیومد مسافر غریبِ، من از سفر نیومد خیلی تو این شبا من، برا تو گریه کردم بیا که آرزومه، دورت آقا بگردم ذکر غروب جمعه‌هاست، آقام‌کجاست آقام‌کجاست اون که امید قلب ماست، آقام‌کجاست آقام‌کجاست منتقم کرببلاست، آقام‌کجاست آقام‌کجاست «آقابیا آقابیا، آقابیا آقابیا» شرمنده‌م آقا برای اشکایی که، دم سحر میریزی گرچه بدم میدونی، خیلی برام عزیزی من بندگی نکردم، رزمندگی نکردم یک روز هم شبیه، تو زندگی نکردم دل تو رو شکسته‌ام، منوببخش منوببخش با غیر تو نشسته‌ام، منوببخش منوببخش از این زمونه خسته‌ام ، منوببخش منوببخش «آقابیا آقابیا، آقابیا آقابیا» #هدیه_به_امام_زمان_عج_صلوات ⚘#اللهم_عجل_لولیک_الفرج

باجی دور قاره گیین قافله سالاریم اولوب بو کولوبدور بلیم عباس علمداریم اولوب باجی سرداریم اولوب قافله سرداریم اولوب علمیم قویما یاتا زینب علمداریم اولوب ایستدیم تا گتورم خیمه لره پیکرینی یادینه سالدی سکینه عطش و غملرینی یوزونه قیلدی روان آهیله اشک ترینی ددی گت خیمه ده اظهار اله سرداریم اولوب ده سکینه سو یولون گوزله مسون اولمادی سو مشگیمون گتدی سویی ویردیلا اوخ قوم عدو الی بوش خیمیه گلمم که چتین امریدی بو ده گیلن عترت زهرایه هواداریم اولوب بو گون اول گونلره بنزردی وفات اتدی رسول سیندی ظلمیله قابورقاسی وفات اتدی بتول ایشدیروب قارداشیما زهر جفا قوم جهول باشی ضربت گوتوروب حیدر کراریم اولوب ظلمیلن اهل جفا قوللارینی قیلدی قلم دگوب اوخ مشکینه آغشته اولوب قانه علم غرق دریای جراحتدی دوتوب قلبینی غم حمزه یه ثانی اولان میر وفاداریم اولوب دل بی حال و قراریمده داخی قویمادی تاب شرر فرقتی قیلدی دل بریانی کباب باجی عباسیم اولوب خانه دین اولدی خراب دییه سن شهپر آچان جعفر طیاریم اولوب اوزوی ایله اسیر اولماقا آماده باجی المون چوخدی غمون چوخدی بو صحراده باجی داخی یوخ وحشت و غم لشگر اعداده باجی هاموسی اولدی جری گوردی سپهداریم اولوب باشیوه جمع اله اطفالیمی جدیتیلن https://eitaa.com/kobradsg

‍ جیگر قانین ایچن لای یلای شیرین جاننان کیچن لایلای آنون اوخشار دییر اصغر بوغازین اوخ بیچن لایلای علی لایلای گلوم لایلای یارالی    بلبلوم   لایلای یاطفل عطشان____لب تشنه قربان علی شرمنده ام سندن سوسوز گیتون بوسینمدن گیلیلی اولما چوخ مندن عطش دردین چکن لایلای دولانان خسته میدانی قان ایتدون قلب زهرانی اوتا چکدون بودنیانی عطش جنگه گیدن لایلای علی لایلای گلوم لایلای یارالی   بلبلوم    لایلای یاطفل عطشان____لب تشنه قربان غمونده سینه سوزانم پریشانم     پریشانم سنونتک منده عطشانم عطش جنگه گیدن لایلای علی شرمنده ام سندن سوسوز گیتدون بوسینمدن گلیلی اولما چوخ مندن عطش دردین چکن لایلای علی لای لایلای گلوم لایلای یارالی    بلبلوم   لایلای یاطفل عطشان____لب تشنه قربان قوجاقیمده قالان عطشان گیجه گوندوز ایدن افغان یات اسوده سوسوز قربان بوغازین اوخ بیچن لایلای چمنده گل کیمی سولدون قرا یلدن خزان  اولدون قوجاقیمنن اوزاق اولدون جفا نفسین چکن لای یلای علی لایلای گلوم لایلای یارالی  بلبلوم  لایلای یاطفل عطشان__لب تشنه قربان اخ ای...ای بالا غریب ئولن  بالا اللری باغلی بالا اصغرین قانلی قونداقین ویردیلر ننه سی ربابه بیله باخدی قونداقه دیدی علی دیل اچمیان لایلای ایاق دوتوب قباقیمده قاچمیان لای یلای الغرض سوز یرین الدی بالاچاتدی ننیه ، گوردی فرصتدی سولان غنچه سینه نوحه دیه دیدی قارداشون ئولوب کوینگون الواندی نیه علی عوض ایله قرمیزینی یاسلی گرگ قاره گییه علی، سنی کیم گوردی میداندا https://eitaa.com/kobradsg

ایلده بو آی دنیا دیر ایوای حسینیم وای آغلار خانم زهرا دیر ایوای  حسینیم وای  🌺🌺🌺🌺🌺🌺🌺🌺🌺 ای دیده باخ تا گور نه وار عشقین دیارینده یورقون بسیجی اگلشوب سنگر کنارینده وار آرزوی کربلا قلب فکارینده صبری اولوب یغما دیر ایوای حسینیم وای 🌼🌼🌼🌼🌼🌼🌼🌼🌼 لب تشنه لر مولاسینه بیزدن سلام اولسون ایام عاشوراسینه بیزدن سلام اولسون هم دوغرانان اعزاسینه بیزدن سلام اولسون آدم دیر حوا دیرایوای حسینیم وای  🌼🌼🌼🌼🌼🌼🌼🌼🌼 گلدی محرم دهه سی شیعه فغان ایلر اهل عزا دلده نوا اشکین روان ایلر بو آیدا زهرا گلشنین صرصر خزان ایلر باشین آچوب طاها دیر ایوای حسینینم وای 🌸🌸🌸🌸🌸🌸🌸🌸 گون چیخسا عرشه یدی گون باش چکسه کیوانه کرب و بلانی گورجاقین قلبی دونر قانه گر باخسا سقا خانه دی سقای عطشانه دلدن گورر سقا دیر ایوای حسینیم وای ☘☘☘☘☘☘☘☘ چاووشه سویله پرچمین ایتسون عیان آچسون تاخیر ائدوب رزمنده لر یول کاوان آچسون کرب و بلا دروازسین آز قان قالدی آچسون یاران عاشورا دیر عاشورا دییر ایوای حسینینم وای 🌹🌹🌹🌹🌹🌹🌹🌹🌹   آز قالدی غمدن عالمین قلبی کباب اولسون گول یوزلی قربانلار اوزی قانلان خزاب اولسون صاحب زمان آغلور گوروم دنیا خراب  اولسون چوللرده اول مولا دیر ایوای حسینیم وای ☘☘☘☘☘☘☘☘☘ آغلا کلامی فاطمه گریاندی بو آیدا گوز یاشی گیزلین دردیوه درماندی بو آیدا پیغمبر اوغلی ظلمینن دوغراندی بو آیدا https://eitaa.com/kobradsg

┄━═✿♡﷽♡✿═━┄ ➖➖➖➖➖ حضرت ابراهیمه روح القدس فرمان گتوردی #عید_قربان_معزی_اردبیلی ➖➖➖➖➖ امتحان عظیم – #عید_قربان گریز به شهادت حضرت علی اکبر (ع) .. .. .. مرحوم معزی اردبیلی .. .. .. حضرت ابراهیمه روح القدس فرمان گتوردی ذوق و شوقه عاشقی فرمانیده جانان گتوردی .. وحی گلدی امتحان من ایستورم سندن خلیلیم امتحانون کلمه سین دستوریده عنوان گتوردی .. امر ایدوب کس باشینی اسماعیلون الله یولوندا وحی جانانی خلیل اللهه تازه جان گتوردی .. گلدی جریانی دیدی اسماعیل زیبا سرشته گوردوگی رویایه شیخ الانبیا برهان گتوردی .. عرض قیلدی صابرم ال چکمه مأموریتوندن نوجوان اوغلی زبانه ذکر الرحمن گتوردی .. ویردی زینت هاجر امّ القرا زیبا جوانه أمّهات کلّ عالم هاجره ایمان گتوردی .. غسل ایدوب تازه لباسیلن ملبّس اولدی قربان کوی یاره گردنینده خلعت الوان گتوردی .. نام پاک کردگاری دلده قربانگاه عشقه ویرمگه اللهه ابراهیم گوزل قربان گتوردی .. یخدى دلبندین یره قویدی جبینین تپراق اوسته حلقنه خنجر ایلیکی سرور خوبان گتوردی .. سس گلوب ابراهیمه کچدون حبیبیم امتحاندان آیری قربان کسمگه پیک حق منان گتوردی .. بیلمورم حکمت نئیدی ... . https://eitaa.com/kobradsg