احوالات وداع اباعبدالله: آتورسان   زینبین  داشین  وصال دلبره  خاطر منی  قویما  آدامسیز ای  امیدیم  اکبره  خاطر حرم اهلی یاشار راحت بو دوزدی رهبره خاطر حرم اولسا اگر باشسیز قالار آواره آی قارداش سنون خوش حالووه قارداش گیدورسن بزم دلداره ولی   سندن  سورا   زینب  اولار بختی گونی قاره اسارت بندی بوینوندا   گزر    صحرانی   آواره بو درده کیم ایدر آیا جهاندا چاره آی قارداش حسین  اصغر ویران   لشکر سنه رحم ایلمز قارداش اوتوز مین لشکر اولدی تک سنی یخماقه حاضرباش قوتارسا   اوخ   سنه  لشکر  بو دعواده ویراللار داش یارا سایسیز ویرار لشکر گل کراره آی قارداش بو لشکر اهلی سرتاسر رذیل و پست و جاهل دی بولاردی  بندۀ  درهم   جفاکار  و   سیه دل دی بولار مرجانه نون اوغلی   دیین  آئینه  قائل دی بولار دین خدائیلن چیخوب پیکاره آی قارداش حسینجان گیتمه میدانه بولار خصم ولایتدی بولار  کان  خیانتدی   دیانت سیز جماعتدی بولاردی کلب  سفیانی  بولار   مأمور غارتدی بولار دینین ساتانلاردی نچه دیناره آی قارداش سنی گورسه اگر یالقوز آلار اطرافووی دشمن سلیمانی   سالار دلدن   سپاه  پست اهریمن بولار بدر و احد قانین آلار بو دشتیده سندن سنون گول جسمووی ایلر بولار صدپاره آی قارداش جهاندا ای کرم شاهی   سنون تک بیر غریب اولماز شهادت   امری بی شبهه   هر انسانه  نصیب اولماز ولی سندن سورا قارداش منه یاخجی طبیب اولماز مریض عشقه هیچ یاندا تاپیلماز  چاره  آی قاارداش دیدون  الان کی  قیزلارین آلوم زیب و زرین یکسر دیدون کی   زیوره   خاطر   ویرار  قیزلاری غارتگر حسین سندن سورا یعنی قوپار بو عرصه ده محشر دگر   قمچی  بو صحراده   بالا قیزلاره آی قارداش بیابانی عرب قارداش خیامه گلسه بیر لشکر مروری صبریمی آلدی منه   رحم آی رهبر اوتوز مین لشکرون آیا قباقینده باجون نیلر گیدر الدن علی اکبر ،آلان گوشواره آی قارداش نویدآسال اردبیلی https://eitaa.com/kobradsg

🌼بــرای هــر چیـزی 🎊جــوازی لازم اسـت 🌼و جواز گذشتن از 🎊صــــراط 🌼مــــحــبــت و عــشــق 🎊به علی بن ابی طالب است 🌼پــیـــشــاپــیـــش 🎊عیـد غـدیر خم مبـارک

‍ نوحه روز عاشورا ای دل آغلا یان حسینه آغلور انس و جان حسینه باش آچوب عزا دوتوبلار عرش و فرشیان حسینه **** فوج فوج دسته دسته شام و کوفه نین سپاهی ابن سعد بی حیا و شمر شومین اشتباهی باعث اولدولار پناهسیز قالدی عالمین پناهی بیر بو قدری وسعتیله تنک اولوب جهان حسینه قتل شاه دینه لشگر گلدی دشت کربلایه ظلم بی نهایت اولدی اهل بیت مصطفایه شاه مشرقین آراده قالدی یوخ گلن هرایه اشقیای بی حیادن ذره یوخ امان حسینه قاره پوش اولوب زمانه اهلی گلمیش الامانه سالدیلار سپاه کوفه اود مکان لامکانه اود دوتوب یانور اورکلر شعله قالخیر آسمانه آسمانیان ایدوللر آه و الامان حسینه قلب ختم الانبیانی مین بلایه توش ایدوبلر شاه لافتی علی نی جدی قاره پوش ایدوبلر زور و ظلملن الهی نورینی خموش ایدوبلر گون دوشوب کسوفه سانکه حشر اولوب عیان حسینه غرق دور بلالی زینب بحر آه و الاماندا آه و الامان صداسی وار زمین و آسماندا نیزه لر قلجلار اوخلار آتدا جسم لر نهاندا تار و مار اولوب تاپلمور بیر نفر یانان حسینه کربلا چولون دوتوب غم چولقویوبدی ابر ماتم قوللارین ویروب ابوالفضل نقش اولوب ترابه پرچم سسله سونله وا حسین وای عترت رسول اکرم خیمه لر الولانیر یوخ بیرجه آشیان حسینه ** حاج رسول امینیان (امینی خویی) https://eitaa.com/kobradsg

یالان دنیا: روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه گلسون باری گوزلریمی باغلاسون ♦السلام علیک یا اباعبدالله الحسین بانوای حاج جعفر ایمان نژاد https://eitaa.com/kobradsg

بسمه تعالی 🏴سینه زنی اربعین 🎼سبک: بیر نظر ائت پادشه کربلا... 🎼سبک: من پسر ام بنینم قوشون... گلدیم حسین نوحه دیوب آغلیام سینده کی اوخ یاروی باغلیام حسین حسین جان.. جان سنه قربان 2 ........ قویمادیلار بیر باش آچوب آغلیام نعشوون اوسته سینمی داغلیام قیرخ گیجه گوندوزدی اورک غملیم گلدیم اخا ایندی عزا ساخلیام حسین حسین جان.. جان سنه قربان 2 ......... کرببلا ایتدی پریشان منی زینبوون اولمادی بیر همدمی بیر گونون عرضینده آغاردی باشیم سالدی ایاغدان منی قارداش غمی ،،،،،،،،، اولدی هامی یاوروانصاریمز قالمادی بیرکس اولا غمخواریمیز مشک ابوالفضله وروبلار اوخی یاتدی فرات اوسته علمداریمیز ...‌‌‌‌....... وردیلار اوخ حلق علی اصغره اوخ نیجه دگدی او کیچیک حنجره قانینی اتدون اوزمان کی گوگه قانی ویروبدو گوگه بیر منظره ،،،،،،،، خیمیه گتدون سن علی اکبری بوکدون عبایه او گل پر پر ی هاردا یاتوب اکبر گلگون کفن لیلی گزور اکبر خوش منظری ،،،،،،،، قبر علی اکبر ی ویرسن نشان لیلی اولوب هجرینه چوخ باقری قان وقت نماز اولسا اگر امکانی سویله علی اکبره ویرسون اذان ،،،،،،،،،، گلدی عروس باشه قرا باغلیور غصه وغمدن اورگین داغلیور طوی گونی دامادی باتوبدور قانا ای وای عم اوغلی دیور هی آغلیور ،،،،،،،،،، هاردا یاتوب میر و علمداریمیز لشگر اسلامه سپهداریمیز قولاری سواوسته دوشن قارداشیم غم گونی امداد الین یاریمیز حسین حسین جان.. جان سنه قربان 2 ......... باشیمه من یدی قرا سالمیشام اولمه میشم من نیجه ساغ قالمیشام سویله ابوالفضله گلیبدور باجون پرچمینی ویرمه میشم آلمیشام ،،،،،،،،،، قاردشیمون نیسگیل اولوب ماتمی قدی اوجا قبری کیچیگ وار غمی پرچمینی ساخلامیشام سینده قویمامیشام یرده قالا پرچمی حسین حسین جان،،جان سنه قربان،2 ...... صبح ومسا من غمینه آغلارام سینمی آهیمله حسین داغلارام جان نقدر واردو بدنده منیم پرچم حریتینی ساخلارام ........ ✍شعر از یعقوب رشتبر آلیله https://eitaa.com/kobradsg

ورود به کربلا عذاره  گوز  یاشون قارداش  نَدن  بیله  روان اولدی که سالدون  زینبی گوزدن  اِیشین  آه و فغان اولدی ندا   گلدی  سنه   آیا   بو  چولده   اوز    نگاروندان ؟ که دیده  شوق  وصلیندن عذاره  خون  چکان اولدی او  دَمدن  که   بو  ماوایه    یتوبدور   کاروان    عشق دِیوبسَن چوخ  گوزل  بیر یر ، وصاله بو مکان اولدی حسینیم    اولمیا    بو   یئر   همان   دشت    بلایادور مگر  هانسی نشان  اوز  بی نشانوندان عیان  اولدی منه   دنیاده   حسرتله   بیر  آنی  باخمامیشدون سن ایله حسرتله  باخدون که  اودم صبریم تالان اولدی بویوردون  تا  ابوالفظه  که   اولسون  خیمه لر   بر پا ددیم  ای وای  منه گوردوم  حرم جامه دران  اولدی سریه     قاسمه     باخدی       علی      اکبره      لیلا نه حاله   زینبون   قالدی حرملر    همچنان     اولدی بیر آنی باغرینا باسدی رباب اوز  اصغرین  جان تک بهار عمری    بو   غمدن  دِیه   بوللم   خزان   اولدی سوزی واضح دِیوم قارداش دوتولدی قلبیمی غمدن دوباره   بیر دعا   اِیله  باجوندا   خون فشان   اولدی یوزون  دوت   درگه   حَقه   من  زاره  ئولوم   اِیسته نگاهوندان     منه   شرح    بلا    یکسر  بیان  اولدی همین    بو   کهنه  کوینک  که    امانتدور   من   زاره نَدور سرّی بولنمزدیم ویراردیم حدس همان  اولدی آنام   زهرا   بویورمشدی، چتین   بیر  امتحانون   وار دولاندی   چرخه ی  دوران   زمان   امتحان   اولدی گرک    من    بو     بیاباندا    دوزم    سوز    مصیباته ئولونجه    شدت   غمدن   شعاریم   الامان   اولدی غم    دلواپسی    آخر    بو   زاری  غصه   مرگ   اِیلر دئیَلَر    باعث  مرگی    همین    داغ    گران    اولدی چَکنمزدین  (( عتیقا ))  سن   بو   نوعی  مطلبی نظمه توجه    شاه    عطشاندان   حضوره   ارمغان  اولدی ** داود  طهمورثی (عتیق) https://eitaa.com/kobradsg

🌹  آرزوی کربلا   🌹 دنیا گوزی عالمدَه حسین کرب وبلادور بینُ الحَرمین عاشقووَه سَعی و صفادور بیر یاندا سنون گُنبد پاکوندی نمایان بیر یاندا یاتوب عَلقمین اوسته مَه تابان جانیم اولا سنله بو علمدارووَه قربان عباس دئمه معدن ایثار و وفادور ششگوشه دی قبرون سنون ای زادهء حیدر سینوندَه مِدال اولدی سنه صوداَمر اصغر یاتمیش اَیاقون آتدا جوانون علی اکبر ششگوشه مزارون بیزه مِحرآب دُعادور عاشقدی هامی قبرووَه ای شاه خُجسته باخ شیعه لَره عازم اولور دسته به دسته پهلوسی سینان فاطمه دورمیش یولون اوسته خوش گلدین ائدن زائرووَه خیر نِسادور باشسیز او عیال و حَرمین گوزدَن آتاننان عمّامه سی باشینده قزل قانه باتاننان ایستی قومون اوستونده بو صحراده یاتاننان هریاندا اونا ئوز نَنَه سی صاحب عَزادور ایکاش زَوال اَمری بو هجراندا اولیدی بلبل لرین آوازی گلستاندا  اولیدی ایکاش حسین قبری بو ایراندا اولیدی افسوس بو هجران داغی داغلاردان اوجادور https://eitaa.com/kobradsg

‍ حضرت ابوالفضل علیه السلام سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی https://eitaa.com/kobradsg 👇

▪️▪️▪️▪️▪️▪️▪️▪️ متن روضه حضرت رقیه سلام الله علیها ▪️▪️▪️▪️▪️▪️▪️▪️▪️ السلام علیک یا رقیه بنت الحسین اولسون سلام دیللره طوفان سالان قیزه آغلارقویوب خرابه ده آغلار قالان قیزه اولسون سلام غم یوخوسوندان دوران قیزه بابا دینده عمه سین یاندیران قیزه   لایلای رقیه لایلای 2 ای درد لره درمان رقیه لایلای جان یارقیه...دست توسل ووراق بی بی رقیه اتگینه...اورگلری آپاراخ شامین خرابه سینه.... هانسی خرابیه...او خرابه ای کی قیرخ گئجه بیر شمعی یانمادی ووردی قمچی وورانلار رقیه نی اوتانمادی...😭😭 به یاد اوساعتی کی گجنون عالمی بیبی رقیه خواب نازیدن اویاندی دوتدی یارالی زینبین اتگیندن دئدی عمه....من بابامی سندن ایستیرم آی عمه...... (خداسنی آندورم رقیه نین او بابا ..بابا ..دین ساعتینه هیچ عمه نی قارداش بالا سینا یتیم دار ائلمه😭) دئدی عمه دور چراغی یاندور...آل قوجاقیوه منی بو خرابه نی دولاندور آختاروم تاپوم بابامی...تانشان وریم یارامی....😭😭😭 اما آی رقیه یه دملی سوزی اولانلار رقیه نین آغلاماقی حسینون یارالی باشین گتیردی خرابیه...😭😭😭 (نه حاجتین وار آل نظره😭) جان یاحسین.....آخ حسینون یارالی باشی خرابنین چولونده ال به ال طبقده دولاندی ...چاتدی رقیه نین بالا جا اللرینه....ایله کی رقیه روپوشی ووردی کناره...بیر اوندا گوردیلر رقیه یارالی باشی آلدی قوجاقینه😭😭😭 سارالان لبلرینی قویدی بابانین دوداقلارینه😭😭😭 (قیز بابانی گوزل اوخشار ها جان رقیه) دئدی جان بابا...یارالی بابا بورسمیدی قیزین باشی آتا آلا قوجاقینه...بابا بابا خرابده اما رسم عوض اولدی....هیچ دیمه دی آجام..هیچ دیمدی سوسوزام😭😭 دیدی بابا ندن باشون کوله باتوب بابا ندن دوداقلارون یاره دی بابا😭😭 یری وار حسین دیه آی بالا....باشوم خولیه مهمان گئدیب....دوداقلاریما خیزران یاره سی دگیب😭😭😭 اما اوغملی زینب بیر آن گوردی رقیه سسدن دوشدی...جان یارقیه ...یارالی باش بیر طرفه رقیه ده دوشدی بیر طرفه😭😭😭 سسلن دردیوه یارالی یا حسین😭😭😭😭😭😭😭😭😭 التماس دعا https://eitaa.com/kobradsg