🍁 جواب حضرت زینب (س) 🍁 گوزون آچ اویان شه باوفا باشون اوسته دادووَه گلمیشم منیلن دانیش دیلووَه فدا باشون اوسته دادووَه گلمیشم آنام ئولدی سوندی چراغیمیز باجون عَندلیب عزا اولوب آتام ئولدی شُکر ائلدیم هَله حسنیم یرینده بَقا اولوب گورورم سنونده آخور گوزون سنه بو ستم نه روا اولوب باشیما سالوبدی فلک قرا باشون اوسته دادووَه گلمیشم بو ئورک دوگونمسینه اخا منی مبتلا غمون ایلدی بِله پوزقون حالیله باخماقون منه نسگیل هر دَمون ایلدی سنی بوگجه غمه مبتلا ئوز ائوینده مَحرمون ایلدی نجه بیلدی بو ستمی روا باشون اوسته دادووَه گلمیشم آناما قوناق گئدوسن ولی پوزولان تفاقووه آغلارام سالارام همیشه باشا قرا باخارام اطاقووه آغلارام گورورم یانوب جگرون اخا گوگرن دوداقووَه آغلارام ئورگیم منیمده دونوب قانا باشون اوسته دادووَه گلمیشم باجوون فدا اولا گوزلری آنام اوغلی سن کیمی قُربانا او قَدَر سنه ئوزوم آغلارام گوزومون سرشکی دونَر قانا گلوب آلتی قارداشون آچ گوزون سنه آغلیولّا یانا یانا سنی اوخشیار گلن اَقربا باشون اوسته دادووَه گلمیشم گوزووی آچوب یوموسان نَدن بو سرای قلبیمی داغلوسان باخوسان ساقا صولووا گَهی یوزه گوز یاشون بِله باغلوسان نَدور علّتی منه ائت بیان باخوسان بو قاسمه آغلوسان گئدوسن ولی نگران اخا باشون اوسته دادووَه گلمیشم ئورگیم یانور باخوب آغلاما نگران اولان گوزووَه فدا سنه بو حسین باخوب آغلیور دئ ئورک سوزون سوزووَه فدا آتالیق ائدر بالووا حسین بالووا فدا ئوزووَه فدا ائدرم ئوزوم طویونی بنا باشون اوسته دادووَه گلمیشم 🌹🌹🌹🌹🌹🌹🌹

زبانحال حضرت ابوالفضل ع اوجا سروم خولیم یوخ بدنیمده قولوم یوخ مشکیمه اوخ دییبدی خیمه لره یولوم یوخ صحرای کربلایه زهرا گلییب عزایه یخیلمیشام آت اوستن یتیش اخا هرایه😭😭 خانم بهروزی

حضرت ابوالفضل (ع) یخیلدیم دشمنیم‌ ال چالدی قارداش بوغوغادن فلک کام آلدی قارداش منی چوخ یاندیران بو نسگلیمدور باجیم زینب داخی تک قالدی قارداش بیر آغیر آهن عمودیله وروبلار باشیما باشیمون قانی آخاندا قاریشوب گوزیاشیما حاضرم یاره مین اوسته گنه یاره وراللار بویانام قانه ولی سو وئره لر قارداشیما

زبانحال حضرت عباس اورگیم اسدی اسدی دوشمن قاباغی کسدی ساق گوزوم سنه قربان سول گوزوم منه بسدی عزیزم قارا باغلار قارداشسیز قارا باغلار ،،،ای باجیم زینبی یوللا او یاخشی یارا باغلار من دئمرم قولوم یوخ هیچ دئمرم یارام یوخ وورون دیسین گوزومه مشکیمه ویرمیون اوخ 😭😭😭😭 خانم بهروزی

دئدیم حلاله ندن قامتون بوجور خم دی؟ دئدی ائویم ییخیلیب اول محرم دی🥲🖤

🏴 حیف دور انسان حسین بزمیندن الهام آلمیا باشینا لطف حسین دنیاده سایه سالمیا توت حسینون دامنیندن چون که مَعلوم اِیلمز اَز مُحرّم تا مُحرّم کیم قالا کیم قالمیا..

نوحه وداع 🌺 سبک ... خداحافظ ای آنام باجی ... ▪️🔸▪️🔸▪️🔸▪️🔸▪️🔸▪️ من عازمم قانلی مقتله زینبیم خداحافظ چتین سلامت حسین گله زینبیم خداحافظ                باخما صاق صولا زینب                سال منی   یولا   زینب ▪️▪️🔸🔸▪️▪️🔸🔸▪️▪️ گرک بو گون ترک ایدم سنی باغریقان باجیم زینب حلال ائله سال یولا منی قهرمان باجیم زینب اماندا ساخلا رقیه می مهربان باجیم زینب محبت ائت بو شیرین دیله زینبیم خداحافظ ئورک گزور وصل دلبری قلبده قراریم یوخ باشیمدا غیر از شهادت و وصلت نگاریم یوخ سروش غیبی ندا ائدور الده اختیاریم یوخ مسافرم آیری منزله زینبیم خداحافظ بو کربلا غملیدور ولی خوشلورام هواسین من وئریب رسید آلمیشام ازل کربلا بلاسین من آتام کیمین کوفه لیلرین گؤرمدیم وفاسین من منیم یازیم یازدیلار بئله زینبیم خداحافظ دایان باجی ایندی آغلاما سیل گؤزون یاشین زینب سلامتدی ئولمیوب هله غملی قارداشین زینب گورن زمان نیزه لرده سن قارداشین باشین زینب گؤزون یاشی بنذیر سئله زینبیم خداحافظ ئولوب علمدار لشگریم سن منه علمدار اول یانان زمان خیمه لر باجی قیزلاریما غمخوار اول اماندی سجاد مضطره لطف ائله پرستار اول امامیدن دوتما فاصله زینبیم خداحافظ بو کوینک اگنیمده زینبیم یادگار زهرادی که ظاهرا کهنه دور ولی جامه دل آرادی منه لباس ظفر سنه محنتی غم افزادی بو رازی عالم گرک بیله زینبیم خداخافظ اله دوشر دشمنیم سویار کهنه پیرهن قالماز گئدر اودا غارته باجی اگنینه گیین قالماز شهید اولاندا جنازه می دفن اولا کفن قالماز چتین بو غم دلدن اسگیله زینبیم خداحافظ باجی بودور آخرین سؤزوم روی صحبتیم سنسن علی قیزی قهرمان اولار یار نهضتیم سنسن حرملرین پاسبانی سن روح عزتیم سنسن سنه چاتار غملی قافله زینبیم خداحافظ https://eitaa.com/kobradsg

ورود به کربلا 📝 عینی فرد زنجانی ووردی پرچم حسین کربلایه زینبون باشی دوشدی بلایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) فاطمه اوغلی بیردن سارالدی نازنین قلبنی محنت آلدی گوزیاشی آخدی آهی اوجالدی اللرین قوزیوبدور دعایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) عرض ایدوب ای پناهیم الهی خلق ایدن عرش و فرشیله ماهی ایله هموار حسینه بو بو راهی درد و غم باشیمه سالدی سایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) لطفون الله منیم مأمنیمدور گنج عشقم بو یر مخزنیمدور قتله یتسم بورا مدفنیمدور کر بلادور مطاف انبیایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) من یزیده بلورسن باش اگمم دورموشام من سوزوم اوسته ئولم نور و ظلمت یغشماز مسلّم لطف ایله تا چاتوم مدعایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) گلموشم من اولام دینه قربان قانمیله اولار زنده قرآن سن حمایت ایله ذات سبحان قویموشام من قدم نینوایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) باوفا و شجاع لشگریم وار أشبه مصطفی اکبریم وار بیر اوزون قول علم پروریم وار راضیم غصه لی ماجرایه یا حسین یاحسین سسلور عالم کربلا سسلنور خیر مقدم جان حسین جان حسین جان حسینجان (۲) #ورود_کربلا