قتلگاه سیدالشهدا تاحسین دوشوب ذوالجناحیدن،ناامید اولوب مرکب آغلادی معجرین آچوب فرشه فاطمه،باشینه ویروب زینب آغلادی تکلیوب چوخور یرده شامیان،بی کمک امامی ندن ویرور صف چکوب هامی وحشی کوفیان،بیرگلن ویرور بیر گیدن ویرور کیم ویرور گیدیر آخر صفه،نوبتی چاتوب تازه دن ویرور     گاه بیرنفس تا ه ایلوری،گه گیدیر گینه حال عادیدن      گه دییور ابولفضل هایانداسان،دم آلور اسن وقته بادیدن راوی نقل ائدیر گوردوم حضرتین،صاف یری وجودینده قالمادی بولمورم او بی رحم عربلرین،پس نیه دیلی راضی اولمادی اول چوخور مکاندا گلن گیدن،ویردی بی کمک شاهی دویمادی      بعضیسی گورور قورتاروب حسین،جسمینه گینه داش آتوردولار       بعضی تازه نعل آتلارا سالوب،گیروداریده آت چاپوردولار قوی دئیوم اوزوم نیزه داریدن،عف ائله منی یابن فاطمه بیر اشاره چوخ آشمارام سوزی،یوخدی طاقتی اهل محرمه ویردی نیزه نی گیچدی قلبینه،چکدی قان سپوپ عرش اعظمه      لخته لخته قان سوزدی نیزه دن،سیندی زینبون خم اولان بئلی        تلّیده ویروب لطمه صورته،سسلدی یتیش داده یاعلی بو مخمسیلن تمام ایدوم،شیعه نین بو نسگیل بیوک داغین بیر اشاره ده ساربانیدن،پوزدی باد غم فاطمی باغین چوخ تلاش ائدوب چیخمادی اوزوک،خشمگین اولوب کسدی بارماغین      صف ب صف گلوب قدسیان یره،وا حسین دئیوب سینه داغلادی     جبرییل او دم نوحه باشلادی،قورخورام یازام اللّه آغلادی بسدی ای قلم جان فاطمه،وئر بو نوحیه بوردا خاتمه سن حیا ائله ساخلا ال دایان،زخمدار اولور قلب فاطمه گورمسن «فقیر» آغلوری قلم،دفتر آغلوری بیله ماتمه      آچما چوخ سوزی آلدی اهل دل،قصه ی غم قتلگاهیدن         یاز شجاعتین یاز شهامتین،آل صله اوزون پادشاهیدن https://eitaa.com/kobradsg

من رقیه اکبرون مارالیام کربلادن اونولان آرالیام ساربانلار اوقدر وروب منی دائم آغرور بدنیم یارالیام آخ اومهربان بابام هاردا قالوب نیه گوزدن بیزی بو‌نوعی سالوب یاندروب آه وفغانیم عالمی هیچ دیمور شمره ورور رقیه می هاردادی گیدم دیم کی آی بابا سالدی دلدن بیزی قوم اشقیا آخ اومهربان بابام هاردا قالوب نیه گوزدن بیزی بو‌نوعی سالوب زجر دائما عناد اوسته دورور هرکیم آغلور اوزونه سیلی ورور بابا جان کسدیله راه چاره می آلدلار خرداجا گوشواره می آخ اومهربان بابام هاردا قالوب نیه گوزدن بیزی بو‌نوعی سالوب یولدا مین غمه باشم دچار اولوب بابا جان سیلی گوردیب یوزومی هانسی دردیمی بیان ائدیم بابا نجه شرح داستان ائدیم بابا آخ اومهربان بابام هاردا قالوب نیه گوزدن بیزی بو‌نوعی سالوب کیم گوروب خرداجا قیز اوشاقنی داش تیکان پارچالیا ایاقنی کیمه اظهار الیوم من بو غمی آغلیان وقته ورولار عمه می آخ اومهربان بابام هاردا قالوب نیه گوزدن بیزی بو‌نوعی سالوب https://eitaa.com/kobradsg

باخ سینه ده کی بو اودلی آهه، گئتمه بابا قانلی قتلگاهه. صحبت داخی آیریلیقدان ائتمه، میدانه طرف داخی قئییتمه، گئتمه بابا کارزاره گئتمه، قویما ائده لر جفا بو شاهه، گئتمه بابا قانلی قتلگاهه. ای حجّت و رحمت الهی، سنسیز آلیشار بو قلبون آهی، سنسن بابا عالمون پناهی، رحم ائیله بو خیردا بی پناهه، گئتمه بابا قانلی قتلگاهه. من توش اولارام بلایه سنسیز، ناله م یئتیشَر سمایه سنسیز، کیمدور یئتیشه هرایه سنسیز، ظلمت قاریشار بوتون پکاهه، گئتمه بابا قانلی قتلگاهه. سوز عطشیم اگر چه چوخدی، اخیامیده بیر ایچیم سو یوخدی، سو ایسته ماقون جوابی اوخدی، باخ تیر و کمانه باخ سپاهه، گئتمه بابا قانلی قتلگاهه. قوی گول کیمی من سولوم سوزوزدان، گئتمه بابا جان قالیم من عطشان، گئتسَن بو اورک اولار بوتون قان، عمروم گئدر الغرض تباهه، گئتمه بابا قانلی قتلگاهه. باخ گور نئجه اشک آخیر گوزومدن، بیر دفعه ده اوپ منیم اوزومدن، صحبت ائله مه ولی دوزومدن، آهیم اوجالیبدی مهر و ماهه، گئتمه بابا قانلی قتلگاهه. گوردوم بابا اشک وار گوزونده، غمواژه ی آیریلیق سوزونده، باخ گورنه قالیب گوزوم گوزونده، رقّت ائله بو درین نگاهه، گئتمه بابا قانلی قتلگاهه. سن سیز بیزی غارت ائیلییَرلر، غارت ده قیامت ائیلییَر لر، قمچی ایله جسارت ائیلییَرلر، تاپشیرما بیزی شقی سپاهه، گئتمه بابا قانلی قتلگاهه. یوخ قمچی یه طاقتیم باشیمدا، قان موجه گَلَر بو گوز یاشیمدا، زولفوم آغارار بو اوچ یاشیمدا، لطف ائت حله ساچلاری سیاهه، گئتمه بابا قانلی قتلگاهه. سن سیز باتاجاق تیکان ایاقدان، گوشواره چکر عدو قولاقدان، چوخ سیلی دَیَر بو گول یناقدان، چوخ ظلم اولونار بو بی گناهه، گئتمه بابا قانلی قتلگاهه. هر درده عزیزیم ایسته مرهم، دوت کرب و بلا غمیندن ماتم، بو صحنه نی سال خیاله هردم، شهزاده دئییر صفالی شاهه، گئتمه بابا قانلی قتلگاهه. https://eitaa.com/kobradsg

حضرت رقیه (س) زبانحال حضرت زینب (س) . : . فانی تبریزی . یوزون ارغوان گلی تک سولوب بو نه داستاندی رقیه جان بولوسن جمال مهون منه گل و گلستاندی رقیه جان . . گوره گر بو حالت زاریله سنی دیدۀ مه و آفتاب توکر اشگ تر یوزه دم به دم یانار ای قرار دل رباب اولا کاش کون و مکان بو گون دل بیقرار یمه تک خراب نیه هر نفس ایشون ای گلوم غمله فغاندی رقیه جان . . بو خرابه طی طریقده سنه خانقاه حضور دور بو خرابه راه وصالده سنه شاهراه عبور دور بو خرابه قلّۀ عشقده سنه جلوه گاه ظهور دور بلی مست جام محبّته بورا چون جناندی رقیه جان . . اولا گر بو راه وصالده او گؤزل ایاقلارون آبله داغلوب گیده ره عشقده فر و شوکتون ایلمه گله بونی بول کی یاره یتیشماقین یولی چوخدی مرحله مرحله بو بلالر اهل محبّته ره امتحاندی رقیه جان . . بو خرابده گیجه لر ایشون اولی ناله تا دم صبحگاه ائلیوب سنون نفسون منه بو مکانی مسجد و خانقاه نه صفالی یردی عبادته سوله یاحسین سوله یا الاه که بو ذکرلر هامی عاشقین دلنه رواندی رقیه جان . نه سنون گوزونده قالوب یوخی نه قالوبدی منده توان و تاب گیجه گوندوز آه و فغانیله سالوسان بو عالمه انقلاب سارالوب یوزون غم و غصّه دن یورولوبسان ای دل بوتراب سوله نیلییم، بولوسن آنان سنه مهرباندی رقیه جان . . بو خرابه گوشه سی اولدی تا سنِ نازنینه مکان بالا دئدیم ایله سن غم و دردیوی منِ بی نوایه بیان بالا ندن ایلدون بو قدر غمی منِ دل غمینه نهان بالا منه ایندی کشف و عیان اولور بونه داستاندی رقیه جان . . سنی اوچ گون اوچ گیجه ایلیوب غم آیریلوق بیله دیده تر من زاره گور او شهین ایدر غم فرقتی نقدر اثر ایلیوب مصیبت آیریلوق من خسته نی ایله خون جگر که دوزنمرم بو مصیبته غم بیکراندی رقیه جان . . ندن ای گل حق لم یزل گیجه آغلوسان گونوز آغلوسان ندن ای جمال حقه مثل گیجه آغلوسان گونوز آغلوسان بیله کیم فراقدن ای گوزل گیجه آغلوسان گونوز آغلوسان یته سن وصال حقیقته منه بو عیاندی رقیه جان . . سنده من کیمی ای گوزل بالام نار هجردن گرچه یانموسان شوق وصل جانان هواسیله شام و کوفه نی چوخ دولانموسان ایله اوزموسن ال بو کوندن بو خرابده دالدالانموسان گوئیا بو یئر شامده سنه ابدی مکاندی رقیه جان . سن کی ایلدون بو خرابه ده وصل یاریدن اوتری اعتکاف گوز یاشیله آیینۀ دلی صیقل ایلدون مثل آفتاب لایق اولدی دل، جان حضورینه گلدی شه باشی ایلدون طواف باش نه باش که هر آشنایه بیر گنج شایگاندی رقیه جان . . فکر شاعری شوق وصلدن نوحه ایلیوب ایله منحرف وزن و قافیه چخدی فکردن اولدی وزن لر بیله مختلف یازدی نوحه نی اشگ چشمله راز عشقوی ایدی منکشف سنده لطفیله ایله بیر نظر گور نه خوش بیاندی رقیه جان . . طاقت و توان ویردی فکرینه تا بو نوحه نی ایستیوب «حبیب» «عابد» فتی سویلیوب کی یاز «فانیا» داخی ایلمه شکیب ایسته حقّدن تا کی ایلیه جمله اونلارا کربلا نصیب حق یانوندا چوخدور شرافتون عالمه عیاندی رقیه جان https://eitaa.com/kobradsg

زبانحال حضرت زینب اوجا داغلار باش اولدی غم منه یولداش اولدی بئله قوجالماغین باعثی قارداش اولدی کربلاده داش آغلار زینبون قان یاش آغلار دشمنلرین قورخوسوندان قیزلارون یاواش آغلار گلیردیم داغ آراسی تاپدیم معجر پاراسی اولونجه دای ساغالماز اورگیمین یاراسی غم لباسین سویمارام آغلاماقدان دویمارام باشیوین یاراسین گوردیم باشه حنا قویمارام https://eitaa.com/kobradsg

‍ حضرت رقیّه سلام الله علیها ای دردیمین دواسی _ لای لای رقیه لای لای... ویرانه نین صفاسی _ لای لای رقیه لای لای... ای روحیله روانیم _ یاتما شیرین زبانیم تپراقه قویما باشون _ سن سن عزیز جانیم لای لای رقیه لای لای... یوللاردا اینجییبسن _ سیلی دگوب یوزونن قالدی گوزوم گوزونده_قوی بیر ئوپئم گوزونن ای فاطمه مارالی _ کرب و بلا غزالی اکبر باشی جداده _ آغلور سنه یارالی لای لای رقیه لای لای _ لای لای رقیه لای لای ای زینت خرابه _ آی مه لقا نگاریم سن سیز گدر الیمدن _ ویرانده قراریم فاطمه ی سه ساله _ ائتدون چوخ آه و ناله گوردون یارالی باشی _ قالدون نیه بو حاله لای لای رقیه لای لای _ لای لای رقیه لای لای اکبر آدی دیلونده _ آدین اولوبسان ازبر قارداشون اولدی گول تک _ باشی جداده پرپر اکبر اولوب عزیزون _ منده سنون کنیزون عمریم نقدری اولسا_ اولام من اشکریزون لای لای رقیه لای لای _ لای لای رقیه لای لای ویرانسراده قالدون _ اولدی بویر صفالی زهراکیمین ئولوبسن _ ای فاطمه مثالی تپراقلار اوسته یاتما _ گوزدن ربابی آتما سن سیز دوزنمز عمون _ یاددان منی چیخاتما لای لای رقیه لای لای _ لای لای رقیه لای لای اول صورتی کی اکبر _ ناز ایلیب ئوپردی سیلی ویریب او ضالم _ سولدی یوزی گوردی دوتدی سنی بهانه _ هی وردی تازیانه دویدون غم و محنن _ گلدون رقیه جانه لای لای رقیه لای لای _ لای لای رقیه لای لای چوخ ایلدی یزیدین _ دختی سنه شمادت آج ئولمگون رقیه _ ائتدی منی خجالت مظلومه ی وطن سن _ غمدن سولان سمن سن قارداشیمین مثالی _ بی غسل و بی کفن سن لای لای رقیه لای لای _ لای لای رقیه لای لای آباد اولار خرابه _ زهرا گلر عزایه سن سیز نجه گدوم من _ صحرای کربلایه آلسا خبر حسینیم _ بس هاردا نور عینیم ورم بله جوابین _ ئولدی قیزون حسینیم لای لای رقیه لای لای _ لای لای رقیه لای لای https://eitaa.com/kobradsg

توصیف حضرت ابوالفضل(ع) عبّاس نه عباس قوی هیکل و رعنا اون دورت گئجه لیک آی کیمی سیماسی دل آرا هیچ شعره،سجایا و کمالاتی سیغیشماز شوریدی ایاقدان باشا عشـقیدی سراپا کیم علمیـنه دریا دئسه عبّاسی کیچیلدر امّا نه یازاق،بیزلره معیاریدی دریا تشریح معارفده فقیهـیدی مبرّز احکام و مبانی ده سخن سنج و توانا حـیدر کیمی سجاده نون اوستونده اَسردی میداندا ولی شیر قدر قدرت و هیجا طاهایه مطابق حرکات و سکناتی حاتملری ایلردی کراماتیده رسوا دریای کرم کوی شرف گنج نجابت تعریف ابوالفضلیدی ناپخته دی امّا https://eitaa.com/kobradsg

🌹امام حسین عاشقلری🌹 حسين حسين دئين گرگ حسين كيمين صديق اولا طريـق زنـدگانيده حسين كيمين دقيق اولا حسينه يـار اولانـلارا محا فـل حسينـيـده ادب هميشه گـوزليه وفـالي بير رفيق اولا 🌷🌷🌷 حسين حسين دئين گرگ سوزونده پـايـداراولا مـجـالس حسينيـده متيـن و بــا وقــار اولا مثـال عنـدليبـي لـرحسينـه نـوحه بـا شليا غـم فــراق يـاريـدن اوركـدن اشكبـار اولا 🌷🌷🌷 حسين حسين دئين گرگ شريف اولا اديب اولا هميشـه هـر مـكا نيـده مــودب و نـجيب اولا هـايـانـدا گـورسه بير نفردچار اولوب مصيبتـه گـرگـدور اللرين دوتا اوشخصيچون حبيب اولا 🌷🌷🌷 حسين حسين دئين گرگ حسينه با وفا اولا حسـين دئـين مسا ئله اوركـدن آشنـا اولا يـول اورگـده جماعتـه مـراميلن يـورولميا دوز اگلشوب دوز آغليا عـزاده بـي ريـا اولا 🌷🌷🌷 حسين حسين دئين گرگ جها ندا بي نظيراولا سخي اولا اديـب اولا حسينه دوز سفير اولا حسيني ايستيـن لـره همـيشه ايليـه مدد حسين كيمين زما نده كريـم و دستگير اولا 🌷🌷🌷 حسين حسين دئين گرگ حسين كيمين شكيب اولا عزيـز گـردگار اولا نـگـارينـه حبيــب اولا اراذ لـه ستمگره بـاش ا گميـه زمـا نــده حسين كيمين بو دهريده سخي ومستجيب اولا 🌷🌷🌷 حسين حسين دئين گرگ حسينه افتخار اولا هميشه دار فـا نيده يـالان چيدان نـزار اولا ايشيتسه هـر مكا نيده صداي غيبت و يالان گرگ دورا ايا قه تـز او بـزميدن كنار اولا 🌷🌷🌷 حسين حسين دئين گرگ گنا هيدن بري اولا شعـار شـاه تشنـه لـب هميشه از بري اولا گـرگدي د قّـت ايليه حسينون ا نـقلا بينه شهيد حق گيدن يـولا جها نـدا مشتري اولا 🌷🌷🌷 حسين حسين دئين گرگ حسين كيمين رشيداولا او دلبـر يگـا نيـه جهـا نـدا دوز مـريـد اولا عمل ایـده آقا سینون گوزل گوزل اوآ مرین جزا گونونده شاه دين يانيندا رو سفيد اولا 🌷🌷🌷 حسین حسین دئین گرگ آخوندی مبتلا اولا اسیر عشق یار اولا انیس هر بلا اولا غم نگاریدن اوزه روان ایده سرشگینی که تاری شاید ایستیه مزاری کربلا اولا https://eitaa.com/kobradsg

بانوای عبداللهی ======👆 روضه حضرت ابوالفضل(ع) دئمدیم نهری گئدیب خیملره دوندرسن یا بیر مشکی سووا بیر گوز ایکی قول ویرسن عباس من اوخ آتان گر چوخودی قارداش مشکی آتیدون یره سن اولماسیدی سو اورک بیر بله چرپنمازیدی نه قولار کسیلردی نه بلیم سنمازیدی بلیم سیندی قارداش ای آی یارالی قارداش ای

مرحوم انور اردبیلی یتدی ئوز نیّتینه دشت بلاده شهدا کوفه و شامی گزوب یثربه گلدی اسرا جدّینون شهرینی زینب ائلدی شهر عزا قاره پوش ایلدی زهرا قیزی اهل وطنین گوستریدی هامیا یوسفینون پیرهنین. . گهی تبلیغ ائلیوب گاه ائلدی ناله و زار هم شه محشره خونخواهیدی هم تعزیه دار گونده بیر خانه نی وئرمیشدی عزاخانه قرار یاس دوتوب درد دل ایلوردی اوغولسوزلاریلان یا ئولن قیزلارا آغلوردی قالان قیزلاریلان. . بیر گون عیدیدی خانم یاسلیلارا قیلدی خطاب ای خواتین دل افسرده و پژمرده نقاب ای علی اصغر آناسی اورگی داغلی رباب ای قرا گونلی سریّه چوخ اولان درد و غمی ای جوان اوغلی ئولن لیلی حسینون حرمی. . منشی غم آدوزی ثبت ائلیوب دفترینه اولون آماده گئدک امّ بنین محضرینه غمی چوخدور آنامون شرکت ائده غملرینه اطاقیندا یری اوغلانلارینون بوشدی بوگون عیدیدور یاسلی یانیندا اوتوماق خوشدی بوگون .. اورگیم چوخ دوتولوب اوردا بیر آز آغلاشاقون اوغلی عباسه ائدوب سوز و گداز آغلاشاقون قیلسا عبدالله او بیچاریه ناز آغلاشاقون با وفا قارداشیما مجلس ماتم قوراقون آهیله غملی اطاقینده چراغ یاندیراقون .. اوغلی ئولسه یاسا مایل اولی از بس آنالار سس وئروب زینب مظلومیه بیکس آنالار سالدی چادر شبینی باشه مقدّس آنالار صحنه که دوشدوله گوزیاشی آخوب یوزلرینه یالواروب قوشدولار اصغر آناسین ئوزلرینه. . منزل امّ بنینده هاموسی تاپدی حضور باخدی مهمانلارا یوز وئردی او بیچاریه شور هیجان ائتدی بدن قلب آلیشوب مثل تنور خوش گلوبسوز دئدی هاموز بو پریشان اطاقا باشلیون اوخشاما مشغول اولاقون آغلاماقا .. آخدی صورتلره گوزلردن آخان گوزیاشلار قره معجرلره ال گتدی آچیلدی باشلار ایله مجلسده مسلّم سؤزی زینب باشلار باشلادی اوخشامانی منظره لی یاس اولدی هامونون ورد زبانی سؤزی عباس اولدی. . بیری سویلردی چتین مثلی بو دنیایه گله بیری سویلردی نه گلدی او کرامتلی اله بیری سویلردی فلک ایلدی افسوس عجله قویمادی کام آلا عمرونده او سردار سلیم آناسین قویدی اوغولسوز بالاسین قویدی یتیم.. بیری سویلردی حسین قدّینی خم قیلدی غمی بیری سویلردی که الدن اله دوشدی علمی بیری سویلردی گلوب رام ائله قارداش ننمی بیری سویلردی که بس هارداسان ای اشجع ناس عیدیدور گل بالون عبداللهه آل تازه لباس.. اهل مجلس غم عباسیدن اولدی بی تاب آغلاماق یوردی اوتوردی هاموسی دیده پرآب ناگهان باب حرم خانه اولوب دقّ الباب بیربیره بو سخنی ائتدیله اظهار و علن یاسلیلار جمعیدی بوردا گوره سن کیمدی گلن .. ئوزونی فضّه یتوردی قاپیا فوری اودم دئدی کیمسن نه سوزون وار دئدی من بیر عربم بو ائوین صاحبینی یولّا سؤزوم وار دییرم دئدی ائو صاحبینی گوزلمه دئ حاجتوی من کنیزم یتوروم ائوده سنون صحبتوی .. دئدی بو صاحب خانه شرف اهل سخا هر ایلین خرجینی ایلده منه ایلوردی عطا کچن ایل عذریم اولوب گلممیشم بو قاپیا گلمیشم ایندی امیدیله او ارزنده صفات لطف ائدوب خرج دوساله ائده حقّیمده برات. . فضه بیر سؤز دئمدی گلدی ائوه اشک فشان گوردی مبهوت هامونی وار نه دئنن نه دانیشان آناسی آلدی خبر اوغلومی کیمدور سوروشان باشینی سالدی اشاقه سؤزی کشف ایلمدی آغلاماق مانع اولوب مطلبی روشن دئمدی. . گینه تکرار ائدوب اوّل که سؤزی ام بنین فضه گوردی دئمسه ایلیجک داد و انین بیر عربدور دئدی آغلاتدی منی گورمک همین منتظردور آقام عباس ائده حقّینده کرم سالاجاق سوز یولا ایندی نجه؟من بیلمیورم . . دئدی فضه بو قدر آغلاما یاندیرما منی پوزما اشک تریله بو پوزولان انجمنی قویماروق خوار اولا عباسون آدیلان گلنی دئمروک بیز ئولوب عباس اونا شرمنده اولا سائلی اهل کرم لر سالار عزّتله یولا . . ائشیدنلر بو سؤزی ناله سینی ائتدی بلند دئدیلر ایلروک عباس قوناقین خرسند بیری گوشواره وئروبدی بیریسی بازوبند فوری بیر قدری فراهم اولوب اشیا طلا دئدیلر فضه آپار وئر عربی ایله رضا https://eitaa.com/kobradsg

▪️ در سوگ جوان 🎼سبک: بو غربتده الله گوزوم یولدادی.. دور ای نازنینیم دانشدیر منی وجودیم  یانور آز  آلشدیر  منی منیم مهربانیم، آلاگوز جوانیم، قوجالدیم بالا ئورکده غمیم چوخ، الیمدن دوتان یوخ، قوجالدیم بالا گیجه گوندوز آه و فغان ایلرم یوزه اشک حسرت روان ایلرم       ملالین  ئورکده  نهان  ایلرم سنیدون امیدیم، جوان رشیدیم، قوجالدیم بالا یوخوم یارویولداش، ئولیدیم من ای کاش، قوجالدیم بالا بو دنیانون  آسایشی  یوخ بالا صفاسی آز اولدی غمی چوخ بالا گوزومدن کأنَّه دگوب اوخ بالا گوزون آچ آماندی، حالیم چوخ یاماندی، قوجالدیم بالا بودنیایالاندی، جفاسی قالاندی ، قوجالدیم بالا https://eitaa.com/kobradsg

💟 بر میـم  محمد و جمالش  صلوات ❇️ برعین علی و ذوالفقارش  صلوات 💟 بـر دسته گل  شاخه   طوبی  زهرا ❇️ قائم  بـه محمـد و كمالش  صلوات   💖 در ایـن  روز  سه‌شنبه  دهـانمـان 💚 راخوشبــو کنیـم بـه ذکرصـلواتِ 💖 صلوات بـرمحمـدوآل محمـد(ص) 💖اللَّهُـمَّ صَلِّ عَلَى مُحَمَّـدو💚ٍَ          💚آلِ مُحَمَّدٍ وعَجِّلْ فَرَجَهُم💖      💖(🌸) اللّهُمَّ💚       💖(🌸) صَلِّ 💚        💖(🌸) عَلَی 💚         💖(🌸)مُحَمَّدٍ💚          💖(🌸)وَ آلِ  💚 ‌.         💖(🌸)مُحَمَّدٍ 💚            💖(🌸)وَعَجِّلْ💚             💖(🌸)فَرَجَهُمْ💚              💖(🌸)وَ اَهْلِکْ💚    ‌           💖(🌸)اَعْدَائَهُمْ💚                💖(🌸)اَجْمَعِین💚 💚اللهم صل علی محمدوآل💖          💖 آل محمدوعجل فرجهم 💚