ای جوان قویما قدم هرقاپیا آگاه اول گل گدالق ائله زهراقاپوسنداشاه اول قال قوجال بوقاپیداصاحب عزوجاه اول گزمه اهل شریله دهریده نااهل اولما گل بودرباریده سلمان اول ابوجهل اولما ئوزوی جهل مرکبده گرفتارایلمه دهریده لعنت ونفرینه سزاوارایامه بولهب مثلی مسلمانلاری آزارایلمه باادب اول دئمسونلرکه ادبدن بریدی قوی دئسونلرکه علی درگهنون نوکریدی https://eitaa.com/kobradsg

خداوندا ای روزی دهنده ی بندگان… امروز خبری خوش که جبران صبرهایمان باشد، روزی‌مان کن.. 💎

احوالات ابوالفضل ای ادب گنجینه سی معرفت آئینه سی قولًآری بیر جوت قلم غم کتابی سینه سی سن دبیر دفتریمسن یاابافاضل قهرمان سرلشکریمسن یاابافاضل ______________________ ماه تابان قاردشیم__قانه غلطان قارداشیم عاشق شوریده سر__دینه قربان قارداشیم حامی پیغمبریمسن یاابافاضل قهرمان سرلشکریمسن یاابافاضل خوار اولیدی دشمنی__سالدی مرکبدن سنی سن دوشنده تپراقا سسلدون داده منی طایر بی شهپریمسن یاابافاضل قهرمان سرلشکریمسن یاابافاضل گلمیشم دیداریوه__مایلم گفتاریوه اوخ جبینوندن دگوب__قان آخوب رخساریوه حق یولوندا یاوریمسن یاابافاضل قهرمان همسنگریمسن یاابافاضل ای فدای راه دین__زادهء امً البنین نطقه گل منله دانش__آچ گوزن ای مه جبین سن امیر لشکریمسن یاابافاضل قهرمان سر لشکریمسن یاابافاضل ای گل یاسیم اویان__ اشجع ناسیم اویان گوزلریوی قان دوتوب__یورقون عباسیم اویان سن که ارشد افسریمسن یا ابافاضل قهرمان سرلشکریمسن یا ابا فاضل یالقوزام من آچ گوزون__تپراقا سورتمه یوزون دی حسین قارداشیوه__وار ئورکده هرسوزون ساقی صاحب فریمسن یاابافاضل قهرمان سرلشکریمسن یاابا فاضل ای منیم آرخام ائلیم__دور سینوب غمدن بیلیم رحمسیز دشمن باخور_قوی گوزون قانین سیلیم مهربان همسنگریمسن یاابافاضل قهرمان سر لشکریمسن یاابافاضل ✍حاج رحمان شاجری زنجانی__ ملتمس دعا https://eitaa.com/kobradsg

حنجرین یاراسینان که خون عشق آخدی حسینده آچدی گوزون غملی زینبه باخدی دیدی کی هرنه بلاعشقیدن گلیر خوشدی باجیمدا قانه بلشدی ننه یرین بوشدی بیزیم بوعشقه ملکلرده عاشقانه باخور سنین قانوندی ننه زینبین الینن آخور بولورسن الی بش ایل سینه داغلیوب زینب اوشاقلیقندا سنه یاره باغلیوب زینب کسیب مصیبت الی راه چاره سین باجمین گل ایندی سنده ننه باغلایاره سین باجمین https://eitaa.com/kobradsg

دردی درمانسیز اولان سسلر ابوالفضل آقانی گتمه بیراهه دایان سسله ابوالفضل آقانی ناامید اولما علی اوغلی دی بوهمتی وار سَرو ، قامتدی ، اوزون قوللارا باخ قوتی وار وحشته سالدی ، اوتوز مین قوشونی غیرتی وار نگران اولما گینان، سسله ابوالفضل آقانی نچه ایل فاطمه نین اوغلونی مولا چاغیروب دئمه عاشقلری امدادینه بیجا چاغیروب تلین اوستونده اونی زینب کبری چاغیروب ایشی مشکلده قالان سسلر ابوالفضل آقانی https://eitaa.com/kobradsg

‍ اربعین (سبک: ای باد صبا …) دور ای نفسی محیی الاموات آتام اوغلی زینبدی گلوب غرق مصیبات آتام اوغلی دیندیر منی قارداش دور قارداش حسین زینب نالانی دانیشدیر قلبیم تالانوب قلبی پریشانی آلیشدیر یول یورقونویام غمزده مهمانی دانیشدیر بو زاری قوجالدوب غم شامات آتام اوغلی ششگوشه مزارون باشینا خسته دولاننام هر دم دیریلر خاطره لر اودلارا یاننام قارداش جانی اول گونکی وداعیمدن اوتاننام گرچه سنه روشندی خفیّات آتام اوغلی سعد اوغلی اوگون وئرمدی بو زاره اجازه تا غسل ائلیم اشکیمیلن شاه حجازه سجاد بالوندا دورا اول چؤلده نمازه اجرا اولونا رسم و رسومات آتام اوغلی اول گوندن ائله آهیله دل داغلامیشام من رخساریمه گوز یاشلاریمی باغلامیشام من بی غسل و کفن قالماقوا آغلامیشام من شاهددی بو نسوان و بو ابنات آتام اوغلی عهد ائتدیم اوگون باشیمی هردرده سالام من زنده ائلینجن قانوی زنده قالام من پیراهنوی یوسفیم اللردن آلام من قالسام گتیرم قبروه سوغات آتام اوغلی زهرایه قسم عهدیمه من ایلدیم ایفا هم کوفه ده زینب سالوب هم شامیده غوغا ناحق توکولن قانوی من ائتمیشم احیا سیندیرمامیشام شأنوی هیهات آتام اوغلی محنتلی سفردن گلورم ای شه خوبان مهمانوه خوش گلدین ائله قبروه قربان دیندیر باجوی خسته دی ای صاحب احسان یورقون قوناقی ایله مراعات آتام اوغلی سندن صورا چوخ شهرلر اجباری دولاندیم قول باغلی ، سرشکیم ئوزومه جاری دولاندیم عباسه دئمه ، کوچه و بازاری دولاندیم غیرتلیدی ای سید سادات آتام اوغلی سندن صورا بو زینبه بیر عمریدی هر آن دیل یاره لری ایلدی بو قلبیمی القان ال چاتدی منه کوفه کنیزانی حسین جان یاغدی باشیما درد و بلیات آتام اوغلی جان نقدینه آلدیم جانیما محنت عشقی جاوید ائلدیم نطقومولن دولت عشقی شاماتیده ویردیم علم نهضت عشقی ائت زینبوه فخر و مباهات آتام اوغلی اوچ یاشلی قیزوندان دئمه شرمنده دی زینب بو باره ده محزون و سر افکنده دی زینب علت بودی افکاری پراکنده دی زینب عفو ائت منی ای قبلهٔ حاجات آتام اوغلی https://eitaa.com/kobradsg

بنام خدا #سروده_جدید ▪️نوحهٔ ی استمداد طلبیدن قمر منیر بنی هاشم(ع) از سید وسالار شهیدان آقا امام حسین ع) "" "" "" "" "" "“" گل منه ایمداد ائله؛  ای شانلی سلطانیم حسین دوشموشم توپراقه یوخ دورماقه امکانیم حسین اوخ وروبدی دیده ی خونباریمه   قوم عدو گوزلویور یول حسرتیله  چشم گریانیم  حسین من‌ سنون‌  سرداروام غم گونی غمخواروام عالمَ سلطان حسین یاحسین‌ و یاحسین دردلره درمان حسین یاحسین و یاحسین ◇◇◇◇◇◇ گل حسین جان خصم دون عباسووی آتدان سالوب نیزه و اُخلارایچینده قارداشون تنها قالوب گوزلریم گورمور‌ قولوم‌‌ یوخ دوره‌می‌ دشمن‌ آلوب‌‌‌‌ گل‌ منیم‌ بالینیمه‌‌ یوخ‌ درده‌‌ درمانیم‌ حسین من‌ سنون  سرداروام غم گونی غمخواروام عالمَ سلطان حسین یاحسین و یاحسین دردلره درمان حسین یاحسین و یاحسین ◇◇◇◇◇◇ من ‌سو‌قولی ‌وئرموشیدیم آلتی‌‌‌‌ آیلیق‌ اصغره شرمسارم  یوخ‌‌‌ جوابیم‌ اول‌ لب‌ عطشان‌ دلبره نیلویَر نیلوفرون دوشسه حسین جان چول لره‌‌ یاندیرار آفاقی‌ اوندا  ‌آه سوزانیم حسین‌‌‌ من‌ سنون سرداروام غم گونی غمخواروام عالمَ سلطان حسین یاحسین و یاحسین دردلره درمان حسین یاحسین و یاحسین ◇◇◇◇◇◇ ای آخا قویما گله زینب باجیم بو ‌‌‌مقتله راضی‌ اولما‌ روشن‌ اولسون زینبه ‌بو‌ مسئله دوغرانوبدی پیکریم‌ من‌ دوشمو شم‌ اَلدن‌ اَله باشیم‌ اوسته‌ تئزیئتیش وار‌آیری مهمانیم‌ حسین من‌ سنون  سرداروام غم گونی  غمخواروام عالمَ سلطان حسین یاحسین و یاحسین دردلره درمان حسین یاحسین و یاحسین ◇◇◇◇◇◇ دولدوروب‌ بو‌دشتی‌ قارداش‌ عطر‌ و بوی‌ ماسوا باشیمی‌ آلموموش  دیز اوسته مادریم خیرالنسا‌‌ آغلاشور زهرا ‌ آناملا انبیا و اولیا گلمَسون‌ بالینیمه ‌چخماز منیم‌  جانیم‌ حسین‌‌‌ من سنون  سرداروام غم گونی غمخواروام عالمَ سلطان حسین یا حسین و یاحسین دردلره درمان حسین یا حسین و یا حسین ✍بقلم کربلایی مسلم فرتوت( فاخر) https://eitaa.com/kobradsg

کیمدی زینب کربلادن باشلانان برنامه سی قارداشی گودالیده یازمش اونا غم نامه سی ایندیده وار کوفه شهرینده اونون هنگامه سی کوفه شاهدی نولوب زار پریشان زینبه کیمدی زینب انقلاب کوفه نین سر دسته سی قان توکیلدی کربلاده بو قیامین هسته سی دلبرینده آیری دوشمزدی جدانون خسته سی شه وئروب باش یار ماغی محملده فرمان زینبه

🌿 خوش آمد میگیم به همه عزیزانی که به جمع ما پیوستند 🌺🍃

هوشیمی آلدی باشیمدان گنه شش ماهه بالا گتوروب جان قوشونی شیونه شش ماهه بالا نیلرم ائتمسه درمان منه شش ماهه بالا آغلورام گوزلریمه گورسنه شش ماهه بالا بلکه زهرایه گوره دیلَّنه شش ماهه بالا اوخ که دگدی هدفه قلبی داریخدی بالانون او کیچیک قلبینی غم پنجه سی سیخدی بالانون آتا پیکانی چکنده جانی چیخدی بالانون گولدی قاتل ائوینی گولماقی یخدی بالانون آهیله ووردی شرر خرمنه شش ماهه بالا دئمم ایستوردی امامه بالا روحیه ویره ولی بیر فکر ائدوب اول منظره نی آل نظره آتا نیلر الی اوسته دگه اوخ صودامره قویمادی اوخلی بوغازدان توکوله قانی یره دیدی قرباندی حق ذوالمنه شش ماهه بالا ای خدا نوشیدی غم عاشقه تاجان واریدی کسماقا هانسی خلیلین بله قربان واریدی خسته جسمینده بالامون بیر اووج قان واریدی بیر اووج قاندا ولی دردلره درمان واریدی پوزدی مین سلسله نی یکتنه شش ماهه بالا ✍️کلامی زنجانی کانال رسمی کربلای سید منصور موسوی https://eitaa.com/kobradsg

استمداد حضرت قاسم علیه السلام سبک :: ای درد بی درمانلارا ... كریمی مراغه ای یخدی منی آتدان قوشون، امداده تئز گل قویما قالا نعشیم عمو، صحراده تئز گل لشگر عمو آلدی بو بی‌یاری آرایه یوخ بیر کسیم، چخمیر سسیم، تئز گل هرایه اولما رضا باشیم گئچه، نوکِ جدایه آهو کیمی صید اولموشام، صیّاده تئز گل فریاده تئز گل قالدی ئورکده حسر‌تیم، ای پادشاهیم جان اوستیم، دشمن ویرور، یوخ دادخواهیم سنده‌ن سورا کیمدیر منیم، پشت و پناهیم قویما بو قدری یالواریم، جلاده تئز گل فریاده تئز گل ازبس ویروبلار سینمه، اوخ دسته دسته قان چوخ گئدیب دوشدوم یره، من زار و خسته بو جان وئر‌ن وقتیمده بیر، گل باشیم اوسته آخر یتیمَم‌ لطف ائله، سال یاده تئز گل فریاده تئز گل باشیم سنوب باتیب نفس، گل ایله چاره وئرمز امان تا بیر زمان، قاتل بو زاره دشمن باخار اشکیم آخار، گؤزد‌ن عذاره یوخدور آتام لطف ایله بو ناشاده تئز گل فریاده تئز گل توپراقلار اوسته قالمیشام، یوخ سایه‌ بانیم قانیم آخور جانیم چخور، یوخدور توانیم قویما آنام اولسون همیشه، نوحه‌خوانیم قالدی یارالی پیكریم، اثناده تئز گل فریاده تئز گل https://eitaa.com/kobradsg