بانوای حاج _ علیرضا _ اسفند یاری _ اردبیلی

حضرت_ام_البنین_س ✍ #استاد_کریمی_مراغه_ای اگر بیری گئچه ام البنین مزاریندن یقین دؤزنمز او خاتونین آه و زاریندن یاتوب بقیعده اما یوزی عراقه طرف گوزونده قانه دونوب اشکی انتظاریندن دئیور الهی ابوالفضلیمون باشیندا نه وار نه نامه وار نه گلن ،کربلا دیاریندن وفالی قارداشینون قبرینه مجاور اولوب وزیر ،آیرولا هیهات شه جواریندن دیولّه قولارینی اشقیا سو اوسته سالوب ووروبلا اوخ بالامون چشم اشکباریدن یانیندا اولمامیشام خشکه بند ائدم یاراسین چکیدیم اوخلاری من جسم زخمداریندن دمیر عمودین آچیق باشیله نه نسبتی وار اولیدی نوفلی بی بهره روزگاریندن کسیلسه شیرین اگر پنجه سی نه حاله قالار توکولسه اوستونه روباه لر کناریندن الی سلامت اولیدی اگر جوان بالامون قاچاردی کوفه لیلر تیغ پر شراریندن اولوبدی جعفر طیّاریله بالام یولداش بهشتیده طیران ایلر افتخاریندن اوجاتدی باشیمی سینمیش باشی قیامتده تشکریم وار اونون لطف بیشماریندن گلنده محشره زهرا یانیندا فخر ائدرم حسینه ائتدیگی ایثار و انتصاریندن منیم کی بیرده یولوم نهر علقمه دوشمز وئرم بو قلبه تسلّی اوغول مزاریندن سفارشیم بودی زوّارینه لِوَجه الله اگر گذاری لری دوشسه غم دیاریندن اوپون منیم عوضیمدن گوزل ضریحیندن چگوز گوزوزه او قبرین گوزل قباریندن صدا صدایه وئرون اوخشیون رواقنده سبیل اشک ائلیون چشم جویباریندن #کریمیا یخیلاندا رکابدن سقا ندندی چخمادی افلاک ئوز مداریندن ✨اَللّهُمَّ عَجِّل لِوَلیِّکَ الفَرَج✨

ال ایاخ چالما علی. آغلاما یاندیرما منی ای ننه دی ها ننه بولاری دییر. ال ایاخ چالما علی آغلاما یاندیرما منی قوی چکیم تیری بوغازونن بالا اوتاندیرما منی😭😭 دیدی بخته باخ قسمته باخ 2 سن یارالی من یارالی اغلادار بو ایکی یاره ایکی دونیا ده منی لایلای بالام لایلای لایلای دیدی الرده اولن اصغره لایلای بوغازن پیکان بولن اصغره لایلای لایلای سو یانیندا آتانین الری اوسته اوچ شوبلی پیکانه گولن اصغره لایلای سسله یا حسین😭😭😭😭

امان از دل رباب😭😭 رسمیدور خار اگر دگسه گولی تز یارالار باغبانن قوجاقندا اوقزل گل سارالار اوچ پر اوخ سود امره دگسه اوشاختان نه قالار بیلمورم اوخ نه حالا سالدی او عطشان اوشاقی دلی آغزندا اسوردی قوزی قوربان سیاقی بدن اولمشدی دیانموردی گینه دیل دوداقی گلشن عشقی حسین گوردی عجب گولندی اصغرین اوپدی دوداقین او زمان دیلندی

اوخشاما حضرت رباب دیلی جه درک ائتمَدیم اِشارَ‌وی دویونجا😭 اوخشامادیم اوخ یارَ‌وی دویونجا😭 دیلسیز گِئتدون سنه دیل ئورگَتمَدیم😭 ترپَتمَدیم گهوارَوی دویونجا😭 من ربابم دییر‌م دردیمی هر آن بالاما😭 آغلارام شام و سحر دیده‌سی گریان بالاما😭 هر زمان دوشسه منیم یادیمه هجران گجه‌سی😭 ایلر‌م صبحه کیمی ناله و افغان بالاما😭 🌿🌿🌿🌿🌿 خزان ووروب گول تک چمنده سولدون😭 بولوت کیمی سپهرِ غمده دولدون😭 بؤیوک ننون سنی قوناق چاغیردی😭 گئتدون بالا مُحسنه یولداش

🎼سبک: یا امام زمان شیعه ده احساسه باخ... یا امام زمان شیعه یه احسان ایله دردیمیز وار بیزیم دردلره درمان ایله یادگار علی شیعیانه ولی یابن زهرا یابن زهرا 2بار یوسف فاطمه ای آدی فخرالبشر گوز تیکیوب یوللارا شیعه لر ای منتظر منتظر گوزلره سن آقا جان قیل نظر یوسف فاطمه ظلمه ویر خاتمه یابن زهرا یابن زهرا 2بار ای اولان عالمه بانی خلقت آقا یاور اهل دین کان و کرامت آقا ویر صفا گلشنه ایله عنایت آقا ای گل مصطفی گلشنه ویر صفا یابن زهرا یابن زهرا 2بار آی دیمم حسنوه آی سنه حیران قالوب گون دیمم چونکه گون نورینی سنن آلوب شوکتین عزتین عالمه غوغا سالوب آل آله پرچمی شادائله عالمی یابن زهرا یابن زهرا 2بار سن ولی حق. حیدر کراریسن امت پیغمبره دلبرو دلدریسن شهریار جهان محرم اسراریسن فاطمه دلبری شیعه نین سروری یابن زهرا یابن زهرا 2بار محرم راز علی حیدره نوره بصر گل غم هجرانیده شیعه اولوب خونجگر گورمگه حسنوی ایندی اورک لر اثر آل آله سن علم قوی گوز اوسته قدم یابن زهرا یابن زهرا 2بار غنچه گوللر آقا غصدن ایندی صولوب گل آقا شیعه نی دردو فراقین یوروب قلبیلر غصدن قانیله الوان اولوب شیعه نی یاد ایله غمنن آزاد ایله یابن زهرا یابن زهرا 2بار کربلا کاظمین. مکه ده سن بیلمرم گوزلریم یولدادی من آقا یول گوزلرم ویرسلر عالمی حسنوه من ویرمرم رحمت العالمین صولدی گلزار دین یابن زهرا یابن زهرا 2بار وارامیدیم گلن قالمیا یولدا گوزوم گلسن اما سنه واردی منیم چوخ سوزوم سن گلن یوللارا قربان اولوم من اوزوم شاهیسن عالمه یوسف فاطمه یابن زهرا یابن زهرا 2بار وار امیدیم منیم. روحمه ریحان گله یادگاره علی. یاور قرآن گله ذات حقدن آقا بیر آلا فرمان گله گل گلن یوللارا جان امت فدا یابن زهرا یابن زهرا 2بار گوزلریم یولدادی یاربیزه مهمان گله بیلمورم لیک هاچان باشه، بوهجران گله شیعه لر گون سایر سویگول جانان گله پور حیدر گله شیعه لر دینجله یابن زهرا یابن زهرا 2بار «مهدیم» لطف ایله دوت الیمی قیل کرم سائل درگهم هیچ قاپویا گیتمرم درگهینن سنین من آقا ال چکمرم بی پناهم آقا روسیاهم آقا یابن زهرا یابن زهرا 2بار ✍حاج مهدی ملکی زنجانی ✨اَللّهُمَّ عَجِّل لِوَلیِّکَ الفَرَج✨

🎼سبک نوحه فوق👆👆 ✍بقلم حاج مهدی ملکی زنجانی #بانوای_حاج_علی_سیفی_افشار ۱۴۰۳/۹/۲۰

روضه حضرت رقیه(س) خبر که عرض ایدورم واردی غملی جریانی دیوردی روضه سینی بیر جوان روحانی بیوردی عارف اولان شامین اهلی بیر عالم یازوردی بیر گجه اولدوم زیارته عازم وضو ایدیب یولا دوشدوم فقط بو نیتیلن رقیه نین بالا قبرین اوپم جماعتیلن دیلیمده ذکر خدا گوز یاشیم یوزه الدیم بهشت تک حرمین گورمگه شتاب ایلدیم قویاندا صحنه قدم دوشدی یاده ویرانه اول سلام ایلدیم آغلادیم یانایانه باخاندا حیرتیلن بارگاه اقدسینه جلال و شوکتینه گنبد مقدسینه دیدیم الهی بورا قانلی باش گلن یردی سوسوز آقامین دلبری ئولن یردی گجه آجنان ئولوب بوردا اوچ یاشندا بالا فقط خدا بولوری عمه سی قالوب نه حالا بو یرده حضرت زینب نمازی خسته گلب دورانمیوب  ایاق اوسته خانم نشسته گلب خلاصه خردا مزاری آلاندا آغوشه دیدیم حالون نجه دی گلمدی صدا گوشه دوباره عرض ایلدیم قبریوه آتام قربان قابار ایاقلاروا عترتیم آنام قربان رقیه جان نقدر واردی بوردا ایستینون اویان یارالی بالا چوخدی اوخشاما دینون بیری فغان ایلیور الرینده گوشواره بیری قویور بالاجا قبرین اوسته گهواره بیری الینده دوتوب نسخه اطبانی حضوریوه گتیروبلر مریض نالانی عنایت ایله رقیه منیم ده دردیم وار حضوره گلمیشم ایندی خصوصی عرضیم وار اوحالدا راوی دیور درک گیلدیم همهمه نی باخاندا صحنه نه گوردوم او غملی منظره نی کیمین دوشور گوزی اول صحنیه ئوزون ایتیرور بالاجا  قیز اوشاقی الده بیر کفن گتیرور ئوزی رقیه کیمی اوچ یاشندا نازلی بالا الینده خلعتی ایستور مزارون اوسته سالا گتیردی آغ کفنی سالدی خردا قبر اوسته الینی قوینونا قویدی ملول و دل خسته دیدی رقیه کنیزم غریبه بولمه منی ننم بیچیب سن اوچون یولویوب بو آغ کفنی ولی یقین بولورم دوز چورک ایتیرمزسن بی بین بیچن کفنی کائناته ویرمزسن بی بین ویرن کفنین آیری بیر قداستی وار منی باغشلا رقیه ننمون حاجتی وار یری واریدی ندا خردا قبریدن اوجالا بو خرداجا اوشاقا سویلویه اونازلی بالا بو خلعتی گتیریدون او وقتیده ایکاش بی بیم دیوردی حسین هارداسان گل آی قارداش هایانداسان آنام اوغلی سینمه داغ چکورم چوخ ایستین بالاوی قاره معجره بوکورم

زبانحال خانم امّ البنین (س) معزی اردبیلی ای دوشن قوللاری قولسوز ئولن اوغلوم ئولورم صاق گوزون زهریلی پیکان اؤپن اوغلوم ئولورم آز قالور حمل ائده لر خاک بقیعه ننووم گل چاتوب سانلی گونوم باشه من اوغلوم ئولورم نچه آیدور آیا بنذر یوزوی گورممیشم گل گورنسون منه وجه الحسن اوغلوم ئولورم ننه ایستر گوره جان اوسته اورک پاره سینی عمرینون شمعی ستمله سونن اوغلوم ئولورم سنی گورسم ئوپرم اول اوزون قوللاریوی قوللاری تپراقا تندن دوشن اوغلوم ئولورم کاش کاش دورت بالام ئولمیدی منیم غربتده حیف اولا ایندی همان غصه دن اوغلوم ئولورم دورت اوغول چیگنینون اوستونده گئدردیم قبره چاتمادیم عهدیمه شیرین سخن اوغلوم ئولورم اوغلون عبدالله اولوب قدّن اوجا قولدان اوزون دیورم آی بالاما بنذین اوغلوم ئولورم وئر ابوالفضل علمین باغریما جان اوسته چکیم سسلنوم آی منه سرو چمن اوغلوم ئولورم دوتمیوبسان سنه قربان نچه ایلده آدیمی منه چون محبس اولوبدور وطن اوغلوم ئولورم گل اوخی یاسینی ای عترت یاسین کمکی زندگیده منی چوخ ایستین اوغلوم ئولورم ائتدیم اعلان منه بیرده دئمیون امّ بنین علّتین قلبیدن ائتدیم علن اوغلوم ئولورم دئدیم اوغلانلاریم اللرده ئولوب قاره گونم یاندی بو صحبتیمه مرد و زن اوغلوم ئولورم عزتیم گئتدی حسینیملن آدامسیز ننیم گوز یولوزدا اورگیمده محن اوغلوم ئولورم قبریوی گورممیشم دیلر اوغول خرداجادی آغلیوب حالیمه بیت الحزن اوغلوم ئولورم نیه کوچکدی مزارون اوجا قامتلیدون قامتین زهریلی خنجر بیچن اوغلوم ئولورم یوزون آغ فاطمه قیزلارینه خدمت ائلدون جامه ی مهر و محبت گین اوغلوم ئولورم اولمادیم کرب و بلاده باشیمی منده آچام ننه سیز قانلی مناده ئولن اوغلوم ئولورم روز و شب آغلامیشام یاندیریجی بیر غموه جنگیده آلنینا پیکان دگن اوغلوم ئولورم نجه چکدون اوخی قوللار بدنونده یوخوموش گل حسین چک بو اوخی سسلنن اوغلوم ئولورم بئله دیلر که سنون مشکیوه پیکان ویریلوب سویون اوستونده خجالت چکن اوغلوم ئولورم استاد مرحوم حاج یوسف معزی اردبیلی #حضرت_ام_البنین 🌴🌿🌴🌿🌴🌿