وفات حضرت زینب کبری س  🌷 با مداحی حاج جواد حسن زاده 🌹 ۱۴۰۳/۱۰/۲۷  (به قلم استاد حسین قربانپور)  (وفا) شامیده قارداش غریبم درد الیندن ناشکیبم یوخدی بیر یار و معینیم اشنادن بی نصیبم گل قارداش حسین سینه یانوبدور فراقندا گل جان ویریرم جان دایانبدور دوداقمدا حسین دل خستیم گل حسین جان اوستیم گل گوزریم یولاردا گریان اولموشام زارو پریشان گل اوخی قران برادر تا ویریم اسوده من جان دنیایه اخا عشقیمی علان ویررم من سن گلسن حسین عزتیلن جان ویررم من حسین دل خستیم گل حسین جان اوستیم گل عشقیدن آسان باج آلدوم چوخلی قیل و قاله قالدوم نعشیو ی عریان گورنده آغلادم یاندم قوجالدوم عریان بدنین اوستونه اغ زلفومی سردیم سینن ساچلان قهریله اوخ نیزنی دردیم حسین دل خستیم گل حسین جان اوستیم گل دردیمه هم پایه یوخدی باشیم اوسته سایه یوخدی گور نجه قارداش غریبم بیر نفر هم سایه یوخدی بو غربتیمه گل سینوی داغلا حسینیم جان اوسته منیم گوزلریمی باغلا حسینیم حسین دل خستیم گل حسین جان اوستیم گل عطر و بوی یاس اولیدی دل دولی احساس اولیدی ایندی بوردا سنله قارداش اکبر و عباس اولیدی دل صحبتینی دلبر و دلداره دییردیم سینم غمینی قولسوز علمداره

بسم الله الرحمن الرحیم #زبانحال_جواب_حضرت_سیدالشهداء_ع_به_خواهرش جان اوسته بس کی آغلادی دخت ابوتراب با جا دی گر حسین ده وئریدی بئله جواب "گلمه نوایه آغلاما ای مهربان باجی ائتمه شکسته نِی کیمی آه و فغان باجی" سوز یوخ یورولموسان بولورم بو زمانه دن قدّون اولوبدی غصه و غمدن کمان باجی دنیاده سن چوخ آغلاموسان چوخ مصیبته آغلار سنون ده حالیوه هفت آسمان باجی چشم انتظار سن بولورم غربت اولکه ده وئر حالیوی حسینیوه شرح و بیان باجی یوللاردا چوخ ووربلا سنه تازیانه لر وار قولاروندا ضربت شمر و سنان باجی اما سنی یوروب بولورم شام محنتی چوخ طعنه لر ووروبلا سنه شامیان باجی ویرانسراده قیزلاریمین نازینی چکن هر نازنین اوشاقه اولان همزبان باجی نازلی رقیه مین غمی چوخ یاندروب سنی احوالیوی پوزوبدور او شیرین زبان باجی بیر اربعین قوناقیم اولوبسان بو دشتیده من میزبانیدیم، منه سن میهمان باجی گلدون او گون کی قبریمین اوسته زیارته گوز یاشیوی مزاریمه ائتدون روان باجی هر دیده بازدید اولا لازم دی دهریده منده مقیّدَم بو ایشه هر زمان باجی گللم سنون عیادتیوه جان وئرن زمان یورقون باجی، وفالی باجی،قهرمان باجی عباسی ده گتیرَّم اوزوم له عیادته چوخ چوخ سنی سووَردی او سروروان باجی یوخدور الی بدن ده اگرچه وزیریمون اما اولار گینه سنیچون پاسبان باجی شهزاده اکبری قوشارام قاسمیله تا بیر طاقه ی کفن گتورر ارمغان باجی بوللم سنه کفن سوزی چوخ ایلییَر اثر قلبون اولوبدی تیر جفایه نشان باجی من بی کفن،یارالی،سوسوز،قبره گئتمیشم سندن آلوب بو مسئله تاب و توان باجی واردور یادوندا قتلگهه سن گلن زمان اطرافیمی آلاندا او گون کوفیان باجی؟ بعضی ووراردی نیزه،قلج، بعضی داش منه بعضی لری توکردیله تیر و کمان باجی حال وله ده من ییخیلاندا چوخور یره آغلاردیلار او حالیمه افلاکیان باجی ایستی قوم اوستی بستر اولاندا وجودیمه جبریل ائتدی شهپرینی سایَبان باجی سسلندیم آچما شهپریوی باشیم اوستونه ایستیردیم آشکار اولا راز نهان باجی بزم وصالی خلوت ائدوب باشلادیم مقال نه آغلادیم نه گوزیاشیم اولدی روان باجی راز و نیاز ائدردیم حقِ ذوالجلالیه احسن دییردیلر منه کروبیان باجی خلوت سرای عشقیده گرم وصالیدیم گوردوم بئله بویوردی حقِ لامکان باجی ای افتخار ماخلق ای تشنه جان وئرن اوز عشقینی حبیبینه بیله نشان وئرن بوقانی حشراولونجا اوزوم زنده ساخلارام کرب و بلا دیارینی ایمن ده ساخلارام "دلجو"بوشرح حالی چکوب نظمه بیرگیجه مد نظر ده حاجتینی منده ساخلارام #زبانحال_حضرت_امام_حسین_ع_به_حضرت_زینب_س #دلجو https://eitaa.com/kobradsg

❤️استاد سیفی اردبیلی❤️ 🌴یا زینب (س)🌴 نورِ عالمگیرِ ذاتِ کبریا زینبده دی چشمِ صَدحُور و فرشته دلرُبا زینبده دی عزّت خلقتدی بو صاحب زمانون عَمّه سی چاره سی هر مُشکُلون بِنت اُلهدی زینبده دی.... باخما گویچک قبرینه حسرت قالوب زائرلری ظلم ایوی ویران اولان ایودی بَقا زینبده دی قامت غیرتدی زهرانون بو مَرداَفکن قیزی صبر و تابِ حضرت خیراَلنساء زینبده دی..... نطق آتشبارِ زینبدور رقیبِ ذوالفقار هیبت و حُرّیَتِ شیر خدا زینبده دی مادر گیتی دوغانمز بیرده همتا زینبه صبرِ بی پایان و عشقِ بی ریا زینبده دی..... زینبه تَشبیهِ مَریم لَر غلط اندیشه دور چشم حُورا سُفرهء کانِ سَخا زینبده دی دردمند اولسون اَل آتما دامنِ بیگانیه مُعجزِ عیسالری بوشلا، دوا زینبده دی

#حضرت_زینب_س اود ویروب درد فراقون بو دل زاره حسین قالمیشام بیر اِئله احواله که یوخ چاره حسین من بولردیم که ئولوم درد دِیلین چاره سیدی قسمت اولمازدی ولی زینب غمخواره حسین موت بیر عمریدی که مقصد و منظوریمدی که وئره خاتمه بو آه شرر باره حسین بخت یار اولدی غرض درک ائلدی پیک اَجل روحیم ایستور آچا پر خانه اقراره حسین انتظارونده منی قویما قالام جان اوسته حسرتم بیر نچٓه مدتدی که دیداره حسین شامیدن آلسان اگر زینبیوین ناله سَسین حاجتیم یوخ دم آخر دم اغیاره حسین ای طبیب دل بیمار، منه بیر باش چَک بیله باش چَکمزیدون سَن که بو بیماره حسین اوچ گونیدی، که باجون گئتمیشیدی بخت ایوینه دوتولورموش اورگین زینبه همواره حسین مَنده غملَنمیشیدیم سَن کیمی هجرونده، ولی عاقبت یئتدی اَلیم سَن کیمی دلداره حسین ایندی اما دئمیسَن بیر نچٓه مدتدی باجیم باخمیوب گوز دولوسی اول گُل رخساره حسین وار نه غم بیرده گوزوم دوشسه اگر معناده مه جبینینده گوزل طره طراره حسین وار نه غم گوز دولوسی باخسام علی اکبریوه یا علم اَلده او هیبتلی علمداره حسین دویموشام جانه غموندن، ولی بولسَم گَلیسَن یومارام گوزلریمی عالم غدٓاره حسین دئمیرم قتلگهه اللری باشدا گَلَنم منی اوخشات بو چتین دمده عزاداره حسین بیله فرض اِیله که بیر آغلیانون جان وئروری سَسلیور دردینه تا بلکه تاپا چاره حسین آغلاماز حشرده، دنیاده سَنون آغلیانون ضامنم من ایکی دنیاده عزاداره حسین آغلاماقدان سَنه دنیاده هَلٓه دویمامیشام گرچه چوخ آغلامشام محنت بسیاره حسین دورت یاشیم واریدی، دنیایه آنام یومٓدی گوزون آغلادیم دوشدی گوزوم تا در و دیواره حسین اللی ایلدور که گوزوم یاشی آخار پیوسته نجه من آغلامیوم محنت دشواره حسین چوخ بویوک نیسکیل اولوبدور آتاما کوچه سوزی بولدقون ایتدی بو غم حیدر کراره حسین اونی کوچه سوزی دنیاده چوخ آغلاتدی، ولی آغلادبدور منی پهلوده اولان یاره حسین اَللی اِیلدور قاپینون صحبتی یاددان چیخمور ائیلیوبدور گونومی گوندوزومی قاره حسین قُمری نوحه گر حضرت زهرادی عتیق نزهتی خوش گلوری ساحت گُلزاره حسین التماس دعاااا

🤲 خدایا به حق حضرت زینب (س) به حرمت صبروشکیبایی بی بی جان امروز هرکس هر حاجتی و هر آرزوی داره. اگر به صلاحه با لطف و مهربانی ات برآورده بفرما 🤲 بارالها به حرمت خانم زینب کبری سلام الله علیها 🖤 همه گره ها ی ما را باز بفرما و همه ی مردم سرزمینم را در پناه خودت حفظ بفرما و دست هایمان راخالی برنگردان 🤲 آمین ای فرمانروای آشکار

‍  #بیاد بانوی قهرمان کربلا، حضرت زینب کبری (سَلامُ الله عَلَیها) متن نوحه آذری: زینب زینب زینب زینب زینب زینب، کَنزِ حیا زینب، کانِ وفا زینب زینب زینب زینب، درد آشینا زینب، غرقِ بلا زینب غم قهرمانی، زهرا نیشانی ای روح با ایمان، جانیم سَنَه قوربان زینب زینب زینب، سرگشتۀ دوران، آوارۀ طوفان زینب زینب زینب، حفظ عهد و پیمان، شیر شَهِ مردان زینب زینب زینب، محبوبۀ جانان، قرآنینَه قوربان زینب زینب زینب، شمشیرِ دو پَهلو دان، بُرَّنده بیان زینب زینب زینب زینب، قارداش باشونین اوستونده، زولفی آراران زینب زینب زینب زینب، صحرای مصیبت دَه، غمنن قوجالان زینب زینب زینب زینب، قارداش باشونین قانی، زولفینده حَنا زینب زینب زینب زینب، پیمان حَقَ مظهر، قرآنه او لان یاور زینب زینب زینب، حُجب و ادبه مظهر، شَأن و شَرف منبر زینب زینب زینب، دائم گوزی قان یاشلی، باشینده قارا مَعجر زینب زینب زینب، زهراسی اولن گوندَن، آماجِ بَلا زینب زینب زینب زینب، تعبیر رسا زینب، تسبیح خدا زینب زینب زینب زینب، محراب عبادت دَه، تفسیر دعا زینب زینب زینب زینب، پروندۀ خونینِ، شاهِ شهدا زینب زینب زینب زینب، محکم سوزی اوستونده، مردانه دوران زینب زینب زینب زینب، کاخ ستم و ظلمی، قل باغلی یخان زینب زینب زینب زینب، چوخ قمچی دگن باشی، مَحمل دَه یاران زینب زینب زینب زینب، یولّاردا پرستاری، حبُ الاُسرا زینب زینب زینب زینب، سر قافلۀ نهضت، اوز نهضتنه قیمت زینب زینب زینب، اوّل ده گورن عزت، آخرده چکن ذلت زینب زینب زینب، آغلار گزی غربتده، قارداشلارونا حسرت زینب زینب زینب، جان سینه ده سوئلرده، وای بخته قرا زینب زینب زینب زینب، هم نایب زهرایه، هم دیننه پیرایه زینب زینب زینب، آقزوندا شیرین سوزلر، غمنن دولانان وایه زینب زینب زینب، ایستکلی رقیه یینن، قبری اولان همسایه زینب زینب زینب، هیچ گور میین عمرینده بیر لحظه صفا زینب زینب زینب زینب، جان نقدنه دین اوسته، ارزان ورن زینب زینب زینب زینب، غربت ده اولن یالقوز، محتاج کفن زینب

‍ روضه آی زینبه هم ناله اولوب نوحه دینلر آی بی کفن اربابه گوره قاره گینلر ایکاش اولیدوز اوبیابان بلاده آواره قالان وقته حسین قانلی مناده اولسیدوز اگر نالوزی آفاقه سالاردوز شاهین قوجاقنان قوزی قربانین آلاردوز میداندا حسینون اوزمان قلبی یانوردی اوغلون آلوب آغوشینه حیران دولانوردی دیلسیز بالانی قانی بوغازدان سوزولردی دوتمیدی اگر باشی بدندن اوزولردی اوقانی دوتوب اوجونا رخسارینه یاخدی عباسی گزیردی اله بیر صاق صولا باخدی یاندی اورگی فتنه دنیا عملوندن آواره گزیردی وای آدامسیزلیق الیندن بولمم نجه گرد غم واندوهه بلندی تل اوسته دیولر نچه دفعه چخوب اندی تل اوسته چخاندا چوخالوردی غم ودردی الله ایولریزدن اوزاق السین ، بیردنه ده دنین بالاسی مریض اولا، اواوشاق چوخ بی تابی ایلر آرام قراری اولماز، ننه دی ننه نینده ده دن آرتیق علاقه سی وار بالاسینا ئوزوده صبری آز اولار،ده ده گوردی ننه ئوزون ئولدورور بالادا آغلور دییر بالانی ویر منه آپاریم دکتره بالام توخداسین گتیرم گنه ده سالارسان بشیگینه ایندی ده ده بالانی آپروب توخدویا گتیره  الله گورستمسین اواوشاقا یولدا بیر اتفاق دوشه یولدا اواوشاق ئوله دای ده ده نه بیمارستانا گیده بولر نه یوزی گلر ایوه گله راوی دییر گوردوم سیدالشهدا یدی دفعه تلی چخدی اندی اله ربابین خیمه سین گورنده بیرده قییدی میدانا اله دیدی خیمیه ایستورم گئدیم گلمیر یوزوم گدنمیرم حرمله هی باخور گولور عرصه ده تاب ایدنمیرم قوی گینه خیمیه گیدیم حرمله نی گورنمیرم 👇👇👇

#زبانحال_حضرت_زینب_س_در_حال_احتضار #یورقونام_کنار_دمشقده_دوشموشم_توانادن_آی_ننه غصّه لر گرفتاری زینبون آیریلور بو دنیادن آی ننه سن گزن مصیبت آغاجلارین شاخه شاخه گزدیم زمانه‌ده یاندی درگهون ئولدی محسنون وردیلار سنی صحن خانه ده چکدیلرمنیم خیمه می اودا بال و پر وروب آشیانه ده بیر عقاب تک ایلدیم رها ناخوشی او بلوادن آی ننه کیم منیم کیمی غملی عمریده روزگاریله پنجه نرم ایدوب نامزد قیزی کاروانده باش آچیق گورن وقته شرم ایدوب قلبمون اودی اشک چشممی چشمه مثلی چشممده گرم ایدوب بیر کسیم حرارتلی اشکمی سیلمیوبدی سیمادن آی ننه بحردور مصیبتلریم منیم منده غوطه‌ور بحره فی المثل دست و پا وروردوم کرانیه یتمیوردی نیلوم ئولونجه ال آند اولا کفنسیز حسینمه یاخشی وقت الیمدن دوتوب اجل ساحل نجاته چخور قزون موج خیز دریادن آی ننه زهر غم اوشاقلیق زماندن شیرین عمریمی ایلدی آجی چون فلک سویوق باخدی زینبه بختمون اودور قزمادی ساجی یدّی قارداشیمدان بیری هانی سسلنه باشیم اوسته آی باجی بَهرَم اولمادی غصّه دن سوا اسم با مسمّادن ای ننه نقطه فرض قیلسون وجودیمی دورمه وروب غصه دایره شمع‌لر باشندان یانار منی سر بپا دوتوب سوز نایره سوزناکتر نسگلیم بودور گلمشم خوشوم گلمین یره اینجیوبدی روحیم ننم جانی شام فتنه بر پادن آی ننه گوگلوم ایستیور شامده سنی گل اجل گلن بسر اوستونه آخرین نفس لطف سایه‌سین سال بو جسم نیلوفر اوستونه غصه لر سارالدان یوزی قویوم محسن اممین دوشلر اوستونه من اوخای دیوم سنده آخ دی جان دوشنده یارادن آی ننه مُهر مِهر عشق حسینیله باغلورام بوگون عشق دفترین من آچانمدیم غسل ایدن گلر باشمون آچار قاره معجرین شمر خنجریندن دوتان الیم قوّه یوخ سیله آلنومون ترین پر توان مصیبت توانمی سلب ایدوبدی اعضادن آی ننه غسل ایدنده یثربده نصف شب مغسل اوسته شیر خدا سنی اوخشاما دیوردوم حزین حزین اوخشیوردوم ای بینوا سنی اوخشاما دیین یوخدی زینبه ایستیور بو بی اقرباسنی منتظر قالوب آغلیان گوزوم کچمه بو تمنّادن آی ننه جواب #زبانحال_حضرت_زهرا_س دستگیر اولوب شامه گلموسن جور و ظلم اعدادن آی بالا دلشکسته ایتدی فلک سنی دلشکسته زهرادن آی بالا منشی ازل شام تپراقین خسته جسموه ثبت ایدوب مزار کربلا کتابنده آدوی سردبیرلر قهرمان یازار سوزلرون سنون تیز تیشه تک ظلم نخلنون ریشه‌سین قازار قان توکن قلنج باج آلانمیوب نطق تیز و برّادن آی بالا حق دانشماقیلا حقیقتی  پشت پرده‌دن چکموسن اوزه نیش خار تک باتدی هر سوزون آل هاشمه کج باخان گوزه سن دوزن مصیبتلره چتین روزگارده بیر نفر دوزه گورمدون صفا اولدی هر گونون قاره لیل یلدادن آی بالا فاطمه بُلوردی لیاقتون وار سنی اودور ایتدی جانشین ایلدون عمل من دیین سوزه هر وصیّتیم آلدی اوز یرین آخرین زماندا نیابتاً ئوپدون اوغلومون تشنه حنجرین شاد قیلدون افسرده روحیمی یاخشی فیض معنادن آی بالا قارداشیلا هیچ باجی سن کیمی قسمت ایتمیوب غصّه لر پایین ایلدون حسینه گوره فنا روزگاروین ایللرین آیین مُحتسب‌لری حیرته سالوب اولمادی بلن دردوین ساین بیر خمیده قدّون نما قالوب سرو قدّ رعنادی آی بالا واقفم فراغت گورنمدون  شاهدم نه آسوده یاتموسان تازیانه دگمش وجودیدن قاره‌نی هاچان سن چخاتموسان فاطمه حوره قاره تل‌لربی تل به تل عزاده آغارتموسان قارداشون ئولوب آیریلوب حنا زلف عنبر آسادن آی ننه دعوت ایلوسن جانویرن زمان یاسوی گلیم ساخلیون قیزیم من نجه او گوزلر که اوغلوما دائم آغلیوب باغلیوم قیزیم هانسی دردوه اوخشاما دیوم هانسی غصّه‌وه آغلیوم قیزیم هانسی نسگلین شکوه‌سین ایدیم چرخ بی‌مدارادن آی بالا عالم حقیقتده دردوین فکرینی دیمه باشدان آتمشام سینه دن بلورسن یارالیام یاره‌لی گلوب قبره چاتمشام قبری ایلدن ایتگین شهیدیم اللریم قابورقامدا یاتموشام من گلنمرم سنده ورما اوز گئچ بو بیر تقاضادن آی بالا ای شهیدلره اوخشیان قیزیم سینه اولی وی داغدار دل گوزلری گیجه گوندوز آغلیان ابر بارشین ایلین خجل اشکوین حسابین بلند یره کاش اولیدی کپریگلرونده دل صحبت ایتسه مژگانلارون گیدر پرده بو معمّادن آی بالا #مرحوم_انور