‍ الله غریبم دربدر... راز و نیاز حضرت  امام کاظم علیه السلام سید تقی سیفی اردبیلی الله غریبم دربدر زندانیم خونین جگر قالدی فراقیمده منیم اون یدی قز ائوده ملر جان سینمه گلدی خدا گلمز ندن اوغلوم رضا فکر سر و جان ائتمرم،حق اهلیم آزاده ام باش اگمرم جانی لره،پیرم اگر افتاده ام منهاج حقدن دونمرم،نسبتده حیدر زاده ام آیات قرآنه اولوب،بو چرپنان قلبیم سپر شیطان و شیطان سیرته،حاشا ائدم من بندگی وار مرد حقّه کُنده و،زنجیرده ارزندگی اللی بش ایل بو دهریده،ائتدیم شرفلن زندگی شمع حیاتیم ایندی بو،محبسده ظلمیلن سونر فرعون کیمی عصیان ائدوب،بغدادیده هارون دون گوردوم که چوخ جهد ایلیور،اسلامی تا ائتسون زَبون یثربده منده باشلادوم،تختین ائدم تا سرنگون بیلدی خلافتدن دوشَر،آچدی منه دستِ خطر ترسه مدار ائتدی منیم،آمالیمه بو چرخ پیر قیلدی منی نخجیر تک،ظلمون کمندینده اسیر ایللردی بو زندانیده،من تیره روزم دستگیر دست جنایت پیشه دن،هِی سویلرم داد الحذر آرام جانیم سلب ائدوب،بوینومدا سنگین سلسله زندانِ جانفرساده من،یانام غمه گللم دیله عبد مطیع خالقم،یوخ رنج عشقیمدن گله من راضیم تقدیریمه،خالق رضا اولسا اگر احیای اسلامه گوره،اهل و عیالی بوشلادیم فیض حقه مشتاقیدیم،زندانی خلوت خوشلادیم معبودیلن محبسده من،راز و نیازی خوشلادیم عرض ایلدیم ائتدون کرم،اولدوم بو عشقه مفتخر باتسون خدایا دهرده،ظُلّام بی ایمان آدی مظلومی سرگردان ائدوب،ظلم ایلمکدن دویمادی زنداندا من راحت قالام،سندابن شاهک قویمادی پوزدی صفای عشقیمی،جلاد پست و خیره سر خوشدور منیم آزاریمه،سند جسور و بی حیا قوش تک قفسده اینجیدور،ائتمز منی الدن رها هر گون گلر دیداریمه،ایلر اهانت ناروا هی دل اوخیلان قلبیمه،نشتر ووروب شانشان ائدر بوی مروّت بُلمیوب،باخماز نوا و زاریمه درّنده خو وحشی صفت،اقدام ائدر آزاریمه من ذکر منّان ایلرم،سیلی وورار رخساریمه سنگین الی جان یاندیرار،شعله چکن اوددان بتر یوخدور انیس و آشنا،غم سینه می تنگه سالوب بیداد چنگال عسس،آرامیمی الدن آلوب یثربده عزتلی قاپوم،مندن صورا باغلی قالوب کان حیا اولادیمون،دوتماز سراقین بیر نفر عزت چراغلاری سونوب،دوشدی بلایه باشلاری هجریمده ایللردی منیم،قانه دونوب گوز یاشلاری ائوده قالان قزلاریمون،غمدن آغاردی باشلاری بو درد بی درمان منی،زندانیدن چوخ اینجیدر یوخ ذره آسایشلری،جور و عناد و کینه دن طغیان ائدوب دریا کیمی،باشدان آشوب درد و محن قویمازلا اولسون بیر نفر،قزلاریما ائلچی گلن کیم گلسه هارونِ دغا،ایلر اسیر و دربدر داد آل ئوزون هارونیدن،ای ذات پاک ذوالمنن بغض و عنادیلن اونون،قالدیم عجب غوغایه من بخت ائوینه گوندرمدیم،شرمندیم معصومه دن بو امره مهلت ویرمدی،هارون پست و فتنه گر قیل بیر نظر بو محبس،جانکاهه ای قادر تاری شامل ایله الطافووی،بو بندۀ حقه ساری زنداندا جان اوسته منه،معصومه نی گوندر باری هجران سوزوندن اوخشاسون،توکسون یوزه اشک بصر ریحانۀ باغ حیا،وئرسون صفا بو مأمنه گورسونله واردور همدمیم،گلسون حقارت دشمنه ئولسم باشیم اوسته قزیم،بیر لاله یاندرسون منه باتدی دیسون عزت گونوم،قالدیم یتیم و بی پدر جان اوسته اولسون یاوریم،بیر دم او دخت مه لقا من حقه جان تسلیم ائدیم،گیسون اودا رخت عزا خوشدور قرا گونّی قزیم،تابوتیمه چکسون قرا سالسون یولا باخسون دئسون،اولدوم نه یاخچی بختور مرحوم استاد سلیم_موذن زاده ﷽ ✨اَللّهُمَّ عَجِّل لِوَلیِّکَ الفَرَج✨

#سلام سلام بر غریب بغداد حضرت امام موسی کاظم ع سلام تیر بلا داغلی قلبینی بولنه سلام گوشه ی زندانیده غریب ئولنه سلام سینه ده چوخ نیسگلی قالان آقاما فراق محنتی ، آرامینی آلان آقاما سلام اولا او عزیزه که همدمی یوخیدی انیسی آهیدی باشدا بلاسی چوخ چوخیدی سلام او عاشقه که ذات حقه عاشیقدی همیشه ذکر دعا و نمازه شاییقیدی سلام او عابده کی ذکر حقه طالبیدی رضای حقه گوره دیو نفسه غالیبیدی سلام او مومنه که ظلمه اولمادی تسلیم سلام او رهبره کی کفره ائتمه دی تعظیم سلام اولا او مریضه که یاد ائدن یوخیدی گوروشه گوشه زندانیده گئدن یوخیدی سلام او شیره که اولموشدی بسته زنجیر دیلینده جاری اولوردی او حالیده تکبیر سلام او عابده که عالی امتیاز اوسته دایاندی گوشه زندانیده نماز اوسته سلام او زاهده که قیده اولمادی بسته ولیک سند او قدر ووردی ائله دی خسته سلام اولا او امامه که صبره حاکم دیر مصیبت عالمی داغ تک متین و کاظم دیر سلام اولا او امامه که حقه شاکری دی غم و مصیبته دریا مثالی صابریدی سلام او سروره که دوشدی درد هجرانه گوزل بالالاری دائم گلردی افغانه دئیردی گرچه بو زنداندا ناخوشام یارب ولی بو خلوته چوخداندی دلخوشام یارب ادامه دارد.. #محمد_هوشمند #مدهوش ✨اَللّهُمَّ عَجِّل لِوَلیِّکَ الفَرَج✨

نوحه حضرت امام موسی بن جعفر علیه السلام به قلم کربلایی صابر ثمودی سبک صحرا صحرا دویده ام 🖤🖤🖤 گل بغداده رضا رضا..گوزلریم یولدا قالوب یاندیردی زهر سینَمی..آرامیم الدن آلوب سسیمه یوخدی سس وئرن.گلدیم نوایه اوغول بو غربتده آدامسیزام.تئز گل هرایه اوغول تئز گل باشیم اوسته رضا قلبیمده چوخالدی نوا باغلا گوزومی سن اوغول ساخلا منه سن عزا رضا گل هایانداسان(2) 🖤🖤🖤 اون بیر ایلدی بو محبسون..یارالی بیر اسیریم گر چه زندانیم ئوزوم.عالملرون امیریم سالدی بو محبسه منی .هارون بی شرم و حیا بوینوما ووردی سلسله.آغیر کُندَه ایاقا زندان نئجه زندان اوغول سِند اولدی نگهبان اوغول سِندین ستمی نئجه گور سالدی منی جانان اوغول رضا گل هایانداسان 🖤🖤🖤 زنجیر یاراسی بوینومی..سالدی ایذایه آی بالا زندان اولموشدی سجده گاه .غملی موسایه آی بالا ذکریم اولوبدی ربّنا.بو غملی یئرده اوغول گوزلریم تار اولوب منیم.بو نَملی یئرده اوغول زنجیر منی درده سالوب آرامیمی الدن آلوب جان اوسته هله آتاوین کُندَه ایاقیندا قالوب رضا گل هایانداسان 🖤🖤🖤 عمروم باشه چاتور منیم.گل باشیم اوسته اوغول غربتده جان وئرور بابابون.بیکس دلخسته اوغول یوخدور غربتده بیر معین .گل بیر منه آغلا بالا گل بو غربت دیاریده .گوزلریمی باغلا بالا حسرت چکورم گلسن درد و غمیمی بولسن حسرتله آخان گوزومن یاشین  سن اوغول سیلسن رضا گل هایانداسان 🖤🖤🖤 غربت یئرده ئولنه .کیم قازاجاقدی مزار بغداده تئز یئتور ئوزون قویما قالوم من انتظار آچ زنجیریله کُنده نی بو غمدن ایله رها گل کفن و دفنیمی منیم سن ئوزون ایله رضا نور بصریم گل اوغول آیدین قمریم گل اوغول هی سسلیورم گلسن یاندی جگریم گل اوغول رضا گل هایانداسان 🖤🖤🖤 آغلا ثمودی روز و شب شکسته بال آقا ما افسوس دفنینه گلوب دورت شخص حمال آقاما آغلار بو غمده فاطمه دیئر لایلای بالا وای غربت ای غریب ئولن سسلر ای وای بالا وای یاندی اورگیم بو غمه توش اولدون اوغول ستمه بیگانه ده آغلار اوغول غربتده غریب ئولنه رضا گل هایانداسان 🖤🖤🖤 التماس دعا دارم

استادکلامی عاشقم بیر سیده سیدلرین مولاسیدی موسوی لر باشینون تاجی شرف معناسیدی ناز ائدر موسالره بو فاطمه موساسیدی شانلی سلطانلار او شاهون درگهینده بنده دی تاسیادت ئولمیوب موسی بن جعفر زنده دی عاشقم بیر سیده دوشموشدی ائللردن اوزاق اون بیر ایل زنداندا قالمیشدی او مأنوس فراق تاج زرّینِ مدینه شمع ایوان عراق باصفا قبری دیار کاظمینه افتخار امتحان و صبری اولاد حسینه افتخار عاشقم بیر سیده هارونه باش اَندرمدی دشمنان اهلبیته دست بیعت وئرمدی نور اسیر ظلمت اولدی اون بیر ایل گون گورمدی قورخولی زندانیده ذکر حق سبحان دئدی جان چخنجا سینه دن یامرگ یا قرآن دئدی عاشقم بیر سیده ساداته شخصیت وئروب قوللاری باغلی جهانه درس حرّیت وئروب اوغلونون قبری خراسان ملکونه عزت وئروب سویگولون ایرانیان باوفایه تاپشوروب یوخ غلط یازدیم که ایرانی رضایه تاپشوروب عاشقم بیر سیده عشقی دل سوزاندادی قبری بغداده یاخین روحی بیزیم ساماندادی زائران کاظمین معصومه سی ایراندادی هم قما هم مشهده حق اولدوزیلان آی وئروب بو باجیلان قارداشی ایرانیانه پای وئروب عاشقم بیر سیده زنجیره باغلاندی قولی سرور سادات عالم راه قرآندور یولی باش قویاردی سجدیه قلبی ملالیلن دولی عرض ائدردی بارالها راضیم تقدیریدن عاشقم آزاده یم اندیشه یوخ زنجیریدن

احوالات حضرت موسی بن جعفر (ع) کانال جامع شعر مذهبی ترکی و فارسی ای خدا زندانیده محبوس بی تقصیره باخ جان وئرن وقتیمده بو بوینومدا کی زنجیره باخ شاهد اول سن گور نئجه هارون منی مظلوم ائدوب بیر اوزون مدّتدی بو زندانیده مغموم ائدوب عاقبت مین جور و ظلمیله بو گون مسموم ائدوب جانیمه زهر عداوت ایلین تآثیره باخ شکر اولا درگاهیوه ای خالق ربّ جلیل سن کریم پروردگار و منده بیر عبد ذلیل قالمیشام اولادیمه حسرت اؤزوم زار و علیل گوشۀ زندانیده احوال عبد پیره باخ سالدی زندانه منی اول ناکس بی شرم و عار مین جفائیله ائدوبدور محنت هجره دچار خلقه اسلامیّتین هر لظه ایلر آشکار بی حیا هارونیده بیر حیله و تزویره باخ دمبدم هارون الیندن یوز وئرور ذلّت منه آرتوری ظلم وستم هر لحظه هر ساعت منه حلقۀ زنجیر و کنده اولدی هم صحبت منه آه آتشباری گور بیر نالۀ شبگیره باخ هجر معصومه خدایا منده قویموب اختیار گوزلریم یولدا قالوب یوخ بیر غمین و غمگسار بی کسم توپراقلار اوسته ایمدی ئولّم خوار و زار کنده و زنجیر ظلمه باغلانان نخجیره باخ هر بلا گلسه رضایم وار بو جانه منّتی لیک چوخ دلتنگ ائدوب اوغلوم رضانون فرقتی نوش قیللّام دمبدم جام و بلا و محنتی ملک جسمیمده سپاه غم ائدن تسخیره باخ عرض ائدوب راز و نیازین حضرت معبودینه عاقبت ائتدی وفا اؤز وعدۀ معهودینه تاپشوروب جان نقدینی اولدی بو سودا سودینه قتلینه هارون بی دین ایلین تدبیره باخ جان وئروب زندانیده گر چه امام هفتمین دفن ائدوب نعشین سلیمان دوتدی ماتم دلحزین جانو ئرنده کربلاده تشنه لب سالار دین هر زمان سویلردی یارب گردش تقدیره باخ عهدیمی باشه یتوردوم ای خدای مهربان من خریدارم اؤزوم هر ظلم ائدللر کوفیان ایمدی وئرّم خنجر برّان دمینده تشنه جان بارالهی پیکریمده زخم تیغ تیزه باخ گرچه یوخ بیر رحم ائدن ای خالق ربّ رَئوف دیدۀ زینب کیمی آغلار جراحات سیوف مین بئله یاره دگه هرگز دئمم بیر کلمه اوف خاک و خون ایچره دوشن اعضانی گور تخمیره باخ راضی ام شمر ستمگر زینب غم پروری قولّاری باغلی دولاندیرسون پیاده چوللری چخماسون دیندن کناره جدّیمون امّتلری عاصیان ، غم دفترینده ایلین تحریره باخ «کهنمویی» قورتولاندور نچّه گون عمرون یقین دوت حضور قلبیله موسی ابن جعفر دامَنین مطلع اشعاریوی یاز بیرده آخرده غمین بارالهی حبسده محبوس بی تقصیره باخ مرحوم کهنموئی https://eitaa.com/kobradsg

احوالات حضرت رباب (س) من ربابم سالارام یاده علی اصغریمی توکرمک صفحه رخساره بو اشک تریمی طاقتیم یوخدی داخی غم گتوروب جانه منی گئجه گوندوز ائلیوب ئولماقی دیوانه منی نیلمشدیم بو فلک ، قویدی یانا یانه منی ائتدی آغلار بالاما حشره کیمی گوزلریمی من دییردیم نئچه مدت صورا اصغر دیل آچار گل دریب خردا الیلن سینمون اوسته ساچار نه زمان بیرده دییردیم آنا آردینجا قاچار منی سسلر دییرم جان ، آچارام اللریمی چون یوخیدی دیلی دردون دییَه مه پاره بالام ال ایاق چالدی فقط آغلادی بیچاره بالام باغلادیم اللرینی یاندی عجب ناره بالام دیدیم ایوای بالا ، محزون ایلدیم ائللریمی حرمله چکدی آرامیزدا بیزیم خط فراق سندروب بال و پرین اصغریمین غنچه سیاق اوخلادی جنّته پیغمبره گوندردی قوناق قویدی حسرت او گُله خیمده بلبلریمی من او گوندن یانارام ایوای اوغوای دییرم سوسوز احوالینه یاننام بالاما وای دییرم اوتوروب گون قاباقیندا اونا لایلای دییرم بلکه آرام ایلیم بو دل غم پروریمی من کیمی « صادقی » داد ایلیوری صبح و مسا دییور ای کاش اولا جانیم او سوسوز جانه فدا گرچه وار جرمی خدایا سن اوزون ایله عطا اصغرین خاطرینه عفو ائله بو نوکرمی

امام علی علیه السلام: از هر دانشى بهترينش را انتخاب كنيد. زنبورِ عسل از هر گلى زيباترينش را مى خورد. در نتيجه دو جواهر گران بها از آن توليد مى شود... غررالحكم حدیث 5082

بنام خدا «باب الحوائج امام کاظم علیه السلام» "" "" "" "" ای قلم ائیله توسل‌ باب صحبت باز ائله موسی کاظم مصیبت نامه سین آغاز ائیله شرح وئر آیا نه نوعی عشقی داره چکدیلر گلشن حریتی تاراج ائدیب خار اکدیلر شرح وئر زندانیده موسی بن جعفر محنتین نظمه چک بی کس امامین اول اسفناک حالتین خط سئیری گور چکوبدی گردش دوران هارا موسی‌ کاظم هارا هجران بی پایان هارا ظلمت‌یله آفتابین وار نه نوعی نسبتی حبس ائده لر هانسی مذهب ده امام امتی هئچ روادور بیر قوجا سید دوشه بحر غمه دوزدی آیا یاغمویا باران رحمت عالمه ه‍ئچ روادور باغلانا زنجیره سلطان زمان دوزدی آیا بیر قارانلوق یئر اولا شاهه مکان دوزدی آیا کنده و زنجیره باغلانسین امام دوزدی آیا آتش هجرانیده یانسین امام دوزدی آیا باغلانا باب کرامت اون بیر ایل دوزدی گردابه دوشه کشتی امت اون بیر ایل الغرض زندانه سالدی‌ حضرتی قوم لعین ائتدی هارون اول امام امتی زار و حزین تاکی دوشدی محبس تاریکه سلطان زمان باشلادی راز و نیازه اول شه کون و مکان محبسه وارد اولان دم بئیله ائتدی زمزمه بوردا آسوده عبادت ائیلرم یارب سنه عاشقم من عاشقه بیر بئیله خلوت یاخشی دی یاریله یارایله‌سین خلوتده صحبت یاخشی دی سرِ عشقین دفتری خلوتده خوشدور باز اولا عاشقین عشقی گرک معشوقه دوز ابراز اولا امتحانی وئرموین عاشق آلاماز امتیاز امتحان عشقی‌دور بو قصهٔ طول و دراز روز و شب ائیلوردی مولا آه‌ و زاریله دعا اول قرانلوق زندان اولموشیدی عبادتگاه اونا روز و شب مولا سالوردی اهل بیتون یادینه خالق یکتانی سسلوردی آقا امدادینه لحظه ای یاددان چیخاتموردی قیزی معصومه نی قوزانوردی دم‌به دم مولانین آه و شیونی داد ائدوردی من رضای کردگار راضیم گوشهٔ زندانیده من درد و غم آماجیم اون بیر ایلدی اولموشام اهل و عیالیمدن جدا یوخدی بیرکس دادیمه سندن سورا چاتسین خدا دوزدی یارب خلقتین هر اختیاری سنده دی انس و جن حور و ملک لر درگهوندا بنده دی منده قوش تک بوقفس ده اولموشام بی بال وپر گوگلوم ایستور تا اولام اوغلوم رضادن باخبر آرزوم وار ای خدا بوسه وورام رخسارینه رخصتیم اولسا گئدم من اوغلومون دیدار ینه گلموشم جانه الهی آتش هجرانیدن جانه گلدیم ایستورم آزاد اولام زندانیدن ایستورم بوغم سرادن پر آچام پرواز ایدم تا قیزیم معصومه نی بیر دفعه یارب ناز ایدم الغرض آچدی خدای لم یزل باب کرم آزاد اولدی بحر غمدن موسی کاظم او دم نصف شب اولدی هویدا معجزات کردگار قعرچاهدان جان قوتاردی موسی زهرا تبار کنده و زنجیر اونی ائتموشدی بی تاب و توان ائتماق اولماز چکدیگی محنت لری اصلا بیان الغرض اول حضرتین اولدی دعاسی مستجاب گئتدی مولای زمان‌ سوی‌ مدینه با شتاب طی‌العرض ائتدی یئتوشدی مقصده اول مقتدا ائیلدی بیر لحظه‌ده خالق اونی غمدن رها گلدی بعد از اون بیرایل اهل و عیالین یوخلاسین نازنین معصومه نی ائتسون نوازش آغلاسین قالموشام آیا نئجه بیر مطلبه ایما ائدیم بو مصیبت نامه نی آیا نئجه انشا آئدیم قالموشام آیا نئجه‌ وصف‌ ائیلیوم اول صحنه نی آلدی آغوشه نئجه مولا قیزی معصومه نی اضطرابیله آقا دوگدی در کاشانه سین حین دق‌الباب ائشیتدی آه و واویلا سسین لحظه لر طول چکدی‌ تا‌ گلسین بیری پشت دره پشت دردن بیرخانم وئردی جواب اول سروره سسلدی سن آشنا سن یاغریبسن سیدی یثربه آیا نه منظوره گلوبسن سیدی ائتدی فرمایش ٱیا ای دختر شیرین زبان بوندان آرتیق سن منیم گوز یاشیمی ائتمه روان اولموشام ایلر بویی اهل وعیالیمدن جدا حسرتم دیداره من‌قان آغلورام صبح و مسا جاری‌اولدی ناگهان‌اول‌دخترین اشک تری حالت غم باریله‌ اول باوفا آچدی دری گوردی بیر سید نه سید چهره سی آیدان گوزل صورتین خلق ائیلیوب آی تک خدای لم یزل ناگهان اولدی دگرگون آغلادی ای وای دئدی ائتدی خواهش سن منی ائیله دعا یاسیدی نئچه ایلدی روز و شب چشم انتظارم آغلورام آیرلیقدان سیدی هرلحظه سینه داغلورام ائت دعا تاکی آتامدان خوش خبر گلسین منه روز و شب منده دعالر ائیلرم هردم سنه اول زمان حالی پوزولدی‌ پشت درده سیدین ائتدی فرمایش سنه مژده واریم ای نازنین هئچ بیلورسن هاردادی ایندی او مرد باوفا بس نه علت‌دی اولوب آیا آتون سندن جدا گورسون آیا سن تانورسان اول‌ محبت گوهرین نیلی‌یرسن گر بودم گورسون اونی ای مه جبین ائتدی گورسم گر آتامی من داخی زار اولمارام آیرلیقدان گول کیمی هرلحظه هردم سولمارام آلدی آغوشه اودم حضرت قیزی معصومه‌ نی قاخدی آفاقه اونون بیر لحظه آه و شیونی ائیلدی مولا نوازش دختر مه پاره سین مخفی ایتدی ابتدا بوینوندا زنجیر یاره‌ سین سونرادان‌ آیا نه اولدی یوخ رجوعیم ای خدا اولماسین هئچ بیر آتا اهل و عیالیندن جدا فاخرا گوز یاشلارونلا نظمه چکدون بو سوزی چاره ساز دردون اولسون موسی کاظم اوزی التماس دعا "" "" "" "" " " "" "" "" "" مسلم فرتوت گلهین #فاخر

✔️زبانحال حضرت زینب سلام الله علیها در لحظات احتضار زینبم جان اوستیم جانانی گوزلر گوزلریم یدی قارداش بیر آنام زهرانی گوزلر گوزلریم آهیله دل داغلارام غصه دن قان آغلارام لیل یلدا اولدی شاماتی گورنده گوندوزوم درگه باریتعالایه گوتوردوم ال اوزوم عرض قیلدوم بارالهی یوخ داخی منده دوزوم نیلورم دنیانی من عقبانی گوزلر گوزلریم گرچه تبعیدم خداوندا دیار شامه من چوخ مصیبت چکمیشم بو شهریده آگاه سن لطف ایله قورتار بو عمریم ای خدای ذوامنن جان نه لازم وصلت جانانی گوزلر گوزلریم بیلمورم گلمور ندن جدیم رسول نیک نام جان وئرنده باشیم اوسته حضرت خیر الانام گلمدی جد کباریم گلمدی زهرا آنام خیرةالنسوانی هم طاهانی گوزلر گوزلریم نقد جان بذل ائتمگه آماده ام جانانیمه واردور اما آیری علت ناله و افغانیمه گوزلریم یولدا قالوب گلمور حسینیم یانیمه جان چخنجا اول شه عطشانی گوزلر گوزلریم وار یری توکسم بهارون ابری تک گوز یاشیمی چرخ کج سالدی ننوعی گور بلایه باشیمی جان چخور یوخدور یانمدا بیر جوان هاشمی اکبریم تک قامت رعنانی گوزلر گوزلریم زینبون واردور یری آهی جهانی داغلاسون مونسیم یوخ جان چخاندا گوزلریمی باغلاسون نه آنامک واردور نه باجیم اوخشاسون قان آغلاسون دختران سرور بطحانی گوزلر گوزلریم غربت اولکه جان چخور دیداریمه یوخدور گلن چشم دنیا گورمیوبدور من کیمی بیر جان ئرن غسلیمی یوخدور وئرن نه وار حنوط و نه کفن ائتمه گه حاضر کفن سقانی گوزلر گوزلریم اوچ یاشیندا بیر قزون دیدارینه گوز تیکمیشم چون اونون بو شهریده من زحمتین چوخ چکمیشم معجریله من اونی ویرانه ده دفن ائتمیشم دختر شیرین دل سلطانی گوزلر گوزلریم قالدی شهر شامیده خورشید رخشندم منیم شامی تسخیر ایلدیم اولدی نمایندم منیم ائتمیور یاد عمه سین اول ماه تابندم منیم بلبل خوش نغمه و خوش خوانی گوزلر گوزلریم زینبون محنتلری تاپماز «تقایی» خاتمه بو عزاده ماسوا اهلی باتوبلار ماتمه نسگل اولدی بو سوزی قلب رسول خاتمه یدی قارداش بیر آنام زهرانی گوزلر گوزلریم ✔️حاج محمد تقایی اردبیلی #زینبم_جان_اوستیم #زینبه #تقایی فایل صوتی👇👇👇

زبانحال حضرت موسی بن جعفر(ع) مهدی قلندری گل آنا زهرا سسیمدن نالیه زندان گلور هرنفس چکدوکجه زنجیرین یریندن قان گلور گل منیم جان وئرمگیم زنداندا دشوار اولماسین باشیم اوسته شمع یاندیر محبسیم تار اولماسین باری سن گل زینب عمّم تک یاسیم خوار اولماسین بی کسم بغدادیده غربتده یالقیز قالمیشام جان وئرن حالیمده عمّم تک آدامسیز قالمیشام جنتی ترک ائت مکدّر حالیلن بغداده گل محبس مرطوبیده یاس دوتماقا آماده گل کنج زندانی ائله ماتمسرا فریاده گل گلمسون کیم باش آچار کیم سینه سین داغلار منه گلمسون کیم یاس دوتار کیم اوخشیار آغلار منه گل آنا اشکین عزاده باغلیان یوخدور منه باشیمون اوستونده سینه داغلیان یوخدور منه نه باجیم وار نه قیزیم وار آغلیان یوخدور منه گل یارالی قلبیمی آخر نفسده شاد ائله دام درد و غصه دن گویلوم قوشون آزاد ائله محبسه گلسون بو جان نقدیله پیشواز ایلرم مقدمون اوپمکله قلبیم عشقین ابراز ایلرم باشیمی دیز اوسته آلسون عالمه ناز ایلرم صادقم عشقیمده زینب جانینه اولسون قسم واردی نقصیم گر سنه حقّ القدم جان وئرمسم گل هرایه قول قنادی بسته ام یافاطمه کُنده و زنجیر الیندن خسته ام یافاطمه گوزلریم یولدا قالوب جان اوسته ام یافاطمه تنگدور زندان، غم و اشکه بورونّم آی ننه یوخسا من عطرون گلن سمته سورونّم آی ننه دهریده گزدیم پریشان اون بیر ایل زندانلاری سربلند ائتدیم جهاندا حق طلب انسانلاری چوخ تحمّل ایلدیم تهمت لری بهتانلاری ایستدیم اعلان ائدم عاشقلره آگاه اولون ایستدیم تا باغلیام احبابیمه دوزخ یولون ظلمه صبر ائتدیم که خفّت آل خاتم گورمسین پیروان مرتضی محشر گونی غم گورمسین دؤزمیشم هر محنته، شیعه جهنّم گورمسین شیعه لر محشر گونی مضطر دایانسا دؤزمرم پیروان مرتضی دوزخده یانسا دؤزمرم سِند ظالم اینجیدور امّا دئمور تقصیریمی ئولدوروبدور بوشلامور حتی قوری تصویریمی آچمیور ظالم اقلّاً بو آغیر زنجیریمی آچمیور تا سینه دن روحیم قوشی آسان چیخا بوینومون زنجیری قویمور حنجریمدن جان چیخا سسلیوم داده کیمی غربتده یوخدور بیر کسیم؟ گور چاغیرسامدا هارا بوردان چیخار آیا سسیم؟ اولدی قرخ پلّه یرین آلتی قرانلوق محبسیم ئوزگه لردن اوممارام سن وای دئسون بسدور منه سن باشیم اوسته گلوب لایلای دئسون بسدور منه لطف ائله گل تشنه لب سقا کیمی باش چک منه سن اباالفضلین باشین آلدون نجیکی دامنه ئوز عموم عباس تک جان اوسته محتاجم سنه جان چیخاندا ایستورم رخساروه باخسین گوزوم گل اونیلی‌صورتی گورسون صورا آخسون گوزوم حسرتم دیداروه سقای پاک انفاس تک وصلوون مشتاقی‌ام اول صاحب احساس تک گل منیمده باشیمی آغوشه آل عباس تک قوی اوجالسین عرشه باشیم چهره خندان جان وئریم قوی گولش حالینده سقا مثلی الآن جان وئریم