بو سوزی آناسی ئولن بیلر آنا اولمیان ائوه غم دولار سالیناندا سفره دوشر یادا او غذا اوشاقلارا زهر اولار آناسیز اوشاق قالا قصریده گنه چهره سی غمیلن سولار اجلیله ئولمسه بالاخص قره گونلره قالوب آغلیار ائوی خلوت ایلیر هر زمان یادا غملرین سالوب آغلیار .. .. سن ئوزون حساب ائله ایندی گور او آنا مصیبتیلن ئوله ئوزی مهربان سوزی دلنشین ولی چوخ مشقتیلن ئوله سینا قول قابیرقاسی ظلمیلن اور گینده حسرتیلن ئوله نه گلین گوروب نه کؤچورده قیز غمی سینه سینده نهان گئده بالالاری ئولدیرر ئوزلرین ننه گر مزاره جوان گئده .. .. بو سوزی مقدمه ایلدیم ال اله وئروب سینه داغلیاق یتیشوب شهادته فاطمه قاپیلاری حزنیله باغلیاق اوتوراق دیز اوسته وراق باشا که دویونجا زینبه آغلیاق اؤتوروب دوراردی دییردی آی سوزی سینه سینده قالان ننه تز ئولن ننه وریلان ننه قوجالان ننه، یورولان ننه .. .. قیز اوشاقی اوخشیوب آغلاسا بوتون اهل محفلی آغلادار اوشاق اولسا گر سوزی غصه لی هامونی شیرین دیلی آغلادار اودی علتی یریلن گویی خانمون بو نسگلی آغلادار بو سوز ازبریدی دییردی آی وطنینده یولداشی اولمیان قانینون قصاصی آلنمیان وریلاندا قارداشی اولمیان .. .. بو سوز ئولدورردی خانملاری دانشاندا خیر نسا قیزی دئیوب آغلاداردی ملک لری شه ملک دین و ولا قیزی بویوراردی غصه لی دفن اولوب آنام اول رسول خدا قیزی قویولاندا قبره جنازه سی آتامین که همدمی اولمادی آلا نعشینی قویا تپراقا آنامیندا محرمی اولمادی .. .. بو سوزه ادامه وئرم اگر دئمورم سعادتیم اولمادی توکولوردی کلمه یاغیش کیمی ئوزومون لیاقتیم اولمادی او قدر باشا وروب آغلادیم داخی شعره رغبتیم اولمادی اورگیم فشاره دوشوب داخی سوزومه ادامه وئرنمدیم گوزومون قباقینی یاش دوتوب کلماتی یاخشی گورنمدیم

غفاری زنجانی .. .. دان اولدوزی کیمی نه تز هایاندا باتدون آی ننه بو غم اسیری زینبون گوزوندن آتدون آی ننه .. .. گلوب فغانه آغلارام افقده گون باتان زمان ویراندا گوز ستاره لر بو قونشولار یاتان زمان عبادت اهلنون گوگه دعا سسی چاتان زمان نماز وقتدور گیدوب هایاندا یاتدون آی ننه .. .. فغانه گلم اوندا که یانار چراغلار آغلارام محبتیله هر آنا قیزین قوجاقلار آغلارام آناسی هر قیزین آنا باشون داراقلار آغلارام غمینده ساری گل کیمی منی ساراتدون آی ننه .. .. یرونده جانمازیوی همیشه سالّام آغلارام مثال شمع شعلۀ غمینده یانّام آغلارام چخار سمایه شیونیم بو فکره قالّام آغلارام نه تز بو عالمین سویون گوزوندن آتدون آننه .. .. سارالدی گلشن نبی گیدوب خزانه قالمادی داغلدی دست ظلمدن سنوب جوانه قالمادی اسوبدی صرصر جفا گلستانه قالمادی سموم اسوب مثال گل خزانه چاتدون آی ننه .. .. سنوبدی غنچه شاخه گل دوشوبدی تپراق اوستونه گوروبدی باغبان چخوب فغانی آفاق اوستونه اولوبدی محسنون شهید چکیلدی داغ داغ اوستونه اونون غمینده شیونون گوگه اوجاتدون آی ننه .. .. سنیله قبره دفن اولوب گیدوب صفاسی بو ائوین قونوب غبار غم گیدوب گوزل نماسی بو ائوین که باطن عالمینده وار سنه بکاسی بو ائوین دیر باشیمی بیر زمان گوگه اوجاتدون آی ننه .. .. گیدوب صفاسی بو ائوین دونوبدی بیت الاحزنه گلوب نوایه قورموشوق بو ائوده بزم غم سنه من اوخشارام بابام گلر غمینده داد و شیونه بابام علینی غصّه دن داخی قوجاتدون آی ننه .. .. گیجه بقیعده گوندوزی اولار انیس غم بیزه گلنده جوشه غملری دیر او محترم بیزه سیز اوخشیون من آغلیوم ویروبدى یوز الم بیزه دان اولدوزی کیمی نه تز هایاندا باتدون آی ننه ..

سن او شه سن عشقیوی دونیایه اعلان ائتمیسن ضامن آهو اولوب صیادی حیران ائتمیسن جان سنه قوربان کی سن ایرانی ایران ائتمیسن یوسفین گر شانینه فخر ایلیر کنعانلیلار سنله اما عالمه فخر ایلیر ایرانلیلار حسن یوسف خلق آرا هر چند زیبا ادلانوب حسن صورت،حسن قامت،حسن سیما ادلانوب حسنونه عاشق ولی تنها زلیخا ادلانوب سن گوزلیقدا ولی دنیاده غوغا ائتموسن سن او یوسف سن کی دونیانی زلیخا ائتموسن

سرود ولادت حضرت امام رضا علیه السلام به قلم کربلایی صابر ثمودی سبک ای صفای قلب زارم خسرو خوبان گلوبدی ..دلبر و جانان گلوبدی شاد اولوب ایرانین اهلی..زینت ایران گلوبدی گلوب دلداریمیز..گول اوزولی یاریمیز گرک بیز شاد اولاخ.گلوب سالاریمیز امیر ما سوا‌‌..علی موسی الرضا آدی درده دوا..علی موسی الرضا رضا جانم رضا...رضا جانم رضا شهریار ملک ایران.. زینت باغات رضوان حضرت زهرا عزیزی .یادگار شاه مردان حبیب ذوالجلال..گلوب نیکو خصال امام کاظمه..گلوبدور پرّ و بال امیر ما سوا علی موسی الرضا آدی درده دوا علی موسی الرضا رضا جانم رضا..رضا جانم رضا گلدی ایرانین صفاسی..شیعیانین مقتداسی عالمی جنّت ائدیب دور..حضرت زهرا بالاسی شه والا تبار..وفالی شهریار عزیزِ جانمیز...حبیب کردگار امیر ما سوا علی موسی الرضا آدی درده دوا علی موسی الرضا رضا جانم رضا رضا جانم رضا گول آچوب باغ ولایت..شیعه لر تاپدی سعادت قویدی دنیایه قدومین..فخر عالم کان رحمت شهنشاه جهان...رئوف و مهربان گوزون آیدین اولا..ایا صاحب زمان امیر ما سوا .. علی موسی الرضا آدی درده دوا..علی موسی الرضا رضا جانم رضا..رضا جانم رضا نوگل باغ پیمبر..دلبر موسی بن جعفر افتخار ایلر( ثمودی).درگهونده اولدی نوکر امیر دلربا..سنه جانیم فدا بیزه امضا ائله ..مشهد یا کربلا امیر ما سوا علی موسی الرضا آدی درده دوا علی موسی الرضا رضا جانم رضا جانم رضا

ولادت حضرت علی ابن موسی الرضا(ع) بند اول هر بیر اورکده گر رضا عشقی اولا بهاسی وار شیعه بونا فخر ائلسون رضا کیمی آقاسی وار دردیم    گر   اولسا رضادی علاجیم ایشقلی سراجیم اونون گوزل آدی ، باشمداکی تاجیم یا رضا جانم آقام آقام آقام..... بندم دوم حسن جمالون آقاجان گونی خجالت ائلیوب خلق  ائلین  زمان سنی خدا قیامت ائلیوب رضانون حسنی چون حسن ازلدی گله بو مثلدی گوزللرین  ایچره ، گینه بو گوزلدی یا رضا جانم آقام آقام آقام...... بند سوم رضا غلامیم خوشام ، بودور اورکدی غرض دیلیم لال اولسون حرمون ائدم بهشتیله عوض دل    دویماز   والله  یاشل علمونون آقا کرمونون بهشت آلار عطرون سنون حرمونون یا رضا جانم آقام آقام آقام..... بند چهارم واردور اورکده گر غمون گل شه دلجویه دئنن حاجتیوی    روا   ائدر       ضامن آهویه دئنن گل بو عشاقی اوزون ائله دلشاد ائوین اولا آباد دخیلیمی   باغلا  به پنجره فولاد یا رضا جانم آقام آقام آقام.... بند پنجم بو گئجه دل نه ایستسه دست گره گشاده دی تذکره   کرب و بلا ،  دست امام رضاده دی قاپوندا مولا بیر  عمری گدایم گدای رضایم اولونجه اسیر او کرب و بلایم یا رضا جانم آقام آقام آقام....

دلم امشب به رواق و به زیارت باشد به امید کرم و اذن و شفاعت باشد رضا جان به جوادت همه داریم قَسَم که تن و جانِ رئیسی به سلامت باشد

یا حسین چوخلاری حیراندی سنه منده بیری چوخی عشق عالمی قرباندی سنه منده بیری ذکر ائدنده آدووی گوز دولار اشک تریلن خلقتون هاموسی گریاندی سنه منده بیری هر کیمون دردی اولا فوری دوتار دامنووی چوخلاری دست به داماندی سنه منده بیری سفره لطفون آچیقدی گلنه یوخ دئموسن بشرون هاموسی مهماندی سنه منده بیری دست خالی سنی زهرا منی سن سالما یولا هامی بیر سائل نالاندی سنه منده بیری اوتلانان لبلرووی یاده سالاندا یانییام عالمون قلبی الولاندی سنه منده بیری اویانان لبلرووه یاندی حسین عرشیله فرش داشلاروندا اورگی یاندی سنه منده بیری خیمه گاهون نجه یاندی ددی آلاه: وای حسین هامینون سینه سی اوتلاندی سنه منده

وقت او وقت اولدی گرک زینب حسیندن آیریلا باغلانیبدی خیردا قیزلار ناقه اوسته قول قولا شهدا قالدی کفن سیز ، اسراء دوشدی یولا غم قطاری یولانیب زینب اولوبدی بی پناه ناقه اوستن هی دونیب گوداله ایلیوردی نگاه گوئیا روحی قالوب گودالیده یار آختارور قاسم و اکبر و یا طفل لبن خوار آختارور یاکی علقمده یاتان قولسوز علمدار آختارور گوز یاشی وئرمیر امان غصه و غمدن دانشییر کربلا دشتینه باخدوخجا اورکدن آلیشییر کربلا واردی گلایم سنه دیندیرمه منی چکدون آغوشیوه بش قارداشیمی وار محنی در به در ایله دون آخر بو جلای وطنی کربلا قلبیمی غم خنجری یاردی گئدیرم اوجا قدیم بؤکولیب زلفیم آغاردی گئدیرم

ساتمارام عشقی سلیمان نبی دولتینه واردی فخریم بونا که سفره زینب آجیام گر باشیم یدی سمایه اوجالانسا دییرم هر کیم اولسام هله من عشق حسین محتاجیام خلق اگر کعبه زیارت ایلیوب حاجی اولار من حسین مقتلینه بوسه ویراندان حاجیام.