عید قربان #گریز به شهادت حضرت علی اکبر(ع) #سبک_زینبم_جان_اوستیم علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا https://eitaa.com/kobradsg

طفلان حضرت مسلم (ع) . . سبک ؛ یئخیلدی سقا یئره .... . . ابوالفضل عباسی معروفان اهری . . قانه باتیب کوفه ده مسلمون بالالاری تازه لنیب شیعه نین قلبده یارالاری . حارثین . ظلمینه . یاندی داشلار آغلادی نهرده . جسملر ‌. یئرده باشلار آغلادی . . . . ظلم ایلمز میزبان ائوده ئوز قوناقینه عزتیلن ساخلیار گل سپر ایاقینه نیلمیشدی حارثه نور دیده لر مگر ال آپاریب غیضیلن خنجرین سراغینه . گللرین . پیکری . باد غصه دن اسوب هم بویوک . هم کیچیک . قاداشین باشین کسوب . . . . صبح بلا قبلیه قیلدیلار نمازلارین تا که بیان ائتدیلر خالقه نیازلارین پیک اجل باشلاری اوسته سالدی سایه سین رحم ائتمیوب گوللره کسدی گل بوغازلارین . گل عمو . یا حسین . سسلدی دوداقلاری باغریقان . وئردی جان .‌ حارثین قوناقلاری . . . . ائتدی جفا بی حیا سیم و زر هواسینه تیشه ووروب عاقبت حرمتین بناسینه باشلارینی ذبح ائدیب تا مقامه ال تاپا دوباره دن داغ چکیب مسلمون یاراسینه . گؤرسه کوینک لرین . گؤر آناسی نیلیر باش آچوب . آغلیار . دیلده وای اوغول دییر . . . #مسلمیه #سبک_یخلدی_سقا_یره https://eitaa.com/kobradsg

حضرت مسلم ابن عقیل علیه السلام مرحوم حاج جبار مضطر اردبیلی دوره‌می دورد طر‌ف آليب، آتلي پیاده یا حسین اکبری یوللا یالقوزام، کوفییه داده یا حسین ائتمیشم اول قد‌ر بو گون جنگ و جد‌ل یورولموشام جانیمه دویموشام یتیب باشه اجل یورولموشام ائتمیر‌م اول جسار‌تی دادیمه گل یورولموشام خواهشیم اوندادير فقط سال منی ياده یاحسین تیغلرین سوواردیلار کوفه‌نین اهلی زهریلن دسته به دسته قتلیمه ائیلیر هجوم قهریلن بیر نفرم یارالییام، جنگ ائدیرم بو شهریلن قالدیم اوزوک قاشی کیمی گورنه آرادا یا حسین گلمه بو شهرکوفییه، دوشمه بو من دوشن حالا یوللا عم اوغلو‌مین بیرین، بلکه گلیب قصاص آلا یا اول ابالفضل گلیب، منله وئریدی ال اله قویمویا من اسیر اولام ابن زیاده یا حسین کوفه ده من قوناق ایدیم، حرمتیم اولمادی منیم کیسه‌لرینده دُرّیدیم قیمتیم اولمادی منیم وئردیله سو ایچم ولی، قسمتیم اولمادی منیم قانیم ائدیب سو جامی ‌نی رنگ طلاده یا حسین یوخدو بو شهریده یریم کوچه اولوبدو گردشیم ایلیری میزبانلاریم داشلاریلن نوازشیم ووردولا بیر قلیج دوشوب اوست دوداقیم ایکی دیشم قانیمیلن بویاندی بو کوچه بو جاده یا حسین بئیله کی اوستومه منیم، صرصر ظلم‌لر اسر ملتفتم بو باشیمه، نه گلجکدی سر بسر باشیمی بام قصریده، چون بو گروه گور کسر کوچیه نعشیمی آتار قالسین آراده یا حسین باقی حکايتیمی سن سمت هوادن آل خبر قاصد اولان غریب چون باد صباد‌ن آل خبر باشیمین هر بلاسینی نوک جداد‌ن آل خبر گتمه‌لییم سنین کیمی شامه جداده یا حسین مضطر اردبیلیم ائیله توجّه حالیمه شوق زیار‌تون دوشوب مدّتی دور بو قلبیمه من سنی آند وئررم اول، درد ملال مسلمه یئتسه حضورپاکیوه، کرب بلاده یا حسین #مسلمیه_ #اصحاب_الحسین_ #مرحوم_استاد_مضطر_اردبیلـے ✨اَللّهُمَّ عَجِّل لِوَلیِّکَ الفَرَج✨ https://eitaa.com/kobradsg 👇

خیمه لرده نگران واردی علمداریم اویان     گوزی یوللاردا قالان واردی علمداریم اویان اویان قارداش اویان قارداش(4)   ای علمدار سپاهیم نه یاتوبسان گوزون آچ  ای بنی هاشم آیی قاندا یاتوبسان گوزون آچ آفتاب حرمی گوزدن آتوبسان گوزون آچ      دلده نه تاب و توان واردی علمداریم اویان  اویان قارداش اویان قارداش(4) اوخ دگوب مشگیوه ای غصّه لی سقّای حرم   قول دوشوب بیر طرفه بیر یانا مشگیله علم باشیوا یاره وروب عرصه ده بو اهل ستم      کاسه ی چشمیده قان واردی علمداریم اویان  اویان قارداش اویان قارداش(4) آفرین عشقیوه ای امّ بنینون بالاسی    افسر عشقیدی باشونده عمودین یاراسی آه و نالیله دولوب خیمه ومیدان آراسی   لبلرونده هله جان واردی علمداریم اویان   اویان قارداش اویان قارداش(4) سنه معناده آنام فاطمه آغلار یارالی       زینبیم نوحه دیوب عالمی داغلار یارالی مرتضی ایندی گلر یاره وی باغلار یارالی       غم هجرونده یانان واردی علمداریم اویان اویان قارداش اویان قارداش(4)   کاسه ی اشگیمی بیر بیله گوزومدن جالاما    غم غم اوسته دلِ آل اللهه قارداش قالاما کیم تسلّی ویره جاق ایندی رقیّه بالاما           چوخ اورکده ضربان واردی علمداریم اویان  اویان قارداش اویان قارداش(4) گونی سالدون غمه ای ماه عجب باتدون اؤزون    پرچم نصر من اللّه کیمی یاتدون اؤزون پارچالانمیش باشیلا حیدره اوخشاتدون اؤزون   کیمده بیر بیله نشان واردی علمداریم اویان  اویان قارداش اویان قارداش(4) شاعر: حاج ولی الله کلامی زنجانی. https://eitaa.com/kobradsg

. #سبک_ای_درد_بی_درمانلارا درمان … . مرحوم عاصی تبریزی . ای زینبی آغلار قویان وای قارداشیم وای گَلدی باجون یاتما اویان وای قارداشیم وای . . زینب بو توزلی قبریوه قربان یارالی اوخشار باجی قارداشینی آغلار یارالی . . قارداش گیدنده شامه من باشی بلالی گونلر ایوینده نعشیوی گوردوم یارالی یاددان چخارتماز زینبون هرگز او حالی قیلّام گئجه گوندوز فغان وای قارداشیم وای . . غم گوزلریمون بارشین دوندردی ابره اولدوم ته دلدن ولی تسلیم صبره کیم غسل وکفن ایتدی سنی،کیم قویدی قبره ای پادشاه انس و جان وای قارداشیم وای . . قارداش حسین آخِر سنه کیم قبر قازدی شش گوشه قبرون اوسته کیم بو خطّی یازدی گَلسم ئوُلونجه شیون و فریاده آزدی گوز یاشیمی ایتسم روان وای قارداشیم وای . . عورت اوشاق شامه گیدنلر دست بسته پوزقون ، پریشان، سینه سوزان، دل شکسته بو اربعین گَتدیم تماماً قبرون اوسته ناله کُنان و مو کَنان وای قارداشیم وای . . وار دور رقیّه جانبیندن انفعالیم سرّی اودور بو نوعیله پوزقوندی حالیم حالی دوشنده یادیمه آرتار ملالیم ویرانه یرده ویردی جان وای قارداشیم وای . . اولموشدی غمدن زلف تک حالی پریشان ایتمیشدی غصّه قلبینی لاله صفت قان ویردی قوری توپراقلار اوسته آج سوسوز قان ویرانه ده ایتدی مکان وای قارداشیم وای . . سندن او گون که جبریله اولدوم جدا من نه ظلم لر ایتدی منه بی رحم دشمن شامه کیمی نه چَکمیشم آگاه سن سن دل یوخ ویرم شرح و بیان وای قارداشیم وای . . گوردوم یارالی باشیوی نوک جداده طالعدی گون تک ائیلیوب شامه اراده گاهی برهنه ناقه اوسته گه پیاده اولدوم دالینجا من روان وای قارداشیم وای . . نوک جدانی طلعتون دوندردی طوره گَتدون کلیمُ اللهی سن عشقونده شوره خولی قویوب اوّل گئجه باشون تنوره اولدون کُل اوسته میهمان وای قارداشیم وای . . یاتدون اگر چه بیر گیجه کول اوسته راحت اولدی یارالی باشیوه چوخ هتک حرمت دیره یئتینجه گورمدون بیر استراحت نه سایه نه بیر سایبان وای قارداشیم وای . . دین مبین دن راهبه گوستردون آیت معناده سن ائتدون اونا قارداش حمایت اولدی مسلمان عاقبت تاپدی هدایت وئردون ره حقی نشان وای قارداشیم وای . . اوضاع شهر شام اولور دیلده مجسّم قلبیم یانو ر گوزدن آخور اشگیم دمادم صبر ایلدیم هر قدر یوز وئردی منه غم غمدن قدیم اولدی کمان وای قارداشیم وای . . باشون عجوزه داشینه اولدی نشانه گوردوم او حالی نی کیمی گلدیم فغانه وئردوم باشیمی محمله من یانه یانه باشیم یاریلدی آخدی قان وای قارداشیم وای . . ظلمون یتوردی شمر دون قارداش تمامه چکدی عیالون باش آچوق بازار شامه دوندی جفادن گوندوزوم شام ایچره شامه تار اولدی دیدمده جهان وای قارداشیم وای . . چکدیم ز بس ظلم و ستم من غم کشیده بار مصیبت قدّیمی ائتدی خمیده گئتدی عیالون عاقبت بزم یزیده قوللاردا یکسر ریسمان وای قارداشیم وای . . قویدی یارالی باشیوی طشت طلایه صبر ائلدیم او بزمیده هر بیر جفایه چاره م کسیلدی عاقبت گلدیم نوایه یاندوم ویراندا خیزران وای قارداشیم وای . . وئردون کسوک باشونله سن اسلامه رونق بزم یزید ایچره دئدون اِنّی اَنا الحقّ اول جمعیدن بیر جاثلیق اولدی موفق گئتدی بهشته کامران وای قارداشیم وای . . حیرتدیم بو باره ده قارداش نئدیم من نه نوع درد هجره بولمم تاب ائدیم من سن سیز نئجه بس یثربه بیرده گئدیم من هجرانیوه یوخدور توان وای قارداشیم وای . . عبد ذلیل اول «عاصیا» بو آستانه دی زینبه دردون دئمه بیر اوزگه یانه بسدور بو سوز سندن صورا قالسون نشانه یاتما بو قبر ایچره اویان وای قارداشیم وای #الّلهُـمَّ‌عَجِّــلْ‌لِوَلِیِّکَـــ‌الْفَـــرَج https://eitaa.com/kobradsg

┄━═✿♡﷽♡✿═━┄ ➖➖➖➖➖ هر کس بلای عشقه یقین طاقت ایلمز #مسلمیه_فکری_اردبیلی ➖➖➖➖➖ شهادت حضرت مسلم ابن عقیل (ع) .. .. .. مرحوم فرهاد فکری اردبیلی .. .. .. هر کس بلای عشقه یقین طاقت ایلمز جام بلانی باشه چکه جرأت ایلمز .. اوّل قدمده ترک سر و جان کیم ایتمسه طی ایلسون مراتبینی رغبت ایلمز .. دوز عاشقون نقدری بلا یاغسا باشینه تاپماز خلل عقیده سی هیچ وحشت ایلمز .. عاشق گرکدی دهریده آزاده مرد اولا حاشا ئوزون دچار ره ذلت ایلمز .. جانیم فدا اولا ایکی دنیاده مسلمه چشم فلک نظیرین اونون رویت ایلمز .. آلدی آرایه لشکر اونی شهر کوفه ده بیلدی وفا ئوز عهدینه بو ملت ایلمز .. فرمایش ایتدی سیز آقامی دعوت ایلدوز ایندی ندن سفیرینه کس حرمت ایلمز .. بو رسمیدور جهانیده مرد اولسا میزبان حرمت ایدر قوناقه و یا دعوت ایلمز .. بو ظلمی که سیز ایلمسوز ئوز اماموزه شرم ایلیون نظرینی هیچ امت ایلمز .. هر بیر حکومتی که بنا اولسا ظلمیلن معلومیدور دوام ائله بیر دولت ایلمز .. تنگ ایلسوز جهانیده سیز آل هاشمه آگاه اولون یزیده حسین بیعت ایلمز .. باش اگمیوبدی اگمز حسین شاه فاسقه هرگز قبول ذلت او شخصیت ایلمز .. ... .https://eitaa.com/kobradsg

🥺#سلام_آقا_غریبم 💔 یابن الحسن بیا.... #اللهم_عجل_لولیک_الفرج 1⃣ #دعای_عظم_البلاء بسم الله الرحمن الرحيم اِلهي عَظُمَ الْبَلاءُ ، وَبَرِحَ الْخَفاءُ ، وَانْكَشَفَ الْغِطاءُ ، وَانْقَطَعَ الرَّجاءُ وَضاقَتِ الاْرْضُ ، وَمُنِعَتِ السَّماءُواَنْتَ الْمُسْتَعانُ ، وَاِلَيْكَ الْمُشْتَكى ، وَعَلَيْكَ الْمُعَوَّلُ فِي الشِّدَّةِ والرَّخاءِ ؛ اَللّـهُمَّ صَلِّ عَلى مُحَمَّد وَآلِ مُحَمَّد ، اُولِي الاْمْرِ الَّذينَ فَرَضْتَ عَلَيْنا طاعَتَهُمْ ، وَعَرَّفْتَنا بِذلِكَ مَنْزِلَتَهُم فَفَرِّجْ عَنا بِحَقِّهِمْ فَرَجاً عاجِلاً قَريباً كَلَمْحِ الْبَصَرِ اَوْ هُوَ اَقْرَبُ ؛ يا مُحَمَّدُ يا عَلِيُّ يا عَلِيُّ يا مُحَمَّدُ اِكْفِياني فَاِنَّكُما كافِيانِ ، وَانْصُراني فَاِنَّكُما ناصِرانِ ؛يا مَوْلانا يا صاحِبَ الزَّمانِ ؛ الْغَوْثَ الْغَوْثَ الْغَوْثَ ، اَدْرِكْني اَدْرِكْني اَدْرِكْني ، السّاعَةَ السّاعَةَ السّاعَةَ ، الْعَجَلَ الْعَجَلَ الْعَجَل ؛ يا اَرْحَمَ الرّاحِمينَ ، بِحَقِّ مُحَمَّد وَآلِهِ الطّاهِرينَ

خدایا چنان کن سرانجام کار تو خشنود باشی و ما رستگار 🌺🍃