ای نگار عالمین، زهرایه نور دوعین گینه دوشوب باشیما، شوق بین الحرمین یا اباصالح مدد مشمول قیل عطایه، گیداخ کرب و بلایه بو رسمیدور آقا جان، شه لر باخار گدایه یا اباصالح مدد سن یوسفه مولاسن، گوزلیخدا تنها سن او یوسف کنعان دی، سن یوسف زهرا سن یا اباصالح مدد

❣ توسل به شهید کربلا ❣ گلمیشم درگهووه زار و ذلیلانه حسین بیر نظر بَسدی آقا ،باخ من نالانه حسین گورورم شام و سحر اهل وِلا هر یرده سیخیلوبدور قاپووا عاقل ودیوانه حسین ناامید اولسا اطبادن اگر دردی اولان گله جکدور قاپووا سنده کی درمانه حسین ائشیدوبدور کَرمون کُلّ سلاطین جهان اودی سائلدی هامی سن کیمی سلطانه حسین شَرر شمعیده بو رسمیدی پروانه یانار سنون عشقونده یانار شمعیله پروانه حسین آشنالر نَه فقط آغلادی شَرح غمووَه ماتمونده نجه گور آغلوری بیگانه حسین سرسلامت وئررَم حضرت زهرا نَنووَه باشلارام نوحه لری من او پریشانه حسین شهریارا ایکی آی قاره گین (نادرووَم) که اولوب مَامَن عشقیم هرعزاخانه حسین 🍃🍂🍃🍂🍃🍂🍃🍂🍃 #استادنادربابایی_سرابی

#_در_فراق_پدر آتا جان هر گئجه گوندوز آدینی یاد ائلرم آیریلیق دردینی هر کوی ده فریاد ائلرم   یانارام هر باخیشیم دا ، گؤررم، بوش یئرینی آنامین باغرینی سن سیز نئجه دلشاد ائلرم نییه گئتدین، بیزی قویدون بئله دونیا دا قالاخ من نه دن گئتمه دیم ، هرگون دئییب، ایرادائلرم بیلیرم گؤزلریم حسرت قالاجاق ، گؤرمیینه یوخوما سن گلسن ، باغریمی من ، شاد ائلرم نئجه دوزدو اورییم ، سالدی فلک آیریلیقی مین کرن ، بنده چکیب، بند یدن آزاد ائلرم گؤزله بیر گون چاتارام عهدیمه ، من ده گلرم قازاراق من ده کوهول ، خاطيری فرهاد ائلرم يانار هيحرانين اودون دا ، بالا آيدين قوجا دا أيريليق دردى يامان دير، باغيريب داد ائلرم

‍ السلام علیک یا ابوالفضل (ع) --------------------------------- صولدی زینب گل یاسیم آغلا یوخ داخی اشجع الناسیم آغلا قارداش ئولسه باجی سینه دغلار ئولدی غیرتلی عباسیم آغلا ئولدی آرخام ائلیم کربلاده سندی زینب بلیم کربلاده ------------------------------------ هیچ دئمردی یارالی باشیم وای یاگوزومنن آخان قان یاشیم وای دل توتار توتماز هردم دئیردی وای کمگسیزقالان قارداشیم وای ------------------------------------- دوشمشیدی باجی درده گوردیم قارداشیم ئولدی اللرده گوردیم باشیما اوندا دنیا دولاندی قد اولان قولارین یرده گوردیم ------------------------------------- جسمینه یاره چوخ چوخ وروبلار یاره لر حدّن آرتق وروبلار تله ساری باجی چوخ باخیرمش صاق گوزیندن اودور اوخ وروبلار ------------------------------------ حالیمی حالی چوخ پوزدی زین قارداشون ایندی یالقیز زینب ای کاش که ام البنین بولمییدی اوغلی میدانداقولسوزدی زینب ------------------------------------- آیرلان دوقته روحی بدندن مختصرصحبت ائیلوبدی مندن گئت دئدی اصغرین ئوپ یوزنن دی عمون اولدی شرمنده سندن ------------------------------------ بزر محنت اکیلدی دلیمده اللریم قالدی زینب بلیمده قدّی خم گلموشم گل هرایه اوخلی مشگیله پرچم الیمده ------------------------------------- یازما عبداللهی یوخ بیانون شاعر اولماخلقا یوخ توانون صدقیله دردون عباسه سویله سعی ائله خوش چخاامتحانون ------------------------------------- سبک ای قلم سوزلرونده اثر وار الاحقر عبداللهی

بانوای عبداللهی ======👆 روضه حضرت ابوالفضل(ع) دئمدیم نهری گئدیب خیملره دوندرسن یا بیر مشکی سووا بیر گوز ایکی قول ویرسن عباس من اوخ آتان گر چوخودی قارداش مشکی آتیدون یره سن اولماسیدی سو اورک بیر بله چرپنمازیدی نه قولار کسیلردی نه بلیم سنمازیدی بلیم سیندی قارداش ای آی یارالی قارداش ای

Kobra Dsg: زینب گزردی قتلگهی دلده شور و شین سسلردی هاردا یاتموسان؟ ای سوگلوم حسین   سندن اوتور بو قتلگهی چوخ دولانمیشام محنت خُمنده رنگِ ملاله بویانموشام   میدانه خیمدن یارالی ، خسته جانیله گاهی گلوب یخیلوب گه دایانمیشام   سسلَن سسون فداسی ، باتوب زینبین سسی اوز جانیوه قسم اولا جاندان اوسانمیشام   غم یوز ویروب غم اوسته دوشوب رعشه جانیمه گلمور دیزیم گلم داخی جانه دایانمیشام   قربان اولوم یاتان یریوه هاردا یاتموسان؟ قارداش یورولموشام یارالی چوخ دولانمیشام   ظلم آتیشنده اود دوتوب اودلاندی خیمه لر خرگاهون اودلاناندا باخوب منده یانمیشام   یاندی تالاندی خیمه لرون دستِ ظلمیله دشمن سویاندا قیزلاری منده تالانمیشام   بیر بیر بلایه سنله منیم واردی شرکتیم سایونده من سنین بولوسن دالدالانمیشام   ایلردیم ایمدی قیزلارون ناقیه سوار معذور دوت اگر آنام اوغلی یوبانمیشام   بو یرده گلدی نعشِ حسین بیر تلاطمه سسلندی گزمه چوللری ای بنتِ فاطمه   گودالِ قتلگاهده گَل قانه باتمیشام داش نیزه اوخ سینقلاری آلتیندا یاتمیشام   آلاتِ حربی گَل باجی بیر بیر کنار ایله گور کویِ عشقیده نجه مقصوده چاتمیشام   قانه بویانمیشام یارالی خسته جانیله طاقِ ظفر بو سینه ده اوخدان اوجاتموشام   یتمیش نفر گُل اوزلی فدالردن ال چکوب اکبر کیمی جوانی باجی گوزدن آتمیشام   دل کاسه سی لبالبیدی لخته قانیله اوچ شعبه زهریلی بیر اوخیله بوشاتمیشام   صد پاره پیکریمده چوخالدوقجا زخمِ تیر درد و ملالی ، غملی گوگلدن آزاتمیشام   قان بسترینده یاتماقا نازیله دلخوشام باشسیز عیالی اودی یاددان چیخاتمیشام   غم ظلمتینده چرخِ شهادتدن عشقیله صبح اولدوزی باتار نجه ، من ایله باتمیشام   چوخ شعر وار بو سبکیده من (واقفم) اوزوم بو شاهکاری لطف ایلیوب حق یاراتمیشام  

🌹  آرزوی کربلا   🌹 دنیا گوزی عالمدَه حسین کرب وبلادور بینُ الحَرمین عاشقووَه سَعی و صفادور بیر یاندا سنون گُنبد پاکوندی نمایان بیر یاندا یاتوب عَلقمین اوسته مَه تابان جانیم اولا سنله بو علمدارووَه قربان عباس دئمه معدن ایثار و وفادور ششگوشه دی قبرون سنون ای زادهء حیدر سینوندَه مِدال اولدی سنه صوداَمر اصغر یاتمیش اَیاقون آتدا جوانون علی اکبر ششگوشه مزارون بیزه مِحرآب دُعادور عاشقدی هامی قبرووَه ای شاه خُجسته باخ شیعه لَره عازم اولور دسته به دسته پهلوسی سینان فاطمه دورمیش یولون اوسته خوش گلدین ائدن زائرووَه خیر نِسادور باشسیز او عیال و حَرمین گوزدَن آتاننان عمّامه سی باشینده قزل قانه باتاننان ایستی قومون اوستونده بو صحراده یاتاننان هریاندا اونا ئوز نَنَه سی صاحب عَزادور ایکاش زَوال اَمری بو هجراندا اولیدی بلبل لرین آوازی گلستاندا  اولیدی ایکاش حسین قبری بو ایراندا اولیدی افسوس بو هجران داغی داغلاردان اوجادور

جانم حسین حسین دینده دولارقلبه ایری عشق وصفا حسین ادی ویرر عالمده هر مریضه شفا حسین دینده ملکلر اولارغلام سنه غلام اولارهامی شاهلاربو شاه ذی حشمه حسین دینده بهشتی یازار خدا ادیوا نقدری عمرون اولاگلمزهچ بلا جانیوا حسین دینده سنه فخرایدر زمین و زمان دونرگلاب اولاراغزینداکی بو اب دهان حسین دینده تمام انبیاویررسنه سس حسیندی عالم ایجادیده بیزه کس حسیندی قورتاران ابراهیمی یانار اوددان قیامتین گونی حاشاسالا بیزی یاددان حسیندی هرایکی دنیاده عزت و جاهیم حسین دیم بوله عالم حسیندی چون شاهیم حسیندی عمرو حیاطیم حسیندی بال وپریم حسین یولونداخدایه قسم فدادی سریم حسیندی حکم ایلین جمله مهروماه ومهه گدابولرهامی عشاق لراوزون به شهه

اوخشاما ننه   زهرا   یاخشی    گلدون   یانیما دردون گلسین منیم بی کس   جانیما آل باشیمی دیزون اوسته بیرجه باخ دوداقیمده        لخته لنن       قانیما ئوزگه     انسانا       یارا       باغلاماز یامان  گون  گورمین  ئورک  داغلاماز دنیا   اهلی   گله   ،    اوغول   ئولنده هیچ  کیم   اونا   ننه   کیمی   آغلاماز ✍استاد   #چوپانی_مشعل ✨اَللّهُمَّ عَجِّل لِوَلیِّکَ الفَرَج✨💫

  زیارت یا  حسین    عشقینده      دائم     باقیم آلتی     گوشه     قبریوین       مشتاقیم بیر گوروم گوز   جامنی   دولدورومشام کربلاده      بزم     ماتم       قورموشام شوقیله   نهرعلقم   اوسته    دورمیشام الده     جام      اهل     عزایه      ساقیم آلتی     گوشه     قبریوین       مشتاقیم ای   سوسوز     دریا     کنارینده  قتیل گویلوم  ایستور قبریوی هر آی  هر ایل دست    ما    کوتاه    خرما     بر   نخیل نیلیوم         دام        بلا        دوستاقیم آلتی     گوشه     قبریوین       مشتاقیم گیچدی    ایللر   عمریمیز   اولدی تمام ایتمدوخ   بیر   عمریمیزدن   اخذ   کام آدیوی   ذکر    ایلرم   هر  صبح  و شام من   بو   ذکرین   بو   آدین    مشتاقیم آلتی     گوشه     قبریوین       مشتاقیم کربلا      آدین    دینده     نوحه    خوان قطره  قطره  اشک  اولار  گوزدن  روان برگ   رعنا   تک   اسر    قلبیم     اینان پیکریم     تترر     خزان           یپراقیم آلتی     گوشه     قبریوین       مشتاقیم عهدیم    اولسون ای     غریب   کربلا ئولمسم      اولسا        نصیبیم      نینوا اون    قدم    یرده     سوروننم   بر  ملا نذریمون        ایفاسینون           ایثاقیم آلتی     گوشه     قبریوین       مشتاقیم عاشقم   یوخ      انتهاسی    عشقیمون نقد     جانمدور    بهاسی     عشقیمون کربلا  دور       مدعاسی       عشقیمون ئوز      هوای      عشقیمون     میساقیم آلتی     گوشه     قبریوین       مشتاقیم عرشیدن  اعظمدی  دربارون    حسین روز  و   شب  اولام   عزادارون  حسین گر   اولام   بیر  وقفه   زوارون   حسین فارغ       اولام       معصیت       ارواقیم آلتی     گوشه     قبریوین       مشتاقیم دوتدوم    الده      قبضه     خاک    شفا سن   مکرّم   سن     دیدیم   یا   کیمیا سس   گلوب   مندندی   هر  درده  دوا من     حسینون      قبرینون     تپراقیام آلتی     گوشه     قبریوین       مشتاقیم **  کریمی 

گوز تیکوبدور سنه قارداش دم خنجرده باشیم تز یتیش دادیمه قویما قالا اللرده باشیم دیمورم قارداشووام عرصه‌ده سرلشکروم یا الیمده عَلمیم واردی علم پروروم منده‌گر سلطنت عالَم اولا نوکروم خاکبوس اولمیوب اولماز در دیگرده باشیم سن بیلورسن سنه قارداش دئمدیم ئوز باشیما امر زهرادی که زحمت ویرورم قارداشما گل ایاقوندان ئوپوم قوی الون السیز باشما اولا تا آخر عمرینده نظر کرده باشیم گرچه ذبح اولماقا باشیم قاباقوندا تَلَسر خنجر قاتل اسنده اودا شوقنیدن اسر وار نه جلّادیده جرأت نَه‌دَه خنجرده کسر باخما السیزدی چتین ال وئره نامرده باشیم ای ابالفضل لباسین دئیشوب آل یزید جمع ایدوب‌سفرهٔ احسانیله‌باشینه مرید (منزوی)حق‌دانیشاندا ائلیور حمله شدید گوی چوگان تعدّی اولوب اللرده باشیم     مرحوم  منزوی اردبیلی

حالات کوچ اسرا - زبانحال سکینه خاتون آچ گوزون قافله سالاریم امان قارداش اویان گلدی شمرون سسی سرداریم امان قارداش اویان شهدانون باخورام چوخدی بو گون یاره لری قتلگاهیده دوشوب پیکر صد پاره لری قیریلوبدور بابامون گور نجه مه پاره لری داخی قالموبدی پرستاریم امان قارداش اویان قرخ نفر السیز ایاقسیزلا رحم ایله بو گون جام الینده دولانان قیزلارا رحم ایله بو گون تشنه لب عمّه مه هم بیزلره رحم ایله بو گون سو تدارک ائله غمخواریم امان قارداش اویان قان توکور دیده لریندن نظر ائت عمّه لره لعنت حق اولا بو صفلره بو دسته لره گئتدی میدانه عمون سو گتوره تشنه لره وئردی قوللارین علمداریم امان قارداش اویان قبر بطحادن آیرما دئدیم آخر ائلیمی شمر دون سولدوراجاق گلشنیمی هم گولیمی بیرده من جام اله آلسام سو دئسم کس دیلیمی حشره تک یانسا دوداقلاریم امان قارداش اویان بیلمدیم من سیزیده ئولدوره جک شمر لعین ظلمیله باغلیاجاق قوللاریمی لشکر کین پا برهنه باش آچوق ایلیروک داد و انین کیم اولور اوندا هواداریم امان قارداش اویان قونداقی اصغریمون گور نجه القانه باتوب سرو تک تازه جوانلار هامی یان یانه یاتوب باخ بو قومه نجه گور دینینی دنیایه ساتوب ای سخا کانی وفا داریم امان قارداش اویان بیر نظر قیل نجه گور نوحه ائدر (( سیّد )) زار سن روا ایله اونون هر نه که درد دلی وار التماسین ائله قویما اولا محشر گونی خوار سن اونا رحم ائله سردایم امان قارداش اویان ** مرحوم سید