زبانحال جناب فاطمه عروس به حضرت قاسم (علیه السلام) ای ویرن جان قان ایچنده خاطره ناشاد عم اوغلی کیم گوروب قانه بویانسین طوی گونی داماد عم اوغلی سن نجه قانه بویاندون دوزمرم منده بویانّام هربلا گلسه یولوندا ایتمه رم شکوه دایانّام چکمسم خجلت آناندان باشوه دورّام دولانّام نعشوه اولام مجاور ای دلی ناشاد عم اوغلی سویدولار سنسیز عروسی طوی گونی قوم رزالت گوشوارم غارت اولدی وار قولاقیمده جراحت قورخورام گیتسم وطنده ایله سون قیزلار شماتت گیتمرم قالام یانیندا هرچه باداباد عم اوغلی اشقیا ویرسا یارالی باشوی نوک جدایه باشون آردنجه دولانام نی کیمی گلم نوایه رحم ایدن اولماز بویولاردا ولی من بی نوایه باشمه قمچی وروبلار فرقه بیداد عم اوغلی من گیدوب سن سیز وطنده گل کیمی سولام سارالام باشمه حاشا عم اوغلی قرمزی من برده سالام آتش هجرانه یانام آغلارام گوز یاشلی قالام اولمارام قید غمیندن برزمان آزاد عم اوغلی آیریلان ساعتده سندن آتش هجرانه یاندیم خیمه لر غارت اولاندا ظلم اشراره دیاندیم بو سوزی شاهد دی عمم سن کیمی قانه بویاندیم اولمادی بر کس منه ایتسون داخی امداد عم اوغلی باشمه بر قاره سالدیم طوی گونی من بختی قاره دشمنه بلدیم اسیرم دردیمه یوخ اوزگه چاره اشقیا قویسا یارالی نعشیوی قویوخ مزاره قالماسون گونلر ایونده بو قد شمشاد عم اوغلی بو سنون طوی حجله گاهیندور ندن قانه باتوبسان قرمزی مخمل دوشکده نازیله یورقون یاتوبسان سسلورم سس ویرموسن آیا منی گوزدن آتوبسان گور نجه قالدیم ملر سنسیز ایوین آباد عم اوغلی طوی گوننده رسمدور شهزادیه قربان کسلّر باشینه تازه عروسین دسته دسته گل سپلَر بر ایله بزم زفافه اَلده گل قیزلار گللّر منده عکس اولدی بو مطلب اولمادیم بر شاد عم اوغلی یوخدی چارم دست بسته من گرک ای خسته یورقون گون قباقنده قویوب جسمون یارالی زار و پوزقون باشون آردنجه گیدم شامه ولی چون ماه توتقون ایلیم یولاّردا سنسیز شیون و فریاد عم اوغلی  مرحوم زاهد

امام حسین،خريدار اشکهاتون🖤🏴 ابوالفضل، گره‌گشای کارهاتون🖤🏴 غریب مدينه، شفاعت خواهتون خورشیدطوس،ضامن دعاهاتون ومهدی فاطمه، سايبان دلهاتون عزداری‌هاتون قبول التماس دعا🙏

حضرت قاسم (ع) زبانحال حضرت سریه (س) به حضرت قاسم (ع) ای منیم  بختیمی  قاره  ایدن اوغلوم گوزون آچ ماتمینده  باشما   کول سپن  اوغلوم  گوزون آچ وار عجب   منظره سی، جسموین  ای سرو کنار باشا  باش  یاره دی  گویا  گل  آچوب  باغ  بهار جسموین    گلشنی    طاقتلری    دللردن     آلار گوزون آچ  ای گل باغ حسن  اوغلوم گوزون آچ گتورر     نالیه     بو    حالون     امام       حسنی بطنوی      پارچالیوب    نیزه    ایله    قوم   دنی ایلیوب     خانه      زنبوره     مثل     تیر  ،  سنی ای ستاره  ساینی سان ویرن اوغلوم گوزون آچ بویانوبسان  باشا  باش  قانه  اوغول  لاله کیمی بورویوب   صورتوی   قرمزی   قان   هاله  کیمی بو منم   گوز   یاشی   ایثار    ایلین   ژاله  کیمی توکورم گوز یاشیمی دیده دن اوغلوم گوزون آچ ئوُلومونله    بو   منیم   قلبیمه   گور    نیلمدون؟! دِیَن    اولماز   که   اورک     طاقتینی   پِیلَمدون ایوین    آباد    اولا    شرمنده    منی     ایلمدون آناسین  مقترنِ  فخر  ایدن  اوغلوم گوزون   آچ طاقتون   طاق    ایلیوب   طاقتیمی    آلدی  عدو سنی    توپراقه   منی   قاره   گونه  سالدی عدو بلمدی  دلده  بو غم  تیری   مگر    قالدی  عدو؟ یاتما بیله ای ایاقدان دوشن  اوغلوم گوزون آچ دور  بو  وضعیله  اوغول  توپراقا سن  باتما  بیله نو  عروسی غم   هجرینده  چوخ   آغلاتما  بیله خلعت    عیشوی   گیی   عالمی  سن  آتما  بیله قانلو  پیراهن  عشقین  گِیَن  اوغلوم گوزون آچ یاخشی آغلار گوزیله  قویدون اوغول فاطمه نی نه   علاج   ایلسون  آخر   بیله   گوردوقجا سنی طوی اساسون دوشنوب،دور اوغول آغلاتما منی حجلة   عیشینه  ای  تیز گلن  اوغلوم گوزون آچ آهیمیله    بو     فنا     ملکنی     بر  باد     ایدرم خانة    محنت   و   درد   و  غمی   بنیاد    ایدرم نعشوی  گوررم   اوغول   ناله   و   فریاد  ایدرم ایدرم   خیمه نی بیت  حزن   اوغلوم  گوزون آچ طوی اساسی قورولوبدور  سنه لیک  آغلور حرم گوزونون   یاشنی   هی   عارضینه    باغلور حرم عالمی    ماتمه    چکدی  ،  فلکی   داغلور  حرم گور  بو  احوال  پریشانی سن اوغلوم گوزون آچ نو  عروسین   بالا    بوندانصورا     احوالنه   وای بولسه   هر کیم  بیله  حالی، دیه جاق حالنه وای ظلم    اَلیله     پوزولان     حجلة     آمالینه   وای ای عروسین ایلیین  ممتحن  اوغلوم گوزون آچ طوی  حناسی قویولوب  اَللریوه   قاندان  اوغول قره   معجر توکولوب دوروه   هر  یاندان  اوغول قیز گلین باش یولوری سیر اولوری جاندان اوغول بیله طوی بیله عزا یوخ گورن اوغلوم گوزون آچ قاسمین حجله سینه صرصر ظلم اَسدی ((نگین)) رشتة  عمرونی  مقراض   اجل  کسدی((نگین))

صرف ایلمیه ن عمرینی دنیاده عزایه "بیضا" گَلی شرمنده و افسرده جزایه بی گریه قیامتده او شاه شهدایه هر کیمسه دئسون گر اولا مدّ نظر اولماز

🏴عرض ارادت به ساحت مقدس حضرت اباعبدالله الحسین علیه السلام ✍#شاهکاری_دیگر_از_استاد_کربلایی_رحیم_شایان یاحسین عشقون گوارا دی شیرین جاندان منه مجلس روضه ن مصفاتردی رضواندان منه پاک آدون گلجک آخور دامانه اشک اشتیاق پربهادور گوز یاشیم یاقوت و مرجاندان منه بو خراب آباد دلده عشقیوی تا بسلدیم سوز و آهیم باشدی الان کون و امکاندان منه هر حسینیم وای دئدوقجا کام جان شیرین اولور گوئیا داود اوخور آیات قراندان منه ائت دعا الله بو عشقی قلبیمیزدن آلماسین اولماسا عشقون نه واردی غیر خسراندان منه بو مدال نوکریت تا نه قدری سینه ده شانیده والادی مین کسری و خاقاندان منه گوز یاشیم دور قورتاران صحرای محشردن منی قطره سی افضل دی والله گنج شایاندان منه سینه یه ووردوقجا زنگاریم اورکدن پاک اولور گوئیا هی باب آچیللار شهر عرفاندان منه قبر پاکون مامن عشاق عالمدور سنون مدفنون باشدور یقین ملک سلیماندان منه کربلانی شوط ائدندن بیقرار عشقیوم ایله بیر دعوت گلوبدور عرش رحماندان منه معصیت قویمور ولی مندن سنون عطرین گله بو مصیبت یوز وئریر نفسیمله شیطاندان منه روسیاهم بارگه ده مایه. ننگم. سیزه هر خطا ايتدوقجه گلدی لطف سلطاندان منه منده یوخدور بو لیاقت شانیوی شعره چکم هر نه واردور سن ویربسن فضل و احساندان منه گر چه شهریمده غریبم لیک لطفوندن سنون صوت یوللار نوحه خوانلار کل ایراندان منه گاه اوخوللار شعریمی آهنگیمی تبریزده یوللانار گاه اردبیلدن گاه زنجاندان منه نشر و بسط شعری گورجک سجده شکر ایلرم چوخ سعادتدور گلور شاه شهیداندان منه شعر. بی جانه ويریر جان نوحه خوان. قارداشلاریم لطف چوخدور حمد لله فضل سبحاندان منه شعر یازماقداندا أرتیخ کاش اولام پرهیزکار لمعه لمعه تا گله انوار ایماندان منه واقفم هر بیتمه. بیر قصر اولار جناتیده وئر بو دنیاده بیرین جود فراواندان منه ✍استادکربلایی رحیم شایان ارومی

هر کیم ای "بیضا" عزادارِ شهِ کونِین اولور حشرده بی شُبهه نورالعِین حورُالعِین اولور داخل بزمِ سرافرازان ، یومِ الدّین اولور بو شهِ مظلومه هر کیم آه و افغان ایلدی

#حــسیــن جــان ڪاش روزی بشوم ڪفتر بین الحرمین بـوسه باران بڪنم مرمر بین الحرمین صبحـها از سرِ سـجاده سـلامٺ ڪردم تا نگاهم ڪنی ای سَرور بین الحرمین #سلام_ارباب✋

دنیاده عزا بزمی قورانلار سنه قربان إحساسیله غیرتلی جوانلار سنه قربان أربابه گورا؛سینه ورانلار سنه قربان سَن ماه وفاسن؛سنه تای یوخدی أباالفضل گویله رده سنه اوخشیان آی یوخدی أباالفضل....

زبانحال حضرت زینب (س) در قتلگاه دوندی قان دریاسینه گودالون ای باشسیز بدن قویدی آغلار زینبی احوالون ای باشسیز بدن دوشموشم قارداش سراغینده بو صحرای غمه گه فراته قاچمشام گاهی کنار علقمه بیر یئره دوشدی یولوم باتدیم بو آیری ماتمه وار نه محنتلو سنون اعمالون ای باشسیز بدن قانلو سینون گورجگین قلبیمده قان جوش ایلدی آشنا گلدی بو قان واللهى مدهوش ایلدی اوز غمیم یاددان چیخوب درد وغمه توش ایلدی قلبیمه اود ووردی بو افعالون ای باشسیز بدن سینون اوسته قانلن الوان آچلمیش گوللرون گلشنوندن بی خبر قالمیش ندن بلبللرون بند بندیندن آیرمیش جسموی قاتللرون حشر اولونجا گلمیور امثالون ای باشسیز بدن بو یارالی پیکرون قالمیش نیه عریان سنون رختخوابون اوخلار اولموش بالشون آلقان سنون ذبح ایدوبلر باشوی معلوم اولور دالدان سنون چوخ سنه زحمت ویروب قتّالون ای باشسیز بدن گر حسینیم سن ، سنه زهرا آنام قربان حسین آق محاسن قانینه الوان آتام قربان حسین دین اسلامه ویرن رونق بابام قربان حسین گتدی چوخ رقّت منه بو حالون ای باشسیز بدن بی وفا خواهر دگل بو بخت قاره خواهرون قویمارام عریان قالا قارداش یارالی پیکرون دور نعشونده آچار باش عترت غم پرورون زلفلن سایه سالار اطفالون ای باشسیز بدن کربلا دشتینده سو آلماق اولوب امر محال ملک دیدمده ولی وار چشمه ی آب زلال گوز یاشیلان غسل ویرّم گر ویره دشمن مجال مردم دیدم اولار غسّالون ای باشسیز بدن گلمدی زهرا آنام باخسون منیم گوز یاشیمه ظلم الیله دوغرانوب الده ئولن قارداشیمه چاره قیلسون چاره آخر بو بلالی باشیمه محو اولوب گورسون سنون اجلالون ای باشیز بدن جان ویروب جانان تاپوب یتدون اوزون معبودوه قانلو گودالونده سجده ایلدون مسجودوه سن شهید اولدون یتیشدون مقصد و مقصودوه حاصله گلدی بو گون آمالون ای باشسیز بدن ایندی محنت زینبون ظلم و عداوت دشمنون ایتمدی بو عرصه ده ظلمه کفایت دشمنون ووردیلار اود ایتدیلر اخیامی غارت دشمنون پایمال اولدی هامی اموالون ای باشیز بدن ((صدری ام)) نام حسینیله بو سنّه یتمیشم بیلمیشم هر یئرده ماتم وار عزایه گیتمشم آغلیوب بو مصرعی ورد زبانیم ایتمشم دوندی قان دریاسینه گودالون ای باشسیز بدن *

🌷 وصف شهیدان کربلا 🌷 عطر جَنّت گلور کربلادن نِی سیزیلدار غم نینوادن آغلیار گوزلریم هر دَمادَم سوز دوشنده لب عطشان آقادن یاحسین یاحسین یاحسینجان(2) اکبری یاده سالّام عزاده اول جوان که یاتوب پای پاده قطعه قطعه اولوب شِبه طاها خیمیه حمل اولوبدور عَباده یاحسین یاحسین یاحسینجان (2) سو اولوب دشت وصحرایه جاری تشنه قویدی ولی شیر خواری وئردی سقا گوزی مَشکی آلدی قیمتی چیخدی اوننان یوخاری یاحسن یاحسین یاحسینجان (2) جام اَله آلدی تشنه قوناقلار خیمه ده منتظردور اوشاقلار اوخ گلوب مَشک سقّانی دَلدی یاندی چوللرده عطشان دوداقلار یاحسین یاحسین یاحسینجان (2) گوزلریم بیر لَبن خواره آغلار هر گورَن وقتی گهواره آغلار سینه سینده یاتوبدور حسینون خوردا بیر طفل مَه پاره آغلار یاحسین یاحسین یاحسینجان (2) گون شَفَقدن یوزه قان آلاندا یاکه هرغُنچا سولقون قالاندا یادووَه سال رباب اوخشاماسین صوداَمر طفله لایلای چالاندا یاحسین یاحسین یاحسینجان (2) قاسمون طوی اطاقی تالاندی حجله گاهینده اودلار قالاندی قاره گیدی گَلین کربلاده جام صبری بو غمده جالاندی یاحسین یاحسین یاحسبنجان(2) زینبون گُللَری دسته دسته سولدی میداندا یا نهرون اوسته کربلا غملریندن قوجالدی دیل یاراسی اونی ائتدی خسته یاحسین یاحسین یاحسینجان(2)

‍ سبک سینه زنی ، زمینه،راه شام ((حسین یارالاریوا قربان)) بند اول گئدنده شامه دیده گریان علی قیزی اورکده افغان ورد المیشدی دیلده هر آن حسین یارالاریوا قربان اسیر بالالاریوا قربان بند دوم بلالی زینبه فکاره کسیلدی هر نه راه چاره دییردی اللرینده یاره حسین یارالاریوا قربان اسیر بالالاریوا قربان بند سوم اورکده واردی غم هواسی پوزولدی قاسمین حناسی عروس مضطرین صداسی حسین یارالاریوا قربان اسیر بالالاریوا قربان بند چهارم سولوبدی گلستان دا گوللر اوخا نشان اولوبدی اصغر رباب بختی قاره سسلر حسین یارالاریوا قربان اسیر بالالاریوا قربان بند پنجم اوشاخلارین اوزونده حاله ائدر دیلر فغان و ناله نوای دختر سه ساله حسین یارالاریوا قربان اسیر بالالاریوا قربان بند ششم رقیه قورخودان اَسردی قولون طناب کین کسردی ویراندا ساربان دییَردی حسین یارالاریوا قربان اسیر بالالاریوا قربان بند هفتم جدا باشیندا شبه طاها ناقه لر اوسته غملی لیلا بوییدی ذکری دیلده گویا حسین یارالاریوا قربان اسیر بالالاریوا قربان 👇

 «حسینه یرلر آغلار گویلر آغلار                            بتول و مرتضی، پیغمبر آغلار» حسینـون نوحـه‌سین «دلـریش» یازاندا                    مسلمـان سهلدیـر کــه کافـر آغـلار   کوراولمیش گوزلرین قان دوتدی شمرین                  کی گؤروسون اؤز الینده خنجر آغلار حسینــون کؤینگــی زهــرا الینــده                            چکـر قیحــا قیـامت، محشـر آغـلار آتانـــدا حرملــه اوخ کــربـــلاده                               گؤریدین دشمـن آغـلار، لشکر آغلار قـوجاقینــدا، گؤریــدین امّ لیـــلا                                آلــیب نــعش علــیّ‌اکبــر آغـــلار  رباب، نیسگیل دؤشونده سوء گؤرنده                      علــیِّ‌اصغــری یــاد ایلــر آغـــلار باشینــدا کاکــل اکبــــر هـــواسی                           یل آغـلار، سنبـل آغـلار، عنبر آغلار یازانـــدا آل طــه نوحـه‌سین مــن                            قلـم گـوردوم سیزیلـدار، دفتـر آغلار علـی، شقّ‌القمـر محـراب تیلیت قان                     قولاق وئر، مسجد اوخشار منبر آغلار علیــدن، شهریــار، سن‌بیــر اشـاره                         قوجاقــلار قبـری، مالک‌اشتـر آغـلار

‍ #امام_حسین_ع #واحد #ترکی قاره پرچمون روحیمه صفادی ذره تربتون دردیمه دوادی ذکر یاحسین روحیمی دیریلدر مجلس غمون عین کربلادی صفای ذکر آقام کرانه سیزدی جهان عشقیم بیلون فسانه سیزدی اولماسا ذکری اورک بهانه سیزدی یاثارالله . اشک عزایه قوربان یاثارالله . شور و نوایه قوربان یاثارالله . کرب و بلایه قوربان یاثارالله . کرب و بلایه قوربان 3 یاحسین . روحیمون ریحانی کربلا . دردیمون درمانی یاثارالله . کرب و بلایه قوربان 3 ##### قاره کوینگون شانیمی اوجاتدی نفس سرکشی خوابیدن اویاتدی بندگی سیزه ای عزیز زهرا طعم معرفت زندگیمه قاتدی صفای جنت نه قصر و نه پریدی بهشت عاشق قاپوندا نوکریدی بهای جنت دلبره یاوری دی یاثارالله . کرب و بلایه قوربان 3 یاحسین . روحیمون ریحانی کربلا . دردیمون درمانی یاثارالله . کرب و بلایه قوربان 3 ##### کربلاده کاش همدمون اولیدیم دردیوه شریک محرمون اولیدیم غصه چکوب یاورون اولیدیم یاره باغلیوب مرهمون اولیدیم غلام کوی امیر عالمینم مست ولایت خمار شور و شینم تمام عمروم سینه زن حسینم یاثارالله . کرب و بلایه قوربان 3 یاحسین . روحیمون ریحانی کربلا . دردیمون درمانی یاثارالله . کرب و بلایه قوربان 3 کانال رسمی کربلایی صابرثمودی متن با سبک

یاحسین دردی اولان چوخدی یانان دیللره باخ اشکی رخساره سرازیر الیین گوزلره باخ اقاجان دردی اولانلار بورا درمانه گلوب یاحسین سن بیل آنون فاطمه بو اللره باخ یاحسین نوکریوم نوکره نعمتدی قاپون آدیوون حرمتی وار آدیمه حرمتدی قاپون آتام ئورگتدی هارا گیتسون حسین سیز گئتمه آرتوروب شانیمی واللهی شرافتدی قاپون التماس دعا خانم بهروزی

زبانحال عبدالله ابن حسن (۲) سبک: یا فاطمه من عقده دل وانکردم دوشدی گوزوم تا قانلی میدانه عموجان غم خیمده گتدی منی جانه عمو جان ای شاه عطشان جانم عمو جان(۲) ای شاه دین دشمن ایچینده تک قالوبسان آرامیمی بو غصه لی دلدن آلوبسان ینصرنی صوتین فرشیدن عرشه سالوبسان گتدی بوسس دنیانی افغانه عمو جان دونموشدی قلبون القانا اکبر غمینده سولدی یوزون گل تک علی اصغر غمینده سیندی بلون عباس نام آور غمینده گوزیاشلارون جاریدی دامانه عموجان دل داغلی سان سن ؛چونکه انصارون ئولوبدی اکبر کیمی یارو هواداران ئولوبدی عباس تک غیرتلی سردارون ئولوبدی باتمیش کمکلرون بتون قانه عمو جان سن لنگر عرش و زمین و نه فلک سن سن شهریار جن و انسان و ملک سن شاه سان ولی یوخدی سپاهون بی کمک سن سالدی غمون اوت قلب سوزانه عموجان گوردوم سنی دشمن ایچینده تاکی تنها توکدوم گوزومون یاشی یوزده اولدی دریا ائتدی کمکسیزلیک غمی قلبیمده غوغا قاچدیم خیمدن سمت میدانه عموجان دوتدی الیکی خیمده عمم الیمدن عرشه نوا گئتدی بوداغلانمیش دلیمدن گوردوم فقط من قالمیشام زنده ائلیمدن گلدیم دوشم منده بوطوفانه عموجان اصغر ئولوبدی دای منه دنیا نه لازم قالسام اولام نالان گرک یاسینده دائم ایلر مذمت مجتبی؛ اوغلون مداوم گر وئرمسم بو جانی جانانه عموجان ای چوللری ویلان گزن اهل و عیالی قلب جهانی یاندیران سوز ملالی من پیش مرگ اولام سنه اصغر مثالی قرباندی نوکر چونکه سلطانه عمو جان اصغر سیز عبدالاهه زنداندی بودنیا جان علی اکبر سن ای دلبند زهرا ایله شهادت نامه می سن ایندی امضا آدیم یازیلسین ذیل پیمانه عمو جان بیردا نه بد عادتدی ای شاه لب عطشان کرب وبلاده یوخ مگر هیچ بیر مسلمان منده علی اصغرکیمی یاندیم سوسوزدان وئرموله سو لب تشنه مهمانه عموجان خاکی

مداح اهلبیت حاج سید روح الله پناهی

‍ باتدی عاشورا گونی باتدی عاشورا گونی تار اولدی عالم زینبه یدی قارداشدان چاتوب بیر قاره پرچم زینبه وعده گاه عشقیده جانانی جاندان سالدیلار ناتوانلار بیر توانمندی تواندان سالدیلار حکمران خلقتی تخت رواندان سالدیلار اوخلیوب یتمیش همانی آسماندان سالدیلار آسماندا اغلادی عیسی بن مریم زینبه گیزلنوب خفاش تک تل اوسته اسدی ساربان اندی گوداله گئجه ظلمه تلسدی ساربان اللرین مولا سینون مقتلده کسدی ساربان اوغلومی زهرا دئدی اینجیتمه بسدی ساربان بارماقیندا قوی قالا بیر قانلی خاتم زینبه نیزه لر پرتاب اولوب قان دولدی شهلا گوزلره کور دل صیادلر اوخ ویردی بینا گوزلره لخته قان حسن دوچندان وردی زیبا گوزلره نیزه ده باخ باشلارا ایله تماشا گوزلره اهل بیتین دوش دالیجا آغلا باهم زینبه طبل پیروزی چالوب بیر صفده اعدا دوردولار منتشر اولدی شریحین حکمی شورا قوردولار صفحه ی صدر حسینه دورت مین امضاء وردولار سینه سیندن شمر انینجه خیمه سین یاندیردولار یاندی دیلدن ساکنان عرش اعظم زینبه گلشن زهرا سولوب دردانه لر آغلاشدیلار شمعلر خاموش اولوب پروانه لر آغلاشدیلار آشناده یوخ سوزوم بیگانه لر آغلاشدیلار قان توکوب دیوانه لر فرزانه لر آغلاشدیلار قلبده اولدی حسینون دردی همدم زینبه قتل و غارت قورتاروب اولدی شهادت آخشامی بیلدیلر عباس ئولوب دینجلدی دشمنلر هامی حجی ناقص حاجینون اللرده قالدی احرامی قورتولوب ذیحج عربلر دوتدولار قان بایرامی اولدی ماتم دهه سی اون گون محرم زینبه غملی بیر آهنگیلن گوللر ددی بلبللره گلستاندا قالمیون دوشدی رقیه چوللره آغلیون غارت گونی رنگی سارالمیش گوللره باشلیون بیر زمزمه دوشسون بو نوحه دللره بیچدی خیاط مشیت رخت ماتم زینبه غملی بلبللر سسی قانلی گلستاندان گلور مژده ی رحمت اسیرانه شهیداندان گلور یل اسنده واحسینا صوتی هر یاندان گلور فاطمه فریادی وحشتلی بیاباندان گلور دیر راهب گورسنور یولاردا کم کم زینبه نیزه لر باشینده راس سید عطشان پیر کاروان عشقه همره سلسله جنبان پیر یوللارا ایلور تماشا دیریدن رهبان پیر سس گلوب یول ور کلیسایه گلور جانان پیر چوخ یوبوندیرما حسینسیز یوز ورر غم زینبه یار آدین اتدی غرض اغیار دیلدن زمزمه مشتری اولدی او باشی آلدی اون مین درهمه محرم اسرار حق مهمان اولوب نامحرمه باخدی پوزقون عترته غرق اولدی دریای غمه بیر دل آلتی ائدی عرض خیر مقدم زینبه قانلی قانلی سینیه اول یاپیشدیردی باشی شستشو ائتدی گلابیلن توکوب هی گوز یاشی سس گلوب احسن سنه ای راهب آلدون پاداشی ناگراندور باجیسی اینجیتمه یورقون قارداشی قویما کوفه صحنه سی اولسون مجسم زینبه بیر گیجه آیریلسا قارداشدان نجه زینب دوزی قوللاری باغلانسدا باشه نگهباندور اوزی گوز گوتورمور قارداشندان خولیدن قورخوب گوزی سن گلابیلن یو قوی چیخسون یادیندان کول سوزی اول مسلمان خدمت ایله هم حسین هم زینبه راهبین قلبی تاپوب نور تولادن صفا حالینه شامل اولوب توفیق ذات کبریا اوّل ایش که گوردی دوروی دیرینه چکدی قرا آلدی سجادین سسین گوردی ائدور دیلده دعا الله الله راهبی چوخ گورمه عمه م زینبه * حاج ولی الله کلامی زنجانی

دار دونیاده اوشاق هر بیر ائوین زینتی دی آنانین عزتیدی  مونس  و همصحبتی دی صالح  اولاد بهشتین گلی ،  حق  رحمتی  دی اوشاقین هر ایشی خوشدی، یئتیره ر قلبه صفا ساخلار  هر لحظه سینی  دفتر  ذهنینده آنا تله سر هر آنا کورپه بالاسی  تئز دیل آچا گول تیکر قونداقینا ، گلشن عومری گول آچا آرزو ائیلر  اوشاق یول گئده،  آهسته    قاچا بالاسین شام و سحرگوزلری تک  گوزلر آنا جانینی هر نه بلا گلسه سپر  ائیلر  آنا گرم بسترده بالا راحت اولوب یاتسا اگر اوز خیالینده آناسی اوتوروب نقشه چکر پر آچار روحی زماندان ائیلییر فوری گذر آرزو ائیلر اولا  کاش   اجلدن  مهلت اولا اولادینه دونیا بویی خوش گون قسمت آنادا اولماز اوشاقین  غم و اندوهینه  تاب آنانین قلبینی ائیلر بالانین   دردی  کباب بیلمیرم کرب بلاده ، نئجه صبر ائتدی رباب هر نقدری بالاسین اوخشادی   یا    ییرقالادی یاتمادی تشنه بالا   دردی  غم اوسته قالادی آه او گوندن  سویولون باغلادیلار کوفه لیلیر اهلبیتین  اورگین   داغلادیلار    کوفه لیلر ایشه باخ ظلم  ائیلییب ،  آغلادیلار کوفه لیلر ایچدیله اوز لری حیوانلاری  اول دشتیده سو آل پیغمبره سو   یوللارینی   کسدی  عدو عومرونون گلشنینی گوردی خزان بیکس آنا هریانا ووردی اوزون قسمت الی چیخدی بوشا تشنه لیقدان آلیشیب یاندی آنا،  یاندی  بالا اورگین قانینی قاتمیشیدی هامی اشک لره اولمادی سو نقدر  عجز  ائیلدی   مشک لره اصغرین ایستی هوا قطع  ائیلیردی نفسین لحظه لحظه آنانین الدن آلیردی    هوسین آنا گیزلنده یانیردی اوجادانموردی سسین هردم آهسته دیوردی نه ائدیم  سولدی  بالام "شرم قویمور گئدیب عباسه دییم اولدی بالام" چاره سیز قالدی آچیب ، گه بله دی اصغرینی گاه آچیب، گاه قویوب  قونداقینا   اللرینی گه باسیب باغرینا حسرتله سولان  دلبرینی اصغرین غصه سی اهل حرمی ائتدی کباب بو سیاق دا  گجه نی صبح ائیلدی غملی رباب دئدی الله نه دی چاره م، بالام آز قالدی اوله شرم قویمور گتیرم دیلده اولان  دردی دیله تاپماسام  بو گئجه سو گر  سارالان غنچه گله عمرومون حاصلینی باد خزان   سولدوراجاق چکوری سون  نفسین صبحه  داخی قالمیا جاق بالا  قربانون اولوم ائیلمه بو قدری فغان شرمیدن اودلانیرام آغلاما ای روح و  روان یوخ سو اخیامیده اولموش هامی سندن نگران چاره تاپسام سینه می نارغمه داغلامارام بالا راحت یاتا بیلسن الیوی باغلامارام سارالیب رنگین اوغول بنذیری سولموش چمنه بئله فکر ائتمه کی ارزان وئره جک لر سو سنه گل داخی ایستمه سو سن  بالا  رحم ائله منه قورخورام  دردیمی بو لشکر کین چوخلییالار بچه آهو کیمی سو اوسته   سنی  اوخلییالار علی یاندیرما منی یوخ سوا هیچ یئرده گمان گر تاپیلسا بیر ایچیم سو اولاجاق قیمتی قان سویون اطرافین آلیب  دورت مین  عدو الده کمان بختیمن اولدوزی آز قالدی جفائیله باتا قورخورام گر سوا گتسون سنه دشمن اوخ آتا یات بیر آز سینه مین اوسته  بالا چالما ال ایاق ایش چتیندی هله صبر ائیله  بیر آزدا بو سیاق سوزوری خرداجا گوزلر ائلییور صبریمی  طاق آغلاما سینمه باخدوقجا  اوتاندیرما منی شرم دن  اودلانیرام سن داخی یاندیرما منی بئله  فیکرائیله میشم  آلتی آیی  اوز اوزمه اصغر یم دیل آچاجاق، سوز قاتاجاق  دی  سوزومه نه قادان اولسا  رضایم  گله الان  گوزومه گله ایکاش غمین بو دل و بو جانه علی تاپمادیم سو اوزومی ویرمیشام هر یانه علی بیر امیدیم وار اگر وئرسه امان  دست قضا قدرتی وار عمون عباس قشوندان سو آلا گئجه وقتی آپاروم دیلده کی دردی  من هارا باجیلارعمه لرین وئردی سنی الدن اله وای منه گوز قاباقیندا بالام آز قالدی  اوله دییه بیلمه م کی نه حالیله گئجه اولدی سحر یاندی هر کیمسه او دلسیز بالایا ائتدی نظر تشنه لیق ائتدی ربابین ثمر عمرین هدر او قدر آغلادی اول سودامرون باتدی سسی گوز آچیلمیردی فقط بیر جه قالیردی  نفسی آتش شرمییله   اودلاندی     علمدار    وفا هی باخیب تیغینه قولارینه  ائیلوبدی نوا صبح آچیلسا منه  گر اذن وئره  جنگه آقا منده اوز قدرتیمی  جنگییده اعلان ائدره م یا گتیرم سو و یا  جانیمی قربان  ائدره م گئجه نی صبحه کیمی یاندی غمه اهل  حرم دولانیب خیمه لرین دوره سینی الده علم سسین آلدوقجا علی اصغرین اول کان کرم غیرتی جوشه گلیب  صبر ائلییب دلده نوا شرمیدن سو سوز ی گلدوقجا یانیب  دوندی سووا #محمد_هوشمند #مدهوش @

نوحه_رجز_شجاعت حضرت قاسم اون اوچ یاشیندا بیر جوان،حماسه ایلوب به پا گوی اهلی یکسره دیدی،بو بچه شیره مرحبا سلام اولا بو دلبرون،او قلب بی ریاسینه سلام اولا آتاسینون،او روح باصفاسینه گلوبدی رزمگاهه چون،شهادتین هواسینه اون اوچ یاشیندا قاسمون،ولی باخ ادعاسینه بیوردی آند اولا عمو،یوزونده آغ محاسینه ایکی جهاندا عشقیوین،همیشه من اسیرییم بو بیشه نونده شیری وار،که منده بچه شیریم دایاندی عرصه ده دیدی،منم سلاله ی حسن آتام کریم اهلبیت،بویوک بابام،  ابالحسن ئولوبدی جنگیده یقین،دیزی هراسیدن اسن زیادین اوغلی آللادیب،سالوبدی بوینوزا، رسن گلوبدی جنگیزه بیلون،جهاندا نسلیزی کسن قلینجیمی چکم اگر،بهار و گلشنیز سولار کیمه غضبله من باخام،دوشوب یره هلاک اولار اگر چه سننیم آزیدی، اوجادی داغدان،همتیم ویراندا ضربه باشیزه ،واریمدی یاخشی دقتیم سیزی وله قویوب بوگون،وقاریلن ابهتیم واریمدی قولدا قدرتیم،سیزی یخار صلابتیم عموم ابوالفضه چکوب،شهامت و شجاعتیم سلام اولا او حضرتین،مقام و عز و جاهینه باخیشدا بنزیور گوزوم،ابوالفضین نگاهینه کلاس عشقیده منیم،گیچوب گجیله گوندوزوم آتام دییور بهشته گل،یوخومدی غصه یه دوزوم بو کوفه نون جماعتین،سالوبدی وحشته سوزوم که غیضیدن دولوبدی قان،منیم عموم ئوپن گوزوم یزید و ابن سعدیزی،حسابه قویمارام ئوزوم برابریزده شیر تک،دایاندیم افتخاریلن قاناد آچوبدی عمه لر،عموم باخیر وقاریلن آتام کیمی بو دهریده،منیم باشیم بلالیدی خدا بیلور بو تشنه لیق،که تشنه ی وصالیدی بو قانلی دشتیده سیزه،باش اندیرم،محالیدی عموما قربانام ئوزوم،ئورگی گر نوالیدی حجرالاسودیم منیم،یوزونده قاره خالیدی بو غاضریه دی و یا،بلا و غم دیاریدی؟ یقین شفادی تپراقی،عمومدا شهریاریدی