🖤من و شش گوشه تان ✨صبح قراری داریم 🖤دلبری کردن از او، ✨ناز کشیدن از من 🖤اَلسلامُ علی الحُسین ✨وعلی علی بن الحُسین 🖤وَعلی اُولاد الـحسین ✨وعَلی اصحاب الحسین

#ابوالفضل علیه السلام سبک : شبانگاهان ابوالفضلیم ای امیر حرم ، گوزلرون ئوپرم مهربان قارداش دوشوب تندن قولارون آرالی ، آچ گوزون یارالی قهرمان قارداش هوادار مکتب قرآن   حسینون جانی سنه قربان ای سوسوز سقا – ای سوسوز سقا سینوب باشون دردیوی بیلرم گوزلرون سیلرم جان علمداریم بوجان اوسته توکمه گوزیاشوی پوزما قارداشوی ای مددکاریم ره حقدن امتحان ویردون   رضای جاناندا جان ویردون ای سوسوز سقا – ای سوسوز سقا بو ایثارون ای مدافع دین بلسه ام بنین افتخار ایلر آخان قانون ای وفا گهری خصم فتنه گری شرمسار ایلر دیار عشقه صفا ویردون  جهانه درس وفا ویردون ای سوسوز سقا – ای سوسوز سقا اباصالح مرحبا یولووا قطع اولان قولووا  آفرین قارداش آدون دلده هر زمان قالاجاق جاودان قالاجاق یار دین قارداش عزیز زهرا و حیدر سن  معین دین پیغمبر سن ای سوسوز سقا – ای سوسوز سقا

(اموزش مداحی همراه با سبک ها): ‍ روضه حضرت ابوالفضل(ع) اویان یاتما ای سپهداریم دور آدامسیزدی قارداشون قارداش گوزون آچ باخ قانلی میداندا گور نه یالقوزدی قارداشون قارداش علم یاتدی دور علمداریم بئلیم سندی یاتما سرداریم جان ابوالفضلیم(۲) بابام حیدر اوپدوگی گوزدن دشت ماتمده سانجلوب پیکان عمود آهن باشیوه دیدی تله سس گلدی من دیدیم جان جان قولونان سو تک آخان قانه قارداش آواره قارداشون قربان منه بوردا ال چالان چوخدی اویان یاتما بیر کسیم یووخدی علم یاتدی دور علمداریم بئلیم سندی یاتما سرداریم جان ابوالفضلیم(۲) مداحی حاج حسن نعمتی 👇

‍ #سینه_زنی_باسبک دوغرانوب سرلشکریم دعوا قوتاردی زینبیم سن  بئله فکر  ایله عاشورا قوتاردی زینبیم من  خلیل الله  دورانم  بلا   آماجیم گل تسلا وئر منه آغوشوون محتاجیم چیخدیم اعمال منادن  ایندی  رسما حاجیم ذبح اولوب قربانلاریم اضحی قوتاردی زینبیم ئوپمیشم بیریاره دن کی شرحی چوخ طولانیدی باخ دوداقلاریمده کی قانه بوقان گوز قانیدی معجریلن سیل اوشاقلارگورسه ایش بحرانیدی ناز و  فر عترت طاها قوتاردی زینبیم دیزلریم تیترور الیمدن دوت آپار ئوز خیمووه بیرسوزوم وارسویلسم آتش وورارسوز خیمووه اول نگهبان کی تیکردی هر گجه  گوز خیمووه ئولدی اللرده بیزه دنیا  قوتاردی زینبیم ذوالجناح اوستن انوب میدانی ووردیم  بیربیره پیکرین  آغوشه آلدیم  بلکه  راحت جان وئره قطره قطره ذوب اولوب آخدی خجالتدن یره دیزلریم اوسته منیم دریا قوتاردی زینبیم باشینون اوسته نگاهیم دوشدی بیردن مشکینه وورمیشیدی آخرین  پیکانی دشمن مشکینه مشکی  آغلوردی  ربابین حالینه  من مشکینه آخدی سو،سرمایه سقا قوتاردی زینبیم هانسی باغین سروی ئولسه بیل دالیجاق یاس ئولوب جسم بی روحم وجودیمده بوتون احساس ئولوب بیلمورم   من ئولمیشم الان و یا عباس ئولوب!!! بیلموریم باشلاندی محشر یا قوتاردی زینبیم دوت سوسوزلاری دیله بوش جامی تز اللردن آل چون باخیشلاری سالور اود جانیمه ای خوش خصال پرچمیم یاتدی بلیم سیندی باشاچاتدی مجال ختم اولوندی قائله غوغا قوتاردی زینبیم عرصه خلوت اولدی گوردوم بیرآنامدی بیرمنم غم بساطین قورماقا بیلدوق زمانی مغتنم اوخشادی قارداشیمون  هجرینده  قارداشسیزننم مجلسی من باشلادیم زهرا قوتاردی زینبیم

بو گئجه عترت پيغمبره آخر گئجه دي تشنه لبلر تلسیر كوثره آخر گئجه دي بو گئجه کرب و بلا دشتی تاپیب آیری صفا وصل معشوقیله دلخوشدی هامی اهل وفا آز قالیر قانیله سیراب اولونا کوی منا تله سیر چاتماقا دل دلبره آخر گئجه دي دولدوروب کرب و بلا دشتنی طوفان وغبار لشگر کفر چکیب خیمگه حقه حصار جذب ائدیب یئتمیش ایکی عاشقی خلوتگه یار بو گجه راهرو و رهبره اخرگجه دی اصغری ایستی هوا بس که سالیبدی خطره خیمه لرده سو تاپیلمور داخی اول صود امره جنگ فرمانی یئتیب تیغلره نیزه لره گلموری هیچ بو گئجه باوره اخر گجه دی گون باتان چاغي اوجالدی قشونون همهمه سی خوف و وحشت یارادیب تشنه لره منظره سی وعده حقه چاتیب ختم پیمبر نوه سی گوئیا فرصت ایکی لشگره آخر گئجه دی شاه علمداريني گوندردي گوره وار نه خبر دئدیلر امر اولونوب اولمیا تا فرصت هدر جنگه آماده اولون ائيلمه سوز بيعت اگر ايستیریق ايش اولا تا يكسره آخر گئجه دي یئتیریب مطلبی سردار حرم رهبرینه شاه امر ائیلدی مهلت آلا سر لشگرینه تا کی آماده اولا گئتماقا حق محضرینه سجده شکر ائده لر داوره آخر گئجه دي امر شاهيله علمدار گئديب مهلت آليب ذكر و قرانه بو آخر گئجه ني فرصت آليب آنالار سينه سيني درد و غم و محنت آليب ائله بیر آز قالیري محشره آخر گئجه دي گئجه نين ظلمتي گيزلتمدي رنج و كدري اورگي ياندي بيليب كيمسه بو غملي خبري دولدورب صبحه كيمي ناله سسي خيمه لري بیلدی لیلا کی علی اکبره آخر گئجه دي دايانیدي بو گئجه كاش كي اولميدي سحر دولدوروب کرب و بلا دشتینی اندوه و خطر بالاسيندان چكه جك ال نئجه آيا ننه لر شانه حسرت قالاجاق تئللره آخر گئجه دي خیمه ده خلوت ائدیب اوز بالاسینان هر آنا درد دل ائیلیری تا غصه هجران آزالا تاپشیریر قویما اوغول تک قالا شاه شهدا گرچه بو فرصت اوغول مادره اخر گجه دی خيمه لردن اوجالير عرشه طرف رازو نياز تشنه لبلر قيلیري خالیقه عشقيله نماز عجب عالمدي بو آخر گئجه ده سوز و گداز حیف اولا بیر بئله یاورلره آخر گئجه دی شاه دین خیمه سینی دوره لییب قوم جفا ولي لبيك دئيوب امرينه اصحاب وفا دئيیر عباس يئمه غم سنه قوربانم آقا اذن وئرسون منه بو لشگره آخر گئجه دي بو گئجه منتظر عاشقلره فرصتدي هله درد دل ائتماقا بیر دم ده غنيمتدي هله يوخدي غم چونكه ابوالفضل سلامتدي هله حیف اولسون او اوزون اللره آخر گئجه دي سحر اما اولاجاق جنگ و جدل بيعت اوچون كسه جك شمر حسینین باشينی خلعت اوچون سالاجاق خيميه يول اهل جفا غارت اوچون بو گئجه گلموري هيچ باوره آخر گئجه دي دئه دي هر كيمسه كي لبيك آليب وصله جواز كيم اولوب عاشق حسينه ائلییور حوريه ناز مجلس اُنسه دگیل مردم بیگانه مجاز دم غنیمتدی دل مضطره اخر کجه دی تشنه لبلر هاموسی آغلیري اصغر غمينه قاليب حسرت بالار بير قوري مشگین نمينه گوز تیکیب لر هامی عباسین اوجا پرچمینه حیف اولسون او وفا گستره آخر گئجه دي بو گئجه اولدي يقين عرصه سحر تنگ اولاجاق حقیله باطل آراسيندا بیر آغیر جنگ اولاجاق قالسا جان قیدینه هر کیمسه اونا ننگ اولاجاق انتخاب ائتماقا خیر و شره آخر گئجه دي

قسمتی از متن این مداحی : آتدان دوشنده یارالی سقا گلدی بقیعدن حضرت زهرا باشین دیل خسته آلدی دیز اوسته ددی جان بالا ای دیل شکسته لای لای ابوالفضل لای لای ابوالفضل ای جان جانان سقای عطشان قانلی گوزوه حسینم قوربان اوغلوم توکولور اشکیم خالی دی مشکین آغوشیمه گل اولما پریشان لای لای ابوالفضل ای سرو بستان یار بی دستان دوشن گولوا آغلار نخلستان سینه داغلاما آقا آغلاما سورما سارالماز قانلی گلستان لای لای ابوالفضل لای لای ابوالفضل بالا اشراره باخما کفاره باخما

آخرین دیداری چوخ گوزلر بو قولسوز باش حسین گل جمالون گورمسم جان ویرمرم قارداش حسین رشده یتدیم آستانونده چوخ اولدی زحمتیم سایه‌ی لطفونده مشهور اولدی نام و شهرتیم قابل بذل توجّه اولسا بو گون خدمتیم تاج عزّت قویدوقون بیر باشه گل چک باش حسین پرورش ویردون منه تعلیم اخلاق ایلدون نقص خدمت گوردون، امّا عفو و ارفاق ایلدون کربلا حقّینده مندن اخذ میثاق ایلدون شکر للَّه باشیم اولدی باشیوه شاباش حسین حقّ تعلیمون بیوکدور من ثنادن عاجزم شاکرم دلدن، ولی ذکر ادادن عاجزم باش سینوب قولّار دوشوبدور دست و پادن عاجزم سن اوزون لطفیله گل بالینیمه قارداش حسین مدّت عمرونده بی مهر اولمادون بیر آن منه هر نفسده ایلدون مین نوعیله احسان منه‌ای کلام الله ناطق گل اوخی قرآن منه خجلت دیرینیمه نطقون اولا پاداش حسین حسن طالعدن قازاندیم، چون شهادت قرعه سین شوقیله جنگ ایلدیم آلدیم فراتین شرعه سین لبلرون یادیله، امّا ایچمدیم بیر جرعه سین سیریده همرنگ اولور، چون یاریله یولداش حسین وارد اولجاق نهره طرد ایتدیم گروه ناکسی دولماسون مشکه کنار ایتدیم سودان خار و خسی بیر اوزون طومار غم آچدی سویون دلکش سسی وای اگر بیر گون او احساساتیم اولسا فاش حسین مشکی حفظ ایتماق امیدی ویردی قوّت هوشیمه دولدوروب محکم ایدوب آهسته سالدیم دوشیمه گه اُپردیم گه چکردیم جان کیمی آغوشیمه قهر اولا اوخ نقشینی ترسیم ایدن نقّاش حسین هر ایکی قولّاریمی بو مشکه ایتمیشدیم سپر اوه گوزیمدن قولّاریمدان ایلدیم صرف نظر مشکی دلدی، سو توکولدی، سعییم اولدی بی ثمر سو یرینه مشکیمه قان دولدی باشا باش حسین گرچه یارم چوخدی، سانما من او چوخدان آغلارام اوخ دلن مشکیمده سو یوخدور او یوخدان آغلارام جان یاخان قان قان دین پرّآن بیر اوخدان آغلارام سانجلِیدی قلبیمه بو اوخ منیم ایکاش حسین سن اوزون یاخشی بولورسن‌ای شه گردون حشم اولماسا قول پرچم آچماز اهتزاز ایتمز علم سرنگون اولدی علم، چون قولّاریم اولدی قلم بیرقیم گوزگوز اولوب گوزدن توکر قانیاش حسین قولّاریم دوشدی بدندن شهپر عنقا کیمی هر بیری بیر چشمه سار اولدی جوشان دریا کیمی بسکه قان آخدی بو چولده مشهر مینا کیمی گون قباقینده یانان داشلاردا اولدی یاش حسین گل گلنده دقّتیله باخ سران لشکره باشیم اطرافینده واردور گور نه خوش بیر منظره یوز قویوب اون یتدی خنجر بیر یارالی حنجره منکه باشدان گیچمیشم لازم دگل پرخاش حسین گل یول آختارسان یول اوستونده دوشن قول گوسترور مشعل آهیم عزیز مهمانینه یول گوسترور عاقبت حسّ اخوّت یول امین اول گوسترور همره اهل کرمدور دست گوهرپاش حسین ناتوانم صون نفسده ظلّ رافت ایسترم ذرّه بی قدرم، امّا قرب عزّت ایسترم لطف صحبت گرمی بزم محبّت ایسترم فیض آلور خورشید عالم تابیدن خشخاش حسین منکه قوملار اوسته یالقوز دوشموشم چوخ بیکسم بیمناک اولمام ولو امّیدیمی جاندان کسم تک سنون انجام کاروندن اخا دل واپسم قورخورام محشر قوپا، نابود اولا داغ داش حسین من شباهنگم اگر ظاهرده گل تک سولموشام باطناً حبّ حسینیله لبالب دولموشام افتخاریم وار سعادت یار اولوبدور اولموشام پاسگاه عشقیده سرباز حاضرباش حسین

زبانحال امام بر بالین سقا آتدان  دوشنده ، توپراقه  قارداش ، قلبیم  سیخیلدی عباسیم  سن سیز ،  قدّیم  بوکولدی ، ائویم  یخیلدی ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل دور    بیر   ایاقه   قویما    بو   چولده   تنها    حسینی باخ  گور   سالاللار سن سیز   نه   حاله  اعدا حسینی آت    چاپدیراللار    باشسیز    قویاللار   حتّی حسینی ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل گلزار   عشقیم   صولدی   بو چولده   طوفان  ایچینده مشکینده کی   سو   قانه   قاریشدی   القان   ایچینده چشمه چشمه  قان  آخدی  باشیندان میدان  ایچینده ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل آل   پیغمبر   چوللرده     قالمیش      عدوان      الینده صولمیش گلزار   عشقین    ریحانی    طوفان    الینده قرآنیانی     آتدان         سالوللار        قرآن       الینده ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل امداده    گلدیم    آچ    گوزلریوی   منْ    بیکسه کس آل قارداشیوین  قارداش صداسین وئر سسیمه سس سن سیز  حسینه   هجران   هنگیله  سسلنور   جرس ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل گتدون  دئمه دون  بوردا حسینون  اعداسی  چوخدی سس  وئرن   اونا   قانلی  مناده    نیزه دی     اوخدی هئچ بیردئمه دون من سیزحسینون  بیرکسی یوخدی ای   سینه سی    آماج        غم     قارداش    ابالفضل عشق    اوسته    قوللاری   قلم    قارداش     ابالفضل