شجاعت خانم زینب (س) در مجلس یزید شجاعت خانم زینب (س) در مجلس یزید باجوین باغلیدی قوللاری حسین شیر کیمی قلبمی یاره لیوب زخم زبان تیر کیمی بو رقیم دولاشوب بوینوما زنجیر کیمی گینه با این همه سیندیرمارام اصلا اوزومی قورخمارام قورخما حسینجان دیرم حق سوزومی دوزدی حق ایستدیگی شخصه ایدر ملکی عطا سن هارا حق و حقیقت هارا یابن الطلقا انما نملی لهم قولینه باخ ایله حیا ویریلر فاسقه مهلت یتوره فسقی باشا صورا بیردن چالینار تاج زرافشانی داشا آدوی پیرو پیغمبر رحمت قویوسان آل پیغمبری گه ئولدوروسن گه سویوسان اولما آل اللهی بی پرده گورنده دویوسان بو عدالتدی منیم معجریم اللرده قالا أوز قیزون پرده ده زهرا قیزی بی پرده قالا خبر آلدون آدیمی دینمدیم ای شوم دنی خیزران صحبتی دیندیردی من غمزده نی شیر یزدان قیزیام دینمه قزیشدیرما منی زینبم برج حیاده مه فرخ حسبم فاطمه نایبه سی دختر میر عربم قورخ او گوندن بیزه جبریل امین یاور اولا قورلا محکمه الله آردا داور اولا سنیلن حرمله منلن ده علی اصغر اولا فاطمه مدرک الینده قاباقوندا دایانا یرون اوستن گویون آتدان قاچاجاقسان هایانا بیزی الله أوزی هر خلقدن اعلا یارادوب علم و حکمتده امین صبریده دریا یارادوب معصیتدن بیزی چوخ پاک و مبرا یارادوب دیمورم رحم ایله آچ رشته زنجیریمزی غیرتون وار اوخی بیر آیه تطهیریمزی گیت بیزی مکه ده مردان خدادن خبر آل مشعر و بیت و حرم سعی و صفادن خبر آل زمزم و حجر و حجر خیف و منادن خبر آل جدیمی یاخشی تانور کعبه و احرام و حریم مستجار و عرفه ترویه و رکن و حطیم دیدیم اصل و نسبیم بیر به بیر ای شوم دغا ایندی سن کیمسن أوزون فاش ایله یابن الطلقا دی گوروم کیمدی بابون باشوی سالما اشاقا قان ایچنلر ایله قان توکمگه چوخ عادی اولار ایله خونخوار آنانون سن کیمی اولادی اولار نطق زینب یارادوب خلقیده بیر فکر قیام قالمادی روم سفیرینده داخی صبر و دوام کرسی اوستن ایاقا دوردی او مهمان کرام دیدی فاش ایله یزید ایندی نه صحبت واریدی بو خانم کیمدی او باشیله نه نسبت واریدی دیدی بو فاطمه نون اوغلی حسینون باشیدی سبط احمددی بو غمکش باجینون قارداشیدی عیشمه باعث اونون باشی بونون گوز یاشیدی بو پیمبر بیر بالاسی فاطمه ریحانه سیدور او اوشاقلاردا بونون عشقلی پروانه سیدور آرتروب روم سفیری او زمان رقتنه دیدی لعنت بیله بیر شهره اونون ملتنه عار اولا هرزه مسلمانلاروزون غیرتنه گیدرم مملکتیمده سیزی رسوا ایدرم دیرم بو خانمون نطقنی غوغا ایدرم ملتون فکرینه اولده گرک سن قالاسان باش آچوق اولسا بیری باشینه معجر سالاسان نه کی زهرا قیزینون معجرین الدن آلاسان دین اسلام حجابیله مخالفدی اگر چاغور أوز قیزلاریون باشین آچ ای کینه سیر ** مرحوم رحیم منزوی برچسب‌ها: رحیم منزوی اردبیلی

شجاعت حضرت زینب کبری (س)در مجلس‌ یزید ملعون خیزران دگدی حسینون‌ قوریان لبلرینه اعتنا ایلمدی نغمه‌ ی یا رَبلرینه لعنت اولسون اُموی زاده‌لرین دبلرینه زینبون‌ کاسهٔ‌ صبری‌ جالانوب، ‌اسدی اودم دئدی ظالم او دوداقلاره ویروب بوسه ننم دوردی فورا" ایاقا نائبهٔ فخرِ ‌زنان شیرِتک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان ای یزید آچ گوزوی منده بو تاب و تبه باخ خیزرانیله قانا غرق ایلیوبسن لبه باخ غصّه‌دن گوز یاشی القانه دؤنن موکبه باخ اوجالان نغمهٔ تکبیر و دَمِ یا ربَه باخ آسمان عَلَویده بو گوزل کوکبه باخ نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیر مایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب ** رحیم فیضی اردبیلی https://eitaa.com/kobradsg

زبانحال امام حسین(ع)دربالین حضرت ابوالفضل(ع) ای فرات اوستونده  قولسوز قانینه      غلطان   ابوالفضل تشنه لب  قیزلاریم اولسون جانیوه     قربان     ابوالفضل ** سن      دوشنده     مرکبوندن عرش   اعلا   اسدی قارداش ناله سین         گهواره سینده شیر خواریم  کسدی قارداش دور   گیدک   امکانون   اولسا قارداشون  بیکسدی قارداش بوردا        پشتیبان      عشقه یوخدی   پشتیبان   ابوالفضل مایة                    آرامشیدون سن    حسینه       غم   یینده قلبیمه     تسکین    وئرردون جامة         ماتم          گینده داش   وورانلار   ال   چالوللار من    سنه    لایلای     دینده سسلرم     امکانیم       اولسا جان ابوالفضل  جان ابوالفضل قوی     ئوپوم      بازولروندن یادگار               حیدریمسن باشووی    الله      اوجاتسون سن     وفالی      افسریمسن یاتما  قولسوز   قوملار  اوسته سن   منیم    سرلشگریمسن آچ   گوزون   بیکس  حسینی قویما   سر گردان    ابوالفضل دوزدی   قوللارون  دوشوبدی قولون       اما       بی خِلَلدی روبرو سینده             یازاللار آدووین     مرد          عملدی کربلاده       مین       مصیبت باشیمه   بیر   گونده    گلدی دردیمه    چوخ   گزدیم    اما تاپمادیم    درمان    ابوالفضل اوخ  اوخ  اوسه سینون اوسته قانلی     نخلستانه         بنذر آیه   آیه          سوره    سوره پیکرون       قرآنه         بنذر ساغ گوزوندن سانجیلان اوخ بی ادب      مهمانه        بنذر چشم      صاحبخانه     اولماز منزل      مهمان      ابوالفضل قالمارام     دنیاده      سنسیز آی   منیم    غیرتلی    شیریم یاتمارام     قبریمده     راحت ئولدی     سرهنگ      دلیریم آچ   گورون  قلبیم   داریخدی یاتما   آی   قولسوز    وزیزیم یاره لی      سینون       مثالی باغریم   اولدی قان  ابوالفضل مکتب        اسلامه        بنزر قتلگاه         پر         طنینون گوزلرون        عین   الیقینون قوللارون       حبل    المتینون عشقووه    قربان   اولوم  من سیندی    غیرتدن     جبینون دغمیوب   دوغماز     نظیرون مادر        دوران      ابوالفضل **   حسین غفاری اردبیلی

  *🌺هیچ راهے براے پیدا ڪردن آرامـش،* *بهتراز سجـده بُردن برای اللــــه(ﷻ)☝🏻نیست.* *هرزمانیکه  قلــــب ات بــــی* *دلیـــل ناراحت بــود* *بــدان کــه قلـــب ات ذکــر اللهﷻ رامیخــــواهد.   #آرامِ‌جان

‍♥️یكباره دلم گفت ✨كه بنویس كلامی ♥️دروصف بلند مرتبه ✨و شــاه مــقــامــی ♥️دستی به ‌روی سینه نهادم ✨و نـــوشــتـــم....✍ ♥️از من به ‌حسین بن علی(ع) ✨عـــرض ســـلامـــی ♥️اَلسلامُ علی الحُسین ✨وعلی علی بن الحُسین ♥️وَعلی اُولاد الـحسین ✨وعَلی اصحاب الحسین

#حضرٺ_ارباب_سلام✋ باز هـم روز مـن و عرضِ ادب محضرِ یار با سـَلامـے برڪٺ یافتہ روز و شب ما #من_الغریب_الے_الحبیب❤️ #السلام_علیک_یاسیدالشهدا✋ #صبحتون_حسینی ⛅️

💚🌼🍃سلام آقای مهربوبم 💚🌼🍃دیر گاهیست که ما تشنه ی دیدار تو ایم 💚🌼🍃قد رعنا بنما جمله خریدار تو ایم 💚🌼🍃گر چه با دست و زبان موجب آزار تو ایم 💚🌼🍃گل نرگس نظرے ما همگے خار تو ایم 💚🌼🍃اللﮩـم     💚🌼🍃عجـل         💚🌼🍃لولیـڪ             💚🌼🍃الفـرجــــ 💚🌼🍃الّلهُمَّ صَلِّ      💚🌼🍃 عَلَی مُحَمَّدٍ            💚🌼🍃وَآلِ مُحَمَّدٍ                 💚🌼🍃وَعَجِّلْ فَرَجَهُمْ