#امام_حسین_ع_مناجات_محرمی #زیارت_اربعین ببین که با اهالی زمین چه می‌کند حسین زمین نه، با تمام عالمین چه می‌کند حسین غمش کنار می‌زند هرآنچه هست فاصله دوباره با محرّمش ببین چه می‌کند حسین چنان علی که بذل کرده در رکوع خود نگین ببین که در سجود با نگین چه می‌کند حسین دلم کباب شد میان روضه، با محبتش درون سینه‌های آتشین چه می‌کند حسین دویده‌ شعله‌ی غمش بدون مرز در جهان کدام لشکر است اینچنین؟ چه می‌کند حسین؟ محرّمش چنین پر از شکوه و اقتدار شد نگاه کن برای اربعین چه می‌کند حسین شاعر: #علی_سلیمیان🏴

گوشه چشمی از احسن الخالقین 😍👌

🔰حضرت ولیعصر علیه‌السلام: وقتی خدا به ما اهلبیت اذن سخن گفتن بدهد، حق آشکار خواهد شد و باطل نابود خواهد گشت. 📚الإحتجاج، ج‏۴، ص: ۲۸۹ اللّهُمّ عَجّلْ لِوَلیّکَ الفَرج

شجاعت حضرت زینب (س) درمجلس یزید (لعن) زینبدی آدیم حافظ خون شهدایم طاها گولویم شیر زن کرب و بلایم زهرادی آنام کان وفا کنز حیایم شاگرد کلاس شه نیکو سیرم من اهل حرمه درس وفا اورگه درم من * هر ایشده کمک آلام حق لم یزلیدن درس ادب و معرفت اورگشدیم علیدن زهرا قیزیام ، سن ده زنا زاده یزیدن باش اگمدی ظلم و ستمه آل رسالت احسن بیله قارداشیمه کی ایتمدی بیعت * فکر ایلمه قارداشیم ئولوب یوخدی پناهیم عرشه اوجالوب دهریده بو عزت وجاهیم بو قصر و دژ محکمون آخر یخار آهیم هر لحظه خدانین آدی واردی دهنیمده قارداشیم حسینون قانی واردی بدنیمده * ویران اولا گر کاخ ستمرر دینجه لرم من شاماتی گزوب مجلس شومه ن گلرم من یابن الطُلقا باشیوه ده کول اَلَرم من نطقیمله سنی دهریده من تنگه گتوررم بو سلطنتین تختینی باشیوه چووررم * من زینب بی یارم هواداریم ئولوبدی غملر بوکولوب قلبیمه غمخواریم ئولوبدی نهر اوسته اوزون قوللی علمداریم ئولوبدی یابن الطلقا ساغر صبریم جالانوبدی دروازه ی ساعاتیده عمروم تالانوبدی ** بهلول حبیبی زنجانی برچسب‌ها: بهلول حبیبی زنجانی https://eitaa.com/kobradsg

حسین جانم(ع)❤️ برحاجت من جنّت اعلابنویس راهم بده وقسمتم آنجابنویس برکاغذسرنوشت من بادستت یک تذکره باخطّ معلّـیٰ بنویس! اللهم ارزقنا کربلا🙏❤️

مجلس ابن زیاد مجلس ابن زیاد بنت نطاق علی حامی قرآن زینب خواهر جان به کف شاه شهیدان زینب زینبون آدی ملکلر دیلینون ازبریدی مریم و هاجر و حوا باشینون افسریدی آسمان شرف و معرفتون اختریدی چاره سیز دردلره آدی مداوا زینب قالسا مشگلده بشر فوری دییر یا زینب زینبون منزلتین درک ایلمز عقل بشر نخل اسلام تاپوب نهضت زینبله ثمر خاک پایین ملک و حور ایلییر کحل بصر زینبون منزلتین حی توانا تانیور قول قابیرقاسی سینان حضرت زهرا تانیور زینبی ذات احد حیدره زیور یارادوب کربلاده سویولان لشگره رهبر یارادوب خیردا قیزلاری بو سرلشگره لشگر یارادوب نطقینی تیغ دو پهنا کیمی برّا یارادوب غیرتین غیرت سقا کیمی دریا یارادوب مرحبا فاطمه نون خصم ییخان دخترینه تاب ایدوب هرنقدر قمچی دگوب پیکرینه قویمادی چپ باخا دشمن باشینون معجرینه بلی بو زینب کبری شرف اسطوره سیدور مریم اولسا شرفین آیه سی، بو سوره سیدور گرچه هجران حسین قامتین ایلوبدی کمان محمل اوستونده اونا همدم اولوب آه و فغان قولی باغلی دولانوب شهرلری ناله کنان مرحبا همتینه سسلدی سلطان حجاز ناقه لر اوسته خانیم ایلدی احیای نماز کوفه ده بنت علی همت شایان ایله دی اسکتو صوتیله عالملری حیران ایله دی نطقیلن عرصه ده حیدر کیمی طوفان ایله دی دئدی من فاطمه نون حق دانیشان دخترییم حیدر صف شکنون الده یالین خنجرییم حاکم دونه خبر چاتدی گلوب آل رسول بوریوب قلبلرین درد و غم احوالی ملول دئدی فوراً گتیرون صادر اولوب اذن دخول وار امیدی اولاری دیده سی گریان گوره جک نادم و غم زده و حالی پریشان گوره جک دئدی اطرافینه مجلسده اولوون سیز هشیار گله جک ایندی بورا آل علی تعزیه دار عفو ائدم جرم لرین چوخ ائده جکلر اصرار ولی من شوکت و عزتلرینی سیندیررام اوتلانان خیمه کیمین قلبلرین یاندیررام ناگهان داخل اولوب مجلسه دلبند امام نه حساب ائتدی امیری نه اونا وئردی سلام پشت ائدوب تخت عبیده ایلیوب یرده مقام اوتوروب گوشه مجلسده خانیم شیر کیمین بالالار دوره سینی آلدیلا زنجیر کیمین بو عمل گلدی عبید الله ملعونه گران ایسته دی زاده زهرایه ویرا زخم زبان شکرلله دئدی خوار ائتدی سیزی چرخ زمان گور حسینی نئجه حق قانینه غلطان ائلدی عترتین کوه و بیابانیده ویلان ائلدی نئجه گور چوللره سالدی سیزی حق رهبرسیز نئجه اکبر آناسین قویدی فلک اکبرسیز نئجه گهواره اصغر دولانور اصغرسیز گون قباقینده حسین پیکری الاندا یانور قولی باغلی حرم و عترتی حیران دولانور نئجه مامور ایلدیم من سپه خناسی سالدیلار قولسوز آت اوستن اوجا بوی عباسی قطه قطعه اولونوب قامت چون طوباسی نئجه عباس غمی اگدی حسین قامتینی نئجه بیر آهن عمود الدن آلوب طاقتینی زینبه ابن زیادون سوزی گتدی هیجان رگلرینده علوی قانی ائدیبدور فوران دوردی ناگه ایاقا فخر جنان ، شیر زنان دئدی فکر ائتمه حسین ئولدی چاتوبسان ظفره نطق برّندمیلن تختووی ساللام خطره من حیا مکتبینون دهریده سر مکتبییم بدر عصمتدی ننم فاطمه ، من کوکبییم حق دیوب حق دانیشان شیرحقون زینبییم گلمیشم دین حقی کوفه ده احیا ائلییم حقی ناحق ائلیین رهبری رسوا ائلییم قلبیده عشق ولا ئولمسه احساس ئولمز قطعه قطعه اولا گر قیمت الماس ئولمز مین یارا ویرسوز اگر جسمینه عباس ئولمز او شرافت آییدی حشره کیمی باتمیاجاخ علقم اوسته ویریلان قانلی علم یاتمیاجاخ ای جماعت بیلیسوز والی کوفه لقبین بو امیرون تانیور بیر نفر اصل و نسبین دانار اللهینی کیم دانسا یقین امّ و ابین دائماً مست می و عازم میخانه دی بو تانیمازسوز آتاسین زادۀ مرجانه دی بو ای جماعت نقدر ظلمیده طغیان ایله دوز زادۀ فاطمه نی قانینه غلطان ایله دوز اوخ ویروب اصغرین آغ دوشلوگونی قان ایله دوز هانسی دورانیده غم عرش الهه چاتیلوب هانسی پیکاریده دیلسیز اوشاقا اوخ آتیلوب نئجه گور قوم دنی سالدی بلایه باشیمی بیر گون عرضینده منیم قان ائلدی گوز یاشیمی ییخدی تپراقه یوز اوسته اوجا بوی قارداشیمی مکریلن باغلادیلار قارداشیمون یوللارینی سالدیلار ظلمیله سقای حرم قوللارینی قلبیمی فوج عدو محنتیلن داغلادیلار حالیمه جن و بشر ، حورو ملک آغلادیلار فاطمه قیزلارینون قوللارینی باغلادیلار کوفیان مهر و وفا بندینی کاش قیرمیالار ویرالار داش ولی دای دل یاراسی ویرمیالار گوره سن کوفه ده بیر دین حقه یاور اولار کیم دییردی که بهار علوی بیله سولار فوج غمدن بالالار گوزلری اشکیله دولار کیم دییردی که وفا زورقی طوفانه دوشر حیدرون بند دلی سینۀ میدانه دوشر پوزولوب کرب و بلاده شرفون انجمنی سالدیلار آتلار ایاقینه حقیقت دیینی نیزه و خنجر اولوب مظلوم حسینون کفنی جسمی تپراقلارون اوسته باشی اللرده قالوب آلنینون داش یاراسی طاقتیمی الدن آلوب ابن مرجانه گوروب کافی اولوب بزم عزا اسرادن چوخ ایدور ئوز سپهی آه و نوا دانیشور زینب هامی اشک توکور بی پروا

هیئتین سالدی خانیم کاخ عبید الله هامی گوزیاشی توکوب قانه بویانمیش شاهه ** نوید آسال اردبیلی برچسب‌ها: نویدآسال اردبیلی

رضا: بسم الله الرحمن الرحیم روضه حضرت رقیه سلام الله متوسل اولاک خانم رقیه نازدانه ابی عبدالله... زهرای سه ساله بیزده گئداخ خانمین قاپیسینا آی دردین گوتوروب بو قاپلارا گلننر بیلمیم ایندیننکیمین یتیم اوشاق گوروبسن یا نه بابانین بدنینین کنارینده ایلشیب ناله اله اوز اوشاق دیلینن سوزلرین دیدی بابایه هر کس بو یتیم بالانین ناله سین ائشیدسیدی ناخداگاه اوزوده آغلاردی اما هر طرفده سیز یتیم اوشاق گورسوز حتما نوازش الرسوز ال چکرسوز باشینا ولی جانیم قربان خانم رقیه نه گوزل نوازش الدیلر نه قشنگ همدردی الدیلر هر یاندا گوردولر خانمی تازیانه نن ایجیدیدیلر خانیما سیلی ویردیلار 😭 الان کی اوره لروز آماده دی گداخ خرابه شامه 🔸خرابه گئجه وقتی چوخ توکوبدی گوز یاشینی 🔸قویوبدی عمه سینین قوجاقینه باشینی 🔸بیر آز یوخی آپاروب گوردی دل صفایه گلوب 🔸خرابه ده بو گیجه حسین آتاسی گلوب 🔸اوپوپ یوزون دئدی قلبیم داغلوسان رقیه بالا 🔸نیه یانا یانا آغلوسان رقیه بالا 🔸ددی عمه یوخودا بابانی گوریدیم 😭 من الان بابامی ایستورم ...رقیه آغلادی ارض و سمایه اوت سالدی یزید شومین الیندن استراحتین الدی ...خرایه چوخ یوخونیدی چون یزید منزلینه ظالم بو سسی ائشیدی ... ددی گئجه زمانی بو نه سس دی گلور ...گیدون خرابیه گورون نه سسدی گلور ....(گیدیلر یزید ملعونه خبر گتیدلر )( ددیلر حسینون قیزیدی دی من بابامی ایستیم)...😭😭😭😭 ملعون دستور وئردی ددی آپارون حسین باشین بلکه گوره ساکت اولا قویوبلا طشته حسین باشین اورتوک اوستونده ....خرابیه گتوروبلر اودم ال اوستونده نجه خانم زینب اورتوگی رد الدی گوزی دوشدی قارداشین یارالی باشینه قانلی گوزلرینه😭😭😭 ایکی الی خانم باشینه ووردی ددی زینبون سنه قربان آی یارالی قارداش . اوننان چاغیردی رقیه بالا گل قوناقون وار آی بالا ....آی آتاسیز بالام آی قارداش یولی گوزتلین بالا...خانم رقیه گلدی بابانین یارالی باشین گوتوردی آلدی سینه سینین اوستونه اول اوپدی او قانلی لبلریندن ...سورا او خردا اللرینن گوزلرینین قانین سیلدی ...ددی... 🔸 بو دل شبده منی یاد ائلدون سن یارالی 🔸بو نه عالمدی بابا سن یارالی من یارالی 🔸گلموسن بو گئجه وقتی قیزوی یاد ائدسن 🔸غملیدی غصه لیدی غصه دن آزاد ائده سن 🔸غصه ویران ائلین گوگلیمی آزاد ائده سن 🔸ائوون آباد اولا گل یاخشی گلیبسن یارالی سورا او خردا اللرینن گوزلرینین قانین سیلدی ...اوننان بدن یاپراق کیمین اسدی ...جسمینین طاقتی گئتدی آخی تصور ائله اوچ یاشیندا اوشاق اولا بابانین کسیک باشی اولا ...نه گلدی بیلمورم الله رقیه نین جانینا ...او باش دوشوبدی یره رقیه ده یانینا 🔹بیردن اوجادان سسلدی الله بالام ئولدی 🔹گلثومه دئدی گل باجی والله بالام ئولدی 🔹دنیاده وفا گورمدی الله بالام ئولدی ▪️دئدی بالا دائم قره معجر سالان عمون سنه قربان ▪️آرامیمی غملر آلان عمون سنه قربان ▪️قارداشسیز اوغولسوز قالان عمون سنه قربان ( بالا دینجلدون قمچیلرین الیندن 😭) 🔸ای قارداشیمون نازلی جگر گوشه سی لایلای 🔸اللرده قالان خرداجا گوشواره سی لایلای 🔸غربتده وئرن جان وطن آواره سی لایلای ( خانم زینب اوزون توتدی ربابه ساری .خطاب ائلدی رباب گل سنده بالوی اوخشا خانم رباب گلدی قباقه باخدی خانم زینبه ددی 🔸 خانم چوخ سوز دئمرم چون اورگون ایستین ئولدی 🔸باشون ساغ اولا اصغره لایلای چالان ئولدی التماس دعا 🌴🌴🌴🌴🌴🌴🌴🌴

حضرت علی اصغر(ع) المین اوستنده بالام قانه باتدی گَل آل مندن زینب سوسوز طرلانی بویانوبدور قانه گویرچینلر مثلی ربابون ششماهه گوزل جیرانی آناسینـدان آلدیــم آپاردیــم میدانـه دیدیـم آی انسانـلار بـالام عطشاندی گُلـه بنذر اوغلوم سارالوبـدی رنگـی سوسوزدی اوچ گوندی عطشدن یاندی سوزومی آغزیمدا سه پر پیکان قویدی بوغازینـدن دگـدی آیــوردی بـاشین ایلـه بیلدیـم زینب ابوالفضلین بیـرده منیـم ئـوز یانیمـده گـوزی اوخلاندی قوجاقیمـدا باشیـن اَوَل دوتـدوم آرام صـورا محکـم اوخدان یاپیشدیم زینب بوغازینـدان چکدیـم سه شعبه پیکانی یاراسینـدان ئوپـدوم آلیشدیــم زینب گوزین آچدی‌گولدی دیدی‌غمگین اولما سنـه قربـان بابـا یــارالی اوغلــون ایلـه بیـل کوسمیشدی ربابیـن جیرانی دوداقینـدان ئوپدیـم باریشدیـم زینب بـو غمـی داشلاردا یازاردیم صحراده اَلیمــده میدانــدا قلــم اولسیــدی الیمـون اوستونـدن آلاردی زینب جان بـو اوخلــی قربانــی ننـم اولسیدی گــزورم آواره ئولوبـدی قارداشیــم گولـور دشمن نیلـوم علاجیم یوخدی بـو چتین ساعتـده منـی تـک قویمـازدی اگـر الان صـاحب عَلَـم اولسیــدی ایله کی‌گوز یومدی‌دیدیم لای‌لای اوغلوم باجـون گوزلور الان یوبانسون آغلار یـارووی آهستـه آچـار باشـدان معجـر دیـر لای‌لای اصغــر رقیّـم باغـلار ئورگیمــدن امـا دگوبــدی بیــر یـاره تاپولمـاز درمـانی یـارام باغلانمـاز بـو یارالـی قلبیـن باجیــم محمللـرده دیر یاندیم قارداش عزاسین ساخلار

سبک : من عبّاسم منه دریالر آغلار من علی اصغرم باب الحوائج هر چتین درده وار منده معالج چاره سیز قالانلار- دردیلن یانانلار سسلسون اورکدن- باب الحوائج چرخ عزّ و شرف شهبازیم من فاطمه اوغلینون هم رازیم من هم گل گلشن گلزار عشقم کربلا شاهینون سربازیم من من همان اصغرم- همدل اکبرم کوی عزّ و شرف- جانبازیم من چاره سیز قالانلار- دردیلن یانانلار سسلسون اورکدن- باب الحوائج من علی اصغرم باب نجاتم شیرخوارم ولی حیدر مثالم چاره سیزلر منه دردین دیه لّر من امام اوغلیم عینُ الحیاتم من در حاجتم- چشمه ی رحمتم کربلانون گل- طنّازیم من چاره سیز قالانلار- دردیلن یانانلار سسلسون اورکدن- باب الحوائج من همان اصغرم چاتدیم مرامه لشکر کفریلن چخدیم قیامه قولّاری باغلی گلدیم کارزاره دگدی اوخ حلقیمه گولدوم امامه شه دیدی جان بالا- من دیدیم جان بابا بولدی عالم حسین- همرازیم من چاره سیز قالانلار- دردیلن یانانلار سسلسون اورکدن- باب الحوائج من همان اصغرم یوردوم ربابی باغری قان ایلدیم اول دل کبابی ایچمیشم اوز قانیمی دریا یانندا تشنه دل ایلدیم شرمنده آبی من علی اصغرم- بیرده سو ایچمرم شاهیمون تشنه لب- سربازیم من چاره سیز قالانلار- دردیلن یانانلا سسلسون اورکدن- باب الحوائج «عدلجویم» نه شان و شوکتیم وار نه ریاست نه پول نه دولتیم وار نیلورم منصب و جاه و جلالی بسدی بو اهل بیته نصبتیم وار «عدلجو» نوحه یاز- عالمه ایله ناز سنده سویله حسین- سربازیم من احد عدلجوی تبریزی

نطق آتشین حضرت زینب (س) در مجلس ابن زیاد – احوالات کوفه نطق آتشین حضرت زینب (س) در مجلس ابن زیاد – احوالات کوفه یتمیش اولدوز سر نیده دولانور گون باشینا هدف اولدی او گونون باشی عجوزه داشینا آنینا ضربه دگوبدی گوز آچوبدی قاشینا تازه قان عطری معطر ائلیییوب صحرانی یارالی باش سر نیده اوخویور قرآنی چاتدیلار کوفیه قول باغلی قوناقلار خسته کاروان غمه زینبدی او گون سر دسته عمه سی زینبه تک تک بالالار وابسته یورولوب ناقه ده قیزلار هاموسی دیل داغلی وارد مجلس اولوبدی اسرا قول باغلی مجلسون جوّین احاطه ائلیییوب کبر و غرور سویونور زاده ی مرجانه دورور، گه ،اوتورور محفل شومیده برپا اولونوب جشن و سرور صدر مجلسده وزیران و امیران اوتوروب دور و برده سفرائیله ، کنیزان اوتوروب جمع حاضرده او گون اهل شماتت چوخودی هیچ بیرینده اولارین رحم و مروت یوخودی سوزلری تک تکینون ، ایله بیل اوچ پر اوخودی ئورگی هیچ بیرینون یانموری حتی اوشاقا ئورگشوب کوفه نون اهلی ویرا طعنه قوناقا مجلس عامیده نا گه اوجالیبدور فریاد آچدی نحص آغزینی تا که دانیشا ابن زیاد ویردی طعنه اسرا جمعینه اول بد بنیاد دیدی الله بو جهاندا بیزی چون یار اولدی ئولدی عباس و حسین خارجی لر خار اولدی ائشیدیر ابن زیادین سوزونی ناخوش آقا تبی واردی دولانور گاهی صولا گاهی ساقا ناگهان شیر خدانین قیزی دوردی ایاقا دیدی یوم آغزیوی شرم ائت پسر مرجانه افترا باغلیوسان عترتیلن قرآنه؟؟ یوز دوتوب ابن زیاده نوه ی پیغمبر دیدی من دختر زهرایم و جان حیدر گیچدیم عباسیدن اما سیزه ویرمم معجر بو حسینون آدینی سینه ده قاب ایلمیشم گوز آچاندان ئوزومی وقف حجاب ایلمیشم ای زیاد اوغلی ندن توسن ظلمی چاپیسان؟ بیزه توهین ائلییوب آدیوه عزت تاپیسان؟ فکر ایله گور کیمه فخریله منیت ساتیسان زینبم یاخشی تانی آینه‌ی روی علی وار زبانیمده منیم قدرت بازوی علی در خیبر هله ده خاطری وار لولاسی ئولمویوب بو سورونون نایبه ی زهراسی جیردی تل اوسته ابوالفضل سیزون قرطاسی منده نطقیمله او شخصیتیزی سیندیررام قولسوز عباس علمین بام دمشقه ویررام ئوزون آللاتماگیلان ایله مشخص هدفین اسرانین بو یالان سوزلریلن پوزما صفین قسم اللهه سنون ذره یوخوندی شرفین گر اولییدی شرفیز خیمه لری سویماز دیز آل پیغمبره سیز خارجی آد قویماز دیز زینبم زین ابم صاحب اصل و نسبم منده وار فن بیان بت شکنم حق طلبم طول تاریخیده من فخر زنان عربم خواهر فضل و ابوالفضل و حسین و حسنم قوللاریم باغلیدا اولسا گئنه من شیر زنم منه بهتان دیمیسن قلبیمی گتدون درده (ما رأیت الا جمیلا ) دیمیشم بی پرده مشت محکم ویرارام نطقیمیلن نامرده منطقیم بیر گونی عالمده جهانی اولاجاق روضه مه حضرت مهدی ئوزی بانی اولاجاق ** کربلایی بهلول حبیبی زنجانی برچسب‌ها: بهلول حبیبی زنجانی https://eitaa.com/kobradsg

مجلس یزید  زبانحال خانم رقیه (س) به خانم زینب (س) مجلس یزید زبانحال خانم رقیه (س) به خانم زینب (س) بابامون دوداقلارینا یزید نیه خیزران وورور عمه جان ندور علتی بو کسیک باشی بیله بی امان وورور عمه جان نه ایدوب یزیده بو قانلو باش که بو قدر واردی عداوتی بو سوسوز دوداقلارینا آغاج دورورمی دیمور باخور عترتی دگی کافی یوخسا که بیر باشا بو قدر ووروبلا جراحتی بو کلام حق اوخوری ندن بیله شامیان وورور عمه جان بابام هردن عمه آچور گوزون ایدوری یزیده ازل نظر گوزونی دولاندوروری دونور باخور اهل مجلسه سربسر ساتاشاندا گوزلری بیزلره گوزونی یولور توکور اشکِ تر بو یارالی قلبیمه اود منیم بو غم گران وورور عمه جان بیزی گوئیا که شکسته دل بابامیز بو یرده گورنموری اوتوروب اورکلره لخته قان بیله پرده پرده گورنموری نظر ایلدوقجا بیزه گلور دلِ پاکی درده گورنموری توکوری گوزوندن اورک قانین مژه هر زمان وورور عمه جان ایدور ادّعا بو یزید دُون که منم خلیفة مسلمین قاباقیندا آل پیمبری نیه ساخلیوب بیله دلحزین ایاق اوسته عصرین امامی دور بیله ضعف حالیله دلغمین غل و بند ناخوشا هانسی بیر شقی زمان وورور عمه جان بابامون یارالی باشون قویور گهی طشت ایچینده قباقینه گه ایچور شراب گه آرتوقین توکوری بو طشتین ایاقینه گهی خیزران ، گهی فزو وروری یارالی دوداقینه دیشینه ده صدمه بو ضربه لر بولورم بو آن وورور عمه جان کیمه یالواروم کیمه دردیمی دیوم عمه جان ایلسون علاج بو یزید شومه دیسون اوتان ای امیر طایفة لجاج بو قدر یاراسی بس اولمیوب ووروسان دوداقلارینا آغاج اوز ایوینده سویله قوناقچی اوز قوناقون هاچان وورور عمه جان دیمورم ترحم ایدوب منه بیله عمه سلسله ویرماسون دیمورم که زجره دیسون داخی منه قمچی بیر بیله وورماسون بو یزیده باری دی عمه جان بو کسیک باشی بیله وورماسون دوزرم داخی دیمرم منی کی بو ساربان وورور عمه جان بابامون یارالی باشین نیدوم آقاج آتدا عمه گورنمورم توکنوبدی طاقت و حوصله م داخی من بو درده دوزنمورم بو قدر جفائیله چکمور اَل نَدی بس خیالی بولنمورم نه قدر دوداقلارینون قانی اولوری روان دورور عمه جان گهی بو بلالی باشا قلج ، گهی نیزه ، اوخ یاراسی دگوب گهی اهل کوفه باسوب داشا با باشون گلوب هاراسی دگوب گه عجوزه داشینه توش اولوب گوزل آنینون آراسی دگوب اودی سیل تک گوزومون یاشی بیله موج عیان وورور عمه جان ** لا ادری برچسب‌ها: لاادری

🌹 سلام آقا جان صبح‌امید من، ای شمس جهانتاب حسین وسلام لک منّی ولاصحاب حسین همه‌ ی دار و ندارم شده بین‌الحرمین به ابی انت و اُمی، لک ارباب حسین 🌹السلام علیک یااباعبدالله الحسین (ع) #اللهم_ارزقنا_ڪربل

#اربعین_حسینی ای صبا  گیتسن بقیعه ویر خبر امّ البنینه زینب عبّاسه دوتوبدور اربعین، گَل اربعینه زینبی بو توزلی قبره سانما سن تنها گلوبدی باش آچوب بو اربعینه حضرت طاها گلوبدی هم آتام ساقیّ کوثر،‌ هم آنام زهرا گلوبدی آغلاسونلار بیر شکسته فرقه بیر اوخلی حبیبه دور شبیه قبری اوستن ای اوغولسوز زار و خسته وادی کرب و بلاده گَل حقیقی قبری اوسته وا ابوالفضلا دی آغلا، ای اوغولسوز دلشکسته وور شرار آهویله آتش افلاک برینه ناحیه مینلرجه گلسه بیر جوان مرده عزایه ناله ده یتمزله هرگز داغ دیده بیر آنایه اکبره لیلا، سریّه قاسمه گلمیش نوایه سنده سردار اوغلوون گَل قبری اوستونده اَنینه گورمیوب گورمز بو عالم خلقتندن تا قیامت قامت عبّاسه بنزر بیر جوانِ سرو قامت اول اوجا قامتدن ایمدی وار کیچیک بیر قبر علامت مایه ی نسگلدی بو غم تا جهان وار عالمِینه کربلا دشتنده سالدی قان ایچینده اهل کوفه چرخ آل هاشی دن بیر ایشیقلی آی خُسوفه چرخده اقمار طالع گر اولا بالغ اُلوفه غیر ممکندور بو آی تک نور ویرسونلر زمینه اربعینینده اولوبدور هر جوانین بیله مرسوم قبری اوسته گُل دوزه للر اقرباسی زار و مهمونی گور نجه گُللر دوزوبدور قبر عبّاس اوسته کلثوم اوخشوری امّا بو گَللر بیر سارالموش یاسمینه هر بیری بیر عندلیب خسته دل بیر تازه گُلدی نولدی بس گُللر سارالدی کیم خدادن غیر بُلدی شامده سولدی بو گَللر اوندا که بیر بلبل اُلدی آج، سوسوز، پربسته، خسته، ویردی جان جان آفرینه بو سارالموش گُللرین وار بیر مفصّل ماجراسی زینبون گور چوخدی حُزنِ کوفه سی یا کربلاسی؟ امّ کلثومین باتوبدور آغلاماقلیقدان صداسی سن اوغول سسله بو قارداش، ویر صدا بو دل حزینه کوفه ده ای کاش اولِیدون تا گورِیدون محشریمدور گون کیمی نوک جداده قانلو بیر باش رهبریمدور گورمدیم عبّاس باشین تا دِیَم سرلشکریمدور آیری سالمشدی وزیر جنگی شهدن قوم کینه اوندا که اَلسیز بدنله پرچمین قویموردی یاتسون قارداشیم بو فکریدِیدی پرچم دینی اوجاتسون منده گوردوم نیّر دین آز قالور بِالمرّه باتسون مقصدین تعقیب قیلدیم باشلادیم تبلیغ دینه آتشین نطقه مخاطب ایلدیم شِیخیله شابی کوفه شهرینده هویدا اولدی محشر انقلابی من دانیشدیقجا گورنلر یاده سالدی بوترابی ایلدیم مرهون منّت دینی نطق آتشینه ای «حسینی» دوت گُل عشقین، اَل گوتور خاریله خَسدن نفسه مرکوب اولما جهد ایت، سال او غدّاری فرسدن متّقیدن خیر عمل مقبول اولار، نه بُو الهَوسدن ایسته سن ا... رضاسین پیرو اول دین مبینه

السلام علیک یا ابا عبدالله کوچ ایتدی او گونکه اسرا کرب وبلادن میدان بلا خالی اولوب اهل جفادن اوچ گون شهدا نعشی قالوبدور قوری یرده سالمشدی حسینون یاراسی عالمی درده گوداله طرف یوز قویوب اول پرتو آفاق بیر جفت کسوک ال ایلدی طاقتنی طاق گوردی کسیلوبدور گنه بیر خرداجا بارماق ملحق ایلدی نعشه سووردی باشا تپراق بیردن دیدی بابا بله دردو محن اولماز هئچ جنگیده والله بیله صدپاره تن اولماز یاندیم یارالی سن کیمی الده ئولن اولماز بیر مرقد شش گوشه درست ایتدی او مولی قبر ایچره ولی ئوز آتاسین قویمادی تنها دفن ایتدی ایاق سمته علی اکبری گویا قویدی صودامر اصغری شه سینه سی اوسته گل برگی یاتوب معرفت آئینه سی اوسته چون فارغ اولوب گزدی اومیدان بلانی فکر ایلدی اولسون شهدا قبرینه بانی بیر قبره قویوب اکثرنعش شهدانی یوز دوتدی بنی اسده سید بیمار آلدی خبرآیا گنه بوچولده قالان وار عرض ایتدیله شاها هله چوخ دردومحن وار شاماته گیدن باشلاریجا پاره بدن وار دریای فرات اوسته ده بیرالده ئولن وار بیرسرویدی خوللاری بدندن کسیلو بدور دعواده اوزون قوللاری تندن کسیلوبدور مرحوم استاد منزوی

‍ 🌹🥀🥀🌸🌸🥀🥀🌹 اربعین امام حسین علیه السلام ✍مرحوم سید یوسف نجمی تبریزی شامیدن بو غملی سرزمینه گلدیم قبرون اوسته قارداش اربعینه گلدیم ای مزاری ششگوشه سس ویر بو سیه پوشه زینبم حسینیم (2) یوخ باشون دییِیدیم قبردن گوتور باش قالموشام نه حاله گور یارالی قارداش قامت خمیده سرّیمی ایدر فاش سرو قامتی بوکولن غملر اوستونه توکولن زینبم حسینیم (2) وورموشام علم من حدّ سدّ صبره ائتمیشم تحمّل هر جفا و جبره کوینگیون گتوردیم شال ائدم بو قبره یوسف مدینم اویان ای سُرور سینم اویان زینبم حسینیم (2) گلشنونده گلدیم باغبان اولام من گلمدیم بو نوعی باغری قان اولام من اولما راضی سندن ناگران اولام من دئ گورم یاران نجه دی دردیله آران نجه دی زینبم حسینیم (2) فاطمه نشانی گور نجه پوزولماز حشر اولونجا قارداش بیر بیله غم اولماز هر یاران ساغالسا بیر یاران ساغالماز اکبر اوسته اشگی آخان قانینی عذاره یاخان زینبم حسینیم (2) سن بو چولده عطشان قانیوه باتوبسان دینه نصرت ایلوب مقصده چاتوبسان اصغریله باهم قبریده یاتوبسان گلمیشم دییَم ای وای تشنه اصغره لای لای زینبم حسینیم (2) باغلانان بو چولده رشتۀ جفایه پرده پرده آهی اوج ایدن سمایه ایلین تحمّل جور اشقیایه قول باغلی گئدن شامه سرخیل اولان ایتامه زینبم حسینیم (2) کوفه ده سرشگین قان ائدن زمانه قدّینی مصیبت دوندرن کمانه قلبینی خدنگ طعن ایدن نشانه فاطمه یگانه سیَم تیر غم نشانه سیَم زینبم حسینیم (2) کیم دییَر خدنگ غصّه قلبی دلمز توزلی بو مزاری گورسه شوره گلمز بو بلا کشیده چوخ عجبدی ئولمز ای سوسوز ئولن قارداش لاله پیرهن قارداش زینبم حسینیم (2) گلدی جمله قارداش عترت رسالت بیر رقیّه ائتدی عمّه سین خجالت گلمدی بو قبرون ایلیه زیارت صبر گلسِتانی سولان عمریجه خجالت اولان زینبم حسینیم (2) شامده عذاره اشگی باغلادیم من آتش غمیله سینه داغلادیم من اُول یتیمی قبره قویدوم آغلادیم من گوز یاشیله غسل ویرن معجرین کفن ایلیین زینبم حسینیم (2) «نجمی» آه او دمدن فاطمه عزیزی غصّه لر فکاری غملر اشگریزی گوردی آلتی گوشه قبر مشگبیزی سسلدی اویان قارداش غسلی قان اولان قاردش زینبم حسینیم (2) سبک : اصغر فرشچی (عدلی تبریزی) 👇👇

رقیه(س) گوزياشيملان يازديم ازبس نامه دعوت بابا وئردون آخر منزل ويرانيمه زينت بابا اي ذبيح اعظم اعجازگاه كربلا وي مسيح سَر به دارِ سرزمين نينوا زحمته دوشدون منه خاطر ائون آباد اولا خوش گلوبسن بوينوماقويدون بيوك منّت بابا شمس رخسارون سَپورخورشيدمثلي نورحق تخت شاهانون اولوب اي شاه عالم بير طبق. دفتر مژگانوه وير اكبره خاطر ورق آچ او قانلي گوزلري دنياني ايت جنت بابا گيتدي الدن سن گيدن گوندن منيم آسايشيم قوش كيمين چيرپيندي قلبيم اولمادي آرامشيم غم يِمه يوخدور اگر پَرقو لحاف و بالشيم تپراق اوسته ياتماقا داي ايتميشم عادت بابا. بهزاد قاسمی اردبيلي https://eitaa.com/kobradsg