زبانحال حضرت زینب(س) خطاب به حضرت رقیه (س) در مجلس یزید .. .. سبک_ای_منی_آواره_قویان .. .. مرحوم تقایی اردبیلی .. .. .. .. آغلاما ای روح روان رقیّه م رقیّه م ایتمه منهم باغریمی قان رقیّه م رقیّه م .. .. .. .. عمّووه گلسون گوزوون قاداسی قاداسی چوخدی هله قانلو باشون بلاسی بلاسی اولسا نه اندازه بونون یاراسی پاراسی دینه ویرر یاره سی جان رقیّه م رقیّه م .. .. .. .. گرچه باخور حسرتیله اوشاقلار اوشاقلار شرعی قزیم دشمن دین ایاقلار ایاقلار قانه باتور یاره لنن دوداقلار دوداقلار واردی بو قانه قان آلان رقیّه م رقیّه م .. .. .. .. سیل کیمی قان اولسا روان عزیزیم عزیزیم طشته اگر دولسادا قان عزیزیم عزیزیم لحظه ده اولما نگران عزیزیم عزیزیم چونکه بو قانلاردی جوشان رقیّه م رقیّه م .. .. .. .. ویرسا نه اندازه آغاج اول دنی اول دنی سولسا نقدر آل علی گلشنی گلشنی ظلمی ایله تز یخاجاق دشمنی دشمنی قصری اولار فوری تالان رقیّه م رقیّه م .. .. .. .. باخ بابوون لبلرینه طشتده طشتده صورت خوش منظرینه طشتده طشتده ذکر دیور داورینه طشتده طشتده اولما بیله اشک فشان رقیّه م رقیّه م .. .. .. .. دگسه نه اندازه اونا خیزران خیزران حقّى دییر اولما قزیم ناگران ناگران حقّه بو نحویله ویرر امتحان امتحان اولسادا مین ظلمه نشان رقیّه م رقیّه م .. .. .. .. آغلاما آغلاتما قزیم زینبی زینبی قوی سنه من کشف ایلیوم مطلبی مطلبی قویماز حسین باغلانا دین مکتبی مکتبی ایتمه بو قدری هیجان رقیّه م رقیّه

رقیّه نین آدینون  آیری بیر ملاحتی وار اوقاره گوزلرینون حشریده شفاعتی وار او تازیانه دَگن اَللّرون کرامتی وار توسل ایلیوب هر کیم، تاپوبدی راه نجات اؤ یاره لی بدنه مرهم ایلیون صلوات . اللهم صَلِّ عَلیٰ مُحَمَّدٍ وَ آلِ مُحَمَّد وَ عَجِّل فَرَجَهُم .

هر جا سخن از رقیه جان می آید صوت صلوات عرشیان می آید در مجلس این سه ساله من معتقدم عطر خوش صاحب الزمان می آید

‍ #اربعین #زوار_کربلا #روضه_اسارت_اهلبیت_علیهم_السلام روضه اربعین حسینی زینبم من یوخ توانیم ، باغ امیدیم سولوب اربعینوندور حسین جان ، ابر احساسیم دولوب قبریوه بیر دسته یورقون یاسمن زوّار اولوب سالمیشام منده بو قبرین اوسته قانلی جامه وی گوز یاشیملان تا یازام قارداش زیارتنامه وی اَلسَّلام ای ذبح اعظم ای شهید بی کفن اَلسَّلام ای لبلری آب فراته ناز ائدن اَلسَّلام ای قتلگاهه هم سوسوز هم آج گیدن اَلسَّلام ای عمرینه پایان جاویدان وئرن اَلسَّلام ای گونلرین آلتیندا عریان جان وئرن اَلسَّلام ای مغرب گودالیده آی تک باتان اَلسَّلام ای نازدانه قیزلارین گوزدن آتان اَلسَّلام ای قانلی باشی کوللر اوستونده یاتان اَلسَّلام ای دفترعرفانی نوریلن یازان اَلسَّلام ای ئوز الیلن اصغرین قبرین قازان دور منه سس وئر سلامیم قویما قالسون بی جواب قالمیوب اهل و عیالونده حسین جان صبر و تاب آند اولا زهرایه قارداش آز قالور ئولسون رباب معجرین باشدان آچوب ، گوزدن توکور اشک ترین قبریوون اوسته دوشوبدور ، سندن ایستور اصغرین یول یوروبدور کاروانی یورقونوق یوخ تابیمیز آسمان غمده مدّتدور باتوب مهتابیمیز گلمیشوک دیداریوه آی بی کفن اربابیمیز معرفت بازارینون بیز نابغه تجُّاریوک دور ئوزون خوشگلدون ائله اربعین زُوّاریوک میهمانوق بیز سنه مهمان نواز اول ائتمه ناز آلمیشوق عشق عالمینده گوز یاشیلان دستماز دور اذان وئر تا قیلاق با هم ایکی رکعت نماز گوگلوم ایستور عشقیمی دنیایه اثبات ایلیم باشوین قانی آخان یرده مناجات ایلیم من بورا گلدیم بو گون تا سنله دیدار ایلیم عشق دیوانین آچام ، بیر یولدا گفتار ایلیم ئوز قیامیمدن سنی قارداش خبردار ایلیم شکر اولا پروردگاره رو سفید اولدوم حسین عامل سرکوبیِ آل یزید اولدوم حسین پرچم قرآنی قالخیزدیم گویه سقّا کیمین ذلّته باش اگمدیم حوّا کیمین ، سارا کیمین ئوز امامیمدن دفاع ائتدیم ننم زهرا کیمین سسلدیم حقدور حسین ، عشقین باشیمدان آتمارام من اونون تک بیر توکون هفت آسمانه ساتمارام دوزدی ظاهرده گئدوب الدن جلال و منصبی علقم اوستونده یاتوب عباس تک هم مکتبی سیزلری خوار ائتمگه امّا هله وار زینبی مکر و تهدیدیله سینماز زینبین شخصیتی وار منیم چادر شبیمده ذوالفقارین قدرتی الغرض قارداش او گون من عشقی تفسیر ایلدیم نطق آتشباریمی برّنده شمشیر ایلدیم من یزیدی کاخ خضراسینده تحقیر ایلدیم ثابت ائتدیم عالمه ئوز عهدیم اوسته صادقم تک باجی یوخ ، اللی دورت ایلدور حسینه عاشقم ایندی امّا خسته یم ، صبرین لباسین سویموشام عمریمی سودای عشقونده ضمانت قویموشام آند اولا ئوز جانیوه دای زندگیدن دویموشام یوخ توانیم ، قاره بختیم تک باشیمدا قاره وار گویلرین اولدوزلاریندان چوخ قولومدا یاره وار آی یاریمدور در بدر دور یثربون آهولری شانیه حسرت قالوبدور شانه سیز گیسولری کعب نیزه یلن سینوب بعضی لرین پهلولری چوخ سوزی من آچمورام ، چون محنت عظماسی وار زینبون بو کارواندا گور نچه زهراسی وار انقلابیم ووردی قارداش سینۀ اشراره اوخ سن منه سس وئرمَسوندَه ، وئرمه ، نینَک عیبی یوخ تکجه بیر خواهش واریم سندن ، ثوابی چوخدی چوخ گر چه زحمتدور ولی سعی ائله اجرا ائت حسین بیر گجه امکانون اولسا شهر شامه گئت حسین اوردا چون ایستکلی بیر قیز واردی چوخ ایستر سنی او منه خردا باجیدی ، قویدی امّا تک منی قبرینی قازدیم اوزوم ، ویرانه اولدی مدفنی گورمَدی خوش گون جهاندا ، گِتدی جاه و منصبی الله عالمدی اونون دردی قوجاتدی زینبی هی دئیردی هاردا بس قالدی منیم مظلوم بابام دای داریخدیم عمه جان ، یوردی منی بو شهر شام اینجیدیم یول گوزلمکدن ، کاش اولا عمروم تمام آغلورام از بس کی من ، قانه دونوب گوز یاشلاریم نه بابامدان بیر خبر وار ، نه گلور قارداشلاریم

نوحه جدید چاپ نشده حضرت رقیه سلام الله علیها ۱۴۰۳ گوزوم یاشیلا ای بابا عریضه یازمیشام  سنه خرابه ده  یورولموشام  دوزمروم  بو  محنه اگر چه   دختر   شهم  یریم  نیه  خرابه دی گلنده  شامیان  بیرا  شمادت  ایلیور   منه دیمورم ایندی ای بابا اسارت دوزنمورم ایاقلاریم   یارالیدی  اذیت     دوزنمورم اجام ولی وقاریمی بی یرده سیندیرانمورام اجیقلیقا دوزوم  واریم   شماتت  دوزنمورم یارالی باشیوی نجه گلوب قوجاقه المیشام عزالیام سنه بابا باشیما قاره سالمیشام دوداقلارون یارالیدی قولاقلاریم یارالیدی سنون کیمی یامان گونه بو یرده منده قالمیشام گلوب باشون  خرابیه رقیه سینه داغلاماز طنابیلن بو  اشقیا گلوب قولومی باغلاماز ایاقیمی یره چالوب اویان بویانا قاچمارم سن اولسون حالیمه منیم بوزینب عمم اغلاماز کناره گیتمه ای بابا منی گوزون اتما سن گیدوب بو خون دلیمی بو گوز یاشیما قاتما سن منه ترحم ایت اوزون بیر اوچ یاشیندا بیر قیزام منیله قال ولی گیدوب  او طشتین ایچره یاتما سن یارالی باشیوه فدا غم اولدوزون رقییم خرابه یرده بی پناه آدامسیزون رقییم انیوی یاد ایدن زمان منه باخاردی  گوزلرون زماندن اورگی قان باخ او قیزون رقییم

🌹یا رقیة الحسین🌹 ابوالفضل ای ریس زمره ی اهل وفا عبد صالح منصبین الله سنه ائتمیش عطا نهری آلدون ایچمدون سو نفسووه عالم فدا سو کنارینده سوسوز سقا سلام اولسون سنه

ای بشر،عالمه سلطان اولاسان گیتمه لی سن/صاحب  مُلک سلیمان اولاسان گیتمه لی سن/بیر تَفَکُّر ایله گور خلقتیوین سِرّی ندی/خاک تیره،مه تابان اولاسان گیتمه لی سن/عُمر نوح اولسا نصیبون بو فنا دنیاده/شُهره ی  عالم امکان اولاسان  گیتمه لی سن/مسخره ایلمه گولمه بیرینین صورتینه/حُسنوده یوسف کنعان اولاسان گیتمه لی سن/قالمادی حضرت موسایه ده فانی دنیا/طور سیناده نگهبان اولاسان گیتمه لی سن/مصطفی تک بشره  دنیا وفا ایلمدی/ختم پیغمبره دربان اولاسان گیتمه لی سن/هانی گور  فاتح خیبر کیمی شیر غزوات/موهبتده  شه مردان اولاسان گیتمه لی سن/گور  یزیدی اولوسان یا که طرفدار حسین/دشمن و حامی قرآن اولاسان گیتمه لی سن/چوخدا فخر ایلمه ئوز  دولتیوه  قدرتیوه/ دهریده رستم دستان اولاسان گیتمه لی سن/قویما مغرور ایلیه چوخدا  سنی  پُست و مقام/آمر  و تابع فرمان اولاسان گیتمه لی سن/متواضع بشر اُول، اولماگیلان اهل غرور/نه  قَدَر فخریلی انسان اولاسان گیتمه لی سن/اللها  ایله عبادت نه قَدَر  وار  نفسون/طالب و مُنکِر ایمان اولاسان گیتمه لی سن/گیدیسن مَکّیه گل حرمتینی  حفظ ایله/میشه قربان حاجی قربان اولاسان گیتمه لی سن/منظوریم بیر بیله سوزدن  بودی ای بنده اینان/باغ عشرتده غزلخوان اولاسان گیتمه لی سن/چوخلارین چرخ فلک گولدیروب آغلار قویدی/غنچه تک عمریده خندان اولاسان  گیتمه لی سن/ایندی که حقدی ئولیم محشره سرمایه قازان/صاحب مال فراوان اولاسان گیتمه لی سن/کاخ و ویلاده اوتور قبر ایوینی یادیوه سال/ عاقبت  خاکیله یکسان اولاسان گیتمه لی سن/اجلین وقتی یتیشسه قاچاجاقسان   هایانا/عازم دشت و بیابان اولاسان گیتمه لی سن/هارا گیتسون سنی بیرگون تاپاجاخ عزرائیل/یرین آلتیندا دا پنهان اولاسان گیتمه لی سن/شعری(فرهادی) اوتور آخرتین فکرینه قال/(حافظ) و (سعدی)دوران اولاسان گیتمه لی سن.

سبک:  خدا مادرم را کجا می‌برند 🏴🏴🏴🏴🏴🏴 😭😭😭😭😭😭 بیا  عمه زینب  کفن کن  مرا کفن با همین پیرهن کن مرا در این کنج ویران دهم جان به جانان غریبم غریب غریبم غریبم غریبم غریبم غریبم غریب(۲) 🏴🏴🏴 😭😭😭 سفرنامه ی من شده خواندنی شدم کنج ویرانه من ماندنی من و کنج ویران تو و این اسیران غریبم غریب غریبم غریبم غریبم غریبم، غریبم غریب(۲) 🏴🏴🏴 😭😭😭 الا همسفرها حلالم کنید همه گریه امشب به حالم کنید    مه نور عینم    یتیم حسینم غریبم غریب غریبم غریبم غریبم غریبم غریبم غریب(۲)

#یا_اباعبدالله_الحسین♥️ دوریت خواست به ما خوب بفهماند که جز غم فاصله از یار مگر غم داریم نم باران بزند در کف بین‌الحرمین عاشقانه‌تر از این لحظه مگر هم داریم #شه_محترم_بطلب_حرم #دلتنگ دیداریم 😔💔

من ایرانم و تو عراقی، چه فراقی 🖤🏴🖤 #السلام_علیڪ_یااباعبدالله♥️ رو میڪنم بہ سمٺ حرم، میڪنم سلام اے مهرباݧ عزیزدلم، میڪنم سلام سلطاݧ قلبهاے پُر از عشق یاحُسیݧ مݧ با همیݧ بضاعٺ ڪم، میڪنم سلام ❣اَلسلام علی الحسین ❣وعلی علی بن الحسین ❣وعلی اولاد الـحسین ❣وعلی اصحاب الحسین

حضرت_رقیه_س بابا سیاحته مردم گیدر چمن یرینه سنون خرابیه باشون گَلوب بدن یرینه دیسم خرابیه خوش گَلموسن سزا دگلی رقیّه نون ولی خوش گلموسن ئولن یرینه اجازه ویر دوشییم زلفیمی ویروم زینت گُل بنفشه و نسرین و یاسمن یرینه سویوندوقومدان ایتیردیم اوزومی هیچ دیمه دیم فدا کسوک باشیوین من گَلوب گیدن یرینه ایاقلاروندان اُپردیم اولِیدی گر ایاقون بو قانلی باشیوین اولّام فدا گَلن یرینه ازلده رسمیدی بو باش چکر ایلین بویوکی سبب ندور صورا گَلدون ایلین دوشن یرینه ایشیتمیشم چوخ اُپرموش آنان بوغازوندان قویوم دوداقیمی قوی بیر آنان اُپن یرینه بو توزلی زلفیمی تیل تیل وفالی قیزلار تک جنازن اوسته توکه بُلمدیم کفن یرینه سنی نیه یولا تک سالدی اکبریم هانی بس فدا اولا باجیسی اکبرین گَزن یرینه داریخموشام بابا قِیتر منی اپار وطنه علاقه مند اولی غربت چکن وطن یرینه نه خوش گلور سویی نه اهلی نه هواسی منه بو یاخشی دور کوچه هر طایفه سوین یرینه مریضه ام بابا شامه گَلوب گلن گوندن قوی عرض ایدوم ندی عرضیم گَلوب سخن یرینه گونوزلر ایستی اذیّت ویرور، سویوق گئجه لر گوگل آچلموری هی غم گلور محن یرینه بیری باخور گولور احوالیمه بیری آغلور هی آغلین گیدوری هی گلور گلن یرینه نه یاخشی گوزلریوی یومّوسان فدا گوزیوه گوزون ساتاشموری بوینومداکی رسن یرینه دانشموسان بابا یوخسا دوداقلارون یارادی فدا او لبلریوه من آقاج دگن یرینه گئجه گونوز اورگیم تیترور اصغریمدن اوتور او اصغری که ایچوب قانینی لبن یرینه منه ده کاش دگِیدی اونون کیمی پیکان اولیدیم اصغریم ای کاش کاش من یرینه مدینه یوسفی اکبر بُلم بو شهره گَلوب کلاف جان گیدرم الده پیره زن یرینه تمام اولا بیر اوزون گورماق عمر قیمتینه بو نقد جانیمی نقد ایلرم ثمن یرینه عموم امام حسن یادگاری هاردا قالوب بیبیم اُپِیدی یوزین قارداشی حسن یرینه نیه عروسینی نو کدخدا سالوب گوزدن باجیم قرا گیونوب نیلی پیرهن یرینه رقیّه عهد ایلیوبدی عمو سو ایستمه سون یولون دوشنده اونون پرچمی دوشن یرینه ایله ملر حرم آهولری گئجه گوندوز خرابه شام مبدّل اولوب ختن یرینه بیبیمون آغلاسان احوالینه اگر باخسان نحیف پیکرینون قمچی لر دگن یرینه ادیب اودور اولا آزاد (حافظی )یا قول نه قدر بُلسه اوزین قویمیه بُلن یرینه اؤزی اؤزین بَگَنن شاعری بگنمز خلق سوزی سوز اولماسا قویمازلا سوز دین یرینه حافظی_تبریزی