⚘ وداع علی اکبر(ع)⚘ صبر ایله علی عهدووَه پیمانووَه قربان بیرلحظه دایان جانیم اولاجانووَه قربان زهرایه گَلین گلدی نَنون بَختوَر اولدی دنیاده اوغول سایه سینه مُفتخَر اولدی امّا بِله آیریلماق ئولومدَن بتَر اولدی درماندی آدون دردیمه درمانووَه قربان تَقدیر اَلی بوچولده روادور دونَه اوغلوم اوّل من ئولَم عازم اولام مَدفنه اوغلوم قرآن اوخیا قبریمون اوسته منه اوغلوم گَل ایندی اوخی نغمهء قرآنووَه قربان تَجهیز سِلاح ائتدی اَزلدَن سنی داوَر کیپریکلَرون اوخ بو ایکی قاشلار ایکی خَنجر میدانه گئدورسن نَه شتابان اوغول اکبر صف صف دوزولَن لشکر مژگانووَه قربان شهلا گوزوون گردشی معنای وجاهَت وئردی باخیشون نرگس جادویه خَجالت بیر دون منه باخ قوی آپاروم فیض زیارت قاره گوزووَه زُلف پریشانووَه قربان مصره گوزلیم دوشسه یولون ای مَه لیلا طعنه وِراجاق یوسفه بو قامت رعنا گورمیش بوجمالی بوقَدی هاردا زلیخا لَعل لَبووه چاه زَنخدانووَه قربان اویوسف کَنعانیدی سن یوسف خلقت یعقوب ئوزیده گورسَه سنی ایندی بوساعت یاددان چیخادار یوسفی تاصبح قیامت لیلایه دیر گورمَلی قربانووَه قربان منشی قضا لوحِ غمه ایلدی اِنشاد من بختی قَرا گورمِیَم آخر سنی داماد مانع دگولَم گِئتملی سن گِئت ائوین آباد اوزدوم اَلیمی گِئت علی جانانووَه قربان (نادر) بو تمناده یانار صبح و مَساده معشوقینی ایستر گوره تا کرب وبلاده نهر اوسته قاچا آغلاماقا پای پیاده ای کرب و بلا شاه شهیدانووَه قربان https://eitaa.com/kobradsg

ای پرچم اسلام نه سرعتله اسورسن عبّاس دوشور تپراقا سنده تله سورسن اولما گل امیدیمی سن پرپر ائدورسن قولسوز گوروب عباسی بله لنگر ائدورسن چوخ زحمتیوی چکدی سنون جعفرطیار جان قویدی بابام شیرخدا حیدرکرار راضی دگلم منده سنی خوار ائده اشرار سن دینمیزون پرچمی سن یاتماقا اسمه السیز باشیم اوستن یخیلوب سایوی کسمه من گوزلیورم قانلی گوزوم تک سنی الان فکریم بودی سن اولمیاسان قانیله الوان گورسه سنی قان آغلامیا عترت سلطان ممکندی ائدن وقته باجیم عزم مدینه سوقات آپارا بیکس آنام امّ بنینه ال گئتدی بو گوزلرده‌کی القانی سیلنجه من ویرمدیم الدن سنی اللر کسیلنجه ایکاش حسینیم گله شام اهلی گلینجه اظهار رضایت ائده عالی روشیمدن تحویل آلا ئوز ویردیقی شمشیری دیشیمدن شه گلمسه بیگانه منیم حالیمی بیلمز قانیله دولان گوزلریمی ئوزگه سی سیلمز دشمنلریمه باشیم عمود آلتدا اگیلمز سن اگمه منی قوی دایانیم ئوزسوزوم اوسته دین پرچمیسن دوشمه یره قال گوزوم اوسته قوی سسلیوم الان شه عالم ئوزی گلسون عشقیم هوسیم روحیم علاقم ئوزی گلسون صبرایله بیرآز صاحب پرچم ئوزی گلسون یاتما منی سیندیرما بو دشمن قاباقیندا قوی گلسون حسینیم یخلیم من قاباقیندا مأیوس اولوب القصّه الیندن علمیندن سیندی اوره گی اوخ ستمندن سو غمیندن گوردی الی بوش گیتماق اوزاقدور کرمیندن سسلندی حسین لطف ایله السیز باشا باش چک شاهیم بیوگوم گل بو کیچیک قارداشا باش چک سقا قولی گر دوشسه حرم ساخلیا بیلمز اوخ دگسه اگر مشگیده نم ساخلیا بیلمز آخر بو کسیک قوللار علم ساخلیا بیلمز لنگر ایلدی بیرق امان ویرمدی تزگل قان دولدی حسینجانی گوزوم گورمدی تزگل حالیم بو سوزومدن سنه معلوم اولی قارداش گزدی باشیم اوستنده حریفون قولی قارداش قانیله گوزوم دولدی ایتوردوم یولی قارداش گوز گورمدی هیچ بلمدیم آخر هارا دوشدوم ال اولمادی تکیه ائلدیم اوخلارا دوشدوم https://eitaa.com/kobradsg

آقای: تازه جوانون اولمگی تازه جوانی یاندیرار احوالات قاسم ع تازه جوانون اولمگی تازه جوانی یاندیرار قاسم نوجوان غمی کل جهانی یاندیرار خیملره گتیردیلر چون او جوان جنازه سین باشدان ایاقه دوغرنان پارچالانان جنازه سین گوردی اناسی ایلدی اه فغان جنازه سین دوشسه مصیبته اوغول دردی انانی یاندیرار سیره گدن جوان گلور ایندی گلون اتاقینه تازه گلین هایاندادی بیر چیخ اونون قباقینه یاخجی حنا یاخوبدولار اللرینه ایاقینه عالمی یاخدیقی حنا قرمزی قانی یاندیرار ملک حجازه شاهنون محترمه خانم قیزی سنله باریشدی قاسمون روز السته اولدوزی قاره دو معجریم دمه قانیلن ایله قرمزی کیم خبر السا حالوی ویر او نشانی یاندیرار قویدیلار چون جنازه نی خیمه یانندا بیر یانا یاتدی ایکی عم اوغلی لار قوملارون اوسته یان یانا اچدیلار باش انالاری هر ایکی سی یانا یانا جسمیده قلب الولانا اخر اوجانی یاندیرار تازه گلین اغلیور غم دیزی نه قویوب باشین گاهی عم اوغلی سین دیوب اغلیوری گاهی قارداشین گوردی او وقته بیر نفر گوزلرینون سیلور یاشین باجی دیر شیرین شیرین عرش خدانی یاندیرار https://eitaa.com/kobradsg

زبانحال حضرت زینب کبری (س) به امام حسین (ع) در اربعین حسینی  سبک#بزم عزاده گیمیشم قاره یا عباس ای قبری جنّتدن گوزل ای حسین جانم نور خدای لم یزل ای حسین جانم دور گلدی قیزلارون- بیر دسته زوّارون 🖤🖤🖤🖤🖤 چوخ شکر اولا چوللره من اُلمدیم قالدیم دلده گوزل آدون گذر بو چوله سالدیم قارداش اوزاقدان بو گوزل عطریوی آلدیم هجران اولوب وصله بدل ای حسین جانم 🖤🖤🖤🖤🖤 شاماتیدن اطفالیوی باغری قان گتدیم بیر عدّه یاسلی غصّه لی میهمان گتدیم بو دورت مین اوخلی کوینگون ارمغان گتدیم بو کوینگه اولماز مثل ای حسین جانم 🖤🖤🖤🖤 گلدیم اولام اوز شمعیمه بیرده پروانه کرب و بلانی ایلیم من عزاخانه ششگوشه قبرون ویرمرم باغ رضوانه قبروندی جنّتدن اجل ای حسین جانم 🖤🖤🖤🖤🖤 ای گلستان حیدرین باصفا وردی زهرا گلون زاغ و زغن شاخه دن دردی زینب گلوبدور قبریوه دلده وار دردی چکمز گوزل قبروندن ال ای حسین جانم 🖤🖤🖤🖤🖤 سس ویرماقا یوخ طاقتون خسته سن بولّم قبرون توزون توپراقینی من اوزوم سیلّم گیتسم وطنده قالمارام منده تیز اُلّم ویرمز منه مهلت اجل ای حسین جانم 🖤🖤🖤🖤🖤 گورّم بو توزلی قبریوی آغلارام یانّام آهیله قلب عالمی داغلارام یانّام تا زندیم باشه قرا باغلارام یانّام اوز عهدیمه قیلّام عمل ای حسین جانم 🖤🖤🖤🖤🖤 قبروندی بو یا روضه ی باغ رضواندور یوخ یوخ نه گشن نه جنان خانه ی جاندور قبرون توزی عالمده هر درده درماندور سنسن شِفابخش ملل ای حسین جانم 🖤🖤🖤🖤🖤 چوخدان ایدردیم شامیده آرزو قبرون جان تک چکِیدیم سینیه مشکبو قبرون بیرده ایدِیدیم اشکیله شستشو قبرون آلدی محلّین بو امل ای حسین جانم 🖤🖤🖤🖤🖤 گوردی مزارون عترتون کام دل آلدی آغلار گوزیله اوزلرین قبریوه سالدی نازلی رقیّه شامیده حیف اولا قالدی باتدی او یرده چون زحل ای حسین جانم  🖤🖤🖤🖤🖤🖤 آخِر گجیدی چوخ منی یاندیروب یاخدی جان تاپشوراندا گه صاقا گه صولا باخدی گرچه سرشکیم سیل تک عارضه آخدی امّا دایاندیم چون جبل ای حسین جانم  🖤🖤🖤🖤🖤 ترمیم ایتدیم پایه ی محکم دینی شاماتیده نصب ایلدیم پرچم دینی ظلماتیدن ایتدیم رها عالم دینی دین شمعین ایتدیم مشتعل ای حسین جانم 🖤🖤🖤🖤🖤 بزم شرابه گیتماقین علّتین قارداش عرض ایلرم ویرسه امان گوزده بو قانیاش قمچی ووروردی قیزلارا ظلمیله اوباش گوردوم یوخ اوزگه راه حل ای حسین جانم  🖤🖤🖤🖤🖤 ای مدفن شش گوشه سی عرشیدن اعلا سندن #امینی نوکرون ایلور استدعا هرچند زحمتدور سنه عرضیم ای مولا من جان ویرن ساعتده گل ای حسین جانم حاج مجید امینی https://eitaa.com/kobradsg

مقدمه و گریز به وداع حضرت امام حسین(ع) دوباره غملی دیلیم یاندی سوز محنتدن ایشیم دوشوبدی حسینه اورکده حاجتدن حسینه آغلاماقین اجری بی‌نهایتدور مسلّم امریدی معلوم اولور روایتدن بو آغلاماق هم عبادتدی هم مبارزه‌دی او قومیلن که حسینی دانوب خباثتدن حسیندی روح محبّت حسیندی رأفت و جود اینانماسون خبرآل صاحب شریعتدن قاپی قاپی گزرم دردیمی حسینه دیم گدای کوی حسینم بیوک سعادتدن اوشاقلیقمندان حسینه ائله آقا دئمیشم محالیدور داخی من چیخمارام او عادتدن حسین گورن ایشی هیچکیم گورنمیوب والله گئدوب مرور ائله تاریخی بیرده دقّتدن باش اگمدی بیزه عزّت قازاندی مقتلده قوتاردی شیعه‌نی تا حشر اولونجا ذلّتدن حسین سیزی او چوخور یرده بیر دعا ائلیوب نتیجه‌سین گوره‌جاقسوز زمان رحلتدن اودم که قویدولا قبره حسینه آغلیانی ایکی مَلک یتیشر عالم حقیقتدن ازل اوره‌گینی ائیللّه اشتیاقیله گوره‌لّه عاشقیمیش حضرته ارادتدن دیلّه آیریسینا بنزه‌مز بو صاحبی وار حسینون عطری گلور قلب پر عطوفتدن اورگده حاجتون اولسا حسیندن اَل چکمه کریمیدور بو آقا تز وئرر کرامتدن قاپونی صدقیله سن دوی حسین آچار یوزووه نه ایسته‌سون آلاسان مال و دین و عزّتدن حسینه سائل اولان عالمه سلیماندی مقامی باشدی هامی شهلره شرافتدن امام کرب‌وبلاده نچه وداع ائلیوب چتیندی هر بیری مین عالم قیامتدن امان الهی امان آخرین وداعیندن که تاب آلار گئجه گوندوز امام حجّتدن همان کرم الی که ساربانی کسمیشدی چکردی قیزلارینون باشینه محبّتدن دایاندی خیمه قباقینده سسلدی گئدیرم گلون گورون منی بو فرصت غنیمتدن حسینی دوره‌لدی ناگهان بالا بالالار گلینلی قیزلی توکولدی خیام عصمتدن اوشاقلارینا امامون محبّتی چوخودی سؤیردی قیزلارینی عشق بی‌نهایتدن رقیّه‌نین اوز الیله داراردی ساچلارینی آلاردی چیگننه یثربده وقت و فرصتدن سکینه چون دم بختیدی چوخ سوزی واریدی سکوتیله دانیشوردی ولی اشارتدن حسین باخوبدی دئدی قلبیمی آلیشدیرما بو نوعی باخما قیزیم منتهای حسرتدن نچاره واردی قیزیم منده ایش بئله گلدی مقدّر اولموشودی صاحب جلالتدن سن آغلاما اوره‌گیم آغلیاندا سن دوزمور دوشور فشاره بو قلبیم بیوک صعوبتدن هاموزی تاپشورورام اللّها اوزوم گئدیریم یولومی گوزلمیون بیرده فکر رجعتدن اوپوب بالالارینی بیر به‌بیر وداع ائلدی مصمّم اولدی گئده رزمگاهه نیّتدن حسینی ایندی گرک کیم آتا سوار ائلسون ئولوبدی قارداشی معذور اولوبدی خدمتدن نه واردی اکبر و نه قاسم و ابوالفضلی که مست اولوب هاموسی بادهء شهادتدن وفالی زینب اوزی ذوالجناحینی گتدی دوتوب رکابی سوار ایلیه شراکتدن حسینون هئچ بئلی گلموردی تا سوار اولسون جوان اوغول ئولومی سالمیشیدی طاقتدن دیولّه زینب اوزی ذوالجناحه میندیردی حسینی سالدی یولا صبر زینبیّتدن حسین گئدور نه گئدور روح زینبی آپارور یاخوندی آیریلا جان جسم عنصریّتدن دالیجا سسلدی بیردن حسین ایاق ساخلا ئولور باجون ائله دفن ایله گئت بو ساعتدن ایا امام زمان وئر اجازه عرض ائلیوم منی گذشت ائله بو ائتدیقیم جسارتدن باخاندا بیرده حسین گوردی جان وئرور زینب بفوری قویدی الین قلبینه حاج داود صادقی تبریزی https://eitaa.com/kobradsg

❣زبانحال بربالین علی اکبر (ع)❣ وئردیگیم صودی سنه ایلدیم حَلال اوغول دور منیله بیردانیش یاتما مَه جمال اوغول عشقیده اَلون چاتوب امتیاز اَکمَله سالموسان ولی اوغول خیمه لرده وَلوله طوی لباسی گیمدون یاخمادون حَنا اَله قالدی آرزولریم تاپمادیم مَجال اوغول رَافَتیلَه باخ گُلوم خسته دل قوناقووَه باشدا وار یارون علی قوی دوشوم اَیاقووَه قسمت اولمادی منه تا گَلَم اطاقووَه یاندیرار منی همین مِحنت ومَلال اوغول سن گلنده خیمیه سان وئروبدی فوج غم ایستدیم گَلم ولی قویمادی حَیا گَلم بختی قاره لر منی سَسلیوبدولر او دَم گَل بالون گلوب ولی خسته بیر غَزال اوغول سن دئدون آنا گوزوم وصل یاری آختارور من دئدیم ئورک سنی جان قراری آختارور سن دئدون آنا اَجل ، من شکاری آختارور من دئدیم بیر آز هَله گئتمه گئتمه قال اوغول ای منیم قزیل گُلوم یوخ دوزوم خَزانووه زُلف عَنبرون نجه گور بویاندی قانووه بَد نَظر گوزی یقین لطمه وِردی جانووه قانلی طُرَّه لر وئروب حُسنووه کمال اوغول یاتماقونلا چکموسن قلبیمه شراره سن وار یری منه دئسون ایندی بختی قاره سن بیرده آچ گوزون بالا دردمنده چاره سن ائتمدیم دویونجا من سنله بیر مقال اوغول https://eitaa.com/kobradsg

یاحسین(ع) کربلانی طور ائدن نور جمال انوری وادی عشقینده مبهوت ایلین موسالری گورمین بیر قطره سو اوچ گون مبارک لبلری العطش فریاد ائدن واللهی سن سن یاحسین هر بلا و محنته صبر ایلیوب محنت چکن سینه سین اوخلار سوکن قارداش غمی قدین بوکن باشینه نوک جداده شهرلرده داش دگن صبر ائوین ایجاد ائدن واللهی سن سن یاحسین پارچالانمیش سینه سی قارداش غمینده داغلانان یار و انصاری گئدن الدن قاپوسی باغلانان اللری اوسته سوسوز دیلسیز بالاسی اوخلانان وای علی اوراد ائدن واللهی سن سن یاحسین یاندیران قرآن صداسی نیزه لرده داغ داشی آغلادان شامون یولوندا اهل بیتی گوزیاشی زینب محزونینه صبح و مسا یول یولداشی فصبروا اوراد ائدن واللهی سن سن یاحسین نازنین باشی گئدن بزم یزیده ارمغان گول دوداقین ایلین مجروح چوب خیزران پارچالانمیش لبلریندن قطره قطره قان دامان خصم ائوین بر باد ائدن واللهی سن سن یاحسین مرحوم میرزا ستار ذاکر https://eitaa.com/kobradsg

حضرت ابوالفضل العباس(ع) شـمـعیلر یاندی قویولدی جامیلر سو یانینه شیعه لر قربان ابوالفضلون خجالت جانینه بیر جوان علقم کنارینده بویاندی قانینه شیعه لر قربان ابوالفضلون خجالت جانینه یاد ائله عبّاسی رخصت وئر آخان گوز یاشینه گَلدی سو اوسته خیال ائت نه بلالر باشینه قوللاری دوشدی گنه خدمت ائدوب قارداشینه پیکری آماج اولوب دشمنلرون پیکانینه قان آخوب بازولریندن مونسی پیکان اولوب ظاهر اولدی بیر قیامت عرصه گه طوفان اولوب دورت طرفدن قتلگهده قتلینه فرمان اولوب نهر علقم اوسته غرق اولدی بلا طوفانینه حضرت عبّاسه ظلم بی نهایت ائتدیلر اوخلیوب مشگین عطشلردن خجالت ائتدیلر دورت طرفدن دوردیلار یکسر شماتت ائتدیلر خنجر الده گوز تیکوبلر قتلینون فرمانینه اوخلانوب مشگی یانان قلبی آلیشدی آهیدن سویلدی یاربّ خجالت اولدوم آل اللهیدن ناگهان بیر اوخ‌ یتیشدی فرقهٔ گمراهیدن راکب و مرکوب واللعی بویاندی قانینه کسدی اول حالیله ای شیعه قباقین دشمنی گئتدی جولانه باشی اوسته عمودی آهنی شرم قیل یازما قلم یاندیردی بو محنت منی ظلم الیله قالمادی بیر ذره طاقت جانینه مرکب اوسته گه صولا گه صاقه اَسدی پرچمی ایستدی عباس ائده مأوا کنار علقمی قوللاری اولموب قاباقه وئرمگه آرتدی غمی دوشدی نه حالیله اول گون کربلا میدانینه آلدی دشمن سمت علقمندن عقابون شیحه سین ظلمیله فوج اراذل گلدی آلدی دوره سین سسلدی قارداش حسین درک ایله عبّاسین سسین مشکل اولدی‌ چوخ‌ بو محنت کربلا سلطانینه https://eitaa.com/kobradsg

‍ ‍ بانوای عبداللهی =======👆شهادت حضرت ابوالفضل(ع) در سبک گل ای امید دل منتظران ☘☘☘☘☘☘☘☘☘☘ گول اوسته صرصر اسیلیبدی نه نه/ داخی امیدیم کسیلوبدی نه نه/ بو قلبیمی غم اوخی بولدی نه نه/ علم دوتان قارداشیم أولدی نه نه/ سیندی بلیم نه نه گل/ یوخ کمکیم نه نه گل/ قانلی منایه دوشوب / آرخام الیم نه نه گل/ وفالی قارداش ابوالفضل حیالی قارداش ابوالفضل یاتان بوایستی قوم اوسته یارالی قارداش ابوالفضل,, اولوبدی پرپر گل یاسمنی بو چولده صد پاره اولوب بدنی/ سالوبدیلارجسمیده قوللاری یوخ/ ووروبدیلار ساغ گوزی اوسته بیر اوخ/ پیکری قانه باتوب / تشنه بو چولده یاتوب/ گوزلرون آچمور آنا / چون منی گوزدن آتوب ,,,, باتوبدی القانینه کل وجود/ وروبدیلار آنلینا آهن عمود/ قانادسیز عنقا کیمی شهپری یوخ/ بو پیکرونده داخی صاف یری یوخ/ پیکرون اوخلار آلوب / ایستی قوم اوسته قالوب/ آی یوزونی بو عدو / گورنجه حاله سالوب,,,, غم اوستونه گور نجه غم قالانوب/ دیوبدی اوخ مشکینه سو جالانوب / جفا وغم طاقتیمی آلوری / بوچولده دشمنلریم ال چالوری/ یار ومریدیم اویان / تشنه شهیدیم اویان/ کرب وبلاده منیم/ سن سن امیدیم اویان,,,/ خیمده من زینبیمه نه دیوم/ سه ساله تشنه لبیمه نه دیوم/ نجه دیوم ساغ گوزون اوخلادیلار/ وفالی قارداشیوی دوغرادیلار/ آهو کیمی اوملر / اشکینی گوزدن الر بولسه رقیه قیزیم قانلی منایه گلر التماس دعا https://eitaa.com/kobradsg

زبانحال حضرت رقیه( س ) در خرابه با سر مبارک اباعبدالله الحسین ( ع ) من بیله فکر ایلدیم دای منیم آتدون داشیمی ولی دیداره گلوب عرشه اوجاتدون باشیمی یوماقا لبلرووی من توکرم گوزیاشیمی یووارام باشووی ای عالمه سرور یارالی من کی فکر ایتمزیدیم عرشه اوجالام باباجان بوینوما بیرده وصال شالینی سالام باباجان کیم دییردی باشووی سینمه الام باباجان ایلیر شه باشی آغوشیمی بستر یارالی اولمیشام دهریده من عاشق وارسته سنه اولمادی منزلیم افسوس اولا شایسته سنه ایتمیشم تخت مهیا الیمون اوسته سنه قوللاریم پایه سیدور فرشی بو تللر یارالی آغاجا دگسه تبر فکر ایله نه حاله قالار نچه ضربتله تبر بیر آغاجی خاکه سالار او آغاج حالینه قالمیش باشون ای شاه کبار نچه ضربتله کسوب باشووی خنجر یارالی کربلایی نوید_آسال https://eitaa.com/kobradsg

دگدی اوخ یاره لی جیرانیم ایتیردی اوزونی. لبلری گولدی دیل اولمادی یتیرسون سوزونی. جان چخنجا چنه سی تتردی یومدی گوزونی. آنام اوخشادی اول جانی چخان اصغریمی. پر آچان لحظه ده گورسیدیم او پیکانی اگر. هدفه قویمازیدیم دگسون همان تیر سه پر. ایکی گوزدن بیرین ایلردیم اونا فوری سپر. گورمدیم قهریله وردی اوخ آتان اصغریمی. https://eitaa.com/kobradsg