بنام خدا دردو دلی با قطب عالم امکان حضرت مهدی عج "" "" "" "" آتش ‌هجرون ‌ادیب ‌قلبی‌لری ‌قان آقا‌ جان/قورخورام ‌بو ‌اود ‌ائده ‌شیعه نی ‌بی جان ‌آقاجان آی ‌گوزللر ‌گوزلی ‌یوخ ‌داخی ‌بیزلرده ‌قرار/عشقون ‌ایلوبدی ‌بیزی ‌بی ‌سروسامان ‌آقاجان دوشموشوق ‌بحر غمه ‌ای ‌خلف ‌‌‍‌شیر خدا/ایلیوب ‌گردش ‌دوران ‌بیزی گریان ‌آقاجان سنیلن ‌عالم ‌امکان ‌تاپاجاق ‌آیری صفا/گل ‌آقا عالمی ‌ایت ‌‌گلشن ‌رضوان آقاجان گون ‌کیمی ‌ایله ‌طلوع ‌ای ‌مه ‌تابان شرف/تا تاپا ‌ارض ‌و سما ‌عزت ‌شایان آقاجان گوزوموز ‌یولدا ‌قالوبدی ‌گول ‌آچا گلشن ‌عدل/گوزوموز ‌اوسته ‌قدم ‌قوی ‌بیزه‌‌ وئر جان ‌آقاجان تیره ‌و تار ‌ائلیوب ‌عالمی ‌ظلمت بولودی/گل ‌آقا ‌عالم ‌اولوبدی ‌بیزه ‌زندان آقا‌جان گوروسن ‌نیک ‌و بد ‌عالمی ‌زهرا بالاسی/گوروسن ‌کیم‌لر ‌اولوب ‌حاکم ‌دوران ‌آقاجان دردیموز ‌چوخدی ‌آقا دردیموزه یوخدی علاج/گل اوزون ‌ایله گیلن ددلره درمان آقاجان بورویوب ‌یئر ‌اوزونی ‌بوی ‌بد‌کفرو نفاق/اولوب ‌‌اولاد بشر‌ یئرتجی ‌حیوان آقاجان بیری ‌داعش دی ‌دیور ‌منده‌دی ‌جنت ‌کلیدی/کیم ‌توکه ‌شیعه ‌قانین ایلرم احسان آقاجان بیری وهابی دی بیر آیری شعاریله گلور/بشرین قانی اولوب دهریده ارزان آقاجان بیری ظاهرده سنون آدووی دیلده چاغیرور/ولی باطنده اولوب عامل شیطان آقاجان باشینه نئچه متر قاره و یا آغ دولایوب/دانیشور مسجد و محرابیده هر آن آغاجان مال دنیایه گورا بدنام ائدیردین حقی/داد وبیداد از این مردم نادان آقاجان فاخرم جانیوه قربان سنی اجدادون آقا/ائت منیرقلبی لری جان سنه قربان آقاجان فقرا حقینی پامال ائدیر اقوام ستم/گل یتیش داده سن ای یار ضعیفان آقاجان مسلم فرتوت فاخر https://eitaa.com/kobradsg

بیر عمریدی حسرت گوزومی یولّارا تیکدیم هر قافله گیچدی او اولان قافله یوخدی عاشق اولاسان یاره الون چاتمیه هرگز عاشق لره بوندان دا چتین مرحله یوخدی https://eitaa.com/kobradsg

بیلمم نقدر اینجییدی پیکان آجیسینان چوخ چوخ نگرانیدی رقیه باجیسینان قویسیدی اجل اگنینه غم رختی گییردی شاید منه بیر جمله ده آهسته دییردی اوچ یاشدا رقیه باجیمی کامه یتیرمه قوی یانسین عطشدن بابا میدانه گتیرمه بو کوفه لیلر تشنه قوناقی بئله یوخلار گر بیلسه سوسوزدی اونیدا حرمله اوخلار https://eitaa.com/kobradsg

یتش امداده ای شاه - بنی هاشم سو یانندا باتور ماه - بنی هاشم سو جالاندی علم یاتدی غمی سقانی آغلاتدی یارالاندیم یارالاندیم یارالاندیم حسینیم گل   یخلوب ساقی تشنه فرات اوسته توکولور اوستومه اوخ دسته به دسته بالالاردان خجالتدی بو دلخسته آقام ای یار دلخواهِ - بنی هاشم   دورا بیلسم یولون اوسته دایانام من سورونوب باشیوه قارداش دولانام من علی اصغر آدین دوتما اوتانام من اوجالوب غصه دن آهِ - بنی هاشم   ایکی غم سالدی عباسی چوخ آلامه بیری سو صحبتی بیرده امان نامه ولی من جان نثارم دین اسلامه که ازلدن بودور راهِ - بنی هاشم   دئمورم لشکر عشقه علمدارم دئمورم منصبیم وار میر احرارم سنه من نوکرم مولا فداکارم بیلور اخیار آگاهِ - بنی هاشم   تلسور وصلیوه بو قلب بی تابیم الون اُپسم چاتار تکمیله آدابیم گل امامیم گل امّیدیم گل اربابیم گوزلیم عزت و جاهِ - بنی هاشم   بو مثلدی تک الدن هئچ صدا گلمز ایکی ال گئتسه اعضایه قوا گلمز نیه بس دادیمه شیر خدا گلمز بو یر اولسون نظرگاهِ - بنی هاشم https://eitaa.com/kobradsg

زبانحال حضرت ام البنین (س) در مدینه مرحوم انور اردبیلی خیالیمه سالارام عون و جعفر و فضلی ئولونجه اوخشیارام شیردل اباالفضلی باشینون اوسته ئولن وقته اولمادیم نیلوم آچوب بو زلف پریشانی یولمادیم نیلوم اگر اولیدیم او چولده قیامت ایلردیم بالاما دشت بلاده حمایت ایلردیم نقدر ائدیدوم اگر آه و ناله دویمازدیم کسیلن اللرینی توپراق اوسته قویمازدیم همان او قوللاری جان تک سینمده ساخلاردیم گلینجه قارداشی داده اؤپردیم آغلاردیم حسینیمه او کسوک اللری وئرردوم ئوزوم دیردوم آل بولاری ساخلا یوخدی منده دوزوم فغان و آهیمیلن کائناتی داغلاردیم حسین دینده بئلیم سندی منده آغلاردیم قولاق وئرردیم اونون دقّتیله نوحه سینه سسیمی منده قوشاردوم حسینیمون سسینه دینده آچ گوزون عبّاس نور عینیم وای دیردوم اوندا یقین منده وای حسینیم وای او باشی اوسته نوا ایلینده آغلاردیم ایاق طرفده ده من چکمه سین قوجاقلاردیم یارالی سینه سی اوستن چکنده پیکانی تزلزله گتورنده او دشت و صحرانی دیردوم آغلا بالا اوخلارا ال آتما حسین یاتوبدی نازیله عبّاسیمی اویاتما حسین چتین اولوب سنه گر چه بو نوعی یانما بالا باشینون اوسته اباالفضلیمون یوبانما بالا سن آغلاسون غمیوه کوفیان ائدلَّه طرب گئدک خیامه منیلن گوزتلیور زینب https://eitaa.com/kobradsg

احوالات قتلگاه سیدالشهداء زبانحال حضرت زهرا (س) احوالات قتلگاه سیدالشهداء زبانحال حضرت زهرا (س) ای دوشن مقتله گل پیکری عریان یارالی آنان اولسون داغیلان پیکره قربان یارالی یوخدی باشون بدنونده سنون ای شاه حجاز باشیوی کسمیش عدو ظلمیله دالدان یارالی بیر بئله یاره نه دن پیکریوه وورموش عدو نیزه وتیر سه پر ناوک پیکان یارالی سنی بس بولمدیلر زاده ی زهرا سن حسین کسدی باشون او ستم پیشه لب عطشان یارالی نیه شرم ایله مدی شمر کسنده باشیوی اون ایکی ضربتیله سندن آلوب جان یارالی کاش تزلزل یئتیشیدی بو فنا دهره اودم اولا ویرانه گوروم عالم امکان یارالی‌ هانسی مذهبده روادور اولا لب تشنه ذبیح کوثر و سعی و صفا آغلوری الان یارالی یارالی جسمین اولوب خانه زنبوره مثال ایلوب اوخلار سنی کندو کیمی شان شان یارالی یوخدی باشدان باشا جسمونده حسین بوسه یری وئرور هر یارن آخی چشمه کیمین قان یارالی دئمه پهلوسی قابیرقاسی سینان فاطمیم سنون ئولماقین ائدیب قدّیمی چوگان یارالی گوچه مسمار جفائیله سینم یاره لیدی لیک یوخ بو یارییا مرهم و درمان یارالی گون قاباقیندا قالان پیکره قربان یارالی نه روادور قالا بیر پیکری عریان یارالی داغیلان جسمین اوغول مصحفه چوخ بنذری وار قطعه قطعه داغیلوب صفحه قرآن یارالی اولمیوب دفن ائدنون گل پیکرون یرده قالوب بیلمیوبلر سنی یا اینکه مسلمان یارالی قالوب آتلار ایاقی آتدا او گل جسمین اوغول نقدر ظلم ائلیوب زاده ی سفیان یارالی بوهمان وحشی عرب لردی سنی دعوت ائدوب بیعتی سیندیروب ایلوبدوله طغیان یارالی ** کربلایی حسین شهاب پور اهری https://eitaa.com/kobradsg

ای حسینون گؤزل کربلاسی  شیعه نون عمرینون خوش صفاسی  نیلورم فانی دنیانی سنسیز  سنده دی هامی دردین دواسی  .  .  .  سنده یتمیش ایکی گون باتوبدی  سنده مولا حسینیم یاتوبدی  عشقووی قلبیده کیم بیتیردی  آیری عشقی باشیندان آتوبدی  .  .  .  سن بهشت برین سن یئراوسته  چون یاتوب سنده شاه خجسته  ایسته گلسون سنه پای بوسه  حیدرین شیعه سی دسته دسته  .  .  .  سینه ده واردی چوخ سوزوسازیم  حاجتیم سنده دی هم نیازیم  شکر اولا حقه تاپدیم سعادت  تپراقون اولدی مهر نمازیم  .  .  .  کربلا گلشن عشق زهرا  کربلا باغ گل های طاها  سن بیزه پایگاه ولاسن  کربلا ای اولان قانلی صحرا  .  .  .  سنده قانه باتوب حیدر اوغلی  هم حسینون علی اکبر اوغلی  قاسم و عون و عبّاس وجعفر  هم ربابین علی اصغر اوغلی  .  .  .  یوخدی گر منده نای و نوایی  کیمسیه یوخدی فخریم خدایی  بیر نظر قیلسا شاه لب عطشان  (آذرین) ده اولار کربلایی https://eitaa.com/kobradsg

یا علی اکبر انسانین اولار قدی کمان اوغلی ئولنده قالماز گوزینون نوری جوان اوغلی ئولنده   اوغلی ئوله هر بیر آتانین دار فناده بو رسمیدی قویمازلا قالا آه و نواده ائللر آلار اطرافینی هنگام عزاده بیر بیر هامیسی بزم غم افزایه گللر اوغلی ئولن اشخاصه تسلایه گللر   بعضیسی دییر آغلاما ای درده گرفتار صبر ایله عزیزیم بو قدر اولما عزادار ائللر آلوب اطرافیوی آیا نه غمون وار بعضیسی دییر اوغلون ئولوب همدمون اولام سن تک گییرم قاره شریک غمون اولام   جانلار ولی زهرانین عزیز اوغلونا قربان ئولدوردی جوان اوغلین او گون لشگر عدوان گلدی باشینون اوستونه با دیده گریان اطرافینه باخدوقجا غم و دردی چوخ اولدی باش ساغلیقی اوغلی ئولنه نیزه اوخ اولدی   سسلندی علی جان یانورام نار فراقه یوخ تاب و توان دیزده دورام بیرده ایاقه هی سسلورم اکبر باخورام قانلی دوداقه اوغلی ئولنه یاخشی تسلایه گلوللر من آغلادوقیجا بالا شام اهلی گولوللر   هر بیر آنانین آرزیسی وار شاد اولا اوغلی غمدن بو فنا دهریده آزاد اولا اوغلی خوشحال اولا دیلدن آنا داماد اولا اوغلی بو باره ده لیلانی عجب بختور ائتدون طوی گورمدون اوغلوم آنووی خونجگر ائتدون https://eitaa.com/kobradsg

‍ روضه رباب @okhshama چشمه چشمی بی جهت خون دله قاتمامیشام چوخ دولانوب سوتاپمادیم آب دله چاتمامیشام جان علی یورولموشام اوچ گجه دی یاتمامیشام آتش غمله سینمی حسرتیله داغلامشام گاهی سالوب بوسینیه گاهی باخوب آغلامشام گوردوم علاجیم کسیلوب الریوی باغلامشام قلبین علمدار عموون ایندی بلاتیری دلور نهرفرات اوسته سنی یاده سالوب اشکون الور دولماساقان سومشکینه یوخلا بیرآز ایندی گلور گچن گجه باجین ئولسون سینه داغلامشان یانان چادردا رباب آغلیوب من آغلامشام تمام محملر آماده ایستور کاروان کوچ ایلسون،راوی دییر گوردوم بیر محملین روپوشون خانم کنار الدی،الرین گوتدی گویه الله گلوم اوخلاندی گلابیم هدر اولدی روحوم قوشی آواره قالوب دربدر اولدی امدون گورین دوشلریمی قلبیم آلشدی سن منله کوسن صورا صود گلدی باریشدی کمانیدن چخان اوخ کاش یولدا یولون اییدی گلیدی خیمه لره قلب مضطریمه دییدی 👇👇👇 https://eitaa.com/kobradsg