‍ زبانحال زینب           @matnenohe ‍ ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش  اویان                          

دلم نموده دوباره هوای حضرت مهدی تمام دارو ندارم، فدای حضرت مهدی اگردیده براهی، بخوان دعای فرج را ظهور او را برساند خدای حضرت مهدی ✨اللهم عجل لولیک الفرج✨

ﺍﺯ فردی ﭘﺮﺳﯿﺪﻧﺪ : ﺍﺯ ﺍﯾﻦ ﻫﻤﻪ دعا ﺑﻪ درگاه ﺧﺪﺍوند ، ﭼﻪ ﺑﺪﺳﺖ ﺁﻭﺭﺩﻩ ﺍﯼ ؟ ﺟﻮﺍﺏ ﺩﺍﺩ : ﻫﻴﭻ . ﺍﻣﺎ ، ﺑﻌﻀﯽ ﭼﯿﺰﻫﺎ ﺭﺍ ﺍﺯ ﺩﺳﺖ ﺩﺍﺩﻩ ﺍﻡ .. ﺧﺸﻢ ، ﻧﮕﺮﺍﻧﯽ ، ﺍﺿﻄﺮﺍﺏ ، ﺍﻓﺴﺮﺩﮔﯽ ، ﺍﺣﺴﺎﺱ ﻋﺪﻡ ﺍﻣﻨﯿﺖ ، ﺗﺮﺱ ﺍﺯ ﭘﯿﺮﯼ ﻭ ﻣﺮﮒ . ﻫﻤﯿﺸﻪ ﺑﺎ ﺑﺪﺳﺖ ﺁﻭﺭﺩﻥ ﻧﯿﺴﺖ ﮐﻪ ﺣﺎلمان ﺧﻮﺏ ﻣﯿﺸﻮﺩ ﮔﺎﻫﯽ با ﺍﺯ ﺩﺳﺖ ﺩﺍﺩﻧﻬﺎ ، خیال ﺁﺳﻮﺩﻩ تری داریم...

گوندردیم آه قاصدیمی کربلایه من تا شامه دعوت ایلیه غم شهریارینی عرض ایلیه که شام غریباندی شامده گل بیر منوّر ایله بو ظلمت دیارینی چوخ وار امید آتام گیجه ویرانیه گله بیر یاد بود ایلیه بیز غم قطارینی گلسه بابام خرابیه گر قویمارام گیده سالّام کمنده پای دل بُردبارینی عرض ایلرم که هر یئره گیتسن آپار منی گوزدن کناره آتما بو هجر اشگبارینی بیرده شکسته دل قیزیوی آل کناریوه ترمیم قیل بو شیشه ی دل انکسارینی دریای بی کرانه ی محنت غریقیم ای کشتی نجات اوزون دوت کنارینی ((شأنی)) بو شرح محنتی یاخشی شروع ایدوب ناقص قویوب بو نوحه ی بس شاهکارینی تعقیب ائتدی ((ذهنی)) ((سائل )) بو سوزلری سالدی ایشه او خامه ی زرّین نگارینی لطف ایت بابا بو « ذهنیه » هر ایلده حجّیله فیض زیارت حرم هشت و چارینی خاصّه بو ایل گوتورسون هامی اهل بیتی نی حجّ ایلسونله خانه ی پروردگارینی اوردان گلوب بو شامده شوریله باشلاسون پژمرده غنچه ن اوسته نوای هزارینی ** مرحوم شانی تبریزی و مرحوم حاج عبدالعظیم ذهنی زاده برچسب‌ها: عبدالعظیم ذهنی زاده

‍ اربعین ‍ اربعین زینب گورنده شاه شهیدان مزارینی شوره گلوبدی آرتیروب ئوز آه و زارینی تل سلام اوسته سلامه دل اولمادی آلموشدی ذوق قبر حسین اختیارینی البته نطق اولماز ادای کلام ایده عاشق گورنده وصل زمانینده یارینی بولمم سوروندی یا یریدی یتدی قبرینه واضح سوروشما حفظ ایله زینب وقارینی بلبل نجه تاپاندا گولون گلستانده شرح فراقه اَوَّل ایدر اعتذارینی ثار اللّهین مزارینه زینبده تا یتوب آچدی بیان حاله لب دُر نثارینی عرض ائتدی آلتی گوشه لی قبره باجون فدا چوخ غملنوب دل آختارور اوز غمگسارینی قبرون مجاوری یوخوموش بیله توز باسیب سیلَّم سرشک چشمیله ایندی غبارینی شامه گیدنده نعشیوی دفن ایلینمدیم عفو ایله بو قصورین اولان شرمسارینی گوردون نئجه آپاردیلا گئتدیم نه حالیله آلمیشدیلار بو غمزده نین اختیارینی بولدوم علاوه ساخلیوب ائتسون صبا کفن گول جسمیوه چولون خس وخاشاک و خارینی آلدون علیِّ اصغری آغوشه جان کیمی ایتدون ربابین حشره کیمی ناله کارینی باخ بیر ربابه سینه سینه صود گلوب گزر دشت بلانی آختارار ئوز شیر خوارینی ویر صود امر بالاسینی آلسون قوجاقینه بوش گورمه سینله اهل حرم تا کنارینی نی تک گلوبدی نالیه بو مدتی مدام هر دم آچوب عذارینه گوز آبشارینی هجران غمی نوای حرم ناله ی رباب بالمَرَّه زینبین آلوب الدن قرارینی بو مدّت مدیدی دوزوب هجره عاقبت گتدیم مزارون اوستونه محنت قطارینی معذوریدی رقیّه قیزون قالدی شامده ویرسن اجازه شرح ایدرم اعتذارینی ویرانسراده حسرتیله ویردی جان قیزون مانعدی شرم شرح قیلام احتضارینی صولدی حجاز گلشنینون تازه غنچه سی شامین هواسی ائتدی خزان نو بهارینی تابوتین ایلدیم او قیزون خشت پاره دن گور بو تراب عزیزه سی انجام کارینی ویردیم تَیَمُّمیله او مظلومه غسلینی آچدیم اگر چه ئوستونه گوز آبشارینی ئوز قاره کوینگین ئوزونه ایلدیم کفن تا تیره شام ، شامین ایدم روزگارینی بیر کیمسه اولمادی بالامین قبرینی قازا قازدیم ئوزوم او طفل یتیمه مزارینی ویرانسراده دفن ایلدیم بیر خزینه من صرّاف روزگار بولنمز عیارینی قبره قویاندا آلنینی ئوپدوم دیدیم بالا یات چک بو شهریده بی بیوون انتظارینی بیر گون اولار که شامی دوتار قدر و قیمتی عالم بولر بیز آل علی اعتبارینی قویمام قالا او شهریده یالقوز رقیه نی قویدوم ئوزوم اونیلا بو امرین قرارینی گر ئولمسَم مدینیه گئتسم دایانمارام ترک ایلرم پیمبر رحمت جوارینی بیر باش گلوب خرابه ده اولام مجاورون کسب ایلرم مجاورتین افتخارینی یاندیرام آه شمعیمی هر جمعه آخشامی روشن قیلام او روضه ی تاریک و تارینی گوز یاشیمیله سو سَپرم هر گیجه گونوز مژگانیمیله سیلَّم او قبرین غبارینی توزلی مزارینه دوشرم فرش زلفیمی حفظ ایلرم ئولونجه او روضه وقارینی مندن سوروشسالار که هارالیدی بو بالا ویرم نشان حجازده یثرب دیارینی هر اوچ یاشیندا قیز یولی دوشسه خرابه دن آلّام کناریمه ئوپرم گول عذارینی مین دیللّریله دل دییرم بلکه دیندیره گلزاریمین خموش مصیبت هزارینی قالام او قدر تا اجلیم درک ایده منیم ویرم حیاتیمین باشا لیل و نهارینی گر نقص شأنی اولسا جوارینده یاتماقیم قیلام من اختیار او شهرین کنارینی توپراقلار اوسته گاه اوتوراردی او خسته دل معلومیدی که غملر آلوب اختیارینی هر سمتدن علاجی کسیلمیش یتیمه تک بیزدنده گیزلدردی غم آشکارینی هر دم ووراردی بارماقیلا نقش تُوپراقا بیر آز باخوب سیلردی او نقش و نگارینی آخرده یازدی تُوپراقا بیر کلمه سیلمدی بیر آز تیکوب او کلمیه چشم خمارینی بیردن اَگیلدی یازدیقینی ئوپدی آغلادی قویدی او کلمه اوسته دل داغدارینی آهسته بعضی سوز دیدی اما ایشیتمدوخ آلدوق فقط او تنگ نفسدن شمارینی آخرده سیلدی صورتیله یازدیقی سوزی آلدی حرملرون هامی دیلدن قرارینی ایتدیم سؤال آی بالا نه یازمیسان یره چوخ سالموسان گوگل لره محنت شرارینی عرض ایتدی عمّه اکبریمین یازمیشام آدین نیلوم غم اهلی آختارار اوز غمگسارینی ایندی اَلیم یتیشموری دامان وصلینه طرح ایتمیشم آدیله گلایه شعارینی چون بولموشم که آخر عمریمدی بو گیجه عمریم قوتاردی روز و شب مستعارینی بیر اولدوزام که آخماقیما مایل اولموشام قبره چکر ئولوم بو ستاره مدارینی فکر ایلدیم که قارداشیما ایلیوم خبر بلکه گلوب گوره باجیسی احتضارینی هر نیلدیم وسیله پیامه تاپانمادیم بولدوم گِله یئری عدم اختیارینی یازدیم آدین یئره سوزومی آدینا دیدیم ایتدیم سفیر اکبره اسم کُبارینی عرض ایلیه بو عرضیمی قارداشیم اکبره قارداش آتارمی خواهر محنت دچارینی جان اوستیم یولوندا قالوب منتظر گوزوم دور بارگاه خاطره بو غصّه بارینی لطف ایله همّت ایله سنی ئولمه میش گوروم

آز زحمتیله دیلدن آزات غم فشارینی انصافیدور رقیّه ئوله گورمیه سنی حسرت مکان ایده جگر داغدارینی تئز گل بویون بلاسین آلوم آز قالور یخا خوناب دل بنای دل پایدارینی گوندردیم آه قاصدیمی کربلایه من تا شامه دعوت ایلیه غم شهریارینی عرض ایلیه که شام غریباندی شامده گل بیر منوّر ایله بو ظلمت دیارینی چوخ وار امید آتام گیجه ویرانیه گله بیر یاد بود ایلیه بیز غم قطارینی گلسه بابام خرابیه گر قویمارام گیده سالّام کمنده پای دل بُردبارینی عرض ایلرم که هر یئره گیتسن آپار منی گوزدن کناره آتما بو هجر اشگبارینی بیرده شکسته دل قیزیوی آل کناریوه ترمیم قیل بو شیشه ی دل انکسارینی دریای بی کرانه ی محنت غریقیم ای کشتی نجات اوزون دوت کنارینی ((شأنی)) بو شرح محنتی یاخشی شروع ایدوب ناقص قویوب بو نوحه ی بس شاهکارینی تعقیب ائتدی ((ذهنی)) ((سائل )) بو سوزلری سالدی ایشه او خامه ی زرّین نگارینی لطف ایت بابا بو « ذهنیه » هر ایلده حجّیله فیض زیارت حرم هشت و چارینی خاصّه بو ایل گوتورسون هامی اهل بیتی نی حجّ ایلسونله خانه ی پروردگارینی اوردان گلوب بو شامده شوریله باشلاسون پژمرده غنچه ن اوسته نوای هزارینی ** مرحوم شانی تبریزی و مرحوم حاج عبدالعظیم ذهنی زاده برچسب‌ها: عبدالعظیم ذهنی زاده

✔️ نوحه اربعین حسینی در آهنگ : یافاطمه من عقده دل وا نکردم دور اربعیندور گلمیشم کرب و بلایه آغلار گوزیله یاحسین گلدیم عزایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ باشی بلالی زینبم دلداریوم من قیرخ گوندی چوللرده سنون غمخواریوم من سس وئر بیلورسن یاحسین، بیماریوم من اوج ایلیور آه و فغانیم نُه سمایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ شاماته گئتدیم یاحسین من دست بسته گزدیم دولاندیم کوفه‌نی قلبی شکسته عشقونده امّا اولمادیم بیر لحظه خسته الان دوباره گلمیشم قانلی منایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ قارداش ئورکده غملریم طغیان ائدوبدور اصغر غمی بو قلبیمی شان شان ائدوبدور بیکس ربابین گوزیاشین القان ائدوبدور آغلار گجه گوندوز ولی ائتمز گلایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ غملی ربابین نیسکیلی دیلده قالوبدور آغلار گوزیله باشینه قاره سالوبدور اصغر عزاسی صبرینی الدن آلوبدور نفرین ائدر دیلدن اخا، اهل جفایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ سینونده اصغر گورنجه راحت یاتوبدور سو ایستمور سو فکرینی باشدان آتوبدور سو اوسته اوخلاندی بالون قانه باتوبدور آغلار سما اهلی بو غملی ماجرایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ آهو باخیشلی بیر قیزی وئردون امانت الدن گئدوب نازلی گلوم اولدوم خجالت مندن سنی زهرا حسین ائتمه شکایت دوتسون رقیَون آدینی گَللم نوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ ویرانسراده آغلیوردی ماهپاره هردم گلوردی غصَه‌دن چون آه و زاره حسرت چکوردی اکبرین گورسون دوباره چوخ دردی اولدی چاتمادی امّا دوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ عبّاس ئولندن قامتیم دوندی کمانه عمریم دونوبدور غصه‌دن فصل خزانه مظلوم حسین وای سسلرم من یانه یانه شکر آللها گلدیم دوباره کربلایه چیخ پیشوازه ، ای نور عینیم عطشان حسینیم، مظلوم حسینیم ✍ شاعر: کربلایی_حسن_طیبان #اربعین_۱۴۰۳

حضرت زینب کبری (س) در اربعین حضرت زینب کبری (س) در اربعین ای اولان شمشاد قدی قانه غلطان قارداشیم ای اولان احیاگر دینله قرآن قارداشیم شهد نابی نوش ایدن عالمده سلطان قارداشیم منده سن تک حامی و احیاگر بو مکتبم ایله ین رسوا یزیدی زینبم من زینبم ایله دون ایجاد سن دانشگه دینی او گون سن دیریدون قانیویله دین و آیینی او گون ایله دون رسوا ی عالم قوم بد کینی اوگون هر مکاندا منده سنله هم مرام و منصبم ایله ین رسوا یزیدی زینبم من زینبم قامتیمی قویمادوم دشمن گوره خم یاحسین گرچه چوخلی گورموشم من درد اعظم یاحسین قصر خضرا ده ویروب زینبده پرچم یاحسین شامین اهلی گوردی منده بیر ایشقلی کوکبم ایله ین رسوا یزیدی زینبم من زینبم کوکبم من سئولدوم اولدوم قارانلوقدا چراغ غصه امت ایدر هر رهبرین باشینی آغ یدی قارداشی ئولن اولماز منیم تک سینه داغ بیر دانیش منله بولورسن زینب خوش مشربم ایله ین رسوا یزیدی زینبم من زینبم قویمادوم تزویری ال تاپسون مرام و مسلکه حکمران شام ایستیردی سالا دینه لکه زینبی گورجک بولوب واردی بیر آیری معرکه سویلدی کیمسن دیدوم من حیدرم زین ابم ایله ین رسوا یزیدی زینبم من زینبم کوفه ده ابن زیادی ایله دوم خوار و ذلیل قان قیامیوه گتوردوم اوردا من محکم دلیل قوزادی عالی مرامیلن بیزی رب جلیل حیدرم بوردا اگر پیچیده چادر شبم ایله ین رسوا یزیدی زینبم من زینبم خطبه می آل امیه گوردولر شمشیر تک اوخ آتان عباسیمه رنگی پوزولدی پیر تک قصر خضرانی ایدوب بو زینبون نخجیر تک سئولدوم خیبر آچان تک قاتل چوخ مرحبم ایله ین رسوا یزیدی زینبم من زینبم زینب آدون شامه گتدی قاصد باد صبا دولت ظلمون ایشین گوردی فنا اهل دغا فکر باطل لر یغوشدی بیر یئره ایتسون جفا کوفه کاعینی ایدن ویرانه من شیر ربم ایله ین رسوا یزیدی زینبم من زینبم ایستدی پامال ایده قانیوی عمالِ یزید پرچم فسقی وورا هر یئرده تا آلِ یزید زینبی قصرینده گورجک بد اولوب حال یزید تخت و تاجین آلماقا چون فاتح تشنه لبم ایله ین رسوا یزیدی زینبم من زینبم ایله دوم دشمن ایوینه قارداشیم افشاگری اعتبار شیعه بولدوم هر زمان بو معجری ترک ایتموبدی باجون ایتمز دوباره سنگری دردلر ایچره اولام پابند عهد و مطلبم ایله ین رسوا یزیدی زینبم من زینبم اولمادی عاشوریده صونرا بیزه یار و کمک نیزه باشوندا گلوبسن قویمادون باجیوی تک غملی بیر هجرت ایدوبدی پایه ی اسلام برک من بو سوداده چکن چوخلی مصیبت زینبم ایله ین رسوا یزیدی زینبم من زینبم آلموشام غارت اساسین گتدوم الده پیرهن گلمیری قاسم له اکبر پیشوازیمه ندن گوشوارین گورمدی بیرده قیزون الده ئولن کنج ویرانه اولوبدی قبر او شیرین لبم ایله ین رسوا یزیدی زینبم من زینبم خاطراتیمین کتابی پاره دور شیرازه سی عمریمی یاری ایدوبدی شامین او دروازه سی کل دنیایه یتیوبدی بو غمین آوازه سی سینه آهیمدن نشاندور بیر بیله تاب و تبم ایله ین رسوا یزیدی زینبم من زینبم اولدی شاگردان ممتازون سنون یتمیش نفر کشتی یه ایمانیلن ایتدوز بو یردن سیز سفر زینبون قول باغلی ایتدی عرش و فرشی، باخبر منده بیر شاگرد ممتاز بو درس و مکتبم ایله ین رسوا یزیدی زینبم من زینبم قلبیمه بو یئر ویرور آرامش بی حد حسین بو غمین ایام اولوبدی بیزلره چون سد حسین امتحاندان اولموشام آیا قبول یا رد حسین سن تانورسان من کیمم شیرم جهاندا چون ابم ایله ین رسوا یزیدی زینبم من زینبم دولدوروب سو مشکه گتدوم سو ایچه سقا اوزی فخر ایدر تا باش چکه بو مقتله دریا اوزی آگهم کوثر دولی جا گتدی سو زهرا اوزی منده زهرا تک بو یرده صاحبه بو موکبم ایله ین رسوا یزیدی زینبم من زینبم قارداشیم اولدی بو مکتبده اوزی عالی کمال سیرتی پاکیدی بو حسن ایلدی درد و ملال من دعا گوی بو سیرت پاکه هر روز و شبم ایله ین رسوا یزیدی زینبم من زینبم ایتموسن پایین پاوی مسکن ، اکبر اوغلوا یاره سینه ن ایله دون گهواره اصغر اوغلوا آلتی آی اولدی آناسی یار و دلبر اوغلوا سئولدی هاردا قالدی قالوبدی غنچه ی شیرین لبم ایله ین رسوا یزیدی زینبم من زینبم امر ایتدون آچمویام باشدا اخا من معجری گر بو امرن خاطری یاره ایده دشمن سری امرین اجرایه یتوب مات ایله دوم بو لشکری گوردی لشکر فاطمه مثلی جهاندا اطیبم ایله ین رسوا یزیدی زینبم من زینبم ویرمیشم شاماتین اهلینه اوزوم درس حجاب قصر خضراده تمام عالمی ایتدوم خطاب ای حجابیلن اولان لار سیزلره واردی ثواب بو حجابیله جهاندا منده عالی منصبم ایله ین رسوا یزیدی زینبم من زینبم بو پیامی مقتلینده ایله دون سن آشکار باشداکی معجر ایدر هر عورتی والا تبار بد حجاب و فسق اهلی اولمویوبدی رستگار غیرتیمی گورسدوب دشمن آرا چادر شبم ایله ین رسوا یزیدی زینبم من زینبم بیر غم اولدی چو خ چتین ایتدی پریشان زینبی گلمدی خیردا قیزون ایلوبدی گریان زینبی باش اوجا ایلردی گلسیدی هم الان زینبی ادامه 👇

دامنیم زینت تاپاردی اونلا هر آنی شبم ایله ین رسوا یزیدی زینبم من زینبم اکبر و قاسم قانی سیراب ایدوب دین ریشه سون باعث اولدی تا امم عالی ایده اندیشه سون عشق معیاریله سچسون حق و باطل پیشه سون بو مرامی یایلویان منده سوار مرکبم ایله ین رسوا یزیدی زینبم من زینبم عهد ایتمیشدوم توکن بو قبرین اوسته اشک ناب خلوت ایلوم بو مکانی تا آچا م باشدان حجاب هر مزار اوسته قویام آغلار گوزیله مشک آب سسلیم ای گوز یومانلار من بلا کش زینبم ایله ین رسوا یزیدی زینبم من زینبم شامیدن کرب و بلایه گلمیشم گوز یاشیله بیر نیچه عورت اوشاقیله غمین یولداشیله یادیمه دوشدی گلن گون لر نئچه قارداشیله من دییوردوم آسمانه عشقیده تک کوکبم ایله ین رسوا یزیدی زینبم من زینبم اربعین اشعاریمی تقدیم ، زینب ایله دوم زینبی خالق بورودی عالی منصب ایله دوم (( رودکل )) کرب و بلانی نذر مطلب ایله دوم ذکر ایدوبدی بو دیلوم من عاشقِ زین ابم ایله ین رسوا یزیدی زینبم من زینبم ** محمدرضازاده رودکلی برچسب‌ها: محمدرضازاده رودکلی + نوشته شده در  چهارشنبه ۱۷ آبان ۱۴۰۲ساعت   توسط