اربعین حسینی   بوگون قرخ گوندی زینب سینه داغلار غریب قاداشینه چوللرده اغلار   بوگون قرخ گوندی باد ظلم اسوبدی عدو هم باش کسوب هم ال کسوبدی   بوگون قرخ گوندی باغ دین صولوبدی او قانلی گوزلره تپراق دولوبدی   بوگون قرخ گوندی لیلا دربه دردی رباب اوز اصغرینن بی خبردی   بوگون قرخ گوندی سرگرداندی زینب حسیندن ایرلوب نالاندی زینب   بوگون قرخ گوندی اعدا کام الوبلار ابولفضلین قولون تندن سالوبلار   بوگون قرخ گوندی زهرا ساخلیوب یاس کنار نهریده باشسیزدی عباس   بوگون قرخ گوندی قان یرده قالوبدی حسینون باشی اللرده قالوبدی   بوگون بیر گوندی گلمیش جان نوایه گلور زینب دوباره کربلایه   بو گون بیر گوندی عالم تار اولوبدی باجی قارداشینه زوار اولوبدی   گلور زینب الینده قانلی سوغات دیوردور یا حسین گی کوینگون یات   گلور زینب وصال عشقی جاندا ولی نازلی رقیه یوخ یاننیندا   گلور زینب قوناق شاه حجازه حسین اما دورانمور پیشوازه   گلور زینب توکور دامانه قان یاش دیوردور گوزلرون قربانی قارداش   گلور زینب ویرا تل اوسته پرچم اسه پرچم دوتا عباسه ماتم

اربعین . . پیمبر قبض روح اولدی منیم رنگیم سارالمشدی آنام دنیانی ترک ائتدی الیم قوینومدا قالمشدی آتام باشی اولوب منشق وجودیم غملر آلمشدی حسن مسموم اولان گونن مصیبتلر چوخالمشدی ولی هچ کس دینمزدی باجون زینب قوجالمشدی سنون درد فراقونن یورولدیم من اگیلدیم من نه بیریول لحظه ده مین یول ئولوب قارداش دیریلدیم من . . . . باجی قارداشی جان اوسته اگرگورسه ئولر قارداش مُسَلَّمدور سنیق قلبین بلا تیری بولر قارداش ولی ائل طایفه دورین آلوب اشکین سیلرقارداش هایاندا قارداش ئولسه باجیا ملت گولر قارداش بشر بو حالی درک ائتمز فقط آلله بیلر قارداش سوزوم یوخ تشنه لیگ آجلیق سنی نه حاله سالمشدی بونا یانام وجودون داشلارین آلتیندا قالمشدی . . . . مگر سن نیلمشدون بو حیاسیز لشگره قارداش یارالی پیکرون دوشموشدی چولده اللره قارداش یارا لازم دگولدی اول یارالی پیکره قارداش سنی ئولدوردیلر خنجر وراندا اکبره قارداش سنی ئولدوردیلر پیکان دگنده اصغره قارداش سن ئولدون وقتی عباسین قولی اولدی قلم قارداش نچه یول ئولدورللر بیرکسی من بیلمورم قارداش کربلایی_صمد بحری

رو بر نگردون از من یا حسین ( ع) اعفوا یا حسین ( ع )

🌾🌿🌾 #توئیت الأربعين_مقدمة_الظهور اربعین ، موسمِ بلوغِ تفکر است. لابلای سفــر، گوشه ای خلوت کن و فقــط فکر کن! نقشِ من در این لشگر چیست؟

▪️اربعین_نوحه_سی گلدی زینب اربعینه بو صفالی سرزمینه یانمیشام نار فراقه قیل نظر بو دلغمینه ای هدایت شمسی دور اولدوزلارین گلدی کوفه و شامی دولاندی قیزلارین گلدی جان حسینیم جان حسینیم من سنه قربان حسینیم دور ایاقه ای یارالی ای دوشن ائلدن ارالی دور دانیش منله حسینجان سن یارالی من یارالی دور خبر ویر سینه وین قارداش یاراسیندان من دئییم بیر بیر سنه شامین جفاسیندان جان حسینیم جان حسینیم من سنه قربان حسینیم بو صفالی قبرین اوسته بیر سوری آهو گتیردیم اوخلی پیراهن الیمده گوزلریمده سو گتوردیم تشنه لب القانه باتدون آغلارام قارداش یادیمه دوشدوقجا سینه داغلارام قارداش جان حسینیم جان حسینیم من سنه قربان حسینیم ای امیدیم دور ایاقه خوش صفا ائیله قوناقه بیر منه سس وئر برادر یانمیشام نار فراقه چکمیشم قرخ گوندی من بو قبریوه حسرت دلخوشام اولدی مزارین زینبه قسمت جان حسینیم جان حسینیم من سنه قربان حسینیم گلمشم بو قبرین اوسته بیر دویونجا آغلییام من یاره وه مرهم گتیردیم ممکن اولسا باغلییام من گر چه بیتمز بیرده قارداش اکبرین داغی هم جوان قارداشیوین، هم اصغرین داغی جان حسینیم جان حسینیم من سنه قربان حسینیم #اربعین #هوشمند #مدهوش

🎼سبک نوحه فوق👆👆 ✍بقلم کربلایی محمد هوشمند(مدهوش) 🎤#بانوای_حاج_علی_سیفی_افشار

‍ ‍ اربعین اباعبدالله الحسین(ع) زبانحال حضرت زینب (س) یاتما دور ای مه مدینه زینبم باخ بودلغمینه قانلی پیراهنون الیمده دورحسین گلدیم اربعینه گلمیشم شیونه دوگی گوینگوی اصغری وئرمنه دو گی گوینگوی حسینجانم حسینجانم من بو گلشندن آیرلاندا وادی غمدن آیرلاندا فرصتیم اولمادی یاراوی باغلیام سندن آیرلاندا بولسن گوزلریمده گوندوزگئجدی ده منه سینوین یاراسی نجه دی گورمیشم قانیوه باتاندا یارالار باش باشا چاتاندا یارالی بس نجه دوزبسن سینون اوستنده آت چاپاندا نه اولوب پیگریوه بولدیم یارالی قتلگهده ئولوب دیریلدیم یارالی دور بو آل ترابی دیندیر دور بو قلبی کبابی دیندیر گویلون آل هرکیمین آلورسان اوّل اما ربابی دیندیر آغلوری اونا دلبریندن وئر خبر اصغرین یاره حنجریندن وئرخبر قبر پاکون نه با صفادی تربتون هر درده دوادی سن یاتان یرآی یارالی زینت عرش کبریادی ولایی قبریوی گورنده وای دیر سینوین اوسته اصغره لایلای دیر ولایی تخلص عبداللهی ✍ 👇

نوای اربعین سبک :👇🙏 حسین یارالاریوا قربان دوشوبدی باشه غم هواسی قورولدی اربعین عزاسی اوجالدی شیعه نین نواسی حسین یارالاریوه قربان اسیر بالالاریوه قربان غبار غم قونوب غم اوسته گلوبدی زینب علقم اوسته یازوبلا قاره پرچم اوسته حسین یارالاریوه قربان اسیر بالالاریوه قربان چمنده یاسمن دیئردی کجاوه دن دوشن دیئردی او توپراقی ئوپن دیئردی حسین یارالاریوه قربان اسیر بالالاریوه قربان سیزیلداشیردی داغدا داشلار نوا ائدردیلر آغاشلار دیئردی نیزه لرده باشلار ربابی گوردولر ملردی عذاره گوز یاشین الردی ووراردی باشه سسلنردی چاتاندا قبر شاه دینه دولوبدی گوز ، یانوبدی سینه دیوب یانا یانا سکینه چیخوب سپهر غمده کوکب گوروبدی قان جوشور لبالب ئور کلنوب دیئردی زینب سریّه گوز یاشین آخاردی عذار قاسمه باخاردی نواسی عالمی یاخاردی روان اولوبدی غصه سیلی باتاردی برجِ غم سهیلی بو نوعی سسلنردی لیلی اولوب یزید الیندن آزاد ائدن خزان عشقی آباد یانا یانا دیئردی سجاد اسیر بالالاریوه قربان حسین آدی دوادی درده دیئر بو آدی شیعه لرده گئجه زمانی هرسحره دئنن مریض عشق اوتانما دوا گلوبدی گل یوبانما حسینی سسله غمده یانما (( مصیّبی )) دوزر فراقه کی بلکه یول سالا عراقه دیئر چاتاندا اول روضه حسین یارالاریوه قربان

ایستیورسوز تاپاسوز هر ایکی دنیاده نجات بو آدین صاحبی ویرسون سبزه اجر وحسنات اولاسوز صاحب شخصیت وعالی درجات اسمیه لبلروز ارام اولا در حال ممات گوندرون خاتم پیغمبره غرا صلوات🙏

🌸بر میم محمد و ✨جمالش صلوات 🌸بر عین علی و ✨ذوالفقارش صلوات 🌸بر دسته گل ✨شاخه طوبی زهرا 🌸قائم به محمد وكمالش صلوات 🌸اَللّهُمَّ صَلِّ عَلی مُحَمَّدٍ وَ آلِ مُحَمَّدٍ وَعَجِّلْ فَرَجَهُمْ 🌸