اهل یثرب من دیار کربلادن گلمیشم دردیمه درمان آلیب خاک شفادن گلمیشم پرچم نصر من الله یاتمیوب سینمده دی سایه سینده هیئتیم وار نینوادن گلمیشم برگ زرین شهادت یعنی عاشورا گونون ثبت تاریخ ایلیوب قانلی منادن گلمیشم افتخاریمدور مدال اعتلای نهضتی آلمیشام فرمانده کل قوادن گلمیشم درس آلیب حیدر آتامدان غیرت و ایثاری من سالمیشام ظالملری تخت طلادن گلمیشم گؤرموشم هم شامده هم کوفه ویرانیده جور و طغیان مردم ظاهر نمادن گلمیشم قوی دیوم من واقعات تلخ یوم الحزندن آشکار اولسون سیزه ماتمسرادن گلمیشم من دیوم سیز آغلیون زینب چکن محنتلره هر مکاندا وار عزاخانه م عزادن گلمیشم من گئدنده قارداشیم ٬ اوغلوم منه یولداشیدی ایندی اما یوخ خبر بیر آشنادن گلمیشم من گئدنده اکبریم وئردی اذان دوشدوم یولا بی نصیب اولدوم نوای دلگشادن گلمیشم من گئدنده قارداشیم ناقه سوار ائتدی منی دلخوشیدیم بو شعفلی ماجرادن گلمیشم حیف گئتدی عز و جاهیم شمره اولدوم دستگیر شاکی ام بو سرگذشت نا روادن گلمیشم من گئدنده بنذیوردی زلفلریم زلف شبه بیر گون عرضینده آغاردی ابتلادن گلمیشم آیریلانمازدیم حسیندن آیری سالدی روزگار جسمدن روحیم گئدوب دارالفنادن گلمیشم دهرده ام المصائب آدلانان زینب منم آلمیشام بو رتبه نی خیرالورادن گلمیشم صبح عاشورا علمدار حسین ٬ عباسیدی حامل اولدوم پرچمه وقت مسادن گلمیشم ملجأ اهل حرمدن کسدیلر امیدیمی ال اوزولدی دامن مشکل گشادن گلمیشم من باخوردوم تلدن قارداشیمون سوداسینه چکمدی ال شمر دون پرور جفادن گلمیشم خنجرین تا حنجره قویدی ملکلر آغلادی کسدی بی وجدان حسین باشین قفادن گلمیشم ای وطن یولداشلاری ٬ قارداشلاریم الدن گئدیب یعنی زینب ال أوزوب هر بیر صفادن گلمیشم عصر عاشورا که غارت حکمون امضا ائتدیلر گئچمیشم گوشواره و زیب و طلادن گلمیشم یورقونام اما باشیمدان شمره معجر وئرمدیم چوخ جفا گؤردوم سنان بی حیادن گلمیشم کوفه ده قارداشیمون باشین گؤرنده نیزه ده یارمیشام باش منده سودای جدادن گلمیشم بیر امانت تاپشیروب ویرانه شاماتیده شام محنت قورموشام ویرانسرادن گلمیشم سیز دیون ام البنینه چوخ پریشان اولماسین وار سلامیم محضر صاحب لوادن گلمیشم اوغلونون پرچم دوتان قوللاری دوشدی تپراقا ساخلاسین عبداللهی الله بلادن گلمیشم

جمعه تون دلپذیر🍃🌸 ســـــلامے ب همراه شاخه گــل تقدیمتون ظهر آدینه زیباتــــون بارشے از مهر وزیباایی

#عزیزم‌حسین‌علیه‌السلام * [༺ حـدیث روزانــه ༻]* 🌸 #پیامبراکرم *(إذا ماتن المؤمن انقطعَ عَمَلَهُ الّا مِنْ ثلاثٍ صدق يَدْعُوالَهُ)* 🌸 هنگامی که مؤمن بمیرد عمل و کارش قطع میشود مگر از سه چیز: -صدقه جاريه🌴(کارخیر مستمر ) -یا علمی که از آن سودی برده شود👨‍🔬 -یا فرزند صالحی که برای او دعا و استغفار کند👼

احوالات ورود به مدینه ای دل وطنه مکه مسافر لری گلدی اهل حرمون باشدا قرا معجری گلدی صدّیقه ی کبری دیدی ای شهر مدینه زهرا قیزینون صورته اشک تری گلدی سن ائتمه قبول عترت یاسین پوزولوبدور سانما سنه آزاده لرون رهبری گلدی دستور ویروب زین العبا خیمه قورولسون فوراً قاباقا نوکر و فرمانبری گلدی خیمه قورولوب زینب علیا دیدی نوحه معناده غمه فاطمه ی اطهری گلدی امر ائتدی بشیره آقا گئت شهره خبر ویر خیر البشرون عترت غم پروری گلدی امرین ایدوب اجرا اَله قاره علم آلدی تئز اولدی حسین وای دیلینون ازبری گلدی سسلندی بیلون قتل الحسین اهل مدینه دل کرب معلّاده قالوب دلبری گلدی قاره گیونون قاره چکون یکسره شهره چون ئولدی حسین نائب پیغمبری گلدی قیزلار کی ایگرمی بش اولاردی سایی گئتدی یوللاردا چوخی ئولدی بورا کمتری گلدی زهرا قیزینون قامتی غمدن بوکولوبدور آق زلفیله بطحایه وفا مظهری گلدی اوغلانلاری اللرده اولوب امّ بنینون نه فضلی نه عبّاسی نه ده جعفری گلدی پیشوازه چیخون تازه گلین لر قالا ایوده یوخ گوشیده گوشواره حسین دختری گلدی تأخیره سالا طویلارینی تازه جوانلار چون اکبروزون شهره غم دیگری گلدی گلسون آنالار صود امری قالسون ایوینده شه بانوی دینون دیمیون اصغری گلدی اللرده ئولوبدور صود امر اوغلی ربابون ترپدمگه خالی بشیگین مادری گلدی وقتی کی بشیر کوی بنی هاشمه چاتدی صغرا ایله فکر ائتدی گئدن ائللری گلدی عرض ائتدی الیمدن یاپوش ای جدّه گئدیم من شهرین ایله بیل ماه ملک منظری گلدی فرمایش ایله فاطمه اولسون گوزون آیدین گئتمیشدی جوانان وطن مفخری گلدی منلن گئدک آچ اکبریمون باغلی اطاقین صغرانون ایوه دلبر و مه پیکری گلدی روشن ایلیوم شمع و چراغین اوز الیملن گلزار وفانون گل نیلوفری گلدی سویلردیم علی جان طویوا آرزیلاریم وار وار شکریم حقه سوزلریمه مشتری گلدی دعوت ائدروک تازه جوانلار طویا گلسون الده گوررم تای توشونون عنبری گلدی صغرا نئجه کی چادره محنتله یتیشدی بیر عورت او گون الده قرا معجری گلدی سالدی باشینا بیلدی علی اکبر ئولوبدور گوز یاشلی دیله اکبرون اول خواهری گلدی گل جدّه ایویم گور نئجه یثربده یخلدی قارداشیم ئولوب اوستومه غم لشکری گلدی غش ائتدی دوشوب تپراقا محبوبه ی اکبر یاندی حالینا جدّه ی نوحه گری گلدی نصف شبیدی اشک ترین توکدی (( معزی )) فریاده بو شعرینده حسین نوکری گلدی ** ✍حاج یوسف معزی اردبیلی

عرض حال حضرت فاطمه (س) به پدر بزرگوارش (رحلت پیامبر) تنگ اولدی منیم آغلار گوزیمه سنسیز بو هامی دنیا بابا جان نه نوع دوزوب هجرونده سنون قان آغلاماسین زهرا بابا جان **** بیر عمر منه هر چند بابا درد و محن و غم همدمیدی آج قالماقیما من یانمازیدیم سن عالمیدون نه عالمیدی چون سن واریدون غم بولمزیدیم قلبیم خوشیدی دل خرّمیدی نه نوع دوزوم قان آغلامیوم ممکن اولی بو آیا بابا جان بوندان صورا کیم سن کیمی منیم دیلدن آلاجاق درد دلیمی کیم زایل ائدر سانسیز غمیمی حل ایلیاجاق کیم مشکلیمی ایتموم نئجه من سنسیز باباجان زندان بلا اوز منزلیمی کیم فاطمه نون دردینه یتر احوالین اولور جویا بابا جان حقیم بودی بو نعش اوسته یانام تا وار نفسیم فریاد ایلیم زلفیمی آچام باشیمه وورام افغانه گلم من داد ایلیم خون دلیمی اشکیمله قاتام اوز چشمیمه بیر امداد ایلیم بی سرّ دگل قان آغلاماقیم بو ناله دگل بی جا بابا جان سنسیز بابا جان هر دمده منه هر آنیده مین غوغا یتیشور دنیاده بو غم تقسیم اولونا هر بیر کسه بیر دنیا یتیشور راضی دگولم قالماقیما من از بس ستم اعدا یتیشور قویمور قوروسون دشمن کفنون شرم ایلموری اعدا بابا جان چوخداندی بابا ئولموشدی آنام بیر مدّته دین گلمزدی یوزوم فریاد و فغان همراهیمیدی هر شام و سحر آغلاردی گوزوم بیر عمریده من سنله خوشیدیم سنسیز دایانوم نه قسم دوزم واردور یری بو دنیانی دوتا گوز یاشیم اولا دریا بابا جان یاد اولدی گینه میدان وفا صحرای غم و اندوه و بلا دوشموش یارالی گل پیکریله قان دجله سنه شاه شهدا قول باغلو تاپوب بی کس آتانون باشسیز بدنین بیر خیردا بالا سسلردی اویان دور بیر یوخودان قالدیم نئجه گور تنها بابا جان ** مرحوم صافی تبریزی

مـــدح حـــضرت فـــاطمه زهــــرا(س) مجلسون بزم دل آرادی خانم یازهرا باطنا جنت اعلادی خانم یازهرا واژه یوخدور سنی تعریف السون اهل سخن شعرا واله وشیدادی خانم یازهرا قله وصلیوه حاشا چاتا عنقای خیال جایگاهون اله والادی خانم یازهرا لیلة القدر خداسن ئوزون ای جان جهان تار زلفون شب احیادی خانم یازهرا نازیوی چکدی پیمبر الیوی اوپدی سنون دائما ذکری فداها دی خانم یازهرا اعتراض ایلدی چون عایشه داها بویوروب فاطمه ام ابیهادی خانم یازهرا اسم پاکون یازلا هر علمون اوسته اگر پرده کعبه دن اولادی خانم یازهرا درگهوندن چکوب ال گتمرم آیری قاپیا بوقاپی درگه والادی خانم یازهرا منیده تاپشور حسینه دم محشرده ئوزون حاجتیم اوندا بیر امضادی خانم یازهرا #حضرت_زهرا_سلام_الله_علیها

قلبیلر احساسه گلوب هامی قاره گینوب ماتم زهرایه گلوب آی خانمین قره سین گینلر   شام غریباندی فاطمیه یتیشوب قلبیلر احساسه گلوب هامی قاره گینوب ماتم زهرایه گلوب دم درده دایانار ئولسه هراوغلون ننه سی گوررسن ننه نین یاسندا بالا دایانار قاپنین آغزندا دم درده دایانار ئولسه هراوغلون ننه سی مطمئنم که ابوالفضل ئوزیده یاسه گلوب آی گویون اولدوزلاری زهرا آدامسیز دفن اولور زهرانی آپاریر قبر ایوینه هامیز گوروبسوز بیر دودماندان ننه نین جنازه سی چخاندا ننه سی ئولنلر بونی یاخشی بوللر بیر دودماندان ننه نین جنازه سی چخاندا اگر ایوده بالاجا قیز اوشاقی اولسا دوشر تابوتین دالینا علی دیور گوردوم زینب قولارین داراخلادی قاپیا ننه هارا گدیرسن آی ننه ننه بئله باشیوا دولانیم آی ننه آی گویون اولدوزلاری زهرا آدامسیز دفن اولور سیز اولون شاهد گل طاها آدامسیز دفن اولور آی قرایلر بقیع غم فضادن دویمیون آی ،آی اولدوز پیکر شب دن قرانی سویمیون قبری گیزلیندی گلون زهرانی تنها قویمیون اله ایلدی یوزون قویدی زهرانین قبرینه مولا علی گئجه نون عالمی اونچه نفر ده کی مولانین دوره سینده واریدیلار اولاردا گتدیلر اله یانانا آغلادی زهرانین قبرینین اوستونده ئولدی زهرا آی فلک آلدین باشمدان بیر تاجی شهد ناب عمرمی بوغصه دن ایتدون آجی ایندی چولده بیر منم بیرده بوقارداشسیز باجی قویدون آغلار ماتموندن باغری قان بویالقیزی کاش ئولیدیم منده سنن ای حیانین اولدوزی قبریمیز بیر جوت اولاردی بیز عمو اوغلی عم قیزی

دل یوخ سوزون دیسون گوروموش لبلرین علی ایستور اشاره ایله ایده مطلبین ادا (امام دیورگوردوم بوبالاجا بالا الرین قویور آغزنایعنی ننه یانیرام بالیا بیر باهم لایلای چالاخ علی لایلای بالام لایلای) رخسارینه ایتدیم بالامین گوز یاشی جاری بونحویله دل دوداقی ایسلانا باری (داسوکی یوخومدی بالامی سیراب الیم بالانی دوتدی گوزلرینین قاباقنابلکه گوز یاشی بالانی سیراب اله دی ) رخسارینه ایتدیم بالامین گوز یاشی جاری بونحویله دل دوداقی ایسلانا باری سواولمادی بالامین حالینه یاندیم مجبور اولوب من دیلیمی آغزنا سالدیم ایندی بولرسن رباب نه حاله قالوبدی دردو غم اوتوندا گینه قلبیم آلشبدی احساس الدیم کی دیلیمه اوت یاپشبدی علی لایلای بالام لایلای پروانه تک دورور دولانیر باشینه دییر شمع بزم عیشیم آزالسین هردن یوزون دوتور گویه عرض ایلیور خدا(یاندی بالام) قوریوب سینم سویا یوخ گمان بالام آغلاما گلوم آغلاما بو قدر کباب ایلمه آنان بالام آغلاما گلوم آغلاما 👇

سنه گجه گوندوز آغلارام اوغلوم یوخوما گلسن یاراوی باغلارام واغلوم وای بوغازی یارالی سود امر آنادان آرالی سود امر یارالی بالام وای سینه می عزیزیم داغلامارام گل الیوی بیرده علی جان باغلامارام علی جان وای بشیگیوی هی ترپدرم گجه لری سنسیز ملرم یارالی بالام وای دیل آشمادون حیف قانووه باتدون منی قوجاتدون گوزلیم سینمی آتدون وای یوخوما گل توغلوم دانیشاخ منیله کوسوبسن دانیشاخ یارالی بالام وای ✨اَللّهُمَّ عَجِّل لِوَلیِّکَ الفَرَج✨ 👇