لای لای ای سینَمین آرامی لب عطشان بالا لای لای #زبانحال جناب رباب سلام الله علیهابه علی اصغرعلیه السلام . #سبک_لایلای_ای_جبهه_لرین … . . ستار رزاقی تبریزی . لای لای ای سینَمین آرامی لب عطشان بالا لای لای تاپمیان دردینه بو دشتیده درمان بالا لای لای اصغریم آغلاما لای لای سینَمی داغلاما لای لای . . باغلیوب آب فراتون یولونی اهل شقاوت خیمه لرده سوسوزوندان یانوری آل رسالت اهل کین چکموری بیلمم نیه بیر ذرّه خجالت ایلیوبلر بوقدر ظلمیده ظغیان بالا لای لای قان اولا آب فراتی قویدی لب تشنه بناتی . . گتیروب دست قضا بیزلری بو دشت بلایه بیزی وادار اِلیوب صبح و مسا دادونوایه آلتی آیلیق بالا صبر ایلیه بیلمز بو جفایه چونکی ایلر اورگین درد و محن قان بالا لای لای صبر اِئله نازلی بالام یات آز منی حالیوه آغلات . . فلک ایستور سنی مندن آیرا دار فناده ایده مجنون قویا آواره بو صحرای بلاده دونده ره لیله تاره گونومی کربوبلاده قلبیمی تیر غمیله ایده شان شان بالا لای لای درد و غم سینَمی داغلور هامی احوالیه آغلور . . سو کنارینده دوشن ماهی مثالی چابالورسان شرر آهویله لرزه دل زاره سالورسان منِ بیچاره نون آرام دلون الدن آلورسان ایتمه ناله بو قَدَر صبر اله بیر آن بالای لای حسرتیله منه باخما یاندیروب قلبیمی یاخما . . نه سو وار خیمده نه سینه ده صود ای گوزلیم یات رحم قیل بو پوزولان حالتیوه آز منی آغلات صبر اِئله باشداکی سو فکرینی باشیندن اوغول آت چون ربابی سو سوزی ایلوری گریان بالا لای لای ایتمه چوخ ناله و افغان نیلیوم یوخ سویا امکان . . آلتی آیدور منیله همدمیدون صبح و مسانی گورموشم سنله اولان گونلری چوخ عشق و صفانی چکورم ایمدی ولی حیف اولا هر درد و بلانی یوخدی نیلوم بو چتین محنته درمان بالا لای لای عالمین یوخدی وفاسی بیزلره چوخدی جفاسی . . سنون احوالیوه رزّاقی سرشگین اَلَر آغلار یاد ایدوب تشنَله لیقون شور و نوایه گلر آغلار ماتمینده دئیر ایوای علی لای لای مَلَر آغلار سسلنر سوز و گدازیله لب عطشان بالا لای لای ماتمینده سینه داغلار یانار احوالیوه آغلار

ای شاه کربلا قاپوا بنده گلمیشم ▪️🥀✨▪️🥀✨ #التجا به پیشگاه حضرت اباعبدالله الحسین علیه السلام مرحوم هادی تبریزی . ای شاه کربلا قاپوا بنده گلمیشم بوشدور الیم خجالت و شرمنده گلمیشم . بیر سائلم امید بولوب حاجت آلماقا هامی گلور سنون قاپوا منده گلمیشم . موسی کیمی بو طلعتیوی طوریده گوروب شوره اودور که وادی ایمنده گلمیشم . قلبیم اولوبدی شبهه خدنگیله زخمگین شه مات بیر وزیره اولوب لَنده گلمیشم . دلخسته گئتموشم هارا آدون ایشیتمیشم نی تک نوایه گلخن و گلشنده گلمیشم . آیا اولارکه بیر گون ایا شاه تشنه لب شوره گوروم که منده او مدفنده گلمیشم . عرض ایلیم او یرده ایا خانقاه عشق عشقون عجین اولوبدی دل و تنده گلمیشم . هجرونده من عذاره توکوب سیل اشکیمی گه نالیه مقابل دشمنده گلمیشم . گرچه باخوبدی دشمن و نا آشنا منه بی پر نوایه چون دل پرّنده گلمیشم . نهر فراته بیر یولومی ناگهان سالوب پابوسیوه دییَم که شمس درخشنده گلمیشم . گوز کاسه سینده قبریوه من سو گتورموشم چون سو یانیمدا واردی سر افکنده گلمیشم . محشر گونونده آلماقا خلّاقیدن بورا بیر امتیاز و رتبت و زیبنده گلمیشم . اَلان یارالی قارداشیوون قبرینی اوپوب تار عالم اولدی دیدۀ روشنده گلمیشم . عرض ایلیم او یرده دییَم لایلای آقا خوابه گیدوب او طفله که سینونده گلمیشم . گوردوم خیامدن گیدوری عرشه دین بیر اود علّت او دور که پی آپارام زنده گلمیشم . لطف ایله قیل شفاعت آقا حشریده منه عصیانیدن سیاهدی پرونده گلمیشم . بیرجه نولور که حشریده گورسم یارالی من ناپاک الیمدی بسته او دامنده گلمیشم . فخر اوندا کائناته سزادی ایدوب دئسَم حشره بزیر سایۀ ذوالمنده گلمیشم . «هادی» بو شعری یازدی «شفیع پور» مطلعین(1) ویردی دیوب که مدح خدا بنده گلمیشم . (1)مرحوم حاج حسن شفیع پور مداح با صفائی بود (این خانوده کلاً مداح بودند ساکن محله شتربان تبریز )

گل هرایه قاسمیوی عمو ستمیله زاغ و زغن وورور ▪️🌱▪️🌱▪️🌱 #استمداد حضرت قاسم علیه السلام #سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من … . . کربلایی رحیم شایان . گل هرایه قاسمیوی عمو ستمیله زاغ و زغن وورور ائلییپ محاصره قوم کین منی اشقیای زمن وورور یارالار دگوبدی وجودیمه باشیمین قانی قاشا باغلانوب بوتون اوخدی نیزه دی تیریدی که سینه مده باش باشا باغلانوب گل عزیز مجتبوینی گور نیجه عرصه ده داشا باغلانوب هامونون وار الده فلاخنی منی هر یارالی گورن وورور ضربات دشمن دونیدن تاپارام که فیض شهادتی باشیم اوسته گلسن اولار عمو منه جاودانه سعادتی بیلیرم که شور شهادتین منه وار بیر آیری حلاوتی منه نوشیدور بئله یاره لر اودی هر گیدن له گلن گلن وورور یتیشیبدی حد نهایته عطشیم دوداق قورویوب عمو بو بلالی دشتیده اولمادی منه بیر نفر ویره جرعه سو گیدیرم که جدّ مطهریم ویره جام کوثریدن سبو گل جسمیم اولدی ورق ورق ایاق آتدا خوار ائلین وورور آت ایاقی ایله دی پایمال ازیلیبدی جان و تنیم منیم دوگولوبدی ات کیمی قیچ قولوم داغیلیبدی پیرهنیم منیم آپاراندا خیمه لره اودی اوزانار کیچیک بدنیم منیم زرهیم ده اولمادی جسمیده وورانیم یارالی بدن وورور

چون شاه تشنه لب ایلدی عزم رزمگاه #وداع 🥀▪️🌿🥀▪️🌿 #وداع حضرت اباعبدالله الحسین علیه السلام مرحوم میرزا محمد علی شتربانی (مجمر تبریزی) . چون شاه تشنه لب ایلدی عزم رزمگاه دوتدی جهانی ناله و افغان و سوز و آه . زینب گلوب برابره آه و فغانیلن عرض ایلدی او سروره کای شاہ کم سپاه . آخر ترحّم ایله من زار و مضطره بوحال زاریمه ایله بیر لطفیله نگاه . یکسر باتوبلا قانه جوانان هاشمی یوخ بیر نفر بو چولده بیزه یار و دادخواه . سن قالموسان بوچولده بیزِ بینوالره یار و معین و دادرس و یاور و پناه . بولّم اگر قدم قویاسان رزمگاهه سن رحم ایلمزله حالیوه بو قوم دین تباه . ظلم و جفا و کینیله بو آق محاسینون الوان ایدَلّه قانیله بو چولده بیگناه . شمر شریر تشنه لب آخر کسر باشون باشسیز اولور ، بو گل بدنون زیب قتلگاه . اول دمده عیش و عشرتیله رزمگاهدن بو قوم بیخیال ایدر عزم خیمه گاه . باغلالّا قول قولا هامی بو اهلبیتوی بی سایبان و چادر و هم با دل پر آه . با ذلّت و بلا و غم و محنت و تعب شامه چکر قطاریمی بو قوم روسیاه . «مجمر» تمامه یتمز حسینون مصیبتی یازسان اگر همیشه شب و روز و سال و ماه

مرد مردانه گورون جنگ ایدر عباس علی 🍂🍂▪️🍂🍂▪️🍂🍂 #آب آوردن حضرت ابوالفضل علیه السلام درشب عاشورا مرحوم شایق اردبیلی . مرد مردانه گورون جنگ ایدر عباس علی چون نهنگ آب فراته گیدر عباس علی . . هیبتی لشکر کفّاری هراسان ایلر صولتی فرقه ی اشراری پریشان ایلر شوکتی لشکرعدوانی گریزان ایلر خرمن عمرلره اود توکر عبّاس علی . . گوردی چون آل علی شیونی حدّن اوتورور العطش ناله سینی دمبدم عرشه یتورور دیدی صبر ایله سکینه سنه یا سو گتورور یا بو گون جام شهادت ایچرعباس علی . . آلدی رخصت شه لب تشنه دن اول کان وفا سویلدی لایق فرمان دگلم من مولا منی اول گون آنام اکبریوه ویردی فدا راه جانانیده جاندان گیچرعبّاس علی . . صفلری برهم ایدوب چکدی فرات اوسته عنان سویلدی سو گوتورون خوف ایلمون ای یاران یوخدی باکیم قویا یوز گر بو فراته عدوان ووراجاق خرمن کفره شرر عباس علی . . ایتدیلر اوزلرین اصحاب شه دین سیرآب ایتدیلر مشک لرین آب فراتیله پرآب قویدی یوز خیمه لره کسدی یولون قوم کلاب ایلدی حمله چکوب نعره لرعباس علی . . گردش سمّ سمندیندن اولونوب محشرعیان گرد میدان نبردیندن اولوب ماه نهان رخ خورشیده او دعوادن اوتوروبدور قان سسلدی زال زمان الحذرعباس علی . . لشگر کوفه و شام ایلدیلر سعی تمام ضرب تیغیله اولاردان ایلیوب سلب دوام نجه روباه ایدر، شیر قبالینده قیام ایلدی دسته لری دربدرعباس علی . . دردمیز چوخدی گلون اول شهه برنامه یازاخ خون الوان شهادتله دولان چامه یازاخ یعنی سقّا جگری تشنه و ناکامه یازاخ شیعه لر دادیمیزه تئز یترعباس علی . . «شایقی» دهریده خوار ایلینی خوار اولسون تیغ قهرشه مردانه گرفتار اولسون یازگلن آل علی مدحین الین وار اولسون اود وورار دشمنیوه ال چکر عباس علی .

ای غصّه لی قیزلاریمه سقّا بالام ئولدی ▪️🌱▪️▪️🌱▪️▪️ #شهادت حضرت علی اصغر علیه السلام زبانحال امام علیه السلام خطاب به حضرت ابوالفضل علیه السلام محسن محمدی هشترودی . ای غصّه لی قیزلاریمه سقّا بالام ئولدی اوخ بولدی سوسوز حلقینی زیبا بالام ئولدی . . نهرین طرفیندن گوزل انسان منه سس ویر قلبیم داریخوبدور سنه قربان منه سس ویر یوخ بیر نفریم باغریم اولوب قان منه سس ویر آغلار گزورم غملری دریا بالام ئولدی . . ظاهرده بالام گلدی بو گون ناله و داده باطنده ولی رتبه آلوب چاتدی مراده گوردوم ننه می عالم معناده مناده سسلندیم ئورکدن آنا زهرا بالام ئولدی . . ای سرو صفا قدّیوه خوللاریوه قربان گل گور منی میدانیده یوللاریوه قربان آل سینوه قربانیمی قوللاریمی قربان قال فکریمه قویما منی تنها بالام ئولدی . . گل غصّه لیم قال منیلن ایندی بیر آز گیت گل قبر موقّت قوزی قربانیمه قاز گیت گل دفتریمون آخرینه آدینی یاز گیت گل دفتر قربانیمی باغلا بالام ئولدی . . سپدیم بیر اووج قانینی میداندا سمایه مظلوم قانی زینت ویره عرش خدایه الله درجه ایتدی عطا تشنه فدایه مأواسی اولار جنّت الاعلا بالام ئولدی . . اوخ ویردی اوزولمش بوغازا حرمله باخدی قارداش گل آویز کیمی باش دالی آخدی میدانیده آغ دوشلوگینه قانینی یاخدی احوالینه گل ایله تماشا بالام ئولدی . . گوزلر یولینی خیمده بیچاره آناسی بیلمور بویانوب قانینه سو اوسته بالاسی بیلمور واریدی حلق لطیفینده یاراسی بیلمور هله بو ماه دل آرا بالام ئولدی

حسین جان امّت اسلامه سن تک شهریار اولماز #حسینیه 🌾🔸▪️🌾🔸▪️ #شهادت امام حسین علیه والسلام و آمدن قابض الارواح علومی تبریزی . حسین جان امّت اسلامه سن تک شهریار اولماز سنه قربان سنه هر کیم رعیت اولسا خوار اولماز . . او مولاسن که وار چشم امیدی عالمین سنده او سلطانسان که سلطانلار اولار درگاهیوه بنده او شهسن قویماسان اولسون عزادارون سر افکنده سنون تک سیّدی بیر بنده پرور شهریار اولماز . . گچور مین اوچ یوز ایلدن چوخدی تاریخ شهادتدن عزا ساخلار سنه هر ایل وفا اهلی محبتدن یازیلسا مین کتابت سنده کی شأن جلالتدن یتیشمز باشه هرگز کثرت وصفون شمار اولماز . . مقدّس بیر مرام اوسته دایاندون تشنه جان ویردون یزیده اگمه دون باش رسم و اسلامی نشان ویردون حقیقی جنبشیله کاخ ظلمه بیر تکان ویردون دیدون عالمده ظالم کامه یتمز کامکار اولماز . . او گون گلزار اسلام آز قالوردی تار و مار اولسون قیام ایتدون حسین جان قویمادون اسلامی خوار اولسون مسلماندا دیدون لازمدی بیر ناموس عار اولسون که ظالم قوم ده ناموس و غیرت، شرم و عار اولماز . . او گون هر واجبات و مستحباته قیام ایتدون دایاندون صحنۀ طاعتده عالی اهتمام ایتدون نه طاعت بیر گونون نصفینده اعمالی تمام ایتدون حقیقت جدّیوه سندن گوزل بیر افتخار اولماز . . ایدنده موعظه کفّاره عالم بیقرار اولدی جوابین اشقیادن بیر خدنگ آبدار اولدی دگلدی بی بها قانین که توپراقه نثار اولدی بنای دین اولوب سیراب هرگز تار و مار اولماز . . یازولّا کربلایه حرمله اول دشمن یزدان گتورموشدی اوچ اوخ هر تک تکی بیر خنجر برّان جبینِ پاکِ سقّایه بیرین ویردی او بی ایمان بیرینده اصغره گوندردی بو ظلمه قرار اولماز . . او قلبی که اونا عالمده عالم قلبی بسته ایدی او گون گورموشدی بی حد محنت و آزار خسته ایدی اوغول داغی چکیلمشدی همان قلبه شکسته ایدی دیدی مرهم مگر بو قلبه تیر آبدار اولماز . . قالوردی بیر عبادت آخدى قانین دستماز اولدی یخلدون توپراقا گوردون که هنگام نماز اولدی نمازیندن سنون اهل عبادت سرفراز اولدی ایله بیر موقعیت بیر وجوده برقرار اولماز . . نمازه باشلادون سن اقتدایه مصطفا گلدی مرتّب اولدی صفلر لرزیه عرش خدا گلدی قویاندا سجدیه باش قهرمان کربلا گلدی سنه زینبدن اوزگه بیر معین و غمگسار اولماز . . سنی گوردی سالوب دلدن عراق اهلی حجاز اوسته اوزون محو جمال یارسن راز و نیاز اوسته گُنه کار امّتی یاد ایلوسن بیر بیر نماز اوسته گوروب بو حالی هانسی بیر باجی بی اختیار اولماز . . یتیشدی قابض الارواحه فرمان حیّ رحمتدن حسینی قبض روح ایله قوتار دنیاده زحمتدن حبیبم دور حسین فوج ملائک دوشدی طاقتدن حسینم تک محبّت عالمینده جان نثار اولماز . . قالوب حیران ملک عرض ایلدی کای خالق رحمان حسینون من نجه روح شریفون قبض ایدوم الآن که یوخ بیر عضو سالم قبض روحه قالموشام حیران گل خندانه بنذر بیله جسم زخمدار اولماز . . بیوردی گُل دوداغندان دیدی قان دولدوروب الله دیدی باخ قلبینه عرض ایلدی دشمن ویروب الله بیوردی حنجریندن عرض ایدوب قاتل دوروب الله باخور زینب الى قوینوندا قارداشدان کنار اولماز . . دوباره قابض الأرواحه سس گلدی همان ساعت حسینی قبض روح ائتماخلقا چون سنده یوخ قدرت حبیبی رسمدور هر غصّه دن محبوب ایدر راحت اؤزوم اولام مباشر رنج عالم پایدار اولماز . . علومی آز بیان ایت بوتمام اولماز مصیبتدی یتیشمز آخره بو غم دایان بسدی کفایتدی بو سوزلر روز محشرده سنه فیض شفاعتدى خدایه آند اولا بوندان گوزل بیر یادگار اولماز

رحم ایله بیزه یتیموخ آچما ال جفایه حارث 🌿🌿▪️🌿🌿▪️ #زبانحال طفلان حضرت مسلم علیه السلام . محسن محمدی هشترودی ( ناطقی ) . رحم ایله بیزه یتیموخ آچما ال جفایه حارث وار گناه میز باغیشلا شاه کربلایه حارث . . میزبان سن قوناقوخ بس گتورمه آه و زاره احترام ایله ایوینده سالما دمبدم فشاره حشرده جزا مسلّم واردی اولما بخت قاره ویرما سیلی اولما ظالم دوشمشوخ بلایه حارث . . بس نه علّته ویرورسان سیلی بی دفاع ئوزومدن آند اولا امام عصره پارلور اوت دولان گوزوندن غربت ایوده آشنا یوخ سالما بی کسوخ دوزومدن قارداشیم منه باخاندا دوندی کهربایه حارث . . ختم الانبیا دئیوبدور حرمت ایلیون قوناقدان گزمیشوخ چولی پیاده دوشموشوخ گیجه ایاقدان ویرمسن امان ویرما گلمشوخ بورا اوزاقدان باخگلان قابار ایاقدان بس آخان دمایه حارث . . یوخ پناه میز گتوردی سالدی بس قضا کمنده ویرما خستیوخ امان ویر قالمیوب توان بدنده مست سن فنا جهاندا ویرماقون ایله بسنده حشرده ندور جوابون خلق ایدن خدایه حارث . . سنده بو قصاص قالماز آند اولا آنام بتوله واژگون اولوبدور بختون یتمه سن اینان وصوله نفسوی ملامت ایله مست اولما گل عقوله دوزدی قاچ مشوخ خطردن ایلمه کنایه حارث . . بی مروت اولما رحم ایت سالما اوت جهانه ویرما اشک چشم میز عذاره قورخودان روانه ویرما شل اولا الون دمادم ایلیوب بهانه ویرما ساخلا ال بو ویرماقوندن گلمه اشتهایه حارث . . قل کیمی بیزی آپار سات ویرمه فرصتی فنایه سالماروخ که خلق ایچینده قول و فعلی سر صدایه خدمتون قالار ذخیره دستیار اولار بقایه ایتمروخ حضور حقده حشرده گلایه حارث . . مسلم ابن عقیل آتامیز کوفه ایچره قانه باتدی شربت شهادت ایچدی فخرله مرامه چاتدی امتیاز آلیبدور حقدن یوخلیانلاری اویاتدی جانمیز فدا مسلّم بیر بیله فدایه حارث . . مطلقاً بونی بلورسن نفع یوخدی بس خطاده ری هواسنه امامی ئولدوروبله کربلاده بیر نیچه گونی یارالی پیکری قالوب آراده خلق ایدندی قانه صاحب آند اولا خدایه حارث . . الغرض نمازه یاران آلدیلار او دم اجازه نهردن گوتوردیلر سو اللرینده دستمازه عازم اولدولار حضور یاره دور دولار نمازه باخدی گوردی آچدیلار ال صدقله دعایه حارث . . “ ناطقا “ ئورک مرامین عرض ایدوبله کردگاره یازما مطلبی نه اولدی قلبلر چکر شراره عارفه کفایت ایلر هر مکانیده اشاره رحم ایتمدی همانا بو ایکی بالایه حارث .

اویان ترک ایله بو گودالی قارداش ▪️▪️▪️✨▪️▪️▪️✨ #کوچ از کربلا جوشی زنجیر ثابت اردبیلی . . اویان ترک ایله بو گودالی قارداش اسیر ایلر عدو اطفالی قارداش . . بنی هاشم ائوین قویما خرابه صدا وئر زینب قلبی کبابه بدنده گلموری یاره ن حسابه بویانمش قانه خطّ و خالی قارداش . . خیامه باغلانوبدور رهگذارون سارالدی کربلاده گل عذارون حسینیم قالمیوبدور انتظارون نه طور اولدی حرملر حالی قارداش . . حسین ئولسه گلستان باغبانی کم ایلر آنی عمری بلبلانی سالوب چولدن چوله آل عبانی اولان سرّ خدادن حالی قارداش . . علی دن درس علمی آلدی زینب جلالی گیتدی حیران قالدى زینب بلالی باشه قاره سالدی زینب نجه درگاهی گورّم خالی قارداش . . حسین زینب باجون اولدی بلاکش ورولسون درگه اعلایه آتش چوخور یرده ایدوبسن تشنه لب غش گوروم سن تک نجه بی حالی قارداش . . جلال و جاهیده ذرّه گوزوم یوخ باشون ذبح اولماقا قارداش سوزم یوخ حجازه گیتمگه نیلوم یوزوم یوخ اولان یحیی باشی تمثالی قارداش . . حسین زهرا قیزی مقتلده آغلار بو اوخلی نعشیوی جان تک قوجاقلار منی یاندیردی بو عطشان دوداقلار سالوب حالدان حالا اطفالی قارداش . . دخیلِ حضرت زینبدی ثابت اولوب گوشه نشین دنیاده ساکت منی ائتمز حسینون عشقی راکت بو قانون دولدوروب گودالی قارداش

ای جماعت چرخ حُسنین بیر مه تابانیم من ▪️🌿▪️🌿▪️🌿 #رجز شاهزاده حضرت علی اکبر علیه السلام مرحوم صحاف تبریزی . ای جماعت چرخ حُسنین بیر مه تابانیم من دین اسلامین بو چولده تشنه لب قربانیم من مظهر ختم رسالت وارثِ شاهِ ولایت . . اشتباهه دوشمیون من نه رسول عالمینم نه شهنشاه ولایت فاتح بدر و حُنینم سِبط طاها ماهِ یلدا من علی بن الحسینم جان زهرانون جماعت بیر عزیز جانییَم من . . سالمسوز امرین حسینون بسکه بو صحراده تنگه جدّی پیغمبر شبیهین گوندروب میدان جنگه دل خوشام اولسا نشانه پیکریم تیغ و خدنگه یانماقا شمع وصال حقّه چون پروانییَم من . . ایستدی آل امیّه ولوله آفاقه سالسون غزوۀ بدر انتقامین آل پیغمبردن آلسون تا بِلامانع یزیدین سلطنت نسلینده قالسون من بو امری پوزماقون پیمانینین پیمانییَم من . . وار نقدری باش بدنده تیغ الیمده قولدا قوّت اولمارام هرگز رضا من ای گروه پست فطرت بیر زناکار عورت اوغلی ایتسون اسلامی حکومت بو مرام اوسته حقیقت قانینون غلطانییَم من . . اولماسیدی باشدا فکر حفظ استقلال اسلام بو شهنشاه مدینه نهضته ایتمزدی اقدام باخبرسوز مقصدیمدن ای سپاه کوفه و شام بو مقدّس بیر مرامین تشنه لب قربانییم من . . آند اولا اللهه سیزدن یوخدی دلده باکیم اصلا لشگرین بو کثرتیندن ایتمرم بیر ذرّه پروا ارث دور بیزده شجاعت هر فنون جنگه دارا کُلّ ابطال جهانون فارسِ میدانییم من . . گر بو صحراده وجودیم اولسا غرق لجّۀ خون لیک تصمیم و ارادم اولماز عالمده دگرگون حقّى وار لیلانون امّا فرقتمده اولسا مجنون چون او محنت دیده نون بیر ماهوش جانانییَم من . . جسمیمی گر قطعه قطعه دوغراسا شمشیر و خنجر گون قباقینده قوم اوسته جان ویرم صدپاره پیکر شاه عشقه باشدا خوشدور لخته قاندان اولسا افسر تاجدار هل أتانون وارث ذى شأنییَم من . . بو کفن که قامتیمده وار منیم ای قوم عدوان عین خوشبختم بو چولده قانمیله اولسون الوان ایتسون اثبات حقیقت پاره جسمیمدن آخان قان دفتر عشقون مُذَهّب باشدا کی عنوانییم من . . خدمت دینه نه تک بیر منده وار محکم اراده ایلیوب بو حکمی امضا قانیله بیر خانواده نسل شاهنشهدن اوّل من قدم قویدوم جهاده بو قتیل کوی عشقون طاقت و امکانییَم من . . ایلرم تا جاندا جان وار دینمه صدقیله خدمت ایتمرم هرگز یزید کافر و بی دینه بیعت قویمارام قالسون جهاندا بو اساس شرک و بدعت حافظ دینین ضیاء دیدۀ گریانییم من . . دوندی بو چولده خزانه ظلم الیله نوبهاریم ویرماقا جانان یولوندا تشنه جان وار افتخاریم وار الیمده تا بو تیغ جان شکار و شعله باریم خرمن عمر عدونین آتش سوزانییم من . . نوبهاریله صحافه ایلسه هر کیم حسادت ایلیوب فاحش خیانت جامعه ایلر قضاوت بو ایکی عبد ذلیله ایلرم منده شفاعت عرصۀ محشرده حتّی ضامن رضوانیم من