زبانحال حضرت سیدالشهدا (ع) در بالین علی اکبر (ع) سبک : من اومدم دوا بشه دردم ای جلوهء رخسارِ پیغمبر ای نور چشم ساقی کوثر ای دلبر زهرا علی اکبر آچ گوزلریوی ای حضرت پیغمبره مظهر من گلموشم بالینوه اکبر دور بیر ایاقه ای مه انور آچ گوزلریوی آچ گوزلرون سالما منی درده ( ۳ ) یاتما بو یرده آهو باخیش لیلایه دردانه وئردیم سنی من فدیه جانانه ظلم اولماسون تا دین و قرانه قالسون شریعت ایسی قوم اوسته یاتما چوخ راحت دور بیر ایاقه قوی منه منت اسلام و قرآنه ائله نصرت قالسون شریعت آچ گوزلرون سالما منی درده ( ۳ ) یاتما بو یرده ای مه جمالی شبه پیغمبر سس وئر سسیمه ای ملک منظر قویما بو چولده من قالام مضطر ای نوجوانیم دنیا گوزومده قویما تار اولسون مین درده بو قلبیم دچار اولسون دور حق سنه بو چولده یار اولسون ای نوجوانیم آچ گوزلرون سالما منی درده ( ۳ ) یاتما بو یرده هانسی دنی آتدان سنی سالدی آرامیمی الدن منیم آلدی دور خیمه ده لیلا مَلَر قالدی ایوای یارالی کیم ائیلیوب گل پیکرون اِربا حق ائیلسون محشر گونی رسوا بو نوعیله گورسه دئیَر لیلا ایوای یارالی آچ گوزلرون سالما منی درده ( ۳ ) یاتما بو یرده کیمسه ووروب گل جسمیوه یاره ائیلوب منیم بو قلبیمی پاره الله گوروم ائتسون یوزون قاره ئولسون بالاسی بیر ظلم اولوب گل جسمیوه اکبر گویا یر اوسته پخش اولوب گوهر من تک گوروم اُول مرتد و کافر ئولسون بالاسی آچ گوزلرون سالما منی درده ( ۳ ) یاتما بو یرده ای خَلقاً و خُلقاً بابام طاها سن بول آنام صدیقهء کبری بو چولده گل قویما منی تنها دور بیر ایاقه مخیمده برپادی علی غوغا اوج ایلور عرشه صوت واویلا دور خیمه ده گوزلور سنی لیلا دور بیر ایاق آچ گوزلرون سالما منی درده ( ۳ ) یاتما بو یرده #محمدرضاصادقی‌شیدا

#احوالات_حضرت_رقیه_سلام_الله انقلاب کربلادن منده دفتر یازمیشام ادعاده ایتمورم اخباری یکسر یازمیشام غم لری آل عبانون مثل اقیانوسیدور هر نقدری یازمیشام مضمونی کمتر یازمیشام شاعرم امّا اوزومدن خیردا شاعر بیلمرم گلمرم گفتاره کی اشعاری بهتر یازمیشام عالم حرّیتون انسانلارین بی قیدو بند من حسینی سر به سر دنیایه رهبر یازمیشام روحیمیز آیریلمیور نیلوم حسیندن عاشقان کربلا تپراقینی عشّاقه کشور یازمیشام سرور احراری من ثبت ائتمیشم صرّاف عشق محضرینده عترت اطهاری گوهر یازمیشام پاک اولام بیر عمریدور کی گلمیشم دوزلاقدییام آدیمی شرم ائتمیوب دفترده نوکر یازمیشام دوتمیشام صبح و مسا دامانینی یالوارمیشام ساخلیا بو بی علاجی شاه محشر یازمیشام وورمیشام در گوندرر ایو صاحبی آخر بیرین آچماقا درگه منه بیر نازلی دختر یازمیشام آند ویّرم یاحسین روحون رقیّه جانینه قؤما عالی آستانوندن مکرّر یازمیشام گتدیلر ویران سرایه ماهرو دردانوی هر زاماندا شامیده حالین مکدّر یازمیشام عرض ائدوبدور عمّه جان بیر نامه یازدیم گوئیا یولّادیم باد صبادن باشدا اکبر یازمیشام گزمیشم صحن سرای آرزونی سر به سر گللرین آمالیمون پژمرده پرپر یازمیشام کاغذ اوسته اشکی توکدوم سالدی اکبر نعشینی محضر پور نورینه نامه مصّور یازمیشام زلفلری طولانی اولسون عمری کوتاه اولماسون قامتین طوبا کیمی روحین مطهّر یازمیشام قاشلارین شمشیری زیبا گوزلرینده نرگسه صورتین تشبیهیده بیر مهر انور یازمیشام یاحسین سسلنمیشم اولدی نفسده مشکبو سوزلریمی بیر به بیر عمّه معطّر یازمیشام عالم فکریمده باخدیم صورت عبّاسیمه نوری دوشدی گوئیا یوزدن منوّر یازمیشام خاطریم چوخ محترمدور محضرینده اکبرین صفحه ی قلبیمده آدین منده دلبر یازمیشام درس عشق پاکی ناقصدی کیمون گلسون بورا گوشه ویرانه نی عشّاقه معبر یازمیشام گورمیشم بزم یزید شومیده من نطقوی آدیوی شهزادیه نامی سخنور یازمیشام سن ئوپورسن سینه‌ی پر مهریده سیلی یرین صورتیم گوی یاپراقا مدّتدی بنذر یازمیشام باش آچوخ هر گون الیم قوینومدا آغلار قالمیشام گوندره بو باشیمه بیر قاره معجر یازمیشام وار سوزی مظلوم بابام ویرانیه گلمکده دور حاضر ائتسون اللرینده مشک و عنبر یازمیشام ائتمیشم دعوت قبول ایلر اولونموش دعوتی ذرّیه ائتسون نظاره ذرّه پرور یازمیشام چوخ دوشوبدور گوگلومه بو شامیده مظلوم بابام دیدیمه گلسون گُل زهرای اطهر یازمیشام دامنوندن اللریمی چکمرم گورسم بی بی ایسترم قالسون همان خلّاقه مظهر یازمیشام شیر خواره قارداشیمدان هاکذا یوخدور خبر لااقل رؤیاده بیر گورسنسون اصغر یازمیشام قانلی قنداقین آنام گاهی آچور گاهی بوکور گوندوزی شامه ربابون دونمش آخر یازمیشام گون دوننده سسلنور هاردا قالوبسان اصغریم بیر هما مثلی آنامدا سندی شهپر یازمیشام گون قباقینده دیور چوخ اوخشاما قارداشیمه پس گلر شامه هاچان اول غنچه ی تر یازمیشام هی دیور گَل اصغرین عطرین آلوم سندن قیزیم شامیده گوزلریولون بیچاره مادر یازمیشام تپراقون اوسته علی لیلا آنامی نوحه گر اصغرین دل داغلی سین گوز یاشلی مضطر یازمیشام گه قماطه گه باخور دیرناقلارینون ردّینه عفو ایله سوزشلی سوزلر نامه ده گر یازمیشام یاحسین فرمایش ائتسون حشریده بسدور منه ای #معزی آدیوی من خادم در یازمیشام

زبانحال حضرت رباب (س) حقلی ام من علی شیون دل آفاقه سالام کوینگون گلمدی داغلو ئورگیم اوسته آلام آی منیم سینه گلوم آی منیم ایستکلی بالام بیلمورم هاردا سنی رام ایلیوب خواب اجل کوسموسن مندن اگر عمه وون آغوشینه گل کاش بیر آغلیاسان یا ائده سن زمزمه سن قتلگهده ویره سن سس بو اسیر غمه سن آلام آغوشه دولی دوشلریمی بیر امه سن دگل انصاف علی مقصدوه چاتمیاسان دوشلریمده صود اولا سن صود اموب یاتمیاسان قاره گون اولسون علی تیر و کمان استادی او که ایجاد ایلدی اسلحه ى بیدادی زهریله ایلدی سیراب سه پر فولادی بیلمدی حرمله وار سنکیمی دیلسیز بالا وار دگسه نازک بوغازا باشی بدندن آرالار قلب اودون ائتموری خاموش منیم آغلاماقیم غصه می یا که آزالتماز بو ئورک داغلاماقیم منه چوخ نسگل اولوب اللریوی باغلاماقیم راضیم سن منی خدمت ده گلوب ساخلیاسان اختیارونده قویام سینه می دیرناقلیاسان #مرحوم استاد حاج انور اردبیلی

وداع امام حسین (ع) مرحوم حسین شأنی تبریزی . آغلا گوزوم حسینی گور آل عبادن آیریلور شاه شهید زینب بخت قرادن آیریلور . باشلیوب آل مصطفی داد و فغان و شور و شین یانمش اورکلیلر چکر قلبیدن آه آتشین وجهی بودور که حضرت خیرالانامه جانشین نایبۀ ستم کشی خیر نسادن آیریلور . حسرتیله او تشنه لب خوردا اوشاق لارا باخور ایستوری گیزلَدَه ولی اشگی دایانموری آخور آه سکینه یاندیرور قلب شریفینی یاخور بیر ایله مهربان آتا نازلی بالادن آیریلور . مجملی مطلبین بودور سوزده چوخ اولماسین صداع منده نه واردی نطق دل سنده نه حال استماع کیم بولوری نه آیریلیق کیم بولوری نجه وداع کیم بولوری که کیم نچه حور لقادن آیریلور تیکمیشیدی حسینه گوز جملۀ داغ دیده لر گوردی وداع شاهی تا محنت و غم کشیده لر یأسه دؤنوب امیدلر اشکیله دولدی دیده لر قلبه رجوع ایدن باخوب گوردی رجادن آیریلور . مانع اولوب بُیوکلره عفّت و عصمت و حیا لیک اوشاقلار آغلادی باشلادی شوریله نوا قلب امامه گور نجه ایتمز اثر بو ماجرا بیر دولی خیمه نالۀ وا ابتادن آیریلور . بعضی ائدور نوا وورور بعضیسی باشه سینیه بعضی دیور اسارتی گورمه روا سکینیه گل بیزی تازه دن بابا قیتر آپار مدینیه مهر وطن مگر دلِ اهل وفادن آیریلور . بعضی کناردن باخور بعضی گلور قوجاقینه بعضی دوتور الین اؤپور بعضی دوشور ایاقینه مشگل اولور صغیر اوشاق دوزسون آتا فراقینه هانسی بالانی گر فلک قویسا آتادن آیریلور

مصیبت حسینیه . . مرحوم دلسوز . . آتدان یره چو حیدر کرّاری یخدیلار قلب رسول قادر غفّاری یخدیلار . سالدیلا گوئیا که سلیمانی تختدن کرببلاده چونکه او سرداری یخدیلار موسانی کوه طوریدن عیسانی عرشدن باغ ارم ده احمد مختاری یخدیلار . شاه نجف نجفده نجه یاتدی نازله اوغلی حسین او بیکس و بی یاری یخدیلار ظلمیله بسکه زینب بیچاره باشینه بو نُه رواق گنبد دوّاری یخدیلار . شاه شهیدون اوندا بئلی سندی ظلمیله عباس نامدار ، علمداری یخدیلار یاتدی علم پوزولدى قوشون قوم اشقیا یالقوزلیوب او سرور سرداری یخدیلار . لیلی جنون اولوب نجه دوشمزدی چوللره آتدان گورنده اکبر بی یاری یخدیلار «دلسوز» لعنت ایله گیلن ذوالجناحدن اول فرقیه که حجّت جبّاری یخدیلار

عزت و شرافت کربلا . مرحوم غمکش . ای بلالی چول قویدولار آدون بیلمورم نه دن کربلا سنون وار یقین وارون دشت نینوا غملی محنت و پر بلا سنون لازم أولساگر قان وئرر حسین قتلگاهیده جان وئرر حسین عرشه قوزانار پرچم عزا قانلی کربلا قانلی کربلا . . . ای بلالی کربوبلا واریم باخ اؤزون نئجه یار و یاوریم بیر لوا آلوبدی اله بوگون قامت بلند اوغلوم اکبریم لازم اولساگر قان وئرر حسین … . . . چوخ چکر بو یئرده یقین واریم کربلا اگر چه بلا باشیم عالمه گلوبدی نئجه دئیوم عشقیمه گوره باخ بو قارداشیم لازم اولساگر قان وئرر حسین … . . . دین قالا بو عالمده راضیم باشیمی کسه قوم بی حیا زینبه قالار ئولسه قارداشی پرچم عزا آل مصطفی لازم اولسا گر قان وئرر حسین …

‍ روضه حضرت ابالفضل (ع) الریم اولمادی دیدیم اوزی اوستونده یره ننه ننه ننه وای اگر ام البنین بیلسه بله جریانی... گرچی اتدان یره دوشدی ولی قورتارمادی ایش آیری بیر درده دوشوب فاطمه نین مهمانی.. حلقه ی بند رکابه ایاغی بند اولدی اقام اقام اقام اقام سورونوب توپراقین اوستونده رخ رخشانی... اوقدر آل علیدن بیرینی سسلمدی دیل دوتا دوتمیا سسلندی خانم زهرانی... آتون اوستن یخلاندا چاغرب یا زهرا باشی اوستونده گوروب فاطمه زهرانی... خانمی گوردی اورکلندی بیر آز آغلادیلار سورادان عرضه ورب محنت بی پایانی دئدی گل یاخشی گلیبسن ننه قوربانون اولوم... عجبا یاد الدون سن بو بلا گردانی... سوئدوغوم تک ننه بو قومیله جنگ ائدممیشم هرندن باشدی منه چون آقامین فرمانی سن دعا ایله دوشن قول بدنه وصل اولسون... اذن ور جنگه تماشا ائله دشتستانی ننه کیمدی سعد اوغلی دونوب خیمه لره چپ باخسن آندولا حقوه نسلین کسرم من آنی... اوز گوزوم چخدی یادمنان گوزویی گوردوم آنا... گوییا وردلار بیردن باشیما دونیانی... اولمسم ده منی بو قانلی گوزون اولدورجخ... یانیام روحیمه از بس کی سالب طوفانی اوزده کی سیلی یرون دردیمی آرتیردی ننه نجه ورمیشدی سنی کوچه ده ملعونی سانی ننه اله بیر وقت ده گلبسن نه گوزوم وار نه الیم.... عاجزم نیلیه بیلم داخی بو اعدانی ننه من اشیدیم کوچه ده بیر حسنی میش بیر اوزون ساغ ال سیلی ورب سول یوز گوئردی.... یخلدی ساغ یوزی دیواره دیدی...

#اشعار_مرحوم_ذهنی_زاده #حضرت_علی_اکبر_ع #مرحوم_ذهنی ___                                                        ✍ ای جمالی صورت پیغمبره مرآت اوغول ای یوزی مصداق شرح آیۀ مشکات اوغول نخلۀ طور ایلیوب نوک جدانی طلعتون دمبدم موسای عشقه گوسترور آیات اوغول باخسا هر کیمسه تجلّای جمال پاکیوه ایلر اوز حق بولدوقی فکرینجه تأویلات اوغول بعضی باشون نیزه ده دار اوسته عیسی فرض ایدور بعضیلر آیه گونه ایلله تشبیهات اوغول صفحۀ رخسارون انجیل اهلینه انجیل دور اهل اسلام و یهوده مصحف و تورات اوغول شرک فکرین آتدی باشدان باخدی هر کس باشیوه معجز شقّ القمردن گوردی چون اثبات اوغول ابر زلفون توک یوزه قوی عالمی ظلمت دوتا گورمسین باشیم آچوقدور قوم دل ظلمات اوغول کربلادن باغلادیم احرام ایدم باشین طواف ای محبّت کعبه سی وی قبلۀ حاجات اوغول نقطۀ عشقون دوتوب از بس دولاندیم باشیوه عاقبت پرگار تک حیرتده قالدیم مات اوغول صبریمین سر حدّینی غم لشگری اشغال ایدوب قوردی دارالملک آمالیمده تشکیلات اوغول ای علی اکبر داخی سندنصورا گولمز یوزوم بیرده من دلشاد اولام بو نشئه ده هیهات اوغول سینه ده سن تک اوغول داغی اوزوم شمره اسیر فکریمه گلمزدی هرگز بیله تقدیرات اوغول یاخشی مجنون ایلیوب لیلانی سالدون چوللّره مسکنیم گه کوفه دور گه وادی شامات اوغول ناقه بد رفتار اوزاق یول ساربانیم سنگدل ایلمز درد دلیمدن کیمسه تحقیقات اوغول شمر بیر باخماز جوان اوغلوم اولوب قلبیم یانوب سندیریر هر دم شکسته قلبیمی کرّات اوغول گه ویرار قمچی باشیمدان گه گولر گه طعن ایدر گه شماتتله ایدر مین نوع تضییقات اوغول آلمیشام ویرانه بیر منزل سراغین شامده تا ویرم ویرانه دلدن خلقه معلومات اوغول (ذهنی) یاز لیلا دلینجه بیرده اوّل مصرعی ای جمالی صورت پیغمبره مرآت اوغول

‍ آمدن جبرئیل لحضه جان دادن امام حسین علیه السلام (جبرئیل امین مانع اولما منیلن آللهین آراسیندا  قوی منی یارادان خالیقیم باخسین بو قانلی اعضایه   ددی مولا بیلیسن نیه گلدیم قانلی مقتله  حسین اوشاقلوندا بیر ایل ننون زهرادن سورا سنه لای لای دیمیشم  باخدی حسینون یارالی سینه سینه ) اولسا اذنیم سنه من قانه باتان آی دیرم سینوی سینه زهرایه  ایله تای دیرم ننه وون بوشدی یری من سنه لای لای دیرم (باخدی باخدی جبرئیل امین چک شهپروی احتیاجیم یوخدی) خانه خلوتدی چکیل مقتله مهمان گلجک  پرده چکمه بورا ارواح شهیدان گلجک زینبیم مقتلیمه زلفی پریشان گلجک قوی گروم بیرده ننه ام فاطمه هاردان گلجک (ننه اولیم آی ننه آی ننه) ننه سسلندی حسین زینب ایشدی او سسی چشمه تک جوشه گلیب خون و رگ و شریانی ننه سیز جانوه قربان ددی گلدیم قارداش  ( اما زینب نجه گلدی او قانلی مقتله ددی حسین سنه باجون قربان آی قارداش باخدی او یارالی جنازیه آی باجیسین آواره قویان قارداش باخدی باخدی ددی حسین اجازه ورسلر یارالاروی زلفیملین باغلارام  آی یارالی ) مقتله گلدی ددی دیده ام قان یاش وار حسین هارداسان سس ور منه نه یار و یولداش وار حسین دشمنون کامه چاتوب هر الده بیر باش وار حسین کربلاده بیلمیزدیم بو قدر داش وار حسین  ..

هزار طایفه آمد، هزار مکتب رفت و ماند شیعه که «قال الامام الصادق» داشت... ‌ دین از تو پدیدار شده حضرت صادق (ع) شیعه ز تو بیدار شده حضرت صادق (ع) از مکتب تو جن و ملک علم گرفتند انسان ز تو دیندار شده حضرت صادق (ع) شهادت صادق آل محمد، امام جعفر صادق علیه‌السلام تسلیت باد