ای امام ابن امام یابن زهرا السّلام #فارسی .ترکی زبانحال زائر کربلا – اربعین #مژده اردبیلی 🏴🏴🍂🏴🏴🏴🍂 . ای امام ابن امام یابن زهرا السّلام یابن زهرا السّلام السّلام السّلام یابن الزهرا السّلام یابن الزهرا السّلام . . خامس آل عبا شهریار نینوا منبع جود و سخا بر خلایق مقتدا کشتۀ دست جفا خفته در خاک شفا زادۀ خیرالانم یابن زهرا السّلام . . ما بگلزار جهان سرخوش از بوی توایم عاشق روی تو و زایر کوی توایم ما برسم عاشقی تشنۀ کوی توایم زین سبب ای خوش مرام یابن الزهرا السّلام . . ای شهید تشنه لب جان اولا قربان سنه وار یری قربان اولا هر دل و هر جان سنه دیلده ذکر یاحسین گلمیشوک مهمان سنه ای شهید تشنه کام یابن الزهرا السّلام . . لطف ایدوبسن چون بیزه فوق العاده گلمیشوک بی ریا عاشق کیمی صاف و ساده گلمیشوک زینب مظلومه تک پا پیاده گلمیشوک عبدحی ذوالکرام یابن الزهرا السّلام . . چون حریم عشقدیر کربلای پربلا همدم و هم ناله با زایران کربلا گلمیشوک صبح و مسا باشلییاق شور و نوا یعنی ای میرهمام بابن الزهرا السّلام . . اربعینونده سنون زینبون قان آغلیوب وای حسینیم وای دیوب زار و نالان آغلیوب قبرین اوسته بی گمان سینه سوزان آغلیوب کیم دیوب جان کلام یابن الزهرالسّلام . . قتل و غارتدن صورا قوی دیوم که نیله دیم سندن اذن آلدیم حسین نفس شومی پیله دیم هر یره قویدو قدم خصمی رسوا ایلدیم اولدی گفتاریم مدام یابن زهرا السّلام . . یوللار اوسته یا حسین آخ نلر چکدی باشیم شدّت اندوهیدن قانه دوندی گوزیاشیم نیزه ده گوردوم سنی آی یارالی قارداشیم صبح روشن اولدی شام یابن الزهرا السّلام . . کوفه ده گوردون حسین حیدرآسا نیله دیم توسن بد منظر اهل ظلمی پیله دیم کاخ استبدادیده دشمنی خوار ایلدیم اولدی سرمشق قیام یابن زهرا السّلام . . عیسوی مذهب حسین ساخلادی مهمان سنی گوردی بیر نیکوعمل قویدی حیران دشمنی لعن نفرین ایلدی بی حیا اهریمنی هی دیدی عیسامرام یابن الزهرالسّلام . . قالدی حیران نیله سین سرسپاه قافله آزقالیر یخسین ایوین اشک و آه قافله دمبدم فریاد ایدیر عز و جاه و قافله ای شه والامقام یابن الزهرا السّلام . . پوزدی پوزقون حالیمی شام ویران یاحسین گوردی بیر ایش خصم دون آغلادیم قان یاحسین اولدی زینب تازه دن غرق بحران یاحسین اولدی تفسیر پیام یابن الزهرالسّلام . . شام ویرانین حسین هانسی آلامین دیوم دشمن بدمنظرین نیت خامین دیوم اولیندن باشلیوم یا سرانجامین دیوم باشلاسین مشتی عوام یابن الزهرا السّلام . . مجلس عامین سنه هانسی جریانین دیوم طشت زرده باشوون قانلی طوفانین دیوم یاکه دگدی خیزران سیندی دندانین دیوم یاسوزوم اولسون تمام یابن الزهرا السّلام . . زینب مظلوه نین چون کمان قدین دیوم قوللاریندا قیزلارین قمچیلر ردین دیوم یاخرابه منزلین رنج بی حددین دیوم ای امیر انتظام یابن الزهرا السّلام . . اولمادی الدن دوتا عبد صالح قارداشون واقفم که غصه دن قانه دوندی گوزیاشون منزل ویرانیه گلدی که قانلی باشون سسلدی یورقون بالام یابن الزهرا اسلام . . آلدی آغوشه قیزون قانه باتمیش باشووی آچدی قاره معجرین سیلدی که گوزیاشووی بانگ واویلا ایله سسلدی قارداشووی اولدی لفظ احترام یابن الزهرا السّلام . . منزل ویرانه نی ایلدی بیت الحزن جان ویرن ساعت قیزون اولدی کیم غرق محن آند اولا گوزیاشووه اولدی زینب غصه دن ایندی ای میرعظام یابن الزهرا السّلام . . گرچه قارداش گلمیشم شهرعشق و ماتمه اذن ویر ویرسین باجون بو کلامه خاتمه کثرت محنت سوزی قالسین آیری عالمه ای امام ابن امام یابن الزهرا السّلام

شامدن گلدی حسینیم وطن آواره لری # ✨✨▪️✨✨▪️✨✨ #اربعین زبانحال حضرت زینب سلام الله علیها . #مرحوم نجمی تبریزی . شامدن گلدی حسینیم وطن آواره لری آنام اوغلی نجه دی پیکریوین یاره لری . . قبرده گلماقا مدتدی که حسرت واریدی قولاریمدا بولوسن قید اسارت واریدی هامی بیر دلده ز بس شوق زیارت واریدی چکدی بو قبره علاقه بو گونی قاره لری . . من گیدنده سنی سویموشدولا اشرار شرور گون ایوینده یارالی جسموی قوموشدولا عور آغلارام بو غمه عمروم اولا تا نفخۀ صور توکرم دامنه گوزدن در شهواره لری . . تا شهید ایتدی سنی لشگر عدوان یارالی سویدولار گول بدنون قویدولار عریان یارالی ایتدیلر پیکریوه ظلم فراوان یارالی یاپمال ایتدی وجودون قدم باره لری . . بسکه طغیان ایلدی ظلمده اشرار پلید لب دریاده سنی ایتدیله لب تشنه شهید تابع خواهش نفس اولدولا اتباع یزید وادی جهله چکوب انفس امّاره لری . . آچدی سندن صورا ال عترتیوه اهل ستم ووردیلار آتش ظلمیله الولاندی خیم آشیانی اود آلان قوشلارا بنزردی حرم یانار اود باغلادی بیچاره لره چاره لری . . یانار اود ایچره خانم قیزلار ایتوردی اؤزونی اودی سوندورماقا دولدوری سرشکه گوزونی ایله تیترردی دینمزدی دلینده سوزونی سودا اولدوزلارا بنزردیله رخساره لری . . خم محنتده باجون هر غمه قارداش بویانوب سن اوزون یاحچی بولورسن نجه اودلاره یانوب پا پیاده منیله کوفه و شامی دولانوب خوردا قیزلار انامیز فاطمه دلپاره لری . . گوردولر نیزه ده باشون دیه سن گوندی گزر او گون آردینجا ابوالفضل باشی قرص قمر ایله بیر مهر و مه اولدوزلاری یتمیش ایکی سر سیردن قویدی هامی ثابت و سیّاره لری . . حبس اولوندی نفسی سینه ده هر ذی نفسین دایانوب ناقه دایانمیشدی نواسی جرسین اوجالوب اوندا سنون آیۀ کهفیله سسین بلکه غفلتدن اویاندیرسون او بدکاره لری . . هامی گوز دوندی نظر ایلدی نیزه باشینا چوخلاری غرقدی حیرت زده اؤز گوز یاشینا اوندا باشون هدف ایلوبله عداوت داشینا شل گوریدیم او عجوزه کیمی مکّاره لری . . یاندیم از بسکه بو سونمز شرر نسگله من یا هِلالاً دئدیم اوندا سنه گلدیم دیله من ایله دویدوم جانا ووردوم باشیمی محمله من قان اتوب قیلدی خجل آتماقی فوّاره لری . . گر سنون قانلو باشون قارداش حسین دیده گیدوب زینبونده باش آچوخ انجمن غیره گیدوب سالوب آردینجا هارا آی کیمی کیم سیره گیدوب یوزدن آز بختی گونی قاره بو آواره لری . . اوخشادار اهل سخن مطلعی «فاکر» سوزینه قافیه ضیق نظرده گورونوب اؤز گوزینه «نجمی» بو نحه نی یازدی سوز آخوب اؤز اؤزینه رشتۀ نظمه دوزوب بو دُر شهواره لری

قارداش جفای شامدن از بس اوسانموشام #اربعین 🍁🥀▪️🍁🥀▪️🍁🥀▪️ #مرحوم واقف سرابی . قارداش جفای شامدن از بس اوسانموشام هر رنگه من زمانه خُمنده بویانمشام  . احوال ایسته سن نه که مندن سوروش دیوم چون شهر شامی کوچه به کوچه دولانموشام  . سندن صورا او گون گهی میدانه قاچموشام گاهی یاناندا خیمه لر اودلاره یانموشام  . بیمار اوغلووی گهی اوددان چخاتموشام گه چوللری یتیم لریله دولانموشام  . ابن زیاد بزمنه بی پرده گیتموشم اول بزمده خانملیقیمی لیک دانموشام  . یولّاردا گاه ناقه ده گه یرده گیتمیشم باشون دالنجا گاهی قاچوب گه دایانموشام  . داش ووردولار یارالی باشندان او وقته من ووردوم کجاویه باشیمی یارالانموشام  . اما قیزون رقیّه ویروب جان خرابه ده مانند شمع شام غریباندا یانموشام  . تعمیر ایچون ترابنی قبرون گل ایلرم از بس که سیل اشگ تریمدن اوسانموشام  . سانما او وقتدن منیم آغلار گوزوم یاتار هر شامگاه خلق یاتوب من اویانموشام  . خون دل اشگ تریله مضاف اولوب وجهی بودور که درد غمیله بویانموشام  . قارداش حسین اسیره باجون گلدی شامدن عرض ایلیوم نه نوع برادر تالانموشام . بیر جان قالوب نثار ایدم توزلی قبریوه بو نوع ئولمگیمدن اوتور من یارانموشام  . هر نوع غصّه یته منه واردی طاقتیم من زینبم مصیبتیله چوخ سنانموشام  . سن دوزمیَن مصیبت و اندوهه دوزموشم من شاهزاده طعن گدایه دایانموشام  . من ئولمرم شماتت حسین ئولدورر منی شاماتیدن جان اوستیم ئولّم اینانموشام  

یاتما نازیلن ای شه عطشان برادر #اربعین 🍂🏴🌿🍂🏴🌿🍂🏴🌿 #مرحوم کاتب اردبیلی . یاتما نازیلن ای شه عطشان برادر (1) شامدن گلوب زینبون اویان برادر قبروه قربان برادر شاه انس و جان برادر . . من گئدن زمان شام شومه کربلادن باغلامشدیلار ظلمیلن قولیمی دشمن دفن ائتمگه اول یارالی جسموی من قویمادی نئدوم قوم کوفیان برادر . . ویردی ظلمین شمر دون جدایه باشون اولدی رهنما آل مصطفایه باشون راه شرعده دوشدی هر بلایه باشون دین حقّى سن ایلدون عیان برادر . . گاهی ائتدیلر باشوی کول اوسته مهمان گاهی دیرده اولدی منزلون حسینجان گاهی غرفه دن ویردیلار سنی داشبلان خون پاکوی ائتدیلر روان برادر . . شام شومده آرتدی محنت و ملالیم ایستدی بیزی مجلسه یزید ظالم مست اولوب دئدی گور بو شوکت جلالیم طعنه دن منی ائتدی باغریقان برادر . . مجلسه باخوب گوردی ایل چیلر دوروبدور قلبیمی او دم ظلم اودیله یاندیروبدور گل دوداقیوه چوب خیزران ویروبدور ایلیوب منیم قدیمی کمان برادر . . وار خجالتیم سندن ای شه مدینه شهر شامده وئردی جان قیزون سکینه درد فرقتی مشکل اولدی من حزینه دایم ایلدیم ناله و فغان برادر . . کاتبا مدام آغلا شاه مشرقینه محنتی سالوب ماسوانی شور شینه آه او وقتدن زینب عرض ائدوب حسینه یاتما نازیلن ای شه عطشان برادر . . ۱- به جای برادر «حسینیم» هم خوانده می شود.

یا امام زمان شیعه نوایه گلور #اربعین 🥀🥀✨▪️🥀🥀✨▪️ #زبانحال زائر اربعین #سبک_یا_امام_زمان_شیعه_ده_احساسه_باخ #سبک_بر_مشامم_رسد_بوی_خوش_یار_من . . حیدری زنجانی . . یاامام زمان شیعه نوایه گلور اربعین دوتماقا کربوبلایه گلور . روز وشب آغلاروق عالمی داغلاروق یا حجةالله 2 . . . اهل بیتون بو گون لر غمی باشدان آشور جام صبری جوشورسینه لریندن داشور یا امام زمان عمه لرون آغلاشور دردی گزلین اولانلاردی دوایه گلور . روز وشب آغلاروق عالمی داغلاروق یا حجةالله 2 . . . اوجالوب ناله سی غارت اولان قیزلارون گل کیمون آتش غمده سولان قیزلارون یوخدی گوگلون آلان آل یورولان قیزلارون ویرلانلار دوروب دشت نوایه گلور . روز وشب آغلاروق عالمی داغلاروق یا حجةالله 2 . . . قامتی خم خانم قارداشینا آغلیور زینبی کیم گورور گوز یاشینا آغلیور بیری حالدان گیدور ئوز باشینا آغلیور بیری عطشان ئولن قارداشینا آغلیور کاروان عزا قانلی منایه گلور . روز وشب آغلاروق عالمی داغلاروق یا حجةالله 2

قارداش بو او قانیله دولان دشت بلادی #اربعین (شور) زبانحال حضرت زینب کبری سلام الله علیها 🔸🔸🏴🔸🔸🏴🔸🔸 #مرحوم صحاف تبریزی . قارداش بو او قانیله دولان دشت بلادی یا طور وفا جلوه گو نور خدادی یا کوی وفادی یا کوه منادی . . قارداش بو او توپراقدی گوزل قانوه باتدی درد اهلنه تا روز جزا خاک شفادی باش عرشه اوجاتدی هر درده دوادی . . قارداش بو همان پردی که بیر عده مجاهد دین اوسته باتوب قانه مزار شهدادی عشق اهلینه شاهد یا عرش خدادی . . بیر گون اوجالار طارُم افلاکه بو یردن بیر قُبّه که فخر و شرف ارض و سمادی بیر کوری دشمن ایوان طلادی . . گون کسب ایده جاق نورینی شمس و قمروندن دشمن گوزینه هر بیری بیر تیر بلادی گل دسته لروندن آثار بقادی . . نابود اولاجاق سلطنت آل أمیّه بیر سلسله که مبداء عصیان و خطادی واضحدى قضیه محکوم فنادی . . آیریلمازیدی سندن اباالفضل علمدار یالقوز سو کنارینده یاتوب قبری جُدادی سردار وفادار تسلیم قضادی . . گلدی آناسی اصغرینه سود ویره قارداش باخ بیر بالا وای ناله سینه گور نه صدادی قویما توکه قانیاش افغان و نوادی . . درباندی بو درباره حبیب بن مظاهر پابوسینه حسرتده قالان شاه و گدادی بو طیّب و طاهر قربان وفادی . . ششگوشه ایدن قبریوی شهزادۀ اکبر لیلانی سالان چوللره بو ماه لقادی پیغمبره مظهر اسلامه فدادی . . داماد مزارین چکوب آغوشه عروسی قبر اوستونه گویا دوشه نن شال عزادی وار حسرت بوسی بیر بخت قرادی . . سینونده ربابون گوزی اصغرده دی قارداش قویما نگران اوغلى ئولن بیکس آنادی ئولسون باجون ایکاش مشغول عزادی . . بیر نازلی قیزون شامده ویرانه ده قالدى گوردوم گله بُلمز یول اوزاق آبله پادی اود دللره سالدی مقتول جفادی

گلنده کرب وبلایه زیارته زینب #اربعین 🏴💫🏴💫🏴💫🏴💫 #مرحوم معزی اردبیلی . گلنده کرب وبلایه زیارته زینب باخوب یانوبدی صداسیز ولایته زینب . بویوردی سن آنامون اوغلونون یاتان یری سن علیّ اکبرینون قانینه باتان یری سن . نجه باخوم سنه باغلاندی سو یولی سنده سو اوسته دوشدی ابوالفضلمون قولی سنده . مدینه دن سنه جاه وجلالیلن گلدیم غمیم یوخیدی نچه مه جمالیلن گلدیم . حصار صبریمی بیر گونده یخدی دست ستم خانملیقوم یالان اولدی تفاقیم اولدی بهم . تعجبم نیه محنتدن ئولمدیم سنده باشیم آغاردی یوزوم سولدی گولمدیم سنده . حسینیمون یاراسی پیکرینده چوخ واریدی چکلمه میشدی وجودینده سایسیز اوخ واریدی . گیدنده کوفیه سندن ئوره گی قان گیتدیم دیدوم چکنمدیم اوخلاری ناگران گیتدیم . تمام عالمی آهیله یاندیروب زینب گوزین صاقا صولا بیر آز دولاندیروب زینب . بلا چولونده کی انصار و یارین آختاردی ئورک گوزیله حسینون مزارین آختاردی . دیدی حسین چوخ اولان دلده صبرووه قربان یاتوبسان هاردا باجون توزلی قبرووه قربان . عزالی زائروم ای شه جهان،گلورم مزاروی آلام آغوشه باغریقان گلورم . شرار آه دلیم عرش طاقنه چیخلوب قباقه چیخ باجوام یورقونام ایویم یخلوب

گلوب زینب قبرون اوستونه شاه کربلاقارداش #اربعین 🏴🏴🌾🏴🏴🌾🏴🏴 . #سبک_خداحافظ_ای_آنام_باجی … 3 سبک #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار . . حاج داود بیدق داری . گلوب زینب قبرون اوستونه شاه کربلاقارداش بوآلتی گوشه مزاریوه زینبون فدا قارداش . . قویوب سنی یرده گئتمیشم قامت کمانیله اوزون یولدا مونس اولمیشام آهیله فغانیله دولانمیشام شام و کوفه نی شمریله سنانیله بیراربعین چوللری گزوب ائتمیشم نوا قارداش . . فغان قارداش شهر کوفه ده چخدی عرش رحمانه نجه دیوم میزبانلارون نیلیوبدی مهمانه چالاندا ال آشنا منه آغلیوبدی بیگانه گورنده ام حبیبه نی حشراولوب بپا قارداش . . اوشاقلار آج،یول قوتارمیان پاپیاده بوقیزلار گلوب جانه کعب نیزه دن قمچی دن آدامسیزلار یارالی باش نی ده آی کیمی دوره سینده اولدوزلار دئیوب نوحه یئربواحواله آغلیوب سما قارداش . . ندن اولموش عرشین اوخشاری بومزار ششگوشه مگر علی اصغری اخا آلموسان سن آغوشه ائدوبسن بوقانلی تربتی محشره گوزل توشه بیزه علی اکبرین یرین ایله برملا قارداش. . گتورمیشم خیردا قیزلاری دل غمیله آکنده فقط وفالی رقیه دن زینب اولدی شرمنده قالوبدی ویرانه ده قیزوندنهضته نماینده گوروبدی تاقانلی باشووی قیلدی جانفدا قارداش

دور زینبه قیل بیر نظاره قارداش #اربعین 🌾🌾🍂🌾🌾🍂 🌾#سبک_امید_و_سقای حرم_اباالفضل مشابه  . مرحوم میرمحمود آقا شوری تبریزی . . دور زینبه قیل بیر نظاره قارداش قویما گله چوخ آه و زاره قارداش گلدیم دیار شامدن حسین جان شکر ایلرم پروردگاره قارداش . . قبرون حسین هر آن دوشوب خیاله دوشدوقجا یاده دوشموشم ملاله توفیق اولوب یتدی باجون وصاله شکر ایلرم پروردگاره قارداش . . سندن صورا دوشدی بلایه زینب هر آن گلوب شور و نوایه زینب اولدی اسیر اهل جفایه زینب آغلامیوب بیر آشکاره قارداش . . دور زینبون قارداش گلوب پریشان لطف ایلسن بو زینبه حسین جان نه چکمشم گر حالیمی سوروشسان بیر مختصر ویرّم اشاره قارداش . . ازل دیوم اول کوفه ماجراسین گوردوم او کوفه اهلنون جفاسین یاندیم گورنده باشیوون بلاسین گلدیم او دم چوخ آه و زاره قارداش . . ابن زیاد بزمنده دست بسته قارداش باجون دورموشدی دلشکسته آرتوبدی هر لحظه غمیم غم اوسته آلمشدی گل باشون کناره قارداش . . گه باشوا گولوب او بی مروت گاهی ایدوبدور باشوا شمادت او بزمده چوخ چکمشم مصیبت تقریر ایدوم گلمز شماره قارداش . . آخر گیدوب شامه بو زار و مضطر اولموشدی راهبر او شمر کافر بو زینبه چوخ ایلیوب ستم لر جانه گلوب بو بخت قاره قارداش . . شوری سنون یوخ بیر زادا گمانون آغلا نقدر واردی جاندا جانون اولا بو سوز سنون ورد زبانون دور زینبه قیل بیر نظاره قارداش