‍ ‍روضه عباسینه حسین دیونجا آغلیانمادی سایسون یارالارین اوتوروب باغلیانمادی رنگی سارالدی دیزلرینین طاقتی گدیب دوشسون یولا قدم قدمینن آتانمادی الردن آلدی السیز علمدارینی امام عباسینی اوعرصه ده تنها قویانمادی بولمم نه اولدی آی گونه دای دالدالانمادی گون قامتین خم ایتدی آین نورین آرتیرا آی دالدالنمشدی افقدا باتانمادی نوفل یارالیان باشی گوتدی ترابیدن آلدی دیز اوسته قویدی یره ساخلیانمادی سیلدی عمامسیله قانین حیدری گوزون اوپدی نقدری یارلرینن دویانمادی بانوای زنده یاد مرحوم حاج محمد نورانی 👇👇

───┤ ♩♬♫♪♭ ├─── دردی آناسین درده سالان اصغریم لای لای♬♫♪ نیسگیل لری قلبینده قالان اصغریم لای لای گل قوجاغیمه نازلی بالام یات بیراز دینجه ل♬♫♪ غونچه کیمی تئز پرپر اولان اصغریم لای لای منیم آرام جانیم گؤز آچ شیرین زبانیم♬♫♪  سینه می اوغول ائیله میشم سنه گهواره ش♬♫♪ حئیف اولا الیمده گؤزلیم یوخدی بیر چاره عفو ایله منی اللریوی باغلادیم اوغلوم♬♫♪ بو گئچن گئجه صبحه کیمین آغلادیم اوغلوم غصه دن بو یورقون اورگی داغلادیم اوغلوم♬♫♪ ───┤ ♩♬♫♪♭ ├─── نوحه دردی آناسین درده سالان اصغریم لای لای

👆👆👆 ویدیو حاج محمد باقر منصوری  اردبیلی روحش شاد نوحه مادر به علی اصغر(ع) دردیمون   آی  چاره سی  لای لای  علی بوغازدا    اوخ    یاره سی  لای لای  علی هایاندا  قالدون    بالا          نه  تئز  سارالدون  بالا سینه می ترک  ایلدون        جانیمی   آلدون     بالا شهد  بلا  ایچدون  اوغول  نوش اولسون سینه ی     باباده   یرون   خوش  اولسون کنیزیوم   من   قوی  الیم   بوش  اولسون باشیم     تاجی   قاره سی   لای لای  علی سن   دئماق    اولماز   ننه   محتاجی سان کعبه           مسافرلرینون        تاجی سن قونداقون احرام    صودامر   حاجی سن فرشه    گوشواره سی     لای لای  علی سن   که    سوسوزلوقدان    ئولدون   بالا بس   نیه   جان    اوسته   گولوردون   بالا یاره نی    سن    چاره      بیلوردون     بالا یاره سی    اوز     چاره سی   لایلای  علی گولدون   آغیر  سوز   دئمه دیم  من  سنه سو     یرینه    اوخ    آتدی   دشمن  سنه حسینی     یاندیرمادون    احسن     سنه فاطمه     مه     پاره سی    لای لای  علی چکدی    اوغول    فاطمه   نازون   سنون غملی      ربابه       نه       نیازون    سنون امام   اوزی      قیلدی     نمازون  سنون شاه     الی    گهواره سی   لای لای  علی غمدن اوغول   اولمادی  راه   نجات سن   سووا   باخدون  چوله  آخدی  فرات یات  گوزلیم   یات  بالا   آسوده   یات جرعه  سو   آواره سی  لای لای  علی *** حاج ولی الله کلامی

استمداد حضرت ابوالفضل(ع) از امام گوز تیکیبدور سنه قارداش، دم خنجر ده  باشیم تئز   یتیش  دادیمه   قویما ،  قالا   اللرده  باشیم منه     مین     یاره    دَگه ،   ائتمر‌م   البته    گیله قولسوز   اولسامدا  چتین  دشمنه   باشیم   اگیله قلبیمون   نذریدی   بو   باش  قاباقوندا    کسیله گل   ايده   حاجتِ    قلبیمی ،  برآورده      باشیم گرگولون شاخه‌سی صدمه گوره،خوش رنگی صولا نه  قد‌ر دوز  دوتاسان ، گول  آخینار  ساقا  صولا منه ده  صدمه یتوب ، سیّدی ! باشون  ساق  اولا قالموری شاخی سینان گُل کیمی پیکرده  باشیم دئمیرم   قارداشیوام  ، عرصه ده   سرلشگریوم یا    الیمده    عَلمیم   واردی      عَلم     پروریوم منده    گر    سلطنتِ    عالم      اولا     نوکریوم خاکبوس  اولمیوب   اولماز   درِ  دیگر ده  باشیم سن  بیلور سن، سنه قارداش دئمه‌دیم اوز  باشیما امرِ   زهرادی  کی  زحمت   وئریر‌م    قارداشیما گل  آیاقوندان اوپوم  قوی الون  ال سیز  باشیما اولا    تا     آخرِ   عمرینده    نظر کرده     باشیم تاپدیم  اول  گونکه  ولادت  من  ایا  شاهِ   زمن اوز  قوجاقوندا  گوز آچدیم، گولِ رخساریوه  من نولا   ایندی  یومولان وقته گوزوم  سن گله‌سن عرشه   ناز  ائیله‌ر  اول  دامنِ  اطهر ده    باشیم گل   خجل   ایله‌دی  دنیا   سویو،  سرلشگریوی سر   بلند   ایله   سر افکنده   اولان     نوکریوی جان   دوداقیمدادی ،   پیشواز   ائلیر     لبلریوی ایستیر عمرین  ویره  باشه، لبِ کوثر ده  باشیم من   هُمای  شرفم ، حیف  سینوب  بال  و  پریم نه  الیم  وار  نه عمودیم ، نه  بیر  آیری کَسه‌ریم کاسه‌ی  سر  ، کُلَهِ   جنگیدی ، سینه‌م   سیپریم ایستیر‌م دهریده سرمشق  اولا  هر  فرده باشیم گر  چه  ذِبح  اولماقا   باشیم    قاباقوندا   تله‌سَر خنجرِ    قاتل   اسن ده    اودا    شوقیند‌ن   اَسَر وار  نه  جلّادیده   جرأت ، نه ده   خنجرده  کَسَر باخما   السیزدی  چتین ال  ویره  نامرده  باشیم راضیم    قاتلِ    بیرحم   ايله  سنگین   دل   اولا پرده‌لی    بیر  طبق   ایچره   باشیما  حامل   اولا قالا  بیر  حاله   باشیم ، قان  گوزومه  حایل  اولا گورمیه   زینبی    اغیار    آرا     بی‌پرده     باشیم قورولان     وقته   حسین !  محکمة   عدل و جزا هر شهید  اوز  باشی  الده  گله‌جک  حشره   اخا بیر شهید  السیز  اگر  اولسا ، ندیر   چاره   شها من  نه   نوعی اله  آللام  صفِ  محشرده  باشیم ای   ابوالفضل    لباسین   دَییشوب     آلِ    یزید جمع   ائدیب   سفره‌ی  احسانیله  باشینه  مُرید ((منزوی)) حقّ   دانیشاندا   ائله‌ییر  حمله   شدید گوی   چوگان   تعدّی  ،  اولوب   اللرده    باشیم *** رحیم منزوی اردبیلی

به سبک نسیمی جانفزا می آید... #شد_خزان_گلشن_یاسَمَن_ تسلیت حجت بن الحسن واویلا واویلا واویلا بسوزی ای غریب صحرا ز داغ نور چشم زهرا(س) آن که قربانیِ جانان شد جانفدا با لبِ عطشان شد بعدِ این مصائب یا مولا روز و شب ناله داری آقا به یاد عترتت غمدیده اهل بیتی که ماتم دیده رسانده جان به روی لبت اسیریِ عمه زینبت هر کجا ناله ای بر پا بود تازیانه در آن غوغا بود شد خجالت زده سر نیزه سرِ خون خدا بر نیزه او که کهف و رقیم میخواند از لب خود گوهر افشاند قامت مادران خم گشته غذای کودکان غم گشته غصه از حد فزون گردیده اشکشان رنگ خون گردیده ز فط خستگی بی تابند اکثراً گرسنه میخوابند

نوحه حضرت ابالفضل علیه السلام در سبک ای درد بی درمانلارا درمان اباالفضل 🔷🔷🔷🔷🔷🔷 آی سو کنارینده سوسوز سقا اباالفضل .‌‌         سقا اباالفضل آغلار سنه شام و سحر. زهرا اباالفضل            زهرا اباالفضل 🔷🔷🔷🔷🔷🔷 عشقون گئنه جوش ایلیور دیللرده مولا واردور کرامت  اول اوزون   اللرده  مولا اوچ گون قالوب گل پیکرون یرلرده مولا قربان یارلی پیکره دنیا اباالفضل           دنیا اباالفضل 🔷🔷🔷🔷🔷🔷 گلدی محرم بیز  گئنه گلدوک نوایه امیدیله ئوز قویموشوخ  دارالاشفایه دردی اولانلار سسلنور تئز گل هرایه اولدی گئنه غم مجلسون بر پا اباالفضل                 بر پا اباالفضل 🔷🔷🔷🔷🔷🔷 هر کیم سنه دردین دئسه درمان ائدرسن سن چاره سیز  مشکلری  آسان ائدرسن کیم صدقیله آچسا الین احسان ائدرسن چون سائله احسان ائدر آقا اباالفضل                 آقا اباالفضل 🔷🔷🔷🔷🔷🔷 مین دورد یوز ایلدی آدیوی سسلور جماعت مین دورد یوز ایلدی ایلوسن لطف و کرامت مین دورد یوز ایلدی ایلوسن بیزدن حمایت ای بخششی حاتم  کیمی دریا اباالفضل               دریا اباالفضل 🔷🔷🔷🔷🔷🔷 بیرده گورنمز میثلوی واضحدی دنیا گلمز سنون تک باوفا دنیایه مولا قولار اوزون قامت اوجا ماه دل آرا حیدر باخیشلی گوزلرون شهلا اباالفضل             شهلا اباالفضل کرب و بلاده سن آقا طوفان سالوبسان دورد مین جماعتدن گئدوب نهری آلوبسان دریانی فتح ائلوب ولی عطشان قالوبسان ایثاریوه حیران قالوب دنیا اباالفضل               دنیا اباالفضل دورد مین نفر اعدا گلوب دورین آلوبلار حیدر ئوپن  قولاریوی  تندن  سالوبلار بیلمم اودم قیزلار نه احواله قالوبلار گلدی سنه دوتدی عزا زهرا اباالفضل             زهرا اباالفضل 🔷🔷🔷🔷🔷🔷 ئوپدی یارالی پیکرون گلدی نوایه امر ایلدی قارداشیوی سسلن هرایه ایوای ننجه گلدی حسین اول  غم سرایه قالدیم دئدی میداندا من تنها اباالفضل               تنها اباالفضل 🔷🔷🔷🔷🔷🔷 یاتما بو چولده ای حسینون دادخواهی سندن صورا قیزلاریمون یوخدور پناهی ایندی  رقییم  سسلنور  داده  اللهی قالدی هایاندا ای خدا سقا اباالفضل           سقا اباالفضل 🔷🔷🔷🔷🔷🔷 یارب (صفری) رحم ایله زهرایه خاطر کرب و بلاده تک قالان  مولایه خاطر یا سو کنارینده سوسوز سقایه خاطر ذکریم اولوبدور روز و شب مولا اباالفضل مولا اباالفضل مولا اباالفضل مولا اباالفضل ☘☘مولا اباالفضل☘☘ التماس دعا

ای آسمان غمون باتان هلالی حسین گیدور باجون سفره اورک یارالی حسین بی غسل وکفنیم  وای صدپاره بدنیم وای الرده ئولنیم وای     حسیــــــــــــنیم وای نجه چمنده گله هزاره نون سوزی وار کسیلمیش الده حسین رقیه نون گوزی وار آیرلدی بوداقوندان    پیشواز ایت قوناقونان قوی اوپسون ایاقونان     حسینیم وای نهال معرفتی بوچولده من اکرم ربابیلن اوتوروب سینوندن اوخ چکرم بودرده حرم آغلار     نهراوسته علم آغلار قولاری قلم آغلار       حسینیم وای من بورا گلمیشیدیم عزتیلن یاوریلن ایندی اما گیدیرم شمر جفا پروریلن باجیوی ایله دعا اوکسیلن الریلن

ورود به مدینه 🥀🥀🥀🥀🥀🥀🥀🥀🥀 دور آنا قبر پاکیوه گلدی وفالی زینبون قدّی خمیده زلفی آغ باشی قرالی زینبون قبریوه آل احمدی دیده سی تر گتورموشم گوزده سرشک درد و غم  دلده شرر گتورموشم اوغلون حسینیدن ولی غملی خبر گتورموشم شرح غم ایلوری آنا اشک زلالی زینبون ائتدی بو قانلی کوینگی یاره لی قلبینی رفو باخ بونا گور نه ظلملر اوغلوا ایلیوب عدو اوخ یریدی قلج یری تار به تار مه به مو گوردی بو نوع اوغلیوی باشی بلالی زینبون شرح ایده بولمرم نلر باشیمیزه گلوبدی من دربدر ایتدیلر بیزی من دیمورم مدینه دن غملریمون چکیده سی واضح اولور بو جمله دن کوفه و شامی دیده تر گزدی حیالی زینبون راه فراتی باغلادی ظلمیله فرقۀ جفا سولدی سارالدی گل کیمی یاندی حریم مصطفی واعَطَشائیله آنا دولدی دیار کربلا آرتدی گوگلده محنت و درد و ملالی زینبون کرب و بلاده کینه سین اهل جفا ایدوب بروز عینُ الحیات قیزلارین ظلمیله قویدولار سوسوز یاندوراجاقدی قلبیمی وار نه قدر نفس بو سوز اولمیوب عمرینون عجب اوندا زوالی زینبون قدّینه اکبرین ازل سالدی حسین اوزی کفن عرصۀ رزمه گوندروب بیر گل غنچه پیرهن باخدی دالنجا گوزیاشین توکدی امام ممتحن شرح محالدور ایده بیر ایله حالی زینبون نالۀ العطش عمو عرشه اوجالدی دمبدم سالدی او دمده چیگنینه مشکینی صاحب علم حیف اونوندا قولّارین ایتدیله اشقیا قلم گئتدی حقیقت اول زمان جاه و جلالی زینبون دوغرادیلار حسینیمون ظلمیله یار و یاورین سالدیلا توپراقا آنا قاسم و عون جعفرین تیر ستمله اوخلادی حرمله تشنه اصغرین باد خزانه گیتدی اول تازه نهالی زینبون گاه خرابه کوفه ده باغریمیزی ایدوبله قان گاه چکوبله شامیده بزم یزیده شامیان گاه خرابه ده قزون حسرتیله ویرنده جان قالمادی دلده قدرت نطق و مقالی زینبون 🥀🥀🥀🥀🥀🥀🥀🥀🥀 التماس دعا

نوحه حضرت ابالفضل (ع) ☘🔸☘🔸☘🔸☘🔸☘🔸☘ گل حسین خیمیه باغلاندی یولوم          آی قارداش آی قارداش داده گل یاتدی علم دوشدی قولوم          آی قارداش آی قارداش تیز گل هرایه یالقیزام    آی قارداش باش پارچالاندی قولسوزام    آی قارداش اسیرم        کمنده  قولوم یوخ  بدنده دیدیم یا حسین گل  آت اوستن دوشنده 🔸🔸🔸🔸🔸🔸🔸🔸🔸🔸 گؤردوم عطشانلاری آشفته دئدیم دور عباس دور عباس عشقوی رهبر و سلطانوه بیلدیر عباس دور عباس مشگی آل چیگنوه گئت مشگوی دولدور قارداش دور قارداش       آلدیم فراتی مشگیمی دولدوردوم       من ایچمدیم سو نفسیمی ئولدوردوم خیال    عالمینده عطش دامنینده سوسوز طفلی گؤردوم ربابین      الینده دینجلوب روحیم حسین تشنه لره سو آلدیم سو آلدیم مشگی چیگنیمده آلیب خیمه لره یول سالدیم یول سالدیم قوللاریم سالدیلار احوالی پریشان قالدیم سو آلدیم          بیر اوخ دگوب جبینیمی قان دوتدی         آخدی قانی گؤزومی القان دوتدی امان جان آلاندان  اوخ آتدی کماندان دگوب مشگیمه اوخ گؤزوم چخدی یاددان قویمادی لشگر کین سو گتورم پای قارداش پای قارداش سو جالاندی یئره امیدیم اولوب زای قارداش زای قارداش باغلادیم گؤزلریم آهسته دئدیم وای قارداش وای قارداش         شرمنده اولموشام  حسین قیزلاردان         آی دوشدی آیری غملی اولدوزلاردان انیسیم غم اولدی حالیم برهم اولدی آقامدان اوتاندیم سبب علقم اولدی هر گلن ووردی یارا افسر نا فرجامه ناکامه یاره لر گر چه سالیب نوکروی آلامه آلامه سویوم اولسیدی گلردیم گئنه ده اخیامه اخیامه        باجیما دی منه  عزادار   اولسون       مند ن صورا سنه علمدار اولسون دئنن زینب آغلا باشا قاره باغلا ئولونجن بو غمده اوتور التماس دعا

یا حسین عرض ارادت به امام حسین (ع) و آرزوی زیارت گریز به قتلگاه 《زبانحال حضرت زینب (س) 》 🌹🌹🌹🌹🌹🌹 عالمه شان و شوکتون گوندن عیاندی یا حسین سیزلره وابسته لیقین قیمتی جاندی یا حسین ئوز قاپووین گداسیوخ ئوزگه لره نه ربطی وار بیزلری گل شماتته قویما اماندی یا حسین عمر قوتاردی حسرت کرب و بلا قوتارمادی شیعه لره بو حسرتین دردی یاماندی یا حسین گل آناوین خاطرینه باغلی قالان یوللاری آچ آه و فغان و ناله لر عرشه دایاندی یا حسین تَلّون آدین بیر عمریدور ازبر ایدوب گورنمدوخ اوردا دیوله زینبین صبری تالاندی یا حسین یاندی ئورک دوزنمدی قتلگه اوسته یوز قویوب باشیوه شور و عشقیله گلدی دولاندی یاحسین سالدی ئوزون نه حالیله پیکرون اوسته بیلمورم زلفی ایکی اللریده قانه بویاندی یا حسین لبلرینی نحر اولونان گل بوغازا قویان زمان کیم نه بولور نه لر دئدی سری نهاندی یا حسین نیزه قلج سینیخلارین ایتدی کنار اَلولانوب یاندی دئدی بو گل بدن زینبه جاندی یا حسین فاطمه نون سینه سینه ناز ائلین پیکریدون وای منه ایندی ظلم ایله بستری قاندی یا حسین زینبی دیندیرمماقین علتینی بولنمیرم خدمتوه یتیشماقا یوخسا یوباندی یا حسین دامنیم اللرده قالوب رقیه دن دونمّیرم زینب او نازدانه دن چوخ نگراندی یا حسین ورد زبان ایدوب دئیور عمه بابام هایاندادی گور نجه زینبون یانار اودلارا یاندی یا حسین خیمه ده دور گیداخ ئوزین وئر بالامین جوابینی چون اونا ئوز محبتون روح و روان دی یا حسین سوز دل ربابیدن من نه دئیوم اولدی نه لر شرحی بیانه گلمین بیر جریاندی یا حسین گاهی دئیور ایوای اوغول گه دئیوری لایلای علی سینه مه سود گلدی بالا ورد زباندی یاحسین التماس دعا