میدونی ضرب المثل «سرش بره قولش نمیره» ازکجااومده؟؟ روی دستش "پسرش" رفت ولی "قولش نه" نیزه ها تا "جگرش" رفت ولی "قولش نه" این چه خورشید غریبی است که با حالِ نزار پای "نعش قمرش" رفت ولی "قولش نه" شیر مردی که در آن واقعه "هفتاد و دو" بار دست غم بر "کمرش" رفت ولی "قولش نه" هر کجا می نگری "نام حسین است و حسین" ای دمش گرم "سرش" رفت ولی "قولش نه" «صلے الله علیک یا اباعبدالله » 🌹🌹🌹🌹🌹🌹🌹🌹🌹🌹🌹🌹

کارحسین دلبریه 🍃🌷🍃🌺🍃🌸🍃🌷🍃🌺🍃🌸

گروه محبان اهل بیت ع جواب درخواستی مطالب مادحین ایتا لینک 👇 http://eitaa.com/joinchat/2740453387Cca7ea66bc5

گوزون قربانیم آچ گوزلرون ارخام ایلیم قارداش زبانحال امام مظلوم (ع) در سر نعش حضرت ابوالفضل علیه السلام . #سبک_علی_اصغر_مه_انور … 7 سبک . مرحوم حسینی سعدی زمان . گوزون قربانیم آچ گوزلرون آرخام ایلیم قارداش منی یالقوزلیوب دشمن سنوب سنسیز بلیم قارداش . . طریق عشقده باشدان گیچوب خوش امتحان ویردون ندور رسم وفا سن اهل دنیایه نشان ویردون آدون سقّا کنار نهرده لب تشنه جانویردون پوزولدی گلشنیم سنسیز خزان اولدی گُلوم قارداش . . سموم ظلمیله شاخ مروّتدن گلیم سندی نجه گور مزرع عمریمده نورس سنبلیم سندی یخلدی سر و تک قدّون منیم قارداش بلیم سندی بیان حالیمی شرح ائتماقا دوتمور دلیم قارداش . . سو وعده ویرموسن قارداش گلنده آل اطهاره گزوللر خیمه ده قیزلار سو جامی الده آواره دیوللر العطش جاری ایدوللر اشک رخساره تیکوبلر گوز یولا گوزلور یولون باشسیز ائلیم قارداش . . . یارالی سینون اوسته ای یوزی مهر جهان افروز چاتوبدور باش باشا سنبلدی گویا ناوک دلدوز اؤزون گیتدون اوغولسوز قارداشون قویدون عجب یالقوز قلنجیم دوشدی الدن ایمدی پر صولت یلیم قارداش . . یقینیم اولدی ایمدی ای امیدیم جسمده روحیم قالار ایستی قوم اوسته اوچ گون عریان جسم مجروحیم گیدر نوک جداده بزم شربه رأس مذبوحیم کسر بازماقیمی بجدل اولار مقطوع الیم قارداش . . وُروبلار اوخ گوزوندن گوزلریم جاری ایدر قانیاش بو ظلمی گورمییدیم سندن ازّل من ئولیدیم کاش اؤزون گیتدون ولی قالدی کمکسیز قارداشون قارداش بیر آز ایله توقّف بو یولی منده گلیم قارداش . . باخوب بو حالوه اولموم نجه من زار و دلخسته آچوب پر پیکرون بسکه دگوب اوخ دسته بدسته عمودیله سنان باشون گوتور قوی دیزلریم اوسته یوزون سورتمه یره قوی گوزلرون قانین سلیم قارداش . . فدا ویردیم بو گون جانانیمه یتمیش نفر عطشان سنون تک هئچ برینده یانمادیم جانیم سنه قربان بلا قیدیندن آزاد اولمادیم دنیاده من بر آن غمیله گوئیا تخمیر اولوب آب و گلیم قارداش . . «حسینی» محنت دنیاده چوخ اولما پریشان حال یاپوش باب الحوائج دامنیندن ایسته مقصود آل او وقتی یاده سال آغلا حسین سویلردی بو منوال گوزون قربانیم آچ گوزلرون آرخام ایلیم قارداش . . 🌾🌿🌾🌿🌾🌿🌾🌿🌾🌿🌾🌿🌾

گینه گوروندی هلال ماتم دوتوبدی یرگوی عزا حسینه ورود ماه محرم . #سبک_آچیلدی_پرچم … 10 سبک . ستار رزاقی تبریزی . گینه گوروندی هلال ماتم دوتوبدی یرگوی عزا حسینه آچوبدی باشین رسول اکرم ایدور آناسی نوا حسینه حسین حسین جان … . . بوآی او آیدور کی اهل عالم دوتوب عزا شاه عالمینه گیوبله قاره ایدولّه ناله اوسرور پاک مشرقینه سیزیلداشور عرش وفرشین اهلی بتول وطاهایه نورعینه قولاق ویرنده گورورسن آغلور تمام ارض وسما حسینه حسین حسین جان … . . بوآیدا دشت بلا اولوبدی عیال شاه ولایه مسکن ولی سالوب اهلبیتین اول دشت غمده دردوبلایه دشمن جفا وجورِ عدودن اصلا حرملر اولموب اوچولده ایمن فضانی تنگ ایلیوب اودشت بلاده اهل جفا حسینه حسین حسین جان … . . بو آیدا یتمیش ایکی دلاور اولوبلا تشنه فدای قرآن حقیقت اوسته شهامتیله ایدوبله جان راه دینه قربان شهادتین جامنی ایچوبلر حضور یاره گیدوبله مهمان مقامه سیر ایت کی حیّ اعلا ائوزی اولوب خونبها حسینه حسین حسین جان … . . بوآیدا گیچدی عزیز زهرا تمامیِ یار ویاورینده اَل ائوزدی عون و حبیب وجعفر وفالی عباس واکبریندن وبیرده الله یولوندا گیچدی او تشنه شش ماهه اصغریندن اولوبدی کربوبلا دیاری او گونده کوه منا حسینه حسین حسین جان … . . بو آیدا آب فراتی کسدی گروه کین آل مصطفایه یانوب سوسوزدان عیال حیدر خیملر ایچره گلوب نوایه فغان و ناله صداسی یکسر بلاچولوندن چخوب هوایه ایدور اثر تشنه لردن عرشه چیخان یانقلی نوا حسینه حسین حسین جان … . . بو آیدا کربوبلاده عدوان ایدوبله جور و جفاده طغیان پیمبر اوغلون کمکلریله او چولده ایلوبله قانه غلطان بو آیدا ارکان دینی دشمن جفا الیله ایدوبدی ویران همان او یرده سپاه کینه قوروبدی دام بلا حسینه حسین حسین جان … . . ☘🍃🍀🍃🍀🍃🍀🍃🍀🍃🍀🍃🍀

سوسوز سان گر چه ای نفسیم شتاب ائتمه سودان ایچمه حضرت ابوالفضل علیه السلام خطاب به نفس سلیم خویش . #سبک_علی_اصغر_مه_انور … 7 سبک . علیرضا عباسی (احسان تبریزی) . «یا نفس من بعد الحسین هونی … » سوسوز سان گر چه ای نفسیم شتاب ائتمه سودان ایچمه حسینیم تشنه دور صبر ائت وفا ایله دایان ایچمه . . تواندان گر چه بو دشتین سالوب دور سوز گرماسی سوسوز لوق طاقتی جاندان آلوبدی یوخدی یاراسی اگر چه تشنه ام واردور باشمدا عشق سوداسی سرافراز اول بو سوداده واروندی امتحان ایچمه . . نئچه گوندور بو صحراده کسیب دیر سو یولون اعدا طراوت دن دوشوب گوللر سولوبدی گلشن زهرا سوسوز دی خیمه ده قیزلار روادی من ایچم آیا وفا قیل آل اطهاره یانور خرد و کلان ایچم . . اوتوز بئش ایلدی عالمده منی سن ائتمیوبس خوار بیزی پاکیزه خلق ایلیب خدای قادر وقهار بو عمرین آخر ینده گل سن ایله عالی بیر ایثار آدین تاریخ عالمده قالا تا جاودان ایچمه . . سوسوز لوق خیمه گاه ایچره آلوب تاب آل عصمت دن سولوبدی اصغرین رنگی دوشوبدی تاب و طاقتدن ربابون سینه سی اوسته یانور سوز و حرارت دن بالام یاندی دییر هر دم عطشدن سنده یان ایچمه . . حسیندن آیریلان لحظه من اوپدوم گل یاناقیندن منی اوپدی اودا اما چخوردی اوت دوداقیندن چخوبلار خیمه دن الان سوسوز لار اشتیاقین دن تیکیبدی گوز یولا گوزلور بیر عده ناگران ایچمه . . چوخ عطشانیدی قارداشیم کی بلّیدی نگاه یندن نفس چکدوقچا یاندیردی بو قلبی سوز آهیندن گتیر بیر آز سو تاپشوردی گلنده خیمه گاهیندن سوسوز دی ایچمینجه سو امام انس و جان ایچمه . . منه تاپشوردی سعی ایله گتیر بیر آز خیامه سو منه واجبدی امری تا یئته میر همامه سو دوادور خیمه ده الان بیر عده تشنه کامه سو خیامه یئتمینجه سو وفا ایله اوتان ایچمه . . اوروج لوق آیی ایستی گون چوخالدوب دیلده احساسی سوسوز لوق قلبه اود ووردی چاغیر دیم اشجع الناسی یازوب بو نوحه نی «احسان» سالوبدور یاده عباسی اودم کی نفسه امر ائتدی سوسوز بذل ایله جان ایچمه . 🌾🍀🌾🌾🌾🌾🍀🍀🌾🌾🌾🌾🍀

وارنه علت عرش وفرشی دولدوروب غوغا بوگون #عاشورا_گونی . . #سبک_زینبم_جان_اوستیم … 4 سبک . حاج اصغر فرشچی ( عدلی تبریزی) . وارنه علت عرش وفرشی دولدوروب غوغا بوگون یوم عاشورادی گویا محشر کبرا بوگون . . بوهمان گوندورحسین غلطان اولوب اوز قانینه سانه گلمز یاره لرآلدی دین اوسته جانینه جرعه سو ویرموبدی شمر کربوبلا قربانینه کسدی باشین آخدی قان هرقطره سی دریا بوگون سیرایله گورکیم ویروب باش کسماقا فتوا بوگون . . بو همان گوندورکه کوفه اهلی طغیان ایلدی دعوی قرآن ایدنلر ترک قرآن ایلدی بیر مه تابان سحاب آلتوندا پنهان ایلدی ظلمت اولدی تا باتوب مهرجهان آرا بوگون طور سیناده چکولدی دارینه عیسی بوگون . . بوهمان گوندورابوالفضل قوللاری اولدی قلم اوخ دگوب سومشگینه یوخدورتوان دوتسون علم خجلتیندن سینه سینده جمع اولوب بار الم کاسۀ چشمونده یر ویردی اوخا سقا بوگون ایلیوب گور نه مواسات ایچمیوبدی ماء بوگون . . بو همان گوندور ویروبدی پیر و برنا ال اله مست اولوب مروه صفاده ایلیوبلر هروله باش ویروب لر قان ویرروبلر چاتماقا سرمنزله ایلیوبـلر تک خدائیلن اولار سودا بوگون آگه اولسون هر مسلمان پیرو هم برنا بوگون . . بوهمان گوندورعطشدن سود امرایلوبدی غش بیر طرفدن خیمده واردور صدای العطش قتلگاه ایچره ایدور شمریله زینب کشمکش اللرین خنجرکسوب ایت مطلبی معنا بوگون حفظ ناموس و حجابه ایلیوب ایما بوگون . . بو همان گوندورکه شهرکوفه نین ارزللری قانه غلطان ایلیوبلر شبه طاها اکبری ظلم الیله اوخلیوبلر شیر خواره اصغری جانویروبدی آلتی آیلیق طفل مه سیما بوگون پرپر اولدی گلستاندا غنچۀ رعنا بوگون . . سجده گاه عشقیده زینب گوروب شاه حجاز قانیلن اولموش وضوسی یرده آچموش جانماز بو تراب اوغلی تراب اوسته ایدور راز و نیاز باش ویره معنی اولا تا روز عاشورا بوگون آغلیه وار دور یری دنیا و ما فیها بوگون . . قاره یل اسدی ایدنده آفتاب دین زوال اولدولار دنیا یوزونده ذیحیات افسرده حال سینه سین سنگین ایدوبدی زینبین درد وملال غارته ال آچدی دونان ایتمدی پروا بوگون ایتدولرامر یزیدی مو به مو اجرا بوگون . . مشگله دوشدی بوگونده دختر مشگل گشا سسلوری امداده گل شیرخدا یا مرتضا اود ویروب یاندوردولاراخیامی بوقوم دغا سس دوشوب ارض وسمایه آه و واویلا بوگون باش آچوب جنّتده آغلورحضرت زهرا بوگون . . نقش اولوبدی لوح دیلده «عدلیا» بو ماجرا یاز که هرگون یوم عاشوردی هریرکربلا اهلبیته نوحه خوان اول ایل بویی باشدان باشا شرح عاشوراده یاز اولسون یزید رسوا بوگون ایسته حقدن لطف ایده نطقون اولا گویا بوگون 🌴🌴🌴🌴🌴🌴🌴🌴🌴🌴🌴🌴

شمرالینده زینب کبری یالین خنجر گوروب مصائب حضرت زینب (س) و #قتلگاه . مژده اردبیلی . شمرالینده زینب کبری یالین خنجر گوروب راس مذبوح حسینیله سوسوز حنجر گوروب . اکبرین دوغرانمیش اعضاسین منای عشقیده حمل اولاندا خیمه گاهه زینب مضطر گوروب . قاسم نوکداخدانین قانه باتمیش کاکلین قاره معجر باشدا دخت حضرت حیدر گوروب . بیر ایچیم سواوسته عباسین دوشنده قوللاری کیم گوروب زینب گوروب یا آیری بیر خواهر گوروب . یدّی قاره باشه سالمیش زینب زهرا شیئم دشت اندوه و بلاده یدّی یول محشر گوروب . اللری اوسته حسینین اوخلاناندا اصغری ظلم الیله پرپر اولموش غنچه ی احمر گوروب . خیمه گاه غم دالیندا شاهد اعلانشین اصغری دفن ایلینده یوخ سوزوم کیم لر گوروب . بیر یاریم گونده قوجالمیش یدّی قارداش باجی سی دوغرانان قرآن یولوندا قانلی بیر پیکر گوروب . تللی قان میدانی قان شاهی دوشن گودالیده باش گوروب پیکر گوروب انگشت و انگشتر گوروب . صبره باخ صبر عالمی ایوبی حیران ائلییوب هانسی پیغمبر صبوراولموش بئله دختر گوروب . . گورمیوب گورمز نظیر زینبی چشم بشر گوردی بیرایش خصم ملعون ائتدی احساس خطر . . نیلدی زینب فراز عرش اعظم تیتره دی جوهراوستونده عرض جان وئردی عالم تیتره دی . ال یالین خنجر یالین عطشان لب و حنجر یالین شمره باخدی حنجر دلبند خاتم تیتره دی . اولدی کی سلطان عاشورا ذبیحاً من قفا سرزمین کربلاده پیکر غم تیتره دی . مصطفی دلبندی جان وئردی چوخوریرده سوسوز دجله و نهرفرات و نهر علقم تیتره دی . قطعه قطعه دوغرانان اعضاسی عبد صالحین تیتره دی تپراقلاراوسته قانلی پرچم تیتره دی . یدّی یول اوپدی حسینین حنجرینده زینبی هراوپنده پیکر حوا و آدم تیتره دی . نوحه آدم باشلادی نوح آغلادی یحیی کیمین پیکری مصلوب اولان عیسی ابن مریم تیتره دی . عالم معناده زهرا گلدی قانلی مقتله اللری پهلولرینده قامتی خم تیتره دی . اوپدی نحراولموش بوغازیندن حسینین فاطمه هم زمین کربلا هم عرش اعظم تیتره دی . . پرور اولموشدی حسین تک چون گل ألاله سی عرش اعلایه اوجالدی وای اوغول وای ناله سی . . آغلادی امّا نئجه شرح ایلیوم قان آغلادی اللری پهلولرینده سینه سوزان آغلادی . قامتی خم غرق ماتم حضرت خیرالنساء وای حسینیم وای دئدی زار و پریشان آغلادی . قانلی مقتلده حسینه مجلس ماتم قوروب نوحه خوانی زینب اولدی دیده گریان آغلادی . ائتدی دعوت مجلس یاسه زنان جنتی هرگلن اوپدی بوغازیندن نواخوان آغلادی . پیکری گونلر فباقینده قالان قارداش حسین نعشووی گورجک آنام چون ابر نیسان آغلادی . تازه بیر محنت یاراندی گلدی کی روح الامین نی کیمی ائتدی نوا بی حد و پایان آغلادی . باشلادی لای لای نواسیله حسینیم وای دئدی ایستی قوملار ناله ائتدی قانلی میدان آغلادی . شهپر آچدی سایه سالسین تا حسنین نعشینه جبرئیلون شهپریندن سوزدی مرجان آغلادی . ای قلم یازما رسول الله اعظم کلمه گین میزبانین حالینه مقتلده مهمان آغلادی . محشر کبری یاراندی تا رسول ذوالمنن گوُتدی عمّامه باشیندان کون و امکان آغلادی . 🍂🍂🥀🥀🍂🍂🍂🍂🥀🥀🍂🍂🍂🍂