محرّم عطری گلور کربلا دوشور یادیما #ورود_محرم 🍂🍃🍂🍃🍂🍃 محرّم عطری گلور . منتظری شریف آباد . محرّم عطری گلور کربلا دوشور یادیما بلالی دشتده کی ماجرا دوشور یادیما . بیرعدّه حق طلبِ پا‌ک دراقلّیت بیرعدّه کثرت دنیا گِرا دوشور یادیما . سوئی ایدوب قدغن کوفه نون شرور اهلی ایدور سوسوزدان اوشاقلار نوا دوشور یادیما . اوتوزمین الده قلج قان یاغور قلجلاردان صدای هلهله ی اشقیا دوشور یادیما . یارالی دور که دوشور تپراقا غریبانه سوسوز دوداقِده ذکرخدا دوشور یادیما . اون اوچ یاشینداکی نورس جوان آزاده عزیزجان ودل مجتبی دوشور یادیما . کمال وعلم وادبده سرآمد یثرب علیّ اکبر احمد لقا دوشور یادیما . آناسنون صودی یوخدور سویولّاری باغلی دوداقلاری قوریان بیر بالا دوشور یادیما . قلم ربابی یازاندا اورک کباب اولدی علاج تاپموری بیکس آنا دوشور یادیما . دیور بیر آزدا تحمّل ایله آنان قربان عمون گئدوبدی سنه سو آلا، دوشور یادیما . دوشوب عموسنون ایکّی قولی نیستاندا وجودی، مشگی هدف اوخلارا، دوشور یادیما . وروبلا صاق قاشِنون اوسته اوخ گوزی گورمور اسفلی حالده صاحب لوا دوشور یادیما . عمود آهنه قول یوخ دفاع ایده آخر یوزینون اوسته دوشن تپراقا، دوشور یادیما . بدن یارالی جگر داغلی عترتی بیکس عزیزحضرت خیرالنّساء دوشور یادیما . جسارتیله دؤشی اوسته چکمه لی قاتل مقابلینده دوران باحیا، دوشور یادیما . باجی باخا باخا خنجر چکوب سوسوز حلقه ایدوب جفائِیله تندن جدا، دوشور یادیما . وروبلا خیمه لره اود یانورچکور شعله میان خیمه ده زین العبا دوشور یادیما . بلا مصادفی زینب اؤزون ورور ناره امامی ایلیور اوتدّان رها دوشور یادیما . رقیّه خردا بالا دامنی دوتوب شعله اوشاقدی بیلمور هایانه قاچا ،دوشور یادیما . یوزونه سیلی دگوب گوئیا کبود اولموش گیدوب طلاسی قولاقی یارا، دوشور یادیما . قاباقدا واردی خرابه قضیّه سی حتّی ویرن خرابه ده جان بی نوا، دوشور یادیما . رقیّه آدی گلنده الولانور قلبیم بلا و محنت بی انتها دوشور یادیما . امیدِ منتظری دور رقیّه عقباده اودور شفاعت روز جزا دوشور یادیما . .🍂🍃🍂🍃🍂🍃🍂🍃🍂🍃🍂

غمیله الفت ائدر عشقه مبتلا گجه لر #حضرت_رقیه 🍂🌱🍂🌱🍂 شهادت حضرت رقیه (س) . حاج نادر بابایی . غمیله الفت ائدر عشقه مبتلا گجه لر شکسته نی مثلی باشلیار نوا گجه لر . گئدنده مغربه گون اختران شب اویانار تعلقات سما باشلیار ادا گجه لر . عبادت اهلی وئرر دم نوای العفوینه دوشر ترابه ائدر سجده بی ریا گجه لر . کبوتران شب آهنگ اوخور غم آوازی ئورک سوزی دیولر دیلده برملا گجه لر . غریب اولاندا بیری گون باتاندا غم گله جک قوتاردی عمر دیر گلمدی باشا گجه لر . قولاق وئرر ئورگی آیریلیق ترانه سینه باتار خدنگ کیمی قلبه اوخشاما گجه لر . غریبیدن چتینی یوخ مگر اسیر غمی ئورک سوزون دئمگه تاپماز آشنا گجه لر . اسیره بیر قز اوشاقی یتیم اولا نه چکر دیزین قوجاقه آلار آغلیار قرا گجه لر . یوخی گلنده ائدر تکیه کنج دیواره یوزونده اشکی اولار شبنمه نما گجه لر . ائدنده زلفینی یل شانه دیسگینر اویانار الین آتار باشینا ایلیر دعا گجه لر . اشاره بسدی قلم یاز مدار عشقیمدن غمینده هی گلوری باشیمه هوا گجه لر . رقیه دور نظریم گللرین گلابی اولان قضا بگندی الین قوینونا قویا گجه لر . مرید عشق عجبا بیرگجه مراده چاتوب خرابه دن اوجالوب صوت ربنا گجه لر . یارالی باشه باخوب طشتیدن آلوب قوجاقا بو باش دئدی وئره جک بو یره صفا گجه لر . یارالی باش یاراشور ایندی یاره لی سینمه ایکی یارا اولا تا بیربیره دوا گجه لر . قوجاقدا یاره لی باش قاره گوزلری آخونوب قوتاردی غم یازیسی دینجلوب بالا گجه لر . یاتانلاری اویادوب سسلنوب خانم زینب رقیم ئولدی دورون باشلیاق عزا گجه لر . بوخسته دل بالامون ملک عدنه وار سفری روادی خوش باخیشی زینب اوخشیا گجه لر . بو طفلیدن الووی اوزمه (نادرا) که یقین خرابه دن تاپیلار گنج پر بها گجه لر . . 🍂🌱🍂🌱🍂🌱🍂🌱🍂🌱🍂🌱

چوخدور بابا ملال و غم و محنتیم منیم #شام_غریبان زبانحال دختر امام حسین (ع) در شب شام غریبان . مرحوم حسینی سعدی زمان . چوخدور بابا ملال و غم و محنتیم منیم یوخدور بیان حاله ولی فرصتیم منیم . باشون که یوخ بدنده دیوم گور نه نوعیله دوشموش خسوفه آی کیمی مه طلعتیم منیم . گوی یپراقی قویالا یارایه بو رسمدور مرهمدی سینه ده گویرن صورتیم منیم . آل ساقلقون کیمی منی بیرده قوجاقوه وار لطفوه اوزون بولوسن عادتیم منیم . یانمیش چادر قرانلقیدی گورمدی بی بیم سیلی یرین بولیدی ندور حالتیم منیم . چوخ نازیمی چکن واریدی بو گچن گیجه وار سرنوشتیمه بو گجه حیرتیم منیم . یاتدی یانان چادردا هامی من یاتانمادیم گلدیم سنیله تازه لنه الفتیم منیم . عمم ، آنام صباح گله جاخ گورماقا سنی من چوخ داریخدیم اولدی اودور سبقتیم منیم . خستیدی بسکه غم یوخوسی دوتدی عمه می تا اولدی گلماقا عملی نیتیم منیم . گل سنده گورماقا منی گوگلون گر ایستسه شامین خرابه سینده دم رحلتیم منیم . پیر غلام درگهوام ، من (حسینیم) نوکرچلیقدا یوخدی مگر اجرتیم منیم؟ . ویر خانه زادوه صله ای معدن کرم مقبول حضرتوز گر اولا خدمتیم منیم . عمریم یتوب تمامه سیزون آستانه ده انصافدور که ذلت اولا عزتیم منیم؟ 🍂🍂🍂🍂🍂🍂🍂🍂🍂🍂🍂🍂

تمام دهر و فلک لر ،جهان و مافیها #حضرت_رقیه 🍁🌱🍁🌱🍁🌱 در مدح حضرت رقیه (س) . محمد وهابزاده (عیّار اردبیلی) . تمام دهر و فلک لر ،جهان و مافیها موافقم یارانوبدی به عشق کرب و بلا . ستاره لر هامی دریالر و تمام کُرات حسینین عشقینه خلق اولدی یوخدی چون و چرا . نماز قیل وَ دفاع ایله حقدن ای عاشق بولاردان ئوتری کسیلدی باشی ذبیحِ قفا . عزایِ خونِ خدایه بیچوب بو قاره لری جناب فاطمه تیکدی او کوینگی حقا . اولوبدی قبری نهان یوخ بو سینه ده یری وار ضریح حضرت زهرانی ایلروک برپا . علی محبتی گر عشقیلن یازیلسا داشا اوداشی فرض ائله نخلِ جزیرۀ خضرا . علی محبتی دّرِ گراندی هر کس لر او عشقه داخل اولانمز بدون اذن ولا . ولیعهدِ علیدور حسینِ نیزه سوار خمیده اولسا سرِ نیزه هیچ دئمه عجبا . زِ بسکه باری گراندی دونوبدی کعبۀ حق به سمتِ مقتل خونینِ سیّدُالشهدا . قلمده غافل اولانمز مقام زینبدن بدون زینب کبری که یوخدی هیچ کبرا . قولیندا ردّ بلا باشدا نقش خون بی شک اولوبدی بختک خواب یزیدِ نطفه زنا . اوکس که هیمنۀ ظلمی سیندیروب سدّین سپاه دخترکانی غمیله ائتدی بنا . اولوب رقیّه او لشکرده منتقم لره باش دوروبدی پاسِ شبینده خرابه ده تنها . او گونکی پرچم شامی چکوب عمودیندن یازیلدی نخبۀ غیرت پدیدۀ زهرا .🍁🌱🍁🌱🍁🌱🍁🌱🍁🌱🍁

ای نو گُل چمن ختم رسالت اوغول #اکبریه وداع حضرت علی اکبر . . #سبک_ای_آسمان_غمون  . . مرحوم حسینی سعدی زمان . ای نو گُل چمنِ ختم رسالت اوغول واردور باشوندا سنون شوق شهادت اوغول ــــــ واگیرها از #مصیبی_تبریزی سودای دله باخدون اولدوز تک نه تئز آخدون یاندیردون منی یاخدون علی جانم . ای تاج سر لیلا وی بال و پر لیلا سن سن دلبر لیلا علی جانم . محبوب ازلی سن لوح غم غزلی سن لیلانین گوزلی سن علی جانم . آرام دل لیلا نور محفل لیلا حل مشکل لیلا علی جانم ــــــ . . هجره نه نوعی دوزوم آغلار دالونجا گوزوم شامه دونر گونوزوم چوخ ایتمه سرعت اوغول . . بیرجه دانش منیله چوخ حسرتم سوزیوه گیتمه دویونجا باخوم بیرده بو گُل یوزیوه بو زلفه شانه ووروم سرمه چکوم گوزیوه آلُ الَّلهه خوشدور اولا قربانه زینت اوغول . . درد فراقه نجه صبر ایلیوم دایانوم اگلش یره باشوا بیرده دوروم دولانوم پروانه تک علی بو شمع رخونده یانوم قربان اولام سنه گر وار جانه منّت اوغول . . گَتدیم بو حدّه سنی بی حدّ زحمتیله داماد ایدوم سنی تا عالمنده عزّتیله عکس خیالیم اولوب قالدیم بو حسرتیله گوگلیمده قالدی منیم بو درد و حسرت اوغول . . ویردیم فدا سنی من ای ماه پیکر علی چوخ شایقم بویانا قانه بو تِللر علی گیت اهل کین یولوی میداندا گوزلر علی قانون توکَر بُلورم اهل شقاوت اوغول . . بیر بیله حالی علی درک ایلمزدی خیال ایلوب بو حال منی بی حدّ غرق ملال لب تشنه ایلموسن بو چولده عزم قتال ای درّ خوش صدف بحر امامت اوغول . . حاشا دیم سنه من گیتمه جداله علی گیت جانون ایله فدا سن ذوالجلاله علی چون دوشموسن گورورم بیر اوزگه حاله علی حالون شهادتوی ایلر حکایت اوغول . . ایتمزله شرم و حیا بو کوفیان دنی ظلمیله قانه علی غلطان ایده لّه سنی تا وار بو جسمیده جان آغلار قویالّا منی ایلر قیام منه سنسیز قیامت اوغول . . دائم «حسینی» یوزه گوز یاشون ایله روان یاز نوحه شام و سحر بو غمده ایله فغان خوشدور آنا دلینجه بیر بیله ورد زبان ای نو گُل چمن ختم رسالت اوغول 🌴🌴🌱🌴🌴🌱🌴🌴🌱🌴🌴🌱

آتام اوغلی سنون جسم شریفون زیب میداندور 🍁🍁🍁🍁🍁🍁🍁🍁 زبانحال قهرمان کربلا در بالین حضرت امام حسین علیه السلام . سید حمید موسوی میانجی . آتام اوغلی سنون جسم شریفون زیب میداندور منیمده لاله تک قلبیم مصیبتدن دولی قاندور . سنون سینون مشبکدور مثال لانه ی زنبور منیمده قلب سوزانیم بسان شانه شان شاندور . کسنده باشیوی بیلمردی آیا شمر بی پروا آتان میر ولایتدی آنان خاتون رضواندور . دونوبدی چشمه ساره یاره لر مسکور سینونده الیم زلفیم ئوزوم بو قرمزی قانیله الواندور . وروبلا قلبیوه بیر اوخ اولوبدی کتفدن خارج ئولونجه ناله ی جانکاهیمه بو یاره عنواندور . شهیده غسل وئرمزله وئریبله قانیله غسلون حنوطون قرمزی تربت دلیل عشق جاناندور . قتیلی ایلمزلر مثله قانون شریعتده ولی بو بی حیالر منکر احکام سبحاندور . کتاب عشقدی نعشون اولوب بیدادله اوراق داغیلمیش عرصه گاهه گوئیا بی جلد قرآندور . نه باشون نه الون نه بارماقون وار تنده نه جامه یارالی پیکرون عریان دوشوب خاکیله یکساندور . دگوبدی بیر بیره آت دیرناقیندا نقشه ی جسمون جوشور قان یاره لردن حالیوه هر یاره گریاندور . چاتوبدی باش باشا سنبل کیمی سینونده کی اوخلار سولان دسته گله بنزیر صبا دگدوقجا لرزاندور . خدنگ و نیزه و شمشیر ائدوب اندامیوی گلشن تبسم ایلوری یاره یارالار جمله خنداندور . سویوبلار جسمیوی عریان قالوبسان گون قباقینده جهاندا هانسی مولانین بئله اجلالی تالاندور . ائله تاراج ائدوبدی رختیوی بو لشگر یاغی وجود زخمدارون گون کیمی قان ایچره عریاندور . طلاطم ایلوری دریای غمده کشتی صبریم سنون تک ناخدا قان قلزمینده غرق طوفاندور . اوزون فلک نجات ماسواسن لیک قان ایچره دوشوب گردابه نعشون لنگری شمشیر و پیکاندور . ئولونجه آغلاسام عباسیمین ایثارینه آزدی سووا تشنه گئدوب تشنه قیتماق عشقه میزاندور . خیامه خجلتیندن گلمدی شرمنده جان وئردی جفایه سیر ائله سقا اوزی سو اوسته عطشاندور . علی اکبرین صد پاره جسمی بند بند اولدی رسول اکرمه بنزر وجودی قانه غلطاندور . حرملر واعلیا ناله سیندن اولموری آرام مذمت یوخ آناسی لیلیه مجنون دوراندور . سریه قاسمه ماتم قوروب هی اوخشیوب آغلور دوتوب اود قلب بریانی شرار آهه سوزاندور . ربابین گوزیاشی نهر فراتی شرمسار ائتمیش دیور الله قبول ایله بالام شش ماهه قرباندور . تاپوبدی کثرت غمدن بنای صبریم اضمحلال منیم تک هانسی قارداشسیز جهاندا خانه ویراندور . محبت عالمینده اوزموشم ال ائل قبیلمدن بو سایسیز دشمن ایچره مونسیم فریاد و افعاندور . غریبم بیر کسیم یوخدی گئدوب قارداشلاریم الدن پوزولموش خاطریم آشفته زلفیم تک پریشاندور . بولوط تک چولقویوبدی قلبیمی غملر فراقونده ائله اشکیم آخور گوزدن بسان ابر نیساندور . چتین عمریم بویی سندن صورا بیرده ئوزوم گولسون ئولونجه زینبه دنیا غمونده بیت الاحزاندور . خوشام اوز مرگیمه سیر اولموشام غملی حیاتیمدن نفس تنگه دوشوب دلده ائله بیل عمره پایاندور . دور ایله بدرقه محنت قطاری یولانور شامه باشون بو در به در اطفاله یوللاردا نگهباندور . همیشه «موسوی» گوزدن عذاره اشکیوی باغلا حسینه آغلاماق هر بی دوا درد اولسا درماندور 🍁🍁🍁🍁🍁🍁🍁🍁🍁🍁🍁

من حسینم نور چشم مرتضایم کوفیان 🍂🍂🍂🍁🍁🍁🍂🍂🍂🍂 اتمام حجت نمودن حضرت سید الشهدا (ع) . #سبک_زینبم_جان_اوستیم … 4 سبک . مرحوم غلامعلی باقری الهام (هوشی تبریزی) . من حسینم نور چشم مرتضایم کوفیان تشنه لب احکام قرآنه فدایم کوفیان . . مهر دینیله تاپوبدور پرورش جانیم منیم واردی جانانلا ازلدن عهد وپیمانیم منیم خوشدی دین اوسته آخابودشتیده قانیم منیم مست جام عالم قالو بلایم کوفیان . . عشق دین دولمش ازلدن سینمین کانوننه واقفم قرآن و دینین باشرف مضموننه قویمارام بدعت قویولسون جدیمین قانوننه مجری احکام شرع مصطفایم کوفیان . . دولدروبسوز عالمی سیز کفر بی پایانیله دورموشام من تک مقابل قوه ایمانیله ایلورم دعوت بحق من سیزلری قرآنیله متن قرآنم اوزوم نور هدایم کوفیان . . . من حسینم ایلیوب حق لطفونی احسان منه ال تاپا نماز بیعت اوسته زاده سفیان منه حقه پشتیبانم حقدورعمده پشتیبان منه هر زمان منظور حی کبریایم کوفیان . . من حسینم کوفیان ممتاز لر ممتازیم مظهر حقم حقیقت عاشق جانبازیم شاه عشقم لیک دینین جان بکف سربازیم دینه فخریمدور فدای با وفایم کوفیان . . تیره دلسوزای جماعت وای اولا احوالوزه تیره بختی هرزمان عازمدی استقبالوزه دانموسوز دینی اولون آماده اضمحلالوزه پیش گفتاریمده صادق مطلقایم کوفیان . . قویمویون فعلوزله قلب صاحب اسلامه درد کور کورانه سیـز اولمون اهل دینه هم نبرد اولماسا دینوزده دنیا ده اولون آزاد مرد راد مرد انسانلارا من پیشوایم کوفیان . . سالمیون کفروزله بوآفاقه ظلمت سایه سی دین آدیله اولمیون اسلامه خفت مایه سی آشکارادور جهاندا یوخدی ظلمین پایه سی بیرگورون بیربیله ظلمه من سزایم کوفیان . . حق سوزه گرچه جوابوزناوک دلدوز دور یوخ هراسیم ذره جه چون طالعیم فیروزدور وار عقیدم بوسوزه حق عاقبت پیروز دور من حسینم فاتح کرب و بلایم کوفیان . . عالم امکاندا من مصباح نور سرمدم سایۀ لطف خدا مهر سمای امجدم حضرت زهرا آنام دور نسل پاک احمدم حجت حق خامس آل عبایم کوفیان . . اول کسم من که زبانیندن غذاویرمش رسول بسلیوب دورسینه سی اوستونده زهرای بتول دشمنه باش اگمرم من ایتمرم ذلت قبول وقر دینم عزّت اهل ولایم کوفیان . . حق یولوندا من بوگون بیرجاهد فرزانیم آشنایم دینه دنیایه ولی بیگانیم شمع قرآنه یانان جاندان گچن پروانیم هر بلایه حق یولوندا آشنایم کوفیان . . کور ایدوبدور حب دنیادیدۀحق بینوزی چخموسوزدینوزدن آخردانموسوز آئینوزی ساتموسوز عالمده دنیای یزیده دینوزی لیک بو دنیایه من بی اعتنایم کوفیان . . واقفم عشقین ازلدن صورت ومعنا سینه سوق ایدوب بوعشق آخربوبلاصحرا سینه جسمیمی غرق ایلرم بوچولده قان دریاسینه چون او قان دریاده دُرِّ پر بهایم کوفیان . . وار بیلکده قدرتیم تا وارالیمده ذوالفقار ایلرم بوگون بوچولده شورمحشرآشکار ضرب تیغیله گتورّم روزگاروزدان دمار رزمده چون وارث شیر خدایم کوفیان . . روز اوّل عهد وپیمان ایتموشم جانا نیله تا وارام وار الفتیم اولده کی پیمانیله گلستان دینه سوویرم بوچولده قانیله من بوگون اوزعهدیم اوسته با وفایم کوفیان . . جان ویروب بودشتیده چون اشجع ناسیم سوسوز یاوریم پشت وپناهیم یعنی عباسیم سوسوز شیرخواره اصغریم هم اکبر و قاسیم سوسوز بار محنتدن اولان قدی دوتایم کوفیان . . تشنه لیقدان گرچه واردوردلده سونمزاخگریم ایچمرم آب فراتی واردی سرّ مضمریم خنجر شمره سوسوزدورلیک تشنه حنجریم ظلمیله تشنه ذبیحا من قفایم کوفیان . . قویموشام آ غلار خیمده اهلبیت بیکسی تک تکندن بیرباخون عرشه چخورشیون سسی صبریمی امّا آلور الدن رقیه ناله سی وار بو علت بیله پر شور ونوایم کوفیان . . (هوشیا) طبع روانون صاف وشورانگیز ایله عشق شاه دینله جام دلون لبریز ایله بوسوزون ذکرایله حشره الده دست آویز ایله من حسینم نور چشم مر تضایم کوفیان . 🍂🍂🍂🍁🍁🍁🍂🍂🍂🍂🍁🍁

آچگوزون سر لشگریم ای قلبیمه آرام اویان 🌴🌴🌴🌴🌿🌴🌴🌴🌴 زبانحال شاه حجاز در بالین حضرت ابوالفضل العباس (ع) . #سبک_زینبم_جان_اوستیم … 4 سبک . مرحوم حسینی سعدی زمان . آچگوزون سر لشگریم ای قلبیمه آرام اویان پرچمون یاتدی یخلدی پرچم اسلام اویان . . باش و جان وقف رواج مذهب و دین ایلدون پرچمون یاتدی ولی ترویج آئین ایلدون اهتراز پرچم اسلامی تضمین ایلدون قانوی دین اوسته توکدی قوم بدفرجام اویان . . نه قوای انتظامی وار نه لشگر نه وزیر تک سنی برهنگ لشگردن دوتاردیم من دلیر سندی سنسیز لشگریم ، اولدی جری قوم شریر ای شجاعت بیشه سینده قان توکن ضرغام اویان . . سنسیز اجرا ایلمز بر کیمسه منویّاتیمی کیم بُلر برنامۀ آمال و تبلیغاتیمی انقلابیّون پوزار بو چولده تشکیلاتیمی ایده آلین ایلر اجرا قوم بدفرجام اویان . . من اوزوم یالقیز کمکسیز بی معین و آشنا دشمنین امّا قواسی چوخ قوی وحشت فزا ای بو لشگر سیز شهه فرمانده کلّ قوا ظلم الیله قارداشون یالقوزلیوب ظلاّم اویان . . ای وجودی گوهر مهر و مواساته صدف آسمان حُسنه ماه آل هاشم متّصف ایلدی کیم قانیله ماه جمالون منخسف سن دوتولدون گوندوزوم اولدی گوزیمده شام اویان . . قول بوداغین قیردیلار بو سروه بنزر قامتین قویدولار بی سایه بو چولده پیمبر عترتین ایتدیلر گل قانویله نهر علقم تربتین گل نشین ایتدی امیدیم ناقه سین آلام اویان . . ای سوسوز ساقی اولان جامی جفائیله شکست هر وفالی عاشقه ویردون وفائیله شکست کاسۀ سر ، جام چشمون بر یارائیله شکست کاخ دین ترمیمین ایتدی بو شکست الزام اویان . . من گلنده العطش صوتیله دولموشدی خیام سو دیوب آغلاردی یکسر عترت خیرالانام دولدوروب گوز مشگین اشگیله سوسوز قیزلار تمام دلده سو یولاردا گوز الده قوری بیر جام اویان . . سن که گیتدون سوز غم اودلار پیمبر قزلارین گوز یاشی سیراب ایدر ساقیّ کوثر قیزلارین دل سیه دشمنلریم زهرای اطهر قیزلارین قولاّری باغلو ایدلّر کوفیه اعزام اویان . . شیریدون سن ای آتام شیر خدایه یادگار حیله ایله روبهان کوفیه اولدون شکار کسمه سیدی پنجه وی قوم خطا کار و شرار زخمدار آهو تک اولمازدون خدنگه رام اویان . . ای هامی الدن اوجا سر پنجۀ شیرانه سی صف شکن ، شیرخدا تک پنجۀ مردانه سی اودلانار سنسیز غزالان حرم کاشانه سی ای شجاعت کانی شیر شرزۀ آجام اویان . . روسفید اولسون ایکی دنیا آنان امّ البنین بسلیوبدور سن رشادتده جوان حامی دین نه گوروب مانندیوی چشم سموات و زمین نه دوغار مثلون دوباره مادر ایّام اویان . . قولّارون قانی یازوب صدق و صفادن بیر رقم گوزلرون قانی غم بی انتهادن بیر رقم آنّوون اوخ یاره سی شرح وفادن بیررقم قارداشون قان آغلادار عمرینجه بو ارقام اویان . . سنکه آتدان دوشدون ای بو بیکسه پشت و پناه عترتیم قالدی بو غملو دشتیده بی دادخواه باشیمی تشنه کسر دویماز جفادن بو سپاه ایلر آلِ مصطفانی سویماقا اقدام اویان . . یاتماقا خلق اولمیوب بو خلق «سعدیّ زمان» خواب غفلتدن اویانسان وار حیات جاودان آختارورسان گر بقا فانی اولاندا بو جهان یاتما جهد ایت سال اله بیر جاودانی نام اویان 🌴🌴🌴🌴🌿🌴🌴🌴🌴🌴🌿🌴

تلّین اوستونده ابوالفضل سسینی آلدی حسین 🌴🌴🍃🌴🌴🍃🌴🌴 روضۀ حضرت ابوالفضل (ع) . مرحوم غمکش . تلّین اوستونده ابوالفضل سسینی آلدی حسین ئوز قویوب علقمه اول فاطمیه نور دو عین دالیسیجاق ائلدی زینب اونون شیون و شین گلدی قارداش باشینی قارداشی آلدی دیزینه توکدی گؤزیاشینی حسرتله ابوالفضل ئوزونه . . سسلدی سوزیله قارداش، دئمه قارداش ئولورم گلمیشم دادوه بیرباش دئمه قارداش ئولورم آلوب اطرافیمی اوباش دئمه قارداش ئولورم بئلی سینسون بئلیمی سیندیرانون قارداش اویان گؤزی چیخسون گؤزوه اوخ ویرانون قارداش اویان . . زینبیم قالدی یامان گونلره یاتدی عَلَمون یارالیدی اورگیم قدّیمی بوکدی بو غمون قدسیانی گتورور نالیه آهی سینمون دشت محنتده آدامسیزلاری قویما نگران دور گدک خیمه لره قیزلاری قویما نگران . . گؤزیاشیم درد فراقوندن عذاره دوزولر آچماسون گؤزلروی دردیمی اشرار بولر سس منه وئرمسون عبّاس، جفا اهلی گولر بیلوسن سنسیز اخا یاوریم الان یوخدی ال چالانلار آلوب اطرافیمی دشمن چوخدی . . سو کیمین یاره لروندن آخوری قان باخورام جان وئرورسن سو کنارینده لب عطشان باخورام یانورام اودلانورام حالوه حیران باخورام آچا بیلسون گؤزوی حالوی بیللم یارالی منله بیر کلمه دانیش، غصّه دن ئوللم یارالی . . سنسیز عبّاس حسینون گونی الحق قارادی پیکرون باشدان ایاقه وای ابوالفضل، یارادی دور گئدک خیمیه آخر بورا قارداش هارادی عترتین باشینه آخر سنیدون سایه سالان زینبین عزّتینی ایلمه بو چؤلده یالان . . گئتمه سون خیمیه سن زینب دل خسته گلر وای ابوالفضل چاغیرار خواهر وارسته گلر الده سو جامی سوسوزلار باشوین اوسته گلر قیزلاریم گلسه باشون اوسته قیامت ائلیر گؤرسه اشرار بو احوالی شماتت ائلیر . . گلمیشم باشوین اوستونده نه تاب و تبه من یانورام آغلیورام سوزیله بو مطلبه من گئتمه سون خیمه سرایه نه دئیوم زینبه من نگراندی بیلورم ناله سی عرشه اوجالوب مهربان زینبون عبّاس، گؤزی یولدا قالوب . . سینه ده چوخدی ملالیم اورگیم قانه دؤنوب بوکولوب قامتیم الان داخی چوگانه دؤنوب بو ایشیقلی گونوزوم لیلۀ ظلمانه دؤنوب سنسیز عبّاس داخی شمر، شریر اولمالیدی قیزلاریم لشکر اشراره اسیر اولمالیدی . . «غمکش» ای شیردلیم دائمی آغلار بو غمه انتقامه چاغیرار قائمی آغلار بو غمه اوخویار شعرلرین «ناعمی»، آغلار بو غمه من عزاداریمی هنگام خطر ساخلیارام حشریده هر ایکیسین مدّ نظر ساخلیارام . .🌴🌴🍃🌴🌴🍃🌴🌴🍃🌴🌴