🕯 آتش زدن به درب خانه حضرت علی (ع) 🕯 عمر اود ووروبدی یانور قاپی قاپینون دالیندادی فاطمه ائله همتیله دوروب خانم که سالوبدی خصمی تلاطمه سپر ایلیوب سینه سین او دم او شرار سرکش حاطمه که مباد خنجر کین گلوب ستمیله حیدره چکدیلر قاپیدا چوخالدوقیجان آلو چوخالوردی همت فاطمه نه وئرردی عجزه اجازه ای ، نه نوایه غیرت فاطمه نه ده بیر نفر کمک ایلیور بودی حد غربت فاطمه قاپی یاندیران اودی باطنا او دل مکدره چکدیلر قاپیدان اوجالدوقیجان شرر خانم ایلیور سینه سین سپر وای اگر آچیلسا فشاریله او خانم نه حاله قالار مگر بخصوص آتش کینه دن قزارا او میخ بزرگ در قزاران او میخیله اهل کین یارا خسته شهپره چکدیلر سینه دن کبوتر رحمتی یارالادی ثانی بی حیا اونی سالدی بو یارا بیر حالا بویانوبدی قول قنادی قانا او بلایه صبر ائلین خانم چاغیروب مکررا آی بابا گل اوزون هراییمه آی بابا یارا نص کوثره چکدیلر باخون اول جفا گونونون گورن امرای شوم پلیدینی او صفالی زندگیدن داخی خانیمون کسوبلر امیدینی ستمیله نیلی ، محمدون ، ائلیوبله یاس سفیدینی که یارانی زهریلی خاریله او گل معطره چکدیلر او علی مدافعینی قویوب امرای فتنه میان دود اونا ورد اولوبدی علی آدی ، اورگینده ذکریدی یا ودود او نبی سلاله نی یانماقا ستم و جفائیله مثل عود ایلیوب بهانه علی آدین اونی بین مجمره چکدیلر بیری اولمادی دئیه ثانیه ، نیه دوتدی یثربی رنگ خون ائدوسن بوقدری جفا ندن طمع خلافته ای زبون نه جسارتیله اولار مگر ائلیوبله لاله نی نیلگون ائله ضربه لر که اهل کین رخ لاله تره چکدیلر ستمیله چهره عصمته چکیلوبدی قانیله بیر نقاب ندور علتی که پیمبرون گلی سولماقا ائدوسن شتاب که اولوبدی صحن سراده باخ ستمیله غنچه آفتاب او اودیلا که در خانه علوی حیدره چکدیله یئری وار بو باره ده شیعه نون اورگی بلا اودینا یانا آنا سقط ائدوب بو زمانده یخیلوب آنا بالا یان یانا بویانوبلا محسن و فاطمه قاپینون دالیندا قزل قانا که ستمله لاله قانین بولار ورق شناوره چکدیلر ✍ #مرحوم_استاد_محمد_تقایی 🏴 #ایام_فاطمیه #فاطمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

حیدرین گوزلری زهرا ئوزونه چاره گزور چاره سیزلر کیمی بو بختی گونی قاره گزور آشیانین ایتیرن گوش کیمی آواره گزور درد هجرانوه حاشا ئورک عادت ائلسین کاش اجل بو گئجه گلسین منی راحت ائلسین نیلورم فاطمه سیز زندگی غمباری غمفزادور ائویمون درگهی هم دیواری گوزلرین گوردوگیجن قانه باتان مسماری گئجه لر صبحه کیمی اشکیمی گوزدن الرم بو قرانلوقدا قالان قبرون اوسته گلرم حقلیم قلبیمی مستغرق آلام ائلیوم حقلیم خون دله گوزیاشیمی جام ائلیوم قالدیم آواره حسینی نئجه آرام ائلیوم بیر بئله گونلره عمرومده خیال ائتمزدیم اولماسیدی بالالار منزلده گئتمزدیم صبحه جک قبرون اوستنده قالاردیم گئجه لر ئوزومی تربتون اوسته سالاردیم گئجه لر عطروی غصه لی قبروندن آلاردیم گئجه لر آییلوب قورخولی ائوده مله شللر بالالار چوخ یوبانسام گئجه قبر اوسته گله لر بالالار ✍ #استاد_غلامرضا_هادی اردبیلی #فاطمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

🥀 ماجرای نبش قبر حضرت زهرا (س) 🥀 قلم عاشقدی زبس حضرت زهرا آدینا باشلیور مطلبی صدیقه ی کبری آدینا بیر نچه کلمه یازا مفخر لعیا آدینا مام سبطین آدینا اولسا سرآغاز سخن وار امیدیم قلمیم ایلیه اعجاز سخن فاطمه آدی گلن مجلسین عزّت واریدی ارزیابی ایلین یوخدی نه قدرت واریدی حجّت قائم آل اللهه نسبت واریدی آغلیوب آغلادانا شخصاً اوزی ناظر اولار آنانین آدی گلن یرده اوغول حاضر اولار اوزی تاپشورموشیدی دفنی اودور قالدی گجه مرتضی گنج حیانی اوزی دفن ایتدی گجه دفن ایدندن صورا بولمم ایوینه گلدی نجه صبحه تک یاتمادی نوحه ایلدی اوز اوزونه یارین الدن ویره هر کیم یوخی گلمز گوزونه صبح آچیلدی چاغیروب اوغلون او خلّاق سخن آناوین ماتمی دور آچ قاپونی اوغلوم حسن بلکه پیغمبره خاطر بیزه ده اولدی گلن گیتدی زهرا اطاقیم محبس ظلمتدی منه کیم بو محبسده تسلّی ویره منّتدی منه مجتبی شخصاً اوزی آچدی او یانموش قاپونی ظلمیدن توستوسی افلاکه دایانموش قاپونی ایتمه ایراد دیسم قانه بویانموش قاپونی نکته باریکدی بو مطلبی هشیار بولر سینه ی حضرت زهرا ایله مسمار بولر باب ماتم آچوقیدی او گون اهل وطنه مرتضی شخصاً اوزی منتظریدی گلنه گلن اولمادی خطاب ایلدی اوغلی حسنه بیز بو یثربده غریبوق، قاپونی باغلیاقون ویره گون باش باشا ایوده اوزوموز آغلیاقون بزم ماتم بولوسوز زینتی دور هر اُلنون کیمی بیزدن صورا بو شهریده وار فاطمه نون بلبلی زینبیم اولسون بو سارالموش چمنون من اوزوم گرچه حسن اهل سخن سروریم بو شیرین دل باجیوین سوزلرینه مشتریم دورت بالا، بیر آتا زهرایه قوروب بزم عزا روح پیغمبر خاتمده قوشولدی اولارا ناگهان صحن سراده ایلدی فضّه صدا یاعلی تیر ستم قلبیوه آز قالدی ساچا ثانی ایستور خانموم فاطمه نین قبرین آچا فضّه نون غملی سوزی زینبی ایتدی نگران ایاقا دوردی یریندن چکوب ال اوخشامادان ذوالفقاری گتیروب گلدی بیانه باباجان چوخ یوبانسان بولوسن سمت بقیعه قاچارام آنامون قبرینه ال دگسه اگر باش آچارام گیچدی دیباچه ی سوز مطلبیمه ملتفت اول بو گریزی یازورام قلب ایلیور وحشت و هول زینبی واهمیه فضّه سالوبدور ایکی یول بیری یثربده ایشیتدور بولورم دقّتیله بیریده کرب و بلاده ایشیدون رقّتیله اسرانی باشینا یغمیشیدی زینب زار فضّه گلدی الی باشدا اوزی بی صبر و قرار قلب لشکرده چکور کوفه نین اهلی دیدی جار سوزی پردیله دیوم ایش چتینه یتدی خانم آتلارین نعلینی دشمنلر عوض ایتدی خانم دیدی فضّه کیمیمیز وار بیزیم امداده گله مرتضی یوخدی بو چولده آلا شمشیرین اله اگلشون سیز، یتوروم من اوزومی تلّه هله الی باشدا دایانوم قانلی بیابانه باخوم حرکات سپه فرقه ی عدوانه باخوم چخدی تلّ اوسته نظر سالدی جفا لشکرینه کوفه نین ملّتینی گوردی دگوب بیر بیرینه دقّتیله قولاق آسدی اولارین سسلرینه بولدی شورشدی قوشون ایچره اوجالموش غوغا حرّون ائل طایفه سی ایستیور ایتسون دعوا آرادان گیتدی دیولّر داخی ملّیّتیمیز سیزون آت چاپّاقوزا یوخدی بیزیم صحبتیمیز ولی حرّیله بیزیم وار بولوسوز نسبتیمیز بی تعصّب دگیلوق آدیمیز اولسون رسوا بو عملدن ایده سوز حرّی گرک مستثنی سعدین اوغلی ایله که مسئلیه اولدی خبیر آز قالور گوردی دوشه لشکره بیر جنگ کبیر امر ایدوب شورش ایدن قومه او ناپاک ضمیر سیزه من عفو ایلدیم حرّی گیدون کفن ایلیون هارانی ایسته سه گوگلوز آپارون دفن ایلیون حرّون اقوامی گلوب دوره لدی رهبرینی قتلگهدن گوتوروبلر یارالی پیکرینی باخدی زینب اولارا قان ایدوب اشک ترینی گوردی عزّتله یولا دوشدی حسینون قوناقی کثرت عشق و تعصّبدن اسوب دل دوداقی دیدی حرّین واریدی بوردا حمایت ایدنی حمل ایدوب قویمادیلار زحمته دوشسون بدنی کمک اولسیدی حسین قویمازیدیم یرده سنی کیم آدامسیز اولا رخسارینه گوزیاشی آخار چاره سیز قالسا باجون تک گوزی اطرافه باخار هر باجی لازمه دور حامی اولا قارداشینا اولماسا خدمته آماده کول اولسون باشینا باجیوین رحم ایلین یوخدی حسین گوزیاشینا اورگیم پارچالانوب دردیمی هیچ کیم بولمز نیلیوم دشمنه یالوارماق الیمدن گلمز مقتله یوخسا گتورّم قره معجرلریوی یالواروب دشمنه آلّام یارالی پیکریوی دوتاروق مرکز میدانیده دور و بریوی گوتورر نعشیوی یردن بو یورولموش نفرات قائل اولّوق سنه ده حرّ کیمی تشریفات نه باخان واردی بیزیم ناله ی جانکاهیمیزه نه یانان واردی حسین اشکیمیزه آهیمیزه بیز سنی تاپشوروروق بیر اولان اللهیمیزه بوندان آرتوق نه روا فاطمه نون قلبی یانا یارالی سینوین اوستونده سنون آت دولانا ایستیور کوفه نین اهلی ایده بیر ظلمه قیامت ویره لر تند روش آتلارا مقتلده لجام قاریشا خاک شِفایه شهدا عضوی تمام دوغرانان جسمیوه سعد اوغلی اهانت ایلیه اهل اسلامه نصاراده شماتت ایلیه ✍ #مرحوم_حاج_انور_اردبیلی #فاطمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

ولیکن وقت اووقت اولدی وئریلسون غسل زهرایه چخاردوبلار لباسین مغسل اوسته ماه پیکردن قالوب أگنینده بیرجه اوزوصیت ائتدیگی کوینک مبادا مرتضی آگاه اولاقنفذ وران یردن دریغا غسلنه مشغول اولاندا ساقی کوثر (آیون نوری نهان محنتلری فاش ایلدی بیردن) علیدن گیزلنن سیلی یرینه آی ایشیق سالدی الین وردی ألینه أل چکوب اول جسم اطهردن یوزین دیواره قویدی  آغلادی بیرهای هاییلن جمالین ایسلادوب سیل سرشک دیده تردن مخاطب ائتدی ماهی بوزبان حالیلن گویا کی گیزلت نوروی صحن سرای آل حیدردن بوگل جسمی که من گوردوم أقلا گورمسون زینب خبردار اولماسین تاسینه مجروح مادردن باتیدون کاش افقده بوگجه سن اول شبده قرانلوقدا ویریدیم غسلینی بو اشک أحمردن... https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ✍ #مرحوم_استاد_منزوی 🏴 #ایام_فاطمیه #فاطميه

سدره مکاندی بزم جلالتده فاطمه هم کفو مرتضادی لیاقتدی فاطمه اهل کسانون عزتی خلقت چکیده سی بی مثلدور نژاد و نجابتده فاطمه محبوبه دور صفات گرانقدر و قیمتی محموده دور مقام عبادتده فاطمه ام الائمه جده سادات روزگار آئینه دور پیمبره طاعتده فاطمه مرضیه و محدثه صدیقه طاهره خطی جلیدی لوح شرافتده فاطمه اوغلانلاری مسیحدن افضلدی تک به تک مریمدن آشنادی دیانتده فاطمه قدسیه دور عصاره جسم رسول دور خوش غنچه گلدی باغ رسالتده فاطمه قدری بلنمیوب هله بو روزگاریده یوخدور بیلن نه شخصدی خلقتده فاطمه بیر گون اولار ولی بلینور قدر و قیمتی ظاهر اولاندا یوم شفاعتده فاطمه پیراهن حسینی سالان وقته باشینه عباس الی الینده قیامتده فاطمه بیر گوندی که اوگون غم و محنت رواجی وار پیغمبرونده فاطمیه احتیاجی وار ✍ #مرحوم_استاد_انور_اردبیلی #فاطميه 🏴 #ایام_فاطمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

🥀 تعریف حضرت زهرا (س) 🥀 زیباترین پدیده خلقتدی فاطمه بارز ترین نمونه عصمتدی فاطمه آیینه دور گوزلیگینه ذوالجلالینون اسطوره وقار و شرافتدی فاطمه پیغمبر ئوپدی اللرینی سویلدی قیزیم بوسه الوندن عین عبادتدی فاطمه سن کوثر جمال و کمال الهی سن حسنون تمام خلقته نعمتدی فاطمه محبوبه خلق ائدوب ئوزینه لامکان سنی حقون رضاسی سندن اطاعتدی فاطمه بال ملک لره یازیلوب نور نابیله مسند نشین روز قیامتدی فاطمه آدم سنه توسل ائدوب تاپدی مغفرت حوا قاپوندا سائل رحمتدی فاطمه زینب کیمی مجاهده میدان عشقیده داناترین مدرس غیرت دی فاطمه مریم یقین دی سندن آلوب درس عفتی نفس زکیه سندن عبارتدی فاطمه سن هاجرین یتیردون الین فیض زمزمه عالم سنه طفیل کرامتدی فاطمه سنسیز نه گلشنون نه گلون وار طراوتی جنت سنون قاپوندان عبارتدی فاطمه چشم امید شیعه لرون روز محشره سنده اولان جواز شفاعتدی فاطمه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr ✍ #استاد_سید_تقی_سیفی_اردبیلی 📚 #کتاب_ماه_مدینه 🏴 #ایام_فاطمیه #فاطميه

کرب وبلاده ظلمیدن شعله لنیب شرارلر* گوز یاشی تک افول ایدیب دوشتی یره ستارلر * ویردی تمامه سیرنی چرخ امامتون گونی* تیره وتار اولوب جهان باتی هدایتون گونی * دشت بلاده آشیکار اولدی قیامتون گونی * اونداکی قاشدی خیمدن چوللره ماهی پارلر*قتل حسینی شیمر دون پخش قیلیب اساکره* ویردیلار اوت سیپاه کین یاندی خیام طاهره * قوم عدو اوشاقلاری ایلدیلر محاسره *   قاشتی آنا توشوب یره آغلادی شیرخارلر* هر گلن آتلی بیر قیزی غسب ایدیب آلدی معجرین * غارت ایدیب لباسینی سویدی تمام زیورین* تازه گلین قولاقینه قویدی حنالی اللرین* قانه باتیب یوزی گدیب غارت گوشوارلر*  ایستی هوا سوسوز دوداق خیملرون حرارتی* باشلار آچیخ ایاق یالین خاروخسین اذیتی* لشکر شام وکوفنون هلهله ی بشارتی * کف چالوراول پیادلر اوینادی آت سوارلر*   سالدیلار آت قاباقینه نازلی سوسوز اوشاقلاری* قودولا بسکی قورخودان پارچالانیب دوداقلاری* دوشتوله چوخ موصیبته کرب وبلا قناقلاری* غارت اولوب نقابیلر مقنعلر خمارلر  زینب او گیریداریده جیه چکیب آچیب باشین* اللری باشدا یوز قویوب مقتله توکدی گوز یاشین * أین أخا دیه دیه تاپدی یارالی قارداشین * گوردی آچیبدی غنچه تک گول بدنینده یارلر * عرض ایلدی حسین عجب زینبی گوزدن آتمیسان * تازه کسیبله باشوی گول گیمی قانه باتمیسان* سرّی ندور بونوعیله سن اوزی قویلی یاتمیسان  * یاتمابو نوعیلن باتار سینوه تیغی پارلر* من بو سفالی گولشنین خاروخسین درم گرک * آرخاسی اوسته دوغرانان جیسمووی دوندرم گرک * چکمرم ال دانیشماسون من سنی دیندیرم گرک* دورنجه گور اسیر اولوب دشمنه بختی قاره لر* چکمه "بیضا" بیرقدم درگاه شاه دینیدن * آغلا همیشه نوحه یاز مطلبون آل حسینیدن* بلکه براتی لطف اولا شافعیمیز نبییدن* روز جزاده باغلانان وقتیده راه چاره لر ✍ #مرحوم_بیضای_اردبیلی #فاطميه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

احوالات غارت اخیام امام حسین (ع) قشون قرالتیسی گورسندی تلون اوستوندن حسینون عترتی تترمیه دوشوب بیردن اوشاق بیوک توکولوب دوتدی زینبین اتگین الینن آلماسین الله هیچ کسون کمکین دییردی قیزلار اولار کیمدی عمه جان قویما آتاسیزوق بیزی اینجیتسه ظالمان قویما بیزیم لباسیمیزی ویر یزید لشکرینه آلوب بو غارتی لشکر قییتسون اوز یرینه اماندی قویما عربلر بو خیمیه دولسون اوزون گوروب اولارون طفللرهلاک اولسون او سسلری که اوجالمیش گوگه عربلردن بیزیم اورکلریمیز قان اولول بو سسلردن ایا امام زمان یا خلیفة رحمان او آغلیان گوزیوه جانیمیز اولا قربان اوزون بیلورسن او بیرحملر نجه گلدی هراس اولوب نچه قیز زهره چاک اولوب اولدی قشون او خیمه لری بیر آلو کیمی بورودی اوشاقلارون یاخاسیندان دوتان دوتوب سورودی سویوب توکوب داغدوب چاپدیلار او خیمه لری آپاردیلار زر ودیبا و شال و ترمه لری هر اول کسی کی طلاسینی گج چیخارداردی به فوری اوستونه یوز تازیانه قالخاردی قاچاردی هر کیم اووحشیلرون قاباقیندن قووب دوتوب چیخاداردی طلا قولاقیندن ویرردی هر کیم الیندن نقاب و معجرینی توکردی تز یوزونه پرده پرده زلفلرینی هوا دولی سویولان قیزلارون نوا سسی دور او دشتیدن اوجالان وامحمدا سسی دور لباس و فرش و نمددور حریر اورتوکلر بیری بوکر بیری قاتلار بیری آتا یوکلر طنابلرکسیلوب خیمه لر توکولدی یره بیری یغار بیری باغلار بیری چاتار شتره حسینون اوندا قیزیل صندلین چکوب آپارار ایاق یالین عربیدی اوزی کئچی اوتاران آپاردی وردی اونی سعدون اوغلی اگلندی او حالیله نئجه زينب گوزینه گورسندی چکنمرم قلمه غارتی قلم به قلم که یوخدی وقتیده فرصت دیوب سیزه یتورم چون اولدی فارغ او غارتگران غارتدن گینه گوتور مه دیلر ال حریم عصمتدن حسین بالالارینی ایتدیلرسراسیمه او یرده قوردیلا بیر کهنه مندرس خیمه مکان وریلدی او خیمه بیر عده خون جگره او خیمه نون اتگین میخیله تیکوبله یره او خیمه دن اوجالوب عرشه صوت یاالله آلولی مشعل الینده نچه عرب ناگاه یتیشدی وردی اودی خیمیه الولاندی آچلدی روزنه بیر سمتیدن چادر یاندی امامدن یتیشوب اهل بیته حکم فرار اوزون وروب اودا قاچدی یانا یانا قیزلار ایاق یالین باش آچوق زلفلر پراکنده اولوبدی هر بیریسی بیر یره پراکنده بیری اوزاقلاشو تپراقدن قبا بورونوب یاتار یره سینه سی اوسته قورخودان سورو نور بیری اوزون ایتوروب ات دوشونده دالدالانور او طفللر هارا گیتسون مگر هارانی تانور بیریسی تلدن آشدی بیری نیستانه بیری قاچوب سیخیلوب سایه مغیلانه قباق قباقه گلن طفللر قوجاخلاشدی او حالینه اولارون اهل لشکر آغلاشدی ✍ #تاج_الشعرا_یحیوی_اردبیلی #حسینیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

‍ گون تابشیندن یر قزوب تفتیده آهن پاره دور قویما مبارک آلنوی قوم اوسته آلنون یاره دور  من بی نیازم سجده دن,دور زینبون آواره دور هم زینبه فکر ایله,هم,تب دار و نالان اوغلوا ربیم دیمه تزتز دگه بو قانلی لبلر بیر بیره یاهو چاغور چون خوش دگل ذکریم سنه زحمت ویره من ربوم معبودوم آغوشون آچ گلدیم یره تز خالی اول هر عشقدن فکر ایتمه بیر آن اوغلوا من لامکانم سویمشم اوخ سندران بیر سینه نی باخسون شکسته قلبوه هر آن گوررسن سن منی هیچ کیم ایده بیلمز جدا,سندن منی,مندن سنی جاندا منم جاناندا من,بیرده دیمه جان اوغلوا نوحه یازاندا منزوی یاز گوز یاشیلان موبمو بوشن مثلدور پس ویرر ءوز محتواسین هر سبو عرض ایله شاها ایلمه محشر گونی بی آبرو هرکس که دامن گیر اولا پاکیزه دامان اوغلوا ✍ #مرحوم_استادمنزوی_اردبیلی #قتلگاه #حسینیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #شهادت_عصمة_الله_الكبری_حضرت_فاطمة_زهرا_سلام_الله_عليها جَهانِی دُولدُورُوب گِینَه غَم و مَلالِ فاطِمَه باتُوبدِی ماتَمَه بُو گُون تَمامِ آلِ فاطِمَه اِشارَه اِیلَسَم اَگر مُصیبَتِ بَتُولِیدَن رِسالَه اَلدَه شَرم اِیدَر خِجِل اوُلار رَسُولِیدَن سُورُوش بَتُولَه نائبَه فِسُردَه دِل مَلُولِیدَن هَنُوز زِینَبی مَلُول اِیدُوب مَلالِ فاطِمَه او گُونکِه تاپدِی خِلقَتِ بَشَرلَه ماسَوا نِظام عَطا اوُلُوندِی حَقّیدَن بَتُولَه عالِی بِیر مَقام کِه یِتمِیُوب بِیر عُورَتَه بِیر اِیلَه رُتبِهء عُظام جَهانِیانِی حِیرتَه سالُوب جَلالِ فاطِمَه او گُونکِه اَهلِ مَحشَرَه خُدای حَیّ کَائنات حِسابِ خِیر و شَرّ اوُچُون وِیرُور دُوبارَه دَن حَیات او سَخت گِیر و دارِیدَه چَتِیندِی هَر کَسَه نَجات گَر اوُلماسا شَفاعَتَه او گُون خِیالِ فاطِمَه بُو شاُن و بُو مَقامِیلَه بُو عِزّت و جَلالِیلَه گُورُون بُو چُوخ آز عُمرِینِی وِیرُوب باشا نَه حالِیلَه اَنِیسیدِی گِجَه گُونُوز مُصیبَت و مَلالِیلَه سارالدِی سُولدِی گُل کِیمی جَمالِ آلِ فاطِمَه گلُوبدِی بِیر گُونِی اِیوَه علی وَلیّ کِردِگار پِیَمبَرِین عَزِیزَه سِین گُورُوب مَلُول و دِلفِگار یاتُوبدِی قِبلِیَه طَرَف فِسُردَه دِل غَرِیب و زار او شَهرِیار حالِینِی پُوزُوبدِی حالِ فاطِمَه شُرُوع اِیدُوب اوُیاتماقا عَزِیزَه سِین اَبُوتُراب نَه دِللّرِیلَه سَسلَدِی اِیدُوب نِجه گُوزَل خِطاب مَلُول اوُلُوب سُوالِیدَن گُورُوب کِه گَلمَدِی جَواب اوُرَکَلَنُوب او بُلبُلِ شِکَستَه بالِ فاطِمَه اوُلُوب سِرشکَِ حَسرَتِی عُذارَه سِیل تَکَ رَوان دِیدِی عَم اوُغلُوام سَنُون نَه یاتمُوسان گُوز آچ اوُیان نَه دِل دِیدِیم دانِشمادُون، نُولُوب او نِطقِ خُوش بَیان عَلِینُون آلدِی طاقَتِین بُو نِطقِ لالِ فاطِمَه سَنُون بُو دِینمَماقلِیقُون زِ بَس اِیدَر اَثَر مَنَه کِه قُورخُورام اوُرَکَ یانا گلَم دِلَه اِیدَم گِلَه اوُرکَدَه چُوخدِی دَردِ دِل اَماندِی بِیردَه گل دِلَه فَرح وِیرُور رَوانِیمَه او خُوش مَقالِ فاطِمَه آچُوب گُوزِین او حالِیدَه او نُورِ دِیدِهء رَسُول رَسُول جانِشِینِینَه اَدَبلَه عَرض اِیدُوب بَتُول سُنُون مَلالُون اِیلِیُوب مَنِی عَم اوُغلی جان مَلُول فَراق باشلانُوب یِتُوب باشا وِصالِ فاطِمَه یاخُونلاشُوب اوُشاقلارِیم یَتِیم اوُلا عَم اوُغِلی جان وارِیمدِی بِیر نِچَه سُوزُوم اِجازَه وِیر اِیدُوم بَیان اَزَل کِه خواهِشِیم بُودُور گَر عُورَت آلسان هَر زَمان بِیر عُورَت آل کِه تا اوُلا رُئوفِ آلِ فاطِمَه مَنِیم کِه قُویمادِی فَلَک زَمانَه دَه یُوزُوم گُولَه شَبِیهِیدِیم هَمِیشَه بیر خَزان اوُلُوب سُولان گُلَه جَنازَه مِین گُوتُورماقِین مَباد اَهلِ کِین بُولَه گرکَدِی خَلقِیدَن نُهان اوُلا رِحال فاطِمَه اُلومدَه گُوردُوم عاقِبَت فِشارِیدَن نَجاتِیمِی اوُدُور کِه حَقدَن اِیستَدِیم گِجَه گُونُوز وَفاتِیمِی هانِی بُولَن نَه چَکَمِیشَم بُو مُدّتِ حَیاتِیمِی بُو مَطلَبِی بُولُور فَقط او ذُوالجَلالِ فاطِمَه اَگر چِه غَمدَه زِینَبِیم سَبَبدِی شُور و شِینِیمَه او چُوخ عَلاقَه مَندَدُور بُو اِیکّی نُور عِینِیمَه اوُنُون جَهاندا مَنجَه وار مُحَبّتی حُسِینِیمَه او بُلبُلی مَلُول اِیدَر بُو گُل جَمال فاطِمَه عَبث دَگُل کِه گُوزلَرِیم بَهار اَبرِی تَک دُولار صَغِیر اَکَن بُو نازَنِین بالالارِیم یَتِیم اوُلار حَسن پُوزُولسا دِل یانار، حُسین سارالسا گُل سُولار چَمنلَرِی خَزان اِیدَر بُو نُونَهالِ فاطِمَه باخاندا زِینَبَه دُولُور سِرشگِ چِشمِیلَه گُوزُوم آنا فَراقِی قِیزلارا چَتِیندِی گُورمُوشَم اوُزُوم بُو مُحنَتَه بیو فُرقِتَه مَحال اَمردُور دُوزُوم آنا دِیُوب نَه قَدر وار یانار مِثالِ فاطِمَه بُو فَصلِ تازَه #شانیا مَلُول اِیتمَه سِین دِلُون تانُور تَمامِ اَهلِ دِل سَنُون سُوزُون سَنُون دِلُون نِجَه جَهاندا حَلّ اوُلور تَمام سَخت مُشکُلُون یَقِین جَزادَه دَه یِتَر سَنَه نَوالِ فاطِمَه #فاطمیه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #شادروان_حسین_شانی_رضوان_الله_تعالی_علیه

گوگل شرار ینی دلده شراره دن خبر آل یانوب کول اولماقینی سنگ خاره دن خبر آل گوزوم تلاش ایدر اشکیله سوندوره بو اودی عبث تلاش ایلین هیچ کاره دن خبر آل ویران اورکلره آتش او بیر یانان قاپودی جهان ده ملل بی شماره دن خبر آل او یانما سیدی جهان ظلم اودیله یا نمازدی ستمله روشن اولان هر شراره دن خبر آل همین یانان قاپونون یرده گوگده تاثیرین نه آی نه گون ساناگلمز ستاره دن خبر آل نه آد قویوبدی نه منظوریله یانوب او قاپی سقیفه اهلینی گور استشاره دن خبر آل قاپی یانوب آچولوب زوریله اولوبدی نه لر آدی قاپی اوزی بیر تخته پاره دن خبر آل صریحین ایستیه سن گیت مزارینی تاپسان شهیده قبره گیدن با شدا قاره دن خبر آل ها نی او دل سنه مسماردن حکایت ایده بو سری سینه ی زهراده یاره دن خبر آل گوزوم حکایت سیلی نی مندن آلما خبر اوزون او یرده دوشن گوشواره دن خبر آل جفای قنفذیله تازیا نه لر خبرین یارالی جسمده زخم دوباره دن خبر آل اینا نموسان خانمین تا زیانه لر سپری با شندا چادره ی پاره پاره دن خبر آل نه حالدیدی خانم سقط ایدنده محسنینی عبای شاه ولادن بو باره دن خبر آل صریحین ایستیه سن گر شهیده قبره گیدن قاپی دالندا قالان ماه پاره دن خبر آل بو گیر دارده نولدی علی نی سسله مدی وفا و مهر گوزیله نظاره دن خبر آل چاغوردی فضه نی یعنی اماندی گلمه علی داشوبدی بحر مصیبت کناره دن خبر آل یخلموشام منی اولدورسه لرده گلمه هله نه لر اولوب اولاجاق بواشاره دن خبر آل من الموشم سنه قلبیم یانور که تک قالاسان بو درده چاره نی خلاق چاره دن خبر آل عم اوغلی من گلوه نیلیوبدی خار جفا گلینی خار آپاران بیر هزاره دن خبر آل سینمده سود قانا دوندی بوسری سن بولوسن سوزون چکیده سینی بو اشاره دن خبر آل سودون یرینه گلن سود امرلریم قان ایچر بلا چولونده گلن شیر خواره دن خبر آل چتین داخی بالاسین هاشمیه سوددن آچار رباب الینده کی بوش گاهواره دن خبر آل گلونجه مهدی موعود وای بالالاریما دیولمین سوزی بو استعاره دن خبر آل بو یاره لرهامی چون یولداشیمدی قبر ایوینه ویرنده غسلیمی سا نسیز اثاره دن خبر آل قاپوم یاناندا بیراود گیتدی کربلا چولونه او خیمه لرده اولان استناره دن خبر آل کباب اشکینه بنزر گوزومده گوزیا شیم آخاندا دلده شرا ر دوباره دن خبر آل گوزوم گورر بالا قیزلار قاچاللا صحرایه قوغان پیاده لری هر سواره دن خبر آل قیل استخاره دیدیم (ذهنیه) بو سوزلری یاز دیدی که خیر ایشیدور استخاره دن خبر آل ????: ???? ???? ??? #فاطمیه مرحوم استاد ذهنی زاده تبریزی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

زهرانی تاکه دفن ائلدی شاه لافتی اگلشدی قبری اوسته بیرآز ایلدی نوا دار و ندارینی گئجه دفن ایلدی علی گنج نهان عزّتینی قویدی توپراقا ایستوردی یاریله اوزی بیر صحبت ایله‌سین اصحابی قِیتروب او زمان میر مقتدا اگلشدی باش طرفده بیرآز آغلادی اوزی گویا اوشاق کیمی او شه آغلوردی بی صدا قلبین بوشاتدی دوردی ایاقه یواش یواش یول باشلیوبدی منزلینه فخر اولیا گر اولماسِیدی ائوده اوشاقلار گمانیمه گَلمزدی بیرده هیچ او ائوه میر ماسوا هم روحاً اینجیوب،همی کوسموشدی شهریدن مایل دگلدی فاطمه‌سیز، شهریده قالا دنیایه اوچ طلاق وئرن نیلوری ائوی زهراسیز ائو نه لذّتی وار گر بهشت اولا القصّه آیریلوبدی بقیعدن شه زمن بیر نحویله خلاصه ائوه گَلدی مرتضا اطفالی یاتماموشدی،گوزتلوردیلر یولون بیر انجمن خصوصی قوروب دوتدولار عزا تا صبح اولونجا هئچ بیریسی یوممادی گوزین صبح اولدی،گون چیخوب وئریلوب عالمه صفا ثانی یغوبدی باشینه بیر عدّه جیره‌خوار گَلدی بقیعه تا گینه‌ده خلقی تولیا پیغمبرین قیزی دئدی گیزلینجه دفن اولوب نبش ایلیون،خلیفه نمازین گرک قیلا گَلدی خبر که یاعلی بس هاردا قالموسان آز قالدی قبر فاطمه‌نی بو دنی آچا یتجاق بو سوز قولاقینه اُول خسته دل شهون چوخ هولیله ایاقه دوروب شاه اوصیا گَلدی تموّجه شرف حیدریّتی دریا کیمی تلاطم ائدوب بحر هَل اَتی حالی دولاندی،یکسره قان دوتدی گوزلرین گویا که قان ایچیردوب اونا ساقی بلا بوینوندا عقده‌لندی عروق حمیّتی اَل ذوالفقاره آتدی شهنشاه قُل کَفی باغلوبدی باشینه ساری دستمالی غیظیله چوخ سرعتیله ائودن او لحظه دوشوب یولا زینب دوروب ایاقه او دم باخدی آغلادی یاندوردی مرتضانی،دیله گَلدی گوئیا سندن‌صورا داخی آنامون یوخدی بیر کسی چک ذوالفقاریوی سنه قربان اولوم بابا تک گیتمه،ویر اجازه که قارداشلاریم گَله تک گورمه‌سون اقلّی سنی قوم اشقیا چوخ سرعتیله چیخدی غرض آستانه دن یَپراق کیمی اَسوردی غضبدن او مقتدا یتدی بقیعه ثانی گریبانینی دوتوب ووردی یره،بویوردی اَیا معدن خطا زهرا دگول،بو قبریده روحیم یاتوب منیم باخما زمانه‌ده هله بِش‌گون دولانماقا زهرا دیه‌دیه هاموزی دوغرارام بوگون بیر نحویله که بحر کیمی موج ائده دما باخما اوگونده کوچه‌ده ووردون دانیشمادیم امر رسولیدی که گرکدور مطاع اولا غسلین وئرنده گوردوم اوزوم سیلینون یرین بسدور،حیا ائله داخی ای پست و بی‌حیا بیر نبش قبره یاعلی سن صبر ائدنمدون کرب‌وبلایه بس نیه هئچ گَلمدون شها بیر سینه‌ایکه اوندا اوغول داغی واریدی آتلار ایاقلادی،داغیدوب مثل توتیا سینه سناندا فاطمه سسلندی وای اوغول جنّتده گَلدی نالیه ارواح انبیا ????: ???? ???? #فاطمیه استادحاج داوود صادقی تبریزی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr