#‍روضه_حضرت_علی_اصغر_(ع) دانی که چرا آب فرات هست گل آلود شرمندگیش از لب عطشان حسین است دانی که چرا چوب شود قسمتش آتش بی حرمتیش بر لب و دندان حسین است دانی که چرا چشم خدا داده بشر را چون ذات خدا عاشق چشمان حسین است (ابی عبدالله گلدی او صودامر بالانی خیمه لر دالندا دفن ایلدی ) ایسی قومی قازدی که بیر آز یر درین اولسون عطشاندی بالا قبری اقلا سرین اولسون (الیکی بالانی دفن ایلدی قانلی قنداقیدا ویردی زینبه دیدی ننم عوضی آی باجی بو قانلی قونداقیدا آپار ویر ننه سینه قوی ربابه نیسگل اولماسون ) قنداقی اولوب داغ جگر آل ترابه بیر بوش بشیگه قویدولا گتیله ربابه قانلی بلک اولدی اله نیسگل او جنابه بیر عمر دیولر گجه بوکدی سحر آچدی (الیکی او قانلی قنداقی گتیردیلر خیمه لره ) بیر نخبه روایت اوخودی فلسفی بیر گون قوی عرض ایلیوم صبر ایوی ویران اولان اولسون فرمایش ایدوب گورجک او احوالی اوشاقلار سسلندیله آماده طوفان اولان اولسون (الیکی او قانلی قنداقی گوردولر دیدیلر) دوغراندی جوانان بنی هاشم و انصار نوبت یتوب اطفاله گریزان اولان اولسون شش ماهیه رحم ایلمین گور بیزه نیلر مخیمده قالوب قانینه غلطان اولان اولسون (شام غریبان گجه سی هامی جمع اولدی او یاری یانمش خیمیه زینب دیر باخیرام لیلاده اوخشور آغلیر سریه ده اوخشور آغلیر ام کلثومده ربابدا اوخشور اما ربابین بولارینان بیردنه فرقی وار زینب دیر باخردیم گوردوم هاچاناندی الین سینه سینن چکمیر رباب سنده آغلیرسان بولاردا آغلیر اما من هاچاندی باخیرام نیه الین سینن چکمیرسن؟ عرض ایلدی خانم گرک بو سوزی منن خبر آلمیدون ، عصر عاشورا حرملر آراسندا سو پایلاندی لیلاده ایچدی سریه ده ایچدی ین منه امر ایلدون منده ایچم منده بیر جوره ایچدیم ایندی سینمه صوت گلیب صاقا دا باخیرام علی اصغریم یوخدی صولا دا باخیرام علی اصغریم یوخ ) قلبیمی اصغریم اولسیدی غمیم بولمزدی والله بو صودوم گردونن اولسیدی بالام ئولمزدی آلتی آیدی منی راغب ایلمیشدون ئوزوه قلبیده غصم اولان وقته باخاردیم یوزوه بو گجه هاردا قالوبسان ننه قربان گوزوه ایتیریبسن منی اولما یریمی بولمورسن یا گورورسن که قرانلوقدی ایویم گلمیرسن اینجیدسه سنی ناله سسیم آغلامارام گل دیرناقلادوقون سینم اوغول داغلامارام گل اکبر جانی دای الریوی باغلامارام گل 🌷هدیه به حضرت رقیه سلام الله علیهما (صلوات)🌷 #شب_هفتم_محرم #روضه_حضرت_علی_اصغر_علیه_السلام ✨اَللّهُمَّ عَجِّل لِوَلیِّکَ الفَرَج✨ کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

ردیف روضه‌ها👆👆

استمداد حضرت ابوالفضل (ع) از امام (ع) از مرحوم ذهنی زاده  در قالب مخمّس باش چک سنه قربان کسیلن قارداشا قارداش خنجر چکوب اون یِتدی شقی بیر باشا قارداش بوندان چون اولِیدی سنه چوخ شائق اولِیدیم تشریفوه قربان کسیلوب لایق اولِیدیم شانون دگی مندن سنه اظهار ارادت شانوندی ولی بنده لره لطف و سیادت گل چاکر جان بر لبوی ایله عیادت گور بیر منه قارداش او عیادتده نَلَر وار افسوس صد افسوس سنه درد کمر وار قربان کسیلن قارداشوام قارداشا خاطر بیر السیزم اللرده قالان بیر باشا خاطر یولدا نگران یولدا گوزوم یولداشا خاطر قارداش دیمورم من سنیلن قارداشام آخِر چوخداندی بو یوللاردا سنه یولداشام آخِر ای نور رخی کنگره ی عرشده لامِع هر شاه و گدا درگهوه خاضِع و خاشِع بو شانیله سندن نه گوزل راخدی تواضِع شاها بو تواضِعده ده شاهانه اثر وار من خاک رهِ مقدموه رفعت سر وار حاشا که قدم رنجوه زیبندیم ای شاه شهزادیم امّا سنه بیر بندیم ای شاه بیر بنده ی شرمنده، سرافکندیم ای شاه نیزه بویی باشیم اوجالا باشیم اوجالماز دنیا بویی سو خجلتیم آرتار که آزالماز بیر مشک سو تحصیلینه قیلدون منی مامور بیر طالعه سیر ایله اودا اولمادی مقدور عفو ایله گذشت ایله اوزون دوت منی مامور نیلوم که اَلیم قالمادی خدمت گله اَلدن گوردون اوزون اوزدوم اَلیمی من بیله اَلدن خدمت قیزلیم چخمادی خالص محکوندن بیر اود گوتوره بولمدیم اودلی اورکوندن سالدیم اَلیمی یولدا یاپوشسون اَتکوندن اَلدن اَتکون کسمه کسیلمیش اَله خاطر عبّاسی گذشت ایله قان اولموش دله خاطر هر وقت وفا یوللارینی طیّ ایدن اولسام بو شاه رهِ دور و درازی گیدن اولسام باشدان اَیاقا مهر و وفا بیر بدن اولسام بیر ذرّه وفا جوهره سیندن عَرَض اولماز تشریفوین اوّل قدمیندن عَوَض اولماز تشریف گَتور منّتی منده شرف اولسون دلدن بویانان نسگل اودی برطرف اولسون بو فرصتی فوت ایلمه جای اَسَف اولسون نسگل لر اولار فکر بنی آدمه گَلمَز اَلدن گیدر عبّاس داخی عالمه گَلمَز من که سنه خدمتده وفور ایسترم اولسون غم غصّه لریم دلده سُرور ایسترم اولسون دشمنلریوین گوزلری کور ایسترم اولسون بولسونله بیزیم عالم سرّ و سریمیز وار قارداشلقمیزدان سوای عالملریمیز وار ممکندی بوشالمیش قدح غم دولا بیرده ممکندی سولان گل آچا بیرده سولا بیرده ممکندی دوشَن قافله دوشسون یولا بیرده ممکندی بو دنیا گیده دنیا گَله کرّات امّا بیز #ایکی_قارداشی بیرده گورده هیهات 🖤🖤🖤🖤🖤🖤🖤🖤🖤🖤🖤 کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

زبانحال حضرت ابوالفضل (ع)   عبّاسه بو دشتِ کربلانی صحرای قیامت ائتدون ای اوخ ووردون اوزووی بو قانلی مشکه ، عبّاسی خجالت ائتدون ای اوخ   گر گلماقیوی ازل بولیدیم ، سینمده سنه مکان وئرردیم یا قلبی سنه هدف ائدردیم ، یا صاق گوزوم نشان وئرردیم بولسیدیم اگر بئله سوسوزسان ، حتما" سو یئرینه قان وئرردیم آیا نیه دگمدون گوزومدن مشکیمدن اصابت ائتدون ای اوخ؟   آخر نیه دگمدون اورکدن تا خانهء دل مجلّل اولسون تا مکتبِ عشق و معرفتده عبّاسیده شخصِ اوّل اولسون دوندردی بهاریمی خزانه بو اوخ آتانین الی شل اولسون آلدون عجب اختیار الیمدن ، آرامیمی غارت ائتدون ای اوخ   من نهرِ فراتیدن بو مشکی  دولدورموشودوم بو نیّتیله سیراب ائدم آلِ مصطفانی توفیق تاپام بو خدمتیله حاشا داخی من گئدم خیامه اصغر یانینا بو خجلتیله بیر دسته سوسوز سولوب سارالمیش اطفاله خیانت ائتدون ای اوخ کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

امام حسین بر بالین حضرت ابوالفضل علیهماالسلام قویسیدی قضا عهدیوی باشه یتیرردون سو مشکینی باش اوسته خیامه گتیرردون داغلاراجا داغی اودلی دیلیمندن گوتورردون آهولریمین قویمازیدون سو سراغیندا اولدوز تک آخا گوزلری دشمن قاباغیندا   هر خیردا بالا الده سو جامی لبی سوزان عیّوقه اوجالدیبدی نواسین سوسوزوندان بعضی بالا جان اوسته دی بعضی سی یاری جان پرپر دیه سن یرده اولوبدی ساری لاله بیر یاندا دوشوبدی بالا بیر یاندا پیاله   ای کشتی اربابِ محبّت گِله یاتما طوفانلیدی دریای مصیبت هله یاتما ممکن اولا اطفالیمی چک ساحله یاتما غرق ایلمه سه قانه منی موجهء آلام هیهات اولا بحرِ بلا ساکت و آرام کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

#رقیه سلام الله علیها 🌾بیری قمچیله بلالی باشیما چالدی بابا 🌾شمر دون سیلی وروب طاقتیمی آلدی 🌾بابا ضرب سیلی گوزومه قانلی لکه سالدی بابا 🍂دینمدیم شمر قباقیندا سخیلدیم یارالی 🍂بدنیم تیتیردی توپراقه یخیلدیم یارالی 😭😭😭😭😭😭😭😭😭 💥دانیش منیله بابا قارداشی ئولن قیزوام 💥خرابه ده الی قوینوندا ایلشن قیزوام 💥یاریخ یاریخ ائلیوب خیزران دوداخلاروی 💥نه جرئه پارچالانوب علتین گزن قیزوام کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

🍂#حضرت_رقیه_سلام‌الله علیها 🌟السون سلام دللره طوفان سالان قیزا 🌟داغلار گوروب خرابه ده آغلار قالان قیزا 🌟السون سلام جاه و جلال رقییه 🌟اندوه و آه و درد و ملال رقییه کانال را به دوستان خود معرفی کنید. 🚩 کانال نغمه‌ها و اشعار ترکی 👇 #نغمه‌لر 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

سوم محرم الحرام

زینب عقیله، بنت شهنشاه قل کفی ماه حجاز و شیرزن دشت کربلا ترک ایتدی پاس خیمه نی طغیان عشقده گلدی دایاندی محضر سلطان عشقده توپراقلار اوسته گوردی شه کربلا یاتوب قان بسترینده سینه ده سانسیز یارا یاتوب عالم باتوبدی ظلمته نصف النهارده عزلتگه غروبده شمس الضحا یاتوب سوز جگرله توپراقی تل رماد ایدوب خاکستر ایچره آیینه حق نما یاتوب گودالی آشیانه وحدت بولوب، اودور تیر جفائیله پر آچان بیر هما یاتوب سینایه رشک، مصرعی غرق سنا اولوب چون اوندا عکس جلوه حسن خدا یاتوب وار ایله لطفی پیکرینین، هر گورن دییر مین گلستان طراوت و ذوق و صفا یاتوب مهد زمین عجبدی تاپوب حالت سکون اوندا یارالی حجت رب السما یاتوب خورشدور ز بسکه حالنه بولمز نظاره گر مدهوش جلوه رخ جاناندی یا یاتوب جای عجبدی گر چه یاتوب بیر وجوددن باشدا بدنده هر بیری اما سوا یاتوب بالین ایدوب جدا باشنی باشی، پیکری قان بسترینده سینه ده سانسیز یارا یاتوب

ای شیعه قیامتلر اولوب اکبرالنده صدپاره گلوب قانلی کفن قانلی بدنده ساچلار یولونوب خیملره نعشی گلنده لیلانین ایشی حشره کیمی وا ولدا دی #علی‌اکبر_علیه‌اسلام

شاه اولدی قُشون سیندی ستم عرشه دایاندی اود ووردولا اولاد علی #خیمه سی یاندی عصمتلی حرملر سویولوب یاندی تالاندی رحم ایتمدی بیر کیمسه بولار آل‌ عبا دی #آتش_زدن_خیام کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯