ای شیعه قیامتلر اولوب اکبرالنده صدپاره گلوب قانلی کفن قانلی بدنده ساچلار یولونوب خیملره نعشی گلنده لیلانین ایشی حشره کیمی وا ولدا دی #علی‌اکبر_علیه‌اسلام

شاه اولدی قُشون سیندی ستم عرشه دایاندی اود ووردولا اولاد علی #خیمه سی یاندی عصمتلی حرملر سویولوب یاندی تالاندی رحم ایتمدی بیر کیمسه بولار آل‌ عبا دی #آتش_زدن_خیام کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

#حضرت_ابوالفضل_علیه‌السلام سبک : شبانگاهان ابوالفضلیم ای امیر حرم ، گوزلرون ئوپرم مهربان قارداش دوشوب تندن قولارون آرالی ، آچ گوزون یارالی قهرمان قارداش هوادار مکتب قرآن حسینون جانی سنه قربان ای سوسوز سقا – ای سوسوز سقا سینوب باشون دردیوی بیلرم گوزلرون سیلرم جان علمداریم بوجان اوسته توکمه گوزیاشوی پوزما قارداشوی ای مددکاریم ره حقدن امتحان ویردون رضای جاناندا جان ویردون ای سوسوز سقا – ای سوسوز سقا بو ایثارون ای مدافع دین بلسه ام بنین افتخار ایلر آخان قانون ای وفا گهری خصم فتنه گری شرمسار ایلر دیار عشقه صفا ویردون جهانه درس وفا ویردون ای سوسوز سقا – ای سوسوز سقا اباصالح مرحبا یولووا قطع اولان قولووا آفرین قارداش آدون دلده هر زمان قالاجاق جاودان قالاجاق یار دین قارداش عزیز زهرا و حیدر سن معین دین پیغمبر سن ای سوسوز سقا – ای سوسوز سقا شاعر : استاد کلامی

#حضرت_علی_اصغر (علیه السلام)    او شیر خواره نی دفن ایلدی امام انام و لیک قویمادیلار قبرده سپاه ظلام   اودم که ظلمینی اتمامه ویردی قوم شریر گچوب جدالره باشلار، بسان مهر منیر   باخوب او باشلارا وقاص زاده نطقه گلوب سکینه باغرینی تیر عداوتیله دلوب   دئدی بو باشلار ایچینده گورنمورم بیر باش او باشی تاپماقا سیز ایلیون بو دمده تلاش   حسین النده گتورمشدی بیرجه طفل صغیر سو ایستینده بوغازینا ووردی حرمله تیر   اونون جنازه سی هر یاندادور گرک تاپولا جدا باشنا اونون قانلی باشی زینت اولا   بو حکمی لشگره تا ویردی اول عدو خدا سوار اولوب آتنا اون نفر، الده جدا   (قویوبلا ایمدیه دین سینم اوسته اللریمی دیوله نیزه ائله آختارولا اصغریمی   باشین کسله تاپولسا، دیون نه چاره ایدیم؟ منه نجف یولونی گوسترون هرایه گیدیم   آتاسی دفن ایدوب، آت نعشی اوسته چاپمیالار گلون دعا ایلیون، اصغریمی تاپمیالار   واریمدی نسگلی جان ویرمیوب قوجاقیمده  نجه گوروم کسه لر باشینی قباقیمده)   (گل دعا ایله سکینه شام و کوفه لشگری تاپماسون بلکه قیزیم نعش علی اصغری)   (عمه دل ترابدن ظلم الی گوهر آختارور نیزه لرین وورور یره اصغری لشگر آختارور...)😭😭😭😭😭   یره وراردیلا غیظیله نوک نیزه لری بو قصدیله تاپالا بلکه تا او سود امری   بیری او حالده یاندوردی جمله آفاقی چخاتدی نیزه باشندا او قانلی قونداقی   آخور گوزوم یاشی، بو مطلب اود وورور جگره محالدور داخی پرده چکم همین خبره   نجه حسین سوه نون اشگیله گوزی دولماز بلی جفا اولی، بو انتهاده ظلم اولماز   بو ظلمی گور آپارار قبره صاحب الاسلام او ظلمی اصغره گوردی روا او بد فرجام   یتوب بیوک یره سوز، آه یا امام زمان اوزوندن ایستورم عذر، ایلیم او ظلمی بیان   او ظالمی که تاپوب اصغرین جنازه سینی آلوبدی دست قضادن جفا اجازه سینی   تمام لشگره تاپماقلیقینی آندوردی ازل جداده او قونداقی بیر دولاندوردی   حریم محترمین اختیارینی آلدی او سود امر بالانی نیزه دن یره سالدی   توکوب رباب و سکینه عذاره گوز یاشینی آتندان اندی او ظالم، کسه اونون باشینی   گوروب بوغازی او طفلین ز بس لطیفیدی چوخ بچوب بوغازینی باشدان باشا، قلج کیمی اوخ   قالوبدی بیر دری آویز، قطع اولوب حنجر باشین آیریماقا لازم دگل داخی خنجر کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

#طفلان_زینب .. .. مرحوم یحیوی اردبیلی .. .. گوگدن شب عاشورا نورانی لوا گلدی پرچمده یازیلمیشدی نام شهدا گلدی .. .. یوم غم تاسوعا گون باتدی باشا یتدی حضرت او جماعتلن اقدام نماز ائتدی بیر عده نماز اوستن گیزلینجه دوروب گئتدی اصلا او گیدنلردن نه سس نه صدا گلدی .. .. بیعت گوتوروب حضرت قتلین دیدی منبرده مشعل لر اولوب خاموش ظلمت توخودی یرده گئتدی او قرانلوقدا بیر دسته ی دیگرده ثابت قالان انصاره تحسین خدا گلدی .. .. بیگانه و نامحرم ترک ایلدی جانانی تشکیل تاپوب ناگه بیر مجلس روحانی جمع ائتدیلر اول بزمه دلداده احبّانی یتمیش ایکی جاندان بیر آواز وفا گلدی .. .. بیر خطبه اولوب جاری لبهای امامتدن آچدی علنی پرده اسرار شهادتدن گورسندی عجب عالم اول وقتده حضرتدن العلم یقین أوسته رؤیتله قوا گلدی .. .. انگشت مبارکله رد ائتدی حجاباتی اندیردی اشاریلن گوگدن یئره جنّاتی جنّتده شهیدانون گورسندی مقاماتی اوردا نظره قصر یاقوت و طلا گلدی .. .. وار میوه ی رنگارنگ اول باغ مشجّرده هر قصرده حورالر رخت زر و زیورده وار جام زبرجدده شربت دولی اللرده سیراب اولور هر کیمسه تئز گلسه ندا گلدی .. .. گلدی دل انصاره بیر نشئه ی روح افزا یاتمادی سُروریندن بیر گوز شب عاشورا هر خیمه و چادردن دوتمیشدیلا چون احیا صبحه کیمی آواز تسبیح و دعا گلدی .. .. بیر خیمه که اولموشدی زهرا قیزینا تسلیم اوغلانلارینا مشق دعوا ائلیور تعلیم سلطانه بو طرزیله صبّاح ائده سوز تعظیم گورسون آقامون اوغلی مندنده فدا گلدی .. .. بیر جفت بالا شمشیر بیر جفت بالا قلخان ائتدی او ایکی طفلون صول صاقینه آویزان تاپشوردی که دعواده شمشیره وئرون جولان قلخانیله ردّ إیلون هر تیر جفا گلدی .. .. راضی ائلیون جدّوز اول جعفر طیاری پیغمبر و زهرانی هم حیدر کرّاری شرمنده حسینیمدن ائتمون بو دل افکاری سیز اینجیمیون اوغلوم هر قدری یارا گلدی .. .. نصف شبیدی حضرت چیخمیشدی مصلّایه قصد ایلدی تا گئتسون دیدار احبّایه دوشدی یولی خرگاه صدیقه ی صغرایه ناگاه قولاقینه آشفته نوا گلدی .. .. بهت عالمی یوز وئردی خیمه قاپوسین آچدی ناگاه او باجی قارداش بیر نوعی قوجاقلاشدی اول خورداجا قربانلار بو حالته آغلاشدی هم ناله و افغانه سکّان سما گلدی .. .. آغلار گوزیلن یازدی چون «یحیوی» اشعاری بیر سبک جدید آچدی خلق ائتدیگی آثاری اخلاصیله آکنده اولموشدی چون افکاری معناده لقب گویدن «تاج الشّعرا» گلدی کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

🏴حضرت عبداله ابن الحسن (علیه السلام)🏴 . . ✍محمد هدایتی تبریزی . ایکی ستاره آخیب آسمان قوجاقنده ویریبدی هر ایکی سی تشنه جان قوجاقنده . بیریسی اصغریدی اوخلانیب الی اوسته بوغازی پارچالانیب آخدی قان قوجاقنده . سوزوب ستاره کیمی اولدی ناگهان خاموش فنا اولوب عجبا کهکشان قوجاقنده . چکیب اوخی بوغازندان امام آهسته چالخلادی ، قان ایدیب فوّران قوجاقنده . یارالی قوش کیمی پر ووردی شه الی اوسته بوغازنین قانی اولدی روان قوجاقنده . آخیب قانی ، سارالیب رنگی ، گل کیمی سولدی گوزونی یومدی یاتیب پرنیان قوجاقنده . آتا گوروب بالا جان ویردی یانه یانه دیدی گیت استراحت ایت حور جنان قوجاقنده . و یا سنی آپاریم خیمه ده ویریم آناوا یاراوی باغلاسین اول مهربان قوجاقنده . سنی بو حالیله ویرسم قوجاقنه آناوین وار حقّی چشمی اولا خونفشان قوجاقنده . باخیب یاراسنی گورسه بو ذبح اولان بوغازین گیدر توانی اولار ناتوان قوجاقنده . گئچیم سوزی ایکمنجی شهیدی ذکر ایلییم کی جانی چخدی امام زمان قوجاقنده . ئورکده درد یتیمی گوزونده خون جگر ویریب امامین عجب امتهان قوجاقنده . یتنده مقتله عبدالله نکو اقبال امام خلقی گوروب بی امان قوجاقنده . کی یعنی لشگر کوفه آلیب آرایه اونی قلجدی ، داشدی ، توکور شامیان قوجاقنده . الینده حربه بیری ایستیری امامی وورا ئوزونی گوردی غم بیکران قوجاقنده . دیدی کی وورما عمومی ، قولون ویریب قاباقا اولوب عمو حالینین ناگران قوجاقنده . قلج انیب بالانین ساق قولون قلم ایلدی ئوزونی سالدی قانی گوءل دوران قوجاقنده . دیدی عمو سنه قربان قولوم قلم اولدی خوشام کی جان چخا کهف امان قوجاقنده . گلیب او وقتده بیر اوخ دا آلنینا دگدی امامین اولدی بالا پر زنان قوجاقنده . دیدی عمو ئولورم باش یارام آغیر اولدی عجب باشیم اوخا اولدی نشان قوجاقنده . قارشدی قانوه قانیم ، خوشام کی واردی سنین یقیندی زندگی جاودان قوجاقنده . درینده اولسا یاران بیلمیرم اذیّتینی لزومی یوخ ایدم آه و فغان قوجاقنده . ولی قولوم عموم عبّاسی یادیمه سالیری کی جان ویریب سنین اول پهلوان قوجاقنده . نه حالدا گوردون ابوالفضلی کی قوجالتدی سنی اگیلدی قامتین اولدی کمان قوجاقنده . ئولنده اکبر عم اوغلوم نئجه دوام ایلدین دیز اوسته باش ئولوب اکبر جوان قوجاقنده . . #محرم1402 #شب_پنجم #عبدالله_بن_الحسن کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

روضه اما حسین علیه‌السلام @naghmalar

بترتیب روضه حضرت رقیه و روضه امام حسین علیهما‌السلام

غارت خیام

جلالت حضرت زینب س