امشب شهادتنامه عشاق امضا می‌شود...

قوریوب دوشوم سویا یوخ گمان بالام آغلاما گولوم آغلاما  بوقدر کباب ایلمه آنان بالام آغلاما گولوم آغلاما گورورم دوزنمیسن آجلیقا عطش ایلیوب سنه چوخ اثر قالا آج سوسوز سودامر بالا داشا بو مصیبت ایدر اثر بیر آنا که ایچمیه سو ئوزی سینه سینده صود دولانور مگر آنان اولسون ایلمه چوخ فغان بالام آغلاما گلوم آغلاما بُلورم علاجینی دردیوین نیدوم الده چاره یوخ آغلارام اثر شراره ی آهیمه یانارام بو سینه می داغلارام گورورم خراش ایدوسن یوزون الیوی قماطیده باغلارام هانی عقده ی دلیمی آچان بالام آغلاما گلوم آغلاما ساتاشاندا گوزلریوه گوزوم گوزومون یاشین الرم بالا آنالیق محبّتی جوش ایدر اوره گیم یانار ملرم بالا داخی اوزگه چاره تاپانمارام بلگون آچوب بَلَرم بالا ایدرم گوزوم یاشینی روان بالام آغلاما گلوم آغلاما گورورم که ابر بهار تک بالا گوزیاشیله گوزون دولوب اوره گون بو اوتلی دلیم کیمی شرر عطشله کباب اولوب قورویوبدی غنچه دوداقلارون گل عارضون سارالوب سولوب بو سولان جماله فدا آنان بالام آغلاما گلوم آغلاما آلورام قوجاقیمه جان کیمی ایدم اوز علاقه می آشکار بالالار کیمی سینه می دوتوب یاتاسان بیر آز اولاسان خمار گورورم سینم یانور اود ویرور ایدوسن دوداقلاریوی کنار یانوسان سیزیلدیسان آغلوسان بالام آغلاما گلوم آغلاما دولانوب خیامی تاپانمادیم بیر ایچیم سو ای سودامر بالام قورویان دوداقلارون ایسلادام جگرون حرارتینی آلام من اگر بو دردیله اُلمیم بو جهاندا عمر ایلیم قالام یانارام بو نسگله هر زمان بالام آغلاما گلوم آغلاما نیه گوزلرون چوخورا دوشوب نیه صورتون سارالوب بیله نیه گَلمور آغلاماقا سسون منی آز کباب ایله صبر ایله هامونون باشی قاریشوب علی گَله گر بو حالی آتان بُله سو تاپار سنه بُلورم آتان بالام آغلاما گلوم آغلاما بو گئجه کِشیکدی گَلنمیوب سنی گورماقا بالا اکبریم من اونوندا چوخ نگرانیم نگران باخور یولا گوزلریم دیورم گَلیدی گوریدی بیر نجه جان ویرور سوسوز اصغریم سنه سو تاپِیدی او مهربان بالام آغلاما گلوم آغلاما دیورم گیدوم عمووا دیوم بالامی نفسدن عطش سالوب ایدورم حیا بُله یوخ سودوم بودور علتی آنان آج قالوب هامی چاره یوللاری باغلانوب هامینون قرارین عطش آلوب اوجالوبدی گوگلره الامان بالام آغلاما گلوم آغلاما گینه ای{ حسینی }نه دلدی بو که ایدور دینده یارا دلی بیله دل دیماقدان اوتور خدا سنه ایلیوبدی عطا دلی دیمه ساده چخدی بو سوزلریم اولی ساده رسماً آنا دلی آنالار بالایه ایدر بیان بالام آغلاما گلوم آغلاما #حضرت_علی_اصغر_علیه_السلام

بو گئجه بیعت پوزولدی آشنالر گئتدیلر قویدولار پیغمبر اوغلون بی‌وفالر گئتدیلر منبر اوستونده حسین بن علی صاحب وقار   شوریلـه منشـور عـاشورانی ائتـدی آشکار روشن اولدی صبح آچیلسا قتل وار کشتاروار عشـق دنیـای فنایـه مبتـلالر گئتـدیلر شبپـره مثلـی تمتـع گوردیلر ظلماتیدن خیر محضی نفی ائدوب ال‌چکدیلر اثباتدن   کعبـه آمــالیده آیریلدیـلار میقــات‌دن گیمه‌میش احرامنی حاجی‌ نمالر گئتدیلر بولدیلر یوخدور حسینه یوم عاشورا ظفر بوی مرگی درک ائدوب سسلندیلر این المفر مین نفر حضاردن قالدی فقط یئتمیش نفر قالـب غیرتلـری بـی‌محتوالـر گئتـدیلر نقل ائدور شخصاً سکینه شاه دینون دختری قیلدی فرمایش بابام سوندوردیلر مشعل‌لری آز زماندا خالـی اولدی خیمه‌لر دور و بری بش‌بش اون‌اون اهل تزویر و ریالر گئتدیلر

مرحوم قدرت اله نادری میانجی .. .. .. آچیلدی صبح عاشورا باتان القانه بسم الله یانان یانسین قالان قالسین گئدن میدانه بسم الله .. .. .. آلوبدور دوره می اعدا کمک یوخ یالقوزام الله بو من بو روز عاشورا نظر قیل یا رسول الله اولون آماده ای یاران جهاده فی سبیل الله بو گون عشقون مناسینده اولان قربانه بسم الله .. .. .. حریم کعبۀ عشقی طواف ائتمکده دور منصب جوانلار باغلیوب احرام آلا بو کعبه دن مطلب گلوب ایندی کفن بیچسون کفن دار آدلانان زینب یتیشدی موقع هجران گلن افغانه بسم الله .. .. .. گل ای عباس نام آور علینون نامدار اوغلی گل ای قاسم گل ای اکبر حسینون گل عذار اوغلی هانی بس طفل شش ماهه ربابین شیرخوار اوغلی گله عون و گله جعفر باتا القانه بسم الله #صبح_عاشورا

آی باتدی صبح آچیلـدی، زینب نـوایــه گلـدی زهرا دئدی حسین وای ،عالم صدایه گلدی چون ییخدیلار آتیندان سلطان تشنه کامی دنیایه اولدی اعلان قتل الحسین پیامی جنّاتیدن ائشیتدی پیغمبر گرامی نعلین سیز عباسیز ، کرب و بلایه گلدی #صبح_عاشورا

🏴نوحه #حضرت_علی_اصغر_علیه_السلام #شب_عاشورا🏴 سارالان یوزی عطشدن قورویان دوداقی لای لای من بینوایه آخر گیجه نین قوناقی لای لای بو گیجه ویروبدی مهلت بیزه ابن سعد ظالم بیلورم سپهر غمده سارالار گوزل هلالیم ولی هیچ اینانمورام من چیخاسان صباحه سالم گل عمریمون ستمله سناجاق بو داقی لای لای اجل اوچیسی بو چولده سنیلن چیخوبدی جنگه دولانور اودو ر که رنگون بیله زعفرانی رنگه گلوب آلنوا سو یوخدی نفسون دوشوبدی تنگه آنوون او قدری قالمور پوزولا تفاقی لای لای چکولوبدی رنگ و ریشون سارالان ایاقلاروندان گورورم چیخور آلو تک نفسون دوداقلاروندان آچارام او دور قماطون اوپرم ایاقلاروندان دیرم دوشن رمقدن گوزل اَل ایاقی لای لای بو رقیه مندن آرتوق اوره گین غمینده داغلار منه گه ویروب تسلّی گهی بوینومی قوجاقلار گلوب اگلشر یانوندا اوپر الروندن آغلار بیلوسن کی وار اونون چوخ سنه اشتیاقی لای لای ایده بیلمدیم نوازش اوجالاندا سوز و سازون چکه بیلمه دیم دویونجان علی من اگر چه نازون سحر اوخلانوب گلر سن گزر ال به ال جنازون ایدوسن نه بیر سو فکری نه ده صود سُراقی لای لای منی ایلیوب زمانه متحیّر اوز ایشیمده غم اودی چکور شراره بو دل بلا کشیمده دونه قانه سن سیز اوغلوم اگر اولسا صود دوشیمده سوسوزام اوزومده والله دوداقون سیاقی لای لای بیلورم علی همیشه آنالار یانیندا خوارم سوزون هر مکاندا دوشسه من ئولونجه شرمسارم ولی قورخورام دیم من سوسوز ئولدی شیر خوارم دیه لر باجارمیورسان بالا ساخلاماقی لای لای منیم اللریم بوش اولدی آنالیق علامتیندن خجلم سنون یانوندا صودیلن سو بابتیندن نه گوزلدی ئولسه اوغلوم آنا اوز خجالتیمدن ولی ئولمیه عطشدن صود امر اوشاقی لای لای ائله آغلیوب سیزیلدار کئچر آهی نُه فلکدن منه یالوارور کی زایل اولا غملریم اورکدن دیر اصغرین سن الله آچاق اللرین بلکدن اوجالار منیم سیزیلتیم اونون آغلاماقی لایلای بیلورم بهشته زهرا آلاجاق سنی قوجاقه ئوپه جک سولان یوزوندن قویاجاق دوداق دوداقه سنه مهربان آنوندا او قدر کی وار علاقه اولاجاق یرون همیشه آنوون قوجاقی لایلای سنه سعی ائله ((محیّر )) وئرورم بو بیر پیامی ائله راضی تا اؤزوندن او امام تشنه کامی یوزه توک سرشک چشمون اوخی مطلع کلامی سارالان یوزی عطشدن قورویان دوداقی لای لای ✍مرحوم محیّر اردبیلی #شب_دهم_محرم #شب_عاشورا

امام در بالین حضرت ابوالفضل عرش اهلینه از بس کی آدون محترم اولدی بو لشگر اسلامیده سهمون علم اولدی افسوس او علم ساخلیان اللر قلم اولدی عاشق توکَه معشوقینه گوز یاش نه گوزلدی قارداش باشی اوسته ئوله قارداش نه گوزلدی از بس توخانوب سینووه اوخ گوزگوز اولوبدی گوز یاشیمه باعث ایکی قول بیر گوز اولوبدی بیر سوز دانیش ، اولما آرامیزدا سوز اولوبدی ظلمین قاباقین سد ائلین روحووه قربان داغلی ئورکیم سینه مجروحیوه قربان

🏴« شب عاشورا »🏴 . 🎶سبک_لای_لای_علی_لای_لای.... ✍محمدعلی مصیبی تبریزی . کرب وبلا دشتی – بو گئجه غوغادی یتمیش ایکی عاشق – رزمه مُهیّادی سو یوزونه حسرت – اصغر ِ نوپادی لبلری عطشاندی – سینه سی دریادی . گوردیله گویده ستاره لرآغلور صودامر اللرینی آنا باغلور . یاندی ائللر – جوشدی دللر لای لای علی لای لای (۴) . . . کیمسه گورورعطشان – اصغری قان آغلور باغلارالین گورجاق – پیر وجوان آغلور غملی آنا سسلور- دادینه سقانی گوردیلر عباس اول – شیر ِژیان آغلور . بوغمی عالمی یاندیراجاقدی ساقی دشتی اوتاندیراجاقدی . یاندی ائللر – جوشدی دللر لای لای علی لای لای (۴) . . . سینه لری داغلور – ال ایاق آتماقی سینه مادرده – غصه لی یاتماقی خیمه ده قیزلاری – دردوغمه سالمیش ابر ملالتده – آی کیمی باتماقی . هی آناسی ملوری گوزلیم یات سینه سی قان آناوی گل آزآغلات . یاندی ائللر – جوشدی دللر لای لای علی لای لای (۴) . . . سالدی منی دلدن – درد وغمون اوغلوم ناله جانسوز و- دم به دمون اوغلوم آغلاماقون آخر – آغلادور عباسی آغلاما آغلاتما – یاندی عمون اوغلوم . اوچ گئجه گوندوزعلی منی یاخدون اولدوزیدون گوزلیم نه تئز آخدون . یاندی ائللر – جوشدی دللر لای لای علی لای لای (۴) . . . . باشدان اوغول گل آت – آب روان فکرین ایله مه عباسین – چوخ نگران فکرین خیمه لری گزدیم – یوخدی سوبیرقطره هامّی سوسوز سن تک- ائتمه امان،فکرین . غنچه لبون سارالان گوله بنزر بحر عطشده کی ساحله بنزر . یاندی ائللر – جوشدی دللر لای لای علی لای لای (۴) .

#احوالات_عاشورا   نجه قان آغلاماسین داش بو گون کسیلیب یئتمیش ایکی باش بو گون   توکولوب توپراقا باشسیز شهدا کربلا دشتی اولوب کوه منا موج ایدر قانیله دریای بلا نجه قان آغلاماسین داش بو گون   بو همان گوندی باتوب یاسه جهان بویانوب قانه سوسوز پیر و جوان انبیالر باش آچوب آغلیری قان نجه قان آغلاماسین داش بو گون   بو همان گوندی سولوب دین چمنی سارالوب سرو و گل و یاسمنی قطعه قطعه اولوب اکبر بدنی نجه قان آغلاماسین داش بو گون   کانال را به دوستان خود معرفی کنید. 🚩 کانال نغمه‌ها و اشعار ترکی 👇 🌴🌴نغمه‌ها و اشعارترکی 👇😭 ╭┅─────────┅╮ ▶️ @naghmalar ◀️ ╰┅─────────┅╯

عزاداران عزیز یکی از روضه‌خوانان حضرت سیدالشهدا #محتاج_دعای شما خوبان است دکترها جوابش کردند استدعاءََ برای سلامتیشان #حمد_شفا قرائت بفرمائید.