‍ جدید_ آهنگ حماسی_بدرقه ی راه زائرین اربعین به لطف زهرا_ غرق شور و شینم بو اربعینده _زائر حسینم مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ نجف اولوبدی_ پایتخت غیرت علیدن آلدیم_ رخصت زیارت شه ولایت_ایلدی عنایت مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ عمودی بیر بیر_سایمیشام پیاده چاتور بهشته_انتهای جاده صفای جنت _واردی کربلاده مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ بو یوللارین وار_آیری بیر صفاسی اولوب(حسین وای)_دیللرون نواسی باشیمدا واردی_کربلا هواسی مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) _ ئورکلر ایستور_تا گوره ضریحی گلوب مزارن_ارمنی،مسیحی سنه فدا ای_کربلا ذبیحی مزاریوه ای صاحب کرم_پیاده راهی اولموشام گلم حرم سنوندی _علم سنوندی_کرم سنوندی_یا مولا مولا_یا حسین مدد(4) بانوای کربلایی یوسف شبیری زنجانی

بهزاد قاسمی اردبیلی .. .. .. .. زینبم من یوخ توانیم ، باغ امّیدیم سولوب اربعینوندور حسین جان ، ابر احساسیم دولوب قبریوه بیر دسته یورقون یاسمن زوّار اولوب سالمیشام منده بو قبرین اوسته قانلی جامه وی گوز یاشیملان تا یازام قارداش زیارتنامه وی .. .. .. .. اَلسَّلام ای ذبح اعظم ای شهید بی کفن اَلسَّلام ای لبلری آب فراته ناز ائدن اَلسَّلام ای قتلگاهه هم سوسوز هم آج گیدن اَلسَّلام ای عمرینه پایان جاویدان وئرن اَلسَّلام ای گونلرین آلتیندا عریان جان وئرن .. .. .. .. اَلسَّلام ای مغرب گودالیده آی تک باتان اَلسَّلام ای نازدانه قیزلارین گوزدن آتان اَلسَّلام ای قانلی باشی کوللر اوستونده یاتان اَلسَّلام ای دفترعرفانی نوریلن یازان اَلسَّلام ای ئوز الیلن اصغرین قبرین قازان .. .. .. .. دور منه سس وئر سلامیم قویما قالسون بی جواب قالمیوب اهل و عیالونده حسین جان صبر و تاب آند اولا زهرایه قارداش آز قالور ئولسون رباب معجرین باشدان آچوب ، گوزدن توکور اشک ترین قبریوون اوسته دوشوبدور ، سندن ایستور اصغرین .. .. .. .. یول یوروبدور کاروانی یورقونوق یوخ تابیمیز آسمان غمده مدّتدور باتوب مهتابیمیز گلمیشوک دیداریوه آی بی کفن اربابیمیز معرفت بازارینون بیز نابغه تجُّاریوک دور ئوزون خوشگلدون ائله اربعین زُوّاریوک .. .. .. .. میهمانوق بیز سنه مهمان نواز اول ائتمه ناز آلمیشوق عشق عالمینده گوز یاشیلان دستماز دور اذان وئر تا قیلاق با هم ایکی رکعت نماز گوگلوم ایستور عشقیمی دنیایه اثبات ایلیم باشوین قانی آخان یرده مناجات ایلیم .. .. .. .. من بورا گلدیم بو گون تا سنله دیدار ایلیم عشق دیوانین آچام ، بیر یولدا گفتار ایلیم ئوز قیامیمدن سنی قارداش خبردار ایلیم شکر اولا پروردگاره رو سفید اولدوم حسین عامل سرکوبیِ آل یزید اولدوم حسین .. .. .. .. پرچم قرآنی قالخیزدیم گویه سقّا کیمین ذلّته باش اگمدیم حوّا کیمین ، سارا کیمین ئوز امامیمدن دفاع ائتدیم ننم زهرا کیمین سسلدیم حقدور حسین ، عشقین باشیمدان آتمارام من اونون تک بیر توکون هفت آسمانه ساتمارام .. .. .. .. دوزدی ظاهرده گئدوب الدن جلال و منصبی علقم اوستونده یاتوب عباس تک هم مکتبی سیزلری خوار ائتمگه امّا هله وار زینبی مکر و تهدیدیله سینماز زینبین شخصیتی وار منیم چادر شبیمده ذوالفقارین قدرتی .. .. .. .. الغرض قارداش او گون من عشقی تفسیر ایلدیم نطق آتشباریمی برّنده شمشیر ایلدیم من یزیدی کاخ خضراسینده تحقیر ایلدیم ثابت ائتدیم عالمه ئوز عهدیم اوسته صادقم تک باجی یوخ ، اللی دورت ایلدور حسینه عاشقم .. .. .. .. ایندی امّا خسته یم ، صبرین لباسین سویموشام عمریمی سودای عشقونده ضمانت قویموشام آند اولا ئوز جانیوه دای زندگیدن دویموشام یوخ توانیم ، قاره بختیم تک باشیمدا قاره وار گویلرین اولدوزلاریندان چوخ قولومدا یاره وار .. .. .. .. آی یاریمدور در بدر دور یثربون آهولری شانیه حسرت قالوبدور شانه سیز گیسولری کعب نیزه یلن سینوب بعضی لرین پهلولری چوخ سوزی من آچمورام ، چون محنت عظماسی وار زینبون بو کارواندا گور نچه زهراسی وار .. .. .. .. انقلابیم ووردی قارداش سینۀ اشراره اوخ سن منه سس وئرمَسوندَه ، وئرمه ، نینَک عیبی یوخ تکجه بیر خواهش واریم سندن ، ثوابی چوخدی چوخ گر چه زحمتدور ولی سعی ائله اجرا ائت حسین بیر گجه امکانون اولسا شهر شامه گئت حسین .. .. .. .. اوردا چون ایستکلی بیر قیز واردی چوخ ایستر سنی او منه خردا باجیدی ، قویدی امّا تک منی قبرینی قازدیم اوزوم ، ویرانه اولدی مدفنی گورمَدی خوش گون جهاندا ، گِتدی جاه و منصبی الله عالمدی اونون دردی قوجاتدی زینبی .. .. .. .. هی دئیردی هاردا بس قالدی منیم مظلوم بابام دای داریخدیم عمه جان ، یوردی منی بو شهر شام اینجیدیم یول گوزلمکدن ، کاش اولا عمروم تمام آغلورام از بس کی من ، قانه دونوب گوز یاشلاریم نه بابامدان بیر خبر وار ، نه گلور قارداشلاریم.

#اربعین_حسینی 🎼سبک:گلدیم هرایه قارداش آی قهرمان اباالفضل... قیرخ گوندی دوشموشم من سندن حسین آرالی گلدیم مزارون اوسته قارداش اورگ یارالی دور پیشوازه قارداش مهمانیوم حسینیم بی کس ربابی دیندیر قربانیوم حسینیم جان یاحسین حسین جان(٢) آچ گوزلرین برادر آی قلبیمون قراری سن سیز خزانه دونموش گور عمریمون بهاری دیللن دیلون فداسی خوش گلدون ایله باری سندن سورا چوخ اولدی قارداش باشیم بلالی باغلاندی غم قطاری یوللاندی شامه ساری من بی کسون یارالی باش اولدی غم گساری جان یا حسین حسین جان(۲) اوچ یاشدا نازدانه چوخ اولدی ماجراسی گلمز شماره قارداش سایسیز اولان بلاسی اولدی رقیه عشقون پرپرچالان هماسی ویرانه یرده قالدی یثرب گولی مارالی آئینه حیاتین سنگ وفایه چالدی دیلدن دوشن هَزارم ویرانه یرده قالدی جان یا حسین حسین جان(٢) آلدی قوجاقه باشون دیل یاره غم لی جیران قانلی دوداقون اوپدی جان ویردی زار و نالان ال آتدی باشه قیزلار عرشه اوجالدی افغان ای قلبیمون صفاسی لای لای رقیه لای لای وی گوزلریم ضیاسی لای لای رقیه لای لای جان یا حسین حسین جان(٢) قیرخ گوندی باشدا قاره چوللر دولانمیشام من غم تیری سینم اوسته هجرونده یانمیشام من پیراهنون حسین جان اللردن آلمیشام من یورقون خمیده قامت گلدیم اویان وفالی قارداش منایه گلدیم سعی و صفایه گلدیم قان یاش آخار گوزومدن بزم عزایه گلدیم جان یا حسین حسین جان(٢) واردور یری بو قبرین مهمانی خاتم اولسون نوح نبی و عیسی موسی و آدم اولدی قارداش گوروم که بیرگون زوّارون عالم اولسون عرشه اوجالسون اوندا بو مرقدین جلالی پایین پاده اکبر سینونده دیلسیز اصغر مدفون اولوب یانیندا بیرجوت کسیلمیش اللر جان یا حسین حسین جان(٢) زینب گوریدی ای کاش برپا اولوب نمایش عزم ایلیوبدی یرمی میلیون ایدن ستایش برپادی اربعینده مجموعه ی  همایش لبیک یا حسین دور هرتک تکین مقالی «یرلر حسینه قوربان» «گویلر حسینه قوربان» بو یرمی میلیون عاشق «یکسر حسینه قوربان» جان یا حسین حسین جان(٢) کفر زمانه داعش آچسون گوزون اویانسون وهّابیان ضاله نار حسدده یانسون کیم ایستمز حسینی چیخسون گوزی اوتانسین شیعه ایدوب تنومند زینب اکن نهالی الگو دی شیعیانه عباس،علینون اوغلی حتما حمایت ایلر ام البنینون اوغلی جان یا حسین حسین جان(٢) لطفین عیان ایدوبدور خلاق حی داور پایان تاپور دیرسن «ثاقب»غیاب اکبر میثاقیدور یقینا بو انقلاب احمر یابن الحسن اوزون گل گوستر گوزل جمالی ای یوسف زمانه دیللر دولاندی قانه عزت هماسی سایه سال راس شیعیانه جان یا حسین حسین جان(۲) ✍بقلم کربلایی فخرالدین اسکندری(ثاقب)

🍁 بسم الله الرحمن الرحیم 🍁 🏴احوالات اربعین دورشامیدن حسینـجان زینب عزایـه گلـدی بـو کـاروان خستـه کـرب و بـلایـه گلـدی خوشگلـدیـن ایله قـارداش بوغملی کاروانـه دیـل یـاره لی اوشاقـلار آه و نـوایـه گلـدی قبـرون تـوزون برادر گوزیـاشیمیله سیللـم گاه آغـلارام اوره کدن گاهی باشینـدا گوللـم دینـجلمیـشم حسیـن جان دیـداریوه گلنـن درد و دیـل ائتـمسم من قبـرون باشینـدا ئـوللم گوز آچ منـه دئ قارداش ، زینب سنـه نه گلـدی ظلمیـله قیـزلاریـوا یوللاردا قمچی دَیـدی اوچ یاشـدا نـازدانن تشت ایـچره گوردی باشیـن ای وای منـه برادر غم تیــری قدّیـم اَیــدی غم غصه سی چوخ اولـدی درد فـراقـه یانـدی آلدی قوجـاقه باشون اوپـدی دئـدی آمـانـدی ای وای بابا دئـدیم گل اما بو حالیلن یـوخ بی هوش اولوب گئدنـن حالیـم منیـم یـامانـدی قارداش خجالت اولدوم سنن، اورک غمینم دور کاروانـی گتـدیم زوار اربـعیـنم قیخ گونـدی دوزموشم من درد و فراقه یاسلی کرب و بلا ده اینـدی مهمان شاه دیـنم شامین یولونـدا قارداش غم غصه دن سارالـدیم قیزلاریوه وروبـلار داش من نه حاله قالدیم هی سسلدیم سکینـه ای وای دئـدیم رقیـه دینـدیر منی دانیشتیـر قارداش یـامـان قوجالـدیم گـوز یـاشلـی نوکریـن وار آدی (علی اصغر) شرح حالیـم یـازوبـدی بـو اربعیـن بـرادر قبرینـده اَول شب گوز یولـدا قویـما قالسیـن دوز دور گنـاهی چوخدور ئول قبـر ایچینـده یـاور ✍ علی اصغرعباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

با نوای کربلایی حمید قهرمانی

‍ اربعین مهدی قلندری سبک :: صحرا صحرا دویده ام... بیر زار و خسته زائرم قلبیمده آه و نوا دیلدن دوشموش مسافرم ای شاه کرب و بلا بو بختی قاره زینبون مأواسی گور هارادی دیندیر غمدن یورولموشام قارداش قلبیم یارادی آواره اولان باجووام گول مثلی سولان باجووام تِل تِل آغران ساچینی مقتلده یولان باجووام قارداش یورلموشام ( 2 محنتده آز قالور اخیامیم تک آلیشام گوگلوم ایستور ئورک سوزون بیر بیر سنلن دانیشام دشمن بیر لحظه باخمادی قان اولموش گوز یاشیما بو قانلی کوینک اوسته چوخ قمچی دگدی باشیما ویرانه ده قالدی حسین سس عالمه سالدیم حسین آخر بو ننم توخیان پیراهنی آلدیم حسین قارداش یورلموشام ( 2 ) زنجیر ظلمیلن چکوب غم بنده زینبووی سندن شمریله زجر ائدوب شرمنده زینبووی قویدوم قالدی خرابه ده دُرّ گنجینه می من درده سالدیم رقیه نون هجرینده سینه می من تِز گلدی اجل بالاما زهرایه مثل بالاما بو تِزلیگه ئولمزیدی گوز دگدی گوزل بالاما قارداش یورلموشام ( 2 گور قارداش هاچاندی من نالان و دیده ترم تا آیریلدیم مدینه دن چوللرده دربدرم آخر فتنه فلک منی شهریمدن ائتدی جلا هئچ بیلمم یثرب اهلی ام یا دشت کرب وبلا ای جان و تنیم یارالی مظلوم ئولنیم یارالی قوی کربو بلاده قالیم یوخدور وطنیم یارالی قارداش یورلموشام ( 2

کانال اشعار حاج امیر نوری اردبیلی https://eitaa.com/nourihajamir/4430

(((خلیل خدا حسین ))) کربلاده باغلادون سن عهدو پیمان یا حسین کیمیا دور تربتون هر درده درمان یا حسین یاحسین جان یاحسین درده درمان یا حسین سن طبیبُ اللهیسن کرببلا شاهنشهی سن حَبیبُ اللهیسن کرببلا شاهنشهی سن نَجیبُ اللهیسن کرببلا شاهنشهی غسلی قان , قانی کفن شاه شهیدان یاحسین یاحسین جان یاحسین درده درمان یا حسین ظهر عاشورا حسین بیلمم نه طوفان ایلدون وارُو وِی ایتدون فدا سبحانه قربان ایلدون تاکه دنیا , دنیادی احیای قرآن ایلدون تابع امر خداسن گوش بفرمان یا حسین یاحسین جان یاحسین درده درمان یاحسین اصغره سو ایستدون دوشمن سنه اوخ وار دیدی اوچ پر اوخ زُوزَه چکیبدور اصغره آغلار دیدی یاحسین وای اصغره لای لای چالیب چوخلار دیدی حرمله وُوردی اُوخون ، اُوخ اولدی گریان یا حسین یاحسین جان یا حسین درده درمان یاحسین ماسوی الله سنه ماتم دوتوب قان آغلادی سینه لرده قلبیلر لَرزان وسوزان آغلادی شیعه و سُنّی و کافر هر مسلمان آغلادی ایتمدی اُوخلار حیا ایلردی جولان یاحسین یاحسین جان یاحسین درده درمان یا حسین ای خلیلُ الله حق ای مست جانان یا حسین عشقوون محتاجیم ایتمه پریشان یا حسین ناخدایِ حق توئی ای اَمن ایمان یا حسین بر (moharam) کن نظرسلطانِ سلطان یاحسین http://eitaa.com/joinchat/16908628Cbd7254d23c

(((حالات اربعین))) قارداش حسین یاتما اویان گلدی باجون زینب ای سینه سی پامال اولان گلدی باجون زینب قالدی رقیُون شامیده نازلی بالون قارداش غم دریاسی موج ایلدی توکدی گوزی قان یاش جان ویردی دینجلدی بالون منده اُولیدیم کاش ای بیکفن ای غسلی قان گلدی باجون زینب ای یارسیندن قان سُوزن ای قبری قان قارداش دریا یانیندا ذبح اولان تشنه قالان قارداش زهریلی اوخلاره اولان قلبی نشان قارداش ای زینبی قان آغلادان گلدی باجون زینب غم قالمادی من گورمه میش من قلبی قان اولدوم غملرالینده قالمشام قدی کمان اولدوم غم گلدی غملر اوستینه عمری تالان اولدوم گلدی یارُووِی باغلیان گلدی باجون زینب غمدن دایانماز زینبون ای حجت سبحان سندن آرالی دوشمو شم دنیام اولوب طوفان قرآن اوخور قانلی باشون ای هامی قرآن قلبیم باشین آلدی دومان گلدی باجون زینب قاندان بیچیلدی قدّیوه قرمز کفن قارداش قد قامتوندن قان آخار قبرون اولوبدور یاش سیرو سفر ایتدی باشون هاردادی قانلی باش غربت چولونده تک یاتان گلدی باجون زینب قاسم هانی اکبرهانی گلدیم چالام لای لای خونین دهن اصغر هانی گلدیم چالام لای لای عباس نام آور هانی گلدیم چالام لای لای نَهر اوسته تنها دفن اولان گلدی باجون زینب گوزدن (محرم)یاش اَلَر ایله نظرقارداش پابوسیوه بیر گون گلرایله نظر قارداش هر مشکلاته صبر ایدرایله نظر قارداش ای نعشی چوللرده قالان گلدی باجون زینب https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #اربعین

🏴#اربعین 🎼سبک : عطری گلور محرمون هر یره قاره چکدیلر... باخبر ایله سن منی حال مدینه دن حسین منده دیوم شماتتِ فرقه ی کینه دن حسین وارد اولاندا شامه بیز آه و نواله ناقه ده سن شهداله نیزه ده من اسراله ناقه ده کثرت طعنه دن قدیم دوندی هلاله ناقه ده امر محالیدور گیده بو یارا سینه دن حسین ظلمنی اول عجوزه کیم ائتدی زیاد علاوه دن داشیله ووردی باشوی سالماقچون تلاوه دن باشمی منده زخمدار ائتدیم او دم کجاوه دن داغلودی شمردن گوگول هم او لعینه دن حسین بیزلره هر نه ظلم وار ایلدی قوم اشقیا شرحه گلن دگول یقین چکمیشم اول قدر جفا خارجی نسبتی هارا عترت مصطفی هارا وار یری شکوه ایلسم دور قرینه دن حسین بزم شرابده بیزی ساخلادی شمر فتنه جو ائتدی یزید بی حیا ترک حیا و آبرو سویلدی ای علی قیزی ایله منیله گفتگو تاپمادی بولمرم اجل اوندا منی ندن حسین من نجه یاتمیوم مگر صولدی بهار و گلشنیم ایلدیلر دمشقده کنج خرابه مسکنیم فاحشه لر گلوردیلر سیر مکانیمه منیم طعنه ائشیتدیم هر زن پست و کمینه دن حسین گلدی سلامت عترتون قبریوه ای شه جهان شام خرابه سین ولی ایلدی بیر قیزون مکان چکدیگی ذلتین اونون من ائده بیلمورم بیان واقف سن اوزون که هر حال سکینه دن حسین چیخدوق او گون مدینه دن خیلی جلال و جاهلن محمل نازه من سوار سن او قدر سپاهلن ایندی نه نوعی من گئدوم مقنعه ی سیاهلن قالمیوب اول گتوردوگوم زیب و زرینه دن حسین درگهوه دخیلدور قووما او کلب کمتری گئچدی حسابدن گئنه یوخ حسنه برابری (( یحیوینی )) جزاده قیل نار عذابیدن بری عذری یوخ الده خوف ائدر روز پسینه دن حسین ✍بقلم زنده یاد استادحاح عباسقلی یحیوی اردبیلی