‍ نوحه وداع حضرت زهرا سلام الله علیها عموغلی چوخ گول سارالار آغلاما خداحافظ بو سن بو ائو بو بالالار آغلاما خداحافظ بو ائوده هر درد و غمه سنده یانموسان منده یاتانمادیم چوخ گجه لر سنده آغلادین منده خیال ایله بیر گولودوق سنده سولموسان منده چمنده چوخ گول سارالار آغلاما خداحافظ عم اوغلی یانّام بو غمه اولدی درگهون مقتل بو نسگلون بسدی منه فضّیه دئدیم تئز گل منیم غمیم بسدی سنه قوی گئدیم بیر آز دینجل بو سن بو ائو بو بالالار آغلاما خداحافظ سنون بیله آغلاماقون قلبیمی ائله داغلور سنه باخور گول بالالار گوز یاشون یوزه باغلور گوزون یاشون توکمه بیله آغلاما حسین آغلور او آغلاسا دل یارالار آغلاما خداحافظ حسن بیلور کوچه غمون قویمادیم دیله سالسون او کوچه ده اولدی نلر روز محشره قالسون گرک گله مهدی بالام انتقامیمی آلسون گله حسین قانین آلا آغلاما خداحافظ اگر چه آز عمروم اولور نسگلیم منیم چوخدی ئورکده هر درد و غمیم قلبیوی دَلَن اوخدی ئوزون منی قبره آپار قارداشیم منیم یوخدی بو سن بو ائو بو بالالار آغلاما خداحافظ او ناگران گوزلرووه گوزلریم فدا اولسون من آغلورام آغلاما سن قویما گوزلرون دولسون بالالاریم نازینی چک قویما گوللریم سولسون تک ائوده قومیا قالالار آغلاما خداحافظ گجیله وئر غسل منه دفن ائله گجه یاری مزاریمی ایتگین ائله ای بلا گرفتاری مزاره قوی تئز گئت ایوه قویما تک بالالاری یولووی گوزلر بالالار آغلاما خداحافظ حسینیله زینبیمون غصه قلبینی داغلار حسینیم اللرده ئولر زینبیم باخار آغلار وئرنده جان گوزلرینی کیم حسینیمین باغلار #شهادت_حضرت_زهرا_سلام_الله_علیها 🎤کربلایی سعید سلطانی 😭😭😭

﷽ 🔘 نبش قبر حضرت زهرا (س)   ( انور اردبیلی) #ترکی قلم عاشقدی زبس حضرت زهرا آدینا باشلیور مطلبی صدیقه ی کبری آدینا بیر نچه کلمه یازا مفخر لعیا آدینا مام سبطین آدینا اولسا سرآغاز سخن وار امیدیم قلمیم ایلیه اعجاز سخن فاطمه آدی گلن مجلسین عزّت واریدی ارزیابی ایلین یوخدی نه قدرت واریدی حجّت قائم آل اللهه نسبت واریدی آغلیوب آغلادانا شخصاً اوزی ناظر اولار آنانین آدی گلن یرده اوغول حاضر اولار اوزی تاپشورموشیدی دفنی اودور قالدی گجه مرتضی گنج حیانی اوزی دفن ایتدی گجه دفن ایدندن صورا بولمم ایوینه گلدی نجه صبحه تک یاتمادی نوحه ایلدی اوز اوزونه یارین الدن ویره هر کیم یوخی گلمز گوزونه صبح آچیلدی چاغیروب اوغلون او خلّاق سخن آناوین ماتمی دور آچ قاپونی اوغلوم حسن بلکه پیغمبره خاطر بیزه ده اولدی گلن گیتدی زهرا اطاقیم محبس ظلمتدی منه کیم بو محبسده تسلّی ویره منّتدی منه مجتبی شخصاً اوزی آچدی او یانموش قاپونی ظلمیدن توستوسی افلاکه دایانموش قاپونی ایتمه ایراد دیسم قانه بویانموش قاپونی نکته باریکدی بو مطلبی هشیار بولر سینه ی حضرت زهرا ایله مسمار بولر باب ماتم آچوقیدی او گون اهل وطنه مرتضی شخصاً اوزی منتظریدی گلنه گلن اولمادی خطاب ایلدی اوغلی حسنه بیز بو یثربده غریبوق، قاپونی باغلیاقون ویره گون باش باشا ایوده اوزوموز آغلیاقون بزم ماتم بولوسوز زینتی دور هر اُلنون کیمی بیزدن صورا بو شهریده وار فاطمه نون بلبلی زینبیم اولسون بو سارالموش چمنون من اوزوم گرچه حسن اهل سخن سروریم بو شیرین دل باجیوین سوزلرینه مشتریم دورت بالا، بیر آتا زهرایه قوروب بزم عزا روح پیغمبر خاتمده قوشولدی اولارا ناگهان صحن سراده ایلدی فضّه صدا یاعلی تیر ستم قلبیوه آز قالدی ساچا ثانی ایستور خانموم فاطمه نین قبرین آچا فضّه نون غملی سوزی زینبی ایتدی نگران ایاقا دوردی یریندن چکوب ال اوخشامادان ذوالفقاری گتیروب گلدی بیانه باباجان چوخ یوبانسان بولوسن سمت بقیعه قاچارام آنامون قبرینه ال دگسه اگر باش آچارام گیچدی دیباچه ی سوز مطلبیمه ملتفت اول بو گریزی یازورام قلب ایلیور وحشت و هول زینبی واهمیه فضّه سالوبدور ایکی یول بیری یثربده ایشیتدور بولورم دقّتیله بیریده کرب و بلاده ایشیدون رقّتیله اسرانی باشینا یغمیشیدی زینب زار فضّه گلدی الی باشدا اوزی بی صبر و قرار قلب لشکرده چکور کوفه نین اهلی دیدی جار سوزی پردیله دیوم ایش چتینه یتدی خانم آتلارین نعلینی دشمنلر عوض ایتدی خانم دیدی فضّه کیمیمیز وار بیزیم امداده گله مرتضی یوخدی بو چولده آلا شمشیرین اله اگلشون سیز، یتوروم من اوزومی تلّه هله الی باشدا دایانوم قانلی بیابانه باخوم حرکات سپه فرقه ی عدوانه باخوم چخدی تلّ اوسته نظر سالدی جفا لشکرینه کوفه نین ملّتینی گوردی دگوب بیر بیرینه دقّتیله قولاق آسدی اولارین سسلرینه بولدی شورشدی قوشون ایچره اوجالموش غوغا حرّون ائل طایفه سی ایستیور ایتسون دعوا آرادان گیتدی دیولّر داخی ملّیّتیمیز سیزون آت چاپّاقوزا یوخدی بیزیم صحبتیمیز ولی حرّیله بیزیم وار بولوسوز نسبتیمیز بی تعصّب دگیلوق آدیمیز اولسون رسوا بو عملدن ایده سوز حرّی گرک مستثنی سعدین اوغلی ایله که مسئلیه اولدی خبیر آز قالور گوردی دوشه لشکره بیر جنگ کبیر امر ایدوب شورش ایدن قومه او ناپاک ضمیر سیزه من عفو ایلدیم حرّی گیدون کفن ایلیون هارانی ایسته سه گوگلوز آپارون دفن ایلیون حرّون اقوامی گلوب دوره لدی رهبرینی قتلگهدن گوتوروبلر یارالی پیکرینی باخدی زینب اولارا قان ایدوب اشک ترینی گوردی عزّتله یولا دوشدی حسینون قوناقی کثرت عشق و تعصّبدن اسوب دل دوداقی دیدی حرّین واریدی بوردا حمایت ایدنی حمل ایدوب قویمادیلار زحمته دوشسون بدنی کمک اولسیدی حسین قویمازیدیم یرده سنی کیم آدامسیز اولا رخسارینه گوزیاشی آخار چاره سیز قالسا باجون تک گوزی اطرافه باخار هر باجی لازمه دور حامی اولا قارداشینا اولماسا خدمته آماده کول اولسون باشینا باجیوین رحم ایلین یوخدی حسین گوزیاشینا اورگیم پارچالانوب دردیمی هیچ کیم بولمز نیلیوم دشمنه یالوارماق الیمدن گلمز مقتله یوخسا گتورّم قره معجرلریوی یالواروب دشمنه آلّام یارالی پیکریوی دوتاروق مرکز میدانیده دور و بریوی گوتورر نعشیوی یردن بو یورولموش نفرات قائل اولّوق سنه ده حرّ کیمی تشریفات نه باخان واردی بیزیم ناله ی جانکاهیمیزه نه یانان واردی حسین اشکیمیزه آهیمیزه بیز سنی تاپشوروروق بیر اولان اللهیمیزه بوندان آرتوق نه روا فاطمه نون قلبی یانا یارالی سینوین اوستونده سنون آت دولانا ایستیور کوفه نین اهلی ایده بیر ظلمه قیامت ویره لر تند روش آتلارا مقتلده لجام قاریشا خاک شِفایه شهدا عضوی تمام دوغرانان جسمیوه سعد اوغلی اهانت ایلیه اهل اسلامه نصاراده شماتت ایلیه 🎙#مداحان_و_شعرای_آذربایجان   https://eitaa.com/navayheidarkarar

راحت یات ای زمانه ده دینجلمین ننه همسایه لر عیادتینه گلمین ننه گوز یاشین اهل یثربه سیلدیرمین ننه دردین ئولونجه حیدره بیلدیرمین ننه ای سینیه وصال گلون ساچمیان ننه قارداش یوزینه باغلی قاپی آچمیان ننه قارداشلاریم سولوبدی فراقونده آی ننه قارداش الیندن آلمیان عمرونده پای ننه آی زلفومی دویونجا یوووب هورمین ننه وای محسن آدلی قارداشیمی گورمین ننه آی ضرب سیلی طاقتین الدن آلان ننه دیواریلن قاپی آراسیندا قالان ننه اون سگز ایلده روحوی سیخدی زمان ننه زلفون آغــاردی قامتون اولدی کمان ننه ✅بقلم استاد فتح اللهی (شاکر )

بانوای عبداللهی ====👆 وصیت حضرت زهرا(س) من مانده ام تنهای تنها باغبانم باغ عشقه دویمادیم اوز گل لریمدن بوغمه بلبل لرآغلار آیری دوشسم ائل لریمدن باب کینه مِحنت وغم تا آچیلدی باغبانه دست ظلمیله ویرولدی سیلی وهم تازیانه . من بتول مصطفایم        همسرشیر خدایم من گل باغ رسالت خار الینده پرپر اولدوم یاندی درگاهیم یاناندا ابرتک آلامه دولدوم پشت درده تا یخیلدیم گل کیمی اول یرده سولدوم یوزکبود بوسینه ده وارسوزش مسمار یاراسی قویدی مادرسیزجهاندا زینبی ثانی جفاسی من بتول مصطفایم       همسرشیر خدایم عمرکوته ده من آچدیم مکتب عشق و محبت ویرموشم نسوانه درس عفّت و حُجب و دَیانت حیف مثل لیلۀ قدر قدریمی بولمز بو اُمّت خسته جسمیم نصف شبده تا گیده تاریک قبره بش بالام آغلارسرشکین اوخشادار بیرقاره ابره . من بتول مصطفایم          همسرشیر خدایم ثانی تا اود ویردی یاندی باب وحیه من دایاندیم زخمدار اولدوم قاپومدا قانیمیله من بویاندیم کربلانون محنتیندن بوغمی من سهل ساندیم . وارباشوندا بو حسینون کربلانون ماجراسی یوم عاشوراسی الده اوخلانان عطشان بالاسی شعر عدلی ✍

▪️احوالات شهادت حضرت زهرا (س) ✍شاهکاری از کربلایی نوید آسال اردبیلی دُرِ گنج شرف و گوهر عصمت زهرا کوکب حجب و حیا شمس نجابت زهرا بونا خاطر یارادوب کوثری جنتده خدا سوره ی کوثری قرآندا ایدوب جلوه نما بو محمد گولیدور مادر شاه شهدا قدسیان سبقت آلالار اوپه لر مقدمینی روز محشرده آلار چیگنینه حق پرچمینی بونی خلاق جهان خلق ایلیوب بی همتا بودی دریای شجاعت بودی اسپهر وفا بودی حلّال مشاکل بودی هر درده دوا بو شرف مصحفینون سوره سیدی آیه سیدی بو خدای احدون الده کی سرمایه سیدی دختر فاضله ی شمس رسالتدی خانم همسر نابغه ی شاه ولایتدی خانم مهد ایمان و حیا کان شرافتدی خانم عالمون خلقتینون فاطمه دور قائمه سی هاجر و آسیه دور درگهینون خادمه سی زیبدور آدی بونون مام مسیحا آدینا فخریدور اطیب ادی مادر موسی آدینا شیعه لر قربان اولا ام ابیها آدینا آدینون مدحینی حق سوره ی کوثرده یازوب ذکر یافاطمه نی سر در محشرده یازوب دوزدی ظاهرده خانم شیر خدا همسریدی ولی باطنده علینون الینون خنجریدی بو پیمبر قیزیدی ذات حقون مظهریدی سسلینده آنا سسلردی بونی روح صلات فاطمه دختر پیغمبره گوندر صلوات او زمانیکی عدو آچدی ستم دفترینی ظلمیلن باغلادی سلطان زمن اللرینی مسجده چکدیله احرار جنان سرورینی عجبا ، نور خدا کفره مقابل دوردی شه کفرون قاباقیندا شه عادل دوردی واردی بیر غصه لی سوز بوردا ایا اهل عزا دیه بیلسم گلر افغانه یقین ارض و سما مسجده ساری گلور فاطمه فخر النجبا دوزولوب سینه سینون قانی پریشان موده گلور اما نجه گلمک بیر الی پهلوده الغرض داخل اولوب مسجده دریای وفا گوردی بی کس دایانوب پادشه یوم جزا دوزمدی همدم دیرینه سی قول باغلی دورا دیدی مرحب بولنون دهریده همسنگریم حقی پامال اولونان رهبریمون یاوریم دایانوب سینه ی مسجدده او خاتون وقار ایسته دی خطبه ایلن ایلیه خصم اللهی خوار یوزونی دوتدی ابوبکره دیدی کینه شعار غاصب حق علی درده گرفتار اولاجاق امپراطور جهان اولسا گینه خوار اولاجاق نه جسارتله عدالت قاپوسین سیندیردوز اوت ویروب ظلمیله حیدر ایوینی یاندیردوز ملت جاهله ناحق سوزوزی آندیردوز قویمارام لطمه یئته ذره علی عزتینه شیریلر مات قالوب فاطمه نون غیرتینه عمره دوتدی یوزون سسلدی ای شوم دغا بوقدر عترت طاهایه داخی ایتمه جفا باغلی اللر ایلیر حشریده چوخ بذل و عطا شیر یزداندی علی شافع محشردی علی صاحب کوثرم و ساقی کوثردی علی اِشیت ای رهبر کفار بداختر آچ الین بوس ایدوب اول الی گوگلرده ملکلر آچ الین ایستمور پاره ایده بندی بو صفدر آچ الین اللهین قدرتی وار باغلی اولان اللرده قدرتین ثابت ایدوب واقعه ی خیبرده خانمون خطبه لری مسجده سالدی هیجان گوردی یوخ مشتری گفتارینه بانوی جنان ال آتوب معجرینی باشدان آچا ناله کنان مرتضی سسلدی سلمان وفا پرورینی قویمیا فاطمه نی باشدان آچا معجرینی آه یابن الحسن عذر ایستیورم سندن آقا یارالی قلبووه عاشقلروون جانی فدا میخ در بیلمیورم نیلدی مظلوم آنووا فقط عرض ایلیورم گول کیمی زهرا صولدی تک قویوب حیدر مظلومی جوانمرگ اولدی گون اوگون اولدی غرض فاطمه نی شاه جِنان سینه سی یاره لی تابوته قویوبدور نگران گتیروب یاسمنین دفن ایلیه ناله کنان قویدی تابوتی یره سالدی احبانی یولا دیدی زهرانی گرک حیدر أوزی قبره قویا هره بیر سمته گیدوب قالدی علی شیر خدا گوزلریندن توکولور صورتینه اشک عزا دیدی بیر کلمه فقط دلبرینه شاه ولا دیدی زهرا بو گئجه سنده علینون داشین آت یورولوبسان بیلورم قبریده گیت راحت یات یری وار ارض و سما ناله و افغان ایلیه آچا باش روح الامین گوز یاشینی قان ایلیه ایستدی عرشی علی فرشیده پنهان ایلیه هجر زهرا او زمان لرزه سالوب صبر ایوینه قویدی حیدر یارالی دلبرینی قبر ایوینه اوتوروب قبرینون اوسته ایلیور آه و فغان دیدی خلق ایلمیوردی منی ای کاش یارادان بو غمون فاطمه جان قلبیمی بولدی آرادان بیت الاحزانه نه یوزلن دینن آیا قیودوم سنی مندن خبر آلسا بالالار من نه دیوم ناگهان خوابه گیدوب نور خدای ازلی گوردی رویاده علی فاطمه نی بلده الی دیدی دور گیت ایوه تئز قالما بو مأواده علی دوردی فوراً قیودوب منزله اطفاله گوره گوردی هر گوشه ده آغلور هره بیر حاله گوره بیری دی سیلی اونا ثانی ویراندا واریدیم بیری دی پشت دره قانی آخاندا واریدیم بیری دی محسنه حسرتله باخاندا واریدیم بالالار ناله سی قلب فلکی داغلوردی هامیدان چوخ ولی بیچاره حسن آغلوردی ✍بقلم کربلایی نوید آسال اردبیلی _______________________ ⬅️ آیدی مدیریت:👇👇 _______________________ ✅ به ما بییوندید👇👇 #کانال_رسمی_مداحی_حاج_علی_سیفی_افشار در پیام رسان ایتااا

بسمه تعالی : قطره ای در فضائل حضرت زهرا س ع آیت حَیِّ لا یُری' ، نور خدادی فاطمه س مظهرِ جودِ ذات حق ، باب رجادی فاطمه س رَشحهء کِلکِ قدرته ، رسم و نشان حق نما سلسلهء نبوّته ، حلقهء وصلِ اولیا رشتهء دُرِّ عصمته ، بیر صدف گرانبها سینهء سرخِ خلقته ، عِقد طلادی فاطمه س نغمهء عشقی ساز اِئدن ، هر گِئجه سوز و سازیده رُکن نماز ، راز اِئدن درگهِ بی نیازیده فاطمه نوری گویلره ساطع اولار نمازیده حقّ ئوزی اوندا فخر اِئدر روح دعادی فاطمه س مریم پاک ، حضرت فاطمیه ، کنیزیدور سینه سی کنز معرفت ، دُختِ شه حَجیزیدور دامنی مَهدِ تربیت ، بیشهء شیر خیزیدور باشدان ایاقه هیکلِ حُجب و حیادی فاطمه س جُود و نوالی تالیِ جُود و نوالِ کردگار مِثلی هانی جلالیده ، غیرِ جلال کردگار شِبه رسول گُل یوزی ، آئینهء جمال یار مَحرمِ راز و عاشقِ شیر خدادی فاطمه س فاطمه یکّه حامیِ ، واقعهء غدیریدور حُکم خدایه خبره دور ، عالمه خبیریدور لیلهء قَدرِ مصطفی' ، عارفهء بصیریدور اُمّتِ دینه رهبر و راهنمادی فاطمه س اُمُّ الائمّه ، بضعه و مُهجهء قلب مصطفی' مِثلی یارانمیوب هَله ، کُقّوِ علیّ مرتضا ع مریم گر عطا اولوب شان و مقام اِصطفا کوثرِ حق ، ملیکهء هر دو سراد ی فاطمه س کُلّ زنان عالمه اُسوه دی ، خیره النّسا مهبط وحیه سر سخن ، جمع کساده اِنجلا محفلِ عشق یاریده ، صدر نشینِ اِرضا عرش خدای داوره ، زیب و ضیادی فاطمه س فاطمه یعنی احمد ثانی و جلوهء خدا فاطمه یعنی رُکن دین ، حکمت ذات کبریا دسته گلِ محمّدی ، عشقِ علیّ مرتضا نفسِ زکیّه راًضیه ، دینه فدادی فاطمه س گردش روزگاره باخ ، سویمه دی بو حمیده نی دُرِّ ثَمین و اَنفَسی ، سوسن قد خمیده نی حِصنِ وِلاده ظلمیله تک لدی بو وحیده نی حامیِ و هم شهیدهء حصنِ ولادی فاطمه س رحلت اِئدنده فاطمه ، گویده ملک لر آغلادی قاره چکیلدی جَنّته ، ختمِ پیمبر آغلا ی دیزلری اَسدی وار خبر ، ساقی کوثر آغلادی دردِ ابوالائمّیه ، چون که دوادی فاطمه س اونداکی قاچدی مسجده ، فوری حسین و مجتبا سسلَدیلر یوبانما گَل ، مسجدی ترک اِئله بابا آچمادی گوزلرین دئدوق هر نَقَدَر ، اویان آنا بستری رو به قبله دور ، قبله نمادی فاطمه س دوردی علی اِئشیتجاقین بو خبری ، دایانمادی عالم صبره یول سالا ، سعی اِئلدی سالانمادی نچّه یول اَگلَشیب یولی گلدی اِئوه یوبانمادی سسلدی آچ گوزون اِئویم بزمِ عزادی فاطمه س زینب آچوب هوروکلرین ، من نجه تاب اِئدیم بونا اللرینی حسن حسین ، گورنه وِئریبدی قوینونا سیندی بِئلیم ، شال عزا سالدی زمانه بوینوما گوزلرون آچ ، عم اوغلووا ، حشر بپادی فاطمه س اَلدن ئوتورمه " ارفعی " دامنِ آل عصمتی فاطمه نین الینده دی ، کون ومکانین عزّتی دنیادا آبرو وِئریب ، حشریده وار شفاعتی شیعه لره شفیعهء روز جزادی فاطمه س التماس دعا مقصود ارفعی خسروشاهی

▪️شهادت حضرت زهرا (س) زبانحال حضرت علی ( ع) 🎼سبک : ای گوزلرمین نوری غرق محنیم لای لای... ای بال وپریم زهرا یاندی جگریم زهرا آچ گوزلریوی بیرده نور بصریم زهرا عم  اوغلون گوزلری  گریاندی زهرا درگاهون ظلمیله اودلاندی  زهرا سندن صورا زهرا جان دنیا منه  تار اولدی دورت غنچه گلون غمدن یاندی سارالوب صولدی دعوالرین اصلانین غم فاطمه  جان  یوردی غربتده قالوب حیدر ای  همسفریم   زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا درباریمه اود ووردی اوچ یوز  نفر اول  اعدا ما  بین در و دیوار تگ قالدون اوگون  زهرا دین اوسته شهیداولدون قویدون علینی تنها کاشانه می ترک ایدون ای تاج  سریم  زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا آرام دیلیم زهرا گول تک نیه  تئز صولدون اون سکز ایل عمر ایتدون دنیادن عجب دویدون غملرده یورولموشدون سن حیدری تک قویدون آغلور حسن هجرونده ای خونجگریم زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا اشگین بالالار سن سیز گوزدن الیری  زهرا من قبریوین  اوستونده  ائوده بالالار  تنها خوش گونلریمیزگیتدی تا یومدی گوزون طاها دنیاده آز عمرونده  صولموش گهریم زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا زینب آنا وای سسلور گوزیاشی دونوب قانه بیر یاندا  حسین آغلور زهرا  غم   هجرانه کلثوم  و حسن  باهم   آغلیلا   یانا    یانه هجرونده  سنون آغلور دل داده لریم زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا یا  حضرت زهرا  بو حضاره  ایله   احسان بو شیعه لرین دردون سن ایسته  اولا درمان سن نوحه وی یاز  ((مهدی)) تا گوزلر اولا گریان سسلردی علی  زهرا سیندی سپریم   زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا 😭😭😭😭😭😭 اللهم عجل لولیک الفرج

صفا وار شور وار یاران حسین آدی گلن یرده ملک وار حوری وار یاران حسین آدی گلن یرده حسین آدی گلن یر شوره زار اولسا گلستاندی اتورسا مهری هردلده او دل دریای ایماندی اونا یرگوی توکر گوزیاش فدای دین وقرآندی اولارگوزیا شلاری باران حسین آدی گلن یرده حسینه گوزلروم قربان ملک صورتده انساندی مقام و شانینه جمله ملایک اهلی حیراندی حسینی اتسه لر تفسیر حسین معنای قرآندی اولار روحه روان قرآن حسین آدی گلن یرده چکر حسرت ملایکلر حسینون خادمی اولسون گلون بیزده ایداخ همت عزا مجلسلری دولسون گلوب باخدوقجا دشمنلر سولان یاپراق کیمی سولسون گرک دور خار اولا دونان حسین آدی گلن یرده حسینون خیمه سی آلتی بیزه مین باشدی جنتدن اولارکی عترتی سویمزچخاتماز باش بو حکمتدن اورکدن سسلسوخ آدون قوتولوخ رنج ومحنتدن تاپولماز درد بی درمان حسین آدی گلن یرده (مطلبی) (مداح مطلبی)

‍ #حضرت_زهرا_س اجرای سبک..کربلایی رنجبر غم غُصه قلبین قان ایدن          لای لای ننه لای لای ننه قبره گیجه یاری گیدن          لای لای ننه لای لای ننه گوزدن آتوبسان قیزلارون آغلور سنه یالقوزلارون آخدی گوزومدن اشک خون آغلور سنه اولدوزلارون ای نور عیندن ال چکن لای لای ننه لای لای ننه قاره گیوب مولا سنه گون ویرمدی اعدا سنه مدیونیدی عالم بوئی باور واریم دنیا سنه ایتدی سنه ظلم اهریمن لای لای ننه لای لای ننه رویاده گل باش چک بیزه قاره چکیلدی ایومیزه راضی سن اولمازدون آنا سندن حسینون ال ئوزه یاسه باتوب شاه زمن لای لای ننه لای لای ننه باخدوقجا بو یانموش دره غصه گلور هر پیکره دشمنلرون ظلم ایلیوب لعنت او قوم کافره تاب و توانادن دوشن لای لای ننه لای لای ننه گور باغریقاندی زینبون صبری جالاندی زینبون غملی ننه هر روز و شب گور نوحه خواندی زینبون بیت الحزن اولدی وطن لای لای ننه لای لای ننه اوخشار سنی دیلدن حسن زنداندی سن سیز بو وطن اُمّت خیانت ایله دی آغلار بو غمده پنج تن سولدی سارالدی بو چمن لای لای ننه لای لای ننه «غمکش» یازار دل داغلیار عالمده ماتم ساخلیار محنت لرون یا فاطمه یاده سالاندا آغلیار قبره گیجه یاری گیدن لای لای ننه لای لای ننه #غمکش

الجارثم الدار(حکایت های نجابت حضرت زهرا) «««««»»»» گؤردو حسن فاطمه ال آسمانه دی قونشولارین حالینه، حال دعاده دی هئچ أوزونه دعا ائله میر حضرت بتول ائتدی سؤال حسن، آنا بو ماجرا نه دی؟ الجارثم الدار،بویوردو جوابینه قونشو بیزه قاباخدی،باخین بیر مرامینه! قربان اولوم حضرت زهرا مقامینه الجار ثم الدار،او زیبا کلامینه ««««««»»»» زهرا گئیب لباس تازا طوی لباسیدور تازه لباس حتماً عروسلوق نماسیدور چالدی گدا قاپوسین او دم پوشش ایسته دی کهنه گئیب أوزو، تازا رختی عطاسیدور طوی لباسین باغیشلادی  الله رضاسینه عالم تعجب ائیله دی زهرا عطاسینه قربان اولوم حضرت زهرا مقامینه الجار ثم الدار،او زیبا کلامینه «««««««»»»» اوش گوندو که اوروشدولا، زهرا،حسن،حسین اوش گونده افطار ائتمه دیلر نور عالمین آج یاتدیلار یقین واریم احسان وئریب اولار مسکینیلن،یتیمه، اسیره غذارلرین ختم نبی باخدی که زهرا جمالینه آجلیق گوروب غالب اولوب نازدانینه قربان اولوم حضرت زهرا مقامینه الجار ثم الدار،او زیبا کلامینه «««««««»»»»»» گلدی گدا محضر ختم پیمبره عرض ائیلدی من آجم اول بنده پروره حضرت اونو یوللادی زهرا سراغینه زهرا غذاسی اولمادی وئرسین او مضطره بوینوندا بویماقین ویریب اول دم گداسینه پیغمبر افتخار ائدیب أوز دلرباسینه  قربان اولوم حضرت زهرا مقامینه الجار ثم الدار،او زیبا کلامینه «««««««»»»»» گئتدی قوناغ علی ایوه،چوخ چوخ گرسنه دی اما غذا تکجه حسنلن حسینه دی زهرا آج یاتیتدی او نازلی بالالاری تقدیم ائدیب غذانی قوناغه  نه صحنه دی! خاموش ائدیب چراغی او دردانه ی نبی نقش یئمک چیخاتدیلار زهرائیلن علی  قربان اولوم حضرت زهرا مقامینه الجار ثم الدار،او زیبا کلامینه «««««««»»»»» زهرا ایوینه گئلمیشیدی ختم مرسلین حضرت گوروب فاطمه نین جزئی زیورین گورجک دوروبدو ترک ائلدی فاطمه ایوین زیورلرین یوللادی ازدم آتاسینه حضرت بویوردو آی آتا قربان بالاسینه قربان اولوم حضرت زهرا مقامینه الجار ثم الدار،او زیبا کلامینه ««««««»»»»»» شعر از حسین مهدیون  

فراز بسیار زیبا از تلاوت قرآن کریم با صدای مرحوم عبدالباسط 💚هدیه به روح مطهر امام حسن ع وامام حسین ع #قرآن_کریم #آرامش_باقرآن

مدح و شهادت حضرت زهرا سلام الله 🙏🙏🙏🙏👆👆👇👇👇 ای شرف انبیا فاطمه یافاطمه جوهر عرض وسما فاطمه یافاطمه سن شرف خلقت و آینه ی عصمتن تک باشیوا دولت و شیعه لر عزّتن سمبل حرّیّت و مظهر شخصیّتن تک بیزه یوخ عالمه کون و مکان رحمتن محور آل عبا فاطمه یافاطمه واردی یقینیم اگر راضی ائده کیم ربی حاکم اولار یئر،گویه صادر اولار مکتبی حفظ ائلدون سن خانم رأفتیله مذهبی ای بشره فخر ائدن بیر نخ چادر شبی گوهر کنز حیا فاطمه یافاطمه ایندی بشر فکریوه سالما بیرآنی نقاب سیر سماء اتماقا رمزدی کشف حجاب هرنه گلور فکریوه ایله سوال آل جواب روز جزا هر ایشه واردی حساب و کتاب سرور روز جزا فاطمه یافاطمه راه سعادت گزن، ایلمه فکر عناد کلِّ جهان فانیدی قالمیوب عمری زیاد یاخشی یامان قورتارار باخ گلجاخدور معاد دهرِ فنا ایله سن بیر نفره اعتماد سسله بشر تاپ بقا فاطمه یافاطمه باخما بو دنیایه سن حاکم اولوب کیم گزیر روز جزا اللرون هامّو آچار چون فقیر فاطمه محشر گونی محشر ائدر بی نظیر شیعیه اول دم خانم حامی اولار بیربه بیر شافع روز جزا فاطمه یافاطمه فاطمیه، شیعه اول، هر سوزونه باور ائت چلّه دوتوب آدینه عارف اولوب محشر ائت فاطمه¬نون آدینی زیور هر دفتر ائت راضی اوزوندن، خدا،احمدیله، حیدر ائت گوی سنه ائتسون دعا فاطمه یافاطمه فاطمه نی اینجیدن دهریده رنجور اولار صدقیله هرکیم دئسه فاطمه، مسرور اولار ئولسه قیامت گونی حیدری محشور اولار ذکرینه مأنوس اولان قبریده معجور اولار ایلییَجکدور عطا فاطمه یافاطمه فاطمه بیر کلمه دی معجزه سی دم به دم فاطمه دندور سنون هرنه وارون بیش و کم حجّتِ، معصومیدی جایگهی محترم گردِ رهی دُر توکر هر یئره قویسا قدم سسله آدون چون بینوا فاطمه یافاطمه کُلِّ جهاندان هدف فاطمه مقصودیدی فاطمه یعنی علی احمدِ محمودیدی کیم چاغیرا حیدری فاطمه خشنودیدی منکر حیدر دلِ فاطمه مردودیدی پاسخ مین لر چرا فاطمه یافاطمه سانما جهاندا علی گون کیمی تکرار اولا یئر ندی گویلرده ده شأنینه آثار اولا شیر خدا تک بیری همسره دلدار اولا جان علی ایستَمز قسمتی مسمار اولا باشیمه گلدی هوا فاطمه یافاطمه ایستدی زهرا وئره اُمّته درس وفا یعنی امامه گورک هامّی اولا جان فدا قدر ولی گر سینا نازل اولار مین بلا شأن علینی اوگون خُرد ائلدی اشقیا قالدی اورکده یارا فاطمه یافاطمه وحی ائوینون درگهون اوتدادی قوم پلید میخ دره توش اولوب محسنی اولدی شهید قانی یاخیدی یئره اولدی ولی رو سفید گورنه گَلر سینه یه اوتدا یانا بیر حدید یاندی اورک از قضا فاطمه یافاطمه دوزدی یخلدی یئره فاطمه القان وئروب جان امام حفظ اولا محسنی قربان وئروب واردی یقینیم او دم شیر خدا جان وئروب خلعت آلوب قاتلی شهریده جولان وئروب ئولدی اودم مرتضا فاطمه یافاطمه هرکیشینی ئولدورر سینسا اگر غیرتی شیرخدا بوینونا شالی سالوب امّتی اللرینی باغلادی خُرد اولا شخصیّتی صبر ائلدی مرتضی هامّو بیلور علّتی صبره اولوبدور رضا فاطمه یافاطمه «سیدی» قسمت نئدی بیر بِئله بلوایه باخ چکدی علینی عدو مسجده دعوایه باخ قان آپاروب یئرده دی یارلی زهرایه باخ سسلدی امّا خانم قامت مولایه باخ گور نجه اولموش دوتا فاطمه یافاطمه 🙏🙏🙏🙏👆👆👆👇👇👇 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani 99901413862