میلاد امام حسین علیه السلام شاعر : مرتضی اسکندری(ساعد)زنجانی 👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾 درخت دینه باغبان حسین دی رگ حسینی لرده قان حسین دی فقط نه یرده بلکه آسمان دا فروغ نور جاودان حسین دی باشیندا تاج اِنًماسی وار بهشتیدن باش کربلاسی وار حسیندی جانیم ، رگیمده قانیم ، آدیم نشانیم یا مولا عشقیم ، شاه کربلادی ذکری ، دردیمه دوادی شفیع محشر یا حسین حسین نورِ ، ذات لم یزلدی مردِ ، جبهه ی عملدی عزیز حیدر یا حسین حسین حسین دی جانیم ، رگیمده قانیم ، آدیم نشانیم یا مولا __________________________________ عزیز آل مصطفی حسین دی امیر کل ماسوا حسین دی آلوبدی درسین باکری لر اوندان شهید عشقه مقتدا حسین دی کیمون باشیندا حق رضاسی وار حسین کیمین زیبا آقاسی وار حسین دی شاهیم ، ایشیقلی ماهیم ، پناهگاهیم یا مولا آدی، سینم اوسته حکدی عشقی، دینیمه محکدی گل پیمبر یاحسین حسین راه ، عشقه مقتدادی شاهنشاه کربلا د ی عزیزمادر یا حسین حسین حسین دی شاهیم ، ایشیقلی ماهیم ، پناهگاهیم یا مولا __________________________________ حسین دی مرآت خدا پرستی یتوردی باشه نامه ی الستی تعجب ایتمه گر اولوبدی رایج جهان عشق ایچره حسین پرستی ره ِ وفاده امتحان ویروب درخت دینه تازه قان ویروب حسیندی پیریم ، مَهِ منیریم ، گوزل امیریم یا مولا شمعِ ، بزم عارفان دی جَدّ ، صاحب الزماندی خدایه مظهر یا حسین حسین دست ِ قدرت خدادی سروِ باغ مصطفا دی جهانه رهبر یا حسین حسین حسین دی پیریم ، مَهِ منیریم . گوزل امیریم یا مولا شاعر : مرتضی اسکندری(ساعد) زنجانی

نوحه وفات حضرت ام البنین (س) شاعر : مرتضی اسکندری(ساعد)زنجانی سبک اول : دیدیم یات خسته دور جانون بالام لایلای گولوم لایلای با نوای : استاد کربلایی منوچهر حسن زاده 👇👇👇👇👇👇👇👇👇👇👇 ئولور ام البنین گل آخرین دیداره یا عباس فراقونده گوزوم یاشی آخور رخساره یاعباس باشیم اوسته دوروب منیم پیک اجل خبر ویر زینب و حسینه سنده گل ابو فاضل مدد ابوفاضل مدد گیجه گوندوز آدون اوغلوم منیم ورد زبانیم دی هارا گیتسم گوزل آدون منیم نام و نشانیم دی اوزون فورا باشیم اوسته یتور فصل خزانیم دی آنون قبره گیدور اما ئورکده یاره یا عباس آدیم اولدی اوگون که مادر عباس اوجالدیم من فلک لردن ملک لردن سنه خاطر باج آلدیم من اشیتدیم قولارون دشمن سالوب فورا قوجالدیم من جانیم قربان اولا بو قطع اولان قولاره یا عباس منی هرکیم گوروب سویلردی گورنه بختورسن سن علینون همسری دورت شیر دل اوغلانه مادر سن خیال ایتمزدیم هیچ بیر گون ویرم دورت اوغلومی الدن ئولوب اوغلانلاریم یوخدور الینده چاره یا عباس دیوللر که دوشوبدور کربلاده بحرا نا باشین امان نامه جیران لحظه اوجالدیبسان آنا باشین سینوب آهن عمودیله باتوب آخر قانا باشین آتام ِقربا ن آنام قربان بو بیر ایتاره یا عباس اجرای سبک دیگری از نوحه توسط برادر عزیزم حاج امیر علی نوری اردبیلی 👇👇👇👇👇👇👇👇👇

حاج امیر علی نوری اربیلی

╭─┅─═ঊ💘ঊঈ═─┅─╮ اَلّلهُمَّـ؏عَجِّل‌لِوَلیِّڪَ الفرج ╰─┅─═ঊঈ💘ঊঈ═─┅─╯ 🎼 ╭─┅─═ঊ💘ঊঈ═─┅─╮ 🌸🌷🍃🌸🌹🍃🌸🍃 اولموشوق بیر عمر دور بیز عشقیوین آواره سی چون سنی بیلوک حسینجان چاره سیزلر چاره سی 🌸🌷🍃🌸🌹🍃🌸🍃 سن او مولاسن اولوب ایثاریوه حیران فَلق کیم سنون تک دهریده اولموش شهید راه حق سن کرم دریاسی ،سن بیز در گهونده مستحق بذل و بخشش فیض و فضلون چشمه فواره سی 🌸🌷🍃🌸🌹🍃🌸🍃 سن او مولاسن که سندن دویمیوب دویماز اورک اخذ الدوب درمانی سندن دردینه فطرس ملک تا نفس وار سسلروک یا لَيتَنا كُنَّا مَعَک» قبریده باشسیز یاتان جسمینده سایسیز یاره سی 🌸🌷🍃🌸🌹🍃🌸🍃 غم لباسين اگنیمیزدن تا ئولونجاق سویماروق وای حسین وای سسله مکدن بیز بیلورسن دویماروق قاره پرچم لر یاتوب دشمن سئوی نسون قویماروق ای اولان عشاقینه عزّت لباسی قاره سی 🌸🌷🍃🌸🌹🍃🌸🍃 کاش اولیدوق درک ائدیدوک بیزسنون «هَل مِن »سسون قارداشون اوغلون ،ئولوبدور اولمیوبدور بیر کسون اصغرین اوچ شعبه اوخ گلگون اندو بدور سینه سون الرون اوسته ربابین جان وئریب مه پاره سی 🌸🌷🍃🌸🌹🍃🌸🍃 هیچ کسین سن تک گل و گلزاری غمدن سولمیوب اصغرون تک صودامر قنداقینه قان دولمیوب الرون اوستن اونی عبّاسون آلسون اولمیوب هانسی بیر شاهین اولوب سربازی شیرخواره سی؟ 🌸🌷🍃🌸🌹🍃🌸🍃 قلب عشاقی رشیدی» یاندیرار شیرین سؤزون بس که یازدیقجا تؤکوب رخسار یوه اشکین گوزون بیرده عشاقین دیلیجه بو سوزی عرض ائت اوزون سن کیمی یوخدور حسینجان چاره سیزلر چاره سی 🌸🌷🍃🌸🌹🍃🌸🍃 سن حسین عشق عالمینده عشق باب میل سن ذیحق سیحون و جیحون و فرات و نیلسن کربلاده قانینه غلطانلارون سردسته سی سن جوانان بهشته سرور و سرخیل سن ┈┈••✾•✾•✾••┈┈• ✍ شاعر:رشیدی ╰─┅─═ঊঈ💘ঊঈ═─┅─╯ گردآورنده{روضه خوان تبریزی} •┈┈••✾•✾•✾••┈┈•

🌻🌻✍ توشه عقبی به عشق حضرت زهرا 🌻🌻 🌻اشعار داود جابری سرابی 🌻 🌻 با نوای حاج آقا بقایی 🌻 🌻 السلام علیکه یا فاطمه زهرا. ام ابیها 🌻 سلام اولا وطنینده غریب اولان خانما بهار عمری جفادن خزان اولان خانما اسلام اولا قاپوسی قلبی تک یاتان خانما سلام اولا سینه سینین قانی مسمارده قالان خانما سلام اولا قاپونین ضربه سینن گوزنه لخته قان دولان خانما گیجه زمانی قرانلوقدا دفن اولان خانما سلام اولا جوان عمری یالان اولان خانما علینی دورت بالا سینان یتیم قویان خانما ✔️✔️✔️✔️✔️✔️✔️✔️ اللهی درد غم غصه قلبیمی دلدی او قاپی وحی گلن اویودی یا که مقتلدی گوروم عزابی شدید اولسون ابن خطابین شهید ایدوب ایکی مظلومی قلبی دینجلدی گلور قولاقیمه آه و نواسی فاطمه نون یارور اورکلری بو ماجراسی فاطمه نون ایا امام زمان سن اوزون توجه ایله آغیردی محنت بی انتهاسی فاطمه نون نه ایلیوم چکوم هانسی مصیبتین رقمه حصار وغصه دی دولت سراسی فاطمه نون آنا سنونکه دی من جابری بیر غلام بی مقدار گرک اولام قاپوسیندا گداسی فاطمه نون قلم الیمده الیم تتریور اسور بدنیم که مبادا اولمیا مندن رضاسی فاطمه نون ای داد ای داد ای داد ای داد امان ثانی معلون خانمون قاباقون کسوب فدک قباله سین الینن آلدی اوغلی حسنون یانوندا سیلینن وبردی یوزینه. بیلمورم نه حالته دوشدی دولوبدی قان گوزینه گوشواره سی سیندی دوشدی یره پوزولدی نظم و نظامی و اساسی فاطمه نون دولاندی باشینه کوچه خانم یخلدی یره بلنمشیدی تپراقا عصمت ولباسی فاطمه نون وروبلار اوت قاپوسین یاندیروبلار قلبی کیمین بلالی باشینون آتدی بلاسی فاطمه نون گوزونده قان یوزی نیلی. قاپی دالیندا دوروب که بلکه حاصل اولا مدعاسی فاطمه نون اویان طرفدن ایاق قویدلار یانان قاپیا فشار ویردیلر باتدی صداسی فاطمه نون آغیر قاپی دالی دیوار آرادا فاصله یوخ بالاسی سقط اولوب اولدی بالاسی فاطمه نون کیمه دیسون سوزونی کیمدن ایتسون استمداد نه واردی قارداشی نه. اقرباسی فاطمه نون نقدر دوشدی فشاره علینی. سسله مدی بیانه مانع اولوردی حیاسی فاطمه نون یارالی صید اولان آهو کیمین کمنده دوشوب چالشدی دوشدی باشندان عباسی فاطمه نون سینوب قابورقالاری سینه سین دلوب مسمار قالوبدی سالم آی الله هاراسی فاطمه نون پیعمبرین قیزی ناموس حی لم یزلی علیدن اولمادی بیر ادعاسی فاطمه نون نیه علینی چاغورمردی دا ده علتی وار دوشوبدی مشکله مشکل گشاسی فاطمه نون 🌻 ۱۴۰۳/۸/۱مورخه نوشتم 🌻 👌 تقدیم به حاج محمد بقایی عزیزم 👌🌻

❣﷽❣ 🌹 #زمزمه_امام_حسین_ع 🌿شدم از عشق دیوانه حسین را دوست می دارم 🌹بُود این حق من یا نه حسین را دوست می دارم 🌿مرا در کودکی  مادر   بر  این  نام  آشنا کرده 🌹که آیم بر عزاخانه حسین را دوست می دارم 🌿به هرجا سر زدم مایوس برگشتم به جز این در 🌹مگو از شمع و پروانه حسین را دوست میدارم 🌿در میخانة   پیر مغان باز  است  ای  عارف 🌹به دستم داد پیمانه حسین را دوست می دارم 🌿همی  ترسم که از دستم  فتد پیمانة  عشقم 🌹که گویم مست و مستانه حسین را دوست می دارم 🌿مزن طعنه مگو گریه نمودن کار مردان نیست 🌹که گریم مرد و مردانه حسین را دوست می دارم 🌿عجین است عشق او ای مدعی در خون رگهایم 🌹نگویم حرف افسانه حسین را دوست می دارم 🌿به امید وصالش زنده هستم در جهان ای دل 🌹زنم بر زلف غم شانه حسین را دوست می دارم 🌿من آن دیوانه ام کز سر فکندم عشق دنیا را 🌹ندارد خانه دیوانه حسین را دوست می دارم 🌿دُر  عشقم  صدف  جوید  ز  دریای حسینیه 🌹به زهرا اوست دردانه حسین را دوست می دارم 🌿کند معشوق  ناپیدا  و  پیدا  جلوه  در هرجا 🌹به کعبه یا به بتخانه, حسین را دوست می دارم 🌿'نظامی'شد بر این اشعار بانی گفت"عینی فرد" 🌹نویسم شعر جانانه حسین را دوست می دارم ف.ن

نوحه عشّاق ، درسبک همایون صفحه ۱ 👆 +++++++++++ اولموشوق بیر عمردور بیزعشقوین آواره سی ، چون سنی بیلّوک حسینجان چاره سیزلرچاره سی ++++++++++ صفحه ۲ 👇

صفحه ۲👆

شاه بیت سینه توسط مداح گرانقدراستاد امیر علی نوری اردبیلی 🌷آواز بیات شیراز🌷 جهت آموزش و آوا شناسی مادحین گرام خواهران محترمه برادران گرانسنگ 🌹

  غربتده آنا زینبی ئولدوری مُحن گل هی سسلدیم امداده، حسین گلمدی سن گل   قلبیم ورم ایلوبدی آنا یوخدی دواسی بیمار حسینم منه یوخ عمر صفاسی آدی دیلمون ازبری باشیمده قراسی قربان ایدورم جانیمی جانانمه من گل   آند اولسون او سالار بزرگ شهدایه یوخدور آرامزدا ابداً ذرّه گلایه خدمتده قصوریم اولا شاید اُسرایه گلمور باشون اوسته او اللرده ئولن گل   عمروم یتیشوب باشه عزا منظره سیله سازش ایلدیم غم یولونون داغ دره‌سیله ای کاش گیدم قبره حسینون قره سیله رغبت ایلمز آق کفنه قاره گین گل   هجر عالمی سر رشتة آسایشم ایتدی سانکی منی غمر کیپریگمون اوسته یریتدی شمعی اریدر شعله منی غصّه اریتدی ذوب اولدی یانان شمع مثالنده بدن گل   خوشدور سنه نسگل‌لریمی ویرسم عریضه وار هر بیر عیادت ایدنه اجر فریضه تحفه گتورلّر آنا دیدار مریضه تربت منه بسدی دیمورم الده کفن گل   زینب داخی جان قورتارا بلمز بو خطردن سینم اوجالور هر نفس آلدوقجا جگردن واضحدی وفاتیم منه آلنمداکی تردن حتماً ایدرم شام کنارینده وطن گل   سودا ایلدیم عمریمی نقد غمه ساتدیم طوفان زده کشتی کیمی امواجده باتدیم سن شانه وران قاره ساچی تِل تِل آغارتدیم آی نازیله گیسولریمی گونده هورن گل   سندندی بو پیکرده اولان جوهر و شیرم جسممده توان یوخ اورگی یاره‌لی شیرم یثربده‌دی افسون قالان قوم و عشیریم یوخدور بو بلالی باشمون اوسته گلن گل   زینت اولا آز قالدی وجودیم دل قبره رخساریمی مونس ایدم آب و گل قبره آز قالدی گیدم حسرتیله منزل قبره آی منزل قبره گیجه گزلنده گیدن گل   گون مثلی تجلّی ایلدی عاطفه منده آز قالدی اولا هر سوموگوم سرمه بدنده نوحه دیمشم سوزیله هر اوغلون ئولنده سنده بو آدامسیزر قزووا نوحه دیین گل   روشن گونوزوم سن کیمی اولمادی منمده رنگیم سارالوب سولدی قرا پیرهمنده وار قمچیلرین نقشه‌سی یورقون بدنمده ای کوچه‌ده گُل صورتینه سیلی دگن گل   امکانی وار عشقیم آنا چوخ باشدا تاپولسون شوقیم ایکی سیّد ایکی قارداشدا تاپولسون گلسون وار امیدیم سنه یولداشدا تاپولسون بلکه سنیله گلدی حسینیله حسن گل

زبانحال حضرت زینب (س) در کوفه . . مرحوم حاج حیدر حزین خسروشاهی . . زینب کبری گوروب حاکمدی غفلت کوفه ده باشلادی بیر آتشین نطقیله صحبت کوفه ده . . گوردی اهل کوفه نی بیر وضع ناهنجاریله باشلادی بیر خطبه لحن حیدر کرارله هر نفسده یاغدیروب اود آتشین گفتارله ایلدی برپا بیانیله قیامت کوفه ده . . برملا گوردی اولوب کفریله ایمان روبرو حقی پامال ائتماقا ایلور جماعت هایهو قهرله ائتدی او قومه بیر خطاب اُسکتوا باتدی سسلر خلقدن سلب اولدی طاقت کوفه ده . . ائتدی فرمایش بو نه غفلتدور ای قوم ظلام هیچ بولورسوز ائتمیسوز نه خاطره سیز ازدحام بو اسیران بلادور عترت خیرالانام که گوروللر بیر بئله ظلم و اذیت کوفه ده . . ای جماعت جسمدن عزّت لباسین سویموسوز هر قدر ظلم ایلوسوز آل رسوله دویموسوز هیچ بولورسوز کیملره سیز خارجی آد قویموسوز اولموش آماج بلا آل رسالت کوفه ده . . حق طریقیندن بناحق ای جماعت چیخمیسوز وای سیزه دینون ائوین غفلت اوزیله یخمیسوز منجنیق غمده قلب مصطفانی سیخمیسوز تاپمیسوز اولاد طاهایه جسارت کوفه ده . . ای جماعت اولمیون بیر بیله سرمست غرور حجة الله محضرینده ایلیون شرم حضور بیله اللرده حنا ، یوزلرده آثار سرور پیشوازه گلماقوزدا وار نه علت کوفه ده . . ای جماعت خصم حیّ کردگار اولسون سیزه آز گولون چوخ آغلیون دنیاده عار اولسون سیزه نعمت دنیا و عقبا ناگوار اولسون سیزه ایتمیسوز بیر عمر سیز کفران نعمت کوفه ده . . صورت ظاهرده گر چه دستگیر و مضطروخ عالم باطنده بیز محبوب حیّ داوروخ اهل بیت عصمتوخ آل رسول اطهروخ ایلیوب بش ایل آتام حیدر خلافت کوفه ده . . شوریله سرگرم تبلیغاتیدی زهرا قیزی حیرته سالمیشدی خلقی قدرت یکتا قیزی ناگهان بیر سس ائشیتدی عصمت کبری قیزی نطقدن دوشدی ویروب تغییر حالت کوفه ده . . نیزه ده قرآن اوخور گوردی کسیک باش شورله نخلۀ طور ایلیوب نوک سنانی نورله باشلیوب کهف آیه سین گویا که بو منظورله ائتسون اهل باطله کشف حقیقت کوفه ده . . سویلوب ای قرآن ناطق، صورتی مرآت حق نطقوه قربان اوخی قرآن ائله اثبات حق ایلیاخ بو ملّت گمراهه تبلیغات حق چون حقیقتدن قالوب غافل بو ملت کوفه ده . . ای هدایت چرخینون بیر نیّر تابنده سی مثل سیز پروردگارین آیت زیبنده سی عارض رخشانوون مهر فلک شرمنده سی نور سال تا محو اولا آثار ظلمت کوفه ده . . بولموری گویا بولار بیز عترت پیغمبروخ حق طریقینده تمام کایناته رهبروخ حامی دین مبینوخ ماسوایه سروروخ اولموشوخ محکوم فرمان مشیت کوفه ده . . ای نشان رحمتی پروردگار عالمین سن اراده ایلسون آسان اولار هر بیر چتین لطف اوزیله بیر عنایت ایله بیر وقفه «حزین» ایلسون بلکه آتان قبرین زیارت کوفه ده

السّلامُ عَلَیکَ یا اباصالِحَ المَهدی (عج) " درد ِدل " شاعر:#بهمن جعفری زینجناب سبک : ایران اگر دل تو را شکستن 👇👇👇 _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقاــــ یتوب تمامَه انتظاریم/خزان اولوب سنسیز بهاریم قورتار منی بو غملی دلدن / تمام اولوب صبر و قراریم واگیر● مولا ، آغام آغام آغام آغام ای سنه فدا آتام آنام ای _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقاــــ گدا منم سن پادشاهیم/سن ای منیم پشت و پناهیم هجرونده یا بقیَّه َالله/ اوجالدی عرشه سوزِ آهیم واگیر● ••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقاـــ قاپوندا روسیه گدایم /عنایت ایت کی بینوایم بولورسن ای عزیز زهرا/من عاشق کربُبَلایَم واگیر ● •••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا ـــ لباس عشقی سویمارام من / قدم خِلافَه قویمارام من بولورسن ای عزیز زهرا / کَربُبَلادَن دویمارام من واگیر●••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقاـــ آقالار آقاسی سن سن /بو عالمون صفاسی سن سن مریض عشقووم آقاجان / بو دردیمون دواسی سن سن واگیر ●•••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ آقا ـــ سن حُجتِ داداریمیز سان / سن سَیِّدُ سالاریمز سان عزَّتیمیز سن ، شوکَتیمیز سن / سن دلبر و دلداریمز سان واگیر●•••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا نولور بولوت کیمی دُولِیدیم /نولور کی گل کیمی سُولِیدیم نولور مقام عشقده من / مُدافعِ حرم اولِیدیم واگیر ●•••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا__سالیبدی حیرته کمالون/بو عالمی سنون جلالون متی ترانا و نراک /نولور گوروم او گول جمالون واگیر●••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا__سن سن سراپا معدنِ جود/سن سن صفای کُل وجود عنایت ایله محو اولا تا /بو یر یوزونده آلِ سعود واگیر●•••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا __ای ناطق قرآن یوبانما / یا صاحِبَ الزّمان یوبانما جهانی چولقییب دی ظلمت /اورکلر اولدی قان یوبانما واگیر●•••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ گَل گَل_ گَل ای امیدِ ناامیدان/ سنی گوزتلیر اهلِ ایمان یولا باخیر گوزوم نگران / هایاندا قالمیسان آقاجان واگیر ●••••••••> _ _ _ _ _ _ _ _ _ _ _ _ _ _ _ _ _ _ _ _ _ _ _ _ آقا_ عنایت ائت بو دل غمینه /بقیع زیارتی ،مدینه حسرتده قالموشام گلیم تا / کرببلایه اربعینه واگیر ●•••••••••> مولا ، آغام آغام آغام آغام ای سنه فدا آتام آنام ای _ _ _ _ _ _ _ _ _ _ _ _ _ _ _ _ _ _ _ _ _ _ _ ✍شعر از : #بهمن جعفری زینجناب ⚜️شعر از :#بهمن_جعفریِ_زینجناب