‍ #سینه_زنی ✍#قلم_کربلایی_ستوده_زنجانی #سبک_لایلای_گوزومون_نوری_غرق_محنیم_لایلای... #اجرا_احسن_حبیبی 🌺 دور قارداش حسین زینب گلدی گینه دیداره عباسیله اول همدم سس وئر منِ بی یاره آی قارداش آی قارداش زینبون گلدی قبریوین اوستونده قلبیم دینجلدی بو چولده حسین قالدی جسمون یارالی عریان اوخ نیزه یاراسیندان قارداش سوزولوردی قان اول شمر دنی کسدی دالدان باشیوی عطشان سس وئر سسیوه قربان سن زینبِ غمخواره دای قمچی ووران یوخدی یورقون بالالار گلدی ای وای بالا سسلوللر مظلوم آنالار گلدی شش گوشه مزاریندن عطرین آلالار گلدی خوش گلدون ائله قارداش سن بو بالا قیزلاره قرخیندا حسین گلدوم بو چولده عزادارم یورقون باجیوام قارداش من قبریوه زوّارم بوردان گئده لی یورقون قیزلاره پرستارم شکر ایلرم اللّهه یاری یتوروب یاره هر غملی مصیبتدن ویرانه چتین اولدی ایستکلی بالان هر گون گول تک سارالوب سولدی گوز تیکدی او یوللاره گوزلر یاشیلان دولدی سسلردی علی اکبر سس وئر منِ بیماره

۞﷽۞ ۞﷽۞ 🟢شعرشماره ۳۵ 🎵درسبک : امان امان امان علملرون اسور اَیاقـه دور گـلیب وفـالـی زیـنـبون سـنـه تـوتـا عــزا عـزالـی زیـنـبـون بوقبرین اوستونه الینده کوینگـین گـتـیـردی ارمـغـان بـلالی زیـنـبـون یارالی قارداشیم حسین حسین حسین وفالی قارداشیم حسین حسین حسین یـولوندا باشیمـی بـلایـه سالمیشام دویولموشم بـوکـوینگیوی آلمیشام باجین فدا دو گورنه حاله قالمیشام گیدوبـدی عـزت و جـلالـی زینـبـون خزان گورن گُلَم غمینده سولموشام سویولموشام اسیردشمن اولموشام قـسـم سـکـینـوه ایـلـه یورولموشام سنـه ویـرور نشان بـوحـالـی زینبون اوگون که اهـل کین عناده دوردولار یـارالـی بـاشـیـوی جـدایـه ووردولار عـدوسینویـن اوسته آت چاپوبدولار اوگونـدن آرتدی چوخ مـلالی زینبون خیملرون بـوچـولـده یاندی یاحسین سـمـایـه نـالـه لـر دایـانـدی یاحسین یانان یانیب قـالان تـالانـدی یاحسین یـانـار بــو مـحـنـتـه نـوالـی زینبون طـنـاب ظـلـمـه باغلانیب حـرمـلـرون بـاشـیـن دالـیـجـادولانـیـب حرملرون گورنـده سـن جـفـا یـانـیـب حرملرون دیـردی وای حـسـیـن یـارالـی زینبون دیـار شـامـه چـکـدی شـمـربـی حـیـا بیزی دولاندیـروبـدی کـو به کـو اخـا گـوروب او یـرده چـوخ بالارین جـفا سارالـدی گـل کیمین جـمالـی زینبون اولوبدی شامیده ز بـس غمیم مزیـد آغـاردی زفـلـریم اَسیب تنیم چو بید آپـاردی مـجـلـس شـرابـه اول پـلـیـد ایـتـورمـدی ئــوزون حـیـالـی زینبون او بـزمـیـده بـه پـاقـیـامـت ایـلـدیـم اول خــدادن اســتـعــانــت ایـلـدیـم دیـریـتـدیم حقـیـوی خطابت ایلدیم یـخـیـب یئـره او بـدشـغـالـی زینبون خـرابـه یئریـارالـی مـنـزلـیـم اولـوب رقـیـه نـیـن سرشـگی همدمیم الـوب یـوزنـده کی یاراسی نسگلیم اولـوب ئـولـونجـه دیلده دورمـقـالـی زینبون دیدیم قـیـزیـم فداسـنه چوخ آغلاما سـرشـگـیوی سولان عـذاره بـاغلامـا شــرارنـاره بــو سـیـنـمــی داغـلامـا دیـدی ویروری جان غــزالـی زینـبون دایان شرردیله(عاجز)سوزون سالیب حـسـیـنون عـطـرینی رقـیـه دن آلیب زیـارت حـسـرتی اورمده چوخ قالیب بـرا تـیـنـی یـازار نــوالــی زیـنـبـون ❇️التماس دعا 📝علی جعفری(عاجز تبریزی) #اربعین_حسینی #صفر ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

اربعين حسينی   کاخ عشقی زینبون عشقیله آباد ایلدی قبرون اوسته خاطر ناشادینی شاد ایلدی   ای شهید عشق و ای استاد دانشگاه حق ای سالان دنیایه اسلامیّته خونین شفق زینبون گَتدی سولان گللرون الده بیر طبق سوز درد فرقت و هجروندن آزاد ایله دی   ای اولان شأنینده نازل کاف و ها،یا،عین و صاد ای اولان ذبح عظیمه عمده معنا و مراد چوخ منه توهین ایدوبدی کوفیان بد نژاد سانما بیر آن فوج محنت زینبی شاد ایله دی   ای ویرن ذوالنونه فیض فاستجبنا برملا وادی عشقونده سر گردان اولوبدور انبیاء آیه آیه عشقوی تأیید ایدوب سّر خدا عمده الرحمانیده سندن خدا یاد ایله دی   ای اناالحقّه یر اوسته قانیله معنا یازان سن آچان گوندن بو یرده مکتب آزادگان حقّین آلدی دکتراسین زینب بی خانمان شام ایچینده کاخ استبدادی بر باد ایله دی   گر چه من نخل وفادن خوشه غم درمیشم شینۀ رنجوریم اوسته حسرتیله سرمیشم کیم دیور من لشکر اشراره معجر ویرمیشم دست حق چون معجرین حفظینده امداد ایله دی   فاش قیلدیم عشقیمی من پیشگاه عشقده سرفراز عشّاق اولوندی دادگاه عشقده نعشیوی باشسیز گورنده قتلگاه عشقده زینبیله نه فلک سس چکدی فریاد ایله دی   قتلگاهوندا عزاخانه اودور ایتدیم به پا آغلیام بیر قویمادی راحت گروه اشقیا اولدوخ عازم کوفیه ای شهریار قل کفی ظلمده طغیان او گونده قوم بیداد ایله دی   کوفه نی گوردوم دوتوبدور کفر و جهلین ظلمتی باشلادیم بیر خطبه ، رسوا ایتدیم اهل ذلّتی واردی،آندیردوم او یرده، زینبین شخصیّتی مرشد کامل منی بو یولدا ارشاد ایله دی   کوفه اهلی تخم ظلمی یر اوزونده اکدیلر خامۀ ظلمیله طرح جور و ظلمی چکدیلر قیزلارین یوخدور هواداری دیوبلر تَکدیلر شکر اولا باشون جداده بیزلره داد ایله دی   چکدیلر بزم شرابه بیزلری اعدای دین اَل چالوبلار هلهله ایتدی گروه مشرکین سینه ده آرتدی ملال بیکرانی زینبین تا نظاره آهوانِ صیده صیّاد ایله دی   بیر وقاریله من اولدوم داخل بزم شراب بو تکبّرلی دیوب،کیمدی عبید کین مآب عزم قیلدیم تا سالام بزم شرابه انقلاب فکریمی تصدیق او دم بانی ایجاد ایله دی   سسلدیم اُسکُت که من زهرا عزیزی زینبم برج غمده سیر ایدن بیر بخت قاره کوکبم آتش عشقیله هر شام و سحرگه در تبم مرتضادن یاد او قوم کینه بنیاد ایله دی   کوفیه سالدیم او گونکه من حسینیم ولوله دوشدی ناگه نه سمایه ظلم الیله غلغله گوی دییوم واضح ویریلدی عابده بیر سلسله نسترن تک اهل کوفه قد شمشاد ایله دی   دست بدعتدن اولار منشور ظلمی آلدیلار کوفه ده زندانه آل مصطفانی سالدیلار بولمورم من نچه گون اوردا عیالون قالدیلار کیم مصیبت ساعتین دنیاده تعداد ایله دی   ای اولان مست می حق ای شه عالی سرشت واردی باشیمده ندندی چوخ عجیبه سرنوشت گه بیزه زندان مکان اولدی گهی دیر و کنشت گور بو ظلمی دهریده بیر آدمیزاد ایله دی   شامیده امّا بیزه بی حد جسارت ایتدیلر قوم باطل فرقۀ حقّه شماتت ایتدیلر بزم می ده باشیوه چوخ چوخ اهانت ایتدیلر گاه سجّاده اشارت تیغ جلاد ایله دی   شرح قیلماقه او بزمی زینبون یوخ فرصتی چ.نکه تعقیب ایلیوردی ، اوزگه مأموریتی آچدی اوردا شعبۀ دانشگه حرّیتی بیر قیزون امّا او دانشگاهه استاد ایله دی   کاخ دانشگاهی بر پا ایله دی ویرانه ده شمع تک یازدی قوانینی پر پروانه ده رونوشتین باسگانی ایله دی غمخانه ده چونکه توشیحین اونون سلطان سجاد ایله دی   ایلرم هردم تفاخر سن کیمی قارداشیله طشت زردن سن گلوبسن دیدۀ خونپاشیله افتتاح ایتماقه دانشگاهی قانلی باشیله گوردی هر کیمسه بو لطفی آفرین یاد ایله دی   انتخاب اولدی رقیه ای شه آزادگان قاره بیر معجر باشیندا قوللاریندا ریسمان مقدموندن پیشواز ایتسون الینده نقد جان باخدی هر کیمسه بو حاله داد و بیداد ایله دی   گَل کنارینده او گون که بلبل دستانسرا عالمی گوزدن آتوب دنیایه ویردی پشت پا آلدی آغوشه اودور که زینب بی اقربا دفن اونیله شامیده بیر عدّه اسناد ایله دی   بیرده گوردوم شام اولوبدور شرق و غربه شاهراه حقّیله معناده جنگ سرد ایدر قوم تباه ایله دیم بر پا او یرده دین حقّه پایگاه زینبون بو یرده حق شاهددی بیداد ایله دی   سرپرست ایتدیم بو تأسیساته بیر طفل صغیر گر چه اولموشدی سپاه دلتباهه دستگیر لیک دنیانی ایدوب مغز سیاسیسی اسیر بیله دانشجونی هانسی مکتب آزاد ایله دی   شامده گوردوم اولور اجرا رژیم بربریسم ایده آل مسلمیندی تا بولوب امپریالیسم ایله دی اوّل رژیم بربریسمی لیبرالیسم موقعیت نا مرام حقّه ایجاد ایله دی   چون ایدوبدور هیئت سرخاب تبریز عزم طوس جمله سی زنجیر زن زنجیر عشقه پایبوس چوخ جوانشیریله مسعود ایله دی آه و فسوس عرض ایدوبلر #هادیه بیزدن اولار یاد ایله دی   ✍منکلام:مرحوم استاد حاج غلامرضا اسماعیل پوران متخلص به هادی تبریزی

اربعین_حسینی زبانحال حضرت امام سجاد علیه السلام مرحوم سعدی زمان ایتمیشم بوردا بنا بیر مرقد شش گوشه من گَلمیشم ایمدی بابا جان تک آلام آغوشه من اولمادی ممکن دویونجا دفنیده شور و نوا شمر اَلینده کوفه ده قالموشدی آل مصطفی قبره قویدوم نعشیوی سرعتله گیتدیم ای بابا ایتمدیم بو قبریدن کامیمجه اخذ توشه من کوفیه وارد ایدنده عترتون اهل مجاز نیزه باشندا گوروردی باشون ای شاه حجاز عترتون بی شرم لر ایتدی نه نوعی پیشواز یاندی قلبیم خو ن دل تک گَلدیم اول دم جوشه من نیزه ده هر یان گیدوب باشون دالنجا گیتمیشم ناقه ده قول باغلی شام و کوفه نی سِیر ایتمیشم شکر لِلَّه دلده کی مقصوده ایمدی یتمیشم شاکرم روز ازلدن حکمت منقوشه من مرقدوندن جلوه گر نور جمال ا... دور عترتون ارنی دیمز، لَن سرّینه آگاهیدور غشّ ایدن طور حقیقتده بو آل ا... دور تالیم بو طور حقده موسی مدهوشه من اولمیوب بیر اربعیندور رحم ایدن احوالیمه قبریوه قربان اولوم دور قبریدن باخ حالیمه تازیانه، کعب نیزه، گوزده اشک آلیمه قانیله جلوه ویرردی گر گیدِیدیم هوشه من حالیمه باخسان گوررسن ساری گُل تک سولموشام اوزلیقیمدان چخمیشام فکر وصاله دولموشام قبریوه پوزقون گَلن زوّاره چاوش اولموشام سرپرستم گور نجه بیر دسته قاره پوشه من سهلیدور خولی کُل اوسته باشون ایتدی میهمان ابن مرجانه ایدن جور و جفادن اَلاَمان سو اولان گون راهبین ارشادینه دیره روان خرمن فیضوندن اخذ ایتدیم دویونجا خوشه من سن اوزون آگاهیسن هر ماجرای شامیدن ذکر ایدم ممکن دگل من ابتلای شامیدن بو قَدَر وار اَلاَمان جور و جفای شامیدن قانلی باشون گوردی گیتدیم بزم عیش و نوشه من بوینوما زنجیر ووردی اشقیای کین شعار بیرلره آد خارجی قویدی گروه نابکار بیر نمایش ویردیم آخِر حقّی قیلدیم آشکار پرچم ترویج دینی آلدیم اول دم دوشه من یاحسین آدیم «حسینی»، اَلده که عنوان سنون ماتمونده آغلارام قیلّام نوا هر آن سنون لطف ایله یا سیّدی من قبریوه قربان سنون قبریوی بیرده گَلوم جان تک چکوم آغوشه من التماس دعا. عدلی تبریزی ..

✍ اربعین _شاکر دورقبریوه قربان یارالی باخ من زاره گلدیم بوبلالی چوله گوزیاشلی دوباره قبرون نه گوزل طرزیله منظر دوشنوبدی ششگوشه بیراولدوز یره شش پردوشنوبدی حتما ایاقون آلتینا اکبر دوشنوبدی قرآنداکی یاقوتیله مرجاندی بوقبرون باب اسف انجم وکیهاندی بوقبرون مبهوتم ایدنده بوگوزل قبره نظاره آی گون بیله پرتوفکن اولمازنه ستاره قبروندی بو یا نوردن افلاکه مناره ای رشگ ارم رایحه لی تربته قربان انبوه ملک خادم اولان ساحته قربان باخ قیزلاریوا گورنجه فریاده گلوبلر بیدادین الیندن بویره داده گلوبلر ای غسل وکفن سیز دیمه که ساده گلوبلر باخ گوزلرینون کاسه سینه غسل بدن گور استبرق زلفیله پراکنده کفن گور شاماته گیدنده بیزی آغلاتدیلا یولدا هرناقیه نچه بالانی آتدیلا یولدا اولدوز کیمی بعضی سی آخوب باتدیلا یولدا زهراده که محسن نجه سقطه هدف اولدی بیراوغلون اولوب محسن آدیندا تلف اولدی یانموم نجه سینونده کی من اصغره قارداش اصغر آدی شانینده شبیه اکبره قارداش قونداقیده قانی سپیلن گویلره قارداش هانسی سودامر بیربالانون دایه سی اوخدی تاریخ جنایتده بیله سابقه یوخدی قارداش اوحبیبوندی حبیب ابن مظاهر حری آپاروبلا اودا انصاردی حاضر عباسیم هانی هاردادی سرلشگرون آخر دنیا نقدروار گوره بولمز ایله افسر کیمدی هم علمدار اولا هم آمر لشگر لازمدی ابولفضل کنارونده یاتیدی سرلشگرون ای شاه جوارونده یاتیدی همسایه اولوب ضلل مزارونده یاتیدی طومار محبتده آدوز بیر یازیلوبدی قبری نیه قبروندن اوزاقدا قازیلوبدی

🍁 بسم الله الرحمن الرحیم 🍁 🏴احوالات اربعین دورشامیدن حسینـجان زینب عزایـه گلـدی بـو کـاروان خستـه کـرب و بـلایـه گلـدی خوشگلـدیـن ایله قـارداش بوغملی کاروانـه دیـل یـاره لی اوشاقـلار آه و نـوایـه گلـدی قبـرون تـوزون برادر گوزیـاشیمیله سیللـم گاه آغـلارام اوره کدن گاهی باشینـدا گوللـم دینـجلمیـشم حسیـن جان دیـداریوه گلنـن درد و دیـل ائتـمسم من قبـرون باشینـدا ئـوللم گوز آچ منـه دئ قارداش ، زینب سنـه نه گلـدی ظلمیـله قیـزلاریـوا یوللاردا قمچی دَیـدی اوچ یاشـدا نـازدانن تشت ایـچره گوردی باشیـن ای وای منـه برادر غم تیــری قدّیـم اَیــدی غم غصه سی چوخ اولـدی درد فـراقـه یانـدی آلدی قوجـاقه باشون اوپـدی دئـدی آمـانـدی ای وای بابا دئـدیم گل اما بو حالیلن یـوخ بی هوش اولوب گئدنـن حالیـم منیـم یـامانـدی قارداش خجالت اولدوم سنن، اورک غمینم دور کاروانـی گتـدیم زوار اربـعیـنم قیخ گونـدی دوزموشم من درد و فراقه یاسلی کرب و بلا ده اینـدی مهمان شاه دیـنم شامین یولونـدا قارداش غم غصه دن سارالـدیم قیزلاریوه وروبـلار داش من نه حاله قالدیم هی سسلدیم سکینـه ای وای دئـدیم رقیـه دینـدیر منی دانیشتیـر قارداش یـامـان قوجالـدیم گـوز یـاشلـی نوکریـن وار آدی (علی اصغر) شرح حالیـم یـازوبـدی بـو اربعیـن بـرادر قبرینـده اَول شب گوز یولـدا قویـما قالسیـن دوز دور گنـاهی چوخدور ئول قبـر ایچینـده یـاور ✍ علی اصغرعباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

▪️احوالات اربعین ✍بقلم کربلایی ابوالفضل فرهنگی جفا وظلم اعدادن نوایه زینبون گلدی اسارتدن قوتولدی کربلایه زینبون گلدی بوزاری سرفراز ایله --- باجون دور پیشواز ایله --- فلک بـو زار و نالانی قـولی باقلی دولاندیردی الیمدن آلدی دلبندین منی سندن اوتاندیردی کفن سیز دفن اولوب ویرانه ده دنیانی یاندیردی بالان ویرانه ده قالدی منایه زینبون گلدی بوزاری سرفراز ایله --- باجون دور پیشواز ایله --- گله لعـنت بودنـیایه سن اولدون زینـبون قالدی سنون عشقون حسین جان زینبی چولدن چوله سالدی عـدودن قانـیله رنگـین اولان پیـراهنـون آلدی گلوب نی تک نوایه نینوایه زینبون گلدی بوزاری سرفراز ایله --- باجون دور پیشواز ایله --- سنی دعوت ائدن کسـلر وفانین رشـته سین قیردی اورک آییـنه سین ظلم وجفا داشـیله سیـندیردی گلن دیل یاره سی ویردی گئدن دیل یاره سی ویردی همان زخم زباندان آه وایه زینبون گلدی بوزاری سرفراز ایله --- باجون دور پیشواز ایله

🎼سبک نوحه فوق👆👆 ✍بقلم کربلایی ابوالفضل فرهنگی 🎤#بانوای_حاج_علی_سیفی_افشار

شاماتی گزُوب دِیدِهء خُونبارِیلَه گلدِیم قَبر اوُستَه گلَن دَستِهء زَوّارِیلشه گلدِیم عالمَلرِی حَیرتده قُویُوب پایَهء صَبرُون زِینَب سَنَه قُربان نِیَه شِش گُوشَه دِی قَبرُون اوّل علی اَکبَر قانِینی قانُوَه قاتدُون باشسِیز بَدَنُون صُونرا باسُوب باغرِیوا یاتدُون بُو یاتماقِیلا بِیرَقِ اِسلامی اوُجاتدُون طُوبی آغاجِندان آسیلان خُوشَه دِی بُو قَبر بُولدُوم باجُون اوُلسُون نِیَه شِش گُوشَه دِی بُو قَبر هَر چَند گُلِ یاس قُویُولمُوش اُطاقُوندا بِیر گُلبُنِ نُو خِیزدَه وار دور قُوجاقُیندا قِرمِزی شُکُوفَه آچِیلُوب دور بُوداقِیندا قَبرُونَده نَهالانِ بِهشتی گُل آچُوب دور آرتُوق دِیمُورَم اَصغَرُوِون رَنگی قاچُوب دور باشُون بَدَنُون مَعجُزِهء شام و دِمِشقُون گُوستَردِی اَخا پُختِگی شِیوِهء مَشقُون اَمَا نَه بُیُوک مُعجُزَه دور وَحدَتِ عِشقُون بُو قَبرَه اِیکی نِورِ گِرانمایَه دُوشُوب دور شاخَه اِیکی اَمِا یِرَه بِیر سایَه دُوشُوب دور بُو مَرقَدَه وار حَسرَتی جَنّات نَعیمُون جَنّت باغنا دَرسِ وَفا وّیردِی حَریمُون خُوش حالِیوَه خُوش صُحبَت و خُوش خوُدِی نَدِیمُون باس باغریوا جانانُوِی زیبادِی جَوان دور عالَم گُورَه بُو قَبرِدَه گُلخانَه که جان دور قِیرخُوندی عَیالِمُون هامی قَبر اوُستَه گلُوردِی غَم خَستَه سی بیر دَستهء بَر جَستَه گلوردِی بُو دَستَه حُسینی لَره وابَستَه گلُوردِی مَندَه قارِیشُوب اوُنلارا قَبر اوُستُنَه گلدِیم اُمیدیمی هَر یِردَن اوُزُوب بیر سَنَه گلدِیم اِیکاش اوُلُوب تُپراق اوُلوب مَدَفَن اوُلِیدِیم پیراهَنِ گُل تَک سَنَه پیراهَن اوُلِیدِیم بیر سَن بُو مَزار اِیچرَه اوُلُوب بیر مَن اوُلِیدِیم اوّل سَرِ مُژُگانیلَه بیر قَبر قازِیدِیم باش داشنَه تارِیخِ رَهِ شامی یازِیدِیم اِی قَبرِ مُطَهَر نَه عَجَب رُوح فَزا سَن شَمعِ شَبِ وَصل و نَفَسِ صُبح صَفا سَن غَرقِ عَرَقِ پِیکَرِ شاهِ شُهدا سَن اُی عُودِ غَم آلودَ یانان عَطرُوَه قُربان اِی صَفحِهء قرآن یازِیلان سَطرَوَه قُربان اِی سایَهء حَق لُطفِ خدا کَعبُهء آمال اِی قُوّتِ دِل راحتِ جان شاهِدِ اِقبال اِی کَانِ کَرَم یات قُورِی تُپراقِدَه خُوشحال یاتِمِش سان اَگر صُورَتِ ظاهِر قُورِی یِردَه غَم یُوخ که یاتار گَنج و جَواهّر قُورِی یِردَه رُوحُون کِیمی وارستَه و آزادَه دِی قَبرُون قان آغلِیُوب آغلاتماقا آمادَه دِی قَبرُون باغِرِیندَه یاتان دِلبَرَه دِلدادَه دِی قَبرُون رِیحان خَطِیلَه کاتِبِ سَر مَشقِ حُسینی قَبر اوُسته یازُوب مَدرَسهء عِشقِ حُسینی اِی باغِ بِهِشتی گُل و گُلزارُوَه قُربان اِی غُنچِهء تَر عُقدَه گُشا خارُوَه قُربان اِی قَصرِ مُمَردَ دَر و دِیوارُوَه قُربان قارداشیمی آهِستَه چَک آغُوشُوَه اِی قَبر بِیر مُونِسی وار چَکمَه تَک آغُوشُوَه اِی قَبر هَر چَند عَزیز خاطِریُوَه بارِدی زِینَب دَرد اَهلی دِی چُون یارِ دِل آزارِدِی زِینَب دِیندِیر اوُنی آخَر سَنَه زَوّارِدِی زِینَب آغلار گُوزِی خَم قامَتی گِیسُوی سِفِیدِی تَرسِیم اِیدَر آق صَفحَه دَه اِیوانِ یَزِیدِی پَروانَه اَگر شَمعِ صِفَت شامِلَه خُوش دور عاشق نَفَسِ گَرم دِل آرامِلَه خُوش دور زِینَب دَه بُو دَرگاهِ فَلَک بامِلَه خُوش دور قُوی قَبرِ شَرِیفُوندَه مُجاوِر اوُلا باجَون دائم دُوشَنُوب قَبرُوَه زائر اوُلا باجُون یُوللِاندِی مَدِینَه یُولُونا قافِلَه قارداش اِیل گِیتدی گرَکَ مَندَه گِیدَم یُوخ گِلَه قارداش یُوخ کِیمسَه مَنیم دَردِیمی مَن تَک بُولَه قارداش آرامگهُون حَسرَتِیلَه تَر کِنی اِیتدِیم اَلله اوُزی عالِمدِی که گِیتدِیم نِجَه گِیتیدِیم ????: ???? ???? ??? https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #اربعین #روضه 🖋️مرحوم استاد هندی تبریزی

__________________ گلمیشم پای پیاده یاحسین دیداروه سن ننون زهرا جانی لطف ایله بو زواریوه قبریون قربانیم*******کربلا مهمانیم گلمیشم قبرین کنارینده دوینجا آغلیام قتلگاه یوز قویوب بو سینمی من داغلیام باشیمه قاره گرکدی بو عزاده باغلیام دردمندم باخ اوزون بو خسته دل بیماریوه قبریون قربانیم*******کربلا مهمانیم اربعین زواریم دردیم دواسی سنده دی عمرون زهرا جانی ذوق وصفاسی سنده دی بو گلن زائرلرین لطف و عطاسی سنده دی جان فدا اولسون سنین مولا گوزل درباریوه قبریون قربانیم********کربلا مهمانیم قومادون حری قاپوندان چیخدین استقبالینه قول قانادی سینمشیدی چک ال سن بالینه پر ویریب قوندی بهشته خوش اونون اقبالینه قوشدون آخر حری سن جاندان گیچن انصاریوه قبریون قربانیم ****کربلا مهمانیم گل منی حره باغیشلا گر چه عاصی بنده یم چوخ گناهیم واردی سندن یاحسین شرمنده یم من سنون عشقینله مولا بو جهاندا زنده یم نا امید ایتمه منی من نوکرم سرداریوه قبریون قربانیم کربلا مهمانیم باخسا گر عباس آقا عالملره ناز ایلرم قوش مثالی پر ویریب گوگلرده پرواز ایلرم قاتسا دوز اشعاریمه سو صحبتین باز ایلرم ایلرم بو جانیمی قربان سوسوز دلداریوه قبریون قربانیم **کربلا مهمانیم ای قلم سو صحبتین سالما اورکلر قان اولار هم رباب آغلار هم اصفرگوزلری گریان اولار نهر علقمدن آخان سو موج لو طوفان اولار سسلنر عباس احسن مرحبا ایثاریوه قبریون قربانیم *کربلامهمانیم ای اولان مشکل گشای اهل عالم اللری ناامید ایتمه امیدیله گلن زائرلری یازدی بو اشعاری آغلار گوزلریله(ماه پری ) تا که بلبللر نوا سالسین گوزل گلزاریوه قبریون قربانیم****کربلا مهمانیم ______________ ????: ???? ???? ??? https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #اربعین #روضه #مداحی 🖋️استاد رضا ماه پری زنجانی

«زیارت اربعین» یانان اورک‌لره آه‌ونوا گلورنه‌گلور گئنه‌ده قافلهٔ کربلا گلور،نه گلور قناری‌لر نِئجه آزاد اولوبلا محبس‌دن ترانه‌ی‌غم اوخور جا به جا گلور نه گلور نِئچه قانادی سینان قوش‌دی آب‌ودانه گزور قدَر بلا یازیب حکمِ قضا گلور،نه ،گلور کبوتران حریم ایچره بیر هما گؤرونور یارالی شهپریلن پا به پا گلور،نه،گلور همایِ اوجِ شهامت چیخیب اسارت‌دن اولوبدی فوجِ ستم‌دن رها گلور نه گلور قلم رها اِئله بو استعاره تشبیهی گؤر ایندی فیضِ براتِ خدا گلور نه گلور قطارِعشق،گلور اربعین زیارتینه بیرعدّه بیکس و بی اقربا گلور نه گلور او کاروان‌کی اولوب آیلار آیریسی یِئنه‌ده دیارِعشقه طرف آشنا گلور نه گلور اولوبدی زینب کبریٰ امیرقافله‌سی زمینِ کرب و بلایه صفا گلور نه گلور اِئدیبدی طیِّ طریقت وصالِ یاره گؤره هامیسی عهدینه اِئتسین وفا گلور نه گلور بیری الینده نشانه صوجامینی گتیریر باشیندا واردی درین ماجرا گلور نه گلور بیری عمامه‌ی‌خونین بیری یانان معجر اورک‌ده واردی غمه ادّعا گلور نه گلور عمامه‌نی گتیرن وای اوغول دِئییورآغلور بیری دیلینده دئییور وا اَخا گلور نه گلور بیری دئیولَّه‌کی بیرقانلی پرچمی گتیریر نشانِ صاحب مشک و لوا گلور نه گلور کی،یعنی قارداش علمدار پرچمون گلدی بو پاره مشکووه تیرِ جفا گلور؟نه گلور؟ بیرینین الده نشان خیردا گاهواره‌سی وار دیلینده وِردِ زبان وای بالا گلور نه گلور دئییردی گل بالا گهواره‌وی گتیردی آنون بوغم‌ده ناله‌یه ارض و سما گلور نه گلور او ارمغانلار ایچینده چوخییدی گؤز داغی ولیک بیر سؤزه گؤزدن بکاء گلور نه گلور او بیر نشانه‌نی زهرا اؤزوْ بگنمیشدی نشان حضرت خیرالنّساء گلور نه گلور اوقانلی کؤینگی زینب آلیبدی اللردن مثالِ تحفه او کان وفا گلور نه گلور حسین مزارینه بیرطُرفَهْ ارمغان گتیریر امیرِعترتِ آلِ عبا گلور نه گلور سینیب اگرچه گلَنْ لشگرین جَناحِیني بَناتِ غم‌ زده‌ی‌ مصطفا گلور نه گلور او دؤرت‌مین‌اوخ توخانان کؤینگی خانم زینب باسیبدی باغرینا چوخ بی‌ریا گلور نه گلور یارالی قارداشینا گوئیا کفن گتیریر اورک‌ده چوخدو ساغالماز یارا گلورنه‌گلور دِئییرکی قارداش حسین زینبم وفالی باجین ساغالمییان یارام آلسین شفا گلور نه گلور قالاندا بیرنِئچه فرسخ مَطافِ عشّاقه نسیمِ عطرِ گلِ جانفزا گلور نه گلور دانیشدی اؤز اؤزونه ناگهان خانم زینب سؤاله ساجدِ آلِ کِساء گلور نه گلور بویوردی،عمّه نه احساس اوز وِئریبدی سنه جوابه شیرزن کربلا گلور نه گلور اوغول بو یِئر دییه‌سن کربلادی من بیلیرم بو سرزمینِ بلادن نوا گلور نه گلور بوسَسْ کِاَنَّ یارالی حسینیمین سسی‌دیر علاوه عطرِ بهشتِ خدا گلور نه گلور وفالی عمّه‌سینه تسلیت دئییب‌دی امام حرم‌لر آغلادی واحَسرتا گلور نه گلور آتیب‌دی مَحملین اوستن یِئره اؤزون زینب دیلینده کلمهٔ واغُربتا گلور نه گلور «ترابِ کرب‌وبلاده ابوتراب قیزی» «سوروندو یِئددی قدم شاهِ نُهْ قباب قیزی» دئییردی یاره‌لی قلبیم دؤنوبدو قانه حسین فدا بلالی‌جانیم سن یاتان مکانه حسین باجین دویونجا سنه آغلییانمییب، یارالی سَپَر گؤزوم یاشی سو آتشِ نهانه حسین اجازه صادر ائله زینبین دیله گلسین سن آغلاما ولی بو غملی داستانه حسین اسیرِ عشقین اولان زینبی قولی باغلی سالیب‌دی چؤللره بوگردش زمانه حسین سنین یولوندا مصیباته بیربه‌بیر دُؤزدوم وورولدی قولاریما چوب و تازیانه حسین هدف مقدّسی‌دی قویمادیم قانین باتسین کمالِ همّتیلن دؤزدوم امتحانه حسین گتیرمرَم دیله هردرد و محنتی قارداش اؤزون توجه ائله خسته،میهمانه حسین فقط،بونو دئییرم اینجیدیم شماتت‌دن اورک‌ده طعنه‌لی سؤزلر چکیر زبانه حسین ورودِ کوفه‌ده اَل چالدی اؤز کنیزلریم اوجالدی سینه‌ده‌کی آهیم آسمانه حسین او ساعتیم‌ده تلاوت اِئدیردین آیه‌ی‌کهف یارالی باشین اولوب داشلارا نشانه حسین دَگنده آننووا داش من‌ده باشیمی یاردیم بوتون حرم‌لرین آغلاشدی،یانه‌یانه‌حسین چکنده نظمه مصیبت‌لرین«قیزیل‌قلمین» یقین‌کی گؤزیاشی تبدیل اولوردی قانه حسین .التماس دعا. کتابِ سفیربیداری:اکبرستاری«قیزیل قلم» 🏴🌹🏴