دل مجتبی غمینده اودلاندی باجی زینب #حسنیه 🥀🏴▪️🍃🥀🏴▪️🍃 #شهادت حضرت امام حسن علیه السلام #مرحوم صابر . دل مجتبی غمینده اودلاندی باجی زینب تابوت ایچینده نعشی اوخلاندی باجی زینب . . بو قوم کینه ایتدی بغض نهانی ظاهر جبریله اولدی مانع بو اشقیای جابر پیغمبر اوغلی اولسون پیغمبره مجاور باخ گور بو ظلمه دوزماق آساندی باجی زینب؟ . . ای غملریم شریکی ویر اشکیوه اجازه وورسون شرار آهون اود سربسر حجازه اولدی نشانه یتمیش پیکانه بیر جنازه قلبیم بو ماجرادن اودلاندی باجی زینب . . گرچه یتیشدی باشه اندوهیله حیاتی امّا حیاتیدن چوخ نسگل لیدور مماتی بو نسگلی سزادور یاندورسا کائناتی جنّتده قلب زهرا داغلاندی باجی زینب . . دوندرمرم جهاندا یوز بیرده لاله زاره بلبل کیمی گورنده گُل گلّم آه و زاره آخماز نجه حسینین گوزیاشی گُلعذاره جسم حسن چو لاله پژماندی باجی زینب . . بوندان صورا محاسن قیلّام مگر معطّر؟ دُهنیله ایلرم یا من باشیمی مُعنبر جسم حسن قیلوبدور تیره ترابی بستر شغلیم داخی ئولونجه افغاندی باجی زینب . . بوندان صورا مخضّب من قیلمارام محاسن آزدور ئولونجه دوتسام گر مجتبی عزاسین قان آغلاسا روادور بو غمده آل یاسین یاسین اؤزی بو غمده نالاندی باجی زینب . . قویمولّا گوردوم اولسون اوز جدّی همجواری حمل ایلدیم بقیعه اول جسم زخمداری گونلر ایوینده قالدی قارداشیوین مزاری بو ظلم حکم آلِ سفیاندی باجی زینب . . تاریخ ثبت ایدر بو مظلوم امام صبرین آینده ده سعودی ایلر جفا و جبرین قارداشیمون قویالّار باجی خرابه قبرین صبریم ایوی او غمدن ویراندی باجی زینب . . تا واریدی حیاتی چون سیل اشکی آخدی آخِرده دل دوداقین یاندوردی زهر یاخدی سبّ ایتدیلر آتاسین دوزدی دایاندی باخدی ظلمیله قلب عالم سوزاندی باجی زینب . . اولدی گینه گوزیمده کرب و بلا مجسّم عبّاس باشی اوستن شه قیلدی عزم مخیَم سسلندی گل کسیلدی چارم یخلدی پرچم صاحب علم بو چولده دوغراندی باجی زینب . . گوردوم یخوبلا جسمین قولسوز گروه ناپاک بسکه یارا ووروبلار جسمین ایدوبله صدچاک اوراق اولان وجودین ایلوبله زینت خاک بیر دسته گُلدی گویا خنداندی باجی زینب . . اکبر فراقین ایتدی عبّاس عزاسی تازه الحق چتیندی بو غم آل شه حجازه میداندا اشقیاده باخ جشن و تاخت و تازه عبّاس ئولوبدی دشمن خندادی باجی زینب . . وور باشیوه بو غمده سال شال ماتم آغلا وای قارداشیم وای ازبر ایله دمادم آغلا یوخدور آناسی سسله کلثومی باهم آغلا «صابرده» بو عزاده گریاندی باجی زینب . . . #حسنیه #صابر_تبریزی #حسنیه_شهادت #دل_مجتبی_غمینده_اودلاندی_باجی_زینب #ترکی

دوشوبدی یادیمه بیر ماجرای غم افزا #رضویه 🍁🏴🥀🍁🏴🥀🍁🏴🥀 #ضامن شدن حضرت امام رضا علیه السلام . مرحوم مشهدی ستار ذاکر اردبیلی . دوشوبدی یادیمه بیر ماجرای غم افزا امام ثامن و ضامن غریب امام رضا . كنار شهریده اول سبط باعث ایجاد نه گوردی آهو قوجاقینده بیر نفر صیاد . گلوب کچنده او آهو امامه قیلدی نظر توكولدی روینه بی اختیار اشگ بصر . دولاندی گردنی کچ، نالۀ نهان ایلدی امام محضرینه دردینی عیان ایلدی . باخوب او سرّدن آگاه اولان امام زمان خطاب ایلدی ای نوجوان خوش الحان . بو آهو که سنه صید اولوب او ماراده ایکی بالاسى قالوبدور گرسنه صحراده . بوراخ بو آهونی قلبی بیر آزجا دینجلسون گیدوب بالالارینا صود ویروب گنه گلسون . دیدی عرب بو نجه ادعادی ایلورسن نه ذلتیله بو آهونی سالمشام اله من . محالیدور قویام الدن نچون تلاشیم دور على الخصوص منیم مایۀ معاشیم دور . بویوردی گل سنی بی چاره مطمئن قیلوم بوراخ بو آهونی من گلمگینه ضامن ایدوم . تعجبیله او صیّاد باخدی مولایه دیدی عرب باشووى سالما بیله غوغایه . نچونکه آهو بیر حیواندی وحش لایعقل منیم اونا اورگیم ذرّه مطمئن دگل . گر ایستوسن اونا سن ضامن ای عرب اولاسان گرک ایاقلاروی اوندا باغلیام قالاسان . بویوردی مانعی یوخ بو سوزه رضا اولّام ایاقی باغلا بو آهو گلینجه من قالّام . طنابی آچدی بئلیندن قیلوب الینده کمند ایکی مبارک ایاقین او شاهون ایلدی بند . او آهونون ایاقیندان طنابی ایلدی باز باخوب امامه او حیوان گوتوردی تا انداز . گزوب دولاندى یتشدی بالالارین گوردی اولوب بالالاری مسرور، آنالارین گوردی . دیدی گلون صود امون قالمیوم ملامتده امام ثامنی چوخ قویمیاخ ضمانتده . منی کمندیله صیاد دامه سالمشدی گوزوم سیزه بالالار انتظار قالمشدی . او آهو بچه لر اولدی بو سوزده بی ارام دیدیله صود یمک اولدی داخی بیز ایچون حرام . بو استراحت و بو صود دگل بیزه لازم امام محضرینه قیل شتاب اولاق عازم . دایانمشیدی او صیّاد مثل غمدیده نه گوردی آهو گلور چون خدنگ پیچیده . ایکی بالاسی یانیندا گلوب ذلیلانه دولاندیلار او شهون باشینه چو پروانه . گوتوردی واهمه صیّادی بو نه حکمتدی نه سرّیدور بو الهی بو هانسی حجّت دی . ادبله عرض ایدوب ای سیّدالوری کیمسن بیان قیل سنه جانیم اولا فدا کیمسن . خطاب قیلدی که ای نوجوان اهل وفا منم امام زمانه غریب امام رضا . ایشتدی بو سوزی چون رنگ، ریشه سی قاچدی باشا ویرا ویرا گلدی ایاقلارین آچدی . دیدی باغشلا آقا کاش کور اولیدی گوزوم تانیمادیم سنی شرمنده ایلدیم اوز اوزوم . غریق بحر بلا ای شه خراسانی قتیل زهر جفا ای شه خراسانی . وار آرزوسی گله قبر پاکوه «ذاکر» ایده فغان جگر چاک چاکوه «ذاکر» . . #رضویه #ذاکر_اردبیلی #رضویه_مدح #دوشوبدی_یادیمه_بیر_ماجرای_غم_افزا #ترکی

ای دل بیا که موسم آه و فغان رسید #پیامبراسلام 💫▪️🍀🏴💫▪️🍀🏴 #شهادت پیامبر اسلام صل الله علیه وآله وسلم #مرحوم سید عباس حسینی جوهری . ای دل بیا که موسم آه و فغان رسید یعنی عزای خاتم پیغمبران رسید . اسلم خوارو عزت ایمان بباد رفت از این مصیبتی که باسلامیان رسید . عالم بچشم مادر گیتی چو شام شد چون روز رحلت پدر امّتان رسید . دودی ز آه مردم یثرب بلند گشت بر صورت منوّر کرّوبیان رسید . خاک عزا بفرق همه خاکیان نشست هنگام ماتم همه افلاکیان رسید . ز افلاکیان گذشته مگر گرد این ملال بر دامن جلال خدای جهان رسید . گفتی مگر بپا فلکی از تراب شد یا پایۀ زمین بسر آسمان رسید . واحسرتا که حضرت زهرا یتیم شد از ماتم پدر بلبش نیمه جان رسید . آن ماه چارده بدنش چون هلال شد ظلم و ستم ز بسکه بر آن ناتوان رسید . رنج و الم ز بعد پدر دید و صدمه ها بر جسم انورش ز جفای خسان رسید . ذاکر از این ملال نباشد چرا ملول کامروز سرو گلشن دین را خزان رسید . . #پیامبراسلام #سیدعباس_حسینی #پیامبراسلام_شهادت #ای_دل_بیا_که_موسم_آه_و_فغان_رسید #فارسی

گل زینب ئوزون فریاده 🥀🏴🥀🏴🥀🏴 #شهادت حضرت امام حسن مجتبی (علیه السّلام #سبک_ایوای_یارالی_جان_یارالی . بهلول حبیبی زنجانی . گل زینب ئوزون فریاده سنسن کمکیم دنیاده یاندی جگریم زینب جان طشت ایله منه آماده . مونس منه درد و غم اولدی بو دهریده قدیم خم اولدی نیلوم منه آخر ائویمده ئوز محرمیم نامحرم اولدی جان اوسته یم گل داده زینب . سینم آلیشور آی باجی جانیم چیخیر ایوای باجی گوزلر یومولان لحظه،سن چال بیر منه لایلای باجی . یوخ مرگیدن اصلا هراسیم باخ عرشیده باشلاندی یاسیم اما سنه بیر زحمتیم وار بو،سن،بو عبدالله،بو قاسم جان اوسته یم گل داده زینب . خصمین خطرین گوردوم من زهرین اثرین گوردوم من یاندیم،او یانان درگاهین مسمار درین گوردوم من . بین در و دیواره باخدیم اوچ یوز نفر اشراره باخدیم گول پرپر اولدی غنچه سولدی اولموش خزان گلزاره باخدیم جان اوسته یم گل داده زینب . دنیاده ایله مغمومم مهر،آنادان محرومم مظلومه آنامدان صورا منده حسن مظلومم . غمدن دولوبدی گوزده ابریم چوخدی باجی سندنده،صبریم آغلار قویار صاحب زمانی بی سایبان و ساده قبریم جان اوسته یم گل داده زینب . . . #حسنیه #بهلول_حبیبی_زنجانی #حسنیه_شهادت #گل_زینب_ئوزون_فریاده #ترکی

آنامون رشیده قیزی امان گوزون آچ اویان ئولورم باجی #حسنیه 🍂🍂🌾🏴🍂🍂🌾🏴 #شهادت حضرت امام حسن علیه السلام #مرحوم حاج میرزا علی عطار خیابانی (دلخون تبریزی) . آنامون رشیده قیزی امان گوزون آچ اویان ئولورم باجی سنه دردیمی ایلیوم بیان گوزون آچ اویان ئولورم باجی . . دو ویر ایمدی بیرجه سسیمه سس منه یوخدی بیر داخی دادرس ئولورم باجی کسیلور نفس گوزون آچ اویان ئولورم باجی . . هله چوخ بلایه دوشر باشون توکه سن عذاریوہ قان یاشون دو شهید اولور باجی قارداشون گوزون آچ اویان ئولورم باجی . . دور علاج ایله منه خواهریم دوتار اود یانار دل مضطریم باجی دوغرانوبدی جگرلریم گوزون آچ اویان ئولورم باجی . . سولار ایمدی گلشنیمون گلی دور ایاقه ای بوکولن بلی یخیلان ایوی داغیلان ایلی گوزون آچ اویان ئولورم باجی . . منه ظلم الیله اولوب ستم چکن ای زمانه ده درد و غم باجی دوغرانور جگریم بو دم گوزون آچ اویان ئولورم باجی . . بو نه خوابدور گوزون آچ اویان اولان ای زمانه ده باغریتان دوتوب اود یانار باجی جسم جان گوزون آچ اویان ئولورم باجی . . گوزون آچ اولوب ایشیم آه و زار کسیلوبدی صبر و گیدوب قرار داخی قالمیوب باجیم اختیار گوزون آچ اویان ئولورم باجی . . منی گر بیله گوروب آغلوسان یوزه سیل اشگوی باغلوسان اوزون ئولدوروب سینه داغلوسان گوزون آچ اویان ئولورم باجی . . ایله (دلخون) بو غمی رقم بو سوزی گتور دیله دمبدم بویوروت باجی شه محترم گوزون آچ اویان ئولورم باجی . . #حسنیه #دلخون_تبریزی #حسنیه_شهادت #آنامون_رشیده_قیزی_امان_گوزون_آچ_اویان_ئولورم_باجی #ترکی

در حجره دست و پا زد و یاد غریب کرد #رضویه 🏴🌿🏴🌿🏴🌿🏴🌿 #شهادت امام رضا علیه السلام #حاج محمود ژولیده . در حجره دست و پا زد و یاد غریب کرد یاد حسین، کشته ی شیب الخضیب کرد رویش بخاکِ حجره که افتاد ناله زد یاد جمال خاکیِ خدالتریب ‌کرد زهرِ جفا که بر جگرش، بد اثر گذاشت یادِ غریبیِ حسنِ بی حبیب کرد افتاد بر زمین، ز غمِ مادرش گریست لعنت بسی، به دومیِ نانجیب کرد آقای ما، که سفره ی روضه بنام اوست با خونِ دل روایتِ اِبنُ الشبیب کرد فرمود: پِلکم از اثرِ گریه زخم شد داغِ حسین، قلب مرا غم نصیب کرد وقتی کشید پیکر خود را به گوشه ای بهر جواد، گریه و صبر و شکیب کرد آمد پسر ، کنار پدر ، دیده تر ، ولی خود را برای غربتِ بابا طبیب کرد این ماجرا به کرب و بلا جورِ دیگر است بابای پیر بهر جوانش نهیب کرد با ناله های یا ولدی، پیشِ پیکرش از سوزِ داغ، شور و نوایی عجیب کرد چون دید اشک خواهرِ مضطر در آن میان دستی بسر گذاشت و اَمَّن یُجیب کرد . #رضویه #محمود_ژولیده #رضویه_شهادت #در_حجره_دست_و_پا_زد_و_یاد_غریب_کرد #فارسی

صبرایله گلن بابان غمینده گلمه بیله آه و زاره زهرا #پیامبراسلام ✨✨🌾▪️✨✨▪️🌾 #زبانحال حضرت رسول اکرم صل الله علیه وآله وسلم به حضرت زهرا سلام الله علیها #مرحوم غلامعلی باقری الهامی (هوشی تبریزی) . صبرایله گلن بابان غمینده گلمه بیله آه و زاره زهرا چکمه بیله آه توکمه گوزدن گوزیاشیوی گل عذاره زهرا . . ای جانیم عزیزی صون نفسده آغلاتما منی قیزیم آز آغلا آز ناله و آه وا ابا چک آز اشکوی گل عذاره باغلا آز آتش درد و محنتیله بوسینۀ پُرشراری داغلا چوخ ویرمه اجازه باشیم اوسته بودیدۀ اشکباره زهرا . . تاپشوررام امانت ای بلا کش گرچه سنی بو زمان رحلت بو امری ولی وفا سیز امت نهی ایلرایدرسنه خیانت بو سهلیدی حقوی داناللار ثانی ایدر اوزگه بیرجسارت نیلی اولی سیلیدن عذارون ای حُسنوده ماه پاره زهرا . . بیرمجلس ظلم اهل کینه مندن صورا ای قیزیم قورالار بیر رأی خطا آلوب او گونده ظلمیله جهانی دولدورللار درگاهیوه اود وروللا آخر نارستمیله یاندوراللار دنیا یوزی تنگ اولارگوزونده بیحد دوشسن فشاره زهرا . . ای نوگل گلستان عمروم چکمز اوقدرکه سن سولارسان ثانی سالار ایاقدان ستمی مین محنته قلبیدن دولارسام غم چکمه قیزیم بو آز زماندا اوزجدیوه میهمان اولارسان صبرایله دایان بو آز زماندا بوفرقت نا گواره زهرا . . ظلمون یتوررتمامه آخر آفاقیده اوّلیه ثانی غصب ایلرعدوعداوتیله تا حقّ شهنشه ولانی قول باغلی چکنده دست بسته چون بیعته شاه لا فتانی بیر ایله زمان مُعین ویاراول اول صاحب ذلفقاره زهرا . . . #پیامبراسلام #هوشی_تبریزی #پیامبراسلام_شهادت #صبر_ایله_گلن_بابان_غمینده_گلمه_بیله_آه_و_زاره_زهرا #ترکی

مسموم ایدوبدی مأمون، ستمله، چون حضرت رضانی #رضویه ✨✨▪️🏴✨✨▪️🏴 #شهادت امام رضا علیه السلام #مرحوم شهاب تبریزی . مسموم ایدوبدی مأمون، ستمله، چون حضرت رضانی بیراود سالوب جهانه، بوغمله، یاندوردی ماسوانی یاندوردی ماسوانی . . تکلیف ایدوب او شاهه، او ملعون، بیر خوشه الده انگور ناچار اولوب او سرور، او وقته، اولدی بو امره مجبور بیرنچه دانه جبراً ، میل ایتدی ، مأمونی قیلدی مسرور اول بیحیانی کامه ، یتوردی ، درده سالوب جهانی . . . . زهر جفا او ماهِ ، منیری ، فورأ سالوب محاقه سمّ ایلدی سرایت ، تماماً ، قلبه دله دوداقه تغییر تاپدی حالی ، یریندن ، دوردی او شه ایاقه چخدی ستم سرادن ، کناره ، الدن گیدوب توانی . . ایلوب بیله روایت ، اباصلت ، گوردوم گلور او سرور رنگ شریفی پوزقون ، خمیده ، اول قامت صنوبر اندام نازنینی ، چو سنبل ، بی تاب اولوبدی تیترر بلدوم اولوبدی مسموم ، او مظلوم ، باشه چکوب عبانی . . گورجک منی بویوردی ، اباصلت ، آچ منزلی اماندی یاندی بودل دوداقیم ، دایانما ، حالیم داخی دولاندی پیک اجل یتشدی ، وفاتیم ، بوحالدن عیاندی ایکاش اولیدی اوغلوم ، یانیمدا ، بو جان ویرن زمانی . . بیرده بویوردی باغلا ، قاپونی ، هم فرشی یغ کناره حال غریبه اولماز ، یقیناً ، کیمسه أیدن نظاره من بیکس و غریبم ، بو یرده ، یوخ ایمدی اوزگه چاره توپراقلار اوسته بلکه ، ویرم من ، جانانیمه بو جانی . . ناگه آچلدى قاپلار ، نه گوردوم ،بیر سیدہ جوانی الده عمامه گلدی ، یتوب چون ، گوردی بو ماجوانی آغوشه باسدی جان تک ، او دمده، مسموم اولان آتانی عرض ایلدی بابادور ، گوز آچ بیر، ای جسممون روانی . . نه حالدور وئروب یوز ، که چوخدور، تشویش و اضطرابون دلدن سالوبدى یکسر ، وجودون، الدن آلوبدی تابون گور بیر قالوب نه حاله ، باباجان، بیرجه بو دلکبابون آخر بابا اوز اوغلون ، جوادم، دیندیر بو بینوانی . . ای شیعه نسگل اولدی ، که بورسم، اولمادی کربلاده عمرینجه گلسه شیعه ، بو غمده، آزدور فغان و داده شاهنشه لب عطشان ، او گونکه، صحرای غمفزاده گلدی نه گوردی یارب ، او دمکه، جان اوسته دی جوانی . . نچّه قدم سوروندی ، یتیشدی، باشین آلوب دیزینه مرآت حق نمانی ، او ساعت، دوتدی اوغول یوزینه جوشه گلوب محبت ، یوزینی، سورتردی گل یوزینه خطّین مخضّب ایتدی ، او شاهین، اول شاهزاده قانی . . گوردی وروبلار از بس ، او جسمه، یاره گروه کافر گلمز شماره هرگز ، بدنده، زخم سنان و خنجر سسلندی یدّی دفعه، اوغولوای، بی اختیار او سرور سالدى شرار آهی، او شاهون، یاندوردی ماسوانی . . آغلا شهاب او حاله، اورکدن، گل نی کیمی نوایه بیر توشه دور سرشکون، یقین بُل، عرصه گه جزایه بو نوحه خوشگلور چوخ، حسینه، هم حضرت رضایه یاده سالولّا مطلق، غم ایتمه، سن جانویرن زمانی . . . #رضویه #شهاب_تبریزی #رضویه_شهادت #مسموم_ایدوبدی_مأمون_ستمله_چون_حضرت_رضانی #ترکی

جدّینه ماتم دوتوب صاحب زمان قان آغلوری #پیامبراسلام ▪️🌱🌾🍂▪️▪️🌱🌾🍂 #شهادت حضرت رسول اکرم صل الله علیه وآله وسلم #حاج احمد احمدی (جوان) . جدّینه ماتم دوتوب صاحب زمان قان آغلوری غم دوتوب ارض و سمانی عرش سبحان آغلوری . . ایلیوب رحلت بوگونده خاتم پیغمبران بیله غمده وار یری قان آغلاسون کرّوبیان سالک حق جان وئروب یاسه باتوبلار قدسیان قلب زهرا اولدی بو محنتده شان شان آغلوری . . ركن دینه صدمۀ اعظم یتوبدور شیعیان ایستوری شرع نبنیی خوار ایده نامحرمان الأمان ای لایزال و لاینام و لامکان شیعه لر بو غمده حالی چوخ پریشان آغلوری . . گلشن طاها بوگون باد سمومیله دولوب باغبان دین ئولوب گلزاریده گللر سولوب عندلیبان چمن آشفته و حیران اولوب بو پوزولموش گلستانه بلبلان قان آغلوری . . دین یولوندا چوخ چکوب زحمت او فخر کاینات کشتی مغروقه ویردی کفر بحریندن نجات سورۀ توحید تفسیرین ایدوب خلقه ثبات غلتوب یو ماتم عظماده قرآن آغلوری . . جان ویرنده آچدی گوز گوردی دوروب خیرالنّسا هم على المرتضی هم تشنه شاه کربلا زهریلن مسموم اولان بیرده امام مجتبی بو غم و محنتله زهرا ایلور افغان آغلوری . . ایتدی فرمایش قیزیم چوخ ایتمه شیون آغلاما آتش آهیله زهرا جان جهانی داغلاما جام چشمندن قیزیم قان پاش عذاره باغلاما باخ حسینون حالینه وار درد پنهان آغلوری . . امّتیم جور و جفادن اود ورار درگاهیوه ثانی ملعون ویرار سیلی جمال ماهیوه بیر نفر اولماز باخا فریاد و سوز آهیوه بو اسفلی ماجرایه شاه مردان آغلوری . . قان اولار صندوق سینون آهن مسماریله سقط اولار محسن بالان زخم در و دیواریله ای ولیّ حق مدارا ایله سن اشراریله مضطرب اولموش ولیّ ربّ منان آغلوری . . زایل ایلر حقّیوی چون فرقۀ شوم و شقی اتفاق ایللَّه یاتسون دین حقّون بیرقی اوغلومون قانی اولار باعث چوخالسون رونقی شوق دیدار حسینه تیر و پیکان آغلوری . . چخما مطلبدن قلم منظور یاسین یاسیدور حضرت خیرالنّسانین آه واویلاسیدور صاحب روز جزانین محشر کبراسیدور ماسوانی غم دوتوبدور كان و ما كان آغلوری . . غاصبان بی مروت بزم شورا قوردیلار رأی ناحقّیله دنیایه یانار اود ویردیلار حشر تک اسلامیانین قلبینی یاندیردیلار مسلمین احوالینه اول نار سوزان آغلوری . . آغلارام صبح و مسا بو محنت عظماده من چکمرم ال دامنوندن هر ایكی دنیاده من وار امیدیم اولمیام مردوده بو انشاده من بو «جوانین» دردی واردور بھر درمان آغلوری . . #پیامبراسلام #احمدی_جوان #پیامبراسلام_شهادت #جدینه_ماتم_دوتوب_صاحب_زمان_قان_آغلوری #ترکی

اولدی گنه وفات رسول خدا غریب #حسنیه #پیامبراسلام ۲۸صفر ▪️▪️🍂▪️▪️🍂▪️▪️ . #مرحوم سید احمد یاسر نجفی . . اولدی گنه وفات رسول خدا غریب جبریل آسمانه چکوبدور قرا غریب . اجماعیله سقیفه ده بیعت ایدوبدولر خانه نشین وطنده قالوب مرتضا غریب . درگاهی یاندی سندی قولی ئولدى محسنی زهرا یخلدی چکدی اودم یا ابا غریب . زینب باشین آچوب باشی اوستنده اگلشوب ئلدوردولر دیردی سنی ای آنا غریب . جدّی رسول قاره سینی باشدان آچمامش زهریله چاک اولوب جگر مجتبا غریب . اگلشدی مجتبا باشینی آلدی سینیه خواهر غریب ناله ایدوبدور اخا غریب . آچدی گوزون دیدی باجی صبر ایله آغلاما آغلار بقیع ده سنه خیر النّسا غریب . سن ساخلا آغلاماقوی بیر اوزگه وقتی وار میداندا جان ویرنده شه کربلا غریب . . . #حسنیه #پیامبراسلام #ثریا_تبریزی #حسنیه_شهادت #پیامبراسلام_شهادت #اولدی_گنه_وفات_رسول_خدا_غریب #ترکی