بسم الله الرحمن الرحیم یا علی اکبر مددی مدح و شجاعت و شهامت حضرت علی اکبر علیه السلام شعر از جواد✅ ☑️☑️☑️ اذان گوی خدای اکبرم من شبیه حضرت پیغمبرم من علی المرتضایه دلبرم من جوانان بهشته رهبرم من باخور لشکر علی اکبرم من 🔹🔹🔹🔹 گوز آچدیم عالمه طاها ائوینده علی تک عالمه مولا ائوینده صود امدیم حضرت زهرا ائوینده نفس چکدوم شه والا ائوینده حسینون اوغلیام نام آورم من 🔹🔹🔹 منیم جدیم محمّد مصطفی دور بابام حیدر علی المرتضی دور عموم شمسُ العربدور مجتبی دور آتام کل جهانه رهنمادور ایله شاهه عبیدم نوکرم من 🔹🔹 آتامدان اذن آلوب میدانه گلدیم عقاب اوسته بیله جولانه گلدیم شهادت عشقینه مستانه گلدیم اولام قربان بوگون قرانه گلدیم آتام محجور اولوبدور مضطرم من 🔹🔹🔹 حریفوز وار دئیون گلسون بو میدان ایله جنگ ایلیوم اولسون پشیمان ائدوب اوز قانینه میداندا غلطان منه احسن دئسون دشت و بیابان بیله عالم علی دیگرم من 🔹🔹 گلوب چوخ پهلوانلار قانه باتدی توکولدی تپراقا یان یانه یاتدی بیر عده قورخودان شمشیرین آتدی چوخی گیزلَندی نوبت بَکره چاتدی دئدی تئز گل یولووی گوزلرم من 🔹🔹🔹 گلوبدور رزمینه بَکر ستم گر او بد بخت بیلمدی هیچ کیمدی اکبر دوباره اولدی برپا جنگ خیبر اونا بیر ضربه ویردی پور حیدر دئدی سیل گوزلرون باخ اکبرم من 🔸🔸🔸 اولوب غالب علی اول بی حیایه کسوب باشین گلوب خیمه سرایه مسرّت بخش اولوب آل عبایه گلوب چاتدی او دم شاه هدایه دئدی بابا هدیه ایسترم من 🔸🔸🔸🔸 سنه بو جان و تن قرباندی بابا نظر سال لبلریم عطشاندی بابا منه سو ویرگیلن احساندی بابا عطشدن دیل دوداقیم یاندی بابا الان محتاج آب کوثرم من 🔷🔷🔷🔷 بالاسین آلدی آوغوشه او سلطان ئوپوبدور لبلروندن شاه عطشان گوروب اکبر یانور بابا سوسوزدان دئدی عفو ائت بابا اولدوم پشیمان خجالتدن نئجه گور قینرم من 🔷🔷🔷🔷 دوباره عزم ائدوب پیکاره اکبر سالوب اود خرمن کُفّاره اکبر ترَحُم ایلمور اشراره اکبر گلوب میدانیده اظهاره اکبر دئدی هرزه علفسوز آذرم من 🔷🔷🔷 ائدوب حمله علی صفلر داغلیدی ایله بیل قلعه ی خیبر داغلیدی قاچوب سرکرده لر یکسر داغیلدی دئدی من اکبرم لشگر داغیلدی واروزدور مرحبوز گر، حیدرم من ☑️☑️☑️ ایله جنگ ایلدی اول کوه ایمان دئدی معناده احسن شاه مردان گوزل ‌پیکاریوه قربان علیجان بلی قورخار ضعیفلر پهلواندان دئدی آی کوفیان نام آورم من 🔷🔷🔷 یورولدی عاقبت اول ماه پاره ویروب مُنقذ باشیندان کاری یاره دوشوب اکبر آتیندان ریگزاره اولوب گل جسمی یکسر پاره پاره دئدی یارب نئجه گور پرپرم من 🔷🔷 داخی یوخدور توانیم ئوللم آلله گئدوم الدن امانیم ئولم آلله آخور مقتلده قانیم ئوللم آلله چیخور عشقونده جانیم ئوللم آلله چمنده لاله تک گلُ پیکرم من 🔷🔷🔷 سورا ئوز دوندروب خیمه سرایه چاغوردی شاه مظلومی هرایه دئدی لشگر آلوب اوغلون ارایه حسین گلدی او دم آه و نوایه دئدی اوغلوم نئجه گور مضطرم من 🔷🔷🔷🔷 منیم ای نور چشمانیم علی جان اولوبسان حقه قربانیم علی جان گئدوبدی طاقتِ جانیم علی جان ائدم درمان یوخ امکانیم علی جان باشون اوسته اوغول وای سسلرم من 🔷🔷 دئینده وای اوغول تترور دوداقیم جنازون حمل ائدم گلمور ایاقیم بوگون پامال اولار یکسر تفاقیم بهشته بو گئجه اولّان قوناقیم سنه سو ویرم اوغلوم کوثرم من 🔷🔷🔷🔷 دئسم نوحه سنه صحرالر آغلار تلاطم ایلیر _ دریالر آغلار ائدر ضجه، هامی حورالر آغلار سنه دنیا بویی لیلالر آغلار دئیر اوغلی ئولن بیر مادرم من 🔷🔷🔷🔷 حسین جان بیر نظر ایله (جواده) گلوم نوحه دئیوم کرب وبلاده گوزوم وار سنده هم آل عباده اوزون چات دادیمه روز جَزاده سیزه عبد ذلیلم نوکرم من