در مدح حضرت   فاطمه معصومه سلام الله علیها به قلم کربلایی صابر ثمودی 🌿🌿🌿 برج حیا اولدوزی معصومه دی سفره ی عشقین دوزی معصومه  دی باب ِحوائج قیزی معصومه دی فاطمه دن چوخلار حوائج آلار دردینه  بیر عمده نتایج آلار 🌿🌿🌿 مهر و عطوفتله دولی سینه سی حجب و حیانین دئنه گنجینه سی فاطمه دور فاطمه آیینه سی جدّه سینه اوخشادی هر خصلتی اولدی زبانزد خانمین عصمتی 🌿🌿🌿 حضرت زهرا مثلی با وقار عمه سی زینب کیمی با اقتدار موسی زهرایه اولوب افتخار فخر ائلیوب حضرت  موسی دئیوب ام ابیها و فدا ها دئیوب 🌿🌿🌿 صاحب عزّ و شرفین پایه سی شیعه لرون زینتی پیرایه سی سایه رحمتدور اونون سایه سی فاطمه تک گوهر نایابیدی جان و دل حضرت اربابیدی 🌿🌿🌿 صاحب اندیشه و علم و ادب کان کرامتدی بو والا نسب حضرت موسایه بودور زینِ اَب زین اَب حضرت موسادی بو بند دل حضرت زهرادی بو 🌿🌿🌿 شیعه جان مفخر ساداتیدی بارگهی قبله حاجاتیدی قبله حاجات و مناجاتیدی اوردا دعا تئز یتیشر مقصده قلبی روانه ائلیر مشهده 🌿🌿🌿 خواهر سلطان  خراسانیدی قارداشینا  روحیدی  ریحانیدی هر ایکسی مفخر ایرانیدی جان پیمبردیله والا مقام زینت ایراندی بونلار والسلام 🌿🌿🌿 ضامن آهو باجیسی با کرم وصفینی  ذوق ائلیور یازسین قلم صاحب اجلالیدی صاحب حشم سائل دربارینه ایلر نظر بوش یولا سالماز گُلِ خیر البشر 🌿🌿🌿 آند اولا  حیِ ازلین صبرینه چون داریخور قلبیم اونون قبرینه خوشدی( ثمودی )گئده  قم شهرینه اوردا گئدیب عرض ارادت ائده طوف ائده اول قبری زیارت ائده 🌿🌿🌿 کانال رسمی کربلایی صابرثمودی متن با سبک