مدح حضرت علی علیه السلام گوز آچان گوندن اولوب حضرت پیغمبره یار اولدی دشمن گوزون دائمی بیر زهریلی خار قله عدلینه حاشا چخا عادلر اونون پایه فضلینه مشکلدی چاتا فاضلر اونون بحر علمینده دوشوب غرق اولار عاقلر اونون ایستیورسن اونی گر عشقینه یر قلبیده ویر بیزلره قبله اولوبدی ننه دن اولدوقی یر گوز آچان دمده رسولین یوزونه شاه انام (فاطمه بنت اسد نقدر دیندیردی گوردی علی دینمیر علی گوزن آچمور ویردیله پیغمبرین قوجاقنا الیکی گوزلرین آچدی پیغمبرین گوزونه اولین سوزی سلام ) خالقین ایلیه جک مصحفی ارزانی سنه ویر اجازه اوخویوم یکسره قرآنی سنه (آینده ده پیغمبر اولاجاخسان قرآن لازم اولاجاخ سنه یا رسول الله اجازه ویرین قرآنی بوتون سنه اوخویوم) ابتدادن الینه پرچم دینی گوتوروب همتیله ئوزونی قله عدله یتیروب ختم پیغمبره اون سینیده ایمان گتیروب ایتدی طاهایه گجه گوندوز ئوزون مثل سپر مکه دن بیر گونی هجرت اله دی خیر بشر (پیغمبر بویوردی بو گجه مشرکین منی بستریمده حمله الیوب اولدوره جکلر کیم آماده دی منیم بستریمده یاتا من تا خارج اولام شهریدن علی دیدی یا رسول الله من یاتارام علی پیغمبرین بسترینده یاتدی پیغمبر اوز قویدی چولره ) ایتدی تعقیب اونی بیرعده شقی با هیجان یولدا بیر غاریده ، حضرت اوزونی ایتدی نهان عنکبوت امر خداوندیله گلدی او زمان غارین اغزین توخودی تاریله از وقته ، هوروب گلدی جبریل امین ایشلور او حیوانی گوروب (جبرائیل اندی یره گوردی بیردنه عنکبوت مشغولیدی بیر غارین آغزندا تار عنکبوت توخور) دئیدی قصدون ندی بوایشده ایدورسن عجله دیدی کفار قریش ایستیور الساعه گله جان پیغمبری حفظ ایلیورم بوردا هله (جبرائیل بیر گولدی دیدی نمنه؟ عنکبوت سن ایستیرسن تاری توخویاسان غارین آغزن توتاسان اونان پیغمبرین جانی اماندا قالا؟ دیدی بلی .دیدی آخی نمنه دی بیر دنه تاردی دا الینن ورارسان هامسی قیریلار . ) دیدی بو تاریله؟ عرض ایلدی ال تارینه ویر قدرتون واردی اگر سعی ائله بیر تارینی قیر دوتدی تاری گوجونی ویردی نه اندازه واری ائله فکر ایلدی ییر قالخوری یکسر یوخاری پاره لنمور ولی سالیمدی اونون جمله تاری قالدی عاجز بوراخوب ایلدی بو نوعی بیان ندی جینسی بونون ایا منه تئز ایله بیان اهل عالم دیدی یکسر ییقشوب گر دورالار گوجلرین باهم ایدوب سن کیمی الان ویرالار چوخ محال امریدی بیرتارینی حتی قیرالار چونکه من نغمه ی پرشور ولایت اوخودوم بیر به بیر تارین اونون عشق علیلن توخودوم منکره گر چه بوسوز زهریلی اوخ تک توخونور او ائشین فلسفه سی دهریده دایم اوخونور ایندی تاریندن اونون ضد گلوله توخونور پس علی عشقی گرک هر اورگه ریشه آتا نظر ایلر اونا کیم دامنینه گر ال آتا