🌿🌸🍃🌾🌼 🍃🌾🌼 🌾🌼 🌿 حضرت زهرا سلام الله علیها اصغر فرشچی ( عدلی تبریزی ) آفتاب برج عصمت بضعۀ خيرالوری دخترشمس الضحی وهمسر بدرالدجی منتهای روح پاكي چون حريم كبريا علم وحلمی صبری دريا هم تراز مرتضی آيۀ تطهير وصف عصمت كبراسينه هل اَتی تفسيری چون دنيا وهم عقباسينه تا ابد روشندی نوروندان چراغ عقل ودين ناشراصل وجود ونسل ختم المرسلين آسمان عشقه اون بيـرماه تابان وجود ساطِع ولامِعدی عالَم عالمِ غيب وشهود ميوۀ باغ وجودونداندی جود مجتبی عمركوتاهينده حاصل اولدی شاه كربلا زينبی كه صبريده اُسطوره دی تك دور قيزی درس عشقی صبرو حلمی اورگدوب زهرا اوزی دامنی جان جهان وعالمه جان بسلين جان نه جان احسن اونا خلّاق عالم سسلين جان حسين جانی كه وار يوخدان كچوب قالدی وحيد اهل بيتين اوج غمده ترك ايدوب اولدی شهيد خون بهاسی خون يزدان ذوالجلال وكبريا اولدی كشتیّ نجات هم خلقه مُصباحُ الْهُدا گلمدی وحی چون كه رحلت ايلدی خيرلانام ليك جبريل امين كويوندا اِیتموشدی مقام چون غم هجرپدردن قلبی قان بيماريدی جوردشمندن ده مجروح درو مسماريدی چونكه پهلوسی شكسته يوز كبود سينه يارا سقط ايدوب محسن بالاسين ثانيدن گوردی جفا بوسببدن جبرئيل اولدی حريمينده مُقيم تا اورك آيينه سينده بيرگوره خُلق عظيم دايماً ايلردی درگاهه صعود وگه نزول تا قويا مرهم تاپا اول قلب مجروح بتول اولمادی زخمی رفو ترك ايلدی روحی قفس يثربی ترك ايتدی گوردی چكموری زهرا نفس مرتضی شاه ولايت لنگردنيا و دين عرش علم و روح ايمان واميرالمومنين ويردی غسلون هم حنوط ايتدی اوزی ديلده تَعَب دفن ايده حاضر اولوب اصحابيلن چون نصف شب گيزلين اولدی دفن زهراعقل لرمبهوت ومات گوردولرايستورخدادن هجر زهراده ممات توپراق آلتوندا ياتوب چون ركن ارض وآسمان دوت بالاسی چشم گريان تك قالوب شاه جهان روزمحشر«عدلی» وانفسا كه سسلرانبيا شيعه نی ایلر شفاعت فاطمه خيرالنسا 🌼 🌾🌼 🌸🌾🌼