🌷 جلالت حضرت معصومه (س) 🌷 اهل ایمانه شرافتدی خانم معصومه کان احسان و کرامتدی خانم معصومه هر کیم ایستور که اولا شامل لطف و حسنات گویلونه دوشدی آلا دهریده بیر عالی برات مشکلی اولسا اگر آختارا بیر باب نجات شیعیه باب شفاعتدی خانم معصومه کیم زیارت ایلیه بند دل موسانی حقینه عارف اولا کامل اولا ایمانی واجب اولموش اونا حق بذل الیه رضوانی صاحب عز و سعادتدی خانم معصومه بو خانم مرتبه حسنیده چوخ والادی روح تقوادی ، حجاب آیه سینه معنادی اذن داداریله اسرار دله دانادی مظهر جود و عنایتدی خانم معصومه دختر باب الحوائجدی اوزی باب کرم یازماقا وصفینی عاجزدی هامی اهل قلم افتخار ایلیوری مرقدینه اهل عجم بحر الطاف و جلالتدی خانم معصومه برکت وئردی دیار قمه بو کنز حیا گلشنه دوندی کویر اولدی او یر باغ ولا عطر جنتله دولوب ایندیده اول صحن و سرا یکسره عطر و طراوتدی خانم معصومه واردی سگیز قاپی جنتده کتابت اولونوب بو سوزی درک ایلر کیمسه هدایت اولونوب بیر قمدان آچیلار بیله روایت اولونوب باخ جلاله ، در جنتدی خانم معصومه سالک سلک متانت ، منبع نور هدا هم کریمه لقبی ، ایلیر هر درده دوا شمعیدور قارداشی اولموش بودا پروانه اونا بیزلره حقدن عنایتدی خانم معصومه اوگوزل قبره اوزاقدان ائدیروخ عرض سلام لطفیله باخ بیزه هجرونده گونوز اولدی چو شام (حیدریله) او گوزل قبروه همراه (غلام) ایستسن گور نه حلاوتدی خانم معصومه در معیت شاعر اهلبیت حاج جلیل ربیعی متخلص به (غلام) سروده شد.