ایندی سیزه بو عشقیله کشف حقیقت ایلیوم حقِ سلام احمده گوزل وصیّت ایلیوم جدیم حسینه آغلیون منده عنایت ایلیوم کربوبلانی گورموشم ایندی روایت ایلیوم راوی ظلم لشکرم باقرآل حیدرم . خیرداجا قهرمانیدیم گوردوم اوگون جنایتی اکبر و قاسم اُلماقین یرده قالان علامتی یرده قالاندا بی کفن باشسیز اولان امامتی قمچینی، تازیانه نی، غارتی هم اسارتی من نگران اصغرم باقرآل حیدرم . شاه ولایت اصغرین ناله سسین آلانمدی گوزلری آخدی قان سوزوب گوز،گوزه شه باخانمدی اوخ بوغازین بیچن زمان هچ ال ایاق چالانمدی سسلدی یالقوزام بالا، شهده گِئدوب قالانمدی لای لای علیّه ازبرم باقرآل حیدرم . هچ دئمورم گَلین منه ایندی جماعت آغلیون آز آغلاسازدا اِتمَرم ذرَّه شکایت، آغلیون ایندی گورون نَلَر چکوب شاه ولایت آغلیون جدّیم حسینه گون بَه گون که تا قیامت آغلیون شافع روز محشرم باقرآل حیدرم . اَلّی نچه یاشیم گِئچوب تاپموشام ایندی آبرو جانیمه نقشه لر چکوب مسموم ائده قوم عدو صادقه سسلیرم بالا وئر منه ایندی ذرّه سو کربوبلایه یوز دوتوب سسلدیم عطشان ای عمو گلمَسه مادر اُلمَرم باقرآل حیدرم . نفَس دوشوب تلاطمه ستاره ی سحر منم عمرومون اوسته یل اَسیر عرشه ائدن نظر منم پارچالانان جگر منم، زَهر ائلیین اثر منم لحظه ی مرگه «سیدی» حقّیله باخبر منم اول مَلَکَه منتظرم باقرآل حیدرم