❣زبانحال حضرت زینب(س)بامادر❣ آزعمر ائدن جوان ئولن گجیله گئتمه آی ننه نَه تِز گینموسن کفن ،گجیله گئتمه آی ننه گورَنده هَر کبوترین سینوب قَنادی آغلارام اذان سَسینده جَدّیمون گلنده آدی آغلارام بوائوده سَنسیزآی ننه گونوم قرادی آغلارام سولوبدی گلشن وچمن گجیله گئتمه آی ننه یتیم اوشاقلارون ننه نجه بوائوده ساخلاشار باخانداگُل جنازووَه حسن حسین قوجاقلاشار قوجاقلاشار ایکی بالون ائواهلی باهم آغلاشار دیَرحسین دیَرحسن گجیله گئتمه آی ننه جوانلیقوندا قبره سن سفربساطی باغلادون بوگئتمگونله آی ننه یارالی قلبی داغلادون کچَن گجه بو زُلفیمه وراندا شانه آغلادون اولوبدی یولداشیم مِحن گجیله گئتمه آی ننه اوجادان آغلاسام اولار بوآیریلیق جهانه فاش اَلیمی قوینوماقویوب سیزیلدارام یاواش یاواش نَنم گنَه بوزُلفیمه وریدی شانه بیرده کاش شکسته قلبی ائت وطن گجیله گئتمه آی ننه کچَن زمانه بو ائوَه دوباره یوخ گمان گَله پیمبره قوناق گئدن گئدور ولی هاچان گله آماندی گئتمه قورخورام قاپونی یاندیران گله گلر او عامل فِتَن ، گجیله گئتمه آی ننه. .